قررت أمس أسوى الغداء :)))))))))))

وعشان نكون صارحيين مع بعضينا الغدى لحسى فى الثلاجه لو زول حابى ارسله له حبابه
:))))))
الموضوع بدا يوم قررت اختى تجيب نونو جديد اللى بالتالى بلزم امى ان تستعد للسفر من شهرين
وتدس كل الحلل والعده والاجهزه
والعفش لو قدرت كان دسته منى
وبرغم محاولاتهم لتطفيشى فى احدى شقق اخوانى فى الاعلى للاقامه
لكن رفضت واصريت على البقاء فى غرفتى فى الاسفل
وبعد مفاوضات اغلقت كل الغرف وما خليت لى الا باب الشارع والحمام للاستعمال
وحنفية المطبخ للامانه والثلاجه
نظريا امى بتشوفنى ليسه فى الروضه وما بقدر اسوط الشاى
لكن فعليا انا البقيت سايطه فى مجتمع الحريم بسبب نظرتها دى
لذلك انا بستغل سفرها لانتزاع فرصتى فى التعليم وتنمية مهاراتى المطبخيه والبيتيه
وعندى اخويه سمسم كتر خيره انتحارى يقول لى امشى جيبى اى شى وجربى
اخير نحنا اخوانك بنبلعها ليكى بعدين راجلك بيدفس وشك فى الصحن يا بيلصقك انتى وهو فى الحيطه
ومع هذا التشجيع الحار مشيت السوبر ماركت لفحت لى انواع مختلفه من الطبخات لتجربتها
غايتو لمن جبت له الفاتوره قرب يتراجع لكن تانى قال عليه العوض ومنو العوض ياها الضريبه البندفعها والتضحيه البيقولوا عليها
وبكل فصاحه قبال اليوم المشهود بيوم بخيره تحب ااكلك شنو
فراخ بالبطاطس ولا خضار بالحمه المفرومه ورز
قام قال الخضار
قومت من بليل مرقت الحاجات عشان تسيح
ومرقت دفتر ذكرياتى المطبخيه البكون جاريه اكتبها ورا امى لمن تعمل اكل بحبها عشان اسجل الطريقه
وراسى كان جاط ياتو وصفه قريبه للطبخه عشان اتبيعها بضبانتها
منها طلعت لى بخمس صفحات علقتهم فى حيطه المطبخ
وسرقت رز بسمتى من مرة اخويه التانى وقولت ليها بكره اصلوا ما تشيلى هم
العضه عليه كلها
غايتو نظرتها كانت مشفقه على حالهم ما على حالى وقالت بكل خضوع مهتز امرنا لله
والصباح لمن صبح فكرت الغى التجربه وادردم تانى اكمل الشخير
لكن تانى قولت الم اكتفى من سنين شخير فاتت الحد المسموح
لانتزع نفسى عنوة من السرير واستعد للمعركه
وبعد صليت وتشهدت وكفكفت الاكمام ورفعت رجلين البنطلون ولبست الكمام وقفت امام باب المطبخ
اعاين له شرزا شرزا وكلى رعععععععععععععععععععععب اهتزت له الجدران
لكن ما كان فى سبيل لتراجع
حفقد مصداقيتى المنزليه لو ما وفيت وعدى
ومنها دششششششششششششيت
وكانت دشت العمر

,,,,

فاصل ونواصل

قولت ابدى بتجهيز الخضار
وطبعا موضوع شرائهم من السوبر ماركت بيخليك تتخطى مراحل شرائها حيه والتقطيع والتنظيف ليها وبكده بتكسب زمن
لكن بينى وبينكم بيقولوا الطعم بيكون ماحلو زى الطازج
برغم حسى الطازج بقى مضروب باسمده شكلها بتنفخهم ساى وتخلى شكلهم الخارجى زاهى لكن الجو اتمحق منو الخير والطعم
وفى دراسات غير معلنه وافكار متهوجسه ان حال الشعب اصبح كده بسببها
لان فيها مواد بتصيب الانسان بحالة من العته لتقبل هذا الانحلال والاستغلال البقى على عينك يا تاجر بدون اى مقاومه
نرجع لموضوع الخضار وفى محاوله لدق البصل بالخلاط لكن بائت بالفشل
لان البصل علق فى الخلاط ومنها بديت افرتكه بالسكين
واتهورت ختيت حبة خل ظنا انها حتحل الشربكه دى
ومافى زول يجى ناطى يقولى خخخخخخخخخخخخخخخخخخل عارفه انه ما مفروض لكن هو اصلا الموضوع فى حد ذاته ما كان مفروض
حتجى يعنى على الخل
المهم ختيت الحله فى النار وصبيت الزيت فيها واشعلت البوتاجاز
ولمن بديت تدخن دفقت البصل وقومت جاريه واتاوق من بعيد
منها اتذكرت اجيب الكمشه فى محاوله لانقاذ البصل من الالتصاق
لحظتها بديت افكر حسى مفروض اضرب الطماطم فى الخلاط
ولا احصل اللحمه البصل
وعشان انا بنت لهلوبه قررت اعمل الاتنين
عفصت الطماطم فى الخلاط واديته ملعقه توم ومسكت اللحمه المفرومه بحاول افرتكها من الكيس عشان الحقها البصل
والكيس اتساقل معاى
وفى استماته جبت السكين وبديت اطعن فيه بكل اتجاه لان البصل بدى يبقى تكنى كلر
لكن برضو ما نفع تقول ملصقينا بخرصانه والبصل بدى يسوووووووود
فكرة اتصل بامى استغيث لكن قولت الحله حتحصل البصل
وبعد مناتلات اللحمه بديت تتفجر من اتجاهات كتيره من الكيس لمن بديت افعصها
وبديت تتساقط بطريقه عشوائيه
المهم انها تتساقط ما موشكل كيفين
منها قلبت الخليط وكان لونه ما مبشر بالخير
قولت اضيف البهارات احتمال الحكايه تستنير تانى
لكن برضو ما استنارت
قولت اصب مكاونات الخلاط اكيد اللون حيتغير
وفعلا بقى احمريكا على اسوديكا تجنن
قومت قولت اخلص من الخضار بالمره وادفقه وارتاح
وعملت زى ناس الدعايات ختيت ملعقتين صلصله نظام عدم موضوع فيها
وقلبت الجغمسه دى كلها وقفلت الحله وكان شى لم يكن
وقولت بينى وبين نفسى
كان الحكايه بالبساطه دى النساوين تشيل وتبكى وتشكى من الطبيخ مالها
ماهى ربع ساعه والحكايه انتهيت
نساوين بتحب شكلها تضخم الامور ساى
:)))))))


فاصل تانى ونواصل

اختنا رانية

عليك الله عدلي كلمة ( الغدى ) دى و اعمليها ( الغدا )

سامحينا ...

تسلم اخى يحى على التصويب
:))))

Quote: عليك الله عدلي كلمة ( الغدى ) دى و اعمليها ( الغدا )

وكمان لو عدلتيها تاني الى (الغداء)

تكوني ماقصرتي معانا نهائي

لووووول




رانية انزيك

اووووووووووووووووووووو
هوارى فردتنا بهناك
شرفتنا ايها الخائن للعشره
هههههههههههههههههههههههههههه
غايتو قربت امسحها كلو كلو وارتاح
سبتوا الموضوع ومسكتوا فيها
:)))))))))))

لوول

رانية الفردة المنقرضة تحياتي ليك يا ملكة والشرف لينا ولله نكون معاكم هنا

حبيت اشاغلك بس ...عارفو دارجي

والله يا حاتم سعيدين بتواجدك بهنا
خليك قريب ونعمل برانا شلوليت سودانت هههههههههههههههههههههههههه
غايتو بكرى مع بداية السنه دى عمل خير بالاضافات الجديده دى
:)))

الرز اصلا وصفته سهله وسره يكمن فى ضبط مقدار الماء مع الرز
البسمتى بيقولوا المقدار بيكون الضعف يعنى جردل رز قصاده جرديلن مويه
لكن المصرى مره ونص فقط
فى العلبه مكتوب يجب نقعه نصف ساعه ومرة اخويه قالت لى طوالى اكشحى فى المويه المغليه
انا قولت ارضى الاتنين غسلته على السريع وختيته فى المصفا و اول ما المويه غليت بعد اضافه هبوبه ملح وزيت فيها دفقته فيها
لمن ختيت الغطى وفرحت شديد بمنظر الحليتين مغطيات قولت اخد لى رست بعد الاجتهاد الخرافى دا
وليسه ما بعدت خطوه من باب المطبخ سمعت صوت شى عايز ينفجر
رجعت جاريه لقيت غطى الحله حقت الروز بيرقص براه من البخار
قومت طوالى شلته ومنها مكونات الحله راق واخد نفسه
قولت مخير هو ما عايز يتغطى خلى الهوا يدقه انا عملت العليه كده
فاصل اخر ونواصل

يا سلام يا رانية

ذكرتيني أختي الصغيرة

تتعب وتسوي لينا الأكل وأنا أكورك أقول جيبي الأكل سريع

هسة أنا في بلاد الثلج والصقيع أموت من الجوع لو ما عملت الأكل براي

اييييه دنيا

التحية ليكي ولكل أخواتنا الرائعات

اخى ايمن
لنصيحه ما عارفه افضل تسوى براك ولا تبقى فار تجارب
:))))
لكن لصراحه الزول وهو فتران وتعبان وجيعان حياكل الزلط لو جابوا له فما حتفرق
يديك العافيه انت والزيك ويحفظكم

Quote: اخى ايمن لنصيحه ما عارفه افضل تسوى براك ولا تبقى فار تجارب :))))

أنا صراحة أحسن لي أكون فار تجارب

رمضان الفات بدخل المطبخ وقت الأذان وأقعد اتلفت

حرقت كل الحلل وقربت أحرق المطبخ كلو



واصلي .....وصلي .... جوعتينا ذاتو

Quote: وبعد صليت وتشهدت وكفكفت الاكمام ورفعت رجلين البنطلون ولبست الكمام وقفت امام باب المطبخ

اصلو انتي دايرة تسوي غداء
ولا دايرة تحرري القدس

رانية ازيك
غايتو لو دي طريقة طبخك العريس برجعك بي دلالك (وش ضاحك)

دلالك دى مرادف لسفنجاتى ولا شنو
:))
لكن يا اشرف هو معرسنى عشان اطبخ ولا عشان بيحبنى
البيحب كان جبت له البيض بقشره حيشوفوا احلى من القشطه
الطبيخ دا بنحسنه عشان اهله ما يشيلوا حالنا ساى

غايتو يا ايمن كان كده ارسل ليك طبيخ امس ههههههههههههههههههههههه
من كم يوم كده حرقت الكفاتيرا حقت الشاى
امى طبعا حريصه كل الحرص على عديتها وبتحبها تلمع زى الجديده
جنها وجن الحلل البتسود ولا بتعمل طبقه فولازيه فيها من الاشتعالات الحراريه
اها صحبتى عروس جايه مع رجالها زياره
قولت لازم اكرم ضيوفى واجهز الحاجات قبال يجوا عشان ما اقعد اتشلهد وهم فى وانا براى
عملت لى كيكه شاى حكايه كده ما بتخلص
غايتو عشان ازبطها صح كنت حرقت الخلاط لماما فى الولاده القبال دى
:)))))))))))))))
اها ولعت البوتجاز وختيت الكفتيرا فيها
وما عارفه شنو الخلانى امشى بره المطبخ
جيت راجعه لقيت الكفتيرا بقدرت قادر لونها بقى نحاسى على احمريكا بدل لونها الاصلى
اتذكرت انى ما ختيت المويه فيها
:)))))))))))))))

Quote: رانية انزيك

يا حاتم كمان أنت لو عدلتها إلى .. إزيك ..تكون ما قصرت ..
ومافي حد أحسن من حد ..هههههه

تحياتي ....

شايف البوست لم المصححين اللغوين

هههه

الله يكون في عونك يا رانية

بركه العرفت له يا بشير
لكن حاتم اتبع سياسه المصطلحات فى سودانت المشهوره بجلبطته لغويا
كل زول قاطع لغه من فاخورته براه بهناك
الغريب ان الكل بيفهم بعض بعد دا كله
:)))))
حسى كان بدينا الغروده بهنا
قال الله بقولوا
بكرى بيعلن اغلاق سودانيزاونلاين لامد غير معلوم

يا جوماعه انا بعد دا حشتت استعد لانى ماشيه عرس
الحلتين امااااااااااانه فى رقبيكم
خصوصا انت يا ايمن
ابقى اطمن عليهم كل ساعتين
وناس التصحيح يقيفوا لى بجنبه لحد ما اجيب السبوره والطباشير
اها شاو لبعد 12 ان شاء الله

سلام

والله يا رانيا الا تزوجنى طباخ

ليه كده يا ناصر
:((((
الزواج اسمى من الطبيخ
:))))))))))))

اذا كنت جووعان ما تخاطر وتفتح البوست دا
هههههههههههه
نتغداء ونجي نواصل

قدر دا يا عمااااااااااااار
هههههههههههههههههههه

Quote: يا جوماعه انا بعد دا حشتت استعد لانى ماشيه عرس الحلتين امااااااااااانه فى رقبيكم خصوصا انت يا ايمن ابقى اطمن عليهم كل ساعتين

هههه

كان كدا حلك دي يا ها الإتحرقت

كل ساعتين ؟

انتي طابخة لينا شنو اصلو يا بت

منتظرين الجومه يا فردة
بس ما تنسي السلطات

دى حلل اليوم عشان ما تقولوا البت طاشه شبكه لطيش
لكن عشان ما تحرق ادونى تكه وبجى نكمل حلل الحتوته المشهوده
:)

تحياتي اخت رانية
حلتك الشمال دي شكلها كمونية لكن كترتي الموية

والله يا رانية لو دي طريقتك في الطبخ ياكي الراجعة بيت امك بي خبيزك

يا شرف انت قايل نص المتزوجات ديل من يوم الزفاف عاصوا الملاح ولا شنو
غايتو اسئل المتزوجين كم واحد فيهم كان بيعانى فى السنه الاولى زواج غذائيا
وما عيب
الحياه مدرسه والتعليم متاح فى اى زمان ومكان
ما عيب نكون جاهليين ونحاول نتعلم مره واتنين وثلاثه
لكن العيب نستسلم للجهل وننتظر الدليفرى
:)))))))))))))))))

حكمة اليوم:

Quote: ما عيب نكون جاهليين ونحاول نتعلم مره واتنين وثلاثه لكن العيب نستسلم للجهل وننتظر الدليفرى

اوسكاااااااااار
ـــــــــــــــــــــــــــــــــــــــــــــــــــــــ

التحية ليك يا رانية وعندي واحد صاحبي عندو سؤال:

قال ليك الحلة الاولى معروفة وهي (شوربة كبكبي)

بس التانية دي قدر ما قلبنا الصورة فوق تحت ما عرفناها...فبالله الطبيخ التاني دة ملاح شنو؟؟؟؟


هذا مع كل الود والتقدير

محمد مكي

ناهى يا حمزه
ما كمونيه
بتبالغ ياخى
انا ليسه بقول ياهادى تدفسنى كمونيه
قول خير
دى فى الربع الاخير ممكن افكر فيها
:)))

يديك العافية يا رانية

سوطي وكُبي زي ما عايزة

في النهاية بتتعلمي

تخريمة: ان وصفت ليك حلتك التانية دي بتحردي البورد
هههه

الجومه دى ياها العضه ولا شى تانى يا سليمان
السلطات دى اساسى قبال الكراسى طبعا

دى الامانه الاوكلتها ليك يا ايمن
تنوم وتخليها كده
:((((((((((((
مافى ليك حلل تانى خلاص

حارسين تكملي لينا العضة

نصيحة اخوية
كان عندك رغبة في تزبيط الحلل
اول حاجة جضمي الكمونية الباقي بكون ونسة بس

زول مشتهي الكمونية

يا حمزه الكمونيه دى مش العفشه بتاعت معدة الخروف
بتذكر زمان اتشالقت وقعدت فيها مع خالتى
امى لمن شافتنى قالت لى امك ما قعدت القعده دى
لان لصراحه مافى زول فينا بياكلها اصلا فى بيتنا
لكن البتذكره عملية الغلى وتقطيعها لشرائح ونقعها فى المويه المغليه ومنها اخراجها وتشحيطها بالسكين وبعد دا اظن تقطيعها
لكن طيب البتكون زى الحبال اللايوقه دى شنو
وبنقلبها بصباع القلم
:))))))))))))
اظنها المصاريين مش

بعد ما قررت ان الحلل كفاها اشتعال حرارى
طفيت عليهم
دايما بيقولوا سر الاكل المسبك انك تخلى على نار هاديه ينجض
ولازم استعمال العوازل عشان نفصل بين الحله والنار بعد التوطيه
وبيقولوا كمان الطيجان بتسبك الاكل بطريقه اطعم من الحلل العاديه
الطاجن ما عارفه هو دا المصطلح بتاعه ولا شى تانى لكن الاوانى المن الفخار اظن ولا الطين معموله
اها نرجع للحلل الطفيت عليها النار
وقررت اجرب مفعولها فى اخويه اسامه
واكيد النتيجه معروفه
غايتو الفشل دا احساسه مؤلم بالجد
وتبقى مصيبه لو لقيت ليك زول يزيدك ألم من جراء هذا الحدث
ويكويك بكلمه كلمتين كده تورمه ليك اكتر
احمدالله اخويه كان دبلوماسى ما زعر فينى
لكن هل الرجال المتزوجين حيتقبلوا فشل زوجاتهم فى الطبيخ بروح رياضيه وتحفيز لاعادة المحاوله
ولا بتبقى نهره وتريقه يمسكلها ليها لحد ما عيالها تدخل الجامعه وتكون بقيت طباخه درجه اولى
ربنا يوعدنا بالانسان البيقدر يتفهم المواقف صح وبيعالجها بحكمه
الحكمه دى ماشى ساهل وياما عمرت بيوت بيها
خساره اغلب الرجال ما حكيمين
هم اصلا لو كانوا حكيمين كان دا بقى حالنا
:(((((
النسوان زااااااااااااااتهم بتاعين سواطه
لو الزوجه فى بيت اهل الراجل بيكون الخبر وصل لجاره الفى الحله التانيه
حاجات بالجد مافيها اى ذرة من مراعاة الشعور وبتضخم على الزول وجعته
بطبعى لمن احس بالاحباط بنووووووووم
دخلت غرفتى وشخرت بمزاااااااااااج لمن صحيت على دق فى الباب والشباك
لانى دقست وقفلت باب البيت جوا بالمفتاح
ولمن قومت لقيته اخويه بيطمئن انى ليسه عايشه ولا انتحرت
النومه كانت مفيده
صحيت بمزاج اروق وطلعت سرقت تليفون سمسم واتصلت بامى
قولت ليها الحصل
وانى عايزه اعرف سبب الفشل شنو
لان اكيد لو عرفنا الخطىء وين حنصلحه فى التجربه الجايه
وامى بصدر رحب بديت توصف لى الامور كيف
وبرغم ان ياها المكونات ذاتها
لكن ترتيب اندماجها يا سبحان الله بيقلب حالها
الخلانى اكتب الموضوع
ان بالجد لو عرفنا دايما اسباب فشلنا
حنصلح امور كتير فى حياتنا وذاتنا
المشكله ان منو البيكون صادق وبيدينا الحقيقه بلا نواقض او زوائد
عدم ثقتنا فى كلام بعض افقدنا الحقيقه فى اغلب نواحى حياتنا
لدرجه بقيت ما بقدر اصدق اى خبر اقراه
ولا حتى اسمعه فى نشره اخباريه
فى مره كنت راجعه من الشغل
وداخله على مدخل الكبرى حق النيل الابيض اظن اسمه كده
وفجعتا لقينا لينا الحافله حقت 24 راكب بتطوطح زى السكرانه
وجاريه شديد
لحظتها حسيت انى بتفرج فى فيلم بوليسى
وما كنت مصدقه دا بيحصل فعلا
اللى لمحته ان فى بنت كانت بتقابض فى الدلكسيون مع السواق بتاع الحافله وبتكورك
الكويس ان الحافله ما دخلت الكبرى
اطوطحت وجات راجعه ولبست فى عاموووووووود
الناس طبعا اتلميت ونزلوا البنت وكانت فى حاله ما يعلم بيها الا الله
وما تميت الشمار ومشيت
تانى يوم فى الجريده الخبر ذكر بطريقه لمن شكيت انا العيونى كانت بتهلوس ولا الناس دى بقيت بتكتب كلام بره راسها فى الجرايد

خلاص كده تميت
:)))))

قلتى

Quote: خلاص كده تميت :)))))

طيب
البتمو لينا منو ؟؟
الطبيخ دا ما لسع جايط
وشكلو سادي الحلق

الله يتمو لين
يا رانية
بت اعمي
ا

يا هيثم
نفس الجمجمه شويه ياخى
انت قايلنى عزماااااااااااك غدى ولا شنوووووووووووووو
:))))))))))))))

الحمد الله الواحد عرس من الريف

غايتو انا كان لميت في واحدة زيك كنت وقعت فيها دق بالشبشب

شوفت يا خضر
انت من النوعيه البتزيد الطينه بله
بركه الما لميت فى الزى
كان حسى بتغنى فى تجان الماحى
اتنين مالهم امان الكهربا والبتنجان
:))))))))))))))))))

Quote: سبتوا الموضوع ومسكتوا فيها

رانية واصلي

عاطف اواصل شنو
خلاص ببح

شايف التعليقات يا رانية عن شكل الملاح في الحلة

قولي ليهم أهم من شكلوا طعمو يكون كيف

أها طلع لذيذ وإلا أي كلام؟

لي زول جعان بكون أكيد لذيذ

عشان كدا العريس لازم يجوع قبل ياكل عشان ما يلاحظ حاجة



وتسلمي

ياتو ملاح دا يا ايمن
دا ما ملاح
غايتو ما حقول هو شنو عشان ما يبقى الموضوع الجديد هو
غايتو اتاكل بحمدالله ما زى الحلل الاولى
:)))))))))))))))
لكن العريس دا بنصله خبيرين طبيخ
ما بنكون ليسه سايطين كده ان شاء الله

رانية
أستمتعت جداً بالبوست بتاعك دا
لأني عشت نفس التجربة فى بداية الزواج وحبيبة القلب
طبعاً جاية ولاعندها أدني فكرة عن الطبخ .. بس فى النظافة والترتيب والديكور
100% أها عدينا شهر العسل جولة لعدد دول ورجعنا البيت وراحة الأسبوع الأول
دعوات وأكل من بره ..
المهم ..ياتبارك
وياحبيبي تحب تأكل شنو من يدي
اللهم أستر .. قلت ليها أي حاجة من أيدك !!!
وأشوف ليك النقة فى التليفون .. ماما .. ايوه .. ماما
والورقة والقلم ..
عملت رايح وقتها ..
شميت بعد شويه ريحة البصلة
وصوت عدة المطبخ زي المنطقة الصناعية ..
عرفت بعد داك الحلة كانت ملاح بطاطس
وكل شويه ماشه على التليفون ..
تاريها الحلة من كترة الصواطه بقت حلة عدس !!
لحد ما جاطت ليك البطاطس جوطة السنين
فرمتها عديل كدا
يعني يستحيل تصل لجزء من بطاطساية
وجابت الغداء
وقالت لي عارفها ما ظبتت بس الطعم كيف ؟؟
كيف ياحبيبتي دى أحلي ملاح أكلته فى حياتي ... كضاب طبعاً
ـــــــــــــــــــــ
اما اليوم .. وبعد كل تلك السنين
بقت مستشارة ومخترعة أكلات ..
والله صحي ..

اخى معروف
والله انت اجدع زول يشارك
مافى وحده من طلعت من بطن امها كانت بتسوط فى الملاح
وحتى لو سئلنا امهر طباخه وطباخ وسئلناهم هل حرقتوا حله قبال كده ولا باظت ليكم طبخه وجدعتوها فى الزباله
حيقولوا اىىىىىىىىىىىىىىى وكضاب الحيقول لا
لان دا طبيعى نتعلم
متين نتعلم ما عيب
المهم فى الاخر نتعلم ونلقى البيشجعنا للعلام دا
مافى زول كامل من كل النواحى
محتاجين فى حياتنا الزوجيه وخصوصا فى السنه الاولى نراعى جهلنا بامور ونجتهد نعالجها عشان السنين البعديها تكون اجمل
وتبقى اللحظات دى ذكرى مضحكه لينا
والحكايه دى مافى الطبيخ وبس
فى اى شى
اى انسان اتقن اى حاجه فى حياته عدى بالمرحله دى
وغلط مره واتنين وثلاثه واربعه لحد ما وصل للمكانه دى
يبقى ما مفروض نقلل من شأن بعض عشان ما عارفين وعايزين نتعلم
اسعدتنى جدا مشاركتك اخى معروف
وربنا يخلى ليك المدام

الابنه رانيه
لكن طيب البتكون زى الحبال اللايوقه دى شنو وبنقلبها بصباع القلم :)))))))))))) اظنها المصاريين مش
-----------------------------------------------------------------------------------------------------------------------
1/ فعلا دي المصارين --- يا بت مات تقطعي مصارينا من الضحك .
2 / الحله التانيه : فول س---( اي غير مكشن )-----اده و قابل ان يكون فول مصلح .

بعدين الطبيخ عاوز معرفه اتوكلي علي الحي الذي لا يموت و جوطي بس ما تحرقي الاكل الكارثه هنا و احيانا بت جيب زعل ، يا ما اكلنا اكل لي يوم الليله ما عارفنو شنو .

ابن العوام

إزيك يا رانية..

أنا وظيفتي الكنت متبرعة بيها في البيت إني أعمل الشاي بعد الغدا..
وطبعا الشغلانة كانت مزاج ..
يعني ابخر الكبايات بعد ما المعهم مع الصينية والثيرموس..
بعدين ما بخلي زول يصب الشاي ولا يشيل سكر براه..
أي فتفوتة سكر في الصينية ولا نقطة شاي بتخرب المزاج..

أما بالنسبة للطبيخ..
صح أي زول بيتعلم في مرحلة ما من حياته إنه يطبخ..
لكن أنا عندي تجربة مع الرز..
بسمع دايما كنت الكلام عن الرز المفلفل وبشوفه دايما مضبوط..
قلت يوم أعمله..
جبت رز وفلفل كتير...والباقي تميه بخيالك
الغريبة ساعة ما بعمله كنت بقول لنفسي لكن ليه يا ربي الرز الباكله مافيه طعم الفلفل؟؟

الرز التاني كان رز اللبن..
أشيل الرز من شواله وأضيف ليه اللبن..
دقيايق ألقي ليك الرز قوي زي ماهو واللبن إنتهي..
اضيف اللبن بتكرار بدون فايدة..
في الآخر اللبن إنتهي والرز زي ماهو..
طبعا رميته قبل الجماعة ما يجو..
اتاريه الرز المجنون..كان عايز يتسلق في الأول!!
طيب مش كان يقول؟؟

..........
.........

يارانية..
المصيبة الفي الحلة الجنب الكبكبي دي شكلها فظيع جدا..
دفقي الفيها وصوريها تاني!

هذا مع المودة الكبيرة..

غايتو يا منى ضحكتينى
ابدا ليكى من تحت
فى حلة الكبكابى دى
لانها ما كبكابيه نوهااااااااااااااااااااائيا
والتانيه خلاصتها كانت دى






عرفتيها ولا اشرح زياده
هههههههههههههههههههههههههههههههههههه

عمو الزبير
حلة التانيه دى شنو
انا كتروا عليه الحلل وطشيت طبيخ معاكم
:)))))))))))))))))))

وطلعت منها ديل بعد كنتكتهم


:)))))))))))))))))))))))))
غايتو اتاكلوا واشفطت سمح

ودا ياهو الكبكابى
:))))))))))))))))))))))))))))))))))))))))
حله ساده وتانيه بالالوان

رانيه ازيك
تحفه البوست واحلى حاجه التصالح مع النفس وصدق من قال : ميمان لايتعلمان متكبر ومستحي
والحمد لله انك لامتكبره( بكل تواضع وصدق بتكتبي) ولامستحيه ( بتسالي وعايزه تتعلمي)
عايز اديك هديه
http://www.youtube.com/watch?v=yi-svR95mUU

والله انا من شهر 10/2012 داخل كورس خبز ومعجنات انتظريه بعد شهر 6/2013
عشان تتعلمي كمان التحليه .

بوست جميل وأحلى حاجة فيهو صراحتك يا رانية بت الشيخ

الحمدلله غايتو البنعرف التبيخ دا

والعاوز دروس بنوريهو فيهو

خريج مطبخ تركي

بس إتعلمي التبيخ ياخي سااااهل ما صعب


هههههههههههههههههههههه

وبس

من حسى تبقى لينا مرجع يا مجاهد
وورينا الغلط فى الرز البسمتى كان شنو والخلطه حقت الخضار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعيدين بطلتك

يا سلام عليك يا عممممممممممممر
عارف نفسى فى حكاية المعاهد دى
حقت الطبيخ والخياطه بكل انواعها
بالجد الجهل ما عيب
العيب هو العيب
ومهما الانسان وصل مراحل كبيره فى العلم برضو بيكون ليسه بيتعلم عشان يحفظ مكانته ويوسع خبرته
العلم ماله سقف يقيف حده
بنتظرك تورينا المعجنات كيف نعملها
وخصوصا البيتزااااااااااااااااااااااااااااا

طبعا يا عمر ما شوفت اللينك الا بعد رديت
الضحك شرطنى حرااااااااااااااام عليك
:))))))))))))))))))))))