بورداب الإمارات في ضيافة وليد محمد المبارك ومعتصم محمد صالح (بالصور)

كان اللقاء حميمياً ودافئاً في ليلة شتوية زادها دفئاً تشريف أحبائنا وليد محمد المبارك ومعتصم نيستا .. وزادها وهجاً تتويج الإمارات بكأس الخليج ال 21، فسجل التاريخ هذا اللقاء بين سطوره. الشكر كل الشكر لمن تكبد مشاق الحضور من أبوظبي ليشاركنا الترحيب بالشِفِت ونيستا ويزين فرحتنا بلقاءهم .. والشوق لكل من غاب عنا في هذا اليوم لكن يبقى الأمل في لقاءهم في العين قريباً.

ولتحكي لكم الصور ما دار في هذا اللقاء ..!

الريس/عمر علي حسن (يمين) - مولانا/ عبدالكريم أحمد الأمين (وسط) - Al Sunda (يسار)

وليد الشفت - حيدر عثمان - خال فاطمة

ناصر الأمين - عبدالرحمن الحلاوي

هلا امير

لظروف لم اتمكن من الحضور ولكن يبقي الامل في لقاء العين

مودتي ...

Quote: ولكن يبقي الامل في لقاء العين

إفتقدناك يا صفوة .. وفي إنتظارك في لقاء العين بإذن الله

(...وتلاقت "عِمَمٌ" يا مرحى)

،
دام الود والتلاقي..،
،

شكراً مسبقاً يا دكتور ..

وفي إنتظار توثيقك الما خمج ...

وبرضو عشان نعرف هل في داعي ننزل صورنا هنا ..

وله نتلم قبال ما يحرجونا ...

وله نتلم قبال ما يحرجونا

تأبي النفس إلا أن تحرجك يا كسلا
نزل صورك ياخي خلينا نشوف الزوايا الما شفناها

الناس (القيافة) عاطف عمر

معتصم نيستا وعاطف عمر وبينهما الحلاوي .. وفي الخلف عبدالله كسلا

الرجل الجميل .. بدري إلياس

فى انتظار صور الدهشة والادهاش
لكم التحية بورداب الامارات
وشكرا امير عمر علي التحف الفنية الراقية

معرروف حمدين ومعتصم نيستا

شكراً الزنجي والتحية لك

عبدالعزيز حسين عبدالرحيم

امير عمر إتلومت لوم الحجر والجبل؟؟؟

الوجيه إبن الوجيه صديقي الساخر/ محمد الأمين عاطف عمر

Quote: امير عمر إتلومت لوم الحجر والجبل؟؟؟

يعني أنت تنوم وما تشوف البورد وتجي تلومني؟
تابع ود البشرى ح ينزل ليهو بوست اليومين ديل عن تجمع تاني يوم الخميس في العين ما يفوتك وتجي تلومني

ـــــــــ
انت غائب وين ياخوي؟

كان لقاء رائعا وحميميا

فوق

Quote: انت غائب وين ياخوي؟

بركة الغاب وما جبت صورتوا كانت تكون كارثة

المر الوسيم

وينك مشتاقيين من يوم ولدوا ليك غبت الحكاية شنو هههههههه

ووووووووووووب على وووووووووووب

زى السواد

يخس عليك يا امير ياخى

أحبط معنوياتى ونفسياتى وهسى بعد صورة جنو دا أتغداء كيف

ياخى الناس دى انا خاتة ليها صورة جميلة فى راسى

ياخى حرام عليك ليه تعمل كده هههههههههههههههه

النبي ما تنزل باقى الصور خلينا نتموا خيال هههههههههههههههههههههه

مساء الخير
عفوا اصدقائي
لم اتمكن من الحضور لظروف صحية
وحتما سنلتقي في مناسبات اخري
وانشاء الله دايما تامين ولامين
مودتي واحترامي

أحبط معنوياتى ونفسياتى وهسى بعد صورة جنو دا أتغداء كيف

ياخى الناس دى انا خاتة ليها صورة جميلة فى راسى

ياخى حرام عليك ليه تعمل كده هههههههههههههههه

النبي ما تنزل باقى الصور خلينا نتموا خيال هههههههههههههههههههههه



اها عشان الاحباطات دي ونحنا ناس في السوق ابينا نجي اتخيلي ساي يا وضاحه

يا سلام يا عمو عاطف كاشخ ههههههه

علم السودانين المعاك ديل البس وكيف تكون القيافة خخخخخ

Quote: شكراً مسبقاً يا دكتور .. وفي إنتظار توثيقك الما خمج ... وبرضو عشان نعرف هل في داعي ننزل صورنا هنا .. وله نتلم قبال ما يحرجونا ...

عشان كدنا نحنا يا حبيبنا كسلا
ولا طلعنا كاميرتنا من حافظتها عندما شفنا الكاميرات الماخمج
و المصورين البروفيشينال


_________________

جزيل الشكر وليد المبارك
جزيل الشكر معتصم محمد صالح

جزيل الشكر بورداب الإمارات


ثم جزيل الشكر جبيبنا د. أمير عمر


_____________

شكراً وضاحة
الله يجبر بخاطرك

شارك الحضور في مناقشة بعض الإمور (البوردابية) وتم الإتفاق على جزئيات مهمة أرجو من المعنين طرحها أو إفراد بوست خاص لها لأخطار الغائبين وفتح النقاش للخروج بإتفاق وآليات لتنفيذ ما سمعنا.

-----------
وضاحة شرفتي البوست
الغلط مافي الناس ... الغلط في كاميرتي انا وتشمل الغلطة (كشخة) عاطف

حلوين انتو ياخي

سلام يا أمير

ملمومين في الخير إنشاء الله


بس صاحبي عاطف عمر دا لو لاقيتو في الشارع يمين أجي ماشي فيهو فللي


دا شنو يا عاطف ياخ أنا لسة في بالي الصورة الزمان ديك

ياخ الواحد محتاج تعارف من جديد

واضحة الدايشه

Quote: الغلط مافي الناس ... الغلط في كاميرتي انا وتشمل الغلطة (كشخة) عاطف

بالغ دكتور أمير كمرته السمحه استلفوها منه اضطر يشتري ليه كاميرا صغيرة ياشيكا بي 100 يمشي بيها حاله وطلعت كاميرا حاقده

بعدين الشنا دي جبناها من وين ما ياها من كوجين اجدادك



يا ودجبرين

Quote: حلوين انتو ياخي

والله الناس ديل كانو طارينك بس خايفين منك وكان عارفينك بتقول كدا ما كان قالوا القالوه أوريك قالوا شنو ؟؟؟؟ وما بتزعل

Quote: بعدين الشنا دي جبناها من وين ما ياها من كوجين اجدادك

هوى يا شين

اوعااااااك تلصق شناتك دى فى اهلى

انا شانة زى دىى يعمينى ما شوفتها فيهم

امير بطل غيرة ههههه

عطوف دا يكفى كلاموا الطاعم


خال فاطمة دا كان البنات يحلفوا بعيونوا مالوا كبر كده وكرش

غايتوا المغتربيين ديل لقوا المجبوس ونسوا السفر ههههههههه







------------------------------
يا امير انا طبعا بهظر بث
كلكم حلويين وطاعميين

ربنا يحفظكم ويخليكم لينا

لمة ان شاء الله فى الحرم

سلام لي سيد البوست وزواره
وما شاء الله الصور جميلة ومنورة
ودخلت عشان صورة العزيز معروف محمدين
واخيرا شفت صورتك
من ايام ماليزيا
وتمنيت نلتقى





******
تخريمة
من صور البوست اللمة دي في الامارات
لكن عنوان البوست يعني العكس
وكأن الاعزاء وليد الشفت ونيستا هم من دعوا بودراب الامارات في الخرطوم(بورداب الإمارات في ضيافة وليد محمد المبارك ومعتصم محمد صالح)
وليس العكس// وليد الشفت ومعتصم نيستها هم من في ضيافة بورداب الامارات

ولا انا نسيت اللغة العربية ما بعرف

وان شاء الله دايما لامين وتامين في اي مكان ما بفرق
وعموما شكرا انو البوست اتاح لينا انو نشوف صور ناس كنا خاتين ليهم صور مختلفة في عالم سودانيز اونلاين دي

Quote: بورداب الإمارات في ضيافة وليد محمد المبارك ومعتصم محمد صالح

** د.أمـيـر..
** سلام ومساءك خير..
## عنوان البوست يستحق جائزة الأُوسكار ...
## إفتقدنا ود البشير (نصرالدين) وطارق الكوتش وودالبشرى وعباس وأبورغيم وبت الصادق (عفاف) وعُذراً لمن فاتنى ذِكرهم ##

(ودام الود بيننا)

Quote: بورداب الإمارات في ضيافة وليد محمد المبارك ومعتصم محمد صالح

Quote: عنوان البوست يستحق جائزة الأُوسكار ...

فعلاً يا مولانا عنوان البوست حوى كل ( البلاغة ) الموجودة في الدنيا
وعنوان البوست ( صور ) كذلك بصدق حالنا ..
فقد إحتوانا سماحة ولطفاً الوليد والمعتصم

Quote: خال فاطمة دا كان البنات يحلفوا بعيونوا مالوا كبر كده وكرش

ههههههههههههههاااااااااااااااااي

تصدقي يا ........................... الكرش قبل العشاء ههههههههههههههههههههه


تصدقي من خطك الشين دا عرفتك لسع ما خليتي شتااااااااااارتك دي

واحد يفزعنا بفزع ههههههههه

ملييييييييييييييون تحية ليك ام التوينس

Quote: بس صاحبي عاطف عمر دا لو لاقيتو في الشارع يمين أجي ماشي فيهو فللي دا شنو يا عاطف ياخ أنا لسة في بالي الصورة الزمان ديك ياخ الواحد محتاج تعارف من جديد

حمد يا فنان ...
قبل الذهاب للحفلة كنت في منزل سعادة اللواء عمر علي حسن ومعه إبنه أمير
أتى للسلام صهر سعادة اللواء أى خال أمير ..
وخال أمير هذا صديق قديم منذ رفاعة ومنذ السكن معاً في بيت العزابة في أبوظبي في منتصف الثمانينات
أخذته بالشوق والأحضان فبدا لي أنه لم يعرفني
سألته فأجاب بصراحته المعهودة " والله ما عرفتك "
عرفته بنفسي فتحوقل مرة ومرات
" ياخ زمان كنت سمبتيك وقيافة هسع بقيت سمين كدا أعرفك كيف ..؟ "
قلت له بالله ركز لينا على حكاية قيافة زمان دي

يا ربي إنت رأيك من رأيو ؟؟
ولا الشغلانية مقلوبة ؟؟

Quote: عطوف دا يكفى كلاموا الطاعم

هى لكن يا وضاحة تبقى علينا شناة وحديث ( ماسخ ) ؟؟
نطعم البنقدر عليهو


_____________

عبد الله كسلا يا حبيب
نزل صور ( الصلع )
ولا تأخذك بها رأفة

Quote: عبد الله كسلا يا حبيب نزل صور ( الصلع ) ولا تأخذك بها رأفة

ما تورط الراجل.... بطلو حقد

شكرا يا أمير على الصور الإحترافية دي وزي ما قال كسلا نضاير كاميرات تلفوناتنا العاجبننّا ديل اخير :)
ما شاء الله يا شباب لمة جميلة حالت الظروف دون المشاركة بها
نتمنى نشوف نفس العدد وأكبر في العين إن شاء الله
ادونا طلة هنا
مرحب ببورداب الإمارت بالعين .. المبزرة الخضراء .. الخميس 24 يناير

Quote: ما تورط الراجل.... بطلو حقد

عبد العزيز ... أنا عاااارفك ما شايل هم ورطتي .. لكن خايف من تعليق وضاحة ...

عشان كده ح أبدأ بيك ...

وتلبية لطلب الوجيه الباشمهندس عاطف ...

عبد العزيز حسين

Quote: وتلبية لطلب الوجيه الباشمهندس عاطف ...

يا كسلاااااااااااا
النمرة غلط
جيب صور صلع الناس الكانت ( متضارية ) وراء الكاميرا

محمد إبراهيم عثمان (حموده) ... وجنابو الطيب عثمان يوسف

الأخ والزميل البرلوم .. أسامة علي

الأخ والزميل البرلوم أيضاً .. سيد أحمد شامي

ضيف الأمسية .. عمنا علي والد الزميل أسامة .. في دردشة مع السندة

Quote: جيب صور صلع الناس الكانت ( متضارية ) وراء الكاميرا

يا باشمهندس .. هم كل الكانوا بيصورا كم ... ما ناصر الأمين .. وكمرتي الكحيانة دي ..

والأنت قاصدو بس ما داير تجيب إسمو ده ...

صورة حبيبنا عبد العزيز دي .. إهداء خاص لوضاحة ... لأنه صديق عزيز بالنسبة ليها ...

لكن كلووو موجووود ... وبالكوووم والردوووم .. بس إنت شيل الصبر ساي ...

كسلا يا كسلا

ووووووووين بتاع الابي فون 5

تكونوا حمتوا الله ما جاء ظاتوا ههههههههه

عضو البورد السندة

Quote: عبد العزيز ... أنا عاااارفك ما شايل هم ورطتي .. لكن خايف من تعليق وضاحة ...

Quote: هى لكن يا وضاحة تبقى علينا شناة وحديث ( ماسخ ) ؟؟ نطعم البنقدر عليهو

تبرى انت يا عطوف من الشنة

الشنة واقعة فوق عبد العزيز ابو لسان دا

ياوضاحة خوفتينا عديل

انشاء الله كمرة امير تتحرق بالليل ده قبل ماينزل باقى الشنه ههههههههه




او كمبيوتر وضاحة يتحرق


المهم منتظرين حريقة

Quote: ياوضاحة خوفتينا عديل انشاء الله كمرة امير تتحرق بالليل ده قبل ماينزل باقى الشنه ههههههههه او كمبيوتر وضاحة يتحرق المهم منتظرين حريقة

هههههههههههههههههههههه

يا جماعة الرسول نزلوا لينا صورة عصام دا كية فيه

عبد العزيز .. سيد أحمد شامي

الباشمهندس الوجيه عاطف عمر

الباشمهندس الهميم ... ناصر أحمد الأمين

الدكتور الفنان .. أمير عمر علي حسن .. والأخ أسامة علي

شكيتك علي الله يا عبد العزيز ..... صورة وصوت و كيبورد شايل حالنا ... تبا لك
أمير يا مبدع ... كميرتك و صورك بهجة عديل كده.
أبتدأ اللقاء بكلمات تعزينا و كل السودان بالفقد الجلل محمود عبدالعزيز و قد اوجز الاخ عصام في افتتاح كلمته و عبر عن مشاعرنا جميعا
رحم الله محمود بقدر ما قدم للشعب السوداني
كان هناك حزن كبير و فرح كبير بوجود وليد و معتصم بيننا
و كانت ليلة جميلة بلقاء اخوه اعزاء و كلمات في الذاكره من المحتفي بهما
و كان للاخ الطيب عثمان يوسف مبادرة جميلة اتمني ان نسلط الضؤ عليها و خصوصا انها قد لاقت الاستحسان و الثناء من الجميع و علي رأسنا
سعادة الزعيم عمر حسن علي و سعادة المستشار يحي عوض الكريم.
داليا حافظ و بديعة ... كنتم فاكهة الحضور الانيق
و سعدنا بلقاء بورداب جدد .... الشامي و اسامه علي و اسرته الجميلة (ربنا يحفظكم)
و غاب عنا العديد من النجوم و علي رأسهم الزعيم عثمان رغيم و خالد درق و ود البشري و الرائعة عفاف ... و هذا ليس للحصر !!
بورداب الامارات ...... لكم ترفع الفبعات

الأخ حيدر عثمان ... وخال فاطمة

إبراهيم محيسي .. عاطف عمر .. ناصر .. ووليد الشفت

المحتفى به .. الحاج الوجيه معتصم محمد صالح (نستا)

الشاب الوجيه .. معروف حمدين

كانت بحق لمة جميلة و سعدنا بالتعرف علي نفر كريم من بورداب الامارات
وشكرا دكتور امير علي التوثيق .. الجماعة كانوا شايلين حسك ساكت و الصور نزلتها ليهم سريع
وفي انتظار صور الباشمهندس ناصر

عفاف أبوكشوة .. في إنتظارك في لقاء العين إن شاء الله
Abas .. خلاص المرة الجاية ما ح نجيب الكاميرا عشان نشوفك برانا بعيد من وضاحة
ود عم جبريل ... أنت الأحلى ياخي
حمد يا فنان ... عاطف دا انا لي كم شهر ما قابلتو لمن قابلتو قربت اقول ليهو .. من أنتم؟
عبدالعزيز ياخي انا متكيف من وضاحة دي الزعمطتك بصلعتك دي لانه مافي زول لحدي هسه قدر عليك غيرها

وضاحة ياخي .. غيرة شنو؟؟ ياخي عمك عاطف دا أنا قاعد ساعتين في صورته شغال مكياج بالفوتوشوب عشان اطلعو للنور .. ما شايفاهو مدسي ورا ولدو محمد الأمين السنة كلها؟

ـــــــــــــــــــــ

أختنا العزيزة ميادة ... شكراً على كلماتك اللطيفة وربنا يجمعك بكل الغائبين عنك
كلامك صحيح، اللقاء كان في الإمارات ولكن بورداب الإمارات كانوا كما قال الشاعر:
يا ضيفنا لو جئتنا في بيتنا .. لوجدتنا نحن الضيوف وأنت ربُ المنزل
والمقصود من العنوان أننا لم نكن لنتجمع لولا وجود وليد ومعتصم بيننا فهما سبب تجمعنا وبذلك نكون نحن ضيوفهما.
ما عارف لو كان دا نوع من التورية (علم البديع) ولا جلت مني ... وشكراً للمداخلة

ـــــــــــــــــــــ

ود البشرى افتقدناك ... الشوق حاصل وان شاء الله معاكم في العين نهاية الاسبوع لو مد الله في الآجال.

كسلا يا فنان :)

عبدالعزيز وعبدالله كسلا

ــــــــــــــــــ
ح تتعبي شديد الليلة يا وضاحة لو تابعتي البوست دا

الريس - معروف - الشفت (ضحكة مجلجلة)

ـــــــــــــــــــــــــــــ
يا جماعة الكوتة كم في اليوم عشان الواحد ما يسرح

ملمومين قدام النبى قولوا امين
وتحايا خاصة للعريس احمد شامى
ولخال فاطنة وحيدر والبركة بالشوفة



تحية وتقدير خاص جدا للاخ وليد المبارك واجازة سعيدة ولصاحب البوست مرفق التحية والاحترام

ما شاء الله تبارك الله (عشان ما تقولوا الشايقية عينها حارة ))

وجاهات جد والله يا بورداب الامارات وما في اي شخشخة

وتحية خاصة للوجيه الباشمهندس عاطف عمر

وشباب الخرطوم برضو ما في شخشخة


وضاحة بطلي حسادة هسه عليك الله عبد العزيز ده ما فيه شبه من توم كروز

ملمومين في الخير إن شاء الله يا جماعة

Quote: والله الناس ديل كانو طارينك بس خايفين منك وكان عارفينك بتقول كدا ما كان قالوا القالوه أوريك قالوا شنو ؟؟؟؟ وما بتزعل

فتو يا عمك

غايتو أجمل مكسب طلعنا بيه من تسجيلات بكري الزول دا


قالوا بكري أداهو ما قدر يدخل لمن زادو ليه الباسورد مترين حتى قدر يدخل

المهم بكري أدهو الباسورد وماشاف صورته كاملة كان بكري شافه كان قصاهو زي البوستات

Quote: وتحايا خاصة للعريس احمد شامى

نبارك ليك السمح أن شاء الله

حقيقه كانت لمه حلوه

الواحد سعيد أنو أتعرف علي بودراب الامارات والضيوف الكرام ( وليد الشفت + نيستا )

أيه الدنيا أيه غير لمة ناس في خير او ساعه حزن


____________

الواحد جاي شايل كاميرا بس لمن الشغله طلع في محترفين أحترم نفسو

شكرا للمبدعين عبدالله كسلا أمير عمر ناصر الامين

Quote: غايتو أجمل مكسب طلعنا بيه من تسجيلات بكري الزول دا قالوا بكري أداهو ما قدر يدخل لمن زادو ليه الباسورد مترين حتى قدر يدخل المهم بكري أدهو الباسورد وماشاف صورته كاملة كان بكري شافه كان قصاهو زي البوستات

عزو ما تجيب لينا الهوا معي بكري

الزعيم عبدالله كسلا

الواحد سعيد انه كان سبب في تجميع هولاء الرجال الافاضل واولائك النسوة الكريمات
لكن يبدو ان الانسان سيظل في كَبَد... يصارع نفسه ويتصارع مع ظروفه يقهرها احيانا وتقهره احايين اخر .. وهذا هو السبب الذي جعل بعض بورداب الامارات لا يلتقون ويتجمعون إلا وهم يستابقون كرما للاحتفاء بضيوفهم.. ثم ينصرفهم بعد الضيافة والواجب كُل الى مسعاه .. ارجو ان يتغير هذا الحال بتجمعات راتبه كما اقتُرح في هذا الحفل الصغير .!

البلد سمحة ... والناس سمحة ... والجو سمح ( مرتاح ) ... والامارات شالت الكاس ... ومحمود مات موته سمحة وشيعوه تشيع سمح .. بخته والله الحوت .. وعجبنا ليه ... ويستاهل حسن الخاتمه .... وعلاماتها ظاهرة فيه .. وفي الجنه ان شاء الله


نرجع للامارات وبوردابها الحلوين

( الناس على دين ملوكها )

هذه المقولة تنطبق على الجاليةالسودانية في الامارات ... فالناس على دين حكامها تتخلق باخلاقهم ... وافضل اهل الوطن العربي اخلاقا هم اهل الامارات ( هذه قناعتي )...
ولاني على قناعة بان السودانيين افاضل وكرماء واصحاب اخلاق حميده ... ان وجدوا مناخا مواتي خرج افضل ما عندهم .. وان وجدوا العكس كانوا اقل الناس عيوبا في ظل الظروف المشابهة الضاغطة التي تنهار تحت وطئتها و رزحها اخلاق الناس تماما ...

شكرا يا افاضل ويا كريمات فقد اخجلتمونا ...

Quote: شكرا يا افاضل ويا كريمات فقد اخجلتمونا ..

بل الشكر لكما يا وليد ... ولا أظنه كافياً لإيفائكما أنت و(نستا) حقكما من الثناء والتقدير ...

لقد أسعدنا وجودكما بيننا ... وسعدنا باللقاء ببورداب جدد .. أسامة علي ... وسيد أحمد شامي ..

كما سعدنا بالإلتقاء ببورداب لم نلتق بهم من قبل ... خال فاطمة .. وداليا حافظ ...

وقد إفتقدنا مجموعة من البورداب الذين كنَّا نمني النفس بلقياهم ...

ونطمع في قضاء يوم حافلٍ مع بورداب العين يوم الخميس القادم إن شاء الله ...

وحتى ذلك الحين ...

نواصل التوثيق بالصور للأمسية الرائعة التي قضيناها في معيتكما ...

Re: مرحب ببورداب الإمارت بالعين .. المبزرة الخضراء .. الخميس 24 يناير]

الحلاوي .. وأمير عمر

سعادة المستشار عبد الكريم أحمد الأمين (الماكيكي)

سعادة المستشار يحي عبد الكريم

جنابو الطيب عثمان يوسف

القرضابي .. إنصات بتركيز .. والريس عمر على حسن يؤكِّد

عبد العزيز ... وحموده

أسامة علي .. وعاطف عمر

عصام علي والتحلية

الريس عمر على حسن .. عبد العزيز .. معروف حمدين ... ووليد الشفت

معروف حمدين ... وليد الشفت

عبد العزيز حسين .. وليد الشفت

الدكتور الفنان أمير عمر .. والتوثيق الماخمج

إزيكم ياخ ..لمتكم شكلها حلوة كانت ..


نلقاكم المرات الجاية



وليد ونيستا نورتونا ..


أمير ..رسلت ليك الايميل أمبارح ..فرسل المعلوم بالله

نيستا

محمد الأمين عاطف عمر .. عبد الكريم أحمد الأمين .. خال فاطة .. جنابو الطيب .. وناصر أحمد الأمين بالخلف

محمد عبد الله (الزنجي) .. حموده

عصام .. حيدر .. محمد عاطف عمر

في الختام ... أحب أن أعتذر للمحتفى بهما ...

وللجميع عن خطأ في التاربخ المطبوع على الصور التي قمت بإلتقاطها ...

فقد تمَّ ضبطه على العام 2012 بدلاً عن العام 2013 ...

وهو خطأ يعتبر فادحاً للغاية عند التوثيق ... لكم جميعاً العتبى .. وأرجو العفو والسمَّاح ...

تحياتي للجميع .. وأمنياتي بعام جديد سعيد ...

وإلى اللقاء بمدينة العين يوم الخميس القادم إن شاء الله ...

الصورة دي ما عندها علاقة بي الاحتفال العملوه لينا بورداب الامارات

لكن انا عارف ود الصايم اول ما يجي حا يسال من الشيشة
وحا يقول الحفلة ضاربة

لذا وجب استباقه

اها شيشة وكمان جمبك عاطف مسخو
تاني شنو ؟

Quote: أمير ..رسلت ليك الايميل أمبارح ..فرسل المعلوم بالله

المعلوم جاهز يا معلم وح يصلك الليلة ان شاء الله

يا امير الزول دا



هو نفسوا الزول دا




!!!!!!!!!!!!

كل صورة أبلغ في التعبير ...وبورداب الإمارات نموذج المحبة والاحترام والتكافل ..ربنا يحفظهم لنا فحقيقة كل واحد منهم امة من الناس

بعد نهاية البرنامج كان عندنا برنامج تاني .... لا خيانات و لا حاجة كلمناكم كللكم ههههه
عصام - وليد - معتصم - مولانا عبدالكريم و المكان مقهي الفنانين الساعة 2 صباحا

ناصر بطل حركات المريخاب دي قول مشيتو وين والمشى معاكم منو ؟؟؟؟

قالوا مشيتو سن أن ساندز حسب رغبة وليد ودعوة خالد درق

مولانا خليتوه في قهوة الفانين وزغتو

Quote: مقهي الفنانين الساعة 2 صباحا

تخيل يا ناصر نحن وصلنا بيوتنا الساعة 2 مع زحمة المحتفلين بكاس الخليج
والطرق المزدحمة ، يعني زي ساعتين ونحن في السكة مع ان المشوار اقل من 10 دقائق

وليد ونستا شرفتونا
وشكرا عصام منظم الاحتفال
ليلة جميلة
واقتراح سعادة الريس باللقاء الشهري يجب ان يكون تحت النظر
طبعا نصر الدين وطارق الكوتش سجلوا غياب
حزنا على فقدان البرنس وخايفين من زنقة وليد المريخابي الشفت

لقطة الأمسية

الصورة دي .. ودي تحديداً من بين كل الصور ... بتوقف عندها كتير جداً كل ما أمر عليها ...

وبحس وأنا بعاين ليها بإحساس مريح وجميل ...

بحس بإنه ضحكة عبد العزيز ... وحموده ... صادقة ... ونقية بنقاء الدواخل ...

وبعتبرها ممكن تعبر عننا نحن بورداب الإمارات .. وممكن أقول "السودانيين" ... أجمل تعبير ...

"نحن كده .." ... ضحكة من الأعماااااق .. ومحبة صاااافية من جووه القلب .. ومحنَّة ..

يا كبير

Quote: لقطة الأمسية الصورة دي .. ودي تحديداً من بين كل الصور ... بتوقف عندها كتير جداً كل ما أمر عليها ... وبحس وأنا بعاين ليها بإحساس مريح وجميل ... بحس بإنه ضحكة عبد العزيز ... وحموده ... صادقة ... ونقية بنقاء الدواخل ... وبعتبرها ممكن تعبر عننا نحن بورداب الإمارات .. وممكن أقول "السودانيين" ... أجمل تعبير ... "نحن كده .." ... ضحكة من الأعماااااق .. ومحبة صاااافية من جووه القلب .. ومحنَّة ..

والله مافي أنقى منك انت

صحي حموده زول شرير وفجعان وكرشه كبيرة ونقاق ونقته كله دراب والمصيبة من أمبده كمان لكن زول يتحب

افتقدنا العزيز هيثم عبدالعزيز بشده

بـورداب الإمــارات الـكـرام ،
كـان ودي وجُــل شــوقـي الـحـضـور ،
والـتـزود مـن عِـطـركـم الـيـانـع الـبـلـيـل ،
لـكـني فـي الإعــداد للـســفـر ،
وظــروف الـتـرحـــال ،
وللـقـلـوب إلــفـة بــراقــة ،
بـوشــاج حــريـر الـود،




عزالدين عباس الفحل
ابوظبي

وضااااااااااااااحة سلااااااااااااااام

Quote: Quote: خال فاطمة دا كان البنات يحلفوا بعيونوا مالوا كبر كده وكرش

ههههههههههههههاااااااااااااااااي

تصدقي يا ........................... الكرش قبل العشاء ههههههههههههههههههههه


تصدقي من خطك الشين دا عرفتك لسع ما خليتي شتااااااااااارتك دي

واحد يفزعنا بفزع ههههههههه

ملييييييييييييييون تحية ليك ام التوينس الله يحفظهم ليك

Quote: ،،، إهـــداء خـــاص الي صــديـقـي ،،، ،،، عـبدالعـزيـز حـسـين عـبدالرحـيم ،،، عزالدين عباس الفحل ابوظبي

و انا ما بجيب صور الجداد
غايتو دا مقص عديييييل كده .... و هنا تحلو ال كاااااااااك

بـورداب الإمــارات الـكـرام ،
كـان ودي وجُــل شــوقـي الـحـضـور ،
والـتـزود مـن عِـطـركـم الـيـانـع الـبـلـيـل ،
لـكـني فـي الإعــداد للـســفـر ،
وظــروف الـتـرحـــال ،
وللـقـلـوب إلــفـة بــراقــة ،
بـوشــاج حــريـر الـود،




عزالدين عباس الفحل
ابوظبي

الاخ الفاضل ناصر احمد الامين

حياك الله

نـاصـر الراجل الـظـريف ،
عـبدالعـزيـز حـسـين عـبدالرحـيم ،
راجل فـردتـي ،
عليك الله في أظـرف مـن عِــزو ،

Quote: Quote: ،،، إهـــداء خـــاص الي صــديـقـي ،،، ،،، عـبدالعـزيـز حـسـين عـبدالرحـيم ،،، عزالدين عباس الفحل ابوظبي و انا ما بجيب صور الجداد غايتو دا مقص عديييييل كده .... و هنا تحلو ال كاااااااااك ناصر احمد الامين

عزالدين عباس الفحل
ابوظبي

Quote: ملييييييييييييييون تحية ليك ام التوينس الله يحفظهم ليك

هي بالله عندها توينز

كدي جيبي صورهم هنا ومعاهم ابوهم نشوف شناة الشارقوما والعندروت

جيبي صور بعاشيمك هنا نشوفك بتتفوجيي فوق شنو

http://www.sudaneseonline.com/uploadpic11/oct...3sudanSmallsudan.JPG

شبه ما عادي مش ؟.... ملمومين في الخير إن شاء الله .....

Quote: لـكـني فـي الإعــداد عــلـي ســفـر ، وظــروف الـتـرحـــال

** غــايتو ياود الفحل:-
## تفوقت على إبن بطوطه فى الأسفار والطيران ...
** لو كنت مسؤول فى مطار أبوظبى على طول :- ياعينتك طيار أو مُضيف جوى...

وين باقى الصور ياراجل يافنان

Quote: وين باقى الصور ياراجل يافنان

خالوا

لو فاهمة شى ان شاء الله اتقصى ههههه

يا قول محمد ود عبد الماجد الصائم

يا سلاااااام يا عزو

صورة حلوة كده يادوب بقيت تشبهنا

Quote: وتحية خاصة للوجيه الباشمهندس عاطف عمر

تسلمي عزيزتنا العزيزة سامية أم حسين

تشكري يا ذوق

Quote: وين باقي الصور ياراجل يافنان

معليش يا يحي وسيداحمد ... الجري والشغل زي ما عارفين وما كان معاي كمبيوتري
ــــــــــــــــــــــ

حيدر عثمان

عمر حسن (من متابعين البورد وصديق القرضابي)

إبراهيم محيسي

Quote: الشاب الوجيه .. معروف حمدين

التحية لكل بورداب الامارات الحلوين والتحية للمحتفى بهم الشفت وابوالنون ودائما متلمين في الافراح

ود حمدين ده بترفعوا من روحه المعنوية ولا شنو

كل الشكر لباشمهندس بكري أبوبكر لرفع البوست في صدر المنبر

Al Sunda - أسامة علي ووالده الكريم الذي شرفنا بالحضور

الطيب يوسف (جنابو) في مناقشة بعض الأمور والحضور ينصت

سيدأحمد شامي (حضور طاغي)

الصلعة بدأت الزحف يا خال فاطمة (الحق الضريرة)

الطيب يوسف (جنابو)

وليد وعصام (لا كلام على طعام)

(ساعدونا بالإسم يا شباب)

وليد في لحظة هدوء

يا الكوبي بالله شفت ليك شباب زي دا؟

يعني ده كلو حاصل وأنا ماشايفاه؟؟

ماشاء الله إحتفال جميل وراقي بإخوان أعزاء..سلم يا وليد ونستا..
مبسوطة الليلة شوفت كل الناس الماعندها صور في البروفايل وطبعا في المقدمة أخي الفاضل سعادة اللواء ...
والحاج أبو اسامة منور المكان ربنا يطول في عمره..
وشوفنا محمد عاطف عمر وآخر ثقة وجمال..

أنا جاية تجمعكم الجاي في العينالإسبوع الجاي بالله زول فيكم يغيب مافي..عايزة أشوفكم كلكم..
ويا ود البشري عليك الله ماتغيب..

تحياتي ومودتي لكم جميعا..
وشكرا علي البوست اللطيف يا دكتور أمير..كاميرا نظيفة...

يعني ده كلو حاصل وأنا ماشايفاه؟؟

ماشاء الله إحتفال جميل وراقي بإخوان أعزاء..سلم يا وليد ونستا..
مبسوطة الليلة شوفت كل الناس الماعندها صور في البروفايل وطبعا في المقدمة أخي الفاضل سعادة اللواء ...
والحاج أبو اسامة منور المكان ربنا يطول في عمره..
وشوفنا محمد عاطف عمر وآخر ثقة وجمال..

أنا جاية تجمعكم الجاي في العينالإسبوع الجاي بالله زول فيكم يغيب مافي..عايزة أشوفكم كلكم..
ويا ود البشري عليك الله ماتغيب..

تحياتي ومودتي لكم جميعا..
وشكرا علي البوست اللطيف يا دكتور أمير..كاميرا نظيفة...

يا له من صباح .. ويا له من يوم
ملكة (حبوبات) البورد المحبوبة في رحابنا

مبسوط جداً إني قدرت آخليك تشوفي ناس ما شفتيهم والسعادة الأكبر هي مرورك الذي يعطر أي مكان
ولو كان حضورك في العين حقيقي .. فهذه هي السعادة بعينها :)

أشكر لك لطيف كلامك وخليني أحكي ليك قصة طريفة (ما عندي بيها اي دخل انا) ذكرني ليها تعليقك دا

Quote: كاميرا نظيفة.

A group of Artists are invited for dinner by a famous chef. in greeting the photographer, the chef comments: "I love your photos, they are wonderful, you must have a very expensive camera". The photographer doesn't reply and walks into the dinning room. After dinner, the photographer approaches the chef and says: "dinner was sensational, very exquisite flavors, a true work of art, you must have a very sophisticated stove"

الاخ الفاضل عبدالكريم أحمد الامين

حياك الله


الأســفـار مُـتــعــة وإرهــاق ،
صــدق كـنـت حـريـص عـلـي الـحـضـور ،
وكـان يـسـعـدنـي مـقـابـلـتـك ،
يـا أخـوي عـبـدالكـريـم ،
قــالـوا ســألـت عــنـي ،
تــســلــم يــا مــلــك ،
مــع خــالـص الـود ،

Quote: Quote: لـكـني فـي الإعــداد عــلـي ســفـر ، وظــروف الـتـرحـــال ** غــايتو ياود الفحل:- ## تفوقت على إبن بطوطه فى الأسفار والطيران ... ** لو كنت مسؤول فى مطار أبوظبى على طول :- ياعينتك طيار أو مُضيف جوى... عبدالكريم أحمد الامين

عزالدين عباس الفحل
ابوظبي

سعادة المستشار عبد الكريم أحمد الأمين (الماكيكي)

عزالدين عباس الفحل
ابوظبي

ربنا يحفظكم ودايما ملمومين في الخير إن شاء الله!
شكرا يا أمير يا أميير!!

تشكر يا دكتور أمير فقد كفيت ووفيت بالصور والتي أبلغ من المكتوب ....وموعدنا في العين إن شاء الله ..

Quote: أنا جاية تجمعكم الجاي في العينالإسبوع الجاي بالله زول فيكم يغيب مافي..عايزة أشوفكم كلكم..

ياللسعاده... الملكة مني خوجلي شخصيا !!!! العين نورت والله

ود الصايم ... شكراً يا حبوب
اللمة الجاية انت معانا .. الفيزا عليك والصور علينا

يا سلام عليك أمير ..معتصم الرجل الشهم والله رجل مواقف ما طرقت بابه وإلا وجدته هاشاً باشاً..حمودة هذا أمة والله لن أوفيه حقه مهما كتبت ..ربنا يحفظهم جميعاً ...وبورداب الإمارات نعم الأخوة .

Quote: معتصم الرجل الشهم والله رجل مواقف ما طرقت بابه وإلا وجدته هاشاً باشاً..حمودة هذا أمة والله لن أوفيه حقه مهما كتبت

وأنت والله لا تقل عنهما قامة يا حلاوي .. حفظك الله وزادك من علمه وخلقه

Quote: وأنت والله لا تقل عنهما قامة يا حلاوأنت والله لا تقل عنهما قامة يا حلاوي .. حفظك الله وزادك من علمه وخلقهوي .. حفظك الله وزادك من علمه

تشكر يادكتور

Quote: افتقدنا العزيز هيثم عبدالعزيز بشده

ما تشوف فقد يا أبوي....... وعذراً للجميع لعدم الحضور...... يبدو إنها كانت لمة جميلة و فاتتني......
إتحركت من رأس الخيمة الســــ08:45 ــــــاعة ..... لما وصلت عجمان كانت الزحمة شديدة بسبب المسيرة إحتفالاً بفوز الإمارات......
لمن وصلت البيت كانت الســــ10:15 ــــــاعة.... بعداك قلت الجماعة بكونوا شتتو و العشــاء فاتني....
إن شــاءالله دايماً متلمين في محبة و سرور..... و العين موعدنا بإذن الله......

منى بالله انت هنا!! ما سمعنا والله
مرحب بيك ومنوّرة و في انتظارك في العين إن شاء الله

شكرا تاني وتالت بورداب الامارات

شكر خاص للاخوين امير وعصام

** ابو نون ..
** سلام ومساءك خير..

## الخميس معانا ولى مع الخيانه..

امير..... الامير
وناصر ......المنصور

وخنامه مسك.......


الصور الجماعية


لكم الود والمحبة والتهانى والشكر على المجهود

Quote: ما تشوف فقد يا أبوي....... وعذراً للجميع لعدم الحضور...... يبدو إنها كانت لمة جميلة و فاتتني...... إتحركت من رأس الخيمة الســــ08:45 ــــــاعة ..... لما وصلت عجمان كانت الزحمة شديدة بسبب المسيرة إحتفالاً بفوز الإمارات...... لمن وصلت البيت كانت الســــ10:15 ــــــاعة.... بعداك قلت الجماعة بكونوا شتتو و العشــاء فاتني.... إن شــاءالله دايماً متلمين في محبة و سرور..... و العين موعدنا بإذن الله......

يا لعزيز كل لحظة وكل مره بعاين بي ورى متخيل انك تجي داحل معاك العزيز الصغير ماشي راجل بي كرعينه

خذلتني بس عاوزنك وعازين نشوفك انت وهو ببتدقسوا في موسه الممبزرة تعال وعليك الله جيبه وكتر ليه من اغطية لسقط العزيز الغالي

جيبوا معاكم بشاكير زيادة

شكراً وليد ومعتصم ، ونلتقي بإذن الله في العين

تحياتي للجميع

تسلم دكتور أمير يا رائع علي هذا المجهود و التوثيق المصور الانيق و المحترف
و فعلا كانت ليلة جميلة و نحن في ضيافة وليد و معتصم
تحية للجميع

اهم واحد كان اخونا الاستاذ محمد الامين عاطف عمر ال ID بتاع ابوهو .. هذا الشاب المظلوم الذي يعيش اعزبا ويأكل من يد
طباخ اعزب .. وهو مع ذلك فوتو جينيك .. واكثر اناقة من الجميع .. ما شاء الله وعيني بارده ..

جميل التوثيق يا امير .. ولا تنسوا ان تكرروا التجمع ولو في غير ضيافة الصفوه وليد والعزيز معتصم .. وستجدونا بينكم انا
ومن يتطلعون لمصاحبة الشباب .. وهم عارفين انفسهم

وثق الله ترابطكم واسعدكم جميعا

عمر علي حسن

Quote: وثق الله ترابطكم واسعدكم جميعا عمر علي حسن

بوجودك بيننا دائما نسعد ايها الوالد العزيز
متعك الله بالصحة و العافية و دمت سندا و زخر لنا

Quote: وثق الله ترابطكم واسعدكم جميعا

ربنا يديك الصحه والعافيه

نتمني نشوف بكره أن شاء الله انت والفنان أمير

تحياتنا وحبنا سعادة اللواء

Quote: اهم واحد كان اخونا الاستاذ محمد الامين عاطف عمر ال ID بتاع ابوهو .. هذا الشاب المظلوم الذي يعيش اعزبا ويأكل من يد طباخ اعزب .. وهو مع ذلك فوتو جينيك .. واكثر اناقة من الجميع .. ما شاء الله وعيني بارده ..

بل والطباخ الذي يأكل من يديه طباخ غير ماهر ... أو هو ( طباخ حيرة ) ..
تماماً مثل ( فنان الحيرة ) الذي يؤتى به بعد أن يتخلف الفنان الأصلي الذي يتفق معه أهل العرس
وفي ألطف ما عايشنا من أمر فنان الحيرة أن إتفق أهل عرس في رفاعة مع فنان شهير لإحياء حفل كريمتهم وذاع الخبر في المدينة وقبل الحفل بسويعات جاءهم من يخبرهم أن الفنان الشهير لن يأتي ...
تحرك أهل الزواج سريعاً وأتوا بأحد ( فناني الحيرة )
بدأ الحفل والفنان ( يتنحنح ) لبدء أول أغنياته صعد شقيق العروس الذي كان مكلفاً بإجراءات الحفل وتعاقداتها صعد للمسرح وأخذ المايكرفون من الفنان وخاطب الحاضرين ورحب بهم ثم رمى بـ ( درابة ) من الحجم العائلي

" زى ماإنتو عارفين نحن سعينا نجيب ليكم فنان راقي يليق بكم ، لكن ما باليد حيلة ، أخونا ( ... ) دا - وأشار للفنان - ح يغني ليكم البيقدر عليهو "

أما عن صديقنا محمد الأمين فقد سألته ذات يوم والدته ( مشمشرة )
" طبيخ بابا كيف ؟؟ "
فرد عليها بدبلوماسية أو بـ ( تكيف مع الواقع )

" هو غايتو طبيخو صحي.. ما بكتر الزيت وما بكتر الملح "

Quote: " هو غايتو طبيخو صحي.. ما بكتر الزيت وما بكتر الملح "

يعني ما ياكل كمان ؟ .. مين خاف سلم ..
الله يجبر خاطره

عمر علي حسن