Post: #1
Title: الراتب عبر البنك (السعودية)
Author: مزمل عوض الكريم
Date: 01-20-2013, 06:27 PM
أخر شمار كل رواتب العمال بالمملكة عبر البنك ..
يعني تمش تستلم راتبك علي طول بدون تاخير
سمعتو بالكلام دا؟
|
Post: #2
Title: Re: الراتب عبر البنك (السعودية)
Author: jini
Date: 01-20-2013, 07:48 PM
Parent: #1
ليس شمار انما نشرته الصحف السعودية
امر في غاية الاستحالة الا في حالة الشركات والمؤسسات الكبيرة
جني
|
Post: #3
Title: Re: الراتب عبر البنك (السعودية)
Author: خالد حامد الجزولي
Date: 01-22-2013, 08:03 AM
Parent: #2
Quote: امر في غاية الاستحالة الا في حالة الشركات والمؤسسات الكبيرة
جني |
ياخي انا لي اكثر من خمسة سنوات بستلم راتبي من البنك
|
Post: #4
Title: Re: الراتب عبر البنك (السعودية)
Author: بدرالدين الطائف
Date: 01-22-2013, 08:19 AM
Parent: #3
| Quote: امر في غاية الاستحالة الا في حالة الشركات والمؤسسات الكبيرة |
جنى لو عاوز تصرف مرتبك اخر الشهر بتمشى تلقى الصرافة طابونه بس.
مع الملايين الحا تدخل فى النظام ده الا يعملوا فى كل ركن صرافة,
ده غير انه فى ناس ماشقالين مع الكفلاء .
وناس ماعندها علاقة بالمنظموه حقت البنوك دى.
| Quote: ياخي انا لي اكثر من خمسة سنوات بستلم راتبي من البنك |
ود المحرب ده حسب الجهة الانت شقاله فيها زى ما قال ليك جنى.
يعنى عندك النقل الجماعى اى سواق جديد طوالى بديك خطاب لفرع بنك تمشى تفتح فيهو حساب للراتب.
|
Post: #6
Title: Re: الراتب عبر البنك (السعودية)
Author: Faisal Fadhlallah
Date: 01-22-2013, 08:24 AM
Parent: #4
كل الشركات التي لديها نظم تفعل ذلك منذ سنين عددا
أنالي 16 سنة بستلم الراتب في حسابي مباشرة
|
Post: #5
Title: Re: الراتب عبر البنك (السعودية)
Author: Mohammed Abuzaid
Date: 01-22-2013, 08:23 AM
Parent: #1
تحياتي للاخ مزمل عوض الكريم
القرار كما زكر الاخ jini منشور في الصحف
Quote: تعتزم وزارة العمل إلزام جميع مؤسسات القطاع الخاص بفتح حسابات بنكية للعمالة الوطنية والوافدة لتحويل الرواتب عليها لحفظ حقوق العمالة ومنع التستر، فضلاً عن إمكانية الاستعانة بها كإثبات يحمي حقوق طرفي العمل عند التقاضي. وأشارت الوزارة إلى أن برنامجها الجديد «نطاقات الأجور» والذى يهدف إلى حماية أجور العاملين في القطاع الخاص سيتم تطبيقه خلال الأشهر الثلاثة المقبلة.
وقال وكيل وزارة العمل للتخطيط والتطوير المهندس عبدالله الحقباني لـ «المدينة» إن البرنامج يضمن صرف رواتب العاملين في نهاية كل شهر وتكوين قاعدة بيانات اقتصادية مستقبلية، كما يهدف إلى تحقيق أهداف استراتيجية أبرزها الحد من التوظيف الوهمي، وتعزيز ارتباط صاحب العمل بالعمالة والكشف عن العمالة المتسترة من خلال التأكد من الرواتب وكشوف الحسابات. وأكد أنه لن يحق لصاحب العمل أن يدفع الرواتب بالنقد أو بشيك عند تطبيق البرنامج الذى يستهدف أيضًا إلزام المنشآت الخاصة بتطبيق خطة الوزارة في إحلال السعوديين وتوفير فرص العمل المناسبة لهم.
وأضاف: إنه يجرى حاليًا وضع اللمسات النهائية على البرنامج بالتنسيق مع مؤسسة النقد والبنوك والمنشآت الخاصة مشيرًا إلى أن وزارته تطبق مبدأ المشاركة من خلال أخذ مرئيات شركائها لاتخاذ القرار المناسب. |
http://www.almirkaz.com/index.php?option=com_...id=550anddevice=iphone
ورد في الخبر . . .
| Quote: وتكوين قاعدة بيانات اقتصادية مستقبلية، كما يهدف إلى تحقيق أهداف استراتيجية |
كل الود
|
Post: #7
Title: Re: الراتب عبر البنك (السعودية)
Author: عباس الدسيس
Date: 01-22-2013, 08:39 AM
Parent: #5
نقول ليك النجيضة يا الحبيب :
الرواتب تنزل حسب الفئات الوظيفيه والذي مهنته عامل حتي 3000 ريال الفني حتي 5000 ريال احتمال تنقص
الفئات الاخري المهندسين والاطباء والموظفين مفتوح التحويل اي مبلغ
بمعني انك مهنتك تربية مواشي او سائق خاص ما تجي تقول راتبك 6000 ريال طوال البنك بدقر ليك التحويل ويتم تحويل الملف لمكتب العمل شوفتا اللعب وين في حكاية تحويل الرواتب البنك
|
Post: #8
Title: Re: الراتب عبر البنك (السعودية)
Author: ابوحراز
Date: 01-22-2013, 11:26 AM
Parent: #7
كنت طرفاً في اتفاقية ما بين الادارة العامة لشركة الراجحي المصرفية بالرياض
وجهة عملي 00 حينما قررنا تحويل الرواتب لتكون عن طريق الصارافلي
الاتفاقية تفرض عليك فتح حساب باسم حساب الرواتب
يعني من الحساب العام يتفرع حساب آخر باسم حساب الرواتب
وهنا تلزمك الشركة بايداع الرواتب في حساب الرواتب قبل اربعة ايام من صرفها
يعني يوم 20 من الشهر العربي يتم تغذية حساب الرواتب
ويوم 24 الساعة 12 مساءا تكون الرواتب نازلة بالصرافات الآلية
ولكن ان تأخرت مثلا وقمت بتغذية حساب الرواتب يوم 23 مثلا
هنا تتأخر الرواتب ثلاثة ايام أخرى على طريقة السن بالسن
وفي الأعياد يطلبون ايداع المبالغ مبكرا منذ يوم 15 حتى تنزل الرواتب يوم 20
بالنسبة للعاملين القرار ايجابي
على الأقل الواحد بياخذ راتبه في مواعيده
ثانيا يمكن أن تأخذ قرض من البنك بضمان الراتب
بالنسبة لأغلب الكفلاء الذين يحسبونها بالقطارة فالأمر صعب ومعقد
لأن بعضهم يمنح الرواتب يوم 6 أو 7 من الشهر الثاني
يعني هناك فجوة كبيرة بين يوم 20 الذي من المفترض ان يضع فيه مبلغ الرواتب بالحساب
وبين يوم 6 و 7 اي هناك 17 يوم بامكانه ان يستثمر فيها جملة رواتب العاملين معه
لهذا ستكون هناك مماطلات من قبل الكثيرين منهم
أأسف إن زحمة رؤوسكم بهذه التعقيدات المحاسبية
هو انا زراعي بالله البودينا على الشطحات دي شنو
قال حساب الرواتب قال !!!
يجلس بواري مهندس سوداني معماري وهو يضحك وذكر لي انه لمدة شهرين لم يستلم رواتبه
والكفيل يعلل بانه لم يستلم المستخلص من البلدية
يعني معناها نحن الذين تسببنا في تأخير راتب اخونا
|
Post: #9
Title: Re: الراتب عبر البنك (السعودية)
Author: محمد الهادى عبد الرحيم
Date: 01-22-2013, 12:02 PM
Parent: #8
سادتى الكرام
خلو بالكم من كلام الاستاذ عباس الدسيس ده كويس
مكتب العمل حيكون ليهو شاشة مربوطه مع SAMA مؤسسة النقد العربى السعودى يستطيع من خلالها الرقابه على الرواتب بكل تفاصيلها والغرض الرئيس لمن لايعلم كالتالى :
شركة (س) عندها مكفولها(ص) بمهنه سائق براتب (7500) ريال حينها يقوم مكتب العمل بمخاطبة شركة (س) بخصوص السائق الاجنبى الذى يتقاضى هذا الراتب ومن ثم يتم عرض سائق (سعودى) على شركة (س) وبراتب اقل من ذلك بكثير مع حوافز اخرى
شفتو التضييق ده كيف.
وبعدين غالب الاخوان السودانيين مهنهم تختلف عن واقع عملهم وما امشى بعيد انا (دكتور) استاذ جامعى ومهنتى (سائق عام).
الدراما دى حلها بواحد من طريقتين :
اما تغير او تعدل مهنتك للوضع الذى تعمل به وحينها يمكن ان تصطدم بالاثبات المطلوب لذلك (الشهادات) مثلا او توثيقها
أو ان تتفق مع الكفيل براتب يحول للبنك يكون منطقى استنادا لمهنتك بالاقامه وراتب اخر تستلمه نقدا من الكفيل ودى طبعا فيها مخاطره للعامل يعنى ممكن الكفيل فى يوم يقول ليك راتبك فى البنك.
الكثير من المقيمين يعتقدون ان القرار فى صالحهم لكن العكس صحيح واسمعوا كلام (الدسيس)
لكم مودتى
د. محمد الهادى
|
Post: #10
Title: Re: الراتب عبر البنك (السعودية)
Author: humida
Date: 01-22-2013, 02:03 PM
Parent: #9
كدي يا جماعة في حتة صغيرة كدا مفروض السودانيين يعرفوها ..
كل القوانين في السعودية مبنية علي الناس الوضعها مزبوط .. و لا علاقة لتلك القوانين باللولوة بتاعت السودانيين ..
يعني ما ممكن دولة تعمل قانون مفصل علي ظروف السودانيين ..
متوسط الراتب لكل مهنة معروف للجميع .. و المستهدفة دائما الشركات الكبيرة و الحاجات البتدخل قروش جد جد للبلد ..
وضعك مزبوط انت زول الناس ديل .. لولوة من هنا و هنا بتتعب ..
من حق السعوديين التمتع بالمهن التي يشغلها الاجانب .. يشتغلوا ما يشتغلوا دا موضوع ما بخص زول غيرهم و هم ادري بمصلحتهم ..
ما مشكلة مكتب العمل السعودي انك بتتحايل علي النظام و جاي بمهنة راعي و انت دكتور ..
و ما مشكلة مكتب العمل انه مشتري اقامة و دافع دم قلبك و لا جايبا ليك اخوك ..
اساس التعاقد الرسمي الكفاءة و الحوجة .. و الفيزا رسومها الحكومية الفين ريال يدفعها المستفيد السعودي او المنشأة السعودية ..
جميع الاجراءات الحكومية رسومها مدفوعة من جهة عملك .. و رسميا عندك راتب و بدل سكن و بدل نقل و تأمين طبي و تذكرة للاجازة او الخروج النهائي ..
و اذا اتلحستا برضو القانون بضمن ليك تكفل جهة عملك نقل جثمانك و اولادك و متعلقاتك الي بلدك ..
العندو اي مشكلة و ما قادر يتعاقد بصورة رسمية تضمن ليهو الحقوق دي ما يتجرس و ابواب اللولوة علي القانون كتيرة بس ما يطالب علي اساس انه الحق معاه ..
عدل وضعك و بعدين نقنق ..
|
Post: #12
Title: Re: الراتب عبر البنك (السعودية)
Author: humida
Date: 01-22-2013, 02:06 PM
Parent: #10
اي زول ما بصرف راتب لمدة 3 شهور متتالية قانون العمل بجيب ليهو حقه مع تصريح نقل كفالة الي اي جهة اخري بدون استشارة الكفيل ..
بس .. اول حاجة لازم تكون شغال بطريقة رسمية و في مهنتك و مع كفيلك ..
يعني ما تجي تقول لناس العمل مهنتي راعي لكن انا دكتور و طالب الناس ديل 60 الف.
..
..
|
Post: #11
Title: Re: الراتب عبر البنك (السعودية)
Author: محمد عبد الله الامين
Date: 01-22-2013, 02:04 PM
Parent: #1
ينوبم ثواب ياااخ
وإن شاء الله يعجلو الموضوع ده
|
|