استمع للبيت في آخر الأغنية مكرر بصيغتين ... 1- مهما قسيت أنا برضي بحبك وساعة عطفك بستناها 2- مهما قسيت أنا برضي بريدك وساعة عطفك بستناها
ــــــــــــ
Post: #9 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 10:03 AM Parent: #7
يا صبرى شكرا لاضافة الطرب على المعنى
لكن عليك الله شفت الفرق فى حنية كلمة لما تكون الحب
ولما تكون ريدة
ياتا فيهم اكتر حنية وبتشبهنا
Post: #6 Title: Re: الفرق شنو بين الحب ..والريــــد Author: الصادق عز الدين Date: 01-27-2013, 08:07 AM Parent: #1
ده كلام كبير ................. ما ساااااهل
الحب يكون للكل وشعور طيب وجميل وفيه عطاء وافر أم الريييييييييده هي للحبيبة وهي الزوجة من المفترض
كلمة بريييييييدك (بكسر الدال أو بنصبها) تصيب بالرعشة والخفقان بريدك يا شقى الأيام كا بيك الحبيب يسعد
والسؤال فرق ريد ليه سموهو فريق ريد (طبعا ده سؤال لناس أم درمان والبعرفو فريق ريد)
Post: #8 Title: Re: الفرق شنو بين الحب ..والريــــد Author: Mahmoud Mustafa Mahmoud Date: 01-27-2013, 08:19 AM Parent: #6
Quote: الفرق شنو بين الحب ..والريــــد
بري...يطرشنا..ما معانا خبر..
والله إلا كان كلامك دا..
ريد؟
ريدبول يعطيك جوانح..
الفنان قال: "الريدة جات متأخرة"..
.. too late ...
عندك مثلاً أبواللمين في أغنية الجريدة:
كنت عايز أقول "بحبك"
ونفس العملاق في أغنية حروف إسمك: وأقيف وسط البلد واهتف "بريدك" يا صباح عمري..
..أي سؤال؟ ..
.
Post: #15 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 04:11 PM Parent: #8
يا محمود ازيك ياخ اول حاجة
ويلا نتأمل ونمد
ونطوطح وسط الكلمتين ديل لامن نصل حد
Post: #10 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 10:32 AM Parent: #6
الصادق عز الدين
كيفنك
فريق ريد بتاع امدرمان للخواجة الشين الكان قاعد هناك عافصنا
لكن تعال بى غادى
شوف الريدة بيستعملوها الامهات اول شىء والحبوبات
وناس الريف
بريدك
اما احبك دى كلمة حضرية جدا
نادرا ما تجدها فى الريف الا عند استعمالها فى الاكل وما شابه
ونمد
Post: #11 Title: Re: الفرق شنو بين الحب ..والريــــد Author: قيقراوي Date: 01-27-2013, 10:54 AM Parent: #10
اشرقت الانوار يا حرسم ياخي وحيا الله تلك الايام ..
Quote: والفرق شنو بين الكلمتين
شنو ما بعرفو .. لكن في فرق
اسمع معاي:
حرمت الحب والريدة
لو كانو واحد كان في داعي للبذار دا!؟
------
هو فرق مقدار .. يقاس بطول القصيدة .. او عرض الآمال
Post: #12 Title: Re: الفرق شنو بين الحب ..والريــــد Author: علي محمد الفكي Date: 01-27-2013, 11:31 AM Parent: #11
لو بتعرف يا حبيبى
قدر ايه عينيك بريدا
بريدك دا تعبير سوداني خالص ما بشاركنا فيهو شعب عربي تاني
الا صعايدة مصر وبي درجة اقل ..
يعني الريد حُب مروي بي موية النيل ..
عشان كدة احلى واعذب واجمل وانضر ..
وبريدك يا صباح عمري
Post: #13 Title: Re: الفرق شنو بين الحب ..والريــــد Author: ابو جهينة Date: 01-27-2013, 11:52 AM Parent: #12
تحياتي محمد حرسم
الحب والريدة درجات ... الحب غاية والريد وسيلة ... الحب لا مقدمات له ، والريدة تنسرب كنقاط الزير في جردل زنكي في هدوء الليل. الحب يجعلك تحسب نجوم الليل ، والريد يخليك تحفظ اشعار الوداد والبعاد لغرض في نفس يعقوب. الإثنان ينطلقان من فوهات مختلفة المصادر والشواهد والأسباب ، ولكن الهدف واحد رغم تعدد آيات المُنْقَلَب. الحب في شأن المحبوبة ينطلق من القلب ثم الوجدان ثم يتغلغل في الروح فيمسك بتلابيب الفكر فتأتي ( الجِرسة ) وسهر الليالي وعد النجوم. الريدة أخف معيارا وأقل درجة ، ولو إستعملنا مقياسا كمقياس ريختر الذي يكشف الزلازل وأستعملناه لرصد ذبذبات الحب والريدة فإن الحب يصل لدرجة إخلاء أي أطراف أخرى من محيط قلب المحب وإعلان حالة طواريء، بينما نفس المقياس قد يعطي الضوء الأخضر للزول الرياد بأن ( هذا زمانك يا الرياد فأمرح في حياض المريود من كل صنف ولون بدون قيود )
دمتم
Post: #23 Title: Re: الفرق شنو بين الحب ..والريــــد Author: محمد عبد الله حرسم Date: 01-28-2013, 07:48 AM Parent: #13
الحب غاية والريد وسيلة
الجميل ابوجهينة
صباحاتك نسيم يا زول
تحياتى وكلام موهط كل القلتو بس استوقفنى جدا غاية ووسيلة دى
بجيك فيها بى رواقة
لانها نقطة دايرة حفر شوية كمان عشان تجيب موية
Post: #14 Title: Re: الفرق شنو بين الحب ..والريــــد Author: سلمى تاور Date: 01-27-2013, 12:04 PM Parent: #12
سؤال لطيف ^_^
بفتكر الفرق أنو كلمة بريدك استخدام رجالي و كلمة بحبك استخدام نسائي
يكون الرجل اكثر صدقاً لمن يقول بريدك و تكون المرأة في قمة عشقها عندما تهمس بحبك
وجهة نظر شخصية قد تكون خاطئة
Post: #16 Title: Re: الفرق شنو بين الحب ..والريــــد Author: وضاحة Date: 01-27-2013, 04:14 PM Parent: #14
Post: #18 Title: Re: الفرق شنو بين الحب ..والريــــد Author: يحي قباني Date: 01-27-2013, 04:54 PM Parent: #16
كلمة ريدة صناعة سودانية 100%
ولما يكون الشاب ( ريّاد ) ...و شايل قلبه و حايم
واي حاجة تزلزله و ينخطف ... بيقولوا ( ود ريّاد )
ما بينفع نقول ( ود حباب ) ...
يعني انا كنت ( بريد ) بنات الحله كلهم ... و اصلوا ما ( حبيت ) واحده فيهم ...
و لما ( حبيت ) واحده ... ( الريده ) بقت لي مشكله ....
انا شخصياً كنت بفتكر عمنا ( ابو تمام ) لما قال :
نقل فؤادك حيث شئت من الهوى ... ما الحب إلا للحبيب الأول
كم منزل في الأرض يعشقه الفتى .... و حنينه أبدا لأول منزل
شفتو كلمة الهوي ( البنقل فيهو دي ) ... دى هي الريدة زاتها ...
بس لانها سودانية مية المية .. ما عرفها ابو تمام و الا كان قال نقل فؤادك حيث شئت من الريدة ...
اهاااااا بعد ما تتنقل مظبوووط في الريدات ...
تقوم فجأه تنخبت علي راسك ... و تطب ... هنا تبقي القصة حب ...
وكفاية لحد هنا ما تجيبو لينا ( الهوي ) ...من تاني
Post: #29 Title: Re: الفرق شنو بين الحب ..والريــــد Author: محمد عبد الله حرسم Date: 01-28-2013, 03:45 PM Parent: #18
يحى قبانى
سياحة ممكنة فى وسط المفردتين
اكيد هناك فرق
ونمد
Post: #25 Title: Re: الفرق شنو بين الحب ..والريــــد Author: محمد عبد الله حرسم Date: 01-28-2013, 11:16 AM Parent: #16
شكرا وضاحة على هذه الاستراحة التى تشعل الالباب
Post: #17 Title: Re: الفرق شنو بين الحب ..والريــــد Author: صبري طه Date: 01-27-2013, 04:46 PM Parent: #14
Quote: يكون الرجل اكثر صدقاً لمن يقول بريدك و تكون المرأة في قمة عشقها عندما تهمس بحبك
غايتو أنا ما عارف حالكن شنو مع الكلمتين ...
عن نفسي أجد لساني ينطق كلمة "بحبك" بسهولة زيّها وزي سفّة السعوط
أمّا كلمة "بريدك" دي ما بتطلع إلاّ بعقود مع شركة شيفرون :)
تسلمي يا سلمى ،،،
Post: #34 Title: Re: الفرق شنو بين الحب ..والريــــد Author: محمد عبد الله حرسم Date: 01-30-2013, 09:47 AM Parent: #17
والله يا صبرى
عاين لى حبوبتنا
كيف بتقول بريدك دى
كلمة فيها كمية من الحنية ما عادية
وما مبتذلة
والا شنو ؟
Post: #24 Title: Re: الفرق شنو بين الحب ..والريــــد Author: محمد عبد الله حرسم Date: 01-28-2013, 07:58 AM Parent: #14
شكرا الانيقة سلمى تاور
برضها ملاحظة حلوة
الاستخدامات دى كتيرة
والنوعيات كتيرة
لكن كلمة بريدك دى عا########ى عند الحبوبات
لذيذة جد
Post: #20 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 05:07 PM Parent: #12
على محمد الفكى
نورت البوست
وبتفق معاك فى انو التعبير بتاع الريدة دا سودانى شديد
لكن يبدو لى والله اعلم بدوى فى ارض الشام مرات مرات ممكن تسمع الكلمة تمر عابرة قارات
شكرا توقيعك هنا
Post: #19 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 05:02 PM Parent: #11
فتح الرحمن يا صديقى ياخ
مشتاقين اول حاجة
ومقالدة حارة تانيا
وتالتا قبل ما تدخل قلت فى نفسى يا اخوانا قيقراوى صاحبى دا ما داير يجى يرحب ويجرنى من الباب لى جوه مالو الا يادوب ما غمضت وفتحت لقيتك جارينى من ايدى لى جوه
بالجد مشتاقين
Quote: and#199;and#212;and#209;and#222;and#202; مع معاي:
حرمت الحب والريدة
لو كانو واحد كان في داعي للبذار دا!؟
------
and#229;and#230; and#221;and#209;and#222; and#227;and#222;and#207;and#199;and#209 وصحى صحى فى فرق موووووووش عليك الله
انا غايتو قاعد اعاين ليها من حتتين واحدة انها كلمة سودانية صافية الريدة دى
والتانية
الحب حب
وبس
لكن الريدة قاعد احس انها فيها رغبة امتلاك كدا من يريد اراد ريدة
والا موكدى
قيقا ليك وحشة وبنتلاقى ما دام لمانا حوش واحد زى ايام زمان تعال نتناضم يا سيدى
Post: #21 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 05:16 PM Parent: #19
البدو كان فى سيناء والا غيرها بيستعملوها..
نعم وشاهدتها فى المسلسلات البدوية ..
بس طبعا استعمالهم ليها بمعنى اراد ..
(اريدك تعطينى هذا الشىء ..)
(تريدين تاخذيها منى ؟)
اما نحن فبقدرة قادر تحولت هذه الكلمة العربية من يريد الشىء الى استعمال خاص جدا ..وهى فى داب المحبة وما جاورها .. ليتنا نعرف اسرار اللغة... لنعرف كيف انتقلت هذه الكلمة الينا ومتى تم تحويلها وتحوريها الى المحبة وما جاورها..
مثلا كلمة معليش..
ما عليك شىء
ثم تدرجت حتى صارت معليش..
هى هكذا .. اراد الشىء .. كيف تحولت الى ريدة
Post: #22 Title: Re: الفرق شنو بين الحب ..والريــــد Author: محمد عبد الله حرسم Date: 01-27-2013, 05:18 PM Parent: #21
ومن داخل المفردتين وبحرهما ... عندما تحب فانت فى حالة من التحفز ويملؤك الحنين والشوق الى ان تكون بجانب من تحب وما تحسه ينبت فيك ويمد بينك وبين من تحب الآف الايونات الموجبة التى تربطك بشكل ما لا فكاك منه بينك وبين من تحب .. ولكنك يمكن ان تتامل فى هذا المكون الذى بينك وبين من تحب بشىء من الفرجة والانغماس راضيا بحالة الانتشاء الذى يصيبك من اقل القليل منه .. اما فى حالة الريدة فان الامر يتعدى كل ذلك الاحساس الى لحظة امتلاك ما تحب ...
ثم انو
الحب استخدام حضرى الريد استخدام قروى
Post: #26 Title: Re: الفرق شنو بين الحب ..والريــــد Author: كمال ادريس Date: 01-28-2013, 11:38 AM Parent: #22
ياحرسم.. غايتو خد معاك كمان: ريااااااد وحبييييب
من اول مشاركة ليك (كجولت) الناس دي كلها رغم انهم سناير (ماشاء الله عليك)
Post: #36 Title: Re: الفرق شنو بين الحب ..والريــــد Author: محمد عبد الله حرسم Date: 01-30-2013, 04:17 PM Parent: #26
يا صديقى
رياااااد دى طوالى بتمشى
تعرف يا كمال دايما بحس بى انو الفرق الرئيسى بين الكلمتين
انو الحب ما ضرورة فيهو التملك ولا الرغبة فى التملك
لكن الريدة دى
من اراد الشى
يرد الشىء
يعنى له الرغبة فى التملك
زى فيها دفء كدا
Post: #37 Title: Re: الفرق شنو بين الحب ..والريــــد Author: محمد عبد الله حرسم Date: 01-30-2013, 05:19 PM Parent: #26
يا صديقى
رياااااد دى طوالى بتمشى
تعرف يا كمال دايما بحس بى انو الفرق الرئيسى بين الكلمتين
انو الحب ما ضرورة فيهو التملك ولا الرغبة فى التملك
لكن الريدة دى
من اراد الشى
يرد الشىء
يعنى له الرغبة فى التملك
زى فيها دفء كدا
Post: #27 Title: Re: الفرق شنو بين الحب ..والريــــد Author: رانيه محمد الشيخ Date: 01-28-2013, 11:46 AM Parent: #1
انا بحب كلمة بريدك بحسها ماثره فى قليبى اكتر بريدك بحسها حنونه ودافيه وعطوفه بحبك بحسها رسميه ودوليه وسينمائيه وخاليه من المصداقيه
Post: #28 Title: Re: الفرق شنو بين الحب ..والريــــد Author: Emad Khairy Date: 01-28-2013, 12:23 PM Parent: #27
الريده بين الناس صلة والدنيا حب ومواصله يعنى ياصحبى الريده صله والحب بيوصله وانا زاتى كماب بحب كلمة بريدك زى ما قالت حبيبه لانها دافئه وحنينه’’’
Post: #30 Title: Re: الفرق شنو بين الحب ..والريــــد Author: محمد الكامل عبد الحليم Date: 01-28-2013, 04:22 PM Parent: #28
تحية...
الريد هو مداعية اوتار العاطفة استدرارا او استمرارا او تدفقا للحن الحب ليعطي انغامه وسلامه او عذاباته الطرية...
كلاهما وجهان لعملةالاحساس الذهبية..غير القابلة للصدأ وان ظلت قابعة بين الحنايا او استار النفس في مد تواصلها او جذر بعادها..
Post: #31 Title: Re: الفرق شنو بين الحب ..والريــــد Author: ود الباوقة Date: 01-28-2013, 05:02 PM Parent: #30
حرسم
الريدة الكثيرة يا حنين شقاوة
بريدك والريدة ظاهرة في عيني
بريدك جو من اعماقي بعدين قال بحبك آه ه ه
سمير القلب الريدة ما بالغصب
ريدتنا ومحبتنا وليالي هنانا
البريدو مالو اتاخر بريدو
الملاحظ انو الريدة اعلى منزلة عند الحبيب من الحب
وبعدهما على طول ( الكتل )
مكتول هواك يا كردفان
وهكذا
شكرا حرسم
وحرمت الحب والريدة
ودعتكم الله
Post: #32 Title: Re: الفرق شنو بين الحب ..والريــــد Author: محمد عبد الله حرسم Date: 01-29-2013, 06:24 PM Parent: #31
تحياتى يا ود الباوقة
ياخ كلها بقت ريدة بس
شوف عثمان حسين قال شنو
ريدتنا ومحبتنا
يا قول قيقراوى كان مافى فرق ما كان دبل الكلام
شكرا الاضافة والسياحة فى الكلمتين ديل
Post: #40 Title: Re: الفرق شنو بين الحب ..والريــــد Author: محمد عبد الله حرسم Date: 01-31-2013, 08:33 AM Parent: #30
الحبيب محمد الكامل
شكرا لهذه السياحة الانيقة بين جوانب الكلمتين ومعانيهما
هناك فرق صغير بينمها لكنه جوهرى جدا
حب التملك والحنية
Post: #39 Title: Re: الفرق شنو بين الحب ..والريــــد Author: محمد عبد الله حرسم Date: 01-31-2013, 08:07 AM Parent: #28
عمدة يا صديقى يا صاحب الحروف الراقصة تحمل النسيم والعطر الفخيم
انت رائع كما دوما
وحضورك يمنح فضاء حروفى الدفء كله
انا بريدك
وبحب حروفك
ههههههههههههههه
ياخ الفنانين البغنو ديل لخبتونا جنس تلخبت
الريد والحب والهوى وبعشقك وبمناكوالجوى
Post: #33 Title: Re: الفرق شنو بين الحب ..والريــــد Author: محمد عبد الله حرسم Date: 01-29-2013, 07:00 PM Parent: #27
رانيه محمد الشيخ
(نا بحب كلمة بريدك)
استخدام جميل وذكى يا رانيا لمحاولة فهم خازوق الكلمة دى ومعناها
ههههههههههههه
تسلمى جدا
لامن اتكيفت ذاتو من الاستخدام دا
Post: #35 Title: Re: الفرق شنو بين الحب ..والريــــد Author: الزبير بشير Date: 01-30-2013, 11:16 AM Parent: #33
الاخ محمد لك التحيه و الاجمل منهما التؤم الثالث ( مشتااقه )
وضاحه مرت من هنا
يا اخي محمد
بالنسبه لي ذي الفرق بين ضربات الجزاء و ركلات الترجيح .
اما مشتاقه فهي فاول في راس خط 18 .
ابن العوام
Post: #38 Title: Re: الفرق شنو بين الحب ..والريــــد Author: حسين يوسف مكى Date: 01-30-2013, 08:09 PM Parent: #35
حرسم يا بهي الطلعة سطع بدره!!
بالاشارة الى المنصوص اعلاه
بين الحب والريد مسافة بقدر التحسس
كلمة الريد او الريدة !! ربما ابلغ لانها من الارادة او التملّك والدافع هنا ينم عن حضور متكامل بالتالى يبرق سنا الاستثنائية ..
اما المدعو الحب !! والعهدة على اصحاب القلوب الراقدة ام دقوقة يقولون ان مراحله: الشعف الشغف التيم الهوى الجوى ثم الحب.. شفت الحب وعمايلو!!
فعليه يا صديقي يا ابو الحراسم.. أُستُهلكت كلمت الحب لمّن بقت زى جلابية ال (على الله) وان تفنن حائكها.. والرييدة زاتا خشم بيوت.. فى ريدة مصالح وفى ريدة لحظة تزول بزوال من وضع غرس الريدة وقفّا وردى اخبرنا انه حقق احلامه فى الفرقة البين الريد والهوى لووول وبنات طلسم بالريدة اقمن كرنفال اللحن و مازال (التوهان ) يمارس سطوته بين التباكى ومبادلة الريدة. وعلى الشاكلة ايييييييك حدث بحرج لانها الريدة. واخر دالقي صبابة الرييد والريدة ي حرسم الجنا البقولو ليه طه سليمان اتى بريدة من نوع خاص!! اذ تقمص دور من انجبت وارضعت وفطمت لووولز وتدرجت فى ريد فلذة كبدها لحد الالزام و الالزامية ..
حرسم يا صديقي ده بوست دسم .. وانت زاتك دسم عرجت بينا على الفجة الما (منكن ) زول يشيل من حوافها اكبر من نصيبو .. فياخ تسلم شكرا حرسم وتانى شوكرن
Post: #42 Title: Re: الفرق شنو بين الحب ..والريــــد Author: محمد عبد الله حرسم Date: 01-31-2013, 05:14 PM Parent: #38
Quote: فعليه يا صديقي يا ابو الحراسم.. أُستُهلكت كلمت الحب لمّن بقت زى جلابية ال (على الله) وان تفنن حائكها..
صديقى الشاعر الفخم صاحب الروعة ذاتا دوما تدخلون بنا الى ما تريدون ونريد ..ان معادلة ان تغوص فى كلمة الحب صعوبتها تكمن فى انها مستهلكة و..جداولذلك الاحساس بها اصبح كجلابية (على الله) هذه
Quote: و مازال (التوهان ) يمارس سطوته بين التباكى ومبادلة الريدة. وعلى الشاكلة ايييييييك حدث بحرج لانها الريدة.
حلوة يا ابواحمد (سطوته) دى تجيك العافية
منكم نستمد طاقة وجودنا هنا ونفتش فى اعتيادنا لنفكك غموض ممارسة الاعتياد لنعيد للحياة حيوتها وللكلمات وهجها ورونقها
دعنا نفتش
فربما نحدث ثورة فى تناول المعتاد لنخلق خالة جديدة فى فقه اللغة
Post: #49 Title: Re: الفرق شنو بين الحب ..والريــــد Author: محمد عبد الله حرسم Date: 02-03-2013, 06:27 PM Parent: #38
Quote: والرييدة زاتا خشم بيوت.. فى ريدة مصالح وفى ريدة لحظة تزول بزوال من وضع غرس الريدة وقفّا وردى اخبرنا انه حقق احلامه فى الفرقة البين الريد والهوى لووول وبنات طلسم بالريدة اقمن كرنفال اللحن و مازال (التوهان ) يمارس سطوته بين التباكى ومبادلة الريدة. وعلى الشاكلة ايييييييك حدث بحرج لانها الريدة. واخر دالقي صبابة الرييد والريدة ي حرسم الجنا البقولو ليه طه سليمان اتى بريدة من نوع خاص!! اذ تقمص دور من انجبت وارضعت وفطمت لووولز وتدرجت فى ريد فلذة كبدها لحد الالزام و الالزامية ..
حين يتحدث الشعراء فى بلدى فانهم يصنعون الرؤية
شكرا حسين يوسف مكى
Post: #41 Title: Re: الفرق شنو بين الحب ..والريــــد Author: محمد عبد الله حرسم Date: 01-31-2013, 09:50 AM Parent: #35
اخوى الزبير بشير
تقبل تحياتى بكل لغات النسيم والبهجة
Quote: بالنسبه لي ذي الفرق بين ضربات الجزاء و ركلات الترجيح .
ياخ دى حلوة لامن بى غادى
صباح اجمل بحرف يتيح لك الهرولة نحو البهجة
Post: #43 Title: Re: الفرق شنو بين الحب ..والريــــد Author: PLAYER Date: 01-31-2013, 06:03 PM Parent: #41
Quote: الفرق شنو بين الحب ..والريــــد
الاولي يكثر استعمالها ناس البندر والثانية ناس الريف حكمة اليوم لوقلت لبت الخرطوم بريدك تعتبرك متخلف ولو قلت لبنت الريف باحبك تقول انت صعلوك.
Post: #44 Title: Re: الفرق شنو بين الحب ..والريــــد Author: محمد عبد الله حرسم Date: 02-02-2013, 07:29 AM Parent: #43
شكرا PLAYER
ملاحظلات مهمة وجوهرية
الريد كلمة محببة عند القرى والاصالة
لكنها فى العاواصم تخلف
ودورة اخرى للغة واستعمال اللغة
معنى
مفهوم
مصطلح
فى تموجاته الثلاث
Post: #45 Title: Re: الفرق شنو بين الحب ..والريــــد Author: الزبير بشير Date: 02-02-2013, 10:51 AM Parent: #44
الاخ / الابن حرسم
بروفايلك ما لو فاضي .
تعرف انا عندي هذا المنبر في الوقت الراهن احد الاعمده و الاركان المتينه لبناء صداقات جديده في الحياه لتعين علي المسير في دروب بيداء الحياه ان ضل ربانها او التغريد بالسمر ان تعب حاديها ( و ختي الان الخطه تمشي كما ينبقي علي قول الامام الصادق المهدي ) .
اخوك / عمك
ابن العوام
تخريمه : يا اخي اشتريت لي ارض في سواكن اهااااااااااااااااااااا كيف الشوري .
Post: #46 Title: Re: الفرق شنو بين الحب ..والريــــد Author: محمد عبد الله حرسم Date: 02-03-2013, 07:12 AM Parent: #45
الاخ الزبير بشير انا زول قديم شوية او كاير كمان مرات هههههههه حسب عمرك لبو اقل من تلاتين عمك ولو ازيد من خمسين اخوك ولو بينهم ود عمك هههههههه
المهم تحياتى ونحن الاسعد بى معرفة الرجال (الكنز)
على جنبة الارض فى سواكن لو عندك فيها نظام هوتيل اوة وكالة سكن او شقق مغروشة بيكون ظابط
غير كدا انسى
اها نسيت حاجة
الاكل الاكل الاكل
اى اكل واى موية
بيجيب دخل
فتك بى عافية
اها نرجع لى موضوعنا
انت بتحب سواكن والا بتريد سواكن
Post: #47 Title: Re: الفرق شنو بين الحب ..والريــــد Author: محمد عبد الله حرسم Date: 02-03-2013, 10:11 AM Parent: #46
عجبنى الكلام دا من حتة تانية فتحت فيهو نفس الموضوع قلت تشاركونى فيه:
[QUOTE=الكحلي;302560]حرسم وجماعته سلاما جانا وجاكم بوستك يعود بي لتكريم زمن جميل لم أكن أراه ونحن نعايشه (مقبول الشكل ). كنا نرتقب القبس الذي يأتينا من شوارد أستاذ فراج عليه الرحمه إذا راق مزاجه فخرج على نص الحصة, وكان مما أخبرنا به أن[COLOR="Red"] الحب إسم عام تنضوي تحته حالات وجدانية مختلفه فهو مقسم لدرجات لكل درجه أعراضا خاصة تظهر على سلوك المصاب به بقدر تمكنه من أنسجة قلبه ـ مبتدئا من أثره على ظاهر القلب ( تاموره) حتى يصل الى سويدائه أو حبته ـ مسميا كل درجه من الاصابه بشواهد من الشعر ’ وأنا في حل من ( زرزرة) أصحاب علم الامراض في المنبر من بيان موقع حبة القلب وسويدائه تشريحيا . و في ( النت ) متسع لبيان درجات الحب تلك . في دارجتنا السودانية يبدو لي أننا نستخدم كلمة الريده نشير بها للحب عموما لكن بطريقة محتشمة وهي تبدو أقرب ل like منها الى love لذا نستخدمها دون تحفظ ,وأعتقد أن أكثر من إكتهل يوافقني في أن إستخدام كلمة حب صراحة كان أشبه بالعيب ( يعني إنفكت من الحظر قريب ) . وفي ظني أنه لم يرد ( أو لم يشع إن أردت الدقة ) تصنيف لدرجات الريده عندنا (ولا حتى في غنا الشوايقه ) ( لا تحملوا قولي ما لايحتمل فهم مظنة الكلام الحنين ـ ومن وجد شيئا فليقل لنا ) فإن لم يوجد تصنيف فهذا يتسق مع شح معهود عندنا في التعبير عن العواطف بين المتحابين بيننا فهل يقوى ( إلا الما نصيح ) على التصريح بأنه مكتول في حوش فلان أو ميت في فلانه ؟ ( أما البت خلها : كلامها بتدفنو في حشاها ) عموما (كأن اللغة عندنا أخضعت لشكل من الختان الفرعوني ) هذا يدعو للتساؤل عما إذا كانت رطاناتنا السودانية كما عاميتنا مقلة في التنوع في مرادفات كلمة الحب ووضع درجات للريدة؟ نحتاج الى أن نسمع إفادة ممن لهم دراية بها فإذا ثبت أننا كلنا في الهوا سوا فنكون عرفنا أصل الحكاية والطبيعة جبل وإذا إتضح العكس فنحتاج كذلك لمن يوضح لنا السبب , تحياتي
Post: #48 Title: Re: الفرق شنو بين الحب ..والريــــد Author: الزبير بشير Date: 02-03-2013, 10:24 AM Parent: #47
الاخ خرسم اكان كده انا اخوك
يا زول الكلام ده ببقي نبيع الاكل .
المهم عملناها محلات تجاريه .
نرجع لموضوعنا ما فرقت ضربه جزاء و له ركله حره في النهايه المهم ان تكسب المباراه العاطفيه ، ما تنتهي بي شغب ملاعب عاطفي و تاخد شكوش في راسك .
ابن العوام
Post: #50 Title: Re: الفرق شنو بين الحب ..والريــــد Author: محمد عبد الله حرسم Date: 02-09-2013, 07:49 AM Parent: #48
الحب ممكن تنطق بها وهي كلمة بقت ممجوجة ومستهلكة وكثيراً من تكون معبر لإمتلاك شئ محدد في حينها مع إحترامي للكل ممكن بقت الآن مبتزلة لدرجة الإستحفاف بالشخص ،،، ولكن الريدة دي حاجة أعمق من الحب وهي الوجدان الداخلي والعقلي للإنسان ( بريدك والريدة ظاهرة في عيني ) والريده هي تحوي كل كلمات الحب والعطف والحنان ،،، وعلى حسب أعتقادي الحب يطرق الأبواب مراراً ،،، ولكن الريدة مرة واحدة فقط ،،، ولو لاحظت في أغنية الكاشف مثلاً ( الشوق والريد والحب البان .... ) يعني عمق الريده القوية ترجم الحب يبقى الأساس الريدة ،،، وأخيراً أنا مهما أفصح عن مشاعر برضو بخوني الكلام قولة ( بحبك ) ما بتكفي وكل كلمات الغرام يامنتهي ( الريد ) ومبتداه ويديكي لي طولة العمر وفي الدنيا يوم ما يألمك شوف تعمق كلمة الريدة كيفينها
زول تانى
Post: #51 Title: Re: الفرق شنو بين الحب ..والريــــد Author: محمد عبد الله حرسم Date: 02-09-2013, 07:50 AM Parent: #50
Quote: الحب ... والريد أغنية
أغمضت عيناى وبديت أردد كلمة "أحبك" .. و "بريدك" كل واحدة على حدا ولأكثر من دقيقة
وجدت أنى أردد كلمة "بريدك" أكثر وبقولها بشجاعة وقوة وحنية
ووجدت نفسى أردد كلمة "بحبك" بصوت خافت وأقل عدداً ولا أريد أن أقول بهمس ولكن بخجل
دى معضلة جديدة .. واحتمال أكون رد على السؤال
واحدة انثى من منتدى آخر كلام ليهو معنى
Post: #52 Title: Re: الفرق شنو بين الحب ..والريــــد Author: محمد عبد الله حرسم Date: 02-12-2013, 06:41 PM Parent: #51
واحد بيغنى
سمير القلب الريدة ما بالغصب
نعم انه احساس فطرى يبدأ بالعين
ثم القلب
ثم
Post: #53 Title: Re: الفرق شنو بين الحب ..والريــــد Author: محمد عبد الله حرسم Date: 02-14-2013, 10:37 AM Parent: #48
يا الزبير بشير العتب على النظر والبال
اها قام ذكرنى الزول البيقولولو فلنتاين دا بالبوست دا
اها جيت لقيت كلامك دا انى ما رديت عليهو اها ياخ
اكان حبيت والا ردت
ياخ الشعراء ديل كتفونا جنس كتيف
Post: #54 Title: Re: الفرق شنو بين الحب ..والريــــد Author: محمد عبد الله حرسم Date: 02-16-2013, 09:20 AM Parent: #53
عصام حميد · Khartoum, Sudan 1- مهما قسيت أنا برضي بحبك وساعة عطفك بستناها 2- مهما قسيت أنا برضي بريدك وساعة عطفك بستناها رد · 2 · إلغاء إعجابي · متابعة المنشور · 27 يناير، الساعة 01:55 مساءً
شكرا عصام
Post: #55 Title: Re: الفرق شنو بين الحب ..والريــــد Author: محمد عبد الله حرسم Date: 02-16-2013, 09:46 AM Parent: #54
Abonoon Abraheem يا حبيب رجعت لي الزمن الجميل رد · أعجبني · 31 يناير، الساعة 10:39 صباحاً
ناس الفيسبوك
شكرا ابونون
Post: #56 Title: Re: الفرق شنو بين الحب ..والريــــد Author: محمد عبد الله حرسم Date: 02-19-2013, 08:58 AM Parent: #55
إضافة تعليق... نشر كـHarsam Mohammed Abdalla (تغيير) النشر في فيس بوك
Zeinab Elmahdi · Lecturer في University of Medical Sciences and Technology الريدة دي حقتنا برانا السودانيين. والتحية لأم درمان
بتفق تماما استخدامها بطريقتنا دى حقتنا برانا
وككلمة موجودة لكنها تستخد فقط فى ما اريد وارغب
Post: #57 Title: Re: الفرق شنو بين الحب ..والريــــد Author: الزبير بشير Date: 02-19-2013, 09:12 AM Parent: #56
يا حرسم ازيك
لسع ما وصلت لي نتيجه بالله ادينا خبر .
اخوك الزبير بشير
تخريمه : جد جد ام العيال قاعده تقرا هذه البوستات .
Post: #58 Title: Re: الفرق شنو بين الحب ..والريــــد Author: newbie Date: 02-19-2013, 10:12 AM Parent: #57
تحياتي بيقولوا فلان ده رياااااد طلعتو كلكم ريادين
Post: #59 Title: Re: الفرق شنو بين الحب ..والريــــد Author: محمد عبد الله حرسم Date: 02-20-2013, 05:18 PM Parent: #58
Quote: يا حرسم ازيك
لسع ما وصلت لي نتيجه بالله ادينا خبر .
اخوك الزبير بشير
تخريمه : جد جد ام العيال قاعده تقرا هذه البوستات .
بجيك
Post: #60 Title: Re: الفرق شنو بين الحب ..والريــــد Author: محمد عبد الله حرسم Date: 02-23-2013, 11:17 AM Parent: #59
Samah Ali · الأكثر تعليقا · Port Sudan الحب والريدة الاتنين بكتلن الحيل رد · أعجبني · متابعة المنشور · 3 فبراير، الساعة 09:58 مساءً
شكرا سماح من الفيسبوك
Post: #61 Title: Re: الفرق شنو بين الحب ..والريــــد Author: محمد عبد الله حرسم Date: 02-23-2013, 05:59 PM Parent: #60
ومن داخل المفردتين وبحرهما ... عندما تحب فانت فى حالة من التحفز ويملؤك الحنين والشوق الى ان تكون بجانب من تحب وما تحسه ينبت فيك ويمد بينك وبين من تحب الآف الايونات الموجبة التى تربطك بشكل ما لا فكاك منه بينك وبين من تحب .. ولكنك يمكن ان تتامل فى هذا المكون الذى بينك وبين من تحب بشىء من الفرجة والانغماس راضيا بحالة الانتشاء الذى يصيبك من اقل القليل منه .. اما فى حالة الريدة فان الامر يتعدى كل ذلك الاحساس الى لحظة امتلاك ما تحب ...
الحب استخدام حضرى الريد استخدام قروى
Post: #62 Title: Re: الفرق شنو بين الحب ..والريــــد Author: محمد عبد الله حرسم Date: 02-23-2013, 06:04 PM Parent: #61
نعم نحن اقرب الشعوب الى اللغة العربية .. ونحن اقربها من الجمال الحقيقى للانسان..
وهى تستصحب معها معنى خفى من اراد الشىء يريه اى يعى لامتلاكه..
Post: #63 Title: Re: الفرق شنو بين الحب ..والريــــد Author: محمد عبد الله حرسم Date: 02-24-2013, 10:09 AM Parent: #62
عصام حميد · Khartoum, Sudan 1- مهما قسيت أنا برضي بحبك وساعة عطفك بستناها 2- مهما قسيت أنا برضي بريدك وساعة عطفك بستناها رد · 2 · إلغاء إعجابي · متابعة المنشور · 27 يناير، الساعة 01:55 مساءً Abonoon Abraheem يا حبيب رجعت لي الزمن الجميل رد · أعجبني · 31 يناير، الساعة 10:39 صباحاً Zeinab Elmahdi · Lecturer في University of Medical Sciences and Technology الريدة دي حقتنا برانا السودانيين. والتحية لأم درمان رد · 3 · إلغاء إعجابي · متابعة المنشور · 27 يناير، الساعة 12:18 مساءً صبري طه · الأكثر تعليقا أيوة الريدة دي حقتنا برانا كدا .. وأنا بشوف إنّها أعمق من الحب .. رد · 2 · إلغاء إعجابي · 27 يناير، الساعة 06:43 مساءً Samah Ali · الأكثر تعليقا · Port Sudan الحب والريدة الاتنين بكتلن الحيل رد · أعجبني · متابعة المنشور · 3 فبراير، الساعة 09:58 مساءً
المكوّن الإضافي الاجتماعي لفيس بوك
Post: #64 Title: Re: الفرق شنو بين الحب ..والريــــد Author: محمد عبد الله حرسم Date: 03-02-2013, 11:19 AM Parent: #63
Post: #65 Title: Re: الفرق شنو بين الحب ..والريــــد Author: محمد عبد الله حرسم Date: 03-04-2013, 04:28 PM Parent: #64
Mohamed Abdelhalim Mahmoud · الأكثر تعليقا · Toronto, Ontario ريدتنا ومحبتنا وليالي هنانا ان شاء الله تدوم نتهنا ونعيش في صفانا...(عثمان حسين في بعض رحيقه) رد · 1 · أعجبني · متابعة المنشور · 26 فبراير، الساعة 12:15 مساءً
شكرا ابوحميد
Post: #66 Title: Re: الفرق شنو بين الحب ..والريــــد Author: محمد عبد الله حرسم Date: 03-07-2013, 10:23 AM Parent: #65
l
ما وصلنا لسع
الحب حب وخلاص
والريدة (حب) تملك
Post: #67 Title: Re: الفرق شنو بين الحب ..والريــــد Author: محمد عبد الله حرسم Date: 03-09-2013, 05:45 PM Parent: #66