آي هاد آ دريم برضو لكن وماذا نفعل مع [هواء الدباغة]، وبقية الاهواء الذاتية!؟
"اذا دخلت الايديولوجيا من الشباك (اقرا هواء الدباغة) او اي هوى، خرجت الاحلام من الباب" رواية قيقاراوي عن CD عادل البدوي .. بتصرف
Post: #6 Title: Re: الاحساس نعمة .. يا كاروشة!! Author: اسامة عثمان السيد Date: 01-17-2013, 09:38 AM Parent: #1
ياقيقا بايت جهجهتو باكاتنا ياخ نحن اوشكنا علي الاتساق بهناك تجي تفتح كباري بهنا ؟؟؟؟ رفقا بالباندوث الرد افضل ان يكون في عقر داره لحدي ما نشوف الحكاية دي ماشىة علي ويين ؟؟؟ عنهم مجموعة الطيور
Post: #9 Title: Re: الاحساس نعمة .. يا كاروشة!! Author: قيقراوي Date: 01-17-2013, 10:29 AM Parent: #6
Post: #10 Title: Re: الاحساس نعمة .. يا كاروشة!! Author: طارق جبريل Date: 01-17-2013, 10:31 AM Parent: #9
حمادة صحبي اترشا شكله
Post: #11 Title: Re: الاحساس نعمة .. يا كاروشة!! Author: وضاحة Date: 01-17-2013, 10:36 AM Parent: #10
وين يا ولد يا جميل
مشتاقيين يا شقيق
Post: #12 Title: Re: الاحساس نعمة .. يا كاروشة!! Author: عبدالعزيز حسين عبدالرحيم Date: 01-17-2013, 10:46 AM Parent: #11
وضاحة الدايشه
Quote: مشتاقيين يا شقيق
التشق راسك بي طوبه .....
أزيك يا نديد الله يرحم محمود والبركة فينا وفيكم وفي جميع عموم الشعب ومحبيه
Post: #13 Title: Re: الاحساس نعمة .. يا كاروشة!! Author: وضاحة Date: 01-17-2013, 10:51 AM Parent: #12
Quote: وضاحة الدايشه
وين يا جنو
Quote: التشق راسك بي طوبه .....
بالله دى عالم دى انتوا بجيبوكم من وين
يا الله انت بلدى خالص خالص
نصحتك قبل كده قلت ليك شوف ليك طريقة علاج يا جماعة ايه السالفة واحد عندوا جنون العظمة و واحد اقرسيف
عين العدو الواقعة فى دار جعل
Post: #14 Title: Re: الاحساس نعمة .. يا كاروشة!! Author: عصام علي أحمد Date: 01-17-2013, 10:54 AM Parent: #12
قيقا ياحبيب
عند واحد من اتنين
يا تتسق يا تتسق
رابطة معجبي ودالصايم
Post: #15 Title: Re: الاحساس نعمة .. يا كاروشة!! Author: محمد قرشي عباس Date: 01-17-2013, 11:52 AM Parent: #14
مشتاقين يا قيقا
و بصراحة من الصعب عدم مشاغلتك في موضوعكم الأخضر الحالي
تصدق بقيت حاني عليك !! محسن الخضر محمود
كترت عليك الهموم إتغطى و نوم بس !!!
Post: #21 Title: Re: الاحساس نعمة .. يا كاروشة!! Author: قيقراوي Date: 01-18-2013, 11:44 AM Parent: #15
قرشينا الاول
Quote:
محسن الخضر محمود
لوووب
كدا اديت النجيضة لسيدي البدوي .. يا بدوي:
صاحبك -وما صاحبكم بمجنون- طلع [المهدي المُفتشل] الخضر -قبل ما تكتمل نضرتم - بقوا اتنين .. وفي قناعتي الخاصة اللون ما بقبل القسمة على اتنين، ويظل هو نفس اللون. الحوت مات .. وشال معاه الغنا السمح
والحمد لله المتفرد بالثناء على المكاره .. على كل حالٍ ولا حول ولا قوة الا بالله
--------
رجعتا يا قرشينا؟ طمنا على الوالدة .. واغفر لنا تقصيرنا
ومسكين الشوق لو شوقك تراهن؟
Post: #18 Title: Re: الاحساس نعمة .. يا كاروشة!! Author: قيقراوي Date: 01-18-2013, 00:18 AM Parent: #14
------------
Quote: أزيك يا نديد الله يرحم محمود والبركة فينا وفيكم وفي جميع عموم الشعب ومحبيه
ورحل صوت المغني حزين يا عزو
لا حول ولا قوة الا بالله العلي العظيم ولا نقول الا ما يرضي ربنا!
Post: #20 Title: Re: الاحساس نعمة .. يا كاروشة!! Author: قيقراوي Date: 01-18-2013, 09:52 AM Parent: #14
Quote: عندك واحد من اتنين
يا تتسق يا تتسق
اختار الفي النص دي طيب
----------
افزعوا كاتبكم المفضل يا عصام الزول دا حساس شديد (حسب نظريتنا، بما انو يتمتع بشعور طيب جداً)، ، بكون لابد ليو في ركن قصي ويجعر على محمود ياخي اذا كان انا النصف اصلع دا محبط جداً جدن .... حتى آدم همسلف!!
Post: #19 Title: Re: الاحساس نعمة .. يا كاروشة!! Author: Yassir Tayfour Date: 01-18-2013, 09:32 AM Parent: #16
يا محمد قرشي قيقا رئيسو طلع طبارك ؛) ___
Post: #22 Title: Re: الاحساس نعمة .. يا كاروشة!! Author: محمد حيدر المشرف Date: 01-18-2013, 01:16 PM Parent: #19
Quote: قيقا رئيسو طلع طبارك ؛)
عجبنى لى تبارك يا ياسر .. يستاهل والله ..
... أتمنى على أخونا ودالصائم - كعادته - الترفع عن هكذا مشاحنات ..
Post: #26 Title: Re: الاحساس نعمة .. يا كاروشة!! Author: قيقراوي Date: 01-19-2013, 10:40 AM Parent: #22
شرفت يا مشرف
Quote: عجبنى لى تبارك يا ياسر .. يستاهل والله ..
لووووب
تعرف امس كانت انتخاب لجنة تنفيذية لملتقى السودان الاجتماعي بجدة.. كانت فرصة جيدة للتأمل في فهمنا لـ[الديموقراطية بت الكـــلب] دي
هل الديموقراطية محض وسيلة ام غاية في ذاتها؟ هل (التنظيم) يخلق الانسان .. ام مجموع الناس هي الخالق؟
قال سيدي محي الدين ابن عربي ما معناه*:
اجهلت قدرك يا انسان!؟ ابسط فأنت حقيقةً .. ودونك الاكوان!
او نحو ذلك
ليه نحن بنخلق ارباب** بي يدينا ونقعد نقدس فيها؟
------
* خشيت ان اكون نقلت (فهمي) لا قوله (هو).
** لو كانت محض (أصنام) لكان اهون .. كتبت العزيزة (لانا):
صمت الاصنام، رحيم .. ثرثرة الرب، مربكة!!
عوداً على بدء كان ثمة اقتراح بترشيح لستتين من قبل اللجنة المنتهية الشرعية نفسها -ديموقراطية مركزية لا اخطئ غرتها اللينينية ابداً- تبحث عن (توافق) ما .. لكني كنت اؤيدها لسبب بسييييط، انو الشغلة اجتماعية في الآخر، واللجنة السابقة استحقت الاشادة والتقدير من كل الحضورإلا (ثلاث!)*** .. والسبب الاهم -كنقد ذاتي- اننا القاعدة (ممكن تقرأ القواعد ولا حرج او تثريب عليك) خجلانين من مساهماتنا .. مالية وتنظيمية، وفضل اللجنة علينا كبيييير .. ولن نجزي حسن ما عملوا .. ابداً فجاتن كدا ينط ليك واحد: لا لا دي ما ديموقراطية!! الديموقراطية .. قراطية .. راطية .. اطية .. طية .. ية .. ـة!!!
بعد ساعتين، وربما يزيد من المناسك الديموقراطية المقدسة (ترشيح، تصويت، طرد برة القاعة للمقترعين نسوان ورجال وأطفال في البرد دا، وفرز اضطروا فيو للاستعانة بقوات دماء حارة (سارة معاوية عبيد، محمد هشام شيخ الدين، تقوى -ياربي!- كمال حداد) .. وصلنا لنفس اللستة .. تقريباً!
بالمناسبة السعيدة دي، يشرفني .. بل ويسعدني انو أعلن ليكم انو (الطيش) في اللجنة المنتخبة**** طلع الفنان التشكيلي عضو البورد حبيبنا مأمون أحمد
*** الشمار كتلني، اقترحت انو يدوهم فرصة، نسمع وجهة نظرم .. لكن تم قهري -ديموقراطياً- بانو الموضوع دا كان قبيل .. انتهى النقاش في الجند دا .. عندك اقتراحات؟ ودا ما اقتراح (ديموقراطي) اسي .. عشان اللجنة الجديدة تستفيد من جوانب القصور ياخي!؟
**** رجاء تفضل بمراجعة المداخلة دي .. صراحة ود ابنادم دا يحير الهداي .. الشغلة دي شكلها قيقايديولوجيا عديييل كدا:
Post: #24 Title: Re: الاحساس نعمة .. يا كاروشة!! Author: قيقراوي Date: 01-19-2013, 09:38 AM Parent: #19
Quote: يا محمد قرشي قيقا رئيسو طلع طبارك ؛)
___
ابتفة تعرف طبارك الذي بيده الفرشة دا متوفرة فيو مواصفات قيادية نادرة جداص في الزمن العلينا دا .. الصدق، مع النفس ومع الآخرين، يا ياسر قيمة معدومة في مشهدنا السياسي الملتوث دا
واداؤه حالياً -في الازمة الراهنة دي- يقيم عالياً جداً في تقديري الشخصي، درجاتو -ادارياً- اعلى من سابقيه (لو الشغلة فيها اسكور بلنصد كارد)
----
مع ذلك وبرغمه .. دا ما بمنع انكم تردموهو وانا دا ذاتي
المافي شنو هو!؟
Post: #25 Title: Re: الاحساس نعمة .. يا كاروشة!! Author: محمد عبد الماجد الصايم Date: 01-19-2013, 10:30 AM Parent: #24
والله يا قيقا .. شكرا ياخ! أخرجتنا قليلا من حالة الإحباط اللامتناهي!! رحم الله محمود وأسكنه فسيح الجنان!!
Post: #27 Title: Re: الاحساس نعمة .. يا كاروشة!! Author: أمير محمد ادريس Date: 01-19-2013, 11:04 AM Parent: #25
تحياتي قيقا ولو ان حماده يظل جارنا ولكنني معاك قلبا وغالبا.....
وستظل كاتبي المفضل الى يوم يبعثون ياخي
Post: #29 Title: Re: الاحساس نعمة .. يا كاروشة!! Author: محمد عبد الماجد الصايم Date: 01-19-2013, 11:11 AM Parent: #27
جارنا وين يا زول هوي!! ثم .. ألايكـ ليكـ بهناكـ وترشني بي جاي!! عليكم الله دي جيرة شنو!!
Post: #31 Title: Re: الاحساس نعمة .. يا كاروشة!! Author: قيقراوي Date: 01-19-2013, 11:53 AM Parent: #27
Quote: تحياتي قيقا ولو ان حماده يظل جارنا ولكنني معاك قلبا وغالبا.....
وستظل كاتبي المفضل الى يوم يبعثون ياخي
والله يا برلوم (الذي هو بلا جار .. ومجرور) - ومع انو مداخلتك دي في اطار العادي بتاعي- لكن كمان ما تكمل علين االباندويث ياخي، انت قايل بكري دا بلقاهو واقع هو ول كيف؟ انت المداخلة مش امس حشرتا في الصفحة الاولى؟ انت قايلنا جايين هنا ساكين لي كيس ول كيف؟
بعدين انا القراية الملح دي ما بتخارج معاي .. ولا راسمال ذاتو! اقلو -كان مافي كاش- ياخي طالب لينا بكري بي مكتبة .. عشان الاجيال القادمة ؤ كدا المافي شنو؟
------
محمد عبد الماجد النايم
جاري وانا جارو بتعذب بي نااااارو
اللخ اللخ
البركة فيكم ياخي
رايك شنو نغير العنوان لي :الاحساس نغمة .. يا كاروشة!!
الناس الجلدها تخين (اقرأ انتي شعور) في نعيم اسي دي
ول كيف؟
Post: #28 Title: Re: الاحساس نعمة .. يا كاروشة!! Author: قاسم المهداوى Date: 01-19-2013, 11:05 AM Parent: #25
قيقا راوى سلامات كــــــيف هى الاحوال تبدو
خارج النص حابب اسلم و دفرة للبوست
Post: #30 Title: Re: الاحساس نعمة .. يا كاروشة!! Author: Kabar Date: 01-19-2013, 11:24 AM Parent: #28
صعب تسيل الدمعة فينا يا قيقا.. لأنو ناس كتير ح تضيع...! تحية لمحود..و هو لم يذهب و لن يذهب.. اما بعد.. سيبك من الديموقراطية.. منو الخالق و منو المخلوق.. لأنو لو سكيتها ح ينتهي بيك المقام في مفترقات ما انزل الله بها من سلطان.. اما فيما يخص ود الصائم... لأنو الموضوع في بدايتو كان فيهو شعر..
اما ما تبقى من هموم...فنقول:
ستر الله علينا ، و على القطة بالذيل...!!!!
كبر
Post: #32 Title: Re: الاحساس نعمة .. يا كاروشة!! Author: أمير محمد ادريس Date: 01-19-2013, 12:17 PM Parent: #30
أسفين يا قيقا
Post: #33 Title: Re: الاحساس نعمة .. يا كاروشة!! Author: محمد عبد الماجد الصايم Date: 01-19-2013, 12:24 PM Parent: #32
أمير اتضايق!!
Post: #34 Title: Re: الاحساس نعمة .. يا كاروشة!! Author: أمير محمد ادريس Date: 01-19-2013, 12:27 PM Parent: #33
Quote: لأنو لو سكيتها ح ينتهي بيك المقام في مفترقات ما انزل الله بها من سلطان..
قال الله كونوا ، ثم كنَّا هل تحققنا تماماً من وجود الذات في أرواحنا! ضوء التكون وانطلاق الكائنات؟ نحن نخرج عن غناء العزلة الكبرى لنكتب عن غناء العزلة الكبرى ولكنا نصاب بضربة الحزن أوان خروجنا من داخل الصمتِ وفى جوف السؤال.
الصادق الرضي .. غناء العزلة ضد العزلة
-------
* حقوق النحت محفوظة للاستاذة رقية وراق .. استخدمتا ضد د. بشرى الفاضل
ياخي بالمناسبة دي (ول هو دا ما بوست الاعترافات!؟) .. برضو خلينا نعترف المافي شنو؟
اول ما جيت المنبر دا، كنت بتهيب بوستاتك لمن القاك شابك ليك كل المتداخلين بي يا صديق .. براي الجم ليك كيبوردي الامار بالورجغة دا، يا زول الناس ديل كلهم اصحاب في بعيهم، البحشرك شنو في نصهم ..
اها لمن يوم شرحت لينا ارسطوطاليسيتك .. لمن وقع لي الكلام .. ؤ صراحة وقع لي في جرح عديل كدا ..
Quote:
Aristotle believes that friendship is the best and most important virtue a person can have. Friendship is used by everyone; it is necessary for every day life. For Aristotle, justice is a key point to friendship; without justice there is no true friendship. There are three types of friendships that Aristotle defines: utility, pleasure and virtue. Friendship is important for every day living and living the ethical life; we use different types of friendships in various places or situations such as school, work, home, church and different activities. Without friendship we would have nothing to rely on, no one to help us, no one to believe in us, and no one to comfort us. Aristotle believes that friendship is also necessary for our country and state.
Friendship enables government officials to work together to keep our nation strong and powerful. With justice comes happiness and when the cities are happy they will reach their highest potential. Without friendship and justice the cities will suffer because there is no compromise.
Aristotle considers that friends do not need justice to be friends, but people who are just do need friends. With that in mind justice is the most important virtue that a friendship needs
Quote: لقد أطلق الزعيم الأمريكي الناشط من أجل الحقوق المدنية، مارتن لوثر كنج جونيور، صيحته “I Have a Dream” بتاريخ الثامن والعشرين من أغسطس في العام 1963 مؤكِّداً أنّه "على الرغم مما نواجه من صعاب اليوم وغد، إلا إنّه ما زال لديّ حلم وهو حلم راسخ في عمق الحلم الأمريكي". لقد عدّد مارتن لوثر كنج عناصر حلمه فيما آمل أنّني وفّقت إلى ترجمته وتلخيصه في:
1. أنّ الأمة الأمريكية ستنهض بالمعنى الحقيقي لإيمانها بالمساواة. 2. أنّ أبناء المسترَقّين ستجمعهم طاولة واحدة مع أبناء المسترِقّين. 3. أنّ المناطق التي تفور بنيران الظلم والاضطهاد ستصبح واحات للحريّة والعدل. 4. أنّ السود سيعيشون يوماً في أمّة لا تقيّمهم بلون بشرتهم وإنّما بمقدراتهم. 5. أنّ الأطفال السود والأطفال البيض بمعاقل العنصرية سيجتمعون يداً بيد على مشاعر الأخوّة. 6. أنّ كل ما هو معتاد سينقلب إلى غير ذلك.
رأينا كيف أربَك حلم مارتن لوثر كنج (في صورته المحمولة بـ"الآيديولوجيا") صاحبه لدرجة الكابوس فهو قد أعلن عنه في خطبة في عام 1963 ثم أعلن إنّه يراه يتبدّد في خطبة في عام 1965 ثم استرجع ليطلق صيحة الحلم مرّة أخرى في نفس الخطبة.
لكنّ مارتن لوثر كنج لم يستسلم لا للحالة الشيزوفرينية لأمريكا عصره (كونها "منقسمة على نفسها بين الفخر بمبادئ الديموقراطية التي أبدعتها وبين الأسى الكامن في ممارسة ما هو عكس هذه المبادئ") ولا لفكرة أنّه وجميع الزنوج بالولايات المتحدة قد انطبقت عليهم عبارة مدير مدرسةٍ بالهند قدّم كنج لتلاميذه قائلاً "أيّها الشباب، أقدِّم لكم منبوذاً مثلنا من الولايات المتّحدة الأمريكية" كما لم يستسلم لتحديات الحلم الأمريكي، بل أي حلم، المتمثّلة في أن "التاريخ قصة طويلة عن حقيقة مفادها أنّ أصحاب الامتيازات نادراً ما يتخلّون عن امتيازاتهم بأخوي وأخوك". لا، ولا هو استسلم لفكرة أنّه رأى حلمه يتبدّد إزاء مشاهدته، بأم عينيه، لحالات العنف والفقر والبطالة وإنّما حدّد السبيل إلى تحقيق الحلم على أي حال ثم رسم خارطة طريقٍ لِـما يمكن أن أُسميه "الحلم الأمريكي الواقعي" بل "الحلم الواقعي" لأيٍ كان في أمريكا، في واغ الواغ أو في السودان.
شفت في True Hollywood Story** ايدي ميرفي قال بفخر واعتزاز يليقين: "انو مبسوط حالة كونو African-American في التسعينات، وهو يرى النجاحات الكبيرة الحققوها.. خصوصاً في مجال الاستعراض/ الترفيه .. وعدد دينزل واشنطن، هالي بيري ... اللخ اللخ"
لم يتبدد الحلم يا بدوي .. لم يتبدد
مدد يا سيدي البدوي .. مدد افتح الكتاب .. وادينا الخيرة "طريقكم اخدر" وبنديك (البياض) .. ونساعدا بي جكة المافي شنو هو!؟
-----
* هو نفس البوست لاستاذنا عادل البدوي (صلاة الشوق إليه وسلام) .. بما يستدعي بكري -قدس الله سره في اعادة التفكير في تعديل العنوان الرئيس (!) بل ومنع العناوين الفرعية لكل مداخلة.
** is an American documentary series on E! that deals with famous Hollywood celebrities, movies, TV shows and well-known public figures.
