يا دينق .. (تعال بي جاي)..

يا دينق يا أخي الكريم..
أتمني ان تكون بخير..
بحسن نية أخاطبك بصفة الزمالة وكثيرون غيرك هنا من الزملاء والقراء لابتدار حملة لأجل صاحب القصة التالية:
هنا أُعيد بعض التقدمة لبوست سابق بخصوص هذا المريض
محمد الحسن الذي تجدون قصته ومأساته في بوست منفصل عنوانه:
محمد الحسن يا تلحقوهو يا ما تلحقوهو .. فيكم الخير.
وهو طفل لم يبلغ الحلم من إحدي قري جنوب الجزيرة رقيق الحال مريض بالصرع_عافاكم الله وحفظكم من كل شر_
كل الشهادات التي يحملها من مستشفي مدني والتي يجددها شهريا تؤكد ذلك..
بمساعدة اهل الخير ومن علي البعد نتمكن بتوفيق من الله توفير جرعات الدواء المرهقه للمريض وأسرته الفقيرة.
الآن..
أرجوكم أن تقفوا مع الصغير ولو بتحويل جنيه واحد فقط رصيد يتمكن به من توفير جرعة الدواء التي يخشي انقطاعهاإلي درجة الرعب وقد كان يتكلم معي يوم الخميس وخوف الدنيا كله في صوته أن ينقطع الدواء فيجري ويصرخ ويغيب عن الوعي.
ود الباوقة ..معاوية عبيد الصائم.. هشام ود الناظر.. ملاسي والكوكبة الفريدة من الاعضاء والقراء..
سألتكم بالله ان تمدوا يد العون لهذا المسكين وإليكم رقم تليفونه مباشرة يمكنكم الحديث معه والتأكد منه مساعدته ما امكن ذلك وبأعجل ما تيسر فالمرض لا ينتظر والله علي ما أقول شهيد وما كنتُ أناشدكم هنا لولا علمي بالظروف الصحية لهذا المريض.
محمد الحسن0916532366
...............................................................................................
ومن جديد نداء:
أخي دينق ..
ومعاوية الصائم..
الرفاعي حجر..
مكرر..
الزملاء..
القراء..

الأخ/ محمد قسم الله
ياريت لو تجيب لينا أسم الدواء
أو لو متوفر بالسودان تكلفته وجزاك الله خير
مع الدعوات للمريض بأن يمن الله عليه بالشفاء

ما فادر أفهم!!

لماذا تقوم بتخصيص بوست معنون بأسمي وأنت تدري جيدا أني في أخر بوست كتبته أدنت فيه عنصريتك التي كتبتها هنا؟

Quote: لماذا تقوم بتخصيص بوست معنون بأسمي

من حقك أن تعترض علي ذلك؟؟
زمن حقك ان تطالب بالحذف حتي..
وأقولها علي الملأ..
هي مبادرة لصفحة جديدة بيني وبينك ..



...........................................................
والبوست لك..
وللزملاء ..
وللقراء..
لأجل دعم المريض المذكور أعلاه..

Quote: وأقولها علي الملأ.. هي مبادرة لصفحة جديدة بيني وبينك ..

تحياتي محمد قسم الله
ابشر بالخير والله ناس سودانيز
ديل مشهود ليهم بوقفتهم الجميلة
مع كل صاحب مشكله ربنا يجزيهم
خير الجزاء ويجعله في ميزان حسناتهم
ولو امكن يامحمد تضع اسم الدواء
البقدر يساهم بي دواء ممكن
والبقدر مساهمات مادية اوكي
تسلم

نسأل الله له الشفاء

وجاهز للمساهمة مع مجموعة جدة ان شاء الله


مودتي

الرحـــال

الإخوان..
سليمان القرشي..
أشرف الرحال ..
مرحبا بكما أولاً في البورد..
أشكرك يا أشرف علي التفاعل مع المريض..

يا طوربيد ايدك معانا..

Quote: ياريت لو تجيب لينا أسم الدواء أو لو متوفر بالسودان تكلفته وجزاك الله خير

الأخ معروف حمدين..
تحياتي..
سبق لأخينا معاوية الصائم جزاه الله خيراً إرسال صندوق من الدواء للمريض استخدمه الشهر الماضي لنصف شهر بعد أن اشتري جرعة نصف شهر إضافية..
وأرسل معاوية صندوقين ولكن لم يتم الإستلام..
وأحد الإخوة من ألمانيا دعم المريض بمبلغ مادي قبل شهرين تقريباً..
لكن الأحد القادم موعد المقابلة الشهرية للمريض مع الطبيب المتابع للحالة وهو لا يمتلك تفقات المقابلة وجرعة الشهر الجديد فبراير..

الدواء إسمه Tegretol 200 mg
وهو دواء للصرع _ حفظكم الله
هذا المريض مقررة له جرعة بواقع خمس حبات صباحاً وخمس حبات مساءاً
أي انه يحتاج لشريط كامل يومياًوثلاثين شريط شهرياًتبلغ قيمتها الشهرية 380 جنيه فقط ثلاثمائة وثمانين جنيه سوداني لا غير.
الدواء متوفر بالصيدليات في ودمدني كما يقول المريض الذي يداوم علي الشراء شهرياً وتمنعه ظروفه الصعبة كثيراً من شراء العلاج..
المريض يقيم في قرية إسمها ربجيت الخوالدة ريفي المدينة عرب محلية جنوب الجزيرة
وهي قرية تقع إلي الغرب من ودمدني ..
لمزيد من التفاصيل من شخص المريض مباشرة عبر رقم التليفون المذكور أعلي البوست.
لك كل التقدير يا معروف.

هو ذات الدواء الذي أورد صورته معاوية الصائم..
والطوربيد لا أُريد أن أقصم ظهره هنا وهو يقدم دعمه للمريض ويواصل الإتصال به عبر الهاتف ..
لكن بين الليلة وبكرة وبعد بكرة يتعشم محمد الحسن في توفير (حق الدكتور) و(حق الدواء)..
لا أُريد أن أكون مِشطاطاً ملحاحاً عليكم ولكن دعوني أحكي لكم بعضاً من معاناة محمد الحسن..
هل تصدقون أن محمد الحسن كان مقيداً بالسلاسل فتصيبه نوبة الصرع بكل قسوتها وكل هياجها العنيف
وهو مربوط خشية أن يجري ويقفز فوق المنازل وفوق الحوائط وهو غائب عن وعيه..
كان يستسلم للصراخ والنوبة المرعبة وتبعاتها القبيحة تحت سطوة السلاسل دون أن يقوي أهله علي فعل شئ بسبب ظروفهم الصعبة..
حتي بدأ في العلاج الذي خفف عليه كثيراً وطأة المرض.

Quote: ما فادر أفهم!! لماذا تقوم بتخصيص بوست معنون بأسمي وأنت تدري جيدا أني في أخر بوست كتبته أدنت فيه عنصريتك التي كتبتها هنا؟

انت البورد ده مافيه ناس بساعدو غير الناس البتنادي فيهم ديل ولا كيف؟؟

خم وصر اها ختاها ليك عديل كده...ما عارفك قاعد تكسر في التلج لي متين؟

قبل كده فتح ليك بوست عديل ومسح بيك ارض الموقع وانت برضو جايي جاري تكسر في التلج.

تستاهل يديك بي الحته الفيها الحديده.

الشيخ البوست ده ما ليك..
أمرق يمرق جلدك..
عندك دعم زي الرجال جيبو ما عندك أمشي بعيد مشي فيك قطر نيالا..

Quote: تكسر في التلج

يكسر رقبتك..
حركات النسوان ما تعملا لينا هنا وما تنحرف لينا بالبوست عن هدفو الأساسي..
تعرف ..
انتا واحد تكيسه ساي..



تكيسه دي أسأل منهاحبوبة صلاح غريبة..

تم فتح حساب باسم المريض بغرض الدعم..
الحسن عبد الله ابراهيم أحمد
رقم الحساب 69917
بنك الإدخار فرع السوق الجديد مدني

النداء للجميع بعد الإتصال بالمريض للتأكد علي رقم هاتفه.

Quote: الشيخ البوست ده ما ليك.. أمرق يمرق جلدك.. عندك دعم زي الرجال جيبو ما عندك أمشي بعيد مشي فيك قطر نيالا.. Quote: تكسر في التلج يكسر رقبتك.. حركات النسوان ما تعملا لينا هنا وما تنحرف لينا بالبوست عن هدفو الأساسي.. تعرف .. انتا واحد تكيسه ساي.. تكيسه دي أسأل منهاحبوبة صلاح غريبة..

البوست مش لي أنا لي "دينق" مش كده.

دينق ختاها ليك في الثابته وقال ليك عديل كده انت فاتح لي بوست ليه.

اقعد كسر في التلج ...وخليهو يديك بي الحته الفيها الحديده لمن رأسك يورم..ده كان عندك راس.
بعدين انت شابكنا مساعده مساعده...انت مساعدتك وينا؟ البيستلما منو؟

قلت لي انحراف البوست من غرضو الاساسي...صدقني انت عقلك المنحرف مش البوست...اذا كنت فعلآ تدعو للمساعده ...أكتب زي الرجال..افتح بوست وقول لي اهل الخير نرجو مساعدة هذا الطفل"نسأل الله تعالى أن يشفيه ويعافيه".
لكن انت كتبت البوست استعطافآ لي "دينق"...وياريتو هبب ليك الموضوع...ياخي ده شاتك بي شلوت كرباوي.

انت شخص غير جدير بالإحترام وعار على المنبر ...لذلك دائمآ أراك في آخر الصفوف تستجدي موائد اللئام...ويا ليتهم منحوك بعضآ من الفتات...فهو ما يناسب من هم على شاكلتك.

الشيخ سيد أحمد
كيف أسماك ابوك شيخاً وأنت تحمل (مخ جداده)
أيها ال######..
أنت لن تخبرني كيف أدعم مثل هؤلاء البسطاء الذين تفسد عليهم برعونتك أمكانية مساهمة أهل الخير..
تعال معي لأخبرك العشرات مثل محمد الحسن ومشكلاتهم وكيف نحاول مع آخرين فعل شئ تحت الشمس الحارة لأجلهم..
لا أستجدي أحداً أيها ال######## الحويقد..
والنداء لمريض مرفق معه رقم تليفونه للتأكد منه وكنتُ بصدد رفع شهادات طبية لمزيد من التأكيد..
ليس لي مصلحة مع دينق لكن يمكن توجيه النداء له ولغيره وللجميع وليس لك أنت لأنك لا تجيد إلا أمور النسونه والقيل والقال وكثرة السؤال.. ..
دع عنك المكارم لا تخرج لبغيتها واقعد فإنك انتَ الطاعم الكاسي..
أمور الرجال خليها للرجال البيعرفو الحارة وختتة الكشف..
الشيخ ..
إلي هنا لن اواصل في هذا البوست..
فقد انحرفت مشكوراً للمهاترة دون أن تفعل شئ (بتاع رجال)..
وذنب محمد الحسن في رقبتك إن أنت قطعتَ عليه الطريق من أمكانية إستمرارية النداء والتفاعل معه لأجل محمد الحسن..
يا أخي كان يمكنك فتح بوست شتيمه وسباب باسمي وامسح بي أرض الموقع كما تشاء حتي ترضي نفسك المريضة..
ولكن بعيداً عن بوست هذا المسكين الذي سيقابل الطبيب يوم الاحدولا يمتلك مليم أحمر..
ولكن الرجال ما نايمين..
الشيخ ..
أرجل يا زول..

Quote: انت البورد ده مافيه ناس بساعدو غير الناس البتنادي فيهم ديل ولا كيف؟؟

ما في زول ماسك يدك ..
قدامك رقم الحساب وتلفون الزول العيان..
.
.
.
.

Quote: انت البورد ده مافيه ناس بساعدو غير الناس البتنادي فيهم ديل ولا كيف؟؟

الأخ/ محمد
معليش أكون معكـ صريح فى مثل هذه البوستات مع كل أحترامي
للأخوان الذين ذكرتهم .. إلا أن التخصيص فى مثل هذه الأشياء
مخل بالموضوع وكل الأعضاء أو حتى قراء المنبر عودونا دائماً
على أياديهم البيضاء والوقوف إلى جانب المحتاجين ..
أنا لا أعضد من موقف الشيخ ولكن رؤيته صحيحة ..
ولك الأحترام والتقدير

شكرا لكم.