Post: #1 Title: أنا شــــايقي . Author: عمران حسن صالح Date: 01-27-2013, 01:05 PM Parent: #0
فجأتن كدي جاتني حالة بتاعة قعونجات وحبيت أعرِف نفسي ما عارف ليه ؟ يمكن السبب إني شايقي :) أحمل من جينات الغتاتة الكثير " حسب تعريف بني كجَه " مولود وبيني وبين النيل ميتين متر ، ورغم إني مرقت من البكان المضلِم داكـ وأنا لا أستطيع أن أنطق اسم أمي صحيحاً ، لكني وكل ما ذهبت لزيارة أهلي ، بلد بي تِحِت أحس بحنين عجيب جداً لباقي النيمة الكانت قرب باب الكُشر كتير جداً بتذكر طعم القراصة الهرونــا بيها من صغار ومديدة الحلبة المالية الحلة ريحة كلما أتى الليل وصوت الحمير لامن تهنِق بالليل والليمونة الكانت مدفونة تحت زير ناس أمي " حاجة الشاتي " والشلتها من البيت " تحت الزير " دون أن أخطر أحداً وأخذت علقة من الوالد الحبيب لأنو اعتبرني سرقتها . وسرقتي لحمار عمي على صالح " الله يرحمو " كلما أرسلني أبي لسوق مروي من أجل " الصعوت " وصوت رادي عمي الأخدر الشبع خبت بالعصاية كلما شخشخ صوتو آخر مرَة مشيت سنة 2008 جيت شايل معاي بوست :
Quote: لم تعطنا تربية المدينة كل دسم ( البلد ) الذي افتقدناه ... والبلد هي مصطلح (مسقط الرأس) عند أهلي الشايقية .. فإن ذهب (الشايقي) إلى أقرب المُدن كان الأمر سفـــــراً خارج (البلد) .. رغم أن الأمر تمَ من غير " زوادة " ** والبلد دائماً لها ذات الصفات والتصرفات (واللمَات ) والمشاوير اليومية ... البهايم ومشوار (حش القش العصراوي) يتشابه في كل البيوت ... صوت النعاج وهي تنتظر وجبة العشاء ( البرسيمي الطازجة) .. يتشابه في كل البيوت (والحريم ) في طريقهن إلى البيوت "والشمس إلى زوال تقريباً " (والواقود) أعلى الرأس ( يتمخطر ) في ذات الهيبة إلى أجله المحتوم وقوداً ( لقُرَاصة ) العشاء.... ريحة لبن شاي المغرب (المقنن) والذي أيضاً يتشابه في كل البيوت ....
Quote: أنا زول مولود في الضلمه جنب البحر وسط النخيل (أبو دوم مركز مروي ) وأمي بت عم أبوي ما يجي واحد من شايقية لندن ديل يغالطني
..... هو الموضوع كان شنو ؟؟ أيوا اتذكرت بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟
Post: #2 Title: Re: أنا شــــايقي . Author: أيمن محمود Date: 01-27-2013, 01:16 PM Parent: #1
Quote: بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟
نضمن كيف انو سؤالك ده ما غتيت ؟ أحب الشوايقة والما شوايقة
Post: #4 Title: Re: أنا شــــايقي . Author: عمران حسن صالح Date: 01-27-2013, 01:32 PM Parent: #2
هلا بكـ * أيمن محمود وباعتباركـ برلوم لسه ما عرفنا " مويتكـ " لكن كساتر من حسي بسألكـ : إنت بتآكل ويكــه ؟
يكفي ان يكون لك لك اخ او جار من الشوايقة لتكتشف انه انت او اخ لك لم تلده امك
يكفي ان يقابلك شايقي في الغربة فيكون لك السند والعضد الذي تحلم به
ويكون لك السودان متمثلا في شخص.
تحياتي يا ابو محمد
احبكم ياخي واحب (حنانكم) زاتو
_______
والدتي عندها طلب مقدم لشقيقتها الشايقية عشان تنتمي ليهم فطلبت منها ان يمضي 35 مليون سوداني عشان يقبلوها
Post: #18 Title: Re: أنا شــــايقي . Author: عمران حسن صالح Date: 01-27-2013, 02:30 PM
Quote: احبكم ياخي واحب (حنانكم) زاتو
الدكتور " الطاعم " خالس خالس السنوسي بدر ياخي حالتكـ ما مشيت القُرير * اليجيكـ ود جبرين المسخوط ويتم ليكـ الباقي :)
___________ * المحل الطلعوا منو الشوايقة يبكوا
Post: #10 Title: Re: أنا شــــايقي . Author: خالد احمد محمد Date: 01-27-2013, 01:57 PM Parent: #6
شكرا ليك يا عمران على الكلام المشلخ السمح ده ... وصدقنى (بلود ) بى تحت وبى فوق كلها قاعد تتشابه فى ديارنا الجميلة ديك بى بناتها خدارها وواقودها ونخيلها وبناتها السمحات المفرزعات وسط الجروف ينافسن وبقوة اجمل حسان العالم بهاء واناقة ..... واب دوم مركز مروى دى ذكرتنى حبوباتنا والواحدة تلقاها حاضنة الرادى من الساعة اتنين ونص فى انتظار نشرة تلاتة وخصوصا نشرة الوفيات زمن ماكان فى جوال وفجاتن تسمع وووووب على فلان مات !!!! توفى فلان الفلانى اخو فلان وولد فلان وودعم علان من ( ...... ) مركز مروى ...... الكلام ده زمن ( الصائح ) كان اتنين من الشباب الاقوياء من اصحاب الحمير الفارهة التى تستطيع عبور عدد من القرى لنشر خبر وفاة او عودة غائب ...... من الزومة احلى سلام يا قريبى ....
Post: #22 Title: Re: أنا شــــايقي . Author: عمران حسن صالح Date: 01-27-2013, 02:43 PM Parent: #10
Quote: من الزومة احلى سلام يا قريبى ....
أها يا خالد متل الريدة والاحترام البنشيلو لبعض ده هو الهارد فشفاش بعض " الأشقياء " زينا زي أيِ مجتمع فينا الطالح والصالح والغتيت والخربان كلو كلو . بس بينا المحنَة والاحترام أنا على مستواي الشخصي لا يهمني كثيراً أن أكون شايقي أو حلبي :) ، يهمني أن لا يعيرني أحد بأني شايقي وأننا أهل غل وغبائن وغتاتات وكلام كتير فارغ في تلكـ اللحظة سأرفع الإعلان عالياً : أنا شايقي
Post: #12 Title: Re: أنا شــــايقي . Author: عمران حسن صالح Date: 01-27-2013, 02:12 PM Parent: #6
ياعمران عليك الله تجلي وضاحة دي هي صحي صحبتي لكن كك * اصيل
ــــــــــــــ * احسن ناس .
Post: #50 Title: Re: أنا شــــايقي . Author: عمران حسن صالح Date: 01-28-2013, 06:36 AM Parent: #14
Quote: بس نسوانن كدايس بخربشوا وخاصة مرت الولد
عشان كدي يا أخت وضاحة أم محمد رفيقة العمر جعلية قلبه حااااار تسد عين الشمس أكان ربطت جزلاني زماااااااااااان كان تخارجت
Post: #11 Title: Re: أنا شــــايقي . Author: عمران حسن صالح Date: 01-27-2013, 01:58 PM Parent: #5
Quote: لكن مامستفيد ..
ده ما ياهو الجايب لينا الهوا يا فايز ، بقت الحكاية مربوطة حسي بالنضم الفارغ ده ، لكن بيني وبينكـ زولنا اسماعيل حسن بيديكـ الإحساس ده لامن يقول :
Quote: يوم تموت ينعوك في كل الجرايد ويكتبوا عنك قصائد والخطيب واقف يوصف كان وكان كان وحيد هذا الزمان بس تصور ..يا فلان وينسبوك لي كم قبيلة بي فروعك وبي اصولك ويصبحوا أهلك كتار وكلهم ناس سمان بس تصور يا فلان لو قبيل اتلموا فوقك وأنت حي وكل زول أداك ريال كنت واثق...كنت لي أسع دا..حي ياحليلك يافلان
Post: #7 Title: Re: أنا شــــايقي . Author: عمران حسن صالح Date: 01-27-2013, 01:49 PM Parent: #3
أها يا صبري إنت كمان جيتني بالحتة الفيها الحديدة صوت الطنبور تصدق بيخليني زي العايز ( أبكي ) رغم إنو تربيتي كانت وسط ناس ود القاضي الحبشي مرات بجيني إحساس إنو شعري بالشايقي كان ممكن يكون حسي مالي قنوات النيل الأزرق والشروق :) كان اتربيت وسط الناس الحنان نضال حسن الحاج دي فايتانا بشنو ؟
Post: #9 Title: Re: أنا شــــايقي . Author: حيدر حسن ميرغني Date: 01-27-2013, 01:53 PM Parent: #7
Post: #17 Title: Re: أنا شــــايقي . Author: أحمد الشايقي Date: 01-27-2013, 02:23 PM Parent: #9
شكرا عمران فقد عبرت عني,
وفي وسط كم هائل من الدعاية السلبية ليس فقط من صاحب لفظة (العواليق) وافاعيله في الأبرياء طالبي الحقوق ولكن أيضاً النكات التي أصبحت ممضوغة بهبل شديد وأفاعيل غيرهم مثل صاحب (الحقنة) الشهيرة ...
هذه الكراهية تمشي على قدمين لم يجلبها أحد لاسم قبيلته مثلما جلبها هؤلاء رغم استمرار تأكيدنا بأن قبيلة هؤلاء هي معتقدهم السياسي وليس غير
تحياتي
أحمد الشايقي
Post: #65 Title: Re: أنا شــــايقي . Author: عمران حسن صالح Date: 01-29-2013, 06:22 AM Parent: #17
أستاذي الفاضل أحمد الشايقي لكـ التحايا والاحترام
Quote: هذه الكراهية تمشي على قدمين لم يجلبها أحد لاسم قبيلته مثلما جلبها هؤلاء رغم استمرار تأكيدنا بأن قبيلة هؤلاء هي معتقدهم السياسي وليس غير
يظل بني وطني أصحاب جمال غير أن أصحاب الصوت العالي " قليلي العدد والمعتقد " هم من يجلبون لنا عار الفهم والتصرف نسأل الله العافية
Post: #53 Title: Re: أنا شــــايقي . Author: عمران حسن صالح Date: 01-28-2013, 06:47 AM Parent: #9
Quote: هسع عمران صاحبي ده شوفتي جزلانو وين
يا حيدر كيفنكـ في زمن فات كنا موظفين منظمات بأحد معسكرات جنوب القضارف ، وبحكم تواجدنا وسط اللاجئين الأثيوبين كنا قريبين منهم جداً بالليل جات مرة داخلة علينا تكوركـ الحقو الراجل ، مشينا لقينا كم واحد متلمين عايزين يقلعو الراجل رجلو الصناعية المليانة قروش قالو هم أقاربو والراجل من عرفو أيِ خمسمية جنيه تتلم يشيله ويحشره في رجلو وهو حسي قرب يفارق وعايزين يلمو منو اللماهو أها أنا " كشايقي " قربت اتم الخمستاشر سنة وسط أعراب نجد أكان سويت سواة الحبشي ده حسي أكان أكون جار المشير في كافوري
Post: #15 Title: Re: أنا شــــايقي . Author: رانيه محمد الشيخ Date: 01-27-2013, 02:15 PM Parent: #1
يا زول يعنى لصراحه كده بيعجبنى فيهم الشعر الناعم واللون الغامض امتزاج جمالى عججججججججججججججججججججيب والعيون السوده البتخلى الطير يقع من سماه وملامح الما دشنه لكن يعنى لصراحه كده مخهم فى الحريم كعب شدددددددددددددددددددديد برغم انهم رومانسيين قادر الله وغيورين غيرة اخنق فطس لكن يعنى لصراحه كده الشكك دا ماااااااااااااااا حلو وان الانثى مفروض تكون مفعوصه طوالى معاهم المهم حمشين ودمهم حار لكن بالجنبه كده عينهم زايغه ويحبوا الهبطرش لكن مع ناس البيت العين قويه زى الصقر ودا انفصال فى الشخوصه ما جميل :)))))
Post: #19 Title: Re: أنا شــــايقي . Author: osman righeem Date: 01-27-2013, 02:36 PM Parent: #15
البوست ده انا بعتبر نفسي ما شفتو
يا عمران الشوابقة في محلية مروي 87000 نسمة في ريفي ومدينة الحصاحبصا 68000 نسمة في الحاج يوسف و شرق النيل 400,000 نسمة في ولاية الخرطوم عموم قريب 2 مليون
Quote: يا عمران الشوابقة في محلية مروي 87000 نسمة في ريفي ومدينة الحصاحبصا 68000 نسمة في الحاج يوسف و شرق النيل 400,000 نسمة في ولاية الخرطوم عموم قريب 2 مليون شوفولنا الوطن البديل
قبل فترة كان في خبر بتاع مظاهرات في مروي دعما لي قوش
نزلت الخبر ومعاه صور وانا متأكد انه مافي اي زول قبلي نزل الخبر هنا
جوني ليك كمية من الناس ناطين وشبكوني ليك عشان قريبك وما عارف شنو وشنو وقدر ما طولت بالي ما وصلت معاهم لي نتيجة ... المهم خليت ليهم البوست ومشيت ... بعد يومي جاء واحد اسمه الدومة حنضل منو كده ما عارف ... عمل كوبي بست للخبر ... جو نفس الناس شبكوه النضال والنصال وهلمجرا .... حينها تحسرت على سودان كان بين يدينا ....
احبك ياقريبي واحب الشوايقة من اولهم لي اخرهم وكان ما جيت من زي ديل يا اسفاي يا ماساتي يا زلي
Post: #80 Title: Re: أنا شــــايقي . Author: عمران حسن صالح Date: 02-03-2013, 06:18 AM Parent: #37
نهديك قول اخونا حاتم حسن الدابي الفنان فيموجة الدهب
ياحليل الحريم دمعن انسكب قالن الرجال فاتو الدهب فرحن اول شى والخيال كضب الواحدة تتلقاك تضحك باسطة تب تحلم بالقروش وتحلم بالدهب كملن الصبر والكلام وجب لامن الفرح فيهن اتقلب والضحك الكتير الليلة صار غضب شكوي للكريم وقدمن الطلب قالن الرجال كايسين السبب شردو من البيوت والوضع صعب لا رجعو للبيوت لا جابو الدهب المعرس والعذب قام فات الدهب والبي السنين اغترب قال ماشى الدهب اصحاب الرتب فاتو الدهب يااهل الترب قومو للدهب اللقى السبب من البيت هرب قالو مشى الدهب قعدن الحريم وحرسن البيوت وسافر اب شنب الخلة العروس فى شهر العسلوساق ابو النسب وفاتو الدهب قولو للشيوخ الشراد وجب والحقو الدهب ملوك الطرب بطلو الغنا وفاتو الدهب المعلمين الواحد كان كتب يكتب الدهب طلاب المدارس فارقو الكتاب وبقرو فى الدهب أئمة المساجد وجهو الخطب لى خير الدهب حتى الاطفال اتخيلو اللعب مصنوعة من دهب ياهيثم والعجب بطلو الكفر وقومو للدهب الناس فى تعب والتعب كعب حايمين بالهجير زي كلاب لهب الدماغ يفور ويحرق العصب والمرض خطير ونحن فى مطب بي سبب الدهب الحقو الاسر من مرض الدهب دة خلى المجتمع للريح فى مهب والرجع عيان بي وجع ركب والنصيح يئن قاعد فوق لهب الكريم رازق ورزقو ما اتحجب بس الزمو اليقين دون ضجيج وسب يااهلنا الفى البيوت كان غاب اب شنب بيلعب اب ضنب وكان لعب اب ضنب الوضع اضطرب ولو الوضع اضطرب يبقى كل شى ذهب والسبب الدهب
قولة ازيك وكيف الحال واهلاً ياخى حبابك عشرة من دون كشرة والف سلام وين القاها بعيد عن بلدى ولقمة كسرى ولو بى مويه مع ست ريدى وين القاها بعيد عن بلدى آه يا بلدى ومليون آهة وحاتك غيرك مالى عزة ومافى وجاهة *** وقع ما سمى قلبى وحاتك مما فاتك يوم ما انجم آه يا بلدى يا زول قادل جلابيى فرد ويحيدى قديمى نضيفى سيف كاويها قانع بيها وبارم العمى نفس غنيانى جيوبك فاضى بس للمحتاجين دايماً مليانى عليك عوافى يا المابتعرف قولة مافى وما بديك ما عندك ضمة وساعة الحارة وكت تتلم ديوش وديوش ما بتندس حرم فى الحوش جفير سكينك تجدعو غادى دمك يغلى تفور وتهوش تبشر زين تنطط زين تقول فى دارك عندك بوش وعدوك لى بعضو يصيح حوش مسور يا بلدى ومابتنحاش يا المتل الغيم للفى بيوضة يجيبلو رذاذ ومعاهو دعاش يا الذكرك دايماً فى قلبى يا الزارع الورد على دربى انا ابنك عاق جافيت حبى وجيت هنا فى الغربة متكرن طاش بكيت وبكيت والشوف من عينى بقالى طشاش قروش الجن دى اريت يا وطنى بعيد عن ارضك ما تتلم
انا شوفت ارضنا قبل سنوات بس.. وفرحانة ببلدي وبشايقيتي كأني عشت فيها من ساعة ولدوني.. ومابيأثر في حبي الكلام الفاضي نوع دي عنصرية منكم ساكت.. واي زول ما بيحب منطقتو عنده اسبابه.. والبيحب منطقته عنده أسبابه والموضوع في نهايته حنين وتجارب وذكريات وأرض وخالات وعمات وجدود..ودم يخليك تحن لأي حاجة هناك.. زي حنينك لأمك وأبوك... ........ ........ أما بعد.. بالبتشتموا الشايقة بسبب (البعض) إنتو غلطانين.. لأنه البعض ده موجود في كل القبائل وكان دايرين ممكن نعدهم .. وإن كمان دايرين الشايقي ينكر إنه شايقي.. برضه دي ما بتلقوها.. في شان شنو ينكر محنته وحبه لاهله السمحين وأرضه؟ سلام للزومة فوق والزومة تحت..وكريمة ومروي والمقل..وشوق رهيب لنوري والبركل والحزيمة و...و..... وأنا ماشية ليهم كلهم قريب..
......... .........
شايقية وهلالابية أحمد الله
سلام يا عمران
Post: #27 Title: Re: أنا شــــايقي . Author: ناصر حسين محمد Date: 01-27-2013, 03:33 PM Parent: #26
تغيرت نظرتي للشايقية تماما بفعل احتكاكي بهم فهم ابناء بلد اصيلين ،، وابناء عمومتنا ،، واحترت في مصدر النكات البتحكي عنهم لانها مخالفة للحقيقة
كســـــــــــرة شايقية :
شايقي سايق كارو لاقهو جماعة الرفق بالحيوان جلدوه اربعين سوط في ظهره رجع البيت ظهره مورم ،، دخلته يكورك لمرته :( يانفيسي ،، يانفيسي ) ظهري يانفيسي ،،
مرته : مالو ظهرك ،، فيه شنو الشايقي : لاقوني ناس الرفق بالحيوان ،، وقالوا الحمارة ما بتأكل ادوني اربعين سوط في ظهري ده ..! مرته : واشيليلي ،، واحليلي ، واشليلي طيب اكان شافوني انا ( يكتلوووووووكا )
Post: #57 Title: Re: أنا شــــايقي . Author: محمد الكامل عبد الحليم Date: 01-28-2013, 08:00 AM Parent: #27
حنان وجدعان ...يكتلم الشوق...تاسرهم الكليمي الطيبي وتقودهم الي حتفهم وهم راضون بي فسمتهم القسما ربهم خالق الجود والموجود...
Post: #28 Title: Re: أنا شــــايقي . Author: عبد اللطيف بكري أحمد Date: 01-27-2013, 03:34 PM Parent: #26
Quote: شايقية وهلالابية أحمد الله
سلام يا عمران
حرم يابت العم كمان كان قلتي كدا وختيتي معاها ريــال مدريد أمانة ما تكوني أسعدتينا أن وأخوي عمران دا !!
هييييع !!!
ياعمران بمناسبة الريــال : علي ولدي عمره خمسة سنوات مدريدي قح ، قام جلط شعرو كدا وجاني قالي لي Dadi, does it look like Christiano's ? x قلت ليه لا لا ، شعرك شين !! قما زعل قال لي : you want to say that it looks like Arbeloa's?x والله ضحكت من رباطابيتو ومن معرفتو لأسماء اللاعبين الجيدين والمكروهين من المشجعين!!
فأتي لي بقبيلة فيها ثلاث طوارق بوزن من ذكرت...من حيث الزوق والادب واللطافة والشهامة والتجرد والابداع ونكران الذات...والحنية والموهبة والرجالة....وعييييييك قل ما شئت
Post: #29 Title: Re: أنا شــــايقي . Author: عبد اللطيف بكري أحمد Date: 01-27-2013, 03:40 PM Parent: #15
Quote: يا زول يعنى لصراحه كده بيعجبنى فيهم الشعر الناعم واللون الغامض امتزاج جمالى عججججججججججججججججججججيب والعيون السوده البتخلى الطير يقع من سماه وملامح الما دشنه لكن يعنى لصراحه كده مخهم فى الحريم كعب شدددددددددددددددددددديد برغم انهم رومانسيين قادر الله وغيورين غيرة اخنق فطس لكن يعنى لصراحه كده الشكك دا ماااااااااااااااا حلو وان الانثى مفروض تكون مفعوصه طوالى معاهم المهم حمشين ودمهم حار لكن بالجنبه كده عينهم زايغه ويحبوا الهبطرش لكن مع ناس البيت العين قويه زى الصقر ودا انفصال فى الشخوصه ما جميل :))))
Post: #39 Title: Re: أنا شــــايقي . Author: خالد احمد محمد Date: 01-27-2013, 04:29 PM Parent: #36
مساء جميل لكل المارين بى جاى ..... وتحية خاصة للزول الكتابتو طاعمة اخونا ( عمران ) ..... ومادام كترت سيرة انو الشوايقة ديل ناس مميزين ( وش ضاحك ) لازمن تجى سيرة التريال المميز ( معلقات الشايقية ) ( العابرات ) ( محمد احمد الحبيب ) ..... كدى شوفو الزول ده قاعد يقول شنو وحجم الجمال الداخلى الساكن الزول ده والناس الحوالينو : يا عابرة عبر الدم شايلك شرايني أنا بي لقاك مهتم بس كيف تلاقيني لو عمري يتقدم وأضمن تلاقيني أنا بعدو ما بندم لو مُتَّ في حيني دنيا العذاب والهم ماشيها وحداني لي غيري بتبسم وفي قلبي احزاني رغم الصبر علقم في صبري متفاني مع اني بتألم من جوة وجداني الطيف يزيدني اشواق في النوم يناجيني ويرحل بدون إشفاق ساعة يصحيني يا طيفا كان مشتاق لي مين مخليني طفل الغرام العاق .. ربيتو ومابيني يا عابرة دنيا الجن بي كل أعاصيرا لو سعدي ما ممكن احسن لي من غيرا أنا بي لقاك مؤمن لكني في حيره يصعب لقاك كيفن والدنيا بي خيرا نهر الاماني سراب يا عابرة ارويني غير ما السما الصباب طول مجافيني والليل يزيدني عذاب في جوفو يطويني كل ما الدمع ينساب من جفني يسقيني يا عابرة حتى الآن عينيكي آسراني سحراً ملكني زمان سكنتو اشعاري راجيك زمن عطشان ما صبت امطاري ليه في سحاب دخان يا القمرة تنضاري ؟ يا اماني لي بكرة والليلي والبارح شايلك معاي ذكرى كان واعي كان سارح بس يوم تبين سفرة يا عابرة بي الواضح في نيتي من فترة داير اجيك نازح آه لو قدرت اجيك .. رؤياك مراد عيني أكسير حياتي وشيك من حزني يشفيني من اشتياقي إليك يا عابرة دسيني ما بين رموش عينيك شيليني ختيني وأنا كنت شئ مجهول يا عابرة لولاكي مع أني أول زول من بين ضحاياكي فرشّتِي عمري الشاق اشعار من إملاكي كانت على الاطلاق أجمل هداياكي مصباحك المسحور جاهرني عاميني سايق خطاي مبهور يسوقني يوديني ما عارف المقدور بالفرقة راجيني خارج نطاق النور حايم حواليني عابرة الزمن ظلام .. في ظلمو متوالي بقت الحقيقة احلام واحزاني شيء عادي واصبح علي الزام كل ما صدح شادي اهديك مدى الايام .. ألحاني وانشادي
حكاية (عشماني والورر) من الحكاوي الظريفة التي قرأتها.. كاتبها حسن العليش من أبناء جزيرة مساوي... (عشماني) إحدى عجائز الحلة ولكنها ما زالت متشبثة بالحياة، تصر على ممارسة حياتها كباقي الناس. تركب حمارتا و(تندلا بي تحت) عشان تجيب القش للبهائم وتلقط خدار للملاح وتفسخ القنقر.. ولكنها في ذلك اليوم لم تضع في حسبانها ما يخبؤه لها القدر.. حينما قفز ذلك (الورر) اللعين أمام الحمارة.. ولنرى ما حدث... كما صاغه (حسن العليش):
قالت عشماني لصاحباتها وهي تحكي ما حدث
نهر حُمارتي والجبنة رأماني رأسي يسوي في التح ترح و بالضهاري شاققت طلعت بي دريب ود عدلان .. جيت عِند الحفير والجدول مليان والواطة شرباني والموية مدفقي في درب الساقي حُمارتي إتعدت وبي وسط العيش ماشي وأنده في الشرايف. أشوفلِك الورر المرق من الجدول الضكر وطار زي العُصار وإتقلب في حوض العيش والحمارة قالت بي كدي ورمتني علي صفحتي . البرسيم واللوبي كلو فوقي وقفيفتي بي مُلاحة إنكبت في المُوية.. كُراعي إتلوت مِن تِحت وساعةً طويلي وأنا في محلي وفي حالاً كُتُر وغالبني القومة . والورر سمع أضاني يسوي في البط بط مرقة في الدسامعة . وأنا راقدي في بِكيني نعلتو تكيتو صفحة صفحة قلتلو شكيتك علي الله ، وإنت أكان فيك فايدي ما سموك ورر يالعاطل ، حايم في الجروف وتمرُق من الحلفي تدخُل في الطرفي لا عندك شغلة ولا مشغلة ، العوم مِتل أخوانك ما قعد تعرفو تغطس زي الحجر وتبنقر في نُص البحر من خوفك . رفاقتك قاعدين وساكنين في الدالات والشلالات هِناك وسط الحجار والكير القاطِع في الحامداب.. الصغير فيهُن يشيل العروس بي عريسة فوق ضهرو ويعديهُن البحر في عِز الدميري.. أقعُد إنت هني أحبس الدروب والراكِب كُلو أهجمو وأرمو . رجيت الله يرميك في إيد الكراقنا والا التكارنة ينجضوك وياكلوك .
ولاد الحلال جابوني وصلوني لكن المخروقة والترقوي الدخلتن ما ب تمرق ومِنُو العوض وعليهُ العوض . وإتقلبت علي صفحتة وكوركت الحقوني الحقوني،، الكُراع الكُراع ، الإيد .. شكيتك علي الله يالورل ،،،،
Post: #41 Title: Re: أنا شــــايقي . Author: الفاتح سليمان Date: 01-27-2013, 05:14 PM Parent: #40
ها ناس هووي سلام
تحية لارض النيل كلها ولمروي المقل نوري القرير اوسلي كريمة
Post: #47 Title: Re: أنا شــــايقي . Author: عمران حسن صالح Date: 01-27-2013, 08:56 PM Parent: #40
معليش يا سادة يا طيبين حا أميَز حكاية مامان دي وبي لونه الأزرق زاتو لأنها بالجد متعتني طريقة الحكي
Quote: نهر حُمارتي والجبنة رأماني رأسي يسوي في التح ترح و بالضهاري شاققت طلعت بي دريب ود عدلان .. جيت عِند الحفير والجدول مليان والواطة شرباني والموية مدفقي في درب الساقي حُمارتي إتعدت وبي وسط العيش ماشي وأنده في الشرايف. أشوفلِك الورر المرق من الجدول الضكر وطار زي العُصار وإتقلب في حوض العيش والحمارة قالت بي كدي ورمتني علي صفحتي . البرسيم واللوبي كلو فوقي وقفيفتي بي مُلاحة إنكبت في المُوية.. كُراعي إتلوت مِن تِحت وساعةً طويلي وأنا في محلي وفي حالاً كُتُر وغالبني القومة . والورر سمع أضاني يسوي في البط بط مرقة في الدسامعة . وأنا راقدي في بِكيني نعلتو تكيتو صفحة صفحة قلتلو شكيتك علي الله ، وإنت أكان فيك فايدي ما سموك ورر يالعاطل ، حايم في الجروف وتمرُق من الحلفي تدخُل في الطرفي لا عندك شغلة ولا مشغلة ، العوم مِتل أخوانك ما قعد تعرفو تغطس زي الحجر وتبنقر في نُص البحر من خوفك . رفاقتك قاعدين وساكنين في الدالات والشلالات هِناك وسط الحجار والكير القاطِع في الحامداب.. الصغير فيهُن يشيل العروس بي عريسة فوق ضهرو ويعديهُن البحر في عِز الدميري.. أقعُد إنت هني أحبس الدروب والراكِب كُلو أهجمو وأرمو . رجيت الله يرميك في إيد الكراقنا والا التكارنة ينجضوك وياكلوك . ولاد الحلال جابوني وصلوني لكن المخروقة والترقوي الدخلتن ما ب تمرق ومِنُو العوض وعليهُ العوض . وإتقلبت علي صفحتة وكوركت الحقوني الحقوني،، الكُراع الكُراع ، الإيد .. شكيتك علي الله يالورل ،،،،
عندي عماتي إتربن في البلد وما طلعن منها ، واحدة الله يرحمه " أم الخير " والتانية " النعيمة أو النعمه " إتملت شيب لامن كنت اقعد اسمع القصص كنت استغرب للحبكة وطريقته العبارات العجيبة ولو غيرناها لاختلف المعنى وراحت روح الحكاية بنضم البلد الصااااااااااح داكـ . صدق في الوصف ضافت ليهو عبارات البيئة الكثير فصار مشهدا درامتيكيا ممتعا
Post: #56 Title: Re: أنا شــــايقي . Author: عمران حسن صالح Date: 01-28-2013, 07:03 AM Parent: #36
Quote: غايتو كان عندنا بت جيرانا شايقية جمرة
يا خالد عبد الله ده زاتو الجايب لينا الحسد
Post: #44 Title: Re: أنا شــــايقي . Author: رانيه محمد الشيخ Date: 01-27-2013, 07:17 PM Parent: #29
العفو يا عبد اللطيف عندى اولاد اهلى شوايقه وفرد لى شديد لكن دى الخلاصه من عشرتهم ههههههههههههههههههههههه
Post: #45 Title: Re: أنا شــــايقي . Author: صلاح عباس فقير Date: 01-27-2013, 07:48 PM Parent: #44
حيا الله عمران وضيوفه، من حق كل إنسان أن يعتز بذاتو وأهلو وقبيلتو! ومن حقو أيضاً أن يعتقد بأنو ناسو هم أحسن البشر! وتقريباً ده الشيء الطبيعي! ومن كان كذلك حقاً، فلن يعتدي أبداً على شعور الآخرين أيضاً بالانتماء إلى قبائلهم وأجناسهم!
وأصلاً مشكلة العنصرية لا تُحل إلا من خلال إحياء كلّ إنسان لقيم الاعتزاز بذاتو وناسو وأهلو!
فمسألة رمي قبيلة كاملة بالسوء والعنصرية، بسبب انتماء البعض ليها، ظاهرة برزت في هذا المنبر، وهي ظاهرة خطيرة وخاطئة!
Post: #51 Title: Re: أنا شــــايقي . Author: المسافر Date: 01-28-2013, 06:37 AM Parent: #49
Quote:
بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟
رسولنا الكريم (ص ) ربنا رفع له ذكره ووضع عنه وزره
وربنا كريم وبالناس رؤوف رحيم
انشاءالله بعد ده يجيب العواقب سليمة
Post: #52 Title: Re: أنا شــــايقي . Author: ود الباوقة Date: 01-28-2013, 06:41 AM Parent: #51
عثمان ود اليمني
عبد الله محمد خير
مصطفى شحرفان
نواصل
Post: #54 Title: Re: أنا شــــايقي . Author: عمران حسن صالح Date: 01-28-2013, 06:55 AM Parent: #15
Quote: ودا انفصال فى الشخوصه ما جميل
هو انفصال الشخوص ده تطير عيشتو ده معلَق في رقبة أيِ سوداني وخاصة القبائل المعنونة نفسة بأنها الأكبر طريقة التربية والتعامل بتخلق الإزدواج في شخصية الناس غصباً عنهم لكن بعد داكـ التعليم ومعاشرة باقي خلق الله بتعلم كتير لكن السؤال : هل يكون ذلكـ سبباً مباشراً لتقليل قيمة أحدهم باعتباره شايقي ؟ يفعل البعض ذلكـ للأسف الشديد علماً بأن بعض الآخرين من بني شايق وبسبب نظرة ضيقة وقلة فهم يكون رد فعلهم أسوأ وبالتالي تكون التهمة جاهزة بتعنصرهم .
... شكراً زميلة الحوش : رانية محمد الشيخ
Post: #58 Title: Re: أنا شــــايقي . Author: إدريس محمد إبراهيم Date: 01-28-2013, 08:25 AM Parent: #54
عمران أخوي كيفنك ....
أحب الشايجية جداً وأعشق أغنياتهم وأشعارهم حتى الثمالة رغم إني من المحس ومتزوج محسيه بت خالتي وطبعاً لا مانع في مثنىً وثلاث ورباع ... (التقول عزام فرح بس وله معتز قريش بس ..) ...
وأغلب أصدقائي من الشعراء شوايجه .. عماد الدين عبد الرحيم (سو رضايا ..) .. الواثق عبد الرحمن مثالاً ....
حسع صديق الموج يجيك ناطي يقول ليك أنا شايجي ...ياخ الزول ده لو قلت ليهو أنا من أم صفقاً عراض يجي ناطي ليك في حنانك ... عالم جنها سلبطه ....عامل زي واحد قريبتنا كده كل ما يكون في بكى تلقاها ست البرش ... هههههههه ....
Post: #59 Title: Re: أنا شــــايقي . Author: عاطف رميتي Date: 01-28-2013, 08:28 AM Parent: #54
Post: #66 Title: Re: أنا شــــايقي . Author: haroon diyab Date: 01-29-2013, 06:45 AM Parent: #64
سلامات ياعمران ومشتاقين
عارف ياحبيب انا كل مرة بجي بتاوق
وبمشي ... بس مادام جابت ليها غتاتة
امسك عندك .... من اتولدت
جارنا باليمين عمك علي مكي من مروي له الرحمة
وبالشمال عمك محجوب الحداد من الكرو اطال الله عمره
وبي ورانا عمك عطا خير السيد من قشابي وسيد الدكان
صالح الدباوي له الرحمة .... يعني متحاوط بالشوايقة
من كل الاتجاهات ويمين اتحاسب عليهو يوم الدين
ديل ناس ولا كل الناس ..... ولو قعدت احكي ليك
بي حنية الشوايقة حا اطلعك انت الجعلي وانا الشايقي
ياحبيب ديل اجمل خلق الله .
وبس
Post: #67 Title: Re: أنا شــــايقي . Author: عمران حسن صالح Date: 01-29-2013, 11:15 AM Parent: #66
أعتذر لكل الأحباب عن تأخيري الرد على مداخلات الأحباب والوعد بالتواصل مستمر ...... من أكبر عيوب مساحات النت الممتدة تداخل البعض في مواقع بأسماء وهمية منها يكتسبون شجاعة من شرب كأساً من العرقي التالف ثم فجأة صار أبو عرام وهذا نموذج واضح لما ذكرت : صديقنا عماد عبد الله قال كلاماً حميلاً وهو يقوم بإنزال هذا الفيديو :
قال :
Quote: صباحات أواخر الشتاء عليكم يا أيها الديامة .. هذا البلد عجيب .. هجين من المسكنة ، و الفتونة ، و كسر الجناج ، و الراس الفي السما ، و الزارعنا غير الله اليجي يقلعنا ، و جبرة الخاطر ، و نحنا الساس ، و عزه التي في هواها ، و حليل موسى ، و جدك بيضبح الشايل .. و يا غِرِق يا جيت حازِما .. في بلدٍ غير هذا و في غيرما زمانٍ تأكل فيه الحرائر من أثداء عزتها .. لرعت الدولة مبدعيها .. مبدعيها من طرف . لكن ( سبايا نحنُ في هذا الزمانِ الرخو ) .. هذا الزول عجيب .. فنان شعبي بديع .. ايقاعه مضبوط حد الإذهال .. الجرس الموسيقي الذي نضم به هذه الكلمات المجغمسه و دوزنها على الغنا .. ثم حال الحزن الذي يطلع من نظراته فيوجع القلب .. ثم الكواريك التي يطلقها حرى فكأنما ينفث نار قهره و غبنه الكبير . هذه كوميديا سوداء .. ملهاة غاية في البؤس و الجمال في آن .. أعتذر لمن سوف يألمه هذا الغناء و يوجع .. لكن - و أنا القادم من أتون الخرطوم - حال هذا الزول الجميل أفضل أفضل أفضل من أحوال الخلايق هناك .. الخلايق التي أقعدها الفساد و الظلم و الفقر و الإهمال و الحوجة و انعدام الوجيع . الخرطوم التي حولها النظام الإسلاموي الفطيس لمكان ينضح بالعفونة و المسكنة و نقص المروة و الدين و النخوة و مخافة الحساب في يوم الدينونة ، الدينونة لكل هذا الخراء الذي أفرزه النظام الشيطاني هذا و ولغت فيه المخاليق التعاسى ، فريدي الجمال .. ما من حي و لا طريق فيك يا خرطوم إلا و به درويش أو مجنون أو متسول أو من ذهل فكضم و سكت .. لكن ، الحساب ولد يا عصبة السؤ .. الحساب بعدين ولد .
... تفاجأت بداخل تعليقات الفيديو المرفق بموقعة الأصلي بتعليق لا يأتي إلا من صاحب اسم وهمي يقول : غير السكر وسرقة البلد وشبق نساءكم واصواتكم النكرة ماشفنا ليكم حاجة فى البلد دى أدناه صورة للتعليق من الموقع :
Post: #75 Title: Re: أنا شــــايقي . Author: عمران حسن صالح Date: 01-30-2013, 06:15 AM Parent: #62
Quote: لكن أظن موضوع الغتاتة ده حاول تناقشو بينك وبين نفسك...أظنو فيه شىء من الصح..
Post: #78 Title: Re: أنا شــــايقي . Author: عمران حسن صالح Date: 01-31-2013, 08:30 AM Parent: #59
Quote: المودة وكامل الحب والاحترام ياعمران على البوست الحنين >>>
شكراً يا عاطف ياخي وقول ليهم بلاهي وريهم انو مشاعرنا ياها زاته وقلوبنــا ياها زاته البيجي بعد داكـ شايل غباين سياسة ولا حقد وتار بايت ما يقول ديل الشايقية ديل زيهم وزي أيِ شذاذ مجموعات تانية
Post: #68 Title: Re: أنا شــــايقي . Author: رانيه محمد الشيخ Date: 01-29-2013, 12:03 PM Parent: #54
اكيد اخى عمران مافى اى سبب بيدى اى عذر لاى انسان يقلل من قيمة انسان حتى لو فيه السبعه وذمتها حتى لو الانسان غلط ما معنى كده انه سيىء احنا بشر فينا الصح وفينا الغلط مافى زول فينا كامل اصلااااااااااااااااا ولا بيعيب الزول انه غلط طول ماهو بيسعى انه يصلح من شأنه ردى الاول كان هزار بحت ما جادى
Post: #69 Title: Re: أنا شــــايقي . Author: عمران حسن صالح Date: 01-29-2013, 12:10 PM Parent: #68
Quote: ردى الاول كان هزار بحت ما جادى
بالعكس اختي رانية اعرف تماما الفرق بين ما تقصدين وما يقصدوه وطبعاً والله جاييكـ في الرد بس كترة المداخلات أربكتني لكـ العتبى زميلة الحوش
Post: #70 Title: Re: أنا شــــايقي . Author: عمران حسن صالح Date: 01-29-2013, 07:23 PM Parent: #69
صادق المواساة للأخ علاء تمبس
.. عودة لاحقة إن الله هوَن
Post: #72 Title: Re: أنا شــــايقي . Author: حسين ديقول Date: 01-29-2013, 08:19 PM Parent: #70
سليمان الشايقي ، جار في عطبرة في الستينات بالطبع قبل أن نولد نره
قط ، لكن يتردد ذكر اسمه عند الوالد والوالدة رحمها الله إلى الان
عمل عسكريا بسلاح المدفعية الآن متقاعد وأظن أنه يعمل خدرجي في
سوق مروي حاليا.
أولاد جعفر ابن ادريس ( ميرغني ـ ادريس ـ حمزة رحمه الله ) من أهل الزومة
رحلنا بالقرب منهم سنة 1985 خالطناهم وخالطونا في الفرح والكره ولم
يعكر صفونا شي حتى الآن برشنا واحد وأضيحتنا واحدة وسار على ذلك
الأبناء .
منذ ذلك التاريخ
Post: #73 Title: Re: أنا شــــايقي . Author: طارق جبريل Date: 01-30-2013, 02:03 AM Parent: #72
فأتي لي بقبيلة فيها ثلاث طوارق بوزن من ذكرت...من حيث الزوق والادب واللطافة والشهامة والتجرد والابداع ونكران الذات...والحنية والموهبة والرجالة....وعييييييك قل ما شئت
نزار حسين يا حبيب الله يجبر بي خاطرك ياخ اعطيتني اكثر مما استحق
Post: #74 Title: Re: أنا شــــايقي . Author: nazar hussien Date: 01-30-2013, 03:51 AM Parent: #73
Quote: نزار حسين يا حبيب الله يجبر بي خاطرك ياخ اعطيتني اكثر مما استحق
يشهد الله لم أقل إلا ما رأيته حقا يا طارق جبريل وضيف علي ما ذكرت....انكم تشتركوا كذلك في النقاء والاصالة
(إن شاء الله تدخل في أضافريك)
القال ليك أبقي كده منو؟؟؟
Post: #76 Title: Re: أنا شــــايقي . Author: طارق ميرغني Date: 01-30-2013, 06:21 AM Parent: #74
مدام جات سيرة الطوارق
قلنا نحصل المولد دا يمكن ينيبنا ثواب
انا قايلا في الاول الطوارق القبيله المعروفه في افريقيا
ازيك يا عمران
Post: #77 Title: Re: أنا شــــايقي . Author: nazar hussien Date: 01-30-2013, 09:45 AM Parent: #76
Quote: مدام جات سيرة الطوارق
قلنا نحصل المولد دا يمكن ينيبنا ثواب
انا قايلا في الاول الطوارق القبيله المعروفه في افريقيا
ازيك يا عمران
إذا شايقي... ضيف علي الميزات الفوق دي (وحريف وست...) كميزة أضافية تمتاز بها علي الطوارق الفوق ديل
Post: #79 Title: Re: أنا شــــايقي . Author: عمران حسن صالح Date: 01-31-2013, 08:26 PM Parent: #77
اعتذاري وتقديري لكل متداخل لم أجد ما يكفي من الزمن للترحيب بمروره لكم العتبى أصدقاء الفضاء الواسع ..... الحمد لله أن عاد إنسان إلى إنسانيته وتركـ عنه الســوء
Quote: الشايقية وتاريخهم الأسود في السودان.. هؤلاء من نصر الإنجليز ضد المهدية.. هؤلاء رقيق الإنجليز.. هؤلاء من لا صلة أو رابط لهم بهذا الوطن.. العياذ بالله أن تكون شايقيا..
كن أي شئ كان.. كن إنسانا.. لا لا لا تقل لي أنك شايقيا.. خاصة بعد الإنقاذ.. وصدق أهلنا قديما وقبل زمان طويل قبل الإنقاذ عندما كانوا يقولون: لو وجدت الدبيب وولد الشايقي.. أقتل ولد الشايقي وأترك ولد الدبيب.. سبحان الله.. إنهم كانوا يقرأون لنا المستقبل.. العياذ بالله أن تكون شايقيا.. كوزا.. شيوعيا.. أو بوذيا
