تم وضع حجر الاساس لمصنع اليرموك بمدينة نيالا

تم خلال الايام القليلة الماضية وضع حجر الاساس لمصنع اليرموك الجديد بمدينة نيالا حاضرة ولاية جنوب دارفور. و قد شهد احتفال حجر الاساس نفر قليل من المسئولين الامنيين من حكومة السودان و ممثلين لحكومة دولة صديقة.
و من هنا نؤكد ان السودان ماضي في برامجه التطورية رغم انف المتربصين و اعداء الوطن الذين يحاولون دائما طعن ظهر السودان من الخلف.
و لا نامت اعين الجبناء.

محجوب
نيالا دي ما بعيدة من اسرائيل
بس الجماعه حا يتعبو في حكاية تموين الوقود في الجو عشان مضطرين يعملوها مرتين
تقديري

من هو المستشار الذي اتخذ هكذا قرار؟

يبدو أن بعضهم يريد تموين آخرين :)

هاني عربي
كبري عطبرة الزبير محمد الحسن جابو فوق اراضي اهلة عشان التعويضات
المصنع دة اكيد الوداة هناك واحد تاني عندو ارض عاوز تعويض

محجوب نهارك سعيد

يا جنابو ده خبر الناس بحتفلو بيهو و بفرحو ليهو يا أخوي.

أي تطور دا الانت بتتكلم عنه البتم بصناعه السلاح؟ ، الشي العارفنو التصنيع في الدول النامية بسوهو لتغطية الحوجة المحلية للمستهلك ذي الزيت، السكر، الصابون و-bla bla bla بمنطقك ده يا جنابو معناهو نحو الحرب سائرين.

أخ محجوب أنا من أبناء نيالا البحير وحاليا نيالتنا عندها مشكلة حادة في المياه والكهرباء إن كان الهدف التطور يلا

Quote: " المسئولين الامنيين من حكومة السودان و ممثلين لحكومة دولة صديقة"

خليهم يتطورو الحياة اليومية لانسان نيالا المغلوب علي أمره في توفير الماء و الكهرباء.

سوال تاني: إنت ليه في ايران شركات التصنيع الحربي ذي شركة ايران خودرون والمفاعل النوي حقهم و شريكات كتيرا بسوها في الخلاء البعيد من المدن وفي داخل الجبال؟ وما بسوها في مدن ذي طهران وأبدان؟

كل الاحترام والتقدير
Khalidkeba

Quote: الشي العارفنو التصنيع في الدول النامية بسوهو لتغطية الحوجة المحلية للمستهلك ذي الزيت، السكر، الصابون

الاخ خالد كيبا
نحنا جننا و جن كلام الافندية
و هنا بنطبق عليك حكاية الزول صاحب المرسيدس وكان ينطقها حمارسيدس. حاول احد الافندية تصحيحه فقال ليهو انتو انطقوها و نحنا بنركبها.

Quote: أخ محجوب أنا من أبناء نيالا البحير وحاليا نيالتنا عندها مشكلة حادة في المياه والكهرباء إن كان الهدف التطور ي

اهو جينا نحل واحدة او اثنين من المشاكل: اولا توفير فرص عمل للعطالة و المتبقين يموتو في الحرابة طالما اي واحد فيكم ممكن عادي يشيل سلاح زي امريكا (هي امريكا احسن مننا في شنو) و يبقي الثلث الاخير منكم ليعيشو في بحبوحة الي حين

Quote: الاخ خالد كيبا نحنا جننا و جن كلام الافندية و هنا بنطبق عليك حكاية الزول صاحب المرسيدس وكان ينطقها حمارسيدس. حاول احد الافندية تصحيحه فقال ليهو انتو انطقوها و نحنا بنركبها.

Quote: اهو جينا نحل واحدة او اثنين من المشاكل: اولا توفير فرص عمل للعطالة و المتبقين يموتو في الحرابة طالما اي واحد فيكم ممكن عادي يشيل سلاح زي امريكا (هي امريكا احسن مننا في شنو) و يبقي الثلث الاخير منكم ليعيشو في بحبوحة الي حين

hhaa

بختك إنت ما أفندي
ربنا يزيدك فيما انت به من علم ومعرفة

Quote: من هو المستشار الذي اتخذ هكذا قرار؟

الاخ هانئ
و هل مثل بلادنا هذا يحتاج الي مستشار؟

في هذه الحالة نحن نعمل بــ بيت شعر ود كلتوم:
و نشرب ان وردنا الماء صفوا و يشرب غيرنا كدرا و طينا

Quote: محجوب نيالا دي ما بعيدة من اسرائيل بس الجماعه حا يتعبو في حكاية تموين الوقود في الجو عشان مضطرين يعملوها مرتين تقديري

الاخ الزبير
نحن في سبيل بناء الاوطان لا نكترث كثيرا الي العدو و نعمل بالمثل الذي يقول:
الجمل بنبح و ال###### ماشي

المثل يقول: الأردة جربت الحجر

كده نجرب مدينة نيالا

والله الإسرائليين ديل لو وصلوا نيالا يكونوا بالغوا عديل كده

تاني يرموك !!!!!
الجماعة ديل ما بتوبو ، بكره نبقي في صقر عندو GPS وحمامة عندها كميرا....
سلام يا محجوب.

Quote: خليهم يتطورو الحياة اليومية لانسان نيالا المغلوب علي أمره في توفير الماء و الكهرباء.

يا محجوب دي ردود أولاد نيالا من الفيسبوك يا أفهم زول في السودان

Quote: Mansour El Souwaim · متابعة · جامعة السودان كلية الموسيقى والدراما لا ما هذا.. قاصدين أنه إسرائيل تمشي تضرب هناك لأنه الناس ما ناس وللا شنو يا كيبا؟

Quote: Yousif Abdelrhman Abdalla · Omdurman Ahlia University كيبا .. انا فى نيالا وما عارف حكاية المصنع ده .. وزى ما افترض منصور (اسرائيل ما بتمزح فى الحاجات الزى دى ) يعنى بالعربى كده دايرين يقرضو الفضل مننا .. او ممكن نكون فاهمين غلط والمقصود توفير سلاح حقيقى لاطفال المدارس بدل ال toys الصينى .. لانها بصراحه غير مسليه وما بتطلع رصاص حقيقى .. اه يابلد

ديل يكونو برضو افندية حمير ومرسيدس يا محجوب ياعالم تصنيع السلاح لحل مشكلة العطالة....
محجوب كتب:

Quote: لاخ خالد كيبا نحنا جننا و جن كلام الافندية و هنا بنطبق عليك حكاية الزول صاحب المرسيدس وكان ينطقها حمارسيدس. حاول احد الافندية تصحيحه فقال ليهو انتو انطقوها و نحنا بنركبها.

سبحانة الله يا جنابو انت مثال حي لسودان اليوم البنبزو فيهو المعلمين والافندية الزمان كانو بجلبوهم من مصر ووبخرجوهم من بخت الرضا لتعليم في ارياف السودان.
محجوب كتب:

Quote: ا طالما اي واحد فيكم ممكن عادي يشيل سلاح زي امريكا

محجوب كتب:

Quote: ا (هي امريكا احسن مننا في شنو)

محجوب كتب:

Quote: ا و يبقي الثلث الاخير منكم ليعيشو في بحبوحة الي حين

يا محجوب عدم المعرفة بلشي ما هو عيب بس العيب هو النقص الحواري و الافلاس في الاسلوب والسذاجة الغبية. المرة الجاية وقت تفتح موضوع في قروب عام سميه إعلان عشان الناس ما تبدا تجادلك.

محجوب كتب:

Quote: اولا توفير فرص عمل للعطالة و المتبقين يموتو في الحرابة طالما اي واحد فيكم ممكن عادي يشيل سلاح زي امريكا (هي امريكا احسن مننا في شنو) و يبقي الثلث الاخير منكم ليعيشو في بحبوحة الي حين

تاني الخبر هو معلومة ممكن تكن صح أو خطاء يعني إضافتك للموضوع لازم فائدة.
محجوب كتب:

Quote: اهو جينا نحل واحدة او اثنين من المشاكل:

تاني ناس الإنقاذ المهندسين في مجال الانتاج العسكري ممكن ديل يا محجوب أكتر مجموعة مفتوحة للعالم وهم معنا هنا بيدرسو في أمريكا وألمانيا وقادة في الإنقاذ في الاسلوب المتحضر أكاد أقسم بلله إنت ما ليك أي علاقة بيهم. علي الرغم من عدم رضانا للحاصل في السودان لكن هم زملاء واصحابنا انت بلشي ألكاتبو دا شتان بينك وبينهم.

Khalidkeba

بختنا ياهبيب القتل الآن مش بالسلاح الوطنى وحسب بل بالسلاح من فخر انتاج اقاليمنا

وعقبال مصنع للسلاح فى كل حى

ردود أولاد نيالا

Quote: Tariq Ahmed ياخالد لو كان الخبر صحيح فهذه كارثة ولماذا يوضع هذا المصنع في مدينة نيالا ؟ هل تسعى الحكومة للاخلاص من اهل دارفور باي وسيلة ممكنة ام ماذا ؟ واي مصنع حربي ينشا داخل المدن؟ نداء لكل ابناء نيالا الشرفاء ان يقفوا صفا واحدا للحيلولة دون قيام هذا المصنع في كافة انحاء دارفور اذا صح الخبر a few seconds ago

ردود أولاد نيالا

Quote: Mohammed Yosif ان صح الخبر فهي الكارثة ,,,,,,,,, نرفض كل اشكال التسليح للمدينة واهلها المغلوب على امرهم فلتكن التنمية والتطوير فيما يخدم قوت الانسان وتطوير الخدمات النفعية للمواطن

Quote: تم وضع حجر الاساس لمصنع اليرموك بمدينة نيالا

مشتاقين يا ود (مجِ مٍـيج)..
بالمناسبه حكومة نيالا نشطت الدفاع الجوي بالنظر. ودا عهد قطعه وزير الدفاع
العارف بالله عبد الرحيم بن محمد بن الحسين علي أنهم لايتهاونون
في أمر الدفاع بل سيضربون بيد من حديد !! بالذات عندما الأمر يتعلق بكرامة الوطن وسوف
يطبقون نظريه جديده أكثر تقنيه وفاعليه وهي: الدفاع بالنظر(طبعاً هي قيد النظر) !!
ثم تلي وزير الدفاع المفدي هذه الأبيات - ووضعها نصب أعينهم - قائلاً :

يا مـــن يرى مد البعوض جناحها في ظـــلـــمــــة الليل البهيم الأليل
ويــرى مــناط عــروقــها في نحرها والمـــخ من تــلــك العظام النحل
ويــرى خــريــر الــدم فـي أوداجها مـــتنقــلا مـــن مفصل في مفصل .

ثم بعدها مسح يداه علي وجهه وقال للشعب:
توكلوا وقولوا وراي آآآآميييين .. ما حتجينا عوجه تب!
.

الهبيب محجوب .. سلامات

Quote: من هو المستشار الذي اتخذ هكذا قرار؟

فكرة المصنع بنيالا دي فكرة شيطانية لانه اسرائيل ما حاتسكت وحاتضرب المصنع الايراني تاني مرة لو اتبني في الخرطوم..
عندما ضربت اسرائيل المصنع المرة الاولى اصاب جلابة الخرطوم الهلع والجزع وعرّدو بالشوارع والساحات خايفين من الموت ..لانه اذا كان في صاروخ جلا من المصنع كان قرضهم..

فكرة بناء المصنع بنيالا بتضرب عفورين بصاروخ واحد..
اولاً الإنتاج يكون قريب من مناطق الاستهلاك..

ثانياً لا يحدث قلق اذا هجمت اسرائيل فاذا حاد الصاروخ عن الهدف ففيهو الخير والبركة ويكونوا الاسرائيلين ساعدوا الجلابة..


وبذلك تتحقق عبقرية لفكرة في بقاء جلابة الخرطوم في دائرة الامان وتصدير المخاطر لخارجها..

تحياتي

تقصد مصتع الموت الايراني ؟؟
ظهر ايه يا هذا؟
مصنع اليرموك هذا واحدة من جرائم نظام الابادة الجماعية والنظام الصفوي الايراني في ابادة ابناء الشعب السوداني.
الرسالة الاساسية ظهرك مكشوف سواء كان بنيالا او غيرها.
لن يسكت سوداني حر عن جرائم هذا الراقص وتحافه الصفوي ضد الوطن واهله.


هذه هي تنمية يرموك الراقص وصحبه الارهابي نجاد وبقية الزمرة

اصبحنا و اصبح الملك لله
حأجيكم واحد واحد في المقيلة ان شاءالله

أخونا خالد كيبا
والله مزعلني أعصابك المحترقة بدون سبب ، و البنزين الكثير الإنت صرفتو دا
وكل ذلك بسبب عدم إطلاعك على أسلوب حبيبنا (الهبيب ) محجوب الملئ بال
Sarcasm
كما في حالة مداخلاته وهو يعلق على الخبر
وال
Humour
كما في ردوده عليك
وذلك رغم كونكما الإثنين سناير في المنبر دا
ودا بيؤكد أنو حوش بكري بقى واسع شديد - ما شاء الله ، عيني باردة
الراجل بيمزح معك ياخي .. يا أفندي خالد
تحياتي لكما

والأهم يا محجوب هو
أن المخططين الإستراتيجيين لحكومة (الإنقاذ) لم تفت عليهم أن نيالا ليست عصية ولا قصية على إسرائيل
وقتاعتهم التامة أن إسرائيل يمكنها أن تضرب نيالا إنطلاقاً من قواعد عسكرية من أوغندا أو دولة جنوب السودان (العدوتين)
طيب ،، لماذا نيالا رغم ذلك؟
هنا أتفق مع كلام الزميل حيدر الزين (الزمالة دي حقة البورد) بالمناسبة
أتفق معه في تحليله ، قصده أم لم يقصده
1- قرب المصنع من مناطق الإستهلاك
2- رمي أية آثار صناعية سالبة للمصنع جراء ضرب من الخارج أو إختلالات من الداخل ، رميها في فئران التجارب البشرية ( سكان نيالا)
والمصنع قد يكون متقدم من حيث تكنولوجيا الأسلحة البيولوجية .. ولكم أن تتخيلوا !!!
وتذكّروا أن نيالا - بعامل النزوح - أضحت ثاني أكبر مدينة سودانية من حيث عدد السكان بعد العاصمة
متفوقة في ذلك حتى على بورتسودان ومدني والأبيض
والأثر ليس فقط في وفاة المصابين ، أو جري وتعريد السكان كما تهكّم حيدر ،
بل في جينات الأجيال اللاحقة من عقم وتشوه
نقول كل هذا والخبر قد يصدق وقد يكذب
لكن التحليل يبني على الإفتراضات ، ولا يضير أن كذب الخبر ، ما دام ليس هناك فعل يترتب علي التحليل في هذه الحالة
والحيطة والحذر يلزمان

Quote: خونا خالد كيبا والله مزعلني أعصابك المحترقة بدون سبب ، و البنزين الكثير الإنت صرفتو دا وكل ذلك بسبب عدم إطلاعك على أسلوب حبيبنا (الهبيب ) محجوب الملئ بال Sarcasm كما في حالة مداخلاته وهو يعلق على الخبر وال Humour كما في ردوده عليك وذلك رغم كونكما الإثنين سناير في المنبر دا ودا بيؤكد أنو حوش بكري بقى واسع شديد - ما شاء الله ، عيني باردة الراجل بيمزح معك ياخي .. يا أفندي خالد تحياتي لكما

شكرا يا ود ابكر
يبدو ان اخونا خالد لم ينتبه لسخرية حبيبنا محجوب.

محجوب من قدامى المحاربين في المنبر دا من اجل سلام وامن دارفور.


لو صحت الحكاية .. دا اللعب الذكي القاعدين نقولوا لاخونا بريمة.

حرب مدورة عندنا و تنمية مدورة بي هناك.

Quote: من دار فور سلام و من نيالا تحية اوعدك يا محجوب أن مصنعكم ده لن تقوم لها قائمة و نحن ناس نيالا حيين و لا ميتين ا الزمن قدامكم و نحن بالمرصاد قال’ تطور ؛ يا تخلف’

سلام يا شباب
اول حاجة اسمحو لي ارد علي بتاع الفيس بوك الذي سمي اسمه "الطوفان القادم"
يا اخي المصنع ختينا حجر اساسو و حنبنيهو ان شاءالله في حياتك و انت بس حتقعد تطقطق في كيبوردك و لن تفعل شيئا. اولا شئ ممكن تعملو امشي القي مكان المصنع ده وين و بعد داك تعال نتبارز في الكيبورد.

______________
ما عارف ليه لما انتبهت لكلمة "نتبارز" خجلت منها. عموما انا اقصد "المبارزة" و ليست التي خطرت في بالي.

Quote: المثل يقول: الأردة جربت الحجر كده نجرب مدينة نيالا والله الإسرائليين ديل لو وصلوا نيالا يكونوا بالغوا عديل كده

الاخ علي عبدالله حسن
مرحبا بك اولا في هذا المنبر و عبرك التحية لكل البرالمة
عموما نحن لا نلتفت كثيرا الي اسرائيل و من لف لفهم. نحن نسير في درب التطور ان شاءالله الي تصل دولتنا في مصاف الدول المتقدمة

Quote: تاني يرموك !!!!! الجماعة ديل ما بتوبو ، بكره نبقي في صقر عندو GPS وحمامة عندها كميرا.... سلام يا محجوب

الاخت نجاة سيد احمد الشيخ
شكرا لمرورك الكريم و معا ايد علي ايد لاجل هذا البلد و لاجل تفجير طاقات الشباب

Quote: سبحانة الله يا جنابو انت مثال حي لسودان اليوم البنبزو فيهو المعلمين والافندية الزمان كانو بجلبوهم من مصر ووبخرجوهم من بخت الرضا لتعليم في ارياف السودان.

الهبيب خالد كيبا
شكرا لمرورك الكريم مرة اخري و ارجو ان تبقي معنا حتي تتأكد من قولي هذا و ما يحدث في نيالا
عموما داير اقول تاني برضو
عشان حركات الافندية البتعمل فيها انا بقيت جنابو.
و تاني شئ انا ناس نيالا ديل بشوفهم رهاب رهاب من زمن الدورات المدرسية. لما نجي ما شمال دارفور عشان نلعب كورة يقومو يعملو "Bullying" لينا في المباراة "انتو شفتو قطر قبال كده؟" و بالله انتو جيتو عشان تلعبو كورة و لا جيتو تشوفو قطر؟ و كلام كثير زي ده.
عموما كل مرة نتغلب و نرجع زعلانين.

يا اخي بيني و بينك انا كان اول زيارة لي لنيالا كنت عايز اشوف القطر شكلو شنو و بمشي كيف في الحديد لكن لما الحكاية تبقي في تشجيع الكورة بتزعل شوية.

Quote: يا محجوب أكتر مجموعة مفتوحة للعالم وهم معنا هنا بيدرسو في أمريكا وألمانيا وقادة في الإنقاذ في الاسلوب المتحضر

Quote: أكاد أقسم بلله إنت ما ليك أي علاقة بيهم

Quote: علي الرغم من عدم رضانا للحاصل في السودان لكن هم زملاء واصحابنا انت بلشي ألكاتبو دا شتان بينك وبينهم.

غايتو في المقاطع ديل بالغت عديل يا خالد

Quote: بختنا ياهبيب القتل الآن مش بالسلاح الوطنى وحسب بل بالسلاح من فخر انتاج اقاليمنا وعقبال مصنع للسلاح فى كل حى

الهبيب خالد كودي
شكرا لمرورك الكريم
نحن هدفنا تمليك بندقية (Assault Weapon) لكل فرد هناك و لذلك كانت استراتيجتنا في اختيار هذا المكان. فقد انتجت بلادنا خيرة المهندسين و الاطباء و لكنهم اختارو العمل خارج حظيرة الوطن و نحن نتفهم ذلك فأن تمكنا من توفير فرص العمل و التقدم لما اختارو العمل خارج الوطن.
تصدق يا خالد في عملية حنجرة اضطر رئيسنا للسفر مرتين الي االخليج. اي والله الخليج اللي بنوها السودانيين و هناك لم يجد غير دكتور سوداني اصيل ود بلد اجري له العملية.
هذه الفرصة القصد منها تفجير طاقات الشباب العاطل عن العمل و بدلا من مساسكة الحركات يمكنهم العمل لبناء الوطن.
في تقديري العمل لا يمكن حصره في الزراعة بل انا علي يقين ان خيروك بين البندقية و الزراعة فعليك ان تختار البندقية لانك ان ملكته فسوف لن تنام جائعا بل سوف ينام المزارع.

Quote: يا مـــن يرى مد البعوض جناحها في ظـــلـــمــــة الليل البهيم الأليل ويــرى مــناط عــروقــها في نحرها والمـــخ من تــلــك العظام النحل ويــرى خــريــر الــدم فـي أوداجها مـــتنقــلا مـــن مفصل في مفصل

الهبيب محمد ادم
وين الحي بيك يا اخي
بعض مرات كده جن الافندية بجيني برضو مع الشعراء و لكن اخف وطأة و الا كان ختيناك مع هبيبنا خالد كيبا.
عموما يا اخي عبدالرحيم لاول مرة يتخد قرار سليم بأنشاء هذا المصنع الوطني بعيدا المساكن البشرية و نتمني له التوفيق و لنا جميعا لاجل بناء سودان خالي من كل الذين لا نرغب فيهم.

يامحجوب
ياخوى تانى الكتابة المغلفة فى السخرية دى مابتنفع
أصبح معانا ناس الفيس بوك وديل ناس دغريين وبخشوا شمال طوالى..

داك واحد

اتنين

واحد من بيروت بكلم واحد فى منطقة عسير السعودية

من عسير: ويش حالكم يارجال؟
من بيروت: يارجال الرصاص منهمر فوقنا مطر
من عسير: اللهم اجعلها امطار خير وبركة

وثالثا
المصنع دا لأهداف عدة ويبدو أن المستشار المرة دى ما ابليس
المرة دى المستشار كوز عديل
الهدف الأول تمويه وذلك بعمل عدة مصانع فى مناطق متفرقة من الهامش حيث لاتتعدى المسافة بينها قطر مساحة الدمار إذا ضربت
الهدف الثانى حمايته من اسرائيل بالنظر الى تحالفها مع الهامش
الهدف الرابع اذا اسرائيل خانت العشرة وضربت سيكون حققت نظرية اضرب العدو بالعدو.

ورابعا

أرميهم يامحجوب قبل مايرموك.

Quote: فكرة المصنع بنيالا دي فكرة شيطانية لانه اسرائيل ما حاتسكت وحاتضرب المصنع الايراني تاني مرة لو اتبني في الخرطوم.. عندما ضربت اسرائيل المصنع المرة الاولى اصاب جلابة الخرطوم الهلع والجزع وعرّدو بالشوارع والساحات خايفين من الموت ..لانه اذا كان في صاروخ جلا من المصنع كان قرضهم.. فكرة بناء المصنع بنيالا بتضرب عفورين بصاروخ واحد.. اولاً الإنتاج يكون قريب من مناطق الاستهلاك.. ثانياً لا يحدث قلق اذا هجمت اسرائيل فاذا حاد الصاروخ عن الهدف ففيهو الخير والبركة ويكونوا الاسرائيلين ساعدوا الجلابة.. وبذلك تتحقق عبقرية لفكرة في بقاء جلابة الخرطوم في دائرة الامان وتصدير المخاطر لخارجها..

الهبيب حيدر الزين
شكرا لمرورك الكريم و كلامك هذا لو ما كتاب برضو بيتو. فقط اربأ بك من استخدام مصطلحات مثل الجلابة لانها لا تساعد الحوار نحن بناء امة واحدة ذات رسالة خالدة

سلام يا شباب وصاحب الدار

في البداية خالص الشكر للاخ أحمد ابكر للتوضيح والايضاح.

كلامك صح أخ أحمد وZool Wahid- لعدم معرفتي باسلوب الأخ محجوب في الطرح و النقاش، خاصة وأنا ما عندي شي للنقاش السياسي الحارب لكن مدينة نيالا البنحبها هي الدافع للغضب.

من هنا للجميع المعذرة والاعتذار.

@الأخ محجوب,

أحر الأعتذار وربنا مايجعل العداء أو الكراهية جامعنا، ألهم اجعل الحب و الأخ رفيق دربنا.

تخريمة: نتمني ما تنسو قصة النمر النمر..... النفس البشرية بتتطبع علي الاشياء حتي السالب، أنا بفتكر الناس احسن تخاطب الأشياء علي طبيعتها.
كل الأحترام والتقدير للجميع
Khalidkeba
correction: البنحبها

يا اصدقاء الوطن
اولا دعوني اؤكد لكم ان الخبر صحيح و لا تسألوني عن المصدر او انا هو المصدر فقط ارجو من الاخوات و الاخوة في نيالا اخد الحذر اثناء محاولاتهم التأكد و مراعاة شروط السلامة و عدم الاقتراب اثناء التصوير.

الهبيب ود ابكر
شكرا لمرورك الكريم

Quote: أخونا خالد كيبا والله مزعلني أعصابك المحترقة بدون سبب ، و البنزين الكثير الإنت صرفتو دا وكل ذلك بسبب عدم إطلاعك على أسلوب حبيبنا (الهبيب ) محجوب الملئ بال

اولا مرحب بيك في هذا الفضاء رغم انك داخل علي وزن "ما قال كش"
عموما يا اخي ما نصائح الكبار في هذا البورد الا تترك مجالا لحرق الاعصاب و لا صرف البنزين و شكرا للاخ خالد كيبا ايضا علي تحمله المشاق في الدفاع عن مدينته التي يحبها و لا يرضي فيها الا الخير.

هاها يا ناس نيالا
اديكم الاكيده و لا اخليكم تجتهدو شوية؟
امشو 15-20 كيلومتر جنوب نيالا. لو ما لقيتو شئ تعالوني راجعين بديكم وصف اخر!

Quote: لو صحت الحكاية .. دا اللعب الذكي القاعدين نقولوا لاخونا بريمة.

الهبيب عبدالرحمن
شكرا لمرورك الكريم
الشغلانة صحيحة و المشروع بدأ اول اسبوع في يناير الجاري.
اخونا بريمة رغم ذهابه الي السودان خلال الشهور الماضية الا انه لم يتمكن من قراءة الواقع علي الارض. لست ادري ان رأي البعض من ابناء الشعب السوداني ممن يفترض انهم في المدارس يحملون الرشاشات علي الدراجات النارية و يقتلون بعضهم البعض دون رحمة.
بريمة يري مثل هذه المواقف بعدسة الشجاعة.

Quote: يامحجوب ياخوى تانى الكتابة المغلفة فى السخرية دى مابتنفع أصبح معانا ناس الفيس بوك وديل ناس دغريين وبخشوا شمال طوالى..

الهبيب بله
شكرا لمرورك الكريم و يا اخي دائما لما تحصل مأساة بحاول اتقمص موقف الطرف الاخر في المعادلة في شخصيتين:
الشخصية المؤدبة و اتخيل كيف يدير الــ Damage Control
و احيان شخصية الــ Bad Guy مثل نافع علي نافع
و كيف يدير الــ Damage Control بطريقته
تتخيل بتكون الصورة كلير زي رسومات الاستاذ خالد كودي بس في شكل كلمات

Quote: تخريمة: نتمني ما تنسو قصة النمر النمر..... النفس البشرية بتتطبع علي الاشياء حتي السالب، أنا بفتكر الناس احسن تخاطب الأشياء علي طبيعتها. كل الأحترام والتقدير للجميع

الهبيب خالد كيبا
لا عليك يا اخي و دعني اؤكد لك ان ما قلته هنا و اقوله لاحقا لا دخل لنمور التاميل به من قريب او بعيد. هذا العمل سوداني صرف و رجائي ان تتأكد بنفسك لو كان ذلك بالامكان و لو كان عندك امكانية فعل شئ لايقافه ما يحدث فأرجو الا تبخل علي مدينة نيالا بحبك بل كل السودان.
فنحن لا نريد مصانع الموت و اعلم انك تعلم ان الاشياء لا تحدث بالتمني بل بالعمل و العمل لا ينجزه الافراد بل الجماعة

Quote: خاصة وأنا ما عندي شي للنقاش السياسي الحارب لكن مدينة نيالا البنحبها هي الدافع للغضب.

و هنا في كلامك برهان علي ان السياسة ليست جزيرة في معزل عنك فأنت جزء من السياسة عندما تأتي الي مدينتك التي تحبها و ماذا عن السودان الذي تحب.
يا اخي ارجو ان تراجع مواقفك مما يجري في السودان ككل و ليس في نيالا فقط. وعموما الان الكرة في ملعب نيالا كما كانت في ملعب الكلاكلات.

الحب وحده لا يكفي كما الغضب وحده لا يكفي ايضا.

تشكر مره تانية يا محجوب،
محجوب كتب:

Quote: الهبيب خالد كيبا لا عليك يا اخي و دعني اؤكد لك ان ما قلته هنا و اقوله لاحقا لا دخل لنمور التاميل به من قريب او بعيد.

أكيد كلامك مصدق التنوية للنمر كان بصورة عامه عشان الناس ما تفهمك غلط ذي أنا مثلا ....
محجوب كتب:

Quote: و هنا في كلامك برهان علي ان السياسة ليست جزيرة في معزل عنك فأنت جزء من السياسة عندما تأتي الي مدينتك التي تحبها و ماذا عن السودان الذي تحب.

نعم السياسة هي جزء من المجتمع السودان منذ الاستقلال بس أنا قصدي سياسة الحرب يعني أنا وانت والموتمر الوطني كم لقينا القاسم المشترك ممكن نقدم شي لبلدنا. بس الخطاب المحارب هو المدمر في الوقت الفيهو السياسة هي تسيس الأمور من أجل خدمة المجتمع.
محجوب كتب:

Quote: يا اخي ارجو ان تراجع مواقفك مما يجري في السودان ككل و ليس في نيالا فقط.

أي نعم السودان كلو بنحبو لكن التغير بيبدا من الفرد، الأسرة القريبة، الأسرة الكبيرة شوية، المجتمع الصغير، المجتمع الكبير شوية والوطن الجامع. يعني اتخيل لو عرفنا جميعا القاسم المشترك إنو بلدنا محتاجة تغير في أي شي يلا مثلا ناخد تتطوير الكهرباء والموية، يلا إنت في الفاشر وأنا في نيالا وادروب في كسلا و محمد في دنقلا وعثمان في امدرمان والخ، كل واحد فينا ليهو نفس المقومات ونفس دراسة المشروع والميزانية بكل صدق وأمانة التطور ممكن يكون أسرع لظروف المعرفة بالواقع المحلي و الغيرة للاسرة الصغيرة ومعرفة التعامل معاها.

أحكي ليك قصة؛ في نيالا في مصلحة الجمارك تعد في الدخل من أكبر في السودان بعد بورتسودان لتجارة الحدود مع دول الجوار والصناعه المحلية. يلا المصلحة دي التعين ليها كان مركزي وكل المدراء كانو في فساد رهيب لسنوات أي مدير بعد سنتين يكون من أكبر أغنياء نيالا, يلا نميري عرف ورسل مدير جديد. المدير من الاخوة أبناء الجنوب لليوم يذكر في نيالا بلنزاهة والأمانة، يلا المدير ده باعتبار إنو من الجنوب وكانو غلبية الاخوة من الجنوب في مجال الاقتصاد المنزلي , وهو كان ساكن في ميز الجمارك في وسط الحلة, يلا الزول ده وقتما يقعد في الشارع أي حجة ماشي في الشارع تجيهو وتقول ليهو ياخي ما تشوف لي ولد أمين زيك يجي يشتغل معي في البيت. يلاأتخيل التنمط ده إستمر لحدي المدير استغال ورجع الخرطوم وبعدا أكيد يكون مشي الغابة.

يا محجوب اتخيل الشخص ده لو كان مدير الجمارك في جوبا أو حاكم الجنوب آنذاك أكيد الحاصل اليوم ما بيحصل. واتخيل الجانب الأخر للميدالية إن المدير ده من أولاد نيالا و كان ليهو غيرة ونزاهة وامانه ذي أخونا من جنوب السودان كان الحال يكون آخر.

قصة تانية: أكيد سمعت بشارع نيالا كاس زالينجي، يلا الشارع ده وقت أهلي الألمان خلصو بنيانو كان عندهم باقي كتير من خرسانة وزفت وادوات ومهندسينهم كانو جهزين لتعمير مدينة حديثة بشوارع و كباري ألخ. يلا الألمان الشفوت جو لمحافظ نيالا انذاك وقالو ليهو عندنا خطة تعمير مدينه حديثة علي الطريق واخترنا مدينتك و ماعزين أي شي بس انتو إتكفلو باجور العمال. إنت أكيد عرفت نهاية القصة ....... يلا اتخيل ان كان المحافظ من أبناء البلد وليهو غيرة كان تفتكر حتكون في مشكلة موية وكهرباء اليوم في نيالا (اتخيل في الوقت دك كان الطلاب لوحدم كانو ممكن يشتغلو) !!
محجوب كتب:

Quote: الحب وحده لا يكفي كما الغضب وحده لا يكفي ايضا.

أنا بفتكر إنو انحنا بنضيع الزمن في الراس (الخرطوم) وباقي جسم السودان مريض. أنا مشيت قبل الإنقاذ في معارض مدرسية ودورات مدرسية وحملات تطعيم وحملات ضد الخفاض الفرعوني من نيالا لبورتسودان ودنقلا مرورا بكل المدن الكبيرة والأرياف (عندنا القطر يا محجوب إبتسامة) شاهدت نفس المعانه والفقر وعدم التنمية. ما في زول يجي يقول لي الهامش الغرب والجنوب, الهامش السودان كلو والسودان كلو عايز نفس التنمية الأساسية والبنية التحتية والاعمار. عشان كدة أنا بفتكر أحسن يكون في اتحاد في المشاريع لكن العمل الميداني لازم يتم بلايادي المحلية وابناء البلد .

إضافة: يلا الانجليزي في زمن مرغريت تاتشر عشان يحلو اشكال العطالة في التميننات واكتظاظ لندن بعامل ألدولة قامو طلعو وزارت كتيرة من لندن ودوها مدن أخري بعيدة حتي يتم موازنة وما كل الناس لندن لندن.

الزمن فات يا محجوب و كبرنا والاشكال هو نفس الاشكال من زمن أبواتنا وبدينا نموت زيهم الواحد تلو الأخر بدون حل اشكال الوطن. ما ملاحظ ألسنة الفاتت في كم واحد نشط في القروب ده مات بدون ما يشوف حلمو اتحقق في السودان.

Khalidkeba
correcctions

شكرا اخ خالد كيبا علي الاضافة القيمة
المهم الان هو ان تتكاتف الجهود لاجل ايقاف هذا المشروع و الذي اخطر مشروع ليس بسبب ان يتعرض للضرب من اسرائيل و لكن لانه يضع المنطقة الملتهبة اصلا مباشرة علي فوهة بركان.

تصدقو الان عادي جدا تلاقي زول ماشي في صحاري دارفور بعربة الدفع الرباعي تجر دوشكا و لا اي سلاح من انواع الاسلحة التي تسمي ثقيلة و هو شخص قد يكون عمره اقل من 18 سنة.
في خلال الثلاثة اسابيع الماضية كما ترون في الاخبار حصلت مشكلتين في كردفان و دارفور و في كل منهمه استخدمت الاسلحة الثقيلة. و المفارقة انها المرة الاولي التي حدثت فيها مثل هذه المشاكل بين القبائل التي كانت تعتبر حليفة الحكومة ضد التمرد و كل الاسلحة المستخدمة اتت من الحكومة مباشرة.
الذين كانو يرون ان القوميات (حسب مسمياتها) التي اقامتها الحكومة حسب تصنيفاتها قد تصمد طويلا ها هي قد وصلت مداها في اقل من 10 سنين.

فلكم فيما يحدث دروس لو تعقلون

و تصبحو علي خير ان شاءالله

يا ناس نيالا
اظنكم في الطريق الينا لتأكيد المعلومة
المهم لو ما لقيتو اي شئ تعالوني اديكم اسم المشروع و خطوط العرض و الطول

غايتو الله يستر ما تكونو عملتو نايمين يا ناس نيالا بعد ما عرفتو انو المصنع علي بعد 20 كيلومتر منكم. يعني ما في نيالا.

يا ناس نيالا الفيكم اتعرفت تب
ما دام ابيتو تجو حأديكم المعلومة زي ما هي:
شركة البحير الصناعية

اذا جيتو قلتو لي تشابهت علينا البقر بين مشروع البحير الصناعي للتنمية و شركة البحير للصناعة تكونو اتلومتو معاي خالص.

*

*

*

يا ناس نيالا
انتظرناكم اكثر من اسبوع بس عشان تتأكدو بنفسكم بس الموضوع يخص كل الشعب السوداني بأن ما تقوم به عصابة الانقاذ من بيع للوطن و تأجير اراضيه للاجانب لانشاء مصانع اسلحة الدمار الشامل فيه انتهاك كبير لنا كمواطنين.
ان ما يترتب من جراء هذا العمل هو خطير جدا سواء تم ضربه من اسرائيل او غيره.
ارجو من الجميع (جميع السودانيين الشرفاء) ان يقومو بواجبهم لاجل ايقاف هذا العمل.

و اليوم ثمرة اتضح جليا ثمرة التقارب بين نظام البشير و دولة ايران بالصور من القاهرة.

*