زيادة واضحة لبوستات الونسة بالبورد.

هنالك زيادة واضحة للبوستات الغير جادة والتي تتخذ طابع الونسة والهظار بالبورد. ومعظم أصحاب هذه البوستات هم من الذين يدعمون نظام الإنقاذ المجرم أو من الذين يتخذون مواقف رمادية من القضايا الهامة والساخنة في السودان.
ويوجد من ضمن هولاء المونساتية عناصر أمنجية تعمل بتركيز دقيق على تخريب البوستات الجادة والهادفة التي تنتقد وتفضح نظام حكومة الإنقاذ المجرمة. وللأسف الشديد هنالك بعض المحسوبين على المعارضة، نجدهم يترددون على مثل هذه البوستات ونجدهم من غير قصد يدعمون الأمنجية المخربين بالبورد.

إذا أستمر هذا الموقع بنفس هذا الطريقة فسوف يخسر كثيرا من مصداقيته وأهميته لدى القراء والمتابعين له خصوصا وسط أهل السودان.

إذا أستمر هذا الموقع بنفس هذا الطريقة فسوف يخسر كثيرا من مصداقيته وأهميته لدى القراء والمتابعين له خصوصا وسط أهل السودان

..................................................................................................................................................

دينق

اختشي

كان ما عاجبك امشي خليه

نحن اصلا جايبنا الونسة

الإنقاذي ود الباوقة.

طبعا أنت مبسوط ومتكيف من تدني مستوى البورد والوجود الكيزاني الكبير فيه.
جماعتك يعملون بكل جهد ويدفعون العالي والنفيس من أجل تدمير هذا الموقع أو تخريبه وفي أسواء الحالات، تخريب البوستات التي تفضح وتعري نظام الإنقاذي المجرم.

هس بالله يا دينق سيب السياسة وخلينا نتونس في البوست

الظريف دا

صبي الكيزان وليد المبارك.

مهما حاولت أن تتخفى لن تفلح في ذلك لأن الطبع يغلب التطبع.

انت يا دينق الشمارات كيف معاك ؟؟

شكلك شمرنجي قديم

دينق يا قرادة

يا لصقة

دينق اذا عندك وقت تجي نلعب ( صفرجت )

دينق اذا بتتاخر انا طالع

ارجو الافادة

طبعا هذا البوست قد أصاب صبي الإنقاذ والإنتهازي الأخر في مقتل.

انت زعلان عشان الناس بقت فاتحة ليك

طبعا هذا البوست قد أصاب صبي الإنقاذ والإنتهازي الأخر في مقتل

.............................................................

دينق نخلي صفرجت

الطوطحانية معاك كيف

بتحب تتطوطح

الاخ / دينق ،،، تحياتي

طبعا اتفق معاك في تدني المعروض من البوستات باعتبار انني من المتابعين من مقاعد المتفرجين للمنبر وكنت معجب جدا بالاقلام التي تكتب هنا في ضروب السياسة والاقتصاد والاجتماع وكافة الفنون بمختلف ميولاتهم وانتماءاتهم السياسية والفكرية وهذا ما يميز هذا المنبر انه يسع الجميع وغير مختزل محتكر من قبل فئة معينة ولونية واحدة وبالتالي لا عيب ان يكون التفاعل هنا لكافة التيارات الفكرية والحزبية وهنا تكتمل الديمقراطية في هذا القبول الكبير لممثلي الحكومة والمعارضة كل يغني لليلاه في اطار التجويد فمرحبا بانصار الحكومة والمعارضة (حكومة ومعارضة ) بس يرتقوا بنا في الطرح والحوار وهذا ما كان يميز هذا المنبر ومنحه كل البريق والالق ... وكمان اكيد لابد من الونسة والضحكة طالما ان هذا المنبر يمثل مجتمع اهل السودان وبالتالي تختلف اهتمامات الناس فلا عيب ان يكون اللعب واللهو والونسة في نفس البوستات المفتوحة لذلك ولكن تكون مرفوضة بكل تأكيد لمن يتعمد بتشتيت الفكرة والخروج عن نص البوستات الجادة

مودتي


الرحـــال

Quote: دينق اذا بتتاخر انا طالع

مستجعل مالك يا استاذ عمر لاحق البنطون ..شايفك جيت زيارة هنا ...بس لسه ما فضيت
ايها المجاهد الاممى الكبير جدا >>>بتحب الونسة

http://www.sudaneseonline.com/cgi-bin/sdb/2b...d=420andmsg=1359215097

بالطريقة دي لا صفرجت ولا الطوطحانية

يتخيل لي يا دينق حا نختم بي لعبة شليل وينو

بوستات الونسة أفضل من بوستات الأكاذيب الف مرة

نسخن ليك البوست ده شوية عشان ما تتعقد

Quote: طبعا اتفق معاك في تدني المعروض من البوستات باعتبار انني من المتابعين من مقاعد المتفرجين للمنبر وكنت معجب جدا بالاقلام التي تكتب هنا في ضروب السياسة والاقتصاد والاجتماع وكافة الفنون بمختلف ميولاتهم وانتماءاتهم السياسية والفكرية وهذا ما يميز هذا المنبر انه يسع الجميع وغير مختزل محتكر من قبل فئة معينة ولونية واحدة وبالتالي لا عيب ان يكون التفاعل هنا لكافة التيارات الفكرية والحزبية وهنا تكتمل الديمقراطية في هذا القبول الكبير لممثلي الحكومة والمعارضة كل يغني لليلاه في اطار التجويد فمرحبا بانصار الحكومة والمعارضة (حكومة ومعارضة ) بس يرتقوا بنا في الطرح والحوار وهذا ما كان يميز هذا المنبر ومنحه كل البريق والالق ... وكمان اكيد لابد من الونسة والضحكة طالما ان هذا المنبر يمثل مجتمع اهل السودان وبالتالي تختلف اهتمامات الناس فلا عيب ان يكون اللعب واللهو والونسة في نفس البوستات المفتوحة لذلك ولكن تكون مرفوضة بكل تأكيد لمن يتعمد بتشتيت الفكرة والخروج عن نص البوستات الجادة

الأخ أشرف الرحال.

تحياتي.

بوستات الونسة والضحك، لا يرفضها أحد، وكلنا نحتاج الى الترفيه والضحك في بعض الأحيان، ولكن عندما تكون تلك البوستات هي الطاغية على صفحات البورد، فيجب الأنتباه الى ذلك جيدا. وإذا تمعنت في معظم هذه البوستات فسوف تجد أصحابها هم من أصحاب المواقف المساندة لنظام القتلة في السودان وفي أحسن الحلات سوف تجدهم من أصحاب المواقف الرمادية في البورد.

دينق جيت اسلم عليك

سلطان دينق


اتوك الجماعة من كل حدب


شايف اشباه الجماعة برضو متواجدين

وبي قادي عصر جد

ابسط يا عم اهو البوست وصل الصفحة التاني

وجاب ليك ارقوز يونسك

يلا بعد ده كفاك اتونس انت والارقوز الفوق ده
شبهينا واتلاقينا

يلا بعد ده كفاك اتونس انت والارقوز الفوق ده
شبهينا واتلاقينا

.......................................................

يا وليد بالله ما تمشي يمكن بعد شوية نلعب يا كديسة زكي الفار

اوك

هوووي يا امنجية
دينق كلامو واضح
الغايظكم شنو
بوستات الونسة تتعدى الخمسين صفحة
والبوستات الجادة تملوها مهاترات عن عمد
لا مجاملة للكيزان

والبوستات الجادة يتم تهميشيها عن عمد

..........................................................................

يعني دايرين تمنعونا الونسة كمان

يا حيدر

أبوعبيدة مرحب بك.

يلا يا ود الباوقو بوست بلطي كده ع الطاير
برضو بجيك فيهو
-----------
لكن مابخلي بوستات الردم

يلا يا ود الباوقو بوست بلطي كده ع الطاير
برضو بجيك فيهو

......................................................

الحرويل لس ما انتهى باقي فيهو الضنب

ههههه

حيدر انا ماش بالله بعدين تربس الباب من جوه

وشكرا

باي

مع السلامة يا ود الباوقة
نشوفك في الدميرة

نشوفك في الدميرة

...............................................................

يا زول خير

الدميرة على الحي قريبة

معاوية عبيد.

مهمة هولاء الكيزان والأمنجية واضحة في هذا المنبر.
ومثل هذه البوستات دائما تفضحهم وتعريهم وتلخبط حساباتهم تماما.
أنظر مثلا الى الإنقاذي ودالباوقة والى صبي الكيزان وليد المبارك وللكوز المونساتي أبوحسين!

عزيزي دينق لك كل الود والتحياء
اتفف معك وجود مواضيع انصرافية كيرة

Quote: الفقراوى الفقراوى نعم -- يتراجع ونضيع وقت نبحث عن جديد مفيد ولا فايده ---- نعم عضويه قامه لكن المردود الحالي قمامه سوي بعض القليل ؟

تعليق من الفيسبوك

Quote: مهمة هولاء الكيزان والأمنجية واضحة في هذا المنبر. ومثل هذه البوستات دائما تفضحهم وتعريهم وتلخبط حساباتهم تماما. أنظر مثلا الى الإنقاذي ودالباوقة والى صبي الكيزان وليد المبارك وللكوز المونساتي أبوحسين!

فاكيها في روحك بي صورة بليدة شديد.....

مليتنا فقر .... يا قرادة

مرحبا دينق

أديك بوست قديم شويه يمكن ترفعوه ثاني:

إعادة هيكلة المنبر العام والمكتبات (للأعضاء والقراء مقترح وتصويت)

دينق اختشي


وشوف شغلك وطلع لينا عضويتنا من البرالمة عشان نعمل ليهم حفل استقبال




___________________________





دينق والامنجية والرماديون



يا شماتة البرالمة فيكم

دينق سلامات ...
كدى النشوف ناس الفيس وننقل ليك بعض التعليقات المهمة ،تسلم.


الفقراوى الفقراوى __

Quote: نعم -- يتراجع ونضيع وقت نبحث عن جديد مفيد ولا فايده ---- نعم عضويه قامه لكن المردود الحالي قمامه سوي بعض القليل ؟

Quote: إذا أستمر هذا الموقع بنفس هذا الطريقة فسوف يخسر كثيرا من مصداقيته وأهميته لدى القراء والمتابعين له خصوصا وسط أهل السودان.

اهل السودان عدييييييييييييييييل كدا دى حلوة يا دينق !!!!

بينى وبينك كدا كم من اهل السودان متابعين البورد دا ؟؟؟

وانت اظنك متوقع البورد دا يودى النظام فى داهية !!!

يا دينق ياخوى اصحى البورد دا لو مافيهو ونسه والله اهل السودان كانوا زمان خلوهو

معليش ما تزعل انا حبيت اتونس معاك شوية

سلامات يا دينق

تحويل المداخلة لتحت.

فعلاً .. فالبورد أصبح لا يشجع على القراءة أو الكتابة.

Quote: سلطان دينق اتوك الجماعة من كل حدب شايف اشباه الجماعة برضو متواجدين وبي قادي عصر جد

الأخ سيف مساعد ود عوج الدرب.

سلامات.

مشكلتهم يا سيف دائما يبلعون الطعم ويكشفون عن نفسهم للقراء بأسهل الطرق.
وحتى الواحد فينا بقى لا يحتاج لكي يزكر أسمائهم. لسه أنا منتظر حضور بقية الأمنجية

لسه أنا منتظر حضور بقية الأمنجية

............................................

انت ما عندك شغل ولا شنو

كلامك صاح ديــنق .
حتى الونسـة مع البنات زاته كترت اليومين دي في البورد ..

يا دينق أين السياسين في البورد


لهم مدة مختفين


لذلك طغت البوستات الأخرى

سلام يا دينق

المواضيع الجادة لا تجد تفاعل بقينا ندخل نتقدم بالتعازي والتهاني وما إلى ذلك ونطلع

حال المونساتية في البورد
ما اتوا لحوار

-
بتاع "أردم" ده يشبه لي ود الباوقة

بتاع "أردم" ده يشبه لي ود الباوقة

.....................................................

حيدر

اب طاقية البتاوق بي فوق دا منو يا ربي ؟؟؟؟

Quote: اب طاقية البتاوق بي فوق دا منو يا ربي ؟؟؟؟

ده الغلبو الثبات زاااااتو

-
يمكن يكون ود عوج الدرب لو ماخايف الكضب

يعني ما Deng

دينق عندو منظار ياخ


-
اها جيث تتونس وتوكحني تاني

وتوكحني تاني

......................................

ما فيها توكيحة

انا افتكرتو دينق لانو قاعد يخاف من الردم

هوووي يابق بق
عارفك نجيض وعاوز تدردقني
دينق مازول بصبصة
--
امشي اسأل عمر دفع الله
يمكن اب طاقية ده سيد الحوش

يمكن اب طاقية ده سيد الحوش

..........................................................

سيد الحوش ساعة الردم دي بكون نائم

مافي زول بكون صاحي في الوقت دا الا دينق

يا زول ما تلاوز

هيييع
اسد الدميرة مابلاوز

-
الخوف يشيل العدة
ودينق ينكرني حطب

الإنتهازي الأرزقي عمر ود الباوقة.

تعرف رغم إنتهازيتك وتملقك البتعمل فيهو ده، ورغم تأييدك لحكومة المجرمين والقتلة في السودان، دائما أنا بعطيك شوية أحترام. لأنك على الأقل واضح في ذلك وليس مثل الجبناء الأخرين.

ياDeng

المنبر دا فيه ناس منظمين فى أحزاب المعارضة وناس منظمين مع حزب الحكومة
وفيه ناس فلوترز
الفلوترز فيهم ناس متعاطفين مع الحكومة
وناس ضد الحكومة لأسباب موضوعية أو ذاتية
وناس على الحياد فى موقفهم من الطرفين

الناس المعارضين ومنتمين لأحزاب رافعين نخرينم فى السما ومابردوا إلا على من يحلو لهم كلامه من الفلوترز
أو يتهاتروا مع ناس الحكومة..

الفلوترز عندهم راى بطرحوه وبحللوا الموقف السياسى من زوايتهم التى ينظرون بها للمشهد
ناس المعارضة عن طريق اتصالات خاصة أو من خلال المنبر عندما يعرفوا صاحب الموضوع فلوتر
بفضلوا يقروا ويلبدوا ومابخسروا حتى نقطة لرفع الموضوع..
أتباع الحكومة لما يشوفوا الموضوع مابمس الحكومة أو يمسها ولكن من زاوية غير موجعة ومتحاملة بدعموا الموضوع
أقلاه برفعهم للبوست..
وإن وجدوا من الفلوترز من يفتح بوست ونسة يشجعونه( مع أن بوستات الونسة أغلبها لايخلو من سخرية من مشهد ما يخص الشأن العام)

وهذا البوست: البحث عن طريق ثالث - حالة امساك سياسي مزمنة مثال لما قلت.

وهناك بوستات هامة لنجلاء سيد أحمد لولا أن بكرى يهتم بها لضاعت بفعل نرجسية وعن(.........)ة المعارضين المتحزبين..

فإذا استمر الحال هكذا سيكون المنبر بالنسبة لنا مكانا لملاقاة الأصدقاء والصديقات والترويح معهم من هموم الدنيا.

سلامات ي Deng
كنت من المتابعين لكتابات ومساهماتك فى هذا المنبر منذ مدة هى ليست بالقصيره حتى نلت شرف العضويه
بالنسه الى ماذكرته فهو من وجهه نظرى صحيح وانا اتفق معك فى انه كثرت فى الفتره الاخيره البوستات الغير جاده والهزليه فى بعض الاحيان تغطى على احداث وقضايا مهمه
وان استمر الحال هكذا فربما تغير من ملامح هذا المنبر .... الذى سريعاً ما اخد مساحه واسعه واصبحت له متابعه فى داخل السودان وخارجه
وذلك بفضل مصداقيه الخبر وتميز الكوكبه الموجوده فيه من مختلف الاطياف والإنتماءات السياسيه .



تحياتى

Quote: هوووي يا امنجية دينق كلامو واضح الغايظكم شنو بوستات الونسة تتعدى الخمسين صفحة والبوستات الجادة تملوها مهاترات عن عمد لا مجاملة للكيزان

الأخ حيدر حسن ميرغني.

هولاء الأمنجية ومؤيدي حكومة الإنقاذ المجرمة لهم هدف ومخطط واضح في هذا المنبر.
أنظر اليهم الأن كيف أرتبكو وكشفو عن أنفسهم بكل سهولة!
يكاد المريب يقول خذوني.

Quote: عزيزي دينق لك كل الود والتحياء اتفف معك وجود مواضيع انصرافية كيرة

حبيبناElkalakla_sanga3at .

وينك يا راجل ؟

القصة يا عزيزي ليس فقط مجرد أنصرافية، بل هي سياسة متعمدة ومخطط له.
على صاحب الموقع أن يعي ذلك جيدا.

Quote: دائما أنا بعطيك شوية أحترام

بيعطيك عديل كده
يعني بصرف ليك

هاهاهاهاهاهاهاهاهاهاها

يا دينق فاقد الشي لا يعطيه
انت اساسا ما محترم عشان تعطي الناي احترام كان كتير ولا شوية

القصة يا عزيزي ليس فقط مجرد أنصرافية، بل هي سياسة متعمدة ومخطط له.
على صاحب الموقع أن يعي ذلك جيدا.

..............................................................

انت يا Deng ما تحول تتهوب من الونسة يا اخ

خليك حريف

Quote: هولاء الأمنجية ومؤيدي حكومة الإنقاذ المجرمة لهم هدف ومخطط واضح في هذا المنبر. أنظر اليهم الأن كيف أرتبكو وكشفو عن أنفسهم بكل سهولة! يكاد المريب يقول خذوني.

مليتنا فقر .....

صراحة ( دينق ) من القلائل الذين يدفعوننا لقراءة سودانيزأون لاين .. وصراحة ( ود الباوقة ) و(أبو الحصين ) و( المبارك) واضح مهمتهم فى المنبر هى ( الفزعة ) لأى كوز مزنوق وتشتيت الكرة من أى بوست يفضح ( تنظيم الأخوان المسلمين الرهيب ) الحاكم فى السودان ... إختشوا
رد · 1 · أعجبني · متابعة klamk sa7777777777777777777

Quote: وصراحة ( ود الباوقة ) و(أبو الحصين ) و( المبارك) واضح مهمتهم فى المنبر هى ( الفزعة ) لأى كوز مزنوق وتشتيت الكرة من أى بوست يفضح ( تنظيم الأخوان المسلمين الرهيب ) الحاكم فى السودان ... إختشوا

ده عجبك
كان ما عجبك تشرب من اقرب محيط جمبك

Quote: تاريخ التسجيل: 12-12-2002 مجموع المشاركات: 849

الحق يا وهبة
بدو يستخدموا في الاسامي البديلة



في 10 سنوات 849
يعني 84 مداخلة في السنة تقريبا
يعني 7 مداخلات في الشهر
يعني 0.23 مداخلة في اليوم
0.0097 مداخلة في الساعة


ياخ انت جابوك في تابوت عديل كده

لمن قريت بعض الحوارات هنا حسيت انى من المعنيين بيه
عشان كده لو تفضلت بذكر البوستات القاصدها حتكون الصوره اوضح و نعرف التصنيف التابعين له رمادى ولا مؤيد
برغم سودانيزاونلاين ما اشترطت علينا فى الانضمام ان المشاركات تكون سياسيه ووطنيه فقط
ولا زعلانيين من الاضافات الجديده للاعضاء البديت تضيف مواضيع عاديه جداااااااااااا مفروض اى منتدى يحتويها وتخفف من الرتابه والروتين الاتسم بيه سودانيز

دينق انت زول هواوي وما عندم اي موضوع ، ومليتنا فقر ..
كل البوستات فيها الغث والسمين ..
والذي نفسه بغير جمالٍ .. الباقي تمو براك ..

وللأهمية ..
اخونا بلة موسى لخص كل مواجع البورد وانتقائية اعضاءه في مداخلتو :

Quote: الفلوترز عندهم راى بطرحوه وبحللوا الموقف السياسى من زوايتهم التى ينظرون بها للمشهد

Quote: ناس المعارضة عن طريق اتصالات خاصة أو من خلال المنبر عندما يعرفوا صاحب الموضوع فلوتر بفضلوا يقروا ويلبدوا ومابخسروا حتى نقطة لرفع الموضوع..

Quote: أتباع الحكومة لما يشوفوا الموضوع مابمس الحكومة أو يمسها ولكن من زاوية غير موجعة ومتحاملة بدعموا الموضوع أقلاه برفعهم للبوست..

بلة موسى كاتبي المفضل ، متعك الله بالصحة والعافية ..

الأخت رانيه.

أنت ليس معنية بهذا البوست. ولا لدي أي موقف ضد المواضيع الغير سياسية التي تكتب هنا ولا ضد الذين لا مواقف لهم.
ولكني ضد الذين يخربون البوستات الهادفة التي تنتقد نظام الإنقاذ وهمهم الأول هو تحويل المنبر الى مجرد مقهى للونسة فقط. وليس للمواضيع الهادفة بكل أنواعها بما فيها السياسي.

"مرحبا دينق

أديك بوست قديم شويه يمكن ترفعوه ثاني:

إعادة هيكلة المنبر العام والمكتبات (للأعضاء والقراء مقترح وتصويت)"


الأخ فتحي عباس نقد.

سلام وتحية.

فكرة تفسيم المنبر الى عدة صفحات متخصصة فكرة قديمة، ولقد طرحها من قبل بعض الأخوة الأعضاء.
في رأي أنا أن مثل هذا التوزيع لا أعتقد بأنه قد ينجح ويؤدي غرضه، لأن عدد المهتمين بالمواضيع السياسية هم الأغلبية ولا أعتقد بأنهم قد يتصفحون بقية الصفحات التخصصية بنفس الحماس والكمية التي تتابع المنبر السياسي.
ولكن كما ترى في هذا البوست أنا أتحدث عن الأمنجية والمونساتية الذين يتعمدون تخريب البوستات وتفريغها من محتواها.

تسلم اخى دينق لردك وتوضيحك
وانا معك فى عدم الرضوخ لمحاولات تخريب البوستات
مهما كان اختلافنا الفكرى والسياسى والطرحى
بتمنى اننا نناقشه فى حدود العقل والمنطق
لان التخريب العشوائى دا نهائيا ما بيحل مشكله
يديك العافيه

Quote: ولكني ضد الذين يخربون البوستات الهادفة التي تنتقد نظام الإنقاذ وهمهم الأول هو تحويل المنبر الى مجرد مقهى للونسة فقط. وليس للمواضيع الهادفة بكل أنواعها بما فيها السياسي.

الحكومة سودانية و المعارضة سودانية إنت الدخلك شنو يا قرادة ......

مليتنا فقر .....

Quote: الحكومة سودانية و المعارضة سودانية إنت الدخلك شنو يا قرادة ...

هو الأخ من دولة جنوب السودان ولا شنو؟
لو بقي من هناك مالو و مال السودان
مجرد سؤال

سؤال يطرح نفسه يا استاذنا دينق

اولا وحدة تكوين اي بوست هي الكلمة

ووحدة تكوين الكلمة هي الحروف العربية

اذا ما هو المعيار الذي يخلي بوست يصنف كأنصرافي او ونسة وبوست آخر انه جادي او هادف ..


قد يقدم شخص فكرة عميقه بكلمات بسيطة يطرحها كموضوع خفيف ..

البوست قوته تكمن فيما يتركه من أثر في نفوس المتلقي او القارئ ..ليس بلغته او اسلوبه

والكلام كما قالت العرب قسمين اما خبر او انشاء

الخبر يحتاج لتوثيق ودليل

اما الانشاء فهو الراي و كل حد يختار الوسيلة التي تناسب قدراته ليطرح رأيه

لان اللغة في النهاية هي وسيلة لنقل الفكر وليست غاية في حد ذاتها ..

وممكن تكون غاية في المنتديات الادبية المتخصصه ..

واذا كنت تعني مداخلات بعض الاعضاء لحرفها بما يخدم النظام او حتى المعارضة..
أنت كمعارض او مؤيد للنظام لا تستطيع ان تفرض سلاحك لخصمك مثل ما كان يحدث في افلام المبارزة القديمة ..

لكن اعتقد كل واحد رفع بوست هو قادر على حمايته اعادة دفته نحو الهدف في كل مرة يحاول آخرين على حرفه ..


كل الذي نتمناه ان تجنبوبنا الوصايا

خلونا نحس بنسمة حرية اصبحت حلم كأننا لم نولد بها

كل واحد يكتب ما يريد ويرد بما يراه حيثما يريد .. فقط نحترم بعض لا اكثر




وكون بخير والسلام

Quote: هو الأخ من دولة جنوب السودان ولا شنو؟ لو بقي من هناك مالو و مال السودان مجرد سؤال

عليك نووووووووور هو مفروض إكون من هناك .. لكن ناس هناك زاتهم ما راضين بيهو

Quote: اولا وحدة تكوين اي بوست هي الكلمة ووحدة تكوين الكلمة هي الحروف العربية اذا ما هو المعيار الذي يخلي بوست يصنف كأنصرافي او ونسة وبوست آخر انه جادي او هادف .. قد يقدم شخص فكرة عميقه بكلمات بسيطة يطرحها كموضوع خفيف .. البوست قوته تكمن فيما يتركه من أثر في نفوس المتلقي او القارئ ..ليس بلغته او اسلوبه والكلام كما قالت العرب قسمين اما خبر او انشاء الخبر يحتاج لتوثيق ودليل اما الانشاء فهو الراي و كل حد يختار الوسيلة التي تناسب قدراته ليطرح رأيه لان اللغة في النهاية هي وسيلة لنقل الفكر وليست غاية في حد ذاتها .. وممكن تكون غاية في المنتديات الادبية المتخصصه ..

هو يا الدرديري الزول ده كان بيفهم الكلام ده ما كويس ..
ما كان اي زول جا ناطي ليهو بي هنا ..

Quote: اللغة في النهاية هي وسيلة لنقل الفكر وليست غاية في حد ذاتها

ده كلام موزون ..

صبيان وكلاب الأمن بالبورد.

حاولو أن تجدون لكم وسائل جديدة، وسائلكم القديمة البالية لم تعد تشتغل.

كما توقعت بفتح بكري للتعليقات للفيسبوكاب
يجوك شخصيات وهمية
يا د. ناظم السر لو ماتوقفت عن ماتفعل
حا أكشف إسمك ببساطة






______-
عذرا يـاDeng

Quote: يا د. ناظم السر لو ماتوقفت عن ماتفعل حا أكشف إسمك ببساطة

راوية صحبتي

والله انت ارجل زول في المنبر ده ... كل مرة بتأكد من الحاجة دي
وبالمناسبة انا قاصد الكلام ده ..

والله انا بعزك جدا

Quote: كما توقعت بفتح بكري للتعليقات للفيسبوكاب يجوك شخصيات وهمية يا د. ناظم السر لو ماتوقفت عن ماتفعل حا أكشف إسمك ببساطة

سبب وااااحد يخليك تتأخري في فضح الشخصيات الوهمية ماااافي ،، من ايام الحادثة الاولي
ديك قلت ليك ما تتردي طالما ما عندك ما يثبت .

و بالمرة أسألي لينا معاك بكري انه متين عيّن بوليس في البورد دا يرتب الناس و يعمل ليهم صفا و إنتباه و تمام تسعة ؟؟
من حقنا برضو نعرف اننا متين و الساعة كم مفروض نرفع التمام !!!



حيرتونا والله

Quote: د.ناظم السر · الخرطوم القديمة

عضو منتظم في سودانيزاونلاين.

كدي امشو الصفحة حقتو؛قبل ما يقفلا !!!

د. ناظم السر
خريج جامعات بلاد برة

خلاص جبتيها يارواية
مسحتها
تشكري

Quote: راوية صحبتي

حبيبي إنت

Quote: والله انت ارجل زول في المنبر ده ... كل مرة بتأكد من الحاجة دي وبالمناسبة انا قاصد الكلام ده ..

والله بنحاول أهو ...

Quote: والله انا بعزك جدا

وأنا أكتر بي زي مليون مرة كدا

Quote: حيرتونا والله

دقيقة بس وراجعة ليك

يا راوية الجهجهة شنو؟ الشاب الوجيه الفي الصورة دا موريتاني
و شايف تعليقات د. ناظم السر اتمسحت من تحت
بس ان شا الله يكون دكتور بعد دا لأنو اخد راحته تمام في التنظيّر لمسألة سيكلوجية و علاج ابوحسين وعبد العزيز

بالله موريتاني؟
أنا قلت كدا
مافي سوداني سمح ووجيه كدا الا حسن موسى خخخخخخ

Quote: الا حسن موسى خخخخخخ

ههههههه تاااااني !!
نو بودي از بيرفكت

مداخلة راوية كانت منعطف تاريخى فى هذا البوست
وهذا المنعطف التاريخى حرف البوست من بوست ونسة عامة
لبوست ونسه عن دكتور ناظم السر..

بشير احمد جزم بأنه موجود فى سودانيزاونلاين ورغم أنو بكون مكبشر صفحتو وخاتم عليها دكتور الغنم, قال الحقوا قبل مايمسح الصفحة.
ودكتور ناظم السر مادام متخفى كدا بكون البودى معارضة والمكنة حكومة وخايف على الشاسى!

موش قلتا ليكم الحقو قبل ما يقفل الصفحة ؟

Quote: بشير احمد جزم بأنه موجود فى سودانيزاونلاين ورغم أنو بكون مكبشر صفحتو وخاتم عليها دكتور الغنم

اها يادكتور قصرتا معاك؟

يا حليلك يا رفسنجاني ....

Quote: id=100004202794562

نجي للونسة

متابعين

نجي للونسة

....................................

الزول دا نقفل موضوعو يا راوية

لا يا ود الباوقة
خلينا مع خدمة (ونس)

لا يا ود الباوقة
خلينا مع خدمة (ونس)

......................................

امير

البوست اصلا مفتوح للونسة

الا دكتور ناظم دا طرطشو

المهم ما علينا

والله فعلا الونسة سمحة

Quote: امير البوست اصلا مفتوح للونسة الا دكتور ناظم دا طرطشو المهم ما علينا

الغريبة أنا ما تابعت كويس هو دكتور نااظم ده إيراني
شايفك جبت سيرة رفسنجاني
و بالمناسبة هي وين المدعو (دينق)

الغريبة أنا ما تابعت كويس هو دكتور نااظم ده إيراني
شايفك جبت سيرة رفسنجاني

..........................................

ايراني شنو يا زول

لا لا بس في شبة بينهم

ليس الا

امير انا ماش نواصل الونسة بكرة باذن الله

تصبحون على خير

وسلم لي على الجماعة بالله عليك

وشكرا

مع التحية

الأخت Nagat Sid Ahmed Elshiekh

شكرا لك وشكرا لمواقفك الواضحة في مثل هذه القضايا الهامة.

تحياتي.

هيييع أُحي شعب موريتانيه

كنت متوقعك مكبشر صفحتو فى الفيس بوك يا دكتور بشير.

تحياتي يادكتور بله؛

تعرف شغلّت الكبشرة بعد مداخلتي طوالي الحذرت فيها إنو ح يقفلا ؛

جاني واحد زبون مرض خلّاني قلم رصاص بس؛
لقيت البتاعة ببح

بس اتعوضتا الله في كبشرة مداخلتو اسفل البوست بتلقاها في الصفحة 5.

Quote: فعلاً .. فالبورد أصبح لا يشجع على القراءة أو الكتابة.

الأخ حسين ملاسي.

شكرا لك، دائما تأتي بالمختصر المفيد.

Quote: الأخ حسين ملاسي. شكرا لك، دائما تأتي بالمختصر المفيد.

هاهاهاهاهاهاهاهاهاهاهاها

وكان الاخ حسين ملاسي

اهو حسين مرقوه من اللستة بمداخلة واحدة

يعني يا جماعة لا تقنعوا

د. ناظم السر دا في أعضاء في سودانيز أون لاين بالكوم كانو أصدقاء ليه ....؟؟؟؟؟؟

فهل نطمح منهم كشف أي معلومات عنه ....؟؟؟؟

راويه دا شنو البتسوي فيه دا ...؟؟

ياخ أنا قانص ليه تجي تهرسيه لي في دقائق ....

تحياتي يا ابوحسين


ياخوي اخدنا ليك حقك تالت ومتلت من ناظم السر او اياً كان اسمه؛
صراحة وجعتني اساءتو الكان كاتبها تحت

اهو شتت قصبوا وفرتق

قفل صفحتوا بالضبة والمفتاح

Quote: سلام يا دينق المواضيع الجادة لا تجد تفاعل بقينا ندخل نتقدم بالتعازي والتهاني وما إلى ذلك ونطلع

الأخ عاصم فقيري.


المواضيع الجادة يتم تخريبها بواسطة هولاء المونساتية والأمنجية.
غرضهم النهائي هو تدمير هذا البورد وجعله عديم الفائدة والفعالية في تناول القضايا الساخنة في السودان.

Quote: المواضيع الجادة يتم تخريبها بواسطة هولاء المونساتية والأمنجية. غرضهم النهائي هو تدمير هذا البورد وجعله عديم الفائدة والفعالية في تناول القضايا الساخنة في السودان.

هههههههههههه و أنت مالك و مال قضايا السودان الساخنة يا مستر دينق

Quote: تحياتي يا ابوحسين ياخوي اخدنا ليك حقك تالت ومتلت من ناظم السر او اياً كان اسمه؛ صراحة وجعتني اساءتو الكان كاتبها تحت اهو شتت قصبوا وفرتق قفل صفحتوا بالضبة والمفتاح

يا بش بش أنا دخلت صفحتو و ما قصرت معاه ....
و كنت شاكي في إنو واحد من الناس المعانا هنا جاب ليه كم كلمة إنجليزية للتضليل
لأنو كاتب مهنتو أخصائي نفسي

Quote: المواضيع الجادة يتم تخريبها بواسطة هولاء المونساتية والأمنجية. غرضهم النهائي هو تدمير هذا البورد وجعله عديم الفائدة والفعالية في تناول القضايا الساخنة في السودان

يا ضينق انت واحد لصقة وزي الضرس المسوس ..
تقلعو ووب وتخليهو ووبين ..
انت مالك ومال السودان ..
انت سوداني ؟؟
عندك جواز سوداني ؟؟ ..
عند تابعية سودانية ؟؟
عندك كفيل سوداني ؟؟
في زول قال ليك انت وصي على السودانيين في البورد ده ..
قوم لف ..

واشكرك على بوست الونسة ده ..
والله ما فاقدين الا ود الباهي يجي يطعمو لينا ..

هو لو كان قال البقين الحلوين في صاحب البوست وإتخارج
ماكان في زول سألو
وبعدين يا أبو حسين حنقطع على بعض
الزبون دا حقي من يوم بوست يحيى قباني داك
والناس الكانوا في لستت أصدقاءه لايدرون عنه شيئا
وبالمناسبة أنا كنت نمرة أتنين في لستة أصدقاءه .... ماتفهموني غلط قبلتو عشان أسألو كان ويييييين المدة الفاتت دي كلها
ولما عرفتو مسحت روحي من اللستة
ويبقى مايجمعنا في الانسانية

بله موسى. أنا أتحدث عن نوعية معينة في هذا البورد مهمتهم الأساسية هي تخريب البوستات الهامة، التي تفضح حكومة الأخوان المسلمين في الخرطوم. وهذه النوعية لن تجدها أبدا في أي بوستات أو حوارات جادة. وهي السبب الرئيسي في تدني مستوى هذا المنبر. وإذا لم يتدارك الأخ بكري ذلك فأن هذا الموقع سوف يصبح مثله مثل بقية غرف الدردشة الهايفة.

Quote: حال المونساتية في البورد ما اتوا لحوار - بتاع "أردم" ده يشبه لي ود الباوقة

يا حيدر حسن ميرغني.

ود الباوقة وبقية المونساتية دائما تجدهم يفضحون نفسهم بنفسهم. وحتى الواحد لا يحتاج الى الأشارة الى أسمائهم.

Quote: بله موسى. أنا أتحدث عن نوعية معينة في هذا البورد مهمتهم الأساسية هي تخريب البوستات الهامة، التي تفضح حكومة الأخوان المسلمين في الخرطوم. وهذه النوعية لن تجدها أبدا في أي بوستات أو حوارات جادة. وهي السبب الرئيسي في تدني مستوى هذا المنبر. وإذا لم يتدارك الأخ بكري ذلك فأن هذا الموقع سوف يصبح مثله مثل بقية غرف الدردشة الهايفة.

كدي بالله أنت يوم واحد بس أكتب لينا بوست مفيد و هادف

Quote: هو الأخ من دولة جنوب السودان ولا شنو؟ لو بقي من هناك مالو و مال السودان مجرد سؤال

الاخ امير طمبل سلام،،
ممكن ارد ليك علي سؤالك بتاع مالو ومال السودان ،،

دينق سوداني وسيد بلد ، أظنو لو كان بدعم نظام الانقاذ العنصري ماكان في واحد ح يسألو اي سؤال مثل هذا.
ودولة جنوب السودان أصبحت دولة قائمة بذاته بسبب الكيزان لعنة الله تخشاهم اينما كانو...
وعشمنا كبير في ازالة النظام ونرجع ذي ماكنا اخوان وخريطة السودان كما كانت قبل سنة ومابعيد بشوفو قريب قرب نضمي ......

من بلاوى نظام الإنقاذ ...
يا دينق مش الدكتاتورية
و العنصريه و الأمنجية و بلاوى الهوس و الدين و بس :
الإنقاذ ! (كتّرت ) المنافقين و الإنتهازيين و المونسِّاتية المتنطعين ....
و متسكعى المواقع الإلكترونية ! و ديل هم الأخطر !
احسن منهم البجيك بوش إنقاذى عديل ! من دون نفاق ,
مُش ب ( وَش ) GRAY أغبش !
.....
عبدالماجد

اها عاد يا نجاة بالغتي في الاستيمنت دي

ناس بتحارب من سنة 1983 وماتو منهم اتنين مليون واتشرد اكبر من العدد دا
بعداك التصويت حقهم قرب يجيب المية في المية وبس ببساطة تقولي حتضميهم تاني لوطن
يعني حتحاربيهم وترجعيهم صاغرين؟؟!!!
لسع يا مسقفاتية الشمال بتفتكروا تتخذوا للجنوبيين قراراتهم
الجنوب بقى دولة منفصلة ذات سيادة ما بتقدري ترجعي واي شخص من الجنوب صار اجنبي
رسميا بالنظم العالمية
ويبقى من يريد خوتنا صديقا اجنبيا نحترمه ونوده ولكن هو اجنبي

Quote: سلامات ي Deng كنت من المتابعين لكتابات ومساهماتك فى هذا المنبر منذ مدة هى ليست بالقصيره حتى نلت شرف العضويه بالنسه الى ماذكرته فهو من وجهه نظرى صحيح وانا اتفق معك فى انه كثرت فى الفتره الاخيره البوستات الغير جاده والهزليه فى بعض الاحيان تغطى على احداث وقضايا مهمه وان استمر الحال هكذا فربما تغير من ملامح هذا المنبر .... الذى سريعاً ما اخد مساحه واسعه واصبحت له متابعه فى داخل السودان وخارجه وذلك بفضل مصداقيه الخبر وتميز الكوكبه الموجوده فيه من مختلف الاطياف والإنتماءات السياسيه .

الأخ محمد بابكر.

مرحب بك في البورد.

ملاحاظاتك في محلها تماما، وفعلا إذا أستمر هذا البورد على مثل هذه الوتيرة فسوف يفقد الكثير من قرائه ومتابعيه وأعضائه أيضا. لذلك يجب على صاحب الموقع أن يتدارك هذا الأمر قبل فوات الأوان.

دينق عليك الله ما تبوظ علينا الونسة السمحة دي

امشي افتح ليك بوست تاني غير دا

دا خلاص

هس رشينا الحوش وطلقنا البخور وسنكون حضورا من الصباح حتى السحور

شكرا دينق على حسن الاستقبال

Quote: الاخ امير طمبل سلام،، ممكن ارد ليك علي سؤالك بتاع مالو ومال السودان ،، دينق سوداني وسيد بلد ، أظنو لو كان بدعم نظام الانقاذ العنصري ماكان في واحد ح يسألو اي سؤال مثل هذا. ودولة جنوب السودان أصبحت دولة قائمة بذاته بسبب الكيزان لعنة الله تخشاهم اينما كانو... وعشمنا كبير في ازالة النظام ونرجع ذي ماكنا اخوان وخريطة السودان كما كانت قبل سنة ومابعيد بشوفو قريب قرب نضمي ......

الأستاذة نجاة
عليكم السلام و رحمة الله
بحكم معايشتي للكان حاصل في السودان الحقيقة عمرنا ما كنا أخوان بالعكس ما شفنا منهم
خلاف الحرابة الإمتدت الي أكثر من خمسين سنة فقدنا منها خيرة الناس حتي قبل ما تجي ثورة الإنقاذ دي
و هم هسة إختارو طريقهم و فرزو عيشتهم يلا خليهم يتركو بلدنا في حالها و الإنقاذ السودان ليس ملكا لها يمشو بعد سنة بعد سنتين
مصيرهم يمشو بس خليهم يسبونا في حالنا

.

باختصار كدا

الناس فاكرين البوست دا ضد الونسة عموما
لا
لا
والف لا
البوست دا عن الناس البحولوا البوستات الجادة لونسة بغرض حرفها وافراغها عن محتواها..
وعشان الناس الماقادرة تفهم نديكم المثال دا:
العمود واقف ممنوع الدخول لاقل من 18 سنة أعملو حسابكم يوجد صور وسوءسلوك

وشوفوا دور ابو حسين وود الباوقة ومن لف لفهم فى حرف هذا البوست عن مساره, وذلك لأنهم يعلمون أنه أصاب الحكومة فى مكتل!!

يا ود الباوقة صاحبى

أنا من زمان عايز ألعب معاك صفرجت وجايب طابتى حسى بى كلامك دا ذكرتنى ليها



( دينق اذا عندك وقت تجي نلعب ( صفرجت )



طبعا هذا البوست قد أصاب صبي الإنقاذ والإنتهازي الأخر في مقتل

.................
Quote: دينق اذا بتتاخر انا طالع





مستجعل مالك يا استاذ عمر لاحق البنطون ..شايفك جيت زيارة هنا ...بس لسه ما فضيت
ايها المجاهد الاممى الكبير جدا >>>بتحب الونسة

http://www.sudaneseonline.com/cgi-bin/sdb/2b....420andmsg=1359215097



بالطريقة دي لا صفرجت ولا الطوطحانية

يتخيل لي يا دينق حا نختم بي لعبة شليل وينو )





صَفْــرَجَــتْ
" يا حافر حفرة السوء وسع مراقدك فيها "
10/01/2013
قلنا عشان بند التوفيرْ
و عشان ترشيد المنصرفاتْ
نبدأ أول بالتجيير
الكان بيتم لحساب الصفوات
ومن بعده نصابح بالخير
ونفند كل المشتروات
فسعادته حَكَم ،
والرتبة مشيرْ
وما محتاج فى قراره مشورات
أو فذلكة أوتبرير
. . من فنى خطب وبيانات
وعرمرم من معتمدين وولاة
ومساعدين بالكوم راقدين
لا شغلة ولا ينشوا ذبابات
ديكور، وعطالى . .
وقُصَّر طامعين فى وزارات
عايشين بى شلنى وأشيلك
ونتكاتف ،
شان ما تظبيط الهبرات
وعشان ما أولادنا الحلوين
يتنغنغوا فى تبات ونبات
ويخلفوا صبيان وبنات
من نفس النسل الملعون .
ووجوه مكروهة ومنبوذة
لا تأثر ، لا بتجدع طوبات
ورجال فى مواقع مجهولة
فى الحزب الوطنى قيادات
وصوامع ومطابع
وحشود من رجرجة وحمير
مادام البلد الواسع وكبير
فى قبضة واحد طرطور
متورط ،
ومحكوم بى منكر ونكير
فوجودم أصلا منكور
فى دولة ودولابها يسير
برجال فى الأمن فتوات
ولأنه القبضة حديدية
فالشارع كله بيانات
بتنادى بخلخلة شعبية
وتهز أركان القوات
طلاب رافعين الرايات
دايرين فى الحكم ديمقراطية
لو تسمع كيف الدعوات
نازلات على راسك لعنات .
قاصدينك إنت ، وبالذات
ومن عدم احساسك بالغير
خليتنا نعيش فى بلاءات
لا أنزلها الله بسلطان
لا وردت فى لغة القرآن
لا ثبتت فى صدر الصفحات
أو فى حديثِ قدسىِّ الكلماتْ
و الحلُ الجذرىُ التغيير
تغيير دولاب الحكم البحكم بالجور
موش تقسيم الشعب الكادح لفئات
و كمان أن يطلع منها داك النمس
ويطلع منها سمعة الغمة
ويطلع منها داك الطفل المعجز،
الحلاق القال بيصلح أسنان
النعجة ولد عمك عصمان
الحافظ للباشا قمايلو
وعارف حركاتو وعمايلو
سمعة الإتبرمك بأراضينا
ويوزع فيها على الجيران
اللامن فكر يآذينا ،
بقى مسئول استثمارات
لجهات مضمونة رشاويها
و صكوك مقبوضة أثمان.
ولازم أيضا يِتْشَات
الرمة الأمنى الصايع وضايع
منتفخ الوجه أب تيهات
العامل قندف وشرير
النازل فى الشعب بذاءات
ويطلع منها موسى وعيسى
وكل مطرود من حزبه ، فطيسة
وعبيد ودقير وزهاوى
ومسار الكان فى إعلامم حاوى
" الراح آخرة فى شربة مية " ( تعبير بالمصرى )
واتْشَلَّتْ من أجل بنية . ( من شلوت )
ويطلعوا كل الوزرا الخصيان
الدخلوا مظلة حكم الحزب الوطنى التعبان
وكُلَ الغدروا وانشقوا وخانوا
و ضعاف النفس الظهروا وبانُوا
وباعوا نفوسم للشيطان .
وينضفوا كل ال###### القاعد فى التلفزيون
وعفانة ود البلال الهطلة ، السَمِجْ ، المسخ ، الملعون
ويطلع منها طوطو المليوطُ
مسودّ الوجه ؛ الكهنوتُ
طه . . وما ها
الذى .....
وَدْ حارْسَ الأسد، السكرانْ
الضرب اللحمة ،
وخلى الأسد السيد جيعان
وبسببوا انتقلت ثروتنا الحيوانية إلى الغابة
والغابةُ يحرسُها إثنانِ من الجان
قد وجدوا فيها برجيين استثماريين
سألوهم . قالوا: أعطانا اللهْ ؛
واللهُ مخيرُ فيما أعطى مِنْ خَيْرٍ أو جَاهْ
ومخيرُ فيمن يُعطى ؟
فالدنيا اتْخَلقَتْ قِسمان :
قسمٌ يتنغنغُ فى حُلوِ رذائلِها،
والقسم الآخر يتمرغ بجحيمِ الحرمان
وله فى الآخرِ لدخولِ الجنةِ بابان .
و يقتصوا من الجاز الأفسد فيها
وجهاز الأمن الشَّرّدْ فى الدنيا بنيها
والأعدم الآف الشبان
ويحاكموا الشرعيين السفلة
العرسوا بزكاة أموالنا النسوان .
ويَمرُقوا منَّها عمك ساطور
النايم واليِحلم بالحور
والكان بيفتش رزق اليوم ويجابد
من حتة لحتة . .
و غلبان
وأخيرا جداً، عمك ساطور الجحمان
القام من نومه وصامدْ
لقى ناسو الأخوان الطيبين ،
حافظين فى القسمةِ كُومُه
وقبض ماهيتين بالرسمى التعبانْ
وقبض الرشوة مُدَنكَلِ/ عائدُها
وطبق المبلغ فى شنطةِ سُلُفَان
وجدع فى الكَوْشَةِ دين أمَّ الجزلانْ .
ويَهِدُّوا الموول الفخم الفتحو أسامة ؛
وأسامةِ فى الحقِ مجاهِدْ برليم ،
يادابو اتسجل فى الوطنى
وما كان قادر من فَلَسُو يتم
وبالعندو يَسِدْ حق الدكان
و طبعا كان تبريرُمْ أَنْ قالوا :
دا هوى الحكم الغدار .
طبعاً طبعاً يا أولاد الهرمة
يا من علمتم إبليس/الصرمة
كيفن يتبشتن حال الأمة
ويبدأ بمشروع تثبيت الأوثان
يا من هزيتُمْ عدل الإسلام
وتكيته على الأركان الخمسة .
يا مَنْ فسَرتُمْ قرآنو
بما يتناسب وهواكم
وحجبتم حُلوَ بلاغتِهِ و بيانو
وقلتمْ يا فجَرَةُ بأَنَّ نصُوصو
ما كانت تحتاجُ لتبيان
يا من ضيعتُمْ عن قصدٍ إحسانو
وجعلتم من كرم سماحته ،
فى الخُطَبِ بذاءات
وقلبتم كل العفو الثابت تشريعاً،
جلداً أو سجناً أو تعزيراً . .
بل و استحدثتم فى الحِلِّ عقوبات
وعزفتوا على وترِ الإيمانِ ضلالتكم .
يا من أدخلتم كل الألفاظ النجسةِ فى لغةِ العُربان
عربدتُمْ وجعلتم من حرماتِ مساجِدِنا
أهواءً يلعب فيها الشَيْطان.
لكن يا أربابَ اللفِ المُتقَنِ والدوران
باسم الأحزاب المشهودْ ،
بولاءا لهذا البلد الطيبْ
باسم الأحزاب النبتت طاهرةً
فى أرضِ السودانْ
باسم الأحزاب الما "جاءت من أينَ ؟ "
ولا كذبتْ ؛ لا انحبستْ ؛
لا انغمست بحرامِ المالِ ال######انْ
والما لَغَفَتْ أبداً، وامتدت بالسُحتِ بطائنُها
وغدت فى صلبِ برامجِها تتمسحُ بالأديان
باسم الأحزابِ الما هَنِئَتْ
أو رَهَنَتْ أن تَحكُمَ ؛ فى غفلةِ ليلٍ ،
والناسُ نِيام ؛
الما نَعِمتْ بعمومِ الخيراتْ
وكرامُ القومِ يعانون الحرمان
والما قَشَرَتْ أو لَبِسَتْ
وهنالك من هو عُريان
باسم ضعاف الناس ومن صانوا
فى سنةِ القحطِ مبادئَهمْ
وخلائقَهم من غزوِ الشيطانْ
والمِنْ شَبُّوا أمناءَِ ،
قدْ انخرطوا فى حفظِ القرآن
وتغنوْا رغم مآسيهم بجمالِ الأوطانْ
باسم الفقراءِ المحرومينَ ،
وباسمِ الأفذاذِ الشُبانْ
باسم وقودِ الثورةِ ،
من عمالَ وفلاحينَ أشدَّاءَ
ومن طلابٍ شجعانْ
باسم طلائع كاودا
وضحايا كادقلى
وعموم الشهداء الأبرار ببورسودانْ
وباسم الطلعوا كجبارَ ( جثامينا )
لم يهزمهمْ عنفُ الموتِ،
ولكنْ هزموهُ
بل . . وانتصروا ؛
وأصابَ البغىَ الخسرانْ
باسم رفاقِ الماجدِ عبد الخالقِِ
وتجانى و جزولى والقاسمَ
وكلَّ شباب الحزب ، ومن آزرهمْ
من أبناء الشعبِ ؛
ومن كان بليل يأويهمْ ؛
من خسةِ ضربتِكم يحميهمْ ،
من عسفِ الخسفِ ومن بطشانِِ الطُغيانْ
باسم الأبناءِ وقد هربوا، من بعد أذيَّتكمْ ؛
ثم ارتحلوا نحو بلادٍ
لا يتواجدُ فيها غيرُ الثلجِ
ويسكنُها قطعانُ البايسون الجاموس الثيرانْ.
باسم الفقراءِ المحرومينَ ، وهم رغمَ الجوعِ
أنوفونَ ولن يُخضعهمْ قهرُ السلطان.
إنى قد قلتُ وحذَّرتُ .
هذا فامتثلوا
أو فليقدُم من بعدى الطُوفان
• * *
جدة 12/01/2013 م





يا الله خد صفرج

Quote: من بلاوى نظام الإنقاذ ... يا دينق مش الدكتاتورية و العنصريه و الأمنجية و بلاوى الهوس و الدين و بس : الإنقاذ ! (كتّرت ) المنافقين و الإنتهازيين و المونسِّاتية المتنطعين .... و متسكعى المواقع الإلكترونية ! و ديل هم الأخطر ! احسن منهم البجيك بوش إنقاذى عديل ! من دون نفاق , مُش ب ( وَش ) GRAY أغبش ! ..... عبدالماجد

الأخ الدكتور عبد الماجد.

شكرا لك يا عزيزي على كلامك الواضح الصريح.

انت يا دينق الونسة ما تاباها يا اخ

الإنقاذي الإنتهازي ود الباوقة.

شكرا لرفع البوست.

Quote: لذلك يجب على صاحب الموقع أن يتدارك هذا الأمر قبل فوات الأوان.

وايضاً تكتمل الجهود بكم حتى يستقيم الحال

-
تعليق الاحبة في البفيس بوك
اسفل البوست

فووق

.

.

.

Quote: الجنوب بقى دولة منفصلة ذات سيادة ما بتقدري ترجعي واي شخص من الجنوب صار اجنبي رسميا بالنظم العالمية ويبقى من يريد خوتنا صديقا اجنبيا نحترمه ونوده ولكن هو اجنبي

طيب لو جنوب السودان بقي دولة أجنبية وليها سيادتة اها حوش بكرى دا أنفصل مع جنوب السودان ولا شنو؟
دا عشان الاعضاء البستهجنوا كتابة دينق في حوش بكري وتناولو لمشاكل السودان الشمالي ما نحن سودانين وقاعدين نكتب عن الثورات المصرية والليبية في حد قال لينا انتو ما مصرين ودي ما بلدكم ولا دى مادولتكم دا ابسط مثال
المهم حركة يا دينق انت ما سوداني وانت أجنبي دي بايخة وجاهلة ...
بعدين الجنوبين صوتوا للانفصال بنسبة كم وتسعين % عندها اسباب كتيرة ومعروفة ومنها جنس الكلام البدور في البورد دا واشياء اخرى معلومة للجميع.

Quote: الأستاذة نجاة عليكم السلام و رحمة الله بحكم معايشتي للكان حاصل في السودان الحقيقة عمرنا ما كنا أخوان بالعكس ما شفنا منهم خلاف الحرابة الإمتدت الي أكثر من خمسين سنة فقدنا منها خيرة الناس حتي قبل ما تجي ثورة الإنقاذ دي و هم هسة إختارو طريقهم و فرزو عيشتهم يلا خليهم يتركو بلدنا في حالها و الإنقاذ السودان ليس ملكا لها يمشو بعد سنة بعد سنتين مصيرهم يمشو بس خليهم يسبونا في حالنا

امير انت كنت عسكري ولا مواطن عادي ؟ لو مواطن عادى دي حاجة شخصية انك ماعاشرتهم ولا بتعتبرهم اخوان بالنسبة ليك ودي مشكلة ...
انا بتكلم عن نفسي وبعتبرهم اخوان درسته مع بعضهم وكانو جيران لناوعاشرناهم إمكن عشان الجيل القبل الانقاذ ما كان عندو النظرة دي والحمد لله ...
بعدين الحروب الانت فقدت فيها أعز الناس وأكيد من الشمال منو الكان سبب واين موقع الحروب دي في الجنوب طبعا مش كدا اها منو المشي يحارب منو!!!!

Quote: وشوفوا دور ابو حسين وود الباوقة ومن لف لفهم فى حرف هذا البوست عن مساره, وذلك لأنهم يعلمون أنه أصاب الحكومة فى مكتل!!

د. بله ترعوي و ل أشوف شغلي معاك إنت كمان ....

UP