Post: #1 Title: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 05:52 AM
الفنان ضمير الامه وقلبها الذى لا يتوقف عن الخفقان... فكهذا عبّر الشابى عن شعبه بعشرات السنين قبل أن يقابل رب الحرية وقد أدى دينه الوطنى ...... وكلماته خالده ألهبت جذوة الثوار..... وهرم الجميع ولكن لم تهرم كلمات الشابى.... ونطقت عند حلول اللحظة التاريخية...
Post: #2 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:02 AM Parent: #1
فنان بقامة وطن ....أنشد برائعة هاشم صديق ( الملحمة).... فأتوه الثوار من كل فج عميق ينشدون:
لما لليل الظالم طول****وفجر النور من عينا اتحول قلنا نعيد الماضي الأول ماضي جدودنا الهزموا الباغي**** وهدوا قلاع الظلم الطاغي وفي ليلة وكنا حشود بتصارع*****عهد الظلم الشب حواجز... شب موانع جانا هتاف من عند الشارع قسما قسما لن ننهار**** طريق الثورة هدي الأحرار
Post: #3 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 06:07 AM Parent: #2
اخونا اسامة
كمان انتو خلوها حلوة شوية
ادو الرجل حريتو في التعبير
بعدين ما ممكن تجيروا كل الشعب بمختلف فئآته لصالحكم قسرا
مع الشكر
Post: #4 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:11 AM Parent: #2
فنان دكت حنجرته الذهبية عرش العسكر والسلطان.... وهدت سلاح والطغيان.... من وهج حنجرته الذهبية....أشتعلت نيران الحرية...
Post: #5 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:18 AM Parent: #4
Post: #6 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:25 AM Parent: #5
لقطة تململ منها الشهيد القرشى وهو فى مرقده .... وأبكت جيل ثورة إكتوبر المجيدة..... وأخجلت من بقلبه مثقال ذرة من حياء وطنى....
Post: #7 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 06:28 AM Parent: #6
Post: #10 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عادل الباهي عبدالرازق Date: 01-26-2013, 06:42 AM Parent: #7
يا اسامة دعو الفنان محمد الامين وشأنة ،علينا بفنه أما حياتة الشخصية فهي ملك له وحده يصافح البشير يصافح نيتنياهو هذة حرية شخصية . يأخ غير معقول مات الحوت حكومة ومعارضة تاجرت به، ظهرت لقطة للموسيقار وردي مع البشير زمان الناس عملتها موضوع متي الناس تحترم خصوصيات وخيارات أهل الفن . لو مفتكرين دا نضال تبقو غلطانين ولو بنوعية نضالكم دي الكيزان بيمشو تبقو زي البتحرثوا في البحر .
Post: #8 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:33 AM Parent: #6
ها هو أمل دنقل يقوم من مرقده ، ويصرخ فى وجهك:
كيف تنظر في يد من صافحوك..
فلا تبصر الدم..
في كل كف؟
إن سهمًا أتاني من الخلف..
سوف يجيئك من ألف خلف
فالدم -الآن- صار وسامًا وشارة
لا تصالح،
ولو توَّجوك بتاج الإمارة
إن عرشَك: سيفٌ
وسيفك: زيفٌ
إذا لم تزنْ -بذؤابته- لحظاتِ الشرف
واستطبت- الترف
Post: #9 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 06:36 AM Parent: #8
انت عارف يا اسامة يا اخوي لو داير تصنف ناس الفن ديل من حكومة
المؤتمر الوطني حا تلقى نفسك قاعد في الصقيعة
وحا تتحول لي ناس كاضم الساهر
واليسا
وشكرا
Post: #11 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 06:44 AM Parent: #9
الله يرحمك يا وردي
Post: #12 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:44 AM Parent: #9
الفاضل ود الباوقة تحياتى
Quote: ادو الرجل حريتو في التعبير
بعدين ما ممكن تجيروا كل الشعب بمختلف فئآته لصالحكم قسرا
منو الحرم الناس من حرية التعبير وقسرهم لصالحه؟؟؟
{أتأمرون الناس بالبر وتنسون أنفسكم وأنتم تتلون الكتاب أفلا تعقلون
Post: #13 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 06:51 AM Parent: #12
Quote: ونحن نرقص طربا لهذه اللقطة الرائعة
اليوم رقصُُ...وغدا ثورة وحساب...
Post: #14 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 06:55 AM Parent: #13
انت عارف يا اسامة يا اخوي
كان جيت رقصت معانا كان احسن ليك من الكلام البتكتب فيهو دا
يعني ادوا الناس حريتها يا اخي الكريم
اذا افترضنا ان ود اللمين قد غني لي اكتوبر او ابريل
او الثاني من تموز
يعني خلاص
Post: #15 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: حسين ديقول Date: 01-26-2013, 06:57 AM Parent: #14
المناسبة شنو
Post: #18 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: جواهر ابراهيم Date: 01-26-2013, 07:09 AM Parent: #15
اخى اسامة سلام قريت عنوان البوست قلت يا ربى فى كتاحة تانية قايمة و لا شنو...!! يا ربى الفنان وداللمين يكون فجأة كدة بقى كوز ? .. طلعت صورة . . مودتى
Post: #17 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-26-2013, 07:04 AM Parent: #13
Quote: اليوم رقصُُ...وغدا ثورة وحساب...
وحتى يأتي يوم أن تحاسبون فيه كل من صافح البشير .. وتحاسبون فيه هاشم العطا وتحاسبون فيه الصادق المهدي وتحاسبون فيه جوزيف قرنق وتحاسبون فيه إدريس جماع وتحاسبون فيه كمال ترباس وتحاسبون فيه (حميرا) وتحاسبون فيه محمد وردي بعد ان تبعثونه من التراب وتحاسبون فيه العملاق محمد الأمين .. سننتظر اولا ان تسقطوا الحكومــة .. لا أن تسقطوا اسقاطاتكم على نفسيات الشعب السوداني والذي لا يعرف من أنتم ومن اين اتيتم ومن أجل ماذا .. هاهي محرقـة أخرى للاستاذ محمد الأمين على قرار محرقـة الراحــل والراحل محمود .. وكلو ما بنفع .. .. والتحية والتجلة لقادة واعضاء وزعماء الفجــر الجديد والسودان الجديد واي حاجة .. واعتقد انها بوادر الفجــر الجديد بدت لوح لنا في الافاق .. لكــن لا .. لن تمروا عبر حنجـرة الأستاذ محمد الأمين ... إذا كانت هي مخططاتكم وهي اجندتكم ..
Post: #21 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 07:13 AM Parent: #13
الفاضل عادل الباهى
سلامى
Quote: دعو الفنان محمد الامين وشأنة ،علينا بفنه أما حياتة الشخصية فهي ملك له وحده يصافح البشير يصافح نيتنياهو هذة حرية شخصية
الصورة تمت فلا محفل وأمام الإلوف من أبناء شعبنا المقهور... فأين التدخل فى الجياة الشخصية الذى أشرت له؟؟؟ بعدين يأخى الكريم نحن لا نصادر الحق الإلهى ( الحرية الشخصية)... ولكننا لن نسكت عمن يستخدم حريته الشخصية للتقارب مع من صادروا الحق الإلهى ( الحرية الشخصية)...
.
Quote: يأخ غير معقول مات الحوت حكومة ومعارضة تاجرت به، ظهرت لقطة للموسيقار وردي مع البشير زمان الناس عملتها موضوع متي الناس تحترم خصوصيات وخيارات أهل الفن
الموت لا يوقف النقد وخاصة فى المواقف السياسية ... ولو كان كذلك لما تطورت الامم وتعلمت من أخطأ قادتها وفنانيها...
Quote: . لو مفتكرين دا نضال تبقو غلطانين ولو بنوعية نضالكم دي الكيزان بيمشو تبقو زي البتحرثوا في البحر .
النضال ضد العسكر شرف لا أدعيه.... وغاية أتمنى بلوغها وملاقاة رب الحرية على مبادئه... والنضال مراتب ... أدناها ما أقوم به... وللوطن المحتل دينا...هذا أقل ما أقدر على دفعه...
وتقديرى لك
Post: #16 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد علي البصير Date: 01-26-2013, 07:03 AM Parent: #12
الأخ أسامة لك تحية الود والتقدير
لا أدري إن كنت ملم بالظروف والمحيط الذي أخذت فيه هذه اللقطة أم ولكن في تقديري لو كنت تعلم ، لخفت حدة نقدك للأستاذ قليلاً
أنا أتفق معك أن أناشيد ود الأمين الإكتوبرية تعتبر من أميز وأجمل وأفضل ما حفظ من تراثنا الفني وتنكر محمد الأمين لمضامين هذه الأعمال الخالدة يعتبر طمس وهدر لهذه الأعمال
ولكني حتى الأن لم أرى من الأستاذ سلوك أو موقف يدل على ذلك
هذه الصورة اخذت في شهر رمضان قبل الماضي في حفل نظمته جمعية الصحفيين السودانيين في خيمتها الرمضانية وكان فنان الحفل هو الأستاذ محمد الأمين ـ بينما حضر البشير كضيف من ضيوف ذلك الحفل
غنى ود الأمين في ذلك الحفل نشيده الخالد مبدأ الحرية أول ـ والبشير يسمع ـ وفي تقديري دا موقف تاريخي يحسب له وليس عليه
ولكن لا أعلم من ذهب للسلام على الأخر ؟ هل ذهب محمد الأمين للبشير ؟ أم تحرك البشير نحو الأستاذ وصافحه ؟
وفي تقديري الأحتمال الأخير هو الأقرب للحدوث لما يعانيه الأستاذ من أعاقة سمعية
أخي بناء على هذه المعطيات أرى أن هذه الصورة لا تؤثر من قريب أو بعيد بتاريخ ود الأمين النضالي علماً بأنني أعارض هذا النظام منذ أول يوم لإنقلابهم المشئوم
Post: #19 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 07:11 AM Parent: #16
في حفل فاخر بفندق قلوريا بالدوحة جماعة أهل الهلال يحتفلون مع الدكتور محمد حسين كسلا بتدشين كتابه (محطات في حياتي) شرف الحفل 4 وزراء يتقدمهم أمين حسن عمر الذي يتواجد بالدوحة لإجراء مفاوضات مع حركة العدل و المساواة . شرف الحفل السفير ياسر خضر سفير السودان بالدوحة بالإضافة الي زملاء الاعب كسلا الكابتن مصطفي النقر و الكابتني عبدالعزيز زكريا منقستو و عدد من محبي الهلال بالدوحة
Post: #23 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 07:28 AM Parent: #20
Quote: الله يرحمك يا وردي
رحمة الله عليه.... وردى وود الامين قامتين فنيتين لا تتكرر فى تاريخنا... هما من مفجرى أول ثوراتنا ضد أول حكم عسكرى بحناجرهم الذهبية... تساقطهم ووجودهم فى مجلس قائد إتقلاب 89 ردة فنية يصعب بلعها...
Post: #22 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد احمد القاضي Date: 01-26-2013, 07:20 AM Parent: #19
ندين مثل هذه اللحظات
Post: #24 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 07:28 AM Parent: #22
ابشرك حا انزل ليك سهرة كاملة كانت الاسبوع الفات بحضرة سيدي الرئيس
شارك فيها كل من اهل الطرب
عبد القادر سالم
قيقم
مجذوب انسه
هشام درماس
ياسر تمتام
والامين البنا
وكان ما اخاف الكضب وليد زاكي الدين وصديق عباس
Post: #29 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 07:43 AM Parent: #24
الاخت الفاضلة جواهر
تحياتى
Quote: قريت عنوان البوست قلت يا ربى فى كتاحة تانية قايمة و لا شنو...!! يا ربى الفنان وداللمين يكون فجأة كدة بقى كوز ? .. طلعت صورة
وإنشاء الله تكونى فريتى أبيات أمل دنقل عن المصافحة الفى الصورة.... الصورة دى يا أختى الفاضلة فيها ممن إنطلقت من حنجرته الشوارع بالالوف فى طريقها للمجد وإقتلاع الظلم.... إتخيلى لو صافح الاستاذ ود الامين الفريق إبراهيم عبود ونُشرت الصور فى الصحف أنذاك... أهل كان بإمكان ود الامين أن تُحرك حنجرته الذهبية أى مواطن لإقتلاع عبود؟؟؟
مع تقديرى
Post: #25 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-26-2013, 07:31 AM Parent: #22
يبدو ان انصار السودان الجديد الذين بدوا في تنفيذ مشروعهم ابتداء بي الصور ، والاسر الحاكمـة في الخليج .. يبدو انهم في انتظار ليل طويل جدا .. وذلك لان في انتظارهم كمية من الشعب ما انفكت ترقص مع البشير في المحافل الرسمية وغيرها ترقص منتشية ، رقصت وعرضت على انغام وحنجرة الراحـل محمود عبد العزيز الحوت الذي خرج السودان كله لتشييعة كاستفتاء قومي لم يسبقة مثيل. فإن كان بتاعين الفجر الجديد امثال اسامـة ، وبتاعين السودان الجديد الامريكان زي ناس (الرخ) كوستاوي شغالين فيديوهات للاسر الحاكمة السعودية والقطرية .. إن كانت هذه مفاهيمهمالتي سيأتون ليحكمون بها السودان ويخلصون بها العشب السوداني .. فابشروا بأن في انتظاركم ليل عجيب .. بس .. كتروا من الصور ، ومن افلام الفيديو .. الدنيا انترنت ساااااي هو نحن بنعرف اكتر منكم ..؟
Post: #26 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 07:34 AM Parent: #25
ويتقدمهم القامة الفنية
على ابراهيم اللحو
Post: #28 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-26-2013, 07:35 AM Parent: #25
واذا كان اصحاب الفجر الجديد والسودان الجديد ما فضل لهم إلا صور محمد الأمين مع البشير .. ووردي بغني مع الرئيس وقدامو (بتيخ) فمن الاجدر لهم ان يفتحوا استديو لتحميض الصور الانالوغ .. واستيك ميموريز عشان يخزنو فيها الصور .. صور الشعب السوداني وفنانينو وممثلينو ومخرجينو ومشاهيره .. ..
التحية لك يا استاذ محمد الأميــن انت من فضلت لنـا من جيل العمالقــة .. متعك الله بالصحـة والعافية
Post: #33 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عادل الباهي عبدالرازق Date: 01-26-2013, 07:55 AM Parent: #22
Quote: الصورة تمت فلا محفل وأمام الإلوف من أبناء شعبنا المقهور... فأين التدخل فى الجياة الشخصية الذى أشرت له؟؟؟ بعدين يأخى الكريم نحن لا نصادر الحق الإلهى ( الحرية الشخصية)... ولكننا لن نسكت عمن يستخدم حريته الشخصية للتقارب مع من صادروا الحق الإلهى ( الحرية الشخصية)...
العزيز اسامة سلام يا أسامة بمجرد الصورة دي عرفتا طوالي الفنان محمد الامين بيتقرب لمن صادرو الحرية الشخصية ؟ لو ود الامين دا طلع في وسيلة إعلام وأشاد وأثني علي هذا النظام نقول يمكن معاك حق. السلام سنه الاسلام ونحن كسودانيين عفويين جدا لو جاءك الد أعداءك قدام الناس ومد ليك يدو بتمد ليهو يدك ويبقي ما الصدور في الصدور .
Quote: النضال ضد العسكر شرف لا أدعيه.... وغاية أتمنى بلوغها وملاقاة رب الحرية على مبادئه... والنضال مراتب ... أدناها ما أقوم به... وللوطن المحتل دينا...هذا أقل ما أقدر على دفعه...
كويس يا أسامة إنك عارف النضال مرتب وأنت قدرت حالتك بأنك تناضل عبر الكيبورد ، لية ماعاوز تناضل من الداخل ؟ أنا أقول ليك ليه لانك رب أسرة وعندك التزامات ناحيتهم ففضلت تناضل عبر كيبوردك ، وزي ما قدرت حالت نفسك دع الناس تقدر حالة نفسها ود الامين برضو عندو اسرة بيصرف عليها هل لو رفض أن يصافح البشير النظام سوف يذهب أم هل لوبطل يغني زاتو لحدي ما النظام دا ينكشح الناس الناصبين ليهو المشانق دي حتصرف عليهو ؟ أنتو عاوزين ودالامين يبقي ليكم بوعزيزي ويحرق نفسه حتي تقلدوهو وسام النضال الرفيع ؟ مايهدا كل يوم بنشوف الجماعة العاملين فيها معارضة بيصافحوا في وفد الحكومة من الكيزان ويجتمعوا وينفضوا بدون أتفاق مالكم ماجلبتو الصور وقلتو وضع مخزي بقت بس علي الاستاذ محمد الامين .
Post: #35 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Isa Date: 01-26-2013, 08:43 AM Parent: #19
يا أسامة.. بالله بالأول (أخـزي) لي ناس الفجـر الجديد ديل كوووووولهم؛ لأنو كان فيهم الوزير والوالي والمساعد وكبييييييييييير المساعدين وممكن نجيب ليك صورهم وهم بأدوا اليمين أمام البشير في القصر مش مقابلة عابرة في حفلة.. يا زول مش زمان هسي دي براهنك لو أكبر قائد معارضة مسلحة لاقى البشير ولاّ نافع في حفلة ولا بيت عـزا بسلم عليهم.. فكان عندك شغلة غير ود الأمين يكون أحسن.. هـو زااتو غلطان: القاليهو غني الملحمة منو..
Post: #93 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: د.نجاة محمود Date: 01-28-2013, 04:04 AM Parent: #35
لعن الله الهوس والتطرف
Post: #118 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: حامد بدوي بشير Date: 01-30-2013, 06:42 AM Parent: #35
الإبن أسامة،
الناس ديل معروفين ومعروف (تلصكم) في المشاهير.
وشعراء وكتاب ومطربي السودان غير مسئولين عن هذا السلوك الانتهازي من قادة المؤتمر الوطني.
ومافي مبدع يمكن أن ينتمي لهذه العصابة.
ما تخاف،
السودان والسودانيين لسه بخير
ولا بد من الصباح مهما تكاثفت ظلمات الليل.
والفجر الجديد قادم.
Post: #87 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: طارق ميرغني Date: 01-27-2013, 08:36 PM Parent: #19
اخي اسامه
انا ضد المؤتمر الوطني لكن ليست لدي أي مانع في ان اتصور مع البشير ولا غيره من قادة المؤتمر الوطني
هذا لا ينتقص من موقفي ضد الحزب او يحسب علي كمعارض
من قبل تحدثوا عن ازهري محمد علي ومحمد وردي ومحمد الامين وكثيرين
لا اري ان في مصافحة البشير يقلل من شاني كمعارض للوضع الحالي
اتمني ان يهتم الناس بالمواقف الحقيقه وليست بالمناظر
Post: #27 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محاسن زين العابدين Date: 01-26-2013, 07:35 AM Parent: #16
لا ادري ما هي ملابسات مصافحة ود الأمين للسفاح
لكن الغناء في حضرته هو فعل يهزم احاسيسنا
وردي وود الامين لن ننكر أبدا انهم شكلوا وجداننا وتوجهاتنا
ارتقوا باحاسيسنا
كانوا امة .. وكونوا أمة
المسالة ليست شخصية او مادية ... هو الإحساس ذات الإحساس يتحرك الآن ليقول ...لماذا ******** لماذا
ولنتفكر في الظاهرة حتى لا ننهزم او ننخدع أو تتوه دواخلنا لماذا لماذا لماذا
هل يتصل الأمر بعامل السن حينما تخمد زوايا عديدة مع تباطئ سريان الدم في عروقنا تخمد الجذوات فينا تخمد جذوة التعاطف داخلنا نستسلم .. ونستسلم ... ونستسلم
ننزوي على ذاتنا ومعاناتنا الجسدية وتفكرنا في النهاية ...............
أم انها المعاناة ...والارتماء في احضانها عبر ولوج العالم الآخر ... العالم الوهمي والعيش في وهمه كما محمود ولربما محمد الأمين
شاهدت حلقة عمر الجزلي لفاطمة محمد ابراهيم حزنت حزنت فقد كانت خانعة مستسلمة ضعيفة لم يرحم الجزلي ضعفها وتاريخها وغفل اهلها كيف يسمحون لمن هم في مثل هذا السن توثيق تاريخ حياتهم
وكما نحتاج لعمل جاد وقوي في كافة مناحي حياتنا نحتاج ضمن ما نحتاج عمل جاد في مجال تقوية تجمعات ونقابات الفئات لتكون هي الملاذ .. ولتحفظ لاعضائها كرامتهم وحقهم في عيش لائق بحرية وكرامة وحقوق كاملة محفوظة
Post: #30 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: haroon diyab Date: 01-26-2013, 07:49 AM Parent: #27
كل الود والحب لذا العملاق الذي
جمل ليالينا وعطر ايامنا
متعك الله بالصحة والعافية
ايها الهرم الشامخ ( ابو اللمين )
اينما كنت وانا حللت
ونهواك في كل الظروف
Post: #31 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 07:50 AM Parent: #30
اقبض يا زول
Post: #32 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد البشرى الخضر Date: 01-26-2013, 07:50 AM Parent: #27
Quote: وردى وود الامين قامتين فنيتين لا تتكرر فى تاريخنا... هما من مفجرى أول ثوراتنا ضد أول حكم عسكرى بحناجرهم الذهبية... تساقطهم ووجودهم فى مجلس قائد إتقلاب 89 ردة فنية يصعب بلعها...
تحياتي اسامة هل الصياغة اعلاه دقيقة؟ هل تغنّي العملاقان بأناشيد و أغاني الثورة كان من اسبابا تفجيرها أم احتفالا بها بعد قيامها؟ ارجو قراءة تساؤلي بعيدا عن نظرية المؤامرة و التصنيفات المتوهمة
Post: #34 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 08:28 AM Parent: #32
الاخ الكريم تمبس
سلامى
Quote: وحتى يأتي يوم أن تحاسبون فيه كل من صافح البشير .. وتحاسبون فيه هاشم العطا وتحاسبون فيه الصادق المهدي وتحاسبون فيه جوزيف قرنق وتحاسبون فيه إدريس جماع وتحاسبون فيه كمال ترباس وتحاسبون فيه (حميرا) وتحاسبون فيه محمد وردي بعد ان تبعثونه من التراب وتحاسبون فيه العملاق محمد الأمين ..
هذا المنبر وكما تعلم منبرا للرأى وليس ساحة محاكم ... تضخيمك للنقد وإلصاقه بالمحاكم يصب فى مصلحة المجتمع الذى لا يتعلم من أخطاءه ولت يتطور إطلاقا..
Quote: سننتظر اولا ان تسقطوا الحكومــة .. لا أن تسقطوا اسقاطاتكم على نفسيات الشعب السوداني
إسقاط الانظمة العسكرية الإنقلابية فضيلة دينية ووطنية... وهى ليست بفرض كفاية وإنما تجب على الجميع وكلُ على حسب إستطاعته.. وما أقوم به هنا هو أضغف الجهد...
Quote: والذي لا يعرف من أنتم ومن اين اتيتم ومن أجل ماذا ..
لقد قيل عن ثوار اللواء الابيض ما قلته عنا هنا الان... ونُشر فى جريدة الحضارة التى كانت تنطق بإسم السيدين... وكان الهدف من التساؤل عنصرى وأيضا لخمنة الإنجليز لان السيدين كانوا يتلقون هبات منهم فالسؤال كان غرضة التقليل من شأن الثورة بالطعن فى نسب قائدها وهو دينكاوى الاصل ( على عبد اللطيف).. فلا أدرى ما هو غرضك فى السؤال من نحن؟؟؟ أهل أيضا تريد معرفة قبيلتنا لكى تعطينا تصريح بالثورة على العسكر؟؟؟
Quote: هاهي محرقـة أخرى للاستاذ محمد الأمين على قرار محرقـة الراحــل والراحل محمود .. وكلو ما بنفع .. .. والتحية والتجلة لقادة واعضاء وزعماء الفجــر الجديد والسودان الجديد واي حاجة .. واعتقد انها بوادر الفجــر الجديد بدت لوح لنا في الافاق .. لكــن لا .. لن تمروا عبر حنجـرة الأستاذ محمد الأمين ... إذا كانت هي مخططاتكم وهي اجندتكم ..
ألفجر الجديد بداية لثورة حقيقة تتلاحم فيها أيادى السودانيين بمختلف ألوانهم السياسية ومشاربهم.. كما إلتحمت أيادى عبيد حاج الامين بعلى عبد اللطيف فى ثورة سودانية خالدة... وحنجرة محمد الامين يمكنها أن تخلق المعجزات ، ولذلك وجب نقدها لإستلهامها... وسلامى
Post: #36 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Elmosley Date: 01-26-2013, 09:16 AM Parent: #1
اخي العزيز اسامه خلف الله ------------------------ محمد الامين لم يتغنى للنظام ولا بحرف واحد وهنا يكمن محمد الامين الفنان اما اذا التقى به رئيس الحكومة السودانية عمر البشير مثله في ذلك مثل اي سوداني إخر ومد يده للسلام فعيب آلا ترد السلام لاي كائن كان (السلام لله) احترم جدا الاستاذ الزميل محمد الامين وآقدره حق قدره وآختلف معك عزيزي اسامه في هذا التقييم مع الاحترام
Post: #37 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-26-2013, 09:18 AM Parent: #36
ومد يده للسلام فعيب آلا ترد السلام لاي كائن كان (السلام لله)
......................................
الكبير كبير دائما يا استاذ موصلي
Post: #38 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: خال فاطمة Date: 01-26-2013, 09:28 AM Parent: #37
ربنا يحفظو ويغطي عليو أبو اللمين كترت النبحه عليو الأيام دي ( وأهلنا قالو كترت النبحه بتكسر الحجر)
مع دعواتي للقامة والأستاذ أبو اللمين بالصحة والعافية وطول العمر (ويطول عمرك مع العافي)
Post: #39 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محاسن زين العابدين Date: 01-26-2013, 09:48 AM Parent: #38
Quote: [اما اذا التقى به رئيس الحكومة السودانية عمر البشير مثله في ذلك مثل اي سوداني إخر ومد يده للسلام فعيب آلا ترد السلام لاي كائن كان (السلام لله) >
مع احترامي لرأيك اخي الموصلي لكن الحكم هكذا بشكل عام لا يجوز
لا اصنف محمد الامين بمصافحته هذه فقط لانني لا ادري ما هي ظروفها
ماذا يكون موقف أرامل ويتامي شهداء 28 رمضان اذا وجدوا انفسهم في هذا الموقف بذات الصورة التي صورتها ماذا يكون موقفي انا وقد كان اعتقال زوجي وحبسه بتواليت عفن لمدة 5 ايام دون اكل واو شراب وتعذيبه ببيوت الأشباح هو وآخريين كانت نهايتهم جمميعا الموت بالسرطان في مدد متقاربة هل تعتقد كنت لاصافحه؟؟؟؟؟
ماذا يكون موقف امهات شهداؤنا في بقاع السودان المختلفة في دارفور في جبال النوبة في جنوب كردفان في جامعة الجزيرة في العيلفون في كجبار زوجة والدة وأشفاء وأبناء خليل ابراهيم ورفاقه الميامين
ارجو أخي الموصلي ان ترد على بصراحة هل كنت لأصافحه؟؟ وهل كانوا؟؟؟؟
(علما والله لا احكم مطلقا بالمواقف الشخصية ) لكن قلبي على السودان عزة اهله وكرامتهم
Post: #40 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Elmosley Date: 01-26-2013, 10:02 AM Parent: #39
Quote: [ماذا يكون موقف أرامل ويتامي شهداء 28 رمضان اذا وجدوا انفسهم في هذا الموقف بذات الصورة التي صورتها ماذا يكون موقفي انا وقد كان اعتقال زوجي وحبسه بتواليت عفن لمدة 5 ايام دون اكل واو شراب وتعذيبه ببيوت الأشباح هو وآخريين كانت نهايتهم جمميعا الموت بالسرطان في مدد متقاربة هل تعتقد كنت لاصافحه؟؟؟؟؟
ماذا يكون موقف امهات شهداؤنا في بقاع السودان المختلفة في دارفور في جبال النوبة في جنوب كردفان في جامعة الجزيرة في العيلفون في كجبار زوجة والدة وأشفاء وأبناء خليل ابراهيم ورفاقه الميامين
الاستاذه محاسن اولا لك التقدير والاحترام كلامك معقول وفيه الجانب الشخصي عميق وانا لو كنت مكانك لحملت سلاحي ولناتي لمسالة الراحل خليل ابراهيم وهو رجل اختلفنا معه سياسيا وكان مشارك في انقلاب البشير وجزء لايتجزآ من الاسلاميين وفي وجوده تم اعدام ال 28 ضابط فما رآييك؟؟؟؟؟ آما رآيي فهنا تكمن لعبة السياسة فنظام البشير نظام ديكتاتوري لا محاله وانا في وقت ما كنت غاضب من الراحل خليل لكثير من مواقفه ابان توافقه الانقاذي وبعد آن اختلف معهم تقديري له تغيير واحترمته ايما احترام لانني اعرف لعبة السياسه -------- محمد الامين لم يكن ليرفض سلام الراحل خليل قبل اختلافه مع الانقاذ ولا بعده اذا التقاه عمة لعمة ومواطن لمواطن في مفهوم العسكريه تعمل انقلاب تمسك الحكومه تبقى ديكتاتور تفشل تعتبر خيانه عظمى فيكون الاعدام محمد الامين فنان قدم الكثير لشعب السودان اكثر مما قدمه الساسه اذا فلندعه في حاله كل الود
Post: #47 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عبدالله الشقليني Date: 01-26-2013, 11:05 AM Parent: #40
الأخ صاحب الملف تحية طيبة لك ولرفاق ورفيقات الملف إن كنت تريد أن تنال من الأستاذ محمد الأمين فقد قدم لشعبه أكثر مما قدمت أحزاب السودان وحكوماته كلها، جنوبها وشمالها ، وأكثر بكثير مما قدمه من صافحه . محمد الأمين لم يتغنى للإنقاذ ..... لماذا تريدون أن تحولوا فناني السودان إلى بضاعة ، هؤلاء قامتهم بقامة وطن ، ولا يحق لكم أن تنسبوهم لرغبات تأتي وتضيع .رجاء اخرجوا الفن والفنانين من دفتر الأغراض ، يكفيهم ما قدموا . ويستحقون تكريماً من أي من أهل السودان ، رغماً عن الذين يكرموهم .رجاء لا تحيلوا ما تبقى لنا من جمال حقيقي من الذين يذكروننا بالوطنية ، وأن تحيلوهم كباش أضاحي لقضاياكم . الفنانون ليسوا مقدسين ، فالنبي الأكرم ،كان يمشي في الأسواق {وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنزِلَ إِلَيْهِ مَلَكٌ فَيَكُونَ مَعَهُ نَذِيراً }الفرقان7، ( وعفى عن أبي سفيان رأس الكفر( من دخل بيت أبي سفيان فهو آمن ) وعفى عن هند بنت عُتبة وقد لاكت كبد أسد الله حمزة . فكيف بمحمد الأمين الذي هو من غمار الناس ، نبأ وتلألأ في وطن ، لا يستحق أن يعبث بكرامته العابثون ؟؟؟؟ *
Post: #75 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 04:28 PM Parent: #40
أخى محمد البشرى
سلامى
Quote: هل الصياغة اعلاه دقيقة؟ هل تغنّي العملاقان بأناشيد و أغاني الثورة كان من اسبابا تفجيرها أم احتفالا بها بعد قيامها؟ ارجو قراءة تساؤلي بعيدا عن نظرية المؤامرة و التصنيفات المتوهمة
سؤال توثيقى رائع... ليس لدى معلومات دقيقة عن الميقات الزمانى لاغانى الثورة... غالبا ما يتغنى الناس بالثورات بعد إندلاعها... أتمنى أن يساهم الإخوة والاخوات الكرام فى الرد على تساؤلك الهام....
Post: #41 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Hashim Taha Date: 01-26-2013, 10:02 AM Parent: #1
وضع مخزي؟
والله يا اسامة .. الخزي كله في فهمك و تقديرك مصافحة ود اللمين للريس مخزي؟؟؟؟
و ما بعيد تكون فاكر بالبوست ده عملت ليك مشوار معارضة و كد؟؟؟؟؟؟؟؟؟؟؟؟؟؟؟؟
والله ده بلا و ابتلانا بيهو الله ! قال معارضة قال!!!
طبعا بفهمك هذا لغيت الشاعر تماما .. الشاعر الذي صاغ الكلمات و بقى في نظرك الفنان هو المناضل (ضمير الأمة)!! KG0
Post: #42 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: وليد محمد المبارك Date: 01-26-2013, 10:18 AM Parent: #41
المعاطين ..!!
صلعتك دي ما قامت بالهين
وبما انو عمر البشير عندو صلعة .. وانت التقيت معاه في الصلعة دي
فانا اعتبر ان هذا الوضع مخزي
كيف تشارك السفاح في الصلع !!!!
يا راااااااجل ما عيب عليك تعمل صلعة .. وعمر البشير عندو واحدة ؟؟؟؟
Post: #43 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عادل خياري Date: 01-26-2013, 10:28 AM Parent: #42
اذا كان فهمك زي انو اليسلم على البشيربكون في وضع مخزي طيب سيدك الميرغني ده سلم على البشير كم مرة وشغل معاه ولدو مستشار مخزي على السياسي ولا على الفنان حضرت لقاء مع المرحوم وردي سالوه عن القعدة الكان حاضرها البشير وهو بغني قال انا معزوم في بيت قريبي وكنت بغني اوقف الغنا او اقول مابغني عشان البشير موجود اسه الناس دي قالت ليك انو ودالامين بغني في خيمة رمضانية والبشير معزوم منو سلم على منو بالاول مامهم المهم انو في زوق وبروتوكول ماممكن انو ودالامين يقول انا مابسلم على البشير الله المستعان
Post: #44 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: وليد محمد المبارك Date: 01-26-2013, 10:31 AM Parent: #43
معقول وليد يكون ماعارف طيب انت شفت كيف كن بخير وخليك قريب
Post: #46 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Amir Omer Date: 01-26-2013, 10:58 AM Parent: #45
قيل أن: العقول العظيمة تناقش الأفكار والعقول المتوسطة تناقش المناسبات والعقول الصغيرة تناقش الأشخاص
Post: #48 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: kamal omer Date: 01-26-2013, 11:11 AM Parent: #46
يا أسامه أعرض عن هذا
Post: #49 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Hashim Taha Date: 01-26-2013, 11:18 AM Parent: #46
ألفجر الجديد بداية لثورة حقيقة تتلاحم فيها أيادى السودانيين بمختلف ألوانهم السياسية ومشاربهم..
Quote: ألفجر الجديد بداية لثورة حقيقة تتلاحم فيها أيادى السودانيين بمختلف ألوانهم السياسية ومشاربهم..
ده يا دوب (بدو)
البداية لثورة حقيقية قال!!! طيب الفات داك كلوووووووووووووو من مارس 1990 كان شنو؟
النظام آيل للسقوط النظام يلفظ انفاسه الأخيرة تجمع وطني معارض تجمع أسمرا تجمع القاهرة لندن فرانكفورت تل أبيب تجمع جوبا بعدين كمبالا!!!
و بعدين!
يا اخي انت جيت متأخر شوية!! الكلام ده سبقوك بيهو مناضلين و مناتلين و مكاتلين كتتتتتتتتتتتار في المنبر ده شوف ليك شغلة تانية نحن قاعدين راجين زي المحن دي!!!
Post: #50 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-26-2013, 11:32 AM Parent: #46
لماذا .. بعض الجماعة القالو معارضين وقاعدين في امريكـــا ويحملون الجوازات الأمريكيـة .. لماذا الواحد فيهم عامل زيو وزي ابو الدقيق .. ود عم الكدندارة ..؟ عينو للنـار مولعـة واللمبـة باقـة عايز يجي طاير ويدخل ليك فيها .. اسامـة الله يديهو العافية عينو لي الجـد كوستاوي ليهو اربعة ايام في التحلو .. اسامـة بن لادن جاي كمان عايز يهز قناعاتنا في الاستاذ محمد الأمين .. فعلا .. انا بديت اصدق الحركـة بتاعت انو في غواصات على قول جادات الله يرحمـو .. يعني حسع اسامـة دا بالفهم الكبير العايز يجي يحرر بيهو عقولنـا معقولة يجي يفتح ليهو بوست زي دا ..؟ اضف لذلك .. قول ناس اسامـة وكوستاوي .. وهشام هباني .. وإلخ من المتأمركيـن السابقننا بي كم مليون سنـة ضوئية في الفهم ديل .. قول قامو حرروا لينا السودان .. وكشووو معاهم في طريق التحرير والاستنارة والتنوير دا بلال موسى وسليمان محمود وابوعبيدة حسن وخالد نحــل والاستاذ محمد الأمين عشان قبضوهو بيسلم على البشير .. اهــا بعداك نحــن نسمع منـو ..؟ نسمع سلمى العثـــل مثلا بتاعت كوستاوي ديك ..؟؟ واللا كمان ح يجيبو لينـا ستونـا مجروس .. تغني لينـا شوكلاته .. * شوكلاتـه الود دا يا ناس شوكلاتـة وذلك في بيت الفنـون ونحن لمان نمشي اجازة نمشي ندخل عشان نحضره ويكون معانا العوض المسلمي .. وود الصايم ومزمل خيري وسعد الدين**وآمنـة مختار.. دا كلام دا يا نـــاس ..؟
ميزة : * تغنية معطـه كدا معطتنا بيها ستهم مجروس في فلم صعيدي في الجامعة الامريكيـة.. ومن داك اليوم حرمت ان اتعشى سمك الساعة سبعة بالليل ** آمنـة مختار تم الزج بها عنـوة ..
Post: #51 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-26-2013, 12:08 PM Parent: #50
Quote: هذا المنبر وكما تعلم منبرا للرأى وليس ساحة محاكم ... تضخيمك للنقد وإلصاقه بالمحاكم يصب فى مصلحة المجتمع الذى لا يتعلم من أخطاءه ولت يتطور إطلاقا..
وتضخيمك في الفجور ووصفك للاستاذ بـ(وضع مخزى ) يصب في خانة المعارضة التي تتساوى مع من تنتقده من الحكومات هذا على اسواء الفروض .. ويصب في مصلحـة نفس الحكومـة التي كانت يوما ما سببا في أن يهجـر محمد الأمين ومحمد وردي وغيرهم من الفنانين السودان .. وبما كتبته يتضح تماما انك لا تعرف من هو الأستاذ محمد الأمين .. ومن هي ندى القلـعة ولا تعرف الفرق بينهم .
Quote: إسقاط الانظمة العسكرية الإنقلابية فضيلة دينية ووطنية... وهى ليست بفرض كفاية وإنما تجب على الجميع وكلُ على حسب إستطاعته.. وما أقوم به هنا هو أضغف الجهد...
إن كان ما تقوم به باسقاطاتك لمحاولة اسقاط الحكومـة بأن تسقط لنـا في هذا السقط .. رمزا كالاستاذ محمد الأمين .. متزرعا بالنضال .. فمن الاجدر لك ان تسقط بعيدا عن فرض كفايتنا .. فنحن قوم نحب محمد الأمين وخضر بشير وخلف الله حمد وكل اركان السودان القديم .. وايش درانـا مش بكره تجينا من الصباح بدري تسقط لينـا كمان سامي عز الدين وحامد بريمـة لانو سلمو علي البشير ..؟
Quote: لقد قيل عن ثوار اللواء الابيض ما قلته عنا هنا الان... ونُشر فى جريدة الحضارة التى كانت تنطق بإسم السيدين... وكان الهدف من التساؤل عنصرى وأيضا لخمنة الإنجليز لان السيدين كانوا يتلقون هبات منهم فالسؤال كان غرضة التقليل من شأن الثورة بالطعن فى نسب قائدها وهو دينكاوى الاصل ( على عبد اللطيف).. فلا أدرى ما هو غرضك فى السؤال من نحن؟؟؟ أهل أيضا تريد معرفة قبيلتنا لكى تعطينا تصريح بالثورة على العسكر؟؟؟
اي ثورة التي اطعن فيها يا هذا ..؟ اتنا بطعـن في افكار نوعيتك دي اللي هي بتصدر لينـا في افكار اخير مناه افكار الانقليز .. ثم شنو الحنك العاضي بتاع العنصرية الجاي زارعو لي زي عود العشر دا ..؟ وما دخل اهلي بقبيلتك ..؟ لا يهمني من اين تنحدر وهذا الخطاب الارهابي الضعيف تم تجريبه هنا على شخصي الضعيف ولم يأتي اكلـه .. اشبـه تماما لما يقوم به دلوعـة البورد .. او يد البورد الواجعاهـو .. وهو من يمارس نفس الفعل على اعلى مستوى .. وهناك بعض الذين استعملوا الخطاب العاضي دا وهم من كانوا ذراع الحكومـة الباطش يوما ما .. وفرزوا البشر وطبيعة البشر بالقبيلة والنوع .. وهاهم الآن قادتكم وسادتكم الذين تركضون من خلفهم ليحرروا لكم السودان من الأستاذ محمد الأمين فقط لانه صافح البشير .. انا لا اقلل من شأن ما تسميه ثورة بي مفهومك .. لكن كمواطـن سوداني ممكن اصافحك ليك البشير دا في اي ملف . عاادي جدا ، بقوليك ثورتك دي انا شخصيا الزول البسلم دا ما نافعته معاي .. لو سميته ثورة يعني ..
Quote: ألفجر الجديد بداية لثورة حقيقة تتلاحم فيها أيادى السودانيين بمختلف ألوانهم السياسية ومشاربهم.. كما إلتحمت أيادى عبيد حاج الامين بعلى عبد اللطيف فى ثورة سودانية خالدة... وحنجرة محمد الامين يمكنها أن تخلق المعجزات ، ولذلك وجب نقدها لإستلهامها... وسلامى
.. كلامك دا ما نقـد النقد نحن بنعرفو لاننا قريناهـو . ما قاعدين ننظر ساكت .. وياتو سودانيين ديل البتتلاحم ليك اياديهم مع ثورتك دي ..؟ كدي جــرب كدا شيل معاك اسطوانتين بتاعات ستليـن يا لحـام بارد وامشي ميدان ابو جنزير حسسسع دي وقوليهم تعالو اللحمـو معاي ثورة الفجـر الجديد دي .. وبعد ما تلحم تعال عليك الله وريني الحصل ليـك شنـو ..
Post: #54 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: بشير أحمد Date: 01-26-2013, 12:24 PM Parent: #51
Quote: Shaza Asmally يا اسامة ياخى اسمعا مني انا الامريكية زيك دي ولي ثلاثة سنوات مستقرة في السودان الواقع غير الانتو بتتخيلوهو وهسة رغم الضائقة المعيشية في ناس كتار جدآ مؤيدين عمر البشير .......وماشي بعيد ليه انا حضرته الانتخابات هنا ووالدي كان اتحادي ابا عن جد وهم اول دفعة من الظباط الشالهم البشير تعرف ابوي ادي منو في الانتخابات ؟ وحياة اولادي ادي عم البشير وما عنده اي مصلحة مع الحكومة وبقناعتو فانتو يا اسامة ما اوصياء علي الشعب دة كل زول حر ففي خياراتو ....يعني يا اسامة والله العظيم من واحدة عاشت في امريكا معاكم وجات السودان الوقع غييييييييير وده ما معناهو انا بقول ليك ما تعارض النطام ابدآ والله لكن ادوا الخصم جقو والنظام ده قوي جدآ علي ارض الواقع وعنده مؤيدين كتار وهم ما منضمين للمؤتمر الوطني حزبيآ وبالمناسبة فيهم نسبةكبيرة من اخوانا البنحبهم لله من غرب السودان و زي ابوي الجلابي العربي وملايين زيو اها ديل عايزين تقنعوهم كيف يخلو المؤتمر الوطني وينضمو ليكم بالكذب والفبركة زي حقت معاوية الصايم دي....ياخي الشعب السوداني اكبر من انو يطلع الشارع ويشيل الكيزان وىجيب ناس اسوء منهم وده ما كلامي يا اسامة ده كلام الناس العادييين والبسييطين الانا جيت عشته في نصهم اها حا تقنعم كيف يا اسامة حسب طريقتكم الماشين بيها اظن والله اعلم البشير حا يقعد لحدي الانتخابات الجاية والله ....آ سفة علي الاطالة بس حبيت انزلك ارض الواقع عشان تغيرو تكتيكم وتحاولو تكسبو الشعب ده مش تنعتوهو بالجبن والانقياد وتتراهنو عليهو بدون ما تقدمو ليهو بديل الا الزي معاوية وبقية المناتلين الفارغين ديل الشعب السوداني مواصفاتو عالية يا اسامة ياخ والله صحي يا قول الامين البشاري
تحياتي يا اخت شذي
يديك العافيه رد في الصميم.
Post: #53 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عاطف عمر Date: 01-26-2013, 12:23 PM Parent: #46
Quote: قيل أن: العقول العظيمة تناقش الأفكار والعقول المتوسطة تناقش المناسبات والعقول الصغيرة تناقش الأشخاص
يا لفرحة الإنقاذ و يا لهنائها وسعدها وطول بقائها كيف لا ومعارضيها - رغم شهاداتهم الأكاديمية الرفيعة - من ( أصحاب العقول الصغيرة ) معارضة تخدم النظام وهى تظن أنها تعارضه.. لا نرميها بالبهائت فهى لن تعطى من كان صاحب رأى ثالث سوى أن يختار جانب الحكومة إذا كان خياره الآخر معارضة بمثل هذا الفهم السطحي وهذه العقول الصغيرة
Post: #52 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Elmosley Date: 01-26-2013, 12:18 PM Parent: #43
Quote: اذا كان فهمك زي انو اليسلم على البشيربكون في وضع مخزي طيب سيدك الميرغني ده سلم على البشير كم مرة وشغل معاه ولدو مستشار مخزي على السياسي ولا على الفنان
آخي عادل لنكون منصفين فان اسامه خلف الله معارض للحزب الاتحادي الاصل بقيادة السيد محمد عثمان الميرغني وهذا للعلم
Post: #55 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Hashim Taha Date: 01-26-2013, 12:35 PM Parent: #52
اسامه خلف الله معارض للحزب الاتحادي الاصل بقيادة السيد محمد عثمان الميرغني
Quote: اسامه خلف الله معارض للحزب الاتحادي الاصل بقيادة السيد محمد عثمان الميرغني
بما أن المعارض، المناضل ،الصنديد، الحديد...الخ (اسامة) ..معارض لمولانا سيد الاتحادي الأصل و بما أن المناضل ذات نفسه مع (الفقر الجديد) بالقاف نستنتج أن مولانا ما مع (الفقر الجديد) المعاهو اسامة المناضل الصنديد أو المناضل الصنديد يكون ما فارز بين (الفجر الجديد) و (الصباح الجديد)
Post: #56 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Elmosley Date: 01-26-2013, 01:45 PM Parent: #55
Quote: بما أن المعارض، المناضل ،الصنديد، الحديد...الخ (اسامة) ..معارض لمولانا سيد الاتحادي الأصل و بما أن المناضل ذات نفسه مع (الفقر الجديد) بالقاف نستنتج أن مولانا ما مع (الفقر الجديد) المعاهو اسامة المناضل الصنديد أو المناضل الصنديد يكون ما فارز بين (الفجر الجديد) و (الصباح الجديد)
ساس يسوس فهو سائس ----------------------- اها نحن مولانا ده ماعندنا فيهو كلام لكن بنحترم موقف اسامه منه
Post: #57 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حسن محمد ادم Date: 01-26-2013, 02:03 PM Parent: #55
لا المعارضين علي حق ولا الحكومه علي حق ولا معارضي المعارضة علي حق ولا مؤيدي المعارضة علي حق ولا مؤيدي مؤيدي الحكومه علي حق الحق الحق عند الشعب والشعب يعاني الأمرين ( حكومه ومعارضه) الشعب يكابد بين من سرق قوته وجوعه واخزاه وبين من يطلق الغلو ويسميه نضال ضد الحكومه كلكم أحبتي الشعب ونحن نحن ناس النص واقفين نضيع زمن آلامه نستمع........ هل نستطيع ان نجزم من هو القاتل؟؟؟ الجثه موجوده بيننا تعالوا ندخل المشرحة ...... لنعرف من التشريح من القاتل هناك بتر في الجزء الجنوبي من الجثه ...... هناك جرح باله طامعة في البنيه الأساسية أدت الي نزيف حاد في الاقتصاد من الواضح ان القاتل قبل ان يسدد الطعنة الأخيرة كان قد عذب المجني عليه عذاب شديد آثار تلك واضحه في وسط وشمال وغرب وشرق الجثه هي عذابات عقود عده والقاتل يعلم تماماً كل أحوال المجني عليه يعلم انه ارض معطاة وشعب قوي حريف ذكي كريم ذو تاريخ ناصع هد حصون الظلم وقدم الدماء فداء هناك آثار دخول عنوة فالجاني قد دخل عنوه وبقوة السلاح في بدايه الفجر يوم ما ساعده علي ذلك طابور خامس بالداخل ندخل العزاء في الصيوان ( أهل الميت ) هناك بعيد يبكون ويتحسرون علي الفقيد ولكن لا يقولوا إلا بما يرضي الله القاتل يجلس القرفصاء ( القرفصاء دي شنو) يتلذذ لانه ( حسب مفهومه ) الوريث الشرعي لانه هو من هب (لإنقاذه) القاتل بالاشتراك يبكي أحيانا علي ما فرض فيه ويسب ويلعن القاتل أحيانا بألفاظ تجرح أهل الميت والقصة طويله وجااارررره لذلك قرر أهل الميت ......استمرار العزاء وعدم رفع الصيوان ولا عزاء لأهل الوسط
Post: #58 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: هشام كمال عبادي Date: 01-26-2013, 03:35 PM Parent: #57
عشان تاني ما في واحد يجي يقول ليه الناس ما بتحب المعارضة .. الحكومة الله لا كسبا بي جهة والمعارضة بي جهة ، انحنا نقع وين ؟
الراجل ده مش عليكم الله جنى على قامة وطنية ؟ يا اسامة انت مطالب بالاعتذار للفنان محمد الأمين وهنا !! .
بلا وهم معاكم ..
Post: #59 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عباس محمود Date: 01-26-2013, 04:14 PM Parent: #58
اسامة لك التحية
يكفي محمد الأمين ما قدمه وهو قامة فنية عالية وانت وانا نعلم محبة السودانيين وتقديرهم له
هل غني محمد الامين للانقاذ...؟
لمحمد الأمين مطلق الحرية في ان يصافح من يريد
اذا شخصيا ضد الانقاذ ولا اري غضاضة في الأمر
ياخوي كل الاحزاب الموجودة بشكل او آخر مواقفها المعلنة والمستترة من الانقاذ معلومة
الا يكفيك مهزلة دخول احزاب التجمع الوطني للبرلمان ( وبالتعيين كمان)
دع محمد الامين وشأنه
Post: #60 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: وليد محمد المبارك Date: 01-26-2013, 04:26 PM Parent: #59
Quote: آخي عادل لنكون منصفين فان اسامه خلف الله معارض للحزب الاتحادي الاصل بقيادة السيد محمد عثمان الميرغني وهذا للعلم
طيب يا استاذ الموصلي ما يفتح لينا بوست يكتب فيه عن ( خزي ) المرغني لانه ودى ابنه مستشار للرئيس
ولا فلاحتو في ود اللمين ؟؟ عشان سلم .. طوالي يرشو بالخزي !!!
Post: #61 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حسن محمد ادم Date: 01-26-2013, 04:43 PM Parent: #60
Post: #62 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: وليد محمد المبارك Date: 01-26-2013, 04:47 PM Parent: #61
نساعدك يا محمد حسن
Post: #63 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حسن محمد ادم Date: 01-26-2013, 04:48 PM Parent: #61
" /> ">
Post: #64 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حسن محمد ادم Date: 01-26-2013, 05:50 PM Parent: #63
شكرًا ياوليد
Post: #65 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حسن محمد ادم Date: 01-26-2013, 05:51 PM Parent: #63
شكرًا ياوليد
Post: #66 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد حامد Date: 01-26-2013, 06:59 PM Parent: #65
الأخ أسامة سلام عليكم العنوان ظالم وليس قدر الموقف ود الامين رسالتو ودورو تجاه الشعب دا في غناهو دا لا زول سياسي لا شايل سلاح كونو قدم رسالتو دي يبقى قام بواجبو على اكمل وجه بغض النظر عن تقديمها في حضرة منو في بعض المواضيع الحديث فيها نتيجتو اسوأ من الفعل زاتو اسي بنشرك للصورة دي ان صح انها قديمة كأنك بتقول انو ود الامين بقى مصالح ومتصالح مع النظام
وليك كل الاحترام
Post: #67 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 08:55 PM Parent: #66
الفاضل محمد على البصير
تحياتى
Quote: أنا أتفق معك أن أناشيد ود الأمين الإكتوبرية تعتبر من أميز وأجمل وأفضل ما حفظ من تراثنا الفني وتنكر محمد الأمين لمضامين هذه الأعمال الخالدة يعتبر طمس وهدر لهذه الأعمال[/QUOTE]
الصورة واللقاء تنكر لتلك المضامين الثورية الإكتوبرية.... ناهيك عن جدبه ولمدة ثلاث وعشرون عاما من ألا عمل فنى ثورى....
Post: #68 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 09:15 PM Parent: #67
الاخ الكريم حسين دبقول
سلامى
Quote: المناسبة شنو
المناسبة هى: لما ليل الإنقاذ الظالم طوّل وفجر النور من عينّا اتحول قلنا نعيد الماضى الأول ماضى جدودنا الهَزَمُوا الباغى وهدّوا قلاع الظلم الطاغى
Post: #69 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-26-2013, 09:49 PM Parent: #68
أخى محمد أحمد القاضى
كل التحايا
Quote: ندين مثل هذه اللحظات
وهذة اللحظات أيضا...
أخى محمد
إنه زمنُ تغربل فيه الناس وسقط الكثيرون من فتحات الغُربال لفقدانهم للمبدئية والثبات على قضية الوطن... سياسيون ...فنانون...صحفيون...ملحنون...موسيقاريون...محامون.... ثلاثة وعشرون عاما لم تهز قناعات مانديلا بقضيتة شعبه العادلة... ولكننا نساقطنا كالنباتات الرخوة فى مستنقع ووحل ملاطفة الإنقلابيون.... مثل هذة اللقطات لقامة فنية فى صحبة الإنقلابيون أثارها مدمرة ولاتقل عن أثار صور أولئك المتساقطون اللذين يؤداو القسم كمساعدين لرئيس النظام.....
Post: #70 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Hashim Taha Date: 01-27-2013, 09:09 AM Parent: #69
و يستمر مسلسل الانحدار الفكري
Quote: وسقط الكثيرون من فتحات الغُربال لفقدانهم للمبدئية والثبات على قضية الوطن... سياسيون ...فنانون...صحفيون...ملحنون...موسيقاريون...محامون.... ولكننا نساقطنا كالنباتات الرخوة فى مستنقع ووحل ملاطفة الإنقلابيون....
هذا هو معيار المعارضة موديل 2013 فاكرين السودان كله تحت امرة
يا معانا يا انت ساقط و عايش في الوحل والمستنقعات
لا احترام ابدا لرأي آخر
Post: #71 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-27-2013, 09:14 AM Parent: #70
Post: #72 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 03:46 PM Parent: #71
الاخ الفاضل عيسى
سلامى
Quote: يا أسامة.. بالله بالأول (أخـزي) لي ناس الفجـر الجديد ديل كوووووولهم؛ لأنو كان فيهم الوزير والوالي والمساعد وكبييييييييييير المساعدين وممكن نجيب ليك صورهم وهم بأدوا اليمين أمام البشير في القصر مش مقابلة عابرة في حفلة.. يا زول مش زمان هسي دي براهنك لو أكبر قائد معارضة مسلحة لاقى البشير ولاّ نافع في حفلة ولا بيت عـزا بسلم عليهم.. فكان عندك شغلة غير ود الأمين يكون أحسن.. هـو زااتو غلطان: القاليهو غني الملحمة منو..
النقد السياسى ليس فيه إنتقائيه ..ولو على رئيس الحزب الذى أنتمى إليه.... ولم يقف مدادى طوالة الثلاث وعشرون عاما الماضية عن نقد أى تقارب أو ملاطفه لرموز النظام... وسأمضى فى هذا حتى نأتى بوطن خير ديمقراطى.. وما طال ما أرسل ربى روحى فى الصباح ...فواجب الشكر هو أن ألعن الظالمين ومن تقارب معهم...
أما فى حكاية غلكة ود الامين فى تغنيه للملحمه... لا أظن أن الاستاذ يتفق معك ... وعسلا ولعل هذا النقد أن يصحى الأستاذ فى ملحمة جديدة .. وننشد غدا معا:
أصبح الصبح ..ولا الإنقاذ ولا السجان باق.... مع تقديرى
Post: #73 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 04:04 PM Parent: #72
الأخت محاسن زين العابدين
تحياتى
كلماتك تحكى وتجيب عن سؤال محير: كيف إستمر هذا النظام الإنقلابى، العنصرى، الذى أفقرنا وقسم وطننا وما زال يهدد بالمذيد؟؟
الإنهزامية وهزالة المواقف وحربائيتها هى موطن الداء... ليس حربائية الصادق المهدى ولا خزيان الميرغنى... ولا دخول عقار ومنى وخليل ومبارك الفاضل وعرمان وخروجهما فقط هو الذى سبب هذة الحربائية وأطال عمر النظام... الفن والفنانون أيضا لديهم دور كبير فى إصابتنا بعمى ألوان المبادى...
كل تقديرى وإحترامى الفائق لكى...
Post: #74 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 04:18 PM Parent: #73
Quote: كل الود والحب لذا العملاق الذي
جمل ليالينا وعطر ايامنا
متعك الله بالصحة والعافية
ايها الهرم الشامخ ( ابو اللمين )
اينما كنت وانا حللت
ونهواك في كل الظروف
الفاضل هارون دياب
وانا أردد معك كلماتك الصادقة فى حق القامة ود الامين...
Post: #76 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 04:44 PM Parent: #74
الأستاذ الموسيقار الموصلى
كل الاشواق
Quote: محمد الامين لم يتغنى للنظام ولا بحرف واحد وهنا يكمن محمد الامين الفنان اما اذا التقى به رئيس الحكومة السودانية عمر البشير مثله في ذلك مثل اي سوداني إخر ومد يده للسلام فعيب آلا ترد السلام لاي كائن كان (السلام لله) احترم جدا الاستاذ الزميل محمد الامين
عدم التغنى لهذا النظام من المبدعين كود الامين هو محمدة وطنية ... ولكن أرفع المحامد الوطنية هو أن تتغنى لتُشعل الثورة وتزيل الظلم... أهل تدرى ما هو أثر تغنيك أنت فى كلورادو فى 2007 بإحد روائعك الثورية؟؟؟ لقد أبكيت وفجرت فينا بركان غضب ضد الظلم لم ولن يهدأ حتى النصر...
الشاعر أمل دنقل ( كما ذكرت سابقا) أن مصافحة الدمويين تعنى أن تتلوث يداك بدمائهم.... أهل مٍنا من يؤيد أن تصافح يده رموز النظام ولو فى مناسبة إجتماعية؟؟؟
Quote: وآقدره حق قدره وآختلف معك عزيزي اسامه في هذا التقييم مع الاحترام
وأنا أحترم تماما ليس إختلافك فقط بل مشاركتك الثرة هنا...
Post: #77 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 05:23 PM Parent: #76
الفاضل خال فاطمة
تحياتى
Quote: ربنا يحفظو ويغطي عليو أبو اللمين كترت النبحه عليو الأيام دي ( وأهلنا قالو كترت النبحه بتكسر الحجر)
مع دعواتي للقامة والأستاذ أبو اللمين بالصحة والعافية وطول العمر (ويطول عمرك مع العافي
ربنا يقبل دعاك فى شأن الاستاذ محمد الأمين... أما عبارة " النبحه" التى إستخدمتها هنا مرتان... فلا أعتقد أنها مرادفة لكلمة " النقد" ... وفيها إستعارة مكنية لتشبيه النقد بعواء الكلاب.... ولا أعتقد أنها تناسب تعابير شخصك الكريم....
Post: #78 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 05:30 PM Parent: #74
أخى محمد البشرى
سلامى
Quote
Quote: : هل الصياغة اعلاه دقيقة؟ هل تغنّي العملاقان بأناشيد و أغاني الثورة كان من اسبابا تفجيرها أم احتفالا بها بعد قيامها؟ارجو قراءة تساؤلي بعيدا عن نظرية المؤامرة و التصنيفات المتوهمة
سؤال توثيقى رائع... ليس لدى معلومات دقيقة عن الميقات الزمانى لاغانى الثورة... غالبا ما يتغنى الناس بالثورات بعد إندلاعها... أتمنى أن يساهم الإخوة والاخوات الكرام فى الرد على تساؤلك الهام....
Post: #79 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 05:45 PM Parent: #78
الاخ الشقلينى
تحية طيبة إليك أخى الفاضل
Quote: الأخ صاحب الملف تحية طيبة لك ولرفاق ورفيقات الملف إن كنت تريد أن تنال من الأستاذ محمد الأمين فقد قدم لشعبه أكثر مما قدمت أحزاب السودان وحكوماته كلها، جنوبها وشمالها ، وأكثر بكثير مما قدمه من صافحه . محمد الأمين لم يتغنى للإنقاذ ..... لماذا تريدون أن تحولوا فناني السودان إلى بضاعة ، هؤلاء قامتهم بقامة وطن ، ولا يحق لكم أن تنسبوهم لرغبات تأتي وتضيع .رجاء اخرجوا الفن والفنانين من دفتر الأغراض ، يكفيهم ما قدموا . ويستحقون تكريماً من أي من أهل السودان ، رغماً عن الذين يكرموهم .رجاء لا تحيلوا ما تبقى لنا من جمال حقيقي من الذين يذكروننا بالوطنية ، وأن تحيلوهم كباش أضاحي لقضاياكم . الفنانون ليسوا مقدسين ، فالنبي الأكرم ،كان يمشي في الأسواق {وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنزِلَ إِلَيْهِ مَلَكٌ فَيَكُونَ مَعَهُ نَذِيراً }الفرقان7، ( وعفى عن أبي سفيان رأس الكفر( من دخل بيت أبي سفيان فهو آمن ) وعفى عن هند بنت عُتبة وقد لاكت كبد أسد الله حمزة . فكيف بمحمد الأمين الذي هو من غمار الناس ، نبأ وتلألأ في وطن ، لا يستحق أن يعبث بكرامته العابثون ؟؟؟؟
إتعجبت من حديتك فى البداية الذى فيه حماية للفنانيين من النقد ومن أى مساس بعم بحجة أنهم قامات... ثم فى نهاية حديثك قلت أنهم ليس بمقدسين!!! فإذا رفعت القدسية عنهم فبالتأكيد أنهم مستحقوا النقد الذى لم يسلم منه حتى نبى الحرية....
مع تقديرى
Post: #80 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 06:14 PM Parent: #79
أخى هاشم طه
تحياتى
Quote: والله يا اسامة .. الخزي كله في فهمك و تقديرك مصافحة ود اللمين للريس مخزي؟؟؟؟
أرجو أن توضح للقراء ما هو الخزى فى فهمى للقاء وجلوس الأستاذ مع الدكتاتور...
Quote: و ما بعيد تكون فاكر بالبوست ده عملت ليك مشوار معارضة و كد؟؟؟؟؟؟؟؟؟؟؟؟؟؟؟؟
والله ده بلا و ابتلانا بيهو الله ! قال معارضة قال!!!
أنا يأخى الكريم معارض للأنظمة العسكرية منذ 1983(إلتحاقى بالحزب الإتحادى) ... يعنى بظنك ده أما بخطط للقفز على قيادة المعارضة منذ 1983.... والله برضو حقو تدينى جائزة التخطيط لهدف قرابة الثلاثون عاما....
Quote: B]والله ده بلا و ابتلانا بيهو الله ! قال معارضة قال
البلاء الوحيد هو أن نخر صما وعميانا على النظام الظالم الجاثم على صدر الوطن...
Quote: طبعا بفهمك هذا لغيت الشاعر تماما .. الشاعر الذي صاغ الكلمات و بقى في نظرك الفنان هو المناضل (ضمير الأمة)!!
لقد ذكرت إسم الرائع هاشم صديق شاعر الملحمة... وكلمة الفنان ليست محصورة فى المُغنى .... وأشكرك على هذا التنبيه....
Quote: هذا هو معيار المعارضة موديل 2013 فاكرين السودان كله تحت امرة
يا معانا يا انت ساقط و عايش في الوحل والمستنقعات
لا احترام ابدا لرأي آخر
هنيئا للوطن إذا أصبحت معارضته لا تساوم ولا تهادن فى مبادئها من وحدة السودان ورفض التقارب مع الديكتاتورية....
ولو هذا هو موديل 2013 للمعارضة عندك ، فاسأل الله أن يكثر من أمثالهم... والله لو أكثر الله من أمثال المعارضين بهذه الخواص لذهب النظام الى مذبلة التاريخ عاجلا وليس }جلا...
Post: #81 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 06:25 PM Parent: #80
الاخ الفاضل عادل خيارى
سلامى
Quote: اذا كان فهمك زي انو اليسلم على البشيربكون في وضع مخزي طيب سيدك الميرغني ده سلم على البشير كم مرة وشغل معاه ولدو مستشار مخزي على السياسي ولا على الفنان
لم ولن أنتمى لحزب فيه سيد ومسيود.... الحزب الذى أنتمى إليه ولد فى عام 1952 وهو حزب الحركة الوطنية... أما رأى فى الميرغنى وإبنه فلم يفارق كتاباتى أبدا:
Post: #82 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 06:33 PM Parent: #81
أخى الفاضل وليد محمد المبارك
سلامى
Quote: المعاطين ..!!
صلعتك دي ما قامت بالهين
وبما انو عمر البشير عندو صلعة .. وانت التقيت معاه في الصلعة دي
فانا اعتبر ان هذا الوضع مخزي
كيف تشارك السفاح في الصلع !!!!
يا راااااااجل ما عيب عليك تعمل صلعة .. وعمر البشير عندو واحدة ؟؟؟؟
إنت مرشح رئاسه وكان ممكن تكون رئيس والمفروض تكون منصف للعامة.... حلفتك بالله: موضوع البوست مطابق لموضوع الصلع؟؟؟
مع تقديرى
Post: #83 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 07:03 PM Parent: #82
أخى أمير عمر
تحياتى
Quote: العقول العظيمة تناقش الأفكار والعقول المتوسطة تناقش المناسبات والعقول الصغيرة تناقش الأشخاص
شكرا على الحكمة الرفيغة... نحن هنا بصدد مناقشة مناسبة من وراءها فكرة عظيمة... وهى مناسبة جلوس حنجرة ثورة إكتوبر الذهبية ضد العسكر 64 مع عسكر 89... ومنها نناقش ما تسببه هذة الجلسة من تثييط وخذلان وقبول جماهيرى لديكتاتور سرق السلطة والمال العام وبعثرنا فى كل وادى.... وأرجعنا لقبليتنا البغيضة....
مع تقديرى
Post: #84 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 07:09 PM Parent: #83
أخى كمال عمر
سلامى
Quote: يا أسامه أعرض عن هذا
نصيحة أخوية ..أتأسف لعدم قبولها... حتى يفيق الاستاذ وينتبه لدوره العظيم فى تفجير الثورات ....
Post: #85 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 07:28 PM Parent: #84
الاخ الكريم عاطف عنر
تحياتى
Quote: يا لفرحة الإنقاذ و يا لهنائها وسعدها وطول بقائها كيف لا ومعارضيها - رغم شهاداتهم الأكاديمية الرفيعة - من ( أصحاب العقول الصغيرة ) معارضة تخدم النظام وهى تظن أنها تعارضه.. لا نرميها بالبهائت فهى لن تعطى من كان صاحب رأى ثالث سوى أن يختار جانب الحكومة إذا كان خياره الآخر معارضة بمثل هذا الفهم السطحي وهذه العقول الصغيرة
أرجوك أخى الكريم أن تبذل جهدا قليلا وترنا كيف نكبر عقولنا.... ينوبك ثواب... وتعليقك هذا أصبح معروقا لدينا... أرجوك أكسب حسنات فينا وساعد عقولنا على النمو.... وعلى الله ثوابك العظيم....
مع تقديرى وأحترامى
Post: #86 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Khalid Kodi Date: 01-27-2013, 08:22 PM Parent: #85
أخونا اسامه،
بعد السلام.
يآخى بطل جلافه.
نعم، بطل جلافه.
أسلوب رمى (المشاهير) بالطوب لتحقيق بعضا من (مكان أو مكانه ) إسلوب جلف وغير منتج فتوقف عن هذا واعرب عنه.
1/ هل شخصى يدعوا ويؤيد أن (يطبع ) الناس ايا كانوا علاقانهم مع الفاشى وعلى راسهم عمر البشير؟
الاجابة القطعية لا.
2/ الفنان محمد الامين يااسامه ياخلف الله يامصطفى فوق الشبهات، ولاياتيه الباطل إذ انه الفنان محمد الامين العلم، والهرم والرمز و صاحب الاغنيات التى حركت وستحرك مشاعر ووجدان السودانيين جيلا بعد الاخر الى يوم يبعثون !
الفنان محمد الامين ، فوق الاحزاب ، وفوق المواقف ، وفوق الرؤى ، وفوق هفوات أمثالك التى نراها هنا !
3/ الفنان محمد الامين ينتج فنا يشكل وجدان شعبنا فى ظل نظام فاشى ... فلا انت يااسامه ، ولاالحزب الذى تنتمى إليه ستستطيعون أن تحركو مشاعر آلاف ، بل ملايين السودانيين الذين يتعرضون للقتل والسحل والتشريد كما قد تفعل أغنية واحدة فقط من اغنيات الفنان محمد الامين...
الفنانين يااسامه، الفنانين امثال محمد الامين والفقيد محمود عبد العزيز .. وغيرهم ، هم الذين يجعلون أهلنا يتشبثون ببعضا من امل .. أمثال محمد الامين هم الذين يزودونهم بالتشبث بالحياه ، وبالنظر الى مستقبل افضل... فخسئت ومن إتفق معك فى محاولة تحقيق وضع (المخلصين) والثوار الاحرار لأنفسكم الصقيره ، والذين لايساومون ولايجاملون .. الخ ... الى أشخاصكم المهزومه!
ماهذا يااسامه؟
هل تدرى كم منم الناس (كان عليهم) ان يصافحوا الفاشى بدرجاتهم المختلفه ؟
4/ و نعم يااسامه ... وجود الفنان محمد الامين كغيره من الشرفاء فى السودان يجعل منهم موضوعات للتعامل اليومى مع الفاشى فقد يسلموا عليه ، او يتغنوا فى الاذاعه أو التلفزيزن .. او يغنوا فى حضرته (كما فعل الراحل محمد وردى) ...ففى السودان نظام فاشى .. هل تدرى مامعنى الفاشية ياأسامه ؟
هل تدرى ماهى ملامح الانظمة الفاشية بدءا ذى بدء يااسامه؟
السؤال هو:
هل الفنان محمد الامين هو جزءا من المنظومة الايدولوجية لنظام الانقاذ الفاشى؟
هل يؤمن الفنان محمد الامين بالفاشية وينتج أغنيات تخلد وتمجد الفاشى ؟
هل لديك دليل على هذا؟
لإن لم يكن لديك دليلا من أن الفنان محمد الامين يؤيد ويدعم آيدولوجية نظام الانقاذ الفاشى ، ويوظف فنه لخدمة اجندة نظام الانقاذ الفاشى ... فأخرص ... لاحاجة لأهل الهامش بهكذا إجتهاد لايدرك تعقيد التداخل بين ماهو إنسانى، وإحتماعى ... والواقع الذى يتحرك فيه أمثال الفنان محمد الامين .. وكيفية توظيف هذا الواقع والتحرك فى مجاله للاستمرار ... للاستمرار فى .. الانتاج ، فى الحياه .. فى الامل!
نحن يااسامه خلف الله فى الجبهة الثورية نحيى الفنان محمد الامين ، وهو يسلم على عمر البشير فى مناسبة .. أيا كانت ، لأننا نعرف انه اليوم التالى سيطلق لحنجرته عنان الاصداح بالقيم التى لو إستوعب عمر البشير أو غيره واحدا من المليون منها لما صار فاشيا!!!
يااسامه محمد الامين فوق الفاشية وفوق ان يصله رزازا من امثالك من هواة الثورات.
5/ مهمشى السودان يحبون الفنان العظيم محمد الامين ، ويعرفون انه منحازا لهم، فن محمد الامين منحازا لنا... وهذا يكفى، انه فنا منحازا لإنسان السودان ، ومحمد الامين وهب حياته كلها لأجل الارتفاع وترقية الحس الجمالى الذى يقدر قيمة الحياه والجمال ويجعلهم يتشبثوا بها... ومن يعرف قيم الجمال يااسامه لاتصالح له وقيم الفاشية .... ابدا ، لاتصالح له معها !
فأعرب عن الجلافه يااسامه.
مع ودى بالطبع.
Post: #88 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 08:39 PM Parent: #86
أخى هشام كمال عبادى
تحياتى
Quote: اعتقد انو بوستك ده يا اسامة جواب مفحم لبوست أخونا صبري طه .. ما هو رأيك فيما يسمّى بمُعارضي المُعارضة بالمنبر ؟
عشان تاني ما في واحد يجي يقول ليه الناس ما بتحب المعارضة .. الحكومة الله لا كسبا بي جهة والمعارضة بي جهة ، انحنا نقع وين ؟
الراجل ده مش عليكم الله جنى على قامة وطنية ؟ يا اسامة انت مطالب بالاعتذار للفنان محمد الأمين وهنا !! .
بلا وهم معاكم ..
أرجو منك مذيد من التوضيح
Post: #89 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 08:50 PM Parent: #88
أخى الغالى محمد حسن
الشوق بحور
Quote: لا المعارضين علي حق ولا الحكومه علي حق ولا معارضي المعارضة علي حق ولا مؤيدي المعارضة علي حق ولا مؤيدي مؤيدي الحكومه علي حق الحق الحق عند الشعب والشعب يعاني الأمرين ( حكومه ومعارضه) الشعب يكابد بين من سرق قوته وجوعه واخزاه وبين من يطلق الغلو ويسميه نضال ضد الحكومه كلكم أحبتي الشعب ونحن نحن ناس النص واقفين نضيع زمن آلامه نستمع........ هل نستطيع ان نجزم من هو القاتل؟؟؟ الجثه موجوده بيننا تعالوا ندخل المشرحة ...... لنعرف من التشريح من القاتل هناك بتر في الجزء الجنوبي من الجثه ...... هناك جرح باله طامعة في البنيه الأساسية أدت الي نزيف حاد في الاقتصاد من الواضح ان القاتل قبل ان يسدد الطعنة الأخيرة كان قد عذب المجني عليه عذاب شديد آثار تلك واضحه في وسط وشمال وغرب وشرق الجثه هي عذابات عقود عده والقاتل يعلم تماماً كل أحوال المجني عليه يعلم انه ارض معطاة وشعب قوي حريف ذكي كريم ذو تاريخ ناصع هد حصون الظلم وقدم الدماء فداء هناك آثار دخول عنوة فالجاني قد دخل عنوه وبقوة السلاح في بدايه الفجر يوم ما ساعده علي ذلك طابور خامس بالداخل ندخل العزاء في الصيوان ( أهل الميت ) هناك بعيد يبكون ويتحسرون علي الفقيد ولكن لا يقولوا إلا بما يرضي الله القاتل يجلس القرفصاء ( القرفصاء دي شنو) يتلذذ لانه ( حسب مفهومه ) الوريث الشرعي لانه هو من هب (لإنقاذه) القاتل بالاشتراك يبكي أحيانا علي ما فرض فيه ويسب ويلعن القاتل أحيانا بألفاظ تجرح أهل الميت والقصة طويله وجااارررره لذلك قرر أهل الميت ......استمرار العزاء وعدم رفع الصيوان ولا عزاء لأهل الوسط
إختيار المعارضة من ضمن الجناة فيه إجحاف ولا تخدم غرض رفع الظلم الواقع من هذا النظام علينا.... المعارضة يجب توجيه النقد إليها بما يخدم تطورها ويبشر بالبديل القادم... ولكن حذار أن نقوم بإدانة النظام والمعارضة بنفس التهم...
ولك ودى
Post: #90 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-27-2013, 09:20 PM Parent: #89
اخى عباس محمود
سلامى
Quote: يكفي محمد الأمين ما قدمه وهو قامة فنية عالية وانت وانا نعلم محبة السودانيين وتقديرهم له
هل غني محمد الامين للانقاذ...؟
لمحمد الأمين مطلق الحرية في ان يصافح من يريد
اذا شخصيا ضد الانقاذ ولا اري غضاضة في الأمر
ياخوي كل الاحزاب الموجودة بشكل او آخر مواقفها المعلنة والمستترة من الانقاذ معلومة
الا يكفيك مهزلة دخول احزاب التجمع الوطني للبرلمان ( وبالتعيين كمان)
لقد أجبت على تساؤلك فى مداخلات كتيرة... وأشكرك على مشاركتك هنا....
Post: #91 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: مامون أحمد إبراهيم Date: 01-27-2013, 09:22 PM Parent: #58
سأحاول هنا أن أدلو بدلوي في حياد تام ...
وحتى لا نغلو أو نشطح في ردود الفعل .. سأحاول فقط أن أصل إلى تحليل منطقي لماهية الشخصية السودانية السوية العادية المتعارف عليها بيننا وبين كل ملل العالم منذ قديم الزمان ... أولاً لا يمكن لأي سوداني أن يعزف أو يشيح بوجهه عن ( مصافحة ) مصافحه ، تحت أى ظرف من الظروف أو أى حال من الأحوال ، وفي أى زمان اومكان أو موقف ! حتى ولو كان هذا المصافح من ألد أعدائه وخصومه ! .... وهذه أخلاق سودانية 100% وهي ميزة سودانية من مميزات هذا الشعب ! وخصلة لايختلف عليها إثنان ... فنحن شعب من أهم ميزاته هذا التسامح الفطري ، الذي ينم على شهامة وشجاعة نادرة ، وروح إنسانية رحبة ، يمكنها أن تتقبل العدو قبل الصليح ،، وفي أحلك الظروف والأحوال ! هكذا تربينا ، وهكذا نشأنا ، وهكذا سنظل أبد الآبدين ! .... مصافحة الفنان محمد الأمين للرئيس البشير مبتسماً ، هي أمر سوداني عالي الهمة ، ورفيع الخلق والأخلاق ، ويدل على حلو الشمائل ودماسة الخلق ، والشهامة ، وعلو المكانة ، والحكمة ، وجمال الروح ! وهي أمر يمكن يحدث لأي خصمين سودانيين في أى ملف أو أى شارع أوأى مكان بالدنيا !
إضافة إلى أمر هام هو : أنو مصافحتك لأي إنسان أياً كان ، لا تنم على إقرارك أو إعترافك أو تأييدك لمواقفه أو سياساته ... أو أنك معه سمن على عسل !
تذكرت إبتسامة الأستاذ محمود عند المقصلة وقوله : ( اللهم أغفر لهم فإنهم لا يعلمون ! )
Post: #92 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-28-2013, 03:32 AM Parent: #91
اخى محمدحامد
تحياتى
Quote: العنوان ظالم وليس قدر الموقف
وأنا أعتقد العكس تماما... موقف ود الامين موقف الظالم لمحبيه والعنوان أقل بكثير من أثر الموقف....
Quote: ود الامين رسالتو ودورو تجاه الشعب دا في غناهو دا لا زول سياسي لا شايل سلاح
المواقف السياسية تجاه الوطن ليست فقط للساسه بكل كل أفراد المجتمع مسؤلون من مواقفهم ... ووصفك لدور الفنان الذى حصرته فقط ولا علاقة له بما يجرى فى وطنه (السياسة) هو حقيقة تحجيم لإنسانية الفنان .....
Post: #94 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: د.نجاة محمود Date: 01-28-2013, 04:07 AM Parent: #92
لعن الله التطرف والهوس بعد يلزمك المشي لطبيب نفسي لان موضوع النضال فات حدو شديد بالجد مبالغة
Post: #95 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-28-2013, 08:13 AM Parent: #94
لي كم يوم بحوم حول البوست دا...وخائف من عبارة (في وضع مخزي دي) ...
جئت لقيت الوضع المخزي هو...المصافحة والجلوس قرب البشير...
أديتها ضحكة لامن الجيران إتلموا...
شخصيا ما عارف الناس كتبت شنو هنا...
لكن المتأكد منو إذا دا الوضع المخزي لثوار إكتوبر...فأحد زعماء ثورة اكتوبر هو حسن عبدالله الترابي...الذي أتي بالبشير مش ثائر وبس...زعيم عديل...وجلس بالسجن ليذهب عمر البشير للقصر...مش قعد جنبو في كرسي وبس؟؟؟ فعن أي خزي تتحدث يا هذا ...وحاليا هو زعيم معارض...قولا وفعلا...مش سايبريا...ويلصق في صور الفنانين في وضع مخزي....يمين الفي وضع مخزي انت دا يا اسامة
ثم ثانيا: وريني أنت في ياتو بلد ورئيسك أو حاكمك منو حاليا؟ عشان اجيبو ليك في وضع أخزي من وضع محمد الأمين...(واضح كذلك أنك منتمي لكيان ما... في المعارضة....(برضو جيب رئيسك في الكيان دا عشان لصق ليه خزية خزيتين)
محمد الأمين دا قامة لا يطولها قصار البصيرة يا اسامة وهو حر كسوداني يصافح من يصافح ويجلس مع من يجلس دون ان يمجد فعله...فأتي لي يا اسامة بعمل وحيد تغني فيه محمد الأمين للبشير او الترابي أو الانقاذ خلافا لغنائه لثورة اكتوبر...(ولو فتشت التاريخ كويس امكن تلقي عمر البشير زاتو من ثوار اكتوبر طالما الترابي أحد قادتها والمضحي لاحقا بالسجن ليحكم البشير... فيبقي ما في اي خذي...بمنطق عنوان بوستك دا زاتو..
السودانيين ديل ما عندهم ما بسلم عليك وما بديك الفاتحة لأنك كتلت ابوي او ظلمتني...كل حاجة بي دربها...كان انت طولت من البلد...تعال ألبس ليك عراقي...وحوم وسط الناس..حا تعرف الواقع شكلو كيف...بلا وضع مخزي بلا كلام فارغ... أنا قلت يمكن بال في الثوار ألقاها صورة...
Post: #96 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-28-2013, 08:14 AM Parent: #94
فوق
Post: #97 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: وليد محمد المبارك Date: 01-28-2013, 08:20 AM Parent: #94
طيب يا اسمه
Quote: إنت مرشح رئاسه وكان ممكن تكون رئيس والمفروض تكون منصف للعامة.... حلفتك بالله: موضوع البوست مطابق لموضوع الصلع؟؟؟ مع تقديرى
اول نصحح المعلومة انا ما اترشحت للرئاسة ...انا اترشحت للمجلس الوطني
وبما انك حلفتني بالخالق فاقول لك .. لا موضوع البوست غير مطابق لموضوع الصلع
لكن يلزمني ان اقول لك لقد ظلمت الاستاذ جدا
سلامات
Post: #98 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: على محمد الخير Date: 01-28-2013, 12:50 PM Parent: #97
تحياتى اخى اسامة ،،
ضروب النضال ما اكثرها .. مع احترامنا لرائك الذى نقراه هنا .. فيا ليتك احجمت عن هذا وانت تعلم ان الفنانين مثل التجار ان عادوا احدا فستبور تجارتهم .. فيكفى انك سياسى واخترت لنفسك هذا الطريق .. فلما لا تترك الاخرين ايضا يختارون و يمدون ايديهم لمن يشاؤون ويسلموا على من يسلمون حتى وان كان الشيطان الرجيم .. ارى فى رائك وصاية على فنان عملاق له ملايين من المحبين .. يحبونه ولا يرضون فيه حتى وان صافح ابليس نفسه .. فهؤلاء بالتاكيد سينفروا من قضيتك التى تريد ان تقنعهم بها.. فيا ليتك ركزت على ما يقرب الواقفين على الرصيف حتى ينضموا لصفك لاجتزاز هذا النظام .. ويا ليتك بشرت و لانفرت .. ود المين قامة يخسر كثيرا من يحاول ان ينال منها .. ولديك ما حدث قبل فتره فى حفل المنامة والجيش الجرار الذى انبرى يدافع عن ود الامين حتى وان كان مخطئا .. معظم قادة الفجر الجديد اليوم لهم صور مع البشير فى لحظة تقارب من السلطة فيا ترى ماذا نقول عنهم .. مره ثانية مع احترامى لرائك الامر ليس فيه خزى ..
Post: #99 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: tmbis Date: 01-28-2013, 01:26 PM Parent: #98
Quote: ضروب النضال ما اكثرها .. مع احترامنا لرائك الذى نقراه هنا .. فيا ليتك احجمت عن هذا وانت تعلم ان الفنانين مثل التجار ان عادوا احدا فستبور تجارتهم .. فيكفى انك سياسى واخترت لنفسك هذا الطريق .. فلما لا تترك الاخرين ايضا يختارون و يمدون ايديهم لمن يشاؤون ويسلموا على من يسلمون حتى وان كان الشيطان الرجيم .. ارى فى رائك وصاية على فنان عملاق له ملايين من المحبين .. يحبونه ولا يرضون فيه حتى وان صافح ابليس نفسه .. فهؤلاء بالتاكيد سينفروا من قضيتك التى تريد ان تقنعهم بها.. فيا ليتك ركزت على ما يقرب الواقفين على الرصيف حتى ينضموا لصفك لاجتزاز هذا النظام .. ويا ليتك بشرت و لانفرت .. ود المين قامة يخسر كثيرا من يحاول ان ينال منها .. ولديك ما حدث قبل فتره فى حفل المنامة والجيش الجرار الذى انبرى يدافع عن ود الامين حتى وان كان مخطئا .. معظم قادة الفجر الجديد اليوم لهم صور مع البشير فى لحظة تقارب من السلطة فيا ترى ماذا نقول عنهم .. مره ثانية مع احترامى لرائك الامر ليس فيه خزى ..
عليكم الله الملائكـة امثال ناس علي محمد الخير ديل بجيبوهم من وووين ..؟ لو كانت المعارضة او المعارضين بتاعين سودانيزاونلاين .. قروا هذا المنفستو وعملوا على تنفيذه .. منذ سنوات عديدة منذ أن اصبح هذا المكان قلعـة المناضلين الحصينـة لسقطت الانقاذ وسقطت كل الحكومات الانقاذية من حولنا.. ولكفانا امثال اسامة شر ان يخدشوا حياة الذوق العام وذوق عشاق محمد الأمين الذين بدون شك سوف يقترن لهم منظر صاحب البوست بما كتبه هنا .. كما هو الحال الذي ينطبق علي .. الف شكر ا علي محمد الخير وعزة الله من المرات القليلة جدا التي اقرا فيها عبارات تحسسني بفخر اني اشارك امثالها هذه المساحة وتعوضني عن كثير من الغثاء الذي اصبح ديدن المكان ... برافووووو ياخ .. علهم يتعلمون..
Post: #100 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-29-2013, 04:06 AM Parent: #99
Post: #101 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Osman Musa Date: 01-29-2013, 05:42 AM Parent: #100
مافي زول يا أسامة حيسامحك في كلامك الجلف عن فنان الأمة .
Post: #102 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: معتز القريش Date: 01-29-2013, 06:56 AM Parent: #101
يا أخوانا إنتو بتنفخو في قربة فاتحة بالجنبتين ما مقدودة بس
بس كان ورانا هو سوى شنو عشان يقلع الانقاذ دي بنستريح
Post: #103 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد علي عثمان Date: 01-29-2013, 09:42 AM Parent: #102
يا أخ اسامة خلف الله إنت ما بتوب ، فتحت بوست بنفس الموضوع عن العملاق الراحل وردي ، وبعد ما مات !!!!!!!، لم يقف معاك ولا واحد من المتذاخلين
ألان جاي وبنفس المنطق تجرم العملاق محمد الأمين . يا خي إنت حكايتك شنو ؟ وردي ومحمد الأمين ؟؟؟؟؟؟؟؟؟؟؟؟؟؟؟
والموضوع الأول المرحوم العملاق وردي بغني البشير جاء وقعد يسمع ، والموضوع الثاني محمد الأمين واقف البشير جاء وسلم عليه .
ذكرتني يا اسامة قصة المرحوم الفنان محمود عبد العزيز ، قالوا الناس الزيك ديل قالوا ليه يا محمود ليه تغني للبشير في موضوع هيجليج. رد محمود على الناس الزيك ديل : أنا قاعد في البيت الباب دق، منو ؟...قالوا لي الرييس
قال ليك تعال . مشيت ، انتو ابقوا رجال وغيروا الريس ، لم الباب يدق وأقول منو ؟ يقولوا لي الريس قال ليك تعال... أمشي ألقى الريس بتاعكم،، تمام ؟
يا اسامة المعارضة عندها مليون مشكلة قدامها............. ركز يا .......... رفيق .
Post: #104 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: عاطف عمر Date: 01-29-2013, 09:47 AM Parent: #58
تحياتي وسلامات أخونا أسامة
Quote: أرجوك أخى الكريم أن تبذل جهدا قليلا وترنا كيف نكبر عقولنا.... ينوبك ثواب... وتعليقك هذا أصبح معروقا لدينا... أرجوك أكسب حسنات فينا وساعد عقولنا على النمو.... وعلى الله ثوابك العظيم....
تعليقي أصبح معروفاً لديكم لأنك تكرر ذات الفعل .. لا هم لك سوى الأشخاص .. لذلك يكون من المنطقي أن يكون رد الفعل هو ذاته ..
حاضرين يا سيدي ، سوف نذهب معك في الخط الذي تريد
السياسة يا أخ أسامة في أبسط تعريفاتها هى " فن الممكن " وفي فن الممكن هذا أنك لا تستطيع أن تقفز على الواقع الواقع يقول أن عمر البشير هو رئيس السودان والواقع يقول أن أى سوداني يعيش داخل السودان ( ولحد كبير من يعيش خارج السودان ) لابد له أن يلجأ للوزراء .. المديرين .. المحافظين... الموظفين المعينين بواسطة عمر البشير أو حكومته نأخذ الفنان محمد الأمين كـ ( مثال ) الفنان محمد الأمين إن رفض ( حسب زعمك وفهمك للمعارضة ) أن يسلم على ( الرئيس ) عمر البشير أو يظهر معه في صورة يستلم منه جائزة عليه ( أى على الفنان محمد الأمين ) أن يكون متسقاً مع نفسه - وأيضاً حسب إفتراضك - ويلتزم بالتالي :- - يرفض إستخدام جواز السفر السوداني لأن جواز السفر صادر من وزارة الداخلية التي يطلب وزيرها من كل الناس أن يوفروا لـ حامل الجواز المساعدة وذلك لأن هذا الوزير معين من ( الرئيس ) عمر البشير - يرفض الغناء في مسارح الدولة لأن هذه المسارح قد أنشأتها الحكومة التي يرأسها عمر البشير ، عليه أن يرفض الغناء في الإذاعة والتلفزيون لأن الإذاعة والتلفزيون يشرف عليهما وزير الإعلام المعين من عمر البشير - يرفض التعامل مع هيئة الكهرباء والمياه لأن رئيسهما معين من حكومة عمر البشير - يرفض إستخراج رخصة سوق سيارة لأن الرخصة موقع عليها ضابط عظيم في الشرطة وهو معين من وزير الداخلية ووزير الداخلية معين من الرئيس عمر البشير - يرفض الإستشفاء - إن إحتاج لذلك - في مستشفيات الحكومة لأن هذه المستشفيات تتبع لوزير الصحة ، ووزير الصحة معين من عمر البشير - يرفض أن يتعلم أنجاله في مدارس وجامعات السودان لأن هذه المدار والجامعات تتبع لوزارة التربية والتعليم ووزارة العليم العالي ووزيريهما معينين من عمر البشير - ...... - ..... - .....
عاوز زيادة ؟؟
يا أسامة
الناس الإنت متفرغ تكتب عن خزيهم ديل خليهم ، حصادهم في الوطنية - حسب فهمك - صفر كبير سيادتك ارجع إنت السودان وطبق بنفسك نظرياتك دي ووريهم كما يقول أهلنا العساكر " البيان بالعمل " بدل كل يوم تلقط صورة وتجي ( تستمتع ) ببستفة الناس ليك أرجع وورينا ( المعارضة على أصولها ) عشان الناس تمشي معاك
Post: #105 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ود الباوقة Date: 01-29-2013, 09:51 AM Parent: #104
غايتو اول مرة اشوف لي زول يزرد الحبل في رقبتو
ويقعد يكورك
الحقوني
عليكم الله الحقوني
سيبو المضرة الحقوني
تاني الا يلحقك السيناتور فليبس كوك
Post: #106 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-29-2013, 10:07 AM Parent: #105
[IMG] [
Post: #107 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Amir Omer Date: 01-29-2013, 10:44 AM Parent: #106
عارف يا أسامة الحاجة الوحيدة العجبني في البوست دا آنك قدرت تجمع المحسوبين على الحكومة - وناس المعارضة - والمحايدين .. كلهم على رأي واحد ودا نجاح غير مسبوق بل أحد المستحيلات ... عشان كدا مفروض تلحق تسجله بإسمك!!
Post: #109 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: ولياب Date: 01-29-2013, 11:03 AM Parent: #107
مع التحية للأخ أسامة
صورة طبيعية ووضع طبيعي جداً لأثنين سودانيين تقابلا بتخطيط مسبق أو بالصدفة ولا ما سالموا بعض ديل ما سودانيين ، والفنان محمد الأمين هو في المقام الأول إنسان وأيضاً الرئيس عمر البشير .
نحترم معارضتك للحكومة وسنحترمك أكثر لو حضرت للخرطوم خصيصاً لتقود مظاهرة كبرى .
Post: #108 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Ammar Makki Date: 01-29-2013, 11:00 AM Parent: #106
باقان أموم صافح البشير ياسر عرمان صافح البشير الطيب مصطفى صافح البشير جون قرنق صافح البشير مني أركو مناوي صافح البشير الترابي صافح البشير عبد العزيز حلو صافح البشير مبارك الفاضل صافح البشير أحمدي نجات صافح البشير فاروق ابو عيسى صافح البشير
معقوله بس الوضع المخزي دا ما أنطبق إلا على الاستاذ محمد الأمين
Post: #110 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Ammar Makki Date: 01-29-2013, 11:07 AM Parent: #108
Post: #111 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Ammar Makki Date: 01-29-2013, 11:16 AM Parent: #110
Post: #112 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: على محمد الخير Date: 01-29-2013, 11:35 AM Parent: #111
تحياتى tmbis
اشكرك على حسن ظنك بى .. ولكنى توسمت فى الاخ اسامة ومن خلال ردوده احترام مخالفيه الراى ولهذا كانت مداخلتى واسامة من الذين تطبق عليهم مقولة اختلاف الراى لايفسد لسودانيتنا اية موده ..
Quote: عليكم الله الملائكـة امثال ناس علي محمد الخير ديل بجيبوهم من وووين ..؟ لو كانت المعارضة او المعارضين بتاعين سودانيزاونلاين .. قروا هذا المنفستو وعملوا على تنفيذه .. منذ سنوات عديدة منذ أن اصبح هذا المكان قلعـة المناضلين الحصينـة لسقطت الانقاذ وسقطت كل الحكومات الانقاذية من حولنا.. ولكفانا امثال اسامة شر ان يخدشوا حياة الذوق العام وذوق عشاق محمد الأمين الذين بدون شك سوف يقترن لهم منظر صاحب البوست بما كتبه هنا .. كما هو الحال الذي ينطبق علي .. الف شكر ا علي محمد الخير وعزة الله من المرات القليلة جدا التي اقرا فيها عبارات تحسسني بفخر اني اشارك امثالها هذه المساحة وتعوضني عن كثير من الغثاء الذي اصبح ديدن المكان ... برافووووو ياخ .. علهم يتعلمون..
لكن يا تمبس وترتنى عديييل كده ياخى .. ده شنو الكلام الكبار كبار ده ..
Post: #113 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-29-2013, 02:17 PM Parent: #112
يقالد دكتور خليل ابراهيم عليه الرحمة والمغفرة
شوف المخزيين ديل!!!
Post: #114 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Amir Omer Date: 01-29-2013, 03:53 PM Parent: #113
اسمع يا أسامة وأستغفر ربك فالظلم ظلمات يا صاحب
Post: #115 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-29-2013, 06:45 PM Parent: #114
أخى العزيز خالد كودى
كل الاشواق
Quote: أسلوب رمى (المشاهير) بالطوب لتحقيق بعضا من (مكان أو مكانه ) إسلوب جلف وغير منتج فتوقف عن هذا واعرب عنه.
حتى أنت يا كودى!! إحنا الكايسين على الشهرة!!! التعليق ده مقبول من شخص لا يعرفنى....
Quote: 2/ الفنان محمد الامين يااسامه ياخلف الله يامصطفى فوق الشبهات، ولاياتيه الباطل إذ انه الفنان محمد الامين العلم، والهرم والرمز و صاحب الاغنيات التى حركت وستحرك مشاعر ووجدان السودانيين جيلا بعد الاخر الى يوم يبعثون !
كلام تسنده العاطفة الشديدة ، ولا مكان فيه لما يفرق بين الأنسان والأنعام. ...وهو العقل... لا عصمة لمخلوق من الخطأ ولا مانع لانسان من نقد أفعال الاخر فى الإمور العامة.... وإذا كان الإعجاب الشديد بالإستاذ هو ما دفعك للدفاع الغير منطقى عنه... فكلنا معجبين ولكن جرحت صورته وجلوسه مع أظلم ديكتاتور مشاعرنا ووجب النقد..
Quote: الفنان محمد الامين ، فوق الاحزاب ، وفوق المواقف ، وفوق الرؤى ، وفوق هفوات أمثالك التى نراها هنا !
حديث من غاب عقله من فرط إعجابه.....
Quote: 3/ الفنان محمد الامين ينتج فنا يشكل وجدان شعبنا فى ظل نظام فاشى ... فلا انت يااسامه ، ولاالحزب الذى تنتمى إليه ستستطيعون أن تحركو مشاعر آلاف ، بل ملايين السودانيين الذين يتعرضون للقتل والسحل والتشريد كما قد تفعل أغنية واحدة فقط من اغنيات الفنان محمد الامين...
دعنى أتفق معاك بعض الشىْء... أغانى الاستاذ فتاكة...فتانه... وواحدة منها تفعل فعل السحر وتقطع مسافات لألهاب حماس شعبنا المقهور لم ينجح أحد من أحزابنا الهًرٍمة فى قطعها..... ولكن صور صحبته للسلطان قتلتنا ألف مرة.... والله رايت مئات من صور المتحاذلين يصافحون السلطان ، وكتبت هنا عن بعضها... ولكن لم تفتك بى صورة أكثر من المنشورة أعلاه.... لقد رأيتها قبل شهور وكان المفترض أن يكون النسيان مصيرها.... ولكنها ظلت تؤرقنى وأحيانا تبكينى... والله إن الاستاذ لقلعة كبيرة ...ومنار بيرجع التائهين فى ظلمات الديكتاتورية.... فما الذى دعاه لذلك؟؟؟ لماذا فضل أبو القاسم شابى السودان أن يقول لنا أن القيد لن ينكسر....
ولك كل الود
Post: #116 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-29-2013, 08:32 PM Parent: #115
Quote: ولكن لم تفتك بى صورة أكثر من المنشورة أعلاه..
طيب إنت ثوار اكتوبر؟؟؟؟
أم الشعب السوداني؟؟؟
المكتباك بي اسمهم شنو؟؟؟؟
تفتك بيك صورة طوالي تفتكرا فتكت بثوار اكتوبر والشعب السوداني نحن ما شعب سوداني....؟؟؟ ما ياهو ديل ثوار أكتوبر في البوست دا
قوم لف...بلا وهم معاك...
Post: #117 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: محمد ميرغني عبد الحميد Date: 01-29-2013, 11:28 PM Parent: #116
الرجل مخبوء تحت كيبورده وقد كتب اسامة فعُرِف والحمد لله
أرجو من الأخوة ألا يتوقعوا أكثر من هذا الذي يرون هنا فكل إناء بالذي فيه ينضح
Post: #119 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: nazar hussien Date: 01-30-2013, 07:56 AM Parent: #117
Quote: فكل إناء بالذي فيه ينضح
الاناء دا أمريكي...ومستشار تربوي أو ما شابه ذلك...(يعني مربي) في أمريكا بلد الديموقراطية والحرية...التي تنتهي عندما تبدأ حرية الآخرين...
فبالتالي ما ينضح لينا في سيرة محمد الامين ويخلي ناس كوفي عنان والسيد محمد عثمان وولدو والصادق وولدو...وسيلفاكير ومالك عقار...وجون قرنق...ومادلين اولبرايت وبانكي مون...وناس حلتهم عن بكرة ابيهم...(مش قال من المايقوما)
وعليه يكون المثل:
كل اناء اذا اراد أن ينضح...فليركب مكنة وطلمبة رش مش ينضح براهو.
Post: #120 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 01-30-2013, 02:01 PM Parent: #119
أخى مأمون أحمد إبراهيم
تحياتى
وأشكرك على ردك الراقى الذلا جعلنى أراجع أفكارى وأتسأل : أهل فعلا إشتطت فى نقد الأستاذ ود الامين ؟؟؟ أهل فعلا أفرطت فى نقد فضيلة السلام ورده والاخلاق السودانية..... أيقنت أن سلاك قامة ثورية سودانية لديكتاتور والجلوس بقربه لوقت ليس بالقصير لا يمكن أن يُفسر فى إطار العادات السودانية لاى مواطن عادى...
ولعل شدة النقد وحدته تأتى من رمزية الاستاذ ود الامين ومكانته فى قلوب شعبنا....
" وعلى قدر أصحاب المقامات الوطنية ومكانتهم تأتى حرارة النقد"
تفبل فائق إحترامى لما تفضلت به هنا
Post: #121 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Elmosley Date: 01-30-2013, 03:07 PM Parent: #120
آخي العزيز اسامه برغم انني في حالة سفر الا آن حرارة الحوار دفعتني للرد والتعليق اشادة علي حسن ردودك حتى على الذيت قسوا في ردودهم عليك ------- الا آنني آود آن آعرض عليك هذا السناريو تخيل آن محمد الامين رفض مصافحة الرذيس وبناء على ذلك منعت حفلاته وهو فنان محترف وتم اخذه للاعتقال التحفظي وحرم من عوده وتم تعذيبه وحرمانه من العود ودخول اي نصوص ثورية آو عاطفية اليه وحرم جمهوره العريض من حفلاته ماذا سنستفيد نحن ان محمد الامين فنان سلاحه هو ذلك العود المشرق واكل عيشه هو الغناء النظيف المبرآ من شوائب النفاق والاسفاف ان محمد الامين هو مواطن سوداني اصيل لا يرد يدا امتدت اليه بالسلام وقد ثبت لك تلك الصفة من الصور التي هنا لشخصيات سال الدم بينها وبين البشير نحن نريد لمحمد الامين آن يبدع يلحن يغني غناءا رفيعا في زمن فيه انحدر الغناد الى راجل المره حلو حلا واصبح الاجترار سمة من سماته
Post: #122 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Khalid Kodi Date: 01-30-2013, 09:10 PM Parent: #121
الأخ العزيز اسامه،
تحياتى،
دعنا نتقدم للأمام.
أنا ادعوك لتجاوز هذه الورطه الغير مفيده لقضيتنا و أتمنى منك الاعتذار عن هذا البوست .
فيااخى انا وانت وغيرنا من المعارضين نتبادل التحايا مع مؤيدى الانقاذ فى هذا المنبر، وشخصى وشخصك وغيرنا كثيرا مانبتدر مخاطباتنا بتعبير (الاخ) فلان او الأخ علان، ونحن نحاطب مؤيدى ومتعاطفى الفاشى ... فهل هذا يضعنا فى وضع مخزى؟
أبدا، فإن الامر هنا ليس عنهم، إنما عنا نحن!
شخصى و شخصك وغيرنا من المعارضين للفاشى فى وطننا كم صافحنا مؤيدى والمتعاطفين مع النظام الفاشى فى منافينا فى المناسبات العامه ... بل منا من تبادل معم التعازى عند الاتراح والتهانى عند الافراح... نذهب معهم الى المناسبات العامه ... وربما نزورهم إن أن مرضوا .. الخ ... الخ..
ياأسامه أن مواقف الناس لاتقاس بانهم صافحوا الفاشى فى مناسبة إجتماعية . فالجريمة، بااستاذ اسامه أى جريمة بمافيها التصالح او التطبيع مع الفاشى لديها عدة اركان حنى تكتمل، منها (الدافع) .. فماهو دافعنا عندما نسلم على مؤيدى الانقاذ والمتعاطفين معه فى منافينا؟
يااسامه، الفنان محمد الامين لم نعرف عنه انه وظف فنه لخدمة الفاشى أو لدعم آيدولوجيته... فالرجل رصين وملتزم بل ومنحاز لانسان السودان ... فمالك تبادر وبهكذا إنتهازية لموقف أنه صافح الفاشى بحكم ماهو واقع ومفروض على ابناء وبنات الوطن.. وليس بحكم أن هنالك دافعا يأمل منه منفعة مادية او معنوية ؟
يجب عليك ان تعتذر عن هذا البوست الغير موفق.
فيااسامه موسيقيين عظام مثل موتزارت، وباخ، وبتهوفن وتشوبرت، وهايدن والعظيم واجنر /فاجنر... الذى يقال ان موسيقاه تاتى من الله مباشرة ... هؤلاء استخدمهم الفاشى ووظف موسيقاهم للتقدم بآيدولجيته المجرمه .. فهل هذا يفقد اى من هؤلاء الموسيققين العظام، وموسيقاهم جمالها وإنحيازها للقيم الجمالية وللانسان؟
أبدا.
اليوم كل هؤلاء الموسيقيين مكان تقدير وإحترام...
فياعزيزى اسامه، إن لم تكن قد تبادلت اى نوع من التداخل مع اى من مؤيدى الانقاذ أو من المتعاطفين معهم فى اى مكان أو اى زمان ... قلترمى الفنان العظيم محمد الامين بحجر...
فإعتذر عن هذا البوست الذى لن يقدم لقضيتنا سوى التصنيف فى خانات الجلافه .. حقيقة.
مع ودى.
Post: #123 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 05:51 AM Parent: #122
الاخت الفاضلة د.نجاة
سلامى
Quote: لعن الله التطرف والهوس بعد يلزمك المشي لطبيب نفسي لان موضوع النضال فات حدو شديد بالجد مبالغة
شكرا على المشاركة والتعليق.... وأدعى لينا ربنا بالشفاء ...ينوبك ثواب...
Post: #124 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 06:12 AM Parent: #123
أخى الفاضل نزار حسين
تحياتى
Quote: ثم ثانيا: وريني أنت في ياتو بلد ورئيسك أو حاكمك منو حاليا؟ عشان اجيبو ليك في وضع أخزي من وضع محمد الأمين...(واضح كذلك أنك منتمي لكيان ما... في المعارضة....(برضو جيب رئيسك في الكيان دا عشان لصق ليه خزية خزيتين)
ولقد قمت بالواجب أنا فى بوستات عديدة منذ إنضمامى للبورد فى 2005:
Post: #125 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 06:46 PM Parent: #124
أخى نزار حسين
تحياتى
Quote: لي كم يوم بحوم حول البوست دا...وخائف من عبارة (في وضع مخزي دي) ...
جئت لقيت الوضع المخزي هو...المصافحة والجلوس قرب البشير...
أديتها ضحكة لامن الجيران إتلموا...
شخصيا ما عارف الناس كتبت شنو هنا...
ربنا يحعل أيامك كلها بهجة.... بالعكس...الصورة بالنسبة لى مدعاة للحزن والاسى .... وتذكرت عبارة " آخر الرجال المحترمين"....
Post: #126 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 07:01 PM Parent: #125
أخى وليد محمد المبارك
تحياتى
Quote: اول نصحح المعلومة انا ما اترشحت للرئاسة ...انا اترشحت للمجلس الوطني
وبما انك حلفتني بالخالق فاقول لك .. لا موضوع البوست غير مطابق لموضوع الصلع
لكن يلزمني ان اقول لك لقد ظلمت الاستاذ جدا
أشكرك على تصحيح المعلومة وبٍرك للحليفة.... والله يا وليد دعنى أقول لك رأئى فى عبارتك الأخيرة وبصراحة:
" الاستاذ ظلم معجبيه وبلده وشعبه" .....
وذكرتنى صورته مع مفتت وحدة السودان بعبارة يوليوس قيصر فى عام 44 ٌقبل الميلاد والخنجر مصوب إليه من أحب الناس الى قلبه بروتس ، وهو يقول:
" حتى أنت يا بروتس"
مع تقديرى لردك الصادق ...
Post: #127 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: Egbal Elmardi Date: 02-02-2013, 07:15 PM Parent: #126
Quote: آخي العزيز اسامه برغم انني في حالة سفر الا آن حرارة الحوار دفعتني للرد والتعليق اشادة علي حسن ردودك حتى على الذيت قسوا في ردودهم عليك ------- الا آنني آود آن آعرض عليك هذا السناريو تخيل آن محمد الامين رفض مصافحة الرذيس وبناء على ذلك منعت حفلاته وهو فنان محترف وتم اخذه للاعتقال التحفظي وحرم من عوده وتم تعذيبه وحرمانه من العود ودخول اي نصوص ثورية آو عاطفية اليه وحرم جمهوره العريض من حفلاته ماذا سنستفيد نحن ان محمد الامين فنان سلاحه هو ذلك العود المشرق واكل عيشه هو الغناء النظيف المبرآ من شوائب النفاق والاسفاف ان محمد الامين هو مواطن سوداني اصيل لا يرد يدا امتدت اليه بالسلام وقد ثبت لك تلك الصفة من الصور التي هنا لشخصيات سال الدم بينها وبين البشير نحن نريد لمحمد الامين آن يبدع يلحن يغني غناءا رفيعا في زمن فيه انحدر الغناد الى راجل المره حلو حلا واصبح الاجترار سمة من سماته
Quote:
الأخ العزيز اسامه،
تحياتى،
دعنا نتقدم للأمام.
أنا ادعوك لتجاوز هذه الورطه الغير مفيده لقضيتنا و أتمنى منك الاعتذار عن هذا البوست .
فيااخى انا وانت وغيرنا من المعارضين نتبادل التحايا مع مؤيدى الانقاذ فى هذا المنبر، وشخصى وشخصك وغيرنا كثيرا مانبتدر مخاطباتنا بتعبير (الاخ) فلان او الأخ علان، ونحن نحاطب مؤيدى ومتعاطفى الفاشى ... فهل هذا يضعنا فى وضع مخزى؟
أبدا، فإن الامر هنا ليس عنهم، إنما عنا نحن!
شخصى و شخصك وغيرنا من المعارضين للفاشى فى وطننا كم صافحنا مؤيدى والمتعاطفين مع النظام الفاشى فى منافينا فى المناسبات العامه ... بل منا من تبادل معم التعازى عند الاتراح والتهانى عند الافراح... نذهب معهم الى المناسبات العامه ... وربما نزورهم إن أن مرضوا .. الخ ... الخ..
ياأسامه أن مواقف الناس لاتقاس بانهم صافحوا الفاشى فى مناسبة إجتماعية . فالجريمة، بااستاذ اسامه أى جريمة بمافيها التصالح او التطبيع مع الفاشى لديها عدة اركان حنى تكتمل، منها (الدافع) .. فماهو دافعنا عندما نسلم على مؤيدى الانقاذ والمتعاطفين معه فى منافينا؟
يااسامه، الفنان محمد الامين لم نعرف عنه انه وظف فنه لخدمة الفاشى أو لدعم آيدولوجيته... فالرجل رصين وملتزم بل ومنحاز لانسان السودان ... فمالك تبادر وبهكذا إنتهازية لموقف أنه صافح الفاشى بحكم ماهو واقع ومفروض على ابناء وبنات الوطن.. وليس بحكم أن هنالك دافعا يأمل منه منفعة مادية او معنوية ؟
يجب عليك ان تعتذر عن هذا البوست الغير موفق.
فيااسامه موسيقيين عظام مثل موتزارت، وباخ، وبتهوفن وتشوبرت، وهايدن والعظيم واجنر /فاجنر... الذى يقال ان موسيقاه تاتى من الله مباشرة ... هؤلاء استخدمهم الفاشى ووظف موسيقاهم للتقدم بآيدولجيته المجرمه .. فهل هذا يفقد اى من هؤلاء الموسيققين العظام، وموسيقاهم جمالها وإنحيازها للقيم الجمالية وللانسان؟
أبدا.
اليوم كل هؤلاء الموسيقيين مكان تقدير وإحترام...
فياعزيزى اسامه، إن لم تكن قد تبادلت اى نوع من التداخل مع اى من مؤيدى الانقاذ أو من المتعاطفين معهم فى اى مكان أو اى زمان ... قلترمى الفنان العظيم محمد الامين بحجر...
فإعتذر عن هذا البوست الذى لن يقدم لقضيتنا سوى التصنيف فى خانات الجلافه .. حقيقة.
مع ودى.
برضو مع ودى.
Post: #128 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 07:49 PM Parent: #126
أخى على محمد الخير
سلامى
Quote: فلما لا تترك الاخرين ايضا يختارون و يمدون ايديهم لمن يشاؤون ويسلموا على من يسلمون حتى وان كان الشيطان الرجيم .. ارى فى رائك وصاية على فنان عملاق له ملايين من المحبين .. يحبونه ولا يرضون فيه حتى وان صافح ابليس نفسه
نقد الممارسة لا يعنى ولا يساوى الوصاية على الاخرين وكتم حرياتهم... والذى يحب الاستاذ ، لا يحب أت يراه بصحبه إبليس.... وكم هزت صور وردى والحوت مع إبليس مشاعر الكثيرون وإستفزتها....
Quote: .. فهؤلاء بالتاكيد سينفروا من قضيتك التى تريد ان تقنعهم بها.. فيا ليتك ركزت على ما يقرب الواقفين على الرصيف حتى ينضموا لصفك لاجتزاز هذا النظام ..
إسقاط النظام وتقوية صفوف المعارضة يتطلب رفع سقف الفضائل الوطنية والمواقف الصلبة .... تخيل لو خرج الاستاذ بعد غنائه " مبدأ الحرية" ورفض مصافحة إبليس... أليست هذة هى شعلة إكتوبر الاخرى؟؟؟ كيف تغنى " والنضال سكة طريقنا مهما درب الظلم طول" ثم يصافح ويجلس بالقرب من الظلم نفسه؟؟؟
Quote: ويا ليتك بشرت و لانفرت .. ود المين قامة يخسر كثيرا من يحاول ان ينال منها .. ولديك ما حدث قبل فتره فى حفل المنامة والجيش الجرار الذى انبرى يدافع عن ود الامين حتى وان كان مخطئا
رفع سقف المواقف وصلابتها يبشر بمعارضة مبدئية قوية وقيادات على مستوى عال من dignity فأنا هنا مبشر وليس منفر كما أسلفت... موضوع المنامة موضوع مختلف تماما من موضوعنا هنا...
مع خالص شكرى وتقديرى
Post: #129 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-02-2013, 08:14 PM Parent: #128
أخى عثمان موسى
تحياتى
Quote: مافي زول يا أسامة حيسامحك في كلامك الجلف عن فنان الأمة
شكرا على رأيك ...أرجو مذيد من التوضيح فى موضوع الجلافة.....
Post: #130 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-07-2013, 02:08 PM Parent: #129
معتز الفريش ...سلامى
Quote: يا أخوانا إنتو بتنفخو في قربة فاتحة بالجنبتين ما مقدودة بس
بس كان ورانا هو سوى شنو عشان يقلع الانقاذ دي بنستريح
شكرا على مشاركتك وعباراتك التى تعكس مدى عمق أفكارك... أما سؤالك عن السجل النضالى فلقد أجبت عليه من فبل فى بوستك السابق... ومستعد أكرر ليك الإجابة ...إذا كنت تريد ذلك....
Post: #131 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-08-2013, 11:56 PM Parent: #130
أخى محمد على عثمان
تحياتى الحارة
Quote: يا أخ اسامة خلف الله إنت ما بتوب ، فتحت بوست بنفس الموضوع عن العملاق الراحل وردي ، وبعد ما مات !!!!!!!، لم يقف معاك ولا واحد من المتذاخلين
التوبة ملازمة لإرتكاب الخطأ والمعصية ، فإذا لم يحدث الإثنان فلا داعى لسؤالى عن التوبة!!! وحينما أكتب هنا لا يكون شغلى الشاغل هو من يقف معى ممن يخالفنى.... ولكن أسعى للإقناع والإقتناع وفى ذلك يكون عقلى وقلبى مفتوحان لسماع حجة الاخرين...
Quote: والموضوع الأول المرحوم العملاق وردي بغني البشير جاء وقعد يسمع ، والموضوع الثاني محمد الأمين واقف البشير جاء وسلم عليه .
روايتك للمناسبتان غير مكتمله وربما خطأ ... وأنت هنا تقول بأن الحادثتان مجرد صدف، والمعلومة غير صحيحة...
Quote: ذكرتني يا اسامة قصة المرحوم الفنان محمود عبد العزيز ، قالوا الناس الزيك ديل قالوا ليه يا محمود ليه تغني للبشير في موضوع هيجليج. رد محمود على الناس الزيك ديل : أنا قاعد في البيت الباب دق، منو ؟...قالوا لي الرييس
قال ليك تعال . مشيت ، انتو ابقوا رجال وغيروا الريس ، لم الباب يدق وأقول منو ؟ يقولوا لي الريس قال ليك تعال... أمشي ألقى الريس بتاعكم،، تمام ؟
ردى على المرحوم الخالد محمود عبد العزيز بما تعرفه أنت وأنا ومما سطرته يدا محجوب شريف:
ما شفتي ود الزين الكان وحيد امو وماليها كان العين قالولو ناسك كم ورينا ناسك وين؟ ورينا شان تسلم العودو خاتي الشق ما قال وحاتك طق تب ما وقف بين بين لي موتو يتقدم انا ما بجيب الشين انا ما بجيب الشين انا لو سقوني الدم
Post: #132 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 10:02 AM Parent: #131
أخى الكريم عاطف عمر
تحياتى
Quote: السياسة يا أخ أسامة في أبسط تعريفاتها هى " فن الممكن " وفي فن الممكن هذا أنك لا تستطيع أن تقفز على الواقع
العبارة صحيحة فى حالة واحدة فقط: حينما يكون النظام ديمقراطيا وتكون الخلافات فى السياسات الإقتصادية والعسكرية وما شابه ذلك..... والمثال على ذلك مل يجرى هنا( فى أمريكا) بين الحزبين الجمهورى المعارض والديمقراطى الحاكم... أما فى عهود الظلام والديكتاتورية فيكون تعريف السياسة هى التمسك بالمبادى والعض عليها بالنواجز وعدم المهادنة مع الانظمة الظالمة والديكتاتورية... ولنا فى نيلسون مانديلا والشريف حسين الهندى عبر تاريخية ....
Quote: الواقع يقول أن عمر البشير هو رئيس السودان
والواقع يقول أن النميرى هو رئيس السودان.... والواقع يقول أن عبود هو رئيس السودان.... وأن القذافى هو رئيس ليبيا.... فهلا أسمعت قوار أكتوبر وأبريل هذة العبارة؟؟؟؟ ماذا تريد من إطلاق عبارة " الواقع" على عساكر سطوا على السلطة.... يا ترى تريد أن تجعل " الواقع" من المرضيات والمُسلم به؟؟؟ إطلاق عبارة " الواقغ" هنا هو حكم على الإنسان بالتسيير وليس التخيير ولا يوافق عدالة السماء التى تشترط أن للبشرية خيارات وهى ليست مسيرة.....
Quote: والواقع يقول أن أى سوداني يعيش داخل السودان ( ولحد كبير من يعيش خارج السودان ) لابد له أن يلجأ للوزراء .. المديرين .. المحافظين... الموظفين المعينين بواسطة عمر البشير أو حكومته نأخذ الفنان محمد الأمين كـ ( مثال ) الفنان محمد الأمين إن رفض ( حسب زعمك وفهمك للمعارضة ) أن يسلم على ( الرئيس ) عمر البشير أو يظهر معه في صورة يستلم منه جائزة عليه ( أى على الفنان محمد الأمين ) أن يكون متسقاً مع نفسه - وأيضاً حسب إفتراضك - ويلتزم بالتالي :- - يرفض إستخدام جواز السفر السوداني لأن جواز السفر صادر من وزارة الداخلية التي يطلب وزيرها من كل الناس أن يوفروا لـ حامل الجواز المساعدة وذلك لأن هذا الوزير معين من ( الرئيس ) عمر البشير - يرفض الغناء في مسارح الدولة لأن هذه المسارح قد أنشأتها الحكومة التي يرأسها عمر البشير ، عليه أن يرفض الغناء في الإذاعة والتلفزيون لأن الإذاعة والتلفزيون يشرف عليهما وزير الإعلام المعين من عمر البشير - يرفض التعامل مع هيئة الكهرباء والمياه لأن رئيسهما معين من حكومة عمر البشير - يرفض إستخراج رخصة سوق سيارة لأن الرخصة موقع عليها ضابط عظيم في الشرطة وهو معين من وزير الداخلية ووزير الداخلية معين من الرئيس عمر البشير - يرفض الإستشفاء - إن إحتاج لذلك - في مستشفيات الحكومة لأن هذه المستشفيات تتبع لوزير الصحة ، ووزير الصحة معين من عمر البشير - يرفض أن يتعلم أنجاله في مدارس وجامعات السودان لأن هذه المدار والجامعات تتبع لوزارة التربية والتعليم ووزارة العليم العالي ووزيريهما معينين من عمر البشير
أولا المواطن العادى لا يتعامل مباشرة مع وزراء ولا مدراء..... والخدمات التى تقدمها الدولة للمواطن هو فة الواقع " حقوق" وليست " هبات".... ورفض حقوق المواطنة بغرض المعارضة هو ضرب من السذاجة والتذمت..... لذلك لا أجد لمثالك أعلاه أى واقعية تطبيقية.... ولقد ذهبت بنفسى فى وقت قريب للقنصلية السودانية بنيويورك للمطالبة بحقوقى كمواطن ( توثيق أوراق ) ، وتبعها قيمنى بواجبناتى كمواطن وهو ( دفع الرسوم)..... من غير جالس أو مستأنس لحديث مع ممثل النظام هنا وهو "السفير".....- .....
Quote: الناس الإنت متفرغ تكتب عن خزيهم ديل خليهم ، حصادهم في الوطنية - حسب فهمك - صفر كبير سيادتك ارجع إنت السودان وطبق بنفسك نظرياتك دي ووريهم كما يقول أهلنا العساكر " البيان بالعمل " بدل كل يوم تلقط صورة وتجي ( تستمتع ) ببستفة الناس ليك أرجع وورينا ( المعارضة على أصولها ) عشان الناس تمشي معاك
الوقوف ضد النظام الديكتاتورى والظلم الواقع على الوطن ليس خاضع لميقات مكانى.... وحديثك يفترض بأن كل من خرج من السودان ليس له حصاد وغيره وشجاعة وطنية لمواجهة الظلم... وبإمكانك النظر الى الإمام الخمينى: أهل جلوسه بباريس كان نقصان فى وطنيته وشجاعته فى مواجهة الشاه؟؟
مع تقديرى وأحترامى
Post: #133 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 08:36 PM Parent: #132
أخى ود الباوقة
سلامى
Quote: غايتو اول مرة اشوف لي زول يزرد الحبل في رقبتو
ويقعد يكورك
الحقوني
عليكم الله الحقوني
سيبو المضرة الحقوني
تاني الا يلحقك السيناتور فليبس كوك
والسناتور فيليبس كوك ده ممثل ياتو ولاية يا ربى؟؟ علشان يلحقنى وينجدنى؟؟؟
Post: #134 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 08:42 PM Parent: #133
أخى أمير
كل التحايا
Quote: عارف يا أسامة الحاجة الوحيدة العجبني في البوست دا آنك قدرت تجمع المحسوبين على الحكومة - وناس المعارضة - والمحايدين .. كلهم على رأي واحد ودا نجاح غير مسبوق بل أحد المستحيلات ... عشان كدا مفروض تلحق تسجله بإسمك!!
تشكر على الملاحظة الهامة ... وأشكرك أيضا على أغنية " اصبح الصبح"....
Post: #135 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 08:52 PM Parent: #134
أخى عمار مكى
سلامى
Quote: باقان أموم صافح البشير ياسر عرمان صافح البشير الطيب مصطفى صافح البشير جون قرنق صافح البشير مني أركو مناوي صافح البشير الترابي صافح البشير عبد العزيز حلو صافح البشير مبارك الفاضل صافح البشير أحمدي نجات صافح البشير فاروق ابو عيسى صافح البشير
معقوله بس الوضع المخزي دا ما أنطبق إلا على الاستاذ محمد الأمين
أضف كل ما ذكرتهم الى قائمة الخزى... لا إنتقائية فى النقد السياسى... وأشكرك على الصور المرفقة التى عبرت عن وجهة نظرك أعلاه...
Post: #136 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 10:03 PM Parent: #135
أخى ولياب [
]سلامى
صورة طبيعية ووضع طبيعي جداً لأثنين سودانيين تقابلا بتخطيط مسبق أو بالصدفة ولا ما سالموا بعض ديل ما سودانيين ، والفنان محمد الأمين هو في المقام الأول إنسان وأيضاً الرئيس عمر البشير .]
إظهار المواقف عن طريق إبدأ المشاعر اللاصديقة لا غبار عليه... ولقد فعلها رسول الحرية مع قاتل عمه ( وحشى) ورفض أن ينظر إليه بعد إسلامه وقدومه مع أهل الطائف....
نحترم معارضتك للحكومة وسنحترمك أكثر لو حضرت للخرطوم خصيصاً لتقود مظاهرة كبرى [/
إزالة المنكر السياسى هو فضل ودرجات ... وليس محصورا فى قيادة المظاهرات... وليس له ميقات مكانى أو زمانى....
مع تقديرى
Post: #137 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-09-2013, 10:16 PM Parent: #136
اخى محمد ميرغنى عبد الحميد
سلام الله
Quote: Quote: الرجل مخبوء تحت كيبورده وقد كتب اسامة فعُرِف والحمد لله[ أرجو من الأخوة ألا يتوقعوا أكثر من هذا الذي يرون هنا فكل إناء بالذي فيه ينضح /
أشكرك أخى لمعرفتك لطريقة كتاباتنا والتى أتمنى من خالق الحرية أن لا يغير مبدأئنا حتى لقاء وجهه الكريم.....
وفى مسألة الإناء ..والله صدقت وهكذا يكون ديدنا....
مع تقديرى
Post: #138 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-10-2013, 07:46 PM Parent: #137
أخى العزيز الاستاذ الموصلى
سلانى واتنمى أن تكون قضيت ليلة بهيجة بواشنطن...
Quote: الا آنني آود آن آعرض عليك هذا السناريو تخيل آن محمد الامين رفض مصافحة الرذيس وبناء على ذلك منعت حفلاته وهو فنان محترف وتم اخذه للاعتقال التحفظي وحرم من عوده وتم تعذيبه وحرمانه من العود ودخول اي نصوص ثورية آو عاطفية اليه وحرم جمهوره العريض من حفلاته ماذا سنستفيد نحن ان محمد الامين فنان سلاحه هو ذلك العود المشرق واكل عيشه هو الغناء النظيف المبرآ من شوائب النفاق والاسفاف
قد لا أتفق معك بأن الإنسان يجب أن يصمت أو يتصرف بما لا ترضاه نفسه وضميرة خوفا من عوافب عنترة.... ونظرية " أكل العيش" لا مكان له فى شخصية ثورية قومية كالاستاذ ... والراحل وردى كانت حفلاته كالمهرجانات حينما كان معارضا بالخارج (أديس أبابا)....
Quote: نحن نريد لمحمد الامين آن يبدع يلحن يغني غناءا رفيعا في زمن فيه انحدر الغناد الى راجل المره حلو حلا واصبح الاجترار سمة من سماته
وهو كذلك...
Post: #139 Title: Re: الفنان ود الامين: فى وضع مخزى لثوار إكتوبر وللشعب السودانى!!!!!!!! Author: أسامة خلف الله مصطفى Date: 02-12-2013, 04:59 AM Parent: #138
العزيز خالد كودى
تحياتى وأشواقى
/B]
Quote: أنا ادعوك لتجاوز هذه الورطه الغير مفيده لقضيتنا و أتمنى منك الاعتذار عن هذا البوست .
الإعتذار فضيلة التفس البشرية ويعكس قمة سموءها.... ولست بمتعالى ولا متكير وليس لى إعتقاد صفوى لنفسى.... ولقد قمت بهذة الفضيلة فى يوليو 2007 هنا لاخى الاستاذ يوسف الموصلى...
ولكن عن ماذا أعتذر؟؟؟ عن نقدى لقامة فنية ثورية صافحت قائد إنقلاب 89 وجلست بقريه فى مناسبة عامة شاهدها الملايين من أبناء شعبنا؟؟؟
لماذا هذا الإختلال فى الموازين؟؟ نسخط وننقد بلذاعة مره كل سياسى تقارب أو توادد أو صافح أو جلس مع مفتت وحدة السودان... ولكن حينما يأتى الدور على الفنانيين تريدوننا أن نرفع أيدينا بحجة العصمة التى مصدرها الإعجاب الاعمى؟؟؟
ما الذى يجعل الميرغنى والمهدى محل النقد فى تبادلهم المصافحة والجلوس مع كسرى أنو شروان ويجعل ود الامين لا مسئولية ومساءلة له؟؟؟
أنت تعلم تماما بأننا نعيش فى بلد يرتفع فيها سقف الموازين الأخلاقية والمواقف الوطنية بإرتفاع مكانة الفرد فى عوالم الفن والسياسة.....
فما الذى يجعلك تتصدى وبشراسة لمحاولة رفع هذا السقف الذى بعلوه تعلو الكرامة الوطنية والمبادى؟؟؟
Quote: فيااخى انا وانت وغيرنا من المعارضين نتبادل التحايا مع مؤيدى الانقاذ فى هذا المنبر، وشخصى وشخصك وغيرنا كثيرا مانبتدر مخاطباتنا بتعبير (الاخ) فلان او الأخ علان، ونحن نحاطب مؤيدى ومتعاطفى الفاشى ... فهل هذا يضعنا فى وضع مخزى؟ أبدا، فإن الامر هنا ليس عنهم، إنما عنا نحن!
شخصى و شخصك وغيرنا من المعارضين للفاشى فى وطننا كم صافحنا مؤيدى والمتعاطفين مع النظام الفاشى فى منافينا فى المناسبات العامه ... بل منا من تبادل معم التعازى عند الاتراح والتهانى عند الافراح... نذهب معهم الى المناسبات العامه ... وربما نزورهم إن أن مرضوا .. الخ ... الخ.. ياأسامه أن مواقف الناس لاتقاس بانهم صافحوا الفاشى فى مناسبة إجتماعية . فالجريمة، بااستاذ اسامه أى جريمة بمافيها التصالح او التطبيع مع الفاشى لديها عدة اركان حنى تكتمل، منها (الدافع) .. فماهو دافعنا عندما نسلم على مؤيدى الانقاذ والمتعاطفين معه فى منافينا؟
نقد الرأى ودحضة يجب أى يكون بضرب أمثال مشابة للحدث المنقود ومساوية له فى القيمة ... مضافحة رئيس النظام الفاشى والجلوس بقربة لا تستوى أبدا بمصافحة مؤيدى الإنقاذ والحوار معهم ....
والاستاذ محمد الامين لم يصافح الطاغية فى مناسبة إجتماعية ( خيمة الصحفيين وهى مناسبة نُقلت ونُشرت أخبارها فى الإعلام الإنقاذى).....
Quote: يااسامه، الفنان محمد الامين لم نعرف عنه انه وظف فنه لخدمة الفاشى أو لدعم آيدولوجيته... فالرجل رصين وملتزم بل ومنحاز لانسان السودان
ولن تجد فى يوستى هذا حديث ينافى وضفك للاستاذ، كل ما قمت به هو نقد حادثة معينة....
Quote: ... فمالك تبادر وبهكذا إنتهازية لموقف أنه صافح الفاشى بحكم ماهو واقع ومفروض على ابناء وبنات الوطن.. وليس بحكم أن هنالك دافعا يأمل منه منفعة مادية او معنوية ؟
بكل بساطة.. تسمى مصافحة الاستاذ للديكتاتور بحكم ما هو واقع عليه ؟؟؟ أنت الثورى الذى إمتلإت كتاباته بالثبات فى مواجهة الظلم ، ترضى اليوم وتتحدث عن أن مصافحة الديكتاتور واقع مفروض؟؟؟
Quote: فيااسامه موسيقيين عظام مثل موتزارت، وباخ، وبتهوفن وتشوبرت، وهايدن والعظيم واجنر /فاجنر... الذى يقال ان موسيقاه تاتى من الله مباشرة ... هؤلاء استخدمهم الفاشى ووظف موسيقاهم للتقدم بآيدولجيته المجرمه .. فهل هذا يفقد اى من هؤلاء الموسيققين العظام، وموسيقاهم جمالها وإنحيازها للقيم الجمالية وللانسان؟
أمثلتك توحى بضعف الإرادة والعزيمة الوطنية عند الموسيقيين.... وأنهم عبارة عن قطيع من الانعام يستخدمهم السلطان متى وكيفما يشأ.... ولا أعتقد أن الأستاذ نفسه يريدك أن تدافع عنه بذكر هذة النماذج التى تجعل الموسيفيين كأداة فى يد السلطان....
[IMG]
