تراجى مصطفى ..نحلة يقذفون بها فى الخلية فيسقط علينا شهدها

والله من حسنات سودانيزاونلاين أنها بترجعنا لكتاب المطالعة فى الابتدائية..

ياحليل زمن كن كالنخل يرمونه بالحجارة ويساقط عليهم تمرا..

أو
هاتى هاتى يانخلاتى

و اكتشفت بفضل هذا المنبر أن طه القرشى كان فى جهاز الأمن..

واكتشفت أن الحوت كان بالع الطاهر فى بطنو ورماه فى حلة قرع!

سبحان الله

قوم لف ... مشغولين هسع بود عم (المك نمر)

نفضي يدنا من الكتابة ونجي نشوفك قاصد شنو..


عالم نجاهة،،،

نحلة من الزمن الجميل ولو كره أصحاب الخليات لسعاتها

أها جاك صاحب خلية شهد - بحري الشعبية

وقال ليك شنو؟

حليمة بائعة اللبن ختت محمد حامد جمعة فى خانة اليك..
دا حالتو المسمنوا عميد أمن هنا فى الملجة دى..

ياخ عميد أمن بتاع فنيلتك؟
دا طلع مشمول فى سؤال القبر زينا وواحد!!

Quote: أها جاك صاحب خلية شهد - بحري الشعبية

هههههههههههه
عليك الله يا حنين شفت بكري دا حقار كيف ؟
المرأة النخلة رافعين ليها بوست فوووووق في السما،
نجلاء سيد أحمد .. نخلة يقذفونها بالطوب فيسقط علينا تمرها .
و(النحلة) ففي الزبـالة كنتما (على راي عادل امام)
صحيح منبر بتاع جلابة فاسدين

أعداء الهامش
حيدر الزين المشهور بالطريفى ووهبة المشهور بعبد الوهاب على الحاج

سمعتوا دى؟

قال ليك عملنا تمحيص بخصوص هروب المك نمر..
اتضح أن الجماعة نحنا فاهمنهم غلط
المك ما ج ب ان لأنه هرب لا لا
ج ب ان لأنه هرب على ظهور الخيل والجمال
وكما تعلمون دى مافيها أيتها مخاطرة
يعنى قول الجمل أو الحصان عتر والمك وقع منو حايحصل ليه شنو؟

وقارن بين الناس البتجازف وتهرب بالطائرة
تخيل الطائرة دى وقعت وقس على ذلك حجم المغامرةوالتضحية.

يعنى الدالة على جبن المك نمر ما الهروب زى ماكنا فاهمين, بل الدالة هى وسيلة الهروب الج ب انة.

ياحنين

ياخى كلم وهبة دا

البوستات الفيها شخصية زى الفى البوست دا مابتحتاج يرفعوها بترفع نفسها براها..

Quote: المرأة النخلة رافعين ليها بوست فوووووق في السما،

ياوهبة
قريت درس الغراب النبيه؟

يرفع الحجر فى منقاره ويرميه فى البئر.

يعني يالطريفي فاتحين لي بوست كفارات بي حالو ماشفتك بي هناك
اجي القاك مباري النحل دا... يعني الا يفرشوا علي حتي نشوفك?

عيب عليك والله...

د. بلة اعفي لي بالله
والله ماقصدي ارفع البوست لكن الطريفي دا زعلني والله
ماخاتي علي الحبشي...
انا من الليلة دا طرفي منو. :-)


--------------------

قلت لي النحلة دي بتدي عسل ولا بتلسع بس

محمد عوض
أجر وعافية
عسل النحل أحسن علاج وخصوصا نحلنا!

Quote: البوستات الفيها شخصية زى الفى البوست دا مابتحتاج يرفعوها بترفع نفسها براها..

الله يضحكك يا بله موسى .

منبر جلابة وهم سااااى :)

وإلا إيش جاب لجاب..
عشان تراجي ما بتحكي سيرتها الشخصية يعنى ؟

الغريبة المطبلاتية الإسمو شاهين دا..
قبل سنوات كان عامل لتراجي قصيدة عصماء ....:)


وفعلا / هذا زمانك يا مهازل ..
غرقت التماسيح فى البحر
جات الورايل عايمة

Quote: فاتحين لي بوست كفارات بي حالو ماشفتك بي هناك اجي القاك مباري النحل دا... يعني الا يفرشوا علي حتي نشوفك?

طبنجة..

يطررررشني ،،، ويقطع أضان ابو حسين ويحلق حواجب وهبة كان سمعت..

يآخي كفارة والله لمن امشي ابحبت محل البوست القلتو اشوفك عندك شنو .. ما تكون عملية عيون بس


ـــــــــــــــــــــــ..ـــــــــــــــــــــ
كفارة يا حبيب وسلامتك واللوم بيجي بالغفلات الزي دي ..

والتحية والتقدير للشامخة نجلاء سيد احمد

نجلاء
وتراجى
لكل وسيلتها واسلوبها الخاص فى الكفاح ضد الظلم
لهما التجلة والتقدير

Quote: منبر جلابة وهم سااااى :)

زماااان يا آمنة قلنا ليكم ناس كوش ديل جلابة
قلتو لا, من إندينا!!

تراجي نحلة تسقط علينا من شهدها دوما
بس لو خليتي عمل (الضرات ) أفضل المنبر
يشيلك ونجلاء وكل الكنداكات ولكل منكما منهجها
في النضال ...ويابكري أرفع البوست دا فوق ولاتفرق
بين (الجلابة ) والمهمشين !!!

Quote: ياخى كلم وهبة دا

هسـع هو مشغول شديد وقاعد يكتل في النحل ذاتو

Quote: الغريبة المطبلاتية الإسمو شاهين دا.. قبل سنوات كان عامل لتراجي قصيدة عصماء

صباحاتك خير أستاذة أمنة مختار .
فى شمال الوادى يقولون الملافظ سعد .
ليست الخيارات صفرية لا فى الحياة , لا فى السياسية , ولا حتى فى الصداقات الشخصية , سيادتك قمتى بتأسيس الخضر ثم خرجتى ثم عدتى ثم قد تخرجين مرة آخرى الى ساحة ربما ارحب , ليست هناك صمدية مواقف يا أستاذة - الصمدية جمود - .
وانا ما زلت احب تراجى مصطفى واقدرها , لنقول بنسب مئوية , احب فيها ايمانها بما تقتنع به 90% واكره الـ 10% الباقية فى التجريح والخشونة المتعمدة وعدم وضوح الرؤية فى من هو العدو الحقيقى والصديق المرحلى والصديق الدائم , ايمانى عالى فى اننا نتفق على سودان ديمقراطى علمانى , قد نختلف فى وسائل الوصول لذلك (تكتيك الاستراتيجية الشهير) .
كل هذا لا يمنع من الاختلاف والنقد وابداء الملاحظات فى بعض المواقف ومن ذلك الموقف الاخير من الأستاذة نجلاء سيد أحمد , ليس انطلاقاً من ان نجلاء شمالية وانا شمالى ,انما انطلاقاً من ان هناك طوبة قذفتها الأستاذة تراجى عليها فى وقت نحتاج لنجلاء ان تنطلق دون تعويق فى ما تقدمه لى ولك وللوطن , الوحيد المعصوم من النقد هو رسولى الكريم المصطفى (صلعم) - رغم ان الأستاذ هشام آدم قد كسر هذه القاعدة فى رعونة - .
وهذا ما حاولت توضيحه بثقافتى التى لا تتعدى كتب المطالعة الابتدائية التى اشار اليها بذكاء د. بلة .
والله من وراء القصد .

Quote: هاتى هاتى يانخلاتى

أتاريك يادكتور عجوز من زمن حفر البحر !!

هاك دي قصيدة (في القطار) برضها من الزمن الجميل:

هيهات هيهات لا جن ولا سحره
بقادرين على أن يلحقوا اثره

كالسهم منطلقا والسيل مندفعا
يثير في عدوه الحصباء والغبره


مرت وليس لها من عودة أبدا
كالطيف ولى فمن ذا يقتفي أثره

أنا درست الأوليه يا د.بله ومدرستنا كانت نصفيه وبنسميها صف قريض(صبـ قريد) - sub grade
(دفعة 1968 - 1969)
درسنا أولي زمن كتاب المطالعه علي غلافه يوجد ولد رافع يده (أنا ولد).
في السنه الثانيه درسنا الدين (جزء عـم) طبعاً غلاف الكتاب مكتوب عليه بالخط العريض (الرسم يشبه)
جزء عمر أكثر مما كونه يشبه جزء عــم!!
الأستاذ البيدرسنا حصة الدين هو مسيحي إسمه بيتر من جنوب السودان!
أستاذ بيتر بيدخل علينا حصة الدين رويان - بايته معاهو (حتي نحن التلاميذ بتكون بايته معانا)!!
بيقول لينا طلعو كتاب عمـر!!! ويبدأ (يرتل لينا) ونحن بنرتل وراهو (البيسمعنا بيقول نتغني بمزامير سيدنا داؤد !!

كان هنالك تسامح ديني رهيب!



.

مرحبا بكل الذين تذوقوا هذا العسل
ومرحبا بأصحاب الخلايا الخلفية
سأعود إليكم فرضا فرضا حتى تستبينوا السنن!

نحن الطيور أيها الانسان
بذا الجمال خصنا الرحمن

قال الشاعر:

الليلة الجداد حلبوا
والديك اب علاعل بركوا وشدوا
والفار شال عصايتو على الكديس حجزوا

جاييكم يا لحاسين العسل
كما أتيتمونا فرادى نجيكم

بس خلونى أحيى صديقنا حامد بدرى من الفيك بوس!

Quote: هيهات هيهات لا جن ولا سحره بقادرين على أن يلحقوا اثره

بقادرين على ان يدركوا اثره















--------

انا غايتو عا########ي "النخلة الحمقاء“

متذكرين اللحن؟
اجمل ما يمكن تلحينه من اناشيد. .. ومحفوظات

Quote: اجمل ما يمكن تلحينه من اناشيد.

فى زمنا المتأخر عنكم كانت فديتك هل نسيت القدس والسحر الذى فيها هى أجمل ما يمكن تلحينه من نشيد ..
كل التحيه والاحترام للعزيزة تراجى ..
وتراجى بدورها نخله ..
نخله بكامل بهائها كما نعرفها لا كما نعرف نخلة ايليا ابوماضى ديك ..


ونخلة غضة الأفنان باسقـــــــة قالت لأترابها والصيف يحتضر


بئس القضاء الذي في الأرض اوجدني عندي الجمال وغيري عنده النظر


لأحبسن على نفسي عوارفهـــــــا فلا يبين لها في غيرها أثر


كم ذا أكلف نفسي فوق طاقتهــــــا وليس لي بل لغيري الظل والثمر


لذي الجناح وذي الأظفار بي وطر وليس في العيش لي فيما أرى وطر


أني مفصلة ظلي على جســـــدي فلا يكون به طول ولا قصر


ولست مثمرة إلا على ثقـــــــــــة أن ليس يأكلني طير ولا بشر


عاد الربيع الى الدنيا بموكبـــــــه فأزينت وأكتست بالسندس الشجر


وظلت النخلة الحمقاء عاريــــــة كأنها وتد في الأرض أو حجر

ولم يطق صاحب البستان رؤيتها فأجتثها فهوت في النار تستعر


من ليس يسخو بما تسخو الحياة به فأنه أحمق بالحرص ينتحر

Quote: أنا درست الأوليه يا د.بله ومدرستنا كانت نصفيه وبنسميها صف قريض(صبـ قريد) - sub grade (دفعة 1968 - 1969) درسنا أولي زمن كتاب المطالعه علي غلافه يوجد ولد رافع يده (أنا ولد). في السنه الثانيه درسنا الدين (جزء عـم) طبعاً غلاف الكتاب مكتوب عليه بالخط العريض (الرسم يشبه) جزء عمر أكثر مما كونه يشبه جزء عــم!! الأستاذ البيدرسنا حصة الدين هو مسيحي إسمه بيتر من جنوب السودان! أستاذ بيتر بيدخل علينا حصة الدين رويان - بايته معاهو (حتي نحن التلاميذ بتكون بايته معانا)!! بيقول لينا طلعو كتاب عمـر!!! ويبدأ (يرتل لينا) ونحن بنرتل وراهو (البيسمعنا بيقول نتغني بمزامير سيدنا داؤد !! كان هنالك تسامح ديني رهيب!

اوسكار يا محمد آدم ...
وتحياتى للجميع ...

Quote: قال الشاعر: الليلة الجداد حلبوا والديك اب علاعل بركوا وشدوا والفار شال عصايتو على الكديس حجزوا

الاخ بلة سلامات يارجل ،
دعني احاول ان اضبط الوزن- عى وزن ضبط المصلح كما يقول المثقفون- للشعر اعلاه مع تعديل طفيف لبعض الكلمات
اود ان اشير ان مصدري سماعي فقد لا يكون موزونا جدا ولكنها محاولة ....

الليلة الليلة قالوا الجداد حلبو
والديك اب علاااااااااعل بركو وشدو
والفار شال عصاتو من الكديس حجزو

معروف ان الدوبيت رباعي ساحاول ان اجلب البيت الرابع ...
شكرا ياملك ،

Quote: ونخلة غضة الأفنان باسقـــــــة

و"تينة" في نخلة عندها أفنان





وإن كان تحويرها لـ"نخلة حمقاء" يقع في باب المستطاب من سودنة ماهو غير شائع في البيئة السودانية،،،

ومن ناحية اخري يثبت التكريس لهيمنة الثقافية الشمالية منذ نعومة اظفار الاجيال المستلبة ولو كره بلة موسي ومن لف لفه...


ـــــــــــــــــــ
نقول لوهبة عيب ليناالنحل دا ربنا مش ذكروا في القرآن؟ وطيب!!

محمد النيل

أمسك عصايتك قوى ياصاحب ماتقع منك..
أهش بها على غنمى ولى فيها مآرب أخرى!!

وعلى مشاركينا فى البوست مراعاة الأيقونات..

هذه البوست برعاية حاورنى دايما مبتسم!!

Quote: نجلاء وتراجى لكل وسيلتها واسلوبها الخاص فى الكفاح ضد الظلم لهما التجلة والتقدير

كما تفضل الاستاذ شاهين : على الاقل مرحليا مطلوب تجاوز نوعية الخلافات التي تصب في مصلحة الخصم

Quote: كندا الأولى عالمياً في استخدام الانترنت الكنديون يقضون فى المتوسط 45.6 ساعة شهرياً على شبكة الانترنت

اتوقع ان يكون للاستاذة تراجي نصيب مقدر في عدد الساعات المذكور اذا ما حسبنا الفترات الزمنية التي ترابط فيها الاستاذة تراجي في المنبر في موجات غضباتها المضرية

ألم أقل لك ياوهبة؟!

حيدر الزين
صاحبك دا مادام دخل مكان النحل وعسله أكيد اكتمل شفاؤه.

معتز يوسف
نشكرك ونتمنى أن تكون إضافة حقيقية لشلتى بالمنبر!

ياحنين
ياخى صحى لينا الريس.

Quote: الأستاذ البيدرسنا حصة الدين هو مسيحي إسمه بيتر من جنوب السودان! أستاذ بيتر بيدخل علينا حصة الدين رويان - بايته معاهو (حتي نحن التلاميذ بتكون بايته معانا)!!

محمد آدممداخلتك أخدت أوسكار العسل المصفى
مع إنكم مابعيدين من جيلنا (1967م) لكن يبدو أن منهجكم كان فيه أندنة للدين!

نحنا طبعا كجلابة واولاد مركز كان الطالب المسيحى بيطلع يتفسح فى حصة التربية الاسلامية
وفى الامتحان بمتحن تربية مسيحية.

قيقراوى ومحمد المشرف
ماتقولوا لى كمان كتاب المطالعة كان فيه "النحلة الحمقاء" (طبعا نحنا شهادة لندن بنسمع بيه سمع)..

شنو ياشاهين
تشرب شاهينا وتكسر كبابينا؟

Quote: ألم أقل لك ياوهبة؟!

شغلك نضيف يا عمك
ههههههههههه

Quote: الأستاذ البيدرسنا حصة الدين هو مسيحي إسمه بيتر من جنوب السودان!

والله دي غريبة جدا
انا بتذكر في سنة تانية الدرسنا مادة (العربي) جنوبي برضو واسمو جاستن وبتذكرو ليوم الليلة زول طويل وانيق جدا
وبتذكر برضو درسنا دروس طه القرشي وكان بنطقها بطريقة الجنوبيين اللذيذة ديك
تاها القرشي مريد ويقصد طه القرشي مريض ... والغريبة ما كانت فارقة معانا
هو بنطقها تاها ونحن بنقراها طه .. والحكاية ماشة عادي .. لكن بعد داك نقلوه الجنوب حسب طلبو وعملنا ليهو تكريم
لكن رغم كل شيئ نحن افضل من الطلاب بتاعين اليومين دي

كلما كون الشعب بالتراضى حكومه==== نصب الساسة فى الحكومة بومه

القول ماقال أمير عثمان



عبد المنعم الطيب حسن

لكن لقيتك من جيل سيد الجعلى وبابكر ودالسافل
شكرا على الوزن!!
ههههه

إن في كل كبد رطب أجر
ربنا يعظم أجركم يا دكتور بلة و ضيوفه الكرام لأنكم ابهجتوني في غربتي الباردة المتلجة و الناشفة
طبعا مسألة الكبد الرطب دي مهمة لأنو في ناس هنا في المنبر مطلعين لينا السكاكين للذبح
فالواحد قبلان بأنو من الناحية الانسانية عبارة عن كبد رطب و بس زي ز ي اي خروف
دا اجمل بوست و اجمل ما فيهو موضوع جزء عمر او كتاب عمر دي
ربنا يعظم الأجر يا جماعة
نخل او نحل كلو تمام بس البفكنا من قصة طه القرشي دي شنو غايتو الواحد يمشي يغير اسمو مع غيار زيت العربية الجاي
و الله أعلم

بوست من فئة
بهجة الناظرين

تحية خاصة للدكتور بلة
وضيوفه الأكارم
لو علم الناس دواخل أم حازم
لبنوا لها نصبا تذكاريا في مجلس
الوزراء السوداني.
هذا مع عدم إنقاص أي من كنداكاتنا البواسل
واللائي يحاربن الإنقاذ كل واحدة بطريقتها
_____
الحليلة

Quote: بس البفكنا من قصة طه القرشي دي شنو غايتو الواحد يمشي يغير اسمو مع غيار زيت العربية الجاي

سلام يا طه جعفر
هو انت اسمك دا فلتر؟

يا د. بلة لاحظت انو المنهج دا مخجوج (ما عارفو محي االدين صابر، ول محي الدين محمد علي*)!؟

- طه والقرشي عديييل .. مريض (الله يكرم السامعين من سيرة "السلح“ الحسنية دي)
- حليمة وبايعة اللبن .. المغشوش!
- محمود .. الكذااااب!!
- مريم .. الشجاعة
- اندرو والاسد

مجرد ملاحظة عابرة
















--------

يا مشرف .. نكرتني حطب يا نديدي!؟

اتذكرت انو اللحن كان شايع اصلاً ؤ ما مرتبطة بالنخلة الحمقاء وحدها .. ول هي تينة زي ما قال سابقاً .. دي برضو من مظاهر الخج الممنهج

اللحن اصلاً كان لرائعة ابو القاسم الشابي (يا ربي!)

ابيتو في غربتن لا النفس راضيتون فيها ولا الملتقى من شيعتي كسبووووووووووو .. من شيعتييي كسبووووووو
وهكذا

متذكر اللحن .. واحساس غربة الشاعر، والنخلة .. وغربتي الذاتية زمانئذ
حيا الله تلك الايام بلبنها المغشوش وكذبها الاثير .. وسلحها الجاري مدراراً
ورحم المحي الدينين .. ول هو نفس الدين؟

Quote: ول هي تينة زي ما قال سابقاً .. دي برضو من مظاهر الخج الممنهج

وتينة غضة الأفنان باسقة
قالت لأترابها والصيف يحتضر
" بئس القضاء الذي في الأرض أوجدني
عندي الجمال وغيري عنده النظر "
لأحبسن على نفسي عوارفها
فلا يبين لها في غيرها أثر "
" كم ذا أكلف نفسي فوق طاقتها
وليس لي بل لغيري الفيء والثمر "
" لذي الجناح وي الأطراف بي وطر
وليس في العيش لي فيما أرى وطر "
" إني مفصلة ظلي على جسدي
فلا يكون به طول ولا قصر "

" ولست مثمرة إلا على جسدي
إن ليس يطرقني طير ولا بشر "
...
عاد الربيع إلى الدنيا بموكبه
فازينت واكتست بالسندس الشجر
وظلت التينة الحمقاء عارية
كأنها وتد في الأرض أو حجر
ولم يطق صاحب البستان رؤيتها ،
فاجتثها ، فهوت في النار تستعر
من ليس يسخو بما تسخو الحياة به
فغنه أحمق بالحرص ينتحر



موقع ادب العرب



شايف يا قيقاgreen طوالي ترفع راية التسلل ضد محي الدين صابر وجلبنته لمنهج التعليم السوداني..
اظنه هو اجرتق بالجلبنة اولاً في الدوحة او في العربي الكويتية على ما اذكر ثم جاء طبقها في السودان
او حصل العكس عملها في السودان ومشي بوظ هوية أعراب الخليج وخلق منهم جلابة بأمتياز.. ماشايفهم هسع بقوا اخوان مسلمين اكتر من الاخوان نفسهم

وطيب

Quote: - طه والقرشي عديييل .. مريض (الله يكرم السامعين من سيرة "السلح“ الحسنية دي) - حليمة وبايعة اللبن .. المغشوش! - محمود .. الكذااااب!!

يا قيقا طبعا انتو اكيد ما بتكونوا درستوا كتاب في سنة رابعة اسمو الكشكول !!
دا كانت فيهو قصة الفار السكران الشهيرة مع القط سريع النهمة ..
المهم القصة دي بطلع منها التلميذ بنصيحة اخلاقية مهمة جدا وهي اسكر وافعل ما شئت
والذ حاجة انا كنت معتقد كلام الفار " لا تؤاخذو السكارى الخ " كنت مفتكرو حديث شريف .. والله جد
ياخ نحن اتعلمنا في ظروف مؤلمة جداً ...وطبعاً لقدام عرفنا ان افعال السكران (باختياره) ومؤاخذ عليها ومسئول عنها مسئولية جنائية كاملة كمان..
ما كان فيها حاجة لو قالوا لينا الكلام دا ..لكن اختاروا انهم يضللونا ههههه
تصدق يا قيقا نحنا احتجنا زمن طويل جداً عشان نعمل Discharge للمنهج الدراسي بتاعنا الزمان داك .. حتى قمنا نكابس جاي وجاي
والواحد عمل ليهو حبة رويشات ما بطالات، ياهن القاعدين نحاول بيهن الطيران معاكم هنا .. فاغفروا لنا تطاولنا بالله !!

____
يا بلة منهجنا القديم داك يحتاج لبوست منفصل وفي كلام كتير جدا وملاحظات الواحد نفسو يقولها

ياحليلة
كيفك
وياحليل أيام النت كان حرملك وسلملك!

Quote: يا د. بلة لاحظت انو المنهج دا مخجوج (ما عارفو محي االدين صابر، ول محي الدين محمد علي*)!؟

ياقيقا

الخج دا قبل محى الدين صابر
الخج دا خج جلابى
ومحى الدين صابر تابع لحركة تحرير كوش لواء نور الدين منان!

Quote: شايف يا قيقا طوالي ترفع راية التسلل ضد محي الدين صابر وجلبنته لمنهج التعليم السوداني..

ياالطريفى
ياخى ماتقدر تحكم على محى الدين صابر إلا تكون متأكد هل هو السابق أم اللاحق..

يعنى هسع قيقا دا لو ماعرفت مسألة كتابتو الاسكيرت والبلوزة دى هل هو أصيل فيها أم مقلد, ممكن تقول قيقا قررررب يقول لووووب!

Quote: يا بلة منهجنا القديم داك يحتاج لبوست منفصل وفي كلام كتير جدا وملاحظات الواحد نفسو يقولها

ياوهبة
التبذير لزومو شنو؟
ماتناقش فى الخلية دى
وكمان حانخت ليك كباية عسل قدامك عشان الطاقة وكدا..

Quote: يعنى هسع قيقا دا لو ماعرفت مسألة كتابتو الاسكيرت والبلوزة دى هل هو أصيل فيها أم مقلد, ممكن تقول قيقا قررررب يقول لووووب!

يآخي كتابة قيقا طاقية صغيرة وجلابية... لكن التانية من فوق اطول بالطو وشراب .. يبقي قيقا لم يقلد ولكن وطن وجلبن الاسلوب زيو وزي مناهجنا الكريمة..

هسع شوف في قصة طه القرشي ومحمود الكذاب وحليمة بائعة اللبن اول من بدأ مشروع التأصيل الاسلامي اصلت هذه القصص بإعتبارها
ملعوب من الانجليز واذنباهم لضرب العقيدة والدين ممثلة في اسماء النبي الكريم ومرضعته في حين شُكر ###### عبد الجليل الوفي
ووصفت مريم بالشجاعة ..


اسكيرت..ــــــــــــــــ
انت المنهج دا مش وضعوهو الشيوعيين بداية مايو؟ وطيب !

Quote: ملعوب من الانجليز واذنباهم لضرب العقيدة والدين ممثلة في اسماء النبي الكريم ومرضعته في حين شُكر ###### عبد الجليل الوفي

نحنا اصلاً نذرنا انفسنا للدفاع عن بيضة الدين

















-------

الذ حاجة كان دا كان داك ابوهو متفائل شديد وسماهو محي الدين
ؤ هو بغتس في حجر الدين

الخج دا مسئول عنو نميري ... عليك الله دا حظ شنو دا اسي!؟
نفترع مشورنا المعرفي برعاية طيش حنتوب ..
ونبدأ مشوارنا الجامعي بتأصيل خبيث حنتوب .. وربيبو غير النجيب الجاهل الجاحد

الطريفى وقيقا
المنهج دا قبل يلدوكم الاتنين وقبل مايو..
نحنا قريناه من 1967م أها الزمن داك محى الدين و نميرى ماظهروا..

لا كان كدي نسحب كلامن القلناه زوداً عن بيضة الدين داك















--------

اها وهبة برضو قراهو!؟

منهج ناس وهبة دا انا برضو قريتو .. زمن كان طلاب الثانوي بقروا منطق وفلسفة وعلم نفس
والله صحي ..

اخوي الكبير كان استاذ، جايب لينا كمية من الكتب دي .. بي كشكولا يا عمي وهبة
ما عارف لكن من كتها داك مرتبطة لي الكتب العتيقة .. والجبنة الرومية بمهنة التدريس
وملكال .. كنت متخيل اي استاذ لازم يكون اتخرج من معهد المعلمين في ملكال

بالله اتركوا الغوغائية والاستهتار والحان الابتدائية والوسطى عن هاتي هاتي يا نخلاتي وفديتك القدس..

عاوز انجاز للحن معبر للنشيد الرائع المجيد دا:

جيش الحقوق يا جيشنا
نجلاء هناك في الميسرة
وتراجي فوق في الميمنة
الأولى صارت بدرنا
والأخرى دوماً شمسنا
واليوم غابت شمسنا
يا الشامتون ،، تباً لكم
تذكروا ،، أنتم رجال
وتسخرون من أنثى
كُتب عليها جر الذيول
وكُتب علينا نحن القتال
لكنها ،، حين نأتي للعقول
يا للذهول
أنثي بي دستة فحول
فكيف تغتابون أنيسة؟
من يجرؤ منكم يقول
تراجي غابت
وقد أمست حبيسة
ما من سبيل لديها للنزال؟
ألومها ،، لو لم تأت بما يعزز قولها
أقل لها قولي لها عذراً لها
لكني لن أغتابها

حاولت اظبط ليهو لحن على وزن قصيدة على الجارم:

طائرٌ يشدو على فنن..جدد الذكرى لذي شجنِ
قام والاكوان صامتةٌ...ونسيم الصبح في وهنِ


لكن للاسف ما لقيت لي صورة بلومة وفرع شجرة ليمون عشان اللحن يظبط..

اللهم لك الحمد والشكر..














ــــــــــــــــــ..ــــ
قلنا نرفع واحد من بوستات الونسة بنقطة تاني لقينا ذكر الله احسن

تحيا تراجينا
بوست مفتوح بإسمها وما دخلتو ولسه يطوطح في الهواء



------
كيَه لوهبة وأعداء النحل

ياحنين

المحتفى بها شرطوا الصفحة بتاعتا من الكشكول دا واضافوها لمقرر المطالعة!
عشان كدا ماردت.

Quote: حيرتونا يا ناس المراتب العليا !! الموضوع عن شنو ؟ اختفى أي أثر للعنوان جميع مشاركات الصفحة الثالثة ! يا خوانا ارجعوا لينا بالله للنحلة أو النخلة أو أياً كان وصفها , دايرين الموضوع يسخن شوية محتاجين " اثارة وأ كشن " حكايات الزمن الغابر لا تحمل أي قدر منهما ...

أحمد داؤد
من نواحى الفيس
مرحب بيك

ورد فى الأثر أن الأمنجية والرماديين دوما يخربون البوستات ويحولونها الى ونسة..


الزول الإسمو حيدر الزين دا جامع بين الأختين (الرمادية والأمنجية)

والله ي حبيب اكيد مبسوطة وخالفة رجل فوق قارورة عسل وتضحك

-
انت في السلالم التعليمية دي كلها ماجابو سيرة النحل

Quote: قارورة عسل

اسمها - قِزازة - قارورة دي وجه اخر من اوجه الاستلاب.. وان بقيت زول خراطيم واتبندرت زمان زي دكتور بلة بتقول - زجاجة -
اما اهلي المعوكاب فبيسموها ( باقة عسل )..

Quote: انت في السلالم التعليمية دي كلها ماجابو سيرة النحل

اول ما طقش اضاني يا حنين كلمة تلقيح كان مربوط في آخرها نحلة..

دا طبعا غير ذكر النحل المسكين البتعب لتلقيح الملكة وهو مفترض بنفسه القوة ثم يهوى متوفياً من فرض المجهود..
فكان ان ارتبطت عندي ملكة النحل بالاستغلالية وإمتصاص قوة الذكور..

لكن برضها اخير من العقارب اجارك الله...

Quote: اسمها - قِزازة -

ياحبيب بقينا مستلبين بالجد
تصدق نسيت الاسم ده من بقو يحشروها للمناضلين في حتة كده

-
كتبتها قارورة عشان ست الشئ ذاتا تفهما
مرقت من البلد بدري شديد