لن ينبزغ الفجر الجديد في السودان الا على اشلائنا .....

والله الذي لا اله الا هو لن ( ينبزغ ) بما يسمى الفجر الجديد

الا ونحن اموات

لا مكان للعلمانية وللعلمانيين في السودان مهما كلف الامر

الآن الحكومة توجه الدعوة للاحزاب السياسية المسجلة بغرض المشاركة في وضع

دستور دئام البلاد الذي لن يكون علمانيا باي حال من الاحوال باذن الله تعالى

انتهى .....

خلاص دايرين تنتهوا من الاسلام في السودان ؟؟؟

هيهات

ليذهب الحكم ايا كان ولياتي من يات ...

ولكن تبقى شريعة السماء عالية خفاقة في سماء السودان

باذن الله

>

باوقة المتألق .........

Quote: لن ينبزغ الفجر الجديد في السودان الا على اشلائنا .....

طيب وين لبسنا الكاكي
ذكرتني الزول بتاع لبسنا الكاكي وبرضوا زيك قاعد في السعودية ......... أها أشلاؤنا دي كيف بالمراسلة
ولا (( نحنه ساعة الجد نقوم نملاءها ساحات الفداء)) ..... هععععع أبقي مارق ناس الفجر الجديد في الميدان
ما ضاربين المشطشط في الرياض


باوقة ما تنسي تدعو ليهم ربنا ينصرهم على من ظلمهم .......... وظلمنا بس الفرق بينا وبينهم هم بحاولوا ونحنه بنظّر


تحياتي

اصبحنا واصبح الملك لله
ربنا يعدل صنقعوك

اقول قولى هذا وانا فى طريقى لزيارة الرسول صلى الله وعليه وسلم


اختشى نيابة عن المواطن دينق

الطريق إلى شمال كردفان للزائر مليء بالأحزان والتساؤلات، مناطق ومدن تعيش ما قبل التاريخ الحديث تفتقر تماماً للبنى التحتية الأساسية من ماء وصحة وتعليم وكهرباء، رغم ما قدر لها من نعم الزراعة والرعي والمساحات الشاسعة، بل وأهم محصول نقدي يضع كل العالم عينه عليه حتى الأعداء ذاك هو الصمغ العربي.

رأينا أطفالاً في المراحل الأولى من الأساس يهاجرون مشياً على الأقدام من قرية إلى أخرى كي يتعلموا وآخرين هجروا حجرات الدراسة بحثاً عن الماء والعمل.. أما المراكز الصحية قرى بأكملها لا يوجد بها مركز صحي، بينما يبعث مستشفى النهود للزائر معاناة تتحدث عن نفسها.

أخذت كاميرتي التقط صوراً لطفلين يرحلان ماء على كارو بعد معاناة واصطفاف لساعات طوال، علق عليّ أحدهم قائلاً «ها الما عندكم شغلة ديل»، علمت من عبارته حجم ما يحمله من مسؤوليات على عاتقه سلبته طفولته لحظة أكبر من ابتسامة بريئة أمام الكاميرا، أما هناك في حجرات الدراسة في قريتي تلِّب والجمل حيث الألم يمشي على أرجل، يجلس طلاب الصف الأول والثاني أساس تحت «الرواكيب» التي «شلعتها» عوامل الطقس القاسية وتناثرت عيدانها وأصبحت شبه عارية لا تقيهم هجير الشمس ولا البرد القارس في تلك البقاع، وبكل التأكيد الجلوس أرضاً دون وجود تختة يكتب عليها المعلم الدرس، أما خزان المياه أصبح مقر نفايات بعد هروبها عنه، والطلاب أجسادهم غبشها الشتاء يحملون أدوات الدراسة على أكياس لعلهم لا يعلمون شيئاً عن الحقيبة المدرسية، وأحذيتهم بالية تماماً تحدث عن فقر ما بعده فقر.

أطفال قرية الجريريبة لا يملكون حتى مدرسة أساس، فمن مرحلة الأساس يهاجرون في رحلة يومية لمدة ساعتين ذهاباً وأخرى إياباً إلى قرى مجاورة لتحصيل العلم في مثل هذه الأيام التي تحدث عن نفسها من فصل الشتاء، يخرجون في ساعات مبكرة تمكنهم من الوصول في زمن الدراسة.. أتت نحونا امرأة تحمل ابنها الذي أصيب بشلل الأطفال على كتفها وربما هناك أمراض أخرى يحملها، إذ أنه يبكي من الألم طلبت المساعدة، إذ أن القرية ليس بها مركز صحي حتى تعرض ابنها على طبيب ولا تملك مصاريف السفر والعلاج في النهود التي تبعد عنها ساعات قلائل.

سألت أحد أبناء تلك القرى عن إذا ما كانت لديهم نوايا بدخول الكهرباء وسفلتة طرق لقراهم، ضحك ورد مندهشاً نحن في حاجة إلى ماء يروينا ويروي أنعامنا، أما الكهرباء هذه ليست في خيالنا ولا ضمن أحلامنا.. حينها أيقنت أن ليست الوعورة في الطريق، إنما في الزمن الذي يستغرقه حتى يعبر، وبكل تأكيد لا أقصد طريق الأسفلت وإنما طريق الحياة الكريمة لإنسان تلك المناطق.

قالوا لي إن الماء قد أرهق إمكاناتهم بل دمرها، مضيفين في نبرة أسى حقنا يستمتع به الآخرون في مدن وقرى لا تشبهنا، شاكين من عدم وجود عدالة في توزيع التنمية بالبلاد.

طالبنا أهل المسيرية بمنطقة كدّام بمحلية السنط أن نوصل صوتهم للحكومة بالتحرك نحوهم وإيجاد حلول لمشكلة المياه بعد أن تضرروا ضرراً بالغاً من غيابها سيما بعد أن جفت الآبار القصيرة التي كانوا يشربون منها هم وأنعامهم رغم عدم صلاحيتها للشرب، ذاكرين أن لديهم مدرسة أساس واحدة مختلطة بنين وبنات أما مرضاهم فيذهبون لتلقي العلاج في الفولة أو النهود أو أبو زبد الذي يستقبل مرضى كل القرى والمحليات بالمنطقة.

أما في مستشفى النهود فإن المرضى يفترشون الأرض في فناء المستشفى هرباً من العنابر غير المهيئة وذات الروائح النتنة، حيث أخبرتنا إحدى العاملات بالمستشفى أنه لا توجد به غرفة انعاش والمريض ينقل من غرفة العمليات إلى العنبر في وقت لم توارَ سوءاته ولم يفق بعد من التخدير، أما عنبر الباطنية- رجال السرائر بلا مراتب يرقد المريض على البلاستيك والحديد أو من لم يحتمل يرقد أرضاً.. المراحيض منهارة البنايات مما يجعل المرضى والمرافقين يقضون حاجتهم خارجها ولكن بكل تأكيد داخل المستشفى.

أخبرتنا العاملة أيضاً أن الأطباء مجتهدون في حدود إمكاناتهم، أما الممرضون والممرضات يعملون تحت اسوأ الظروف.

هذا ما استطعت أن أنقله إلى الخارج لكن للذي شاهد بالعين المأساة تنتقل إلى القلب حيث لا يستطيع اليراع أن يجسد حجم معاناة الإنسان هناك.

اخر لحظة

الإنقاذي الإنتهازي عمر ود الباوقة.

أنت لو كنت بتضحي كان ضحيت من أجل حزبك الذي هربت منه وتركت قادته يموتون فطائس(صدام حسين نموذجا)

علشان كده "أشلائنا) دي تمشي تقولها لي زول ما بعرفك.

أختــــــشــي يا باوقة أخـــــــتـــشي.

العمدة
والله بكيتنا
الله يبعد عنهم البلوى

والفجر جايى

العمدة
والله بكيتنا
الله يبعد عنهم البلوى

والفجر جايى

تحية طيبة
العزيز ود الباوقة اسعد الله صباحك
الامر ليس أن يكون هولاء اموات او اولئك شهداء ....
الامر ضياع وطن ضياع شعب
النظام الحالي واعلم انك من المدافعين عنه بشدة فشل طيلة العقدين الماضيين في إدارة الدولة وعليه أن يذهب اليوم قبل الغد
لان وجوده حجر عثرة امام تقدم الدولة السودانية
لن يطول الصمت ولا احد يعرف مالات الاحداث مستقبلاً
تقبل احترامي (برلوم جديد)





تعريجة
اللهم انصر الفجر الجديد باحد العمرين

سسسسسسسسسسسسلام

اها اخوي ود الباوقة رايك شنو اخوي صبرنا واخدو فرصتم

وقسمو البلد لفقشتين والباقي ما معروف مشكلتنا مامشكة دين
المشكلة وصلت الحلقوم اخوي نبطل التنكعة
الزول فينا فاقد كل شى ماء مسكن ماكل مشرب تعليم صحة امن
عييييييييييييييييييك حرم احسب لي باكر
الموية بدغلوبة بقت مافيشة السكن عمارات فوق ناكل شنو عاريف كيلة
العيش بكم ولا احسن ناكل همبرغر خلاص pizz hut
العلاج حرم الناس تموت ساكت مالو كان ميرود ولازرقة00يعني اسهال حرم كان جاءيهودي نحنا مهاهو كفاية ذل كفاية مرض كفاية محسوبية كفاية

يا باوقة سلام
ما عندنا مشكلة زي ما قلت في من يحكم ولكن مشكلتنا مع الشريعة
طيب يا حبيب كلم الجماعة ديل يلتزموا بيها ياااااااخ !!

انا غايتو حاجز لي شلية ناصية

Quote: والله الذي لا اله الا هو لن ( ينبزغ ) بما يسمى الفجر الجديد الا ونحن اموات

كضب السواد........

Quote: ( ينبزغ )

تبزّغ فوق سدرك بلآ تابلِت،
يا بركة من جعل محمد نبي...

Quote: خلاص دايرين تنتهوا من الاسلام في السودان ؟؟؟

ها زول انت سويت ليك كعبة هناك واحنا ما عارفين
ود الباوقة ما إغشك المجسم العملوهو للحج داك كان لزوم النصب
غايتو اسلام كافوري الدايرين تمسكونا بيهو
اسلامكم يا الحبيب من شدة ما سرقتونا بيهو يعلم الله اكلتونا في ساعة زمن عدييييييييييل لما غيرتو التوقيت بتاع السودان مع السعودية باقي ليكم سرقة الهواء باسم الاسلام

ودالباوقة

عن أي إسلام تتحدث وتقاتل ياعمر يااخوي

حقيقي ورغم انني برلوم هنا اقولها لك بصدق وفكر فيها (إختشي)

اذن
فليكن علي اشلاءكم ...

Quote: ولكن تبقى شريعة السماء عالية خفاقة في سماء السودان باذن الله

ود الباوقة سلام

إنت الشريعة دى طبقوها متين أنا غايتو لا سمعت لا جابو لى خبرها والبشير صرح فى القضارف

بعد إنفصال الجنوب 2010 إنه إنتهى عهد الدغمسة وبشر الناس بتطبيق الشريعة لكن لم نر ذلك

على أرض الواقع فهل تم تطبيقها سرا يا ترى ؟

Quote: والله الذي لا اله الا هو لن ( ينبزغ ) بما يسمى الفجر الجديد الا ونحن اموات

إذا :

جهز كفنك ,وليكن سميكا حتي يحجب عن الناس عفن مناصرتك لسلطة الفساد طيلة هذه السنوات . وعلي ذكر سيرة الموت دي ,فقد مات "مشروعكم الحضاري" منذ زمن وبرضو "مشلعا" وعلي جسد وعي الشعب السوداني المتسامح .
وارجي الراجيك .

أ

Quote: اذن فليكن علي اشلاءكم ...

والجديد شنو في كلامك ...؟
فلترق منا الدماء ،، او منهم ،، او كل الدماء
وحديثك اعلاه
تعبير عن عدم مسئولية والاستهوان بارواح الناس
يعني مفتكر الاسلوب ده حيخوف زول ،،،
اصلا الموت حاصل بكل الاسباب في عهد عصابتك ،،،
طالما هذا هو الفهم ( لن يبزع الفجر الجديد في السودان الا على اشلائنا ) المانع شنو ،،، فليكن
كما مع القذافي

ود الباوقة اخوى العائد بعد جودية
تعرف يا عمر السودان دا فيهو ناس كده تفكيرهم مفتول عديل كده قول لى كيفن
يعنى السواد الاعظم من السودانيين مسلمين
لكن فى ال 24 سنة الاخرانيات ديل فى جماعة بفتكروا الاسلام دا حقهم هم و هم من يتحدثون
عنه و هم من يكذبون باسمة و يسرقون و يزنون و يقتلون و يذبحون لان الاسلام لهم اكثر من غيرهم
و حكرا عليهم.
اين و متى طبقت الشريعة فى ظل هذا النظام؟
الم يقل البشير فى القضارف بعد 22 سنة حكم الآن سنطبق الشريعة؟
الم يعلن البشير عن تكوين مفوضية للفساد؟
من هم الذين قدمتهم المفوضية للمحكمة؟
يا عمر يا اخوى على الطلاق الشعب السودانى البعرفو انا دا لو جماعتك ديل لقوه ما مسلم باخلاقيات
ناسك ديل زول يسلم ما فى
عمر او لم تسمع ببعض الطالبات اللاتى تنصرن و خلن الدين الاسلامى كلو كلو؟
او لم تقرأ ما ذكره طبيب بمشرحة مستشفى ما فى العاصمة عن وصول 870 جثة لاطفال حديثى الولادة؟
يا عمر يا اخوى ديل اذاقوا الشعب السودانى الامرين او كما قال الشهيد محمود محمد طه

يا شباب يظهر انكم تغردون خارج السرب

انا لا اتحدث الان عن الحكومة الحالية اطلاقا

انا اتحدث عن الوثيقة المسماة الفجر الجديد

والتي يرفضها كافة اهل السودان الا الذين يرتمون في احضان الامبريالية وغيرها

افتكر كلامي واضح ولا داعي لللولوة ....

وشكرا...

و ما الفرق يا اخى الكريم بين العصابة الحاكمة الآن و بين من ترفضهم انت من جماعة الفجر الجديد؟ للعلم فقط
رجاء ان تستصحب معك اثناء ردك ان عصابة الخرطوم ايضا لا تحكم بالشريعة

اخي امجد

دعك عن كل شيء

هل تقبل بحكم علماني في السودان ؟؟؟

الله يمهل ولا يهمل

Quote: لن ينبزغ الفجر الجديد في السودان الا على اشلائنا

هو فى زول قال غير كده ؟؟؟؟؟

أى نظام يأتى بعدكم سيكون على أشلاءكم

ود الباوقة
انتا عايش وين ؟
والله كلامك دة بِزر ( شافع ) تاني ما بيصًدقو

Quote: اخي امجد دعك عن كل شيء هل تقبل بحكم علماني في السودان ؟؟؟

ود الباوقة ممكن أجاوب ؟

أنا الآن أقيم في دولة علمانية لادين لها

دولة عادلة

فيها قانون

فيها محاسبة

لا يوجد فيها مشردين

لا يوجد فيها جوعي

لا يوجد فيها مظلومين



لو خيرت بين هذه العلمانية وبين (شريعتكم) لفررت من (شريعتكم ) كما يفر الأجرب من شنو كدا ما عارف



علماً بانني مسلم



طبعاً المفاضلة هنا ليست بين الشريعة والعلمانية

بل بين الظلم والعدالة

والتي يرفضها كافة اهل السودان
======================
وكيف وصلت لهذا الإستفتاء يا شيخ عمر ؟
=======================
قبل المغادرة " هل يعترف نافع وحزبه بأن الموقعين على هذه الوثيقة سودانين ؟ أها ديل داخلين في كلمة (كافة) أهل السودان أم لا ؟
===================
أها مع السلامة
لكن ألم تجزموا بأن سلام دارفور ( أهل المصلحة) ووصول عمر بن عبد العزيز ( هارون) لسدة حكم جنوب كردفان وذهاب ( عقار) من النيل الأزرق وغيرها من أسباب جعلت اللا وطني يفكر في تسريح المجاهدين أيا كانت مسمياتهم وخفض أعداد القوات النظامية تمشيا مع سياسة التقشف التي بها بدء رئيسكم ؟ الجقلبة شنو ؟
الشفيع

ود الباوقة

الشريعة دعت للمساواة بين الناس فهل ساوت شريعة الإنقاذ بين الكوز وغير الكوز فى الحقوق والواجبات؟

الشريعة دعت لمحاسبة الفاسدين فهل حاسبت شريعة الإنقاذ منسوبيها الذين حادوا عن الدرب وخمجواوعجنوا فى المال العام؟

الشريعة تدعوا بعدم قتل الأسرى ومعاملتهم معاملة حسنة فهل فى ظل شريعة الإنقاذ فى حروبها فى الجنوب وغيره من

المناطق إحتفظت الحكومة بأسرى وأحسنت معاملتهم؟

من أين لأمير مؤمني الإنقاذ وإخوته تلك الأموال الطائلة التى تنوء بحمل مفاتيحها العصبة ألم تأمر الشريعة بسؤال

ولاة الأمر عن مصادر أموالهم ومحاسبتهم عن مظاهر الثراء وسؤالهم من أين لكم هذا ؟

هذا غيض من فيض

ود الباوقة حيرتنا

ود الباوقا الحق روحك فبل الجماعه يجو هم جايين جايين

Quote: اذن فليكن علي اشلاءكم ...

ههههه

يا جماعة ما تقطعوا قلب الزول ساكت

انتو قايلنو جادي