Post: #1
Title: يدك تمرق فاضيه من راسك!!
Author: مها عبدالمنعم
Date: 01-24-2013, 07:31 AM
كتير تدخل يدك في راسك عشان تجيب شي يدك تمرق فاضيه!والامر من المر انك عارف عاوز تجيب شنو بس تلقي الذاكره الموقته هي المسيطره والتانيه ديك نايمه ومبسوطه بنومه .....وممكن العاوز تجيبو ماساهل بس كمان ماصعب لمن يتغتغت بعشره الف وحده كهربيه ....وممكن تمرق وكل شي مايعجبك بدايه من الشارع المانضيف والا الجيران البكبو الغمامه ساي فكيف تنضف جوه وبره مانضيف ! نضف جوه وبره اشان الحياة تحلي...وتركب المواصلات الكمساري ولد صغيروني متسرب من التعليم تعاين تقول ليه خلا المدرسه تلقي ابوه سيد البص ويعاين لحقارة الركاب بالكمساري الشايفنو درجه كم كدا ماعارفه وتقول المجتمع معافي وتسمع بشافع لقو جمب المدرسه اهلو رموه قام اتخنق مات ...
يتبع
|
Post: #2
Title: Re: يدك تمرق فاضيه من راسك!!
Author: Mahir Mohammed Salih
Date: 01-24-2013, 07:42 AM
Parent: #1
كلام جميل يا مها وحاصل تماما وخااااااااااااااااااااااااااصة فى سودانا ده ،
اها متابعين ،، وااااااااااااصلى
|
Post: #4
Title: Re: يدك تمرق فاضيه من راسك!!
Author: مها عبدالمنعم
Date: 01-24-2013, 07:52 AM
Parent: #2
شكرا.....
خليك متابع القصه كبيره والناس ماشه وبكره مازي الليله اكيد
|
Post: #3
Title: Re: يدك تمرق فاضيه من راسك!!
Author: مها عبدالمنعم
Date: 01-24-2013, 07:48 AM
Parent: #1
وتسمع بزول مدافع عن حرية المراه وحابس مرتو في البيت وهي زاته ماعارفه يعني شنو حريه
والحريه دي ملك خاص والا عام !وتستهجن حملات كتل الكلاب الضاله تكتشف في حاجه اسمها السعر النائم!!
ولا في زول عارف عنها شي
|
|