Post: #1
Title: أين المتعة في نقل خبر الموت !!!!!
Author: سلمى تاور
Date: 01-14-2013, 07:50 PM
حتى يتسابق البعض في نقل خبر موت سيفجع الملايين ، دون ان يكون هناك ما يؤكده !!!!!!
|
Post: #2
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 07:55 PM
Parent: #1
محمود ما زال حياً
حتى يثبت عكس ذلك
و مازلنا نتمنى له الشفاء
|
Post: #4
Title: Re: أين المتعة في نقل خبر الموت !!!!!
Author: Osama Mohammed
Date: 01-14-2013, 07:58 PM
Parent: #1
كما قلت لك اختي سلمى ان الخبر صياغته تعبانة وهي الدليل على عدم صحته او على الاقل (عدم تأكيده).
الموت الدماغي هو توقف النشاط الكهربائي والموت السريري يخص الدم وتدفقه والتنفس وفقدان الوعي او الغيبوبة .
(يعني لومصدر الخبر دكتور مفروضيكون وصل المعلومة صح موش جهجه الامة السودانيةكلها.
لك التحية.
|
Post: #5
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 08:00 PM
Parent: #4
فالندعو له بالشفاء و الرحمة يا أسامة
|
Post: #6
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 08:14 PM
Parent: #5
Quote: #رصد|#السودان|#الاردن |#محمود عبدالعزيز|#5
الطبيب الاردني ينفي وفات محمود سريريا
لم تشهد الحالة الصحية لفنان الشباب محمود عبدالعزيز أية تطورات جديدة ومازال الوضع الراهن كما كشفه الدكتور عمر محمود الطبيب الاردني المشرف علي الحالة الصحية للحوت الذي مازال بغرفة العناية المكثفة بمستشفي ابن الهيثم بالمملكة الاردنية الهاشمية التي نقل إليها من رويال كير بالخرطوم في حالة سيئة بعد ان عجز الاطباء من علاجه.
وفي اتصالها الهاتفي بالدكتور عمر محمود الطبيب الاردني الذي يشغل منصب المدير الاداري لمستشفي ابن الهيثم أكد بما لايدع مجالاً للشك ان الحالة الصحية للفنان الشاب الجماهيري محمود عبدالعزيز (حرجه) كما انه قال باللهجة الاردنية حالته الصحية (مابتسر) وفيما تمني من معجبي الحوت التضرع له بالدعاء من ان أجل ان يمن الله عليه بعاجل الشفاء واشار عمر في رده علي تساؤلات عمموماً اطمئن الجميع بان دكتور جمال العارضة الجراح الشهير يتولي الاشراف علي الحالة الصحية للحوت بنفسه.
واضاف في رده علي سؤال حول ان كان قد اجريت للفنان السوداني محمود عبدالعزيز عملية جراحية؟ قال : حتى هذه اللحظة لم نقرر له أية عملية جراحية وذلك يعود إلي سيولة الدم.
فيما وجهت له سؤالاً مباشراً حول مايشاع بأن الحوت قد توفي إلي رحمة مولاها (إكلينكياً) وهو ما يعرف بالموت السريري فقال المصدر الطبي الاردني لم يبدر منا تصريحات تشير إلي هذا الأمر رغماً عن قناعتنا انه في حالة صحية حرجة ومع هذا وذلك فهو لم يتوفي وإذا توفي فلن يخفون خبر وفاته فالموت في نهاية المطاف بيد الله العلي القدير ونحن كاطباء نخاف الله قبل البشر لذلك لايمكن ان نخفي أمراً من هذا القبيل مهما كانت ردة فعل من يعنيهم فالموت في انتظار الجميع.
واردف : في الفترة الماضية قد استجاب الحوت للعلاج إلا انه عاد وانتكس من جديد مما جعل موقفه (حرج)نتج عنه نزيف في الدماغ ورغماً عن ذلك فهو مازال علي قيد الحياة ولم يمت سريرياً كما اشاع البعض في السودان بدليل ان الكهرباء الموصلة بدماغ الفنان محمود عبدالعزيز لا يمكن ان تعمل إلا في حال كان ينبض بالحياة فأي موت سريري لمريض لدينا بالمستشفير نخطر اسرته فوراً بهذه الحقيقة فإذا طالبوا مننا نزع اجهزة التنفس الاصطناعي فإننا نستجيب دون أدني شك لهم وفي هذا دليل واضح علي اننا لا نخفي الحقيقة مهما كانت قاسية علي اسرة المريض بغض النظر عمن هو مشهور أو مغمور.
واستطرد : لاتسبقوا الاحداث فاننا في مستشفي ابن الهيثم سيصدرون تقريراً طبياً مفصلاً بالحالة الصحية للفنان السوداني محمود عبدالعزيز منذ اللحظات التي استقبله فيها مستشفي ابن الهيثم وإلي اخر لحظة من مراحل العلاج الذي نبذل فيه مجهوداً كبيراً ونترك الباقي علي الله سبحانه وتعالي.
|
Post: #7
Title: Re: أين المتعة في نقل خبر الموت !!!!!
Author: احمد حمودى
Date: 01-14-2013, 08:19 PM
Parent: #6
نسال الله ان يلطف به ويعافيهيا رب يا كريم
|
Post: #8
Title: Re: أين المتعة في نقل خبر الموت !!!!!
Author: طارق جبريل
Date: 01-14-2013, 08:20 PM
Parent: #6
يا الله ياخي اتمنى ان يشفيه الله
|
Post: #9
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 08:23 PM
Parent: #8
آمين يا احمد
آمين يا طارق
أتمنى ان يستجيب المولى دعائكما
|
Post: #11
Title: Re: أين المتعة في نقل خبر الموت !!!!!
Author: Frankly
Date: 01-14-2013, 08:27 PM
Parent: #9
Quote: الطبيب الاردني ينفي وفات محمود سريريا
لم تشهد الحالة الصحية لفنان الشباب محمود عبدالعزيز أية تطورات جديدة ومازال الوضع الراهن كما كشفه الدكتور عمر محمود الطبيب الاردني المشرف علي الحالة الصحية للحوت الذي مازال بغرفة العناية المكثفة بمستشفي ابن الهيثم بالمملكة الاردنية الهاشمية التي نقل إليها من رويال كير بالخرطوم في حالة سيئة بعد ان عجز الاطباء من علاجه.
وفي اتصالها الهاتفي بالدكتور عمر محمود الطبيب الاردني الذي يشغل منصب المدير الاداري لمستشفي ابن الهيثم أكد بما لايدع مجالاً للشك ان الحالة الصحية للفنان الشاب الجماهيري محمود عبدالعزيز (حرجه) كما انه قال باللهجة الاردنية حالته الصحية (مابتسر) وفيما تمني من معجبي الحوت التضرع له بالدعاء من ان أجل ان يمن الله عليه بعاجل الشفاء واشار عمر في رده علي تساؤلات عمموماً اطمئن الجميع بان دكتور جمال العارضة الجراح الشهير يتولي الاشراف علي الحالة الصحية للحوت بنفسه.
واضاف في رده علي سؤال حول ان كان قد اجريت للفنان السوداني محمود عبدالعزيز عملية جراحية؟ قال : حتى هذه اللحظة لم نقرر له أية عملية جراحية وذلك يعود إلي سيولة الدم.
فيما وجهت له سؤالاً مباشراً حول مايشاع بأن الحوت قد توفي إلي رحمة مولاها (إكلينكياً) وهو ما يعرف بالموت السريري فقال المصدر الطبي الاردني لم يبدر منا تصريحات تشير إلي هذا الأمر رغماً عن قناعتنا انه في حالة صحية حرجة ومع هذا وذلك فهو لم يتوفي وإذا توفي فلن يخفون خبر وفاته فالموت في نهاية المطاف بيد الله العلي القدير ونحن كاطباء نخاف الله قبل البشر لذلك لايمكن ان نخفي أمراً من هذا القبيل مهما كانت ردة فعل من يعنيهم فالموت في انتظار الجميع.
واردف : في الفترة الماضية قد استجاب الحوت للعلاج إلا انه عاد وانتكس من جديد مما جعل موقفه (حرج)نتج عنه نزيف في الدماغ ورغماً عن ذلك فهو مازال علي قيد الحياة ولم يمت سريرياً كما اشاع البعض في السودان بدليل ان الكهرباء الموصلة بدماغ الفنان محمود عبدالعزيز لا يمكن ان تعمل إلا في حال كان ينبض بالحياة فأي موت سريري لمريض لدينا بالمستشفير نخطر اسرته فوراً بهذه الحقيقة فإذا طالبوا مننا نزع اجهزة التنفس الاصطناعي فإننا نستجيب دون أدني شك لهم وفي هذا دليل واضح علي اننا لا نخفي الحقيقة مهما كانت قاسية علي اسرة المريض بغض النظر عمن هو مشهور أو مغمور.
واستطرد : لاتسبقوا الاحداث فاننا في مستشفي ابن الهيثم سيصدرون تقريراً طبياً مفصلاً بالحالة الصحية للفنان السوداني محمود عبدالعزيز منذ اللحظات التي استقبله فيها مستشفي ابن الهيثم وإلي اخر لحظة من مراحل العلاج الذي نبذل فيه مجهوداً كبيراً ونترك الباقي علي الله سبحانه وتعالي. |
هذا الخبر نزل بصحيفة النيلين يوم 12-01-2013
يعني خبر قديم
|
Post: #12
Title: Re: أين المتعة في نقل خبر الموت !!!!!
Author: ضحيه ابراهيم
Date: 01-14-2013, 08:27 PM
Parent: #9
Quote: شريف الفحيل
لكل محبين الفنان محمود ،،،انا كنت بتكلم اسي مع اخوه مأمون وبيطلب من الجميع الدعاء ليهو ،،،، اتمني من كل زول شاف البوست دا انو يدعو ليهو بالشفاء العاااااااجل،،،اللهم أشفي محمود ورجعو لينا سالم يااااااااارب،،،،
شريف الفحيل |
|
Post: #10
Title: Re: أين المتعة في نقل خبر الموت !!!!!
Author: أيمن الفاضل
Date: 01-14-2013, 08:26 PM
Parent: #8
سلمي تاور
شكراً ليك
عاجل الشفاء لمحمود
|
Post: #13
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 08:39 PM
Parent: #10
حتى وان كان الخبر قديم يا فرانكلي
فهل لديك ماهو جديد يؤكد وفاته ؟؟؟؟؟؟؟؟
|
Post: #14
Title: Re: أين المتعة في نقل خبر الموت !!!!!
Author: سيف النصر محي الدين
Date: 01-14-2013, 09:42 PM
Parent: #13
الناس مهتمة و مهمومة كما انت مهتمة و ليس في الأمر اي متعة.
|
Post: #15
Title: Re: أين المتعة في نقل خبر الموت !!!!!
Author: أيمن الفاضل
Date: 01-14-2013, 09:56 PM
Parent: #14
| Quote: الناس مهتمة و مهمومة كما انت مهتمة و ليس في الأمر اي متعة. |
يا سيف النصر ياخ إهتمام شنو ده
المهتم يسأل من صحتو وإلا يقول لينا مات؟
السباق في نقل خبر زي ده لزومو شنو
|
Post: #16
Title: Re: أين المتعة في نقل خبر الموت !!!!!
Author: Hani Arabi Mohamed
Date: 01-14-2013, 10:02 PM
Parent: #14
لا متعة ابدا.
المطلوب الان ودئما الحقيقة فقط دون نقص أو زيادة وبما يحفظ كرامة المريض واسرته.
اللهم اشفه يا رب
|
Post: #17
Title: Re: أين المتعة في نقل خبر الموت !!!!!
Author: Elmuiz Haggaz
Date: 01-14-2013, 10:38 PM
Parent: #16
محزن للغاية البيحصل دا، ويا دكتور سيف دا زول بيلفح خبر موت ويجي طائر بيهو ما ممكن يكون مهتم ، ممكن يكون مهتم بنفسه او مهتم بعدد البقروا ليهو او مهتم يعمل سبق صحفي ولو بي خبر موت لكن لا يمكن يكون مهتم بمحمود او الملايين من معجبيه الانا متأكد انه أي واحد فيهم بكون العبرة خنقته لما قرا الخبر.
حاجة محبطة للغاية والله ، ممكن نقرا اللقاء الاتعمل مع ابنه وأي واحد يخت نفسه مكان أسرة محمود في اللحظة دي. http://www.sudaneseonline.com/news-action-show-id-83693.htm
|
Post: #19
Title: Re: أين المتعة في نقل خبر الموت !!!!!
Author: أيمن الفاضل
Date: 01-14-2013, 10:59 PM
Parent: #17
Quote: أيمن عبدالله صباح الخير
المكان الخرطوم بحري
الجو يبدو مزدحماً بالحركة«ناس داخلة وناس مارقة» الدعوات بصوت عالي والكل يبدو عليهم الحزن في العيون.. وإبتسامة يملؤها الأمل والتفاؤل إستقبلنا بها.. برحابة وكرم معروف عن أهل هذا البيت ومستقبلنا يجتهد ليبدو سعيداً .. الماء.. الحلاوة.. وكلمات الترحيب الإنتظام والنظام ظاهران في البيت الذي كانت نظافته ملفتة برغم كثرة الزوار والداخلين والخارجين.. وزحمة الأقدام.. جلسنا بهدوء وبدأنا الحديث مع مصعب نجل الفنان محمود عبدالعزيز فطمأننا على صحة والده وإستعد لأسئلتنا.
and#1645; كيف تتعايشون مع هذا الكم من الإشاعات الذي يُطلق على حياة الوالد؟
- نحن نعيش تحت ضغوطات نفسية شديدة وأنا شخصياً أُرهقت من هذه الإشاعات لأنها بتدخّل الزول في حالة نفسية سيئة ومتعبة وأنا أتصل يومياً بالأُردن لأطمئن على ابي أكثر من عشر مرات، وفعلاً إتصل أمامنا بعمه الذي طمأنه على صحة محمود، ونحن وصلنا مرحلة إنو اخواني الصغار بقوا ما بصدقوا كلامي لأنو الجرائد بتقول كلام«والإنترنت عموماً والفيس بوك خصوصاً بعيدان عن الحقيقة والواقع».
*هناك حديث عن أن الدولة تكفلت بعلاج محمود وسفره ما حقيقية هذا الكلام؟
- الرئيس قال متكفل بعلاج محمود في الداخل لكن مافي زول دفع لينا ولا مليم أحمر..و وزارة الثقافة ما إتحركت ولا إتحاد الفنانين.. وتكلفة الطائرة الخاصة دفعتها زوجة ابي«نفيسة العشّي.. والدة التيمان».
سكت مصعب وقال بتقدير واضح في عينيه.. والله أنا ما حأنسى لي اُمي «نفيسة» موقفها الجميل هذا ما حييت.
and#1645; ماذا عن مطلقي الشائعات؟
- نحن سبق وأنذرنا الناس .. وحننتظر إتخاذ إجراءات قانونية ضد أي زول كتب أو قال كذبة أو إشاعة في الوالد.. وحنرجع ليهم بس هسي ربنا يقوموا لينا بالسلامة من مرضو.
وأنا عندي جدي جاتو كومة بسبب خبر كاذب في صحيفة«....» سماها لنا بالإسم.
وأخرج النسخة ومجموعة كاملة لكل الصحف.. وما سماهو بإرشيف الإشاعات.
and#1645;متى ستغادر إلى الأُردن؟
الساعة الثانية فجر اليوم..«قال هذا وهو يحدق في الحقيبة السوداء التي كانت عليها فيما يبدو أغراضه».
ونظر مصعب والدموع تنهمر بلطف على خده عايز أكون جمبو لمن يفتح عينيهو ويبقى طيب.
سكتنا لأن الحزن الذي سيطر على المكان فرض صمت مهيب على المكان فمصعب وإخوته حرارة دموعهم كانت أقوى من كل التعابير والكلمات.. فقال أنا أُطمئن كل محبي ومعجبي الفنان محمود عبدالعزيز أنه بخير.. شكراً لكل من سأل بالتلفون أو جاء للبيت«فأنا تأتيني في اليوم مئات المكالمات للإطمئنان علي صحته.
وإن شاء الله ربنا ما حيخيب أمل الناس دي كلها ويقوّموا لينا بالسلامة.
وشكراً لك صديقي أيمن لكل .
صحيح إن الحزن في البيت كان كبير وظاهر لكن الأمل كان يفرح في أرجاء المكان فصوت غناء محمود المنبعث من الكاسيت وإبتسامة مصعب وإخوته تمنحك إحساس فائض بالأمل والطمأنينة لتقول الحمد لله.. محمود بخير.
الوطن |
http://www.sudaneseonline.com/news-action-show-id-83693.htm
|
Post: #18
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 10:56 PM
Parent: #14
كل المطلوب من هؤلاء ( المهتمين ) يا سيف هو الدعاء له بالشفاء فقط
أليس هذا أخف على القلب من نقل خبر وفاة _ حتى إن كان مؤكداً !!!!!
|
Post: #20
Title: Re: أين المتعة في نقل خبر الموت !!!!!
Author: سلمى تاور
Date: 01-14-2013, 11:07 PM
Parent: #18
ضحية ، ايمن ، هاني ، المعز
فالنرفع اصواتنا بالدعاء بالعافية و السلامة له
علّها تعلوا على اصوات النحيب على موته المفترض
ياااااارب
|
Post: #21
Title: Re: أين المتعة في نقل خبر الموت !!!!!
Author: أيمن الفاضل
Date: 01-14-2013, 11:43 PM
Parent: #20
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
|
Post: #22
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 00:15 AM
Parent: #21
Quote: اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما |
|
Post: #23
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 01:36 AM
Parent: #22
حتى وإن كان الخبر صحيحاً
فلما هذا التسابق الغريب على نقله !!!!!!!!!
لما لا تتركون للجهات المعنية بذلك هذا العبء !!!!!!!!
شنو يعني اكون اول زول يقول للناس محمود مات حتى لو شفت جثمانه بعيني !!!!!!!!!
يا الله الطف بعبادك
|
Post: #24
Title: Re: أين المتعة في نقل خبر الموت !!!!!
Author: PLAYER
Date: 01-15-2013, 04:08 AM
Parent: #20
حكمة اليوم
الله لا جعلك ناقلا لخبر موت ..ليس فيه فخر او عزة
|
Post: #94
Title: Re: أين المتعة في نقل خبر الموت !!!!!
Author: ياسر منصور عثمان
Date: 01-17-2013, 07:38 AM
Parent: #20
يجب التحر ي والتأني في نقل مثل هذه الاخبار..ولكن البعض يعتبرها نوع من انواع السبق والحصريات..
نسأل الله ان يلطف بمحمود ويتولاه برحمته..
|
Post: #97
Title: Re: أين المتعة في نقل خبر الموت !!!!!
Author: محمد جمعه الخير
Date: 01-18-2013, 07:00 PM
Parent: #20
انه اللهث ورا السبق الصحفي .
ينسي البعض اشياء كثيرة .
|
Post: #25
Title: Re: أين المتعة في نقل خبر الموت !!!!!
Author: عاطف عمر
Date: 01-15-2013, 05:28 AM
Parent: #1
تحياتي وسلامات يا سلمى
قلت لك ذات مرة أنك كبيرة بعقلك
اليوم أقول لك أنك كبيرة بعقلك وبإنسانيتك الباذخة
أمر الله تعالى بين الكاف والنون
اللهم يا شافي اشفه
اللهم يا لطيف الطف به
اللهم يا كريم اكرمه بجلباب الصحة والعافية
اللهم يا الله لقد دعوناك كما أمرتنا فاستجب لدعائنا كما وعدتنا
|
Post: #26
Title: Re: أين المتعة في نقل خبر الموت !!!!!
Author: عزان سعيد
Date: 01-15-2013, 06:15 AM
Parent: #25
Quote: تحياتي وسلامات يا سلمى
قلت لك ذات مرة أنك كبيرة بعقلك
اليوم أقول لك أنك كبيرة بعقلك وبإنسانيتك الباذخة |
|
Post: #27
Title: Re: أين المتعة في نقل خبر الموت !!!!!
Author: الخير محمد عوض
Date: 01-15-2013, 06:19 AM
Parent: #25
سلام يا سلوم
بعدين المحير في الامر هو هل يصح -طبيا وقانونيا - ان يملك الطبيب معلومات طبية هكذا للصحافة والاعلام ؟؟؟
وين البرايفسي البتعتبر معلومات المريض الطبية شي يخصه هو او اقرب الاقربين له وبعلم المريض
هل ملكت اسرة محمود هذه الملومات للصحافة والاعلام؟؟؟؟
الموضوع كلو كلام في كلام وللاسف فيهو عدم مسؤلية وعدم احترام للمريض وانتهاك بين لخصوية مرضه
ربنا يشفي اعلامنا المريض الحقيقي وكامل الدعاء لمحمود عبد العزيز
تحيتي يا سلمي
|
Post: #28
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 12:02 PM
Parent: #27
Quote: Na Gi
2 hours ago
من داخل منزل الفنان "محمود عبد العزيز" ..حتي الآن محمود ما يزال فى غرفة العناية المُركزة فى الأردن فى نفس الحالة السابقة يوم أمس .. لا يوجد تغير فى حالته الصحية .. ومنتظرين العناية الآلهية تتدخل ...الحالة مضطربة ولكنها متقلبة كل حين ..!
الخبر الوارد فى صُحف اليوم عاري من الصحة ... لا توجد مراسم عزاء لأنه حتي الآن لم يتوفي الفنان ...
فى حالة الوفاة .."لا قدر الله" ... سيتم ذلك عبر القنوات الرسمية .. وإتصال من القنصل السوداني .. بي وزارة الخارجية وإعلان من الأسُرة ودق سرادق العزاء بمنزلهم بالمزاد ..
"اللهم هل بلغت .. اللهم أشهد" |
من صفحة الزميل ناجي الملك بالفيس بوك قبل ساعتين فقط
|
Post: #29
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 01:16 PM
Parent: #28
Quote: حكمة اليوم
الله لا جعلك ناقلا لخبر موت ..ليس فيه فخر او عزة |
هذا ما أحاول قوله منذ البداية يا PLAYER
بغض النظر عن ما إذا كان خبر الموت صحيحاً أو مجرد إشاعة كما اتضح الان
شكرا لتلخيص ما حاولتُ قولَه
شكرا عاطف و عزان على حسن ظنكما بي
آمين يا الخير ربنا يسمع منك .
|
Post: #30
Title: Re: أين المتعة في نقل خبر الموت !!!!!
Author: ماهر الحويرص
Date: 01-15-2013, 01:34 PM
Parent: #29
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
اللهم رب الناس أذهب الباس أشفه يا شافي لا شفاء إلا شفائك شفاء لا يغادر بعده سقما
و اقول لناقلي الخبر محمود له اسرة و ابناء و اخوة فرفقا بهم ,,,, شكرا اختي سلمى
|
Post: #33
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 02:16 PM
Parent: #30
| Quote: و اقول لناقلي الخبر محمود له اسرة و ابناء و اخوة فرفقا بهم |
أضم صوتي لك يا ماهر ، وأقول لهم أيضا أن اسرته و أبنائه هم فقط من لهم أن يعلنوا للعالم خبر وفاته وهم لم يفعلوا حتى الان و لازالوا يصرخون في وجه شائعاتكم : ما زال والدنا حياً ، فكفوا شائعاتكم عنه
نتمنى له الشفاء
|
Post: #31
Title: Re: أين المتعة في نقل خبر الموت !!!!!
Author: Frankly
Date: 01-15-2013, 01:44 PM
Parent: #29
| Quote: بغض النظر عن ما إذا كان خبر الموت صحيحاً أو مجرد إشاعة كما اتضح الان |
هل فعلاً اتضح أنّ الخبر إشاعة؟؟؟
كل الدلائل تشير لصحة خبر موته الدماغي
لكن الصدمة قد تجعل البعض يرفض فكرة موت عزيز
ولا نقول إلا ما يرضي ربنا
Quote: مستشفى ابن الهيثم ترفض نقل محمود عبد العزيز للخرطوم
15 يناير 2013 | صحيفة السودان
رفض الأطباء بمستشفى ابن الهيثم نقل الفنان محمود عبد العزيز الى الخرطوم عبر طائرة طبية بعد ما طلبت جهات عليا فى الخرطوم ذلك وأكد الأطباء صعوبة نقل الفنان الى السودان بعد اعلان وفاته دماغياً وأشاروا الى ضرورة بقائه بالمستشفى نسبة للتدهور الكبير الذى تشهده أعضاء جسمه الحيوية.
وكانت توجيهات رئاسية قد صدرت للسفارة السودانية بعمان بإعادة فنان الشباب محمود عبدالعزيز بحالته الراهنة فوراً عبر طائرة طبية خاصّة وادخاله مباشرة لغرفة العناية المكثفة بمستشفى رويال كير بالخرطوم
اقرأ أيضاً:
مستشفى ابن الهيثم يعلن وفاة الفنان محمود عبد العزيز سريرياً
نجل محمود عبدالعزيز : سنحاسب كل من أطلق كذبة أو إشاعة ولدينا إرشيف،، الدولة لم تدفع مليماً أحمراً.. ووالدي سفّرته زوجته
حزن في السودان على محمود عبدالعزيز
آخر أخبار الفنان محمود عبد العزيز الصحية
اصابة الفنان محمود عبد العزيز بنزيف حاد في المخ ودخوله في غيبوبة كاملة
محمود عبدالعزيز يغادر غرفة العناية المركزة
خبر سار: محمود عبد العزيز يتعافى ويغادر المستشفى
المطرب الفنان محمود عبدالعزيز بخير الأحد 24 يونيو 2012 |
المصـــــدر
|
Post: #32
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 02:04 PM
Parent: #31
| Quote: هل فعلاً اتضح أنّ الخبر إشاعة؟؟؟ |
وهل اتضح أنه مؤكد ؟؟؟؟
مالكم كيف تحكمون ؟؟؟؟؟
فالندعو له بالشفاء
|
Post: #34
Title: Re: أين المتعة في نقل خبر الموت !!!!!
Author: Frankly
Date: 01-15-2013, 02:28 PM
Parent: #32
Quote: مستشفى ابن الهيثم يعلن وفاة الفنان محمود عبد العزيز "الحوت" بشكل تام
الاطباء ينتظرون اقاربه لأخذ موافقتهم على فصل الاجهزة
01-15-2013 01:12 PM
أعلن الطبيب المتابع لحالة الفنان محمود عبدالعزيز في وقت سابق عن وفاته دماغياً موضحاً فى الوقت ذاته أن محمود قد توفى بشكل تام ، وكل ماتبقي هو إجراء شكلي يتم بموافقة أقاربه بفصله من الأجهزة والإعلان بشكل رسمي عن الوفاة .
وقال د.جمال العارضة :إن الموت الدماغي هو موت كامل لكن بطبيعة بعض الأعضاء البشرية تظل تعمل حتى بعد وفاة الإنسان وهي ترسل إشاراتها لأجهزة الإنعاش الموصلة بجسد المتوفي ، وهو ما يحدث الآن لمحمود عبدالعزيز و ندعو أن يتولاه المولي برحمته
|
المصــــدر
|
Post: #35
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 02:52 PM
Parent: #34
ماذا تحاول ان تثبت يا Frankly؟؟؟؟؟؟؟
|
Post: #36
Title: Re: أين المتعة في نقل خبر الموت !!!!!
Author: Frankly
Date: 01-15-2013, 03:07 PM
Parent: #35
Quote: عاجل ..الى جنان الخلد فنان الشباب محمود عبد العزيز
اليوم 04:16 PM
كفرووتر/صلاح الاحمدي توفي الى رحمة مولاه اليوم فنان الشباب محمود عبد العزيز بعد صراع طويل مع المرض مودعا جمهوره الوفي الذي ظل مرتقبا خبرا سعيدا من الاردن ..لا يملك جمهوره سوى ان يردد انا لله وانا اليه راجعون اللهم انزله منزلة الصديقين والشهداء وحسن اولئك رفيقا.
وكان متستشفى الهيثم قد اعلن الوفاة رسميا اليوم في انتظار اسرته من اجل استخراج الاجهزة بشكل نهائي وفقا للتقارير الطبية التي اعلنت الوفاة باعتبار ان الوفاة الدماغية هي وفاة نهائية و الاجهزة يمكن تتلقي اشعارات جسدية حتى لو كان الانسان ميتا حسب التصريح الذي ادلى به دكتور جمال العرضة وجاء التقرير الثاني نفس تشخيص التقرير الاولي الذي جاءت نتيجته سالبة.
تفاصيل اوفي لاحقا |
المصـــــدر
|
Post: #39
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 03:14 PM
Parent: #36
كويس يا Farnkly
عندنا تعلن أسرته خبر وفاته رسميا و يفتحون سرادق العزاء
حأصفق ليك
|
Post: #43
Title: Re: أين المتعة في نقل خبر الموت !!!!!
Author: Frankly
Date: 01-15-2013, 03:29 PM
Parent: #39
مشكلتك يا سلمى ماخدا الموضوع نزهة ومتعة وتمتّع ومكاواة منبرية
وهذا سلوك طفولي لا ينم عن ذكاء أو لباقة
انت لا تريدين أن تصدقي لك هذا
ولكن هناك أكثر من مصدر أكّد على صحة الخبر
موضوع تصفقي لي هذا من باب السلوك الطفولي لأن الخبر مأساوي وأنت تفرحي لثبوته
هنيئاً لك بمتعتك
|
Post: #37
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 03:10 PM
Parent: #35
| Quote: هل فعلاً اتضح أنّ الخبر إشاعة؟؟؟ |
غريب!
المفروض يؤكد هو الخبر مش العكس
| Quote: كل الدلائل تشير لصحة خبر موته الدماغي |
كل ؟
ما صحيح
| Quote: لكن الصدمة قد تجعل البعض يرفض فكرة موت عزيز |
طيب ياخي ما تراعي للناس الممكن تتصدم دي
بشر غريبة ياخ
ولد الفنان قال حا يقاضي كل الناس الطلعو إشاعات
رايك شنو ؟
|
Post: #38
Title: Re: أين المتعة في نقل خبر الموت !!!!!
Author: Frankly
Date: 01-15-2013, 03:14 PM
Parent: #37
Quote: وفاة الفنان السوداني محمود عبدالعزيز سريرياً في الأردن
محمود عبدالعزيز
2013/1/15 - العدد 408
الدمام – عصام عبدالسلام
أعلن مستشفى «ابن الهيثم» في المملكة الأردنية الهاشمية أمس وفاة المطرب السوداني محمود عبدالعزيز «سريرياً» وقال مدير شؤون المرضى في المستشفى عمر عبدات «إن الفنان السوداني عانى من فشل في وظائف الجسم المختلفة، أو ما يسمى طبياً بالموت السريري».
وعاش معجبو المطرب السوداني الشهير بـ«الحوت»، حالة من الحزن والترقب بسبب ما تتناقله الصحف اليومية والمواقع الإلكترونية وشبكات التواصل الاجتماعي عن الحالة الصحية للمطرب الشاب. وأطلقوا عددا من الحملات في مواقع التواصل الاجتماعي للدعاء والابتهال إلى الله حتى ينعم عليه بالشفاء.
وكان الرئيس السوداني عمر البشير قد تكفل بتكاليف علاجه في مستشفى «رويال كير» في الخرطوم، ومن ثم تم تسفيره إلى الأردن لمزيد من العناية الطبية.
ويعد محمود عبدالعزيز الذي بدأ الغناء في تسعينيات القرن الماضي الفنان الأكثر شعبية في السودان، حيث وجد تجاوباً جماهيرياً منقطع النظير خلال السنوات الماضية، وظلت جماهيريته تزداد يوماً بعد يوم حتى لقب بـ«فنان الشباب الأول»، حيث استطاع بحنجرته الذهبية أن يأسر جمهوراً كبيراً لا تسعه المسارح والصالات، وحتى الباحات المفتوحة، حيث يحظي بشعبية جارفة وسط الشباب، وقد برع في غناء عدد من الأغاني السودانية القديمة بطريقته «المحمودية» ، فتربع في قلوب معجبيه ومحبيه، في السودان شمالاً وجنوباً، حيث أحب الفنان الشاب شطر السودان الجنوبي وغني له، ما أكسبه مكانة كبيرة في نفوس أبناء جنوب السودان.
وكانت وزارة الثقافة والإعلام السودانية أصدرت بيانا رسميا مساء أمس، أوضحت من خلاله اهتمام الدولة بعلاج الفنان محمود عبدالعزيز وأن وزير الثقافة والإعلام قام شخصياً بمتابعة تنفيذ توجيهات رئيس الجمهورية القاضية بدفع تكلفة العلاج بالكامل لمستشفى رويال كير. وأكد البيان على تعاطف الوزارة مع الفنان، معلنة في الوقت نفسه الاستعداد التام لرئاسة الجمهورية بالالتزام بتكملة علاج الفنان محمود عبدالعزيز في الخارج.
كما جاء في البيان أن أسرة الفنان اتخذت قرار سفره إلى الخارج لتلقي العلاج دون أن تبلغ رئاسة الجمهورية بذلك، وظل وزير الثقافة والإعلام على اتصال دائم بأسرة الفنان، وبالصحفي هيثم كابو المرافق للفنان محمود عبدالعزيز.
نشرت هذه المادة في صحيفة الشرق المطبوعة العدد رقم (408) صفحة (29) بتاريخ (15-01-2013)
الدمام | عصام عبدالسلام |
المصــــدر
|
Post: #40
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 03:15 PM
Parent: #37
| Quote: ماذا تحاول ان تثبت يا Frankly؟؟؟؟؟؟؟ |
الزول ده يا سلمي ما قدر يفهم فكرة البوست
|
Post: #41
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 03:21 PM
Parent: #40
البوست اساسا ما عنده فكره
خلاف ان عاوز يفرض حاجاتو على الناس
ومنو القال انو المنبر ده للمتعة ؟
محمود شخصية عامة .. حتى اقرابئه لايملكون ان تتابع الناس اخباره وتتناقلها
ووكت الناس كانت بتسمع محمود وتباري حفلاتو ولدو ده كان في رحم الغيب
خلو الناس ترثي وتعبر عن احزانها بي طرقتها .. ما تفرضو عليهم طريقتكم
خبر موت محمود مافيه متعه .. لكن فيه اسى .. والناس بتنقلوا وتتناقلوا عشان تصبر بعض وتواسي بعض
وايه الدنيا غير لمة ناس في خير او ساعة حزن
ورحم الله محمود ان كان حيا او ميتا
|
Post: #42
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 03:27 PM
Parent: #41
| Quote: البوست اساسا ما عنده فكره |
معليش يا شفت دي وجهة نظرك انت لكن وجهة نظري انو انا شايف انو البوست عندو فكرة وحقق اغراضو كمان.
العاوز يرثي يرثي لكن بالجد في ناس بتستمتع بنقل ابار زي والشواهد كثيرة اخرها خبر وفاة زيدان لو تتذكر .
وصاحبة البوست لم تقل ان المنبر للمتعة بل ان بعض الناس يستمتعون بنقل اخبار الموت وخصوصا الفنانين والمشاهير .
روق نفسك يا حبة.
|
Post: #44
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 03:33 PM
Parent: #42
مختلف معاك يا اسامه
فبمفس الفهم اين المتعة في
نقل اخبار الحرب
نقل اخبار الاغتصاب
نقل اخبار السجن
نقل اخبار الضرب في مظاهرات
نقل اخبار الفشل السياسي
.
.
.
.
.
.
اما موضوع متعة البعض في نقل الاخبار فده افتراض ما اكتر .. قد يصح وقد لا يصح .. وانا افرض انه غير صحيح .. وينسحب امر المتعة بنفس القدر على بقية الاخبار غير المرفرحة
|
Post: #47
Title: ليس في نقل خبر الموت متعة
Author: Frankly
Date: 01-15-2013, 03:47 PM
Parent: #44
صحيح يا وليد
لو كان في نقل خبر الموت متعة؟
فهل نقول أن في نفي خبر الموت متعة؟
نفي خبر الموت دون تثبت وتروي لا يقل فداحة عن نشر خبر الموت دون تثبّت وتروي
ما دام معظم المصادر تشير لوفاة الفنان محمود دماغياً فمن الجائز جداً تناقل الخبر في المنابر والفيس بووك
ومنذ أمس لم يصدر من ذوي المرحوم بإذن الله أي تصريح يخالف ما نقله الصحفيين المتابعين لحالة محمود بالمستشفى الأردني.
ومن حق الناس ومعجبيه أن تدعوا الله أن يغفر له ويرحمه
|
Post: #45
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 03:38 PM
Parent: #41
وليد محمد المبارك
كدي قول بسم الله
Quote: البوست اساسا ما عنده فكره
خلاف ان عاوز يفرض حاجاتو على الناس |
ياتو حاجات ؟
كلام صاح
وعشان كدا اخباره مالية المنبر
بس لازم تكون أخبار (صحيحة)
| Quote: خلو الناس ترثي وتعبر عن احزانها بي طرقتها .. ما تفرضو عليهم طريقتكم |
خليه أول يموت (بعد عمر طويل) بعدين تعال عبر عن حزنك بي طريقتك
| Quote: خبر موت محمود مافيه متعه .. لكن فيه اسى .. والناس بتنقلوا وتتناقلوا عشان تصبر بعض وتواسي بع |
يا وليد أهو البوست بقول إنو محمود ما ثبت موته
طالما ما ثبت ما في داعي للاشاعات
دي فكرة البوست
|
Post: #46
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 03:42 PM
Parent: #45
اشاعات شنو ؟
خبر متناقلنه اكتر من موقع معروفين بدرجة عالية من الصدقية ...
ما هي الاخبار بتناقلوها كده ...
لو مشينا بي نظظريتك دي ... اي خبر محزن موت حرب سرقة اغتصاب .. ننتظر بيان الشرطة او شهادة الوفاة بعدين ينضموا فيه
انت ما عاجباك الاخبار الحزينة
ما تفتح بوستاتها واتجاوزها
لكن ما تمل الناس تكتب شنو في منو ؟
|
Post: #48
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 03:50 PM
Parent: #46
Quote: اشاعات شنو ؟
خبر متناقلنه اكتر من موقع معروفين بدرجة عالية من الصدقية ...
ما هي الاخبار بتناقلوها كده ...
لو مشينا بي نظظريتك دي ... اي خبر محزن موت حرب سرقة اغتصاب .. ننتظر بيان الشرطة او شهادة الوفاة بعدين ينضموا فيه
انت ما عاجباك الاخبار الحزينة
ما تفتح بوستاتها واتجاوزها
لكن ما تمل الناس تكتب شنو في منو ؟ |
الأستاذ الكابلي قبل كدا في المنبر ده وفي غيره اعلنوا وفاتو ورثوهو
وفي قصص كتيرة زي دي
إنت خت نفسك في مكان أمه وأولاده
مسألة ما بتتحمل الاشاعات
|
Post: #49
Title: Re: أين المتعة في نقل خبر الموت !!!!!
Author: saadeldin abdelrahman
Date: 01-15-2013, 03:52 PM
Parent: #46
يا وليد ياخ سلامات،
ياخ الناس مستعجلة فوق شنو؟
امر الله ده نافذ علينا كلنا و حتف انوفنا
بس بعض المحبة مضر ياخ،
مرض زيدان الله يرحمو و الناس كتلوهو كم مرة قبل أن تذهب روحه
كذلك وردي و غيرهم،
الناس ما تنتظر، الشفقة شنو؟!
تحياتي
|
Post: #51
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 04:01 PM
Parent: #49
مرحب سعد الدين
| Quote: الناس ما تنتظر، الشفقة شنو؟! |
هي فعلا شفقه
الناس شفقانه على محمود ومتابعة اخبارو باللحظات
احتماع انتو قلبكم حديد وصبورين .. الله يزيدكم
في غيركم ما صبور وقلبو رهيف .. وبعبر عن نفسه كده
انتو ما تشفقوا وخلونا نحن نشفك
|
Post: #52
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 04:04 PM
Parent: #51
Quote: هي فعلا شفقه
الناس شفقانه على محمود ومتابعة اخبارو باللحظات
احتماع انتو قلبكم حديد وصبورين .. الله يزيدكم
في غيركم ما صبور وقلبو رهيف .. وبعبر عن نفسه كده
انتو ما تشفقوا وخلونا نحن نشفك |
يعني حتشفق عليهو أكتر من امو وأولاده ؟
|
Post: #54
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 04:13 PM
Parent: #52
| Quote: يعني حتشفق عليهو أكتر من امو وأولاده ؟ |
ايوه
|
Post: #50
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 03:53 PM
Parent: #46
وليد الشفت انت يعني مصدق الخبر؟ في ناس ما مصدقاهو لانو نفاهو شخص من الاسرة (بغض النظر عن كونو عمرو كم الكلام القالو موزون )
الخبر عندما ورد بصيغته الاولى كان واضح انو غير صحيح طيب لييييييييييي؟ لأنو كانو بتكلمو عن موت دماغي واكدو انو الدكتور قال هو مات موت سريري ، انا ما دكتور لكن كلام في غلط زي ده ما بخليني اصدق اي حاجةالا تجي من الاسرة نفسها .
اما في موضوع الاخبار الاخرى
وليد اسمح لي اقولك انك ملخبط كيمان كتيرة فرز الكيمان دي لأنو في فرق بين نقل خبر تعذيب ناشط تخفيالشرطة او الامن مكان حبسه وبين الاستعجال في نشر خبر موت شخص معروف للكل .
او ممكن تكون عارف القصد شنو وعاملها غتاتة (عشان ما تحمبك موضوع الغتاتة ماجادي ) .
|
Post: #53
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 04:11 PM
Parent: #50
| Quote: وليد اسمح لي اقولك انك ملخبط كيمان كتيرة فرز الكيمان دي لأنو في فرق بين نقل خبر تعذيب ناشط تخفيالشرطة او الامن مكان حبسه وبين الاستعجال في نشر خبر موت شخص معروف للكل . |
الفرق ده برضو موجود بين اخبار موت زيدان والكابلي وود الامين .. وبين خبر موت محمود
ديك اخبار فجائية ... من دون مقدمات او اي حاجة ... مافيها شي متوقع ... عشان كده موضوع الاشاعة فيها حيزه كبير
موضوع محمود غير ... محمود حالته مستعصية والناس متابعها باللحظات ... محمود في غيبوبة في انعاش .. والناس متابعة خبرو
انا ما ملخبت كيمان ولا حاجة
خليك من امر تعذيب ناشط
اي المتعة في نقل اخبار الحرب ؟
محمود شخصية عامة .. الناس بتابع اخبارو .. بافراحها وباتراحها .. تابعنا خبر زواجو وخبر طلاقه .. وخبر جلدو .. وخبر سجنو .. وخبر مرضو ... وخبر انجازاتو ... وتابعنا برضو خبر موتو
مافيها شي .. دي ضريبة الشهرة ... وافراد اسرتو مفروض يتفهموا الامر ده ويتقبلو انو محمود زول للناس كلهم .. ادق تفاصيله بباروها الناس
الان الخبر وارد في اكتر من موقع معروف .. نستنى شهادة الوفاء حتين نبكي وننتحب ..
يعني حتى البكى بقى بأذن يا اسامه
بعدين اهله شنو البتناقلوا خبروا من المنتديات ...
هم وكت بعرفوا خبروا من المنتديات ... شن فايدتهم
|
Post: #55
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 04:30 PM
Parent: #53
Quote: بعدين اهله شنو البتناقلوا خبروا من المنتديات ...
هم وكت بعرفوا خبروا من المنتديات ... شن فايدتهم |
طيب انت كدة يا وليد يا دوووووووووب جيتنا انا وايمن الفاضل ده.
الناس قاعدة في بيتهافي امان الله قلقانة و(شفقانة) تجيهم تسعة عشرة عربات محملة بي اقل حاجة50 نفر يشيلو معاهم الفاتحة وهم كانوا قبل شوية بتكلمو مع المستشفى والدكتور المسئول قال ليهمالحال زي ماهو .
تفتكر الخلعة الدخلت في اولادوولا ناس بيتو دي شوية ؟؟؟؟ ولا بتروح بالساهل ؟
وزي ما قالك ايمن
منو الحا يشفق عليهو اكتر من ناس بيتو ؟ واسرتو؟
مافي زول قال ما تحزن ولا تبكي ولا تزعل ، بس ما تستعجل لانو ممكن يكون الكلام ده ما صاح .
|
Post: #56
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 06:02 PM
Parent: #55
يا اسامه يديك العافية
ربنا يرحمه حيا وميتا
|
Post: #57
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 06:06 PM
Parent: #55
أيمن
أسامة
سعد
أشكر لكم انكم جنبتموني عناء الرد
و اتمنى عليكم ان لا ترهقوا انفسكم في ذلك اكثر
|
Post: #58
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 06:08 PM
Parent: #57
اها خُد يا اسامه
عشان تفهم انا قاصد شنو ؟
|
Post: #59
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 06:34 PM
Parent: #58
Quote: اها خُد يا اسامه
عشان تفهم انا قاصد شنو ؟ |
ممكن نفهم إنت قاصد شنو ؟
Quote: تحياتي وسلامات يا سلمى
قلت لك ذات مرة أنك كبيرة بعقلك
اليوم أقول لك أنك كبيرة بعقلك وبإنسانيتك الباذخة |
التحية ليك يا سلمي
الانسانية قيمة رفيعة
والعقل نعمة من الله
|
Post: #60
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 06:36 PM
Parent: #59
لالا ما مكن
ما حا تفهم ؟
|
Post: #61
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 06:49 PM
Parent: #60
Quote: لالا ما مكن
ما حا تفهم ؟ |
إنت زعلت وإلا شنو ؟
غير الفهم كمان في حاجة اسمها إنسانية وعقل
|
Post: #63
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 07:01 PM
Parent: #61
| Quote: التحية ليك يا سلمي |
و لك التحية يا أيمن
شكراً
|
Post: #64
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 07:03 PM
Parent: #61
البزعلني شنو ؟
انت سالتني .. وانا جاوبتك
الانسانية دي ما عندك منها زيادة تتفضل بينا عليها ؟
|
Post: #62
Title: Re: أين المتعة في نقل خبر الموت !!!!!
Author: PLAYER
Date: 01-15-2013, 07:00 PM
Parent: #60
مشكلتك يا وليد انك أخدت البوست بصورة شخصية بينما سلمي كتبتها بصورة عامة.........
كليكما مقتنعان ان الموت حق ولا مفر منه
لكن
هي تنتقد عشوائية أعلان خبر الوفاة وقد اتفق معها الكثيرين ومنهم شخصنا
بينما تؤيد انت العشوائية ومعك فرنكلي...
بصرف النظر عن المتوفي شخصية مشهورة او مطمورة فهناك قواعد عن كيقية أعلان خبر الموت مراعاة لمشاعر الأسرة والاقرباء وتفاديآ للردود السليية صحيآ عن عشوائية اعلان الخبر.
أذن فحاول انت ان تفهم مشاعر اسرة الفنان محمود واقربائه واصدقائه ومحبي فنه في هذه اللحظات المؤلمة
حكمة اليوم
أعلان خبر الوفاة ليس كأعلان خبر الولادة
|
Post: #65
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 07:11 PM
Parent: #62
كما قال PLAYER
لا داعي لشخصنة الموضوع
|
Post: #66
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 07:12 PM
Parent: #62
مشكلتك انت يا بلير
ما قادر تفهم انو خبر محمود وتصريح المستشفى منتشر اليوم في منابر اعلامية كتيره .. منابر يستقى منها هذا افراد المنبر جزء كبير من معلوماتو منها
يعني ما اتقال بعشوائيه زي ما قلت انت
وانت معاك التانين حاولوا تفهموا انو محبي محمود البتتحدثوا بلسانهم ديل .. فيهم ناس كتاااااااااااااااار متابعين خبر محمود وعاوزين يعرفوا ويهمهم انهم يعرفوا
وان خبر محمود منقول على لسان الطبيب البعالجو ..
فحاول انت ان تفهم انو في جزء من محبي محمود وانا منهم يهمهم ان يعرفوا خبره وتفاصيله .. ور ما بتمتعوا بالخبر ده
حكمة اليوم
منظراتية سودانيز اون لاين .. بعرفوا موت شخص اكتر من طبيبه البعالجو
|
Post: #67
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 07:15 PM
Parent: #62
| Quote: هي تنتقد عشوائية أعلان خبر الوفاة |
أنا لا انتقد يا PLAYER
أنا فقط استغرب التسابق في اعلان الخبر _ مؤكداً كان او إشاعة
لما هذا الحرص على الأولوية في ذلك ؟؟؟؟؟؟
لما لا يتركون هذا لمن هم مخولون بذلك ؟؟؟؟
إن كان قد مات فتأكدوا اننا سنعلم ، فلما الاستعجال ؟؟؟؟
|
Post: #68
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 07:21 PM
Parent: #67
Quote: الله اكبر والحمدلله رب العالمين ..
اتصال هاتفي من الاستاذ فرفور الي الاخ مامون شقيق الاسطوره ..
جميع الاعضاء والاجهزه الحيويه تعمل بنسبه مطمئنه ..
اما بالنسبه للراس فلهم فحوصات اخري والي الان يوجد ..
الرجاء ثم الرجاء الابتهال للمولئ عزوجل وتكثيف الدعوات ..
يارب يارب يارب اشفي عبدك محمود عبد العزيز
|
قبل أقل من نصف ساعة في الصفحة الرسمية للفنان محمود عبدالعزيز بالفيس بوك
http://www.facebook.com/mahmoud.abdalaziz.7oo...osts/487838714588007
|
Post: #69
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 07:28 PM
Parent: #68
اهو كده يا بليز افتكر انو الكلام واضح
في ناس عندهم خبر حياة او وفاة محمود ما اولوية وما متابعنو وومكن يسمعوه تاني يوم عادي
وفي ناس بهمهم زي خبر حياة او وفاة زول عزيز عليهم وعاوزين يعرفوه في حينه .. وبتابعوه اول باول ويتناقلوه ويبكو ليه
حاجة مهمة عندهم شديد .. وبتخصهم
نحن الناس التانين ديل
|
Post: #70
Title: Re: أين المتعة في نقل خبر الموت !!!!!
Author: أيمن الفاضل
Date: 01-15-2013, 07:33 PM
Parent: #68
الله يطمنك يا سلمي
|
Post: #71
Title: Re: أين المتعة في نقل خبر الموت !!!!!
Author: الصادق عبد الرحيم
Date: 01-15-2013, 07:52 PM
Parent: #70
تسابق مقيت من بعض المرضي النفسيين في نقل خبر وفاة محمود عبد العزيز (بالقطاعي) لكي تباع صحفهم الكاسدة ....
|
Post: #72
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 08:04 PM
Parent: #71
| Quote: تسابق مقيت من بعض المرضي النفسيين في نقل خبر وفاة محمود عبد العزيز (بالقطاعي) لكي تباع صحفهم الكاسدة |
و أصرار غريب يا الصادق من البعض الاخر على تصديق الخبر و التكفّل بنقله لكل من وضعه حظه العاثر في طريقهم
|
Post: #73
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 08:15 PM
Parent: #72
Quote: الان علي قناة الشروق :::
في اتصال هاتفي مع جمال فرفور
حالة الحوت في تحسن مستمر |
قبل اقل من 10 دقائق من الصفحة الرسمية لفرقة عقد الجلاد
http://www.facebook.com/Igdelgalad
أنا شخصيا ما حضرت ، لو فيكم زول حضر الاتصال دة يا اخوانا ممكن يجي يأكد لينا
|
Post: #74
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 08:35 PM
Parent: #73
| Quote: تسابق مقيت من بعض المرضي النفسيين في نقل خبر وفاة محمود عبد العزيز (بالقطاعي) لكي تباع صحفهم الكاسدة .... |
وجهة نظر فيها كتير جدا من الواجهة
مرافته لي محمود في مرضو ابدا ما ارتحت ليها
|
Post: #75
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 09:32 PM
Parent: #74
Quote: إلى كل مروجي الشائعات بما يخص وفاة الاستاذ محمود عبد العزيز
أود أن اقول لهم ان الحوت ما زال يتنفس و لم يغرق في بحر الموت |
هذا ما جاء بالحرف على لسان الصحفي يوسف الكودا قبل قليل في قناة النيل الازرق في برنامج حالة استفهام المباشر
|
Post: #76
Title: Re: أين المتعة في نقل خبر الموت !!!!!
Author: سلمى تاور
Date: 01-15-2013, 10:24 PM
Parent: #75
د. خميس محمد توم المسئول في السفارة السودانية بعمّان
يؤكد قبل دقائق في اتصال مباشر به من برنامج حالة استفهام قناة النيل الازرق ان محمود عبد العزيز ما زال حياً
فالندعو له جميعاً بالشفاء
|
Post: #77
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 10:43 PM
Parent: #76
البشير
نافع
فرفور
هيثم كابو
مسئول السفارة في عمان
اهتمام المؤتمر الوطني بالامر ده حاجة تحير فعلا
|
Post: #78
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 11:08 PM
Parent: #77
| Quote: اهتمام المؤتمر الوطني بالامر ده حاجة تحير فعلا |
يا وليد يا (ود قلبا) الموضوع ده بالذات لو ما جا التأكيد من الاسرة ما تصدق . (سمفيهت ساي سيحبة)؟
انا ما عندي اي اهتمام بي اخبار الموت لكن لو عندك مشكلة مع سلمى - حلها - لانها انسانة نبيلة وفيها الحس الانساني ولا ازيد.
ومحمود ليهو الله.
|
Post: #79
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 11:15 PM
Parent: #78
ابدا ماف اي مشكلة يا اسامه حتى تحل
....
كدي النسالك واحدة واحدة وخلينا من الموت
محمود عنده شنو ؟
|
Post: #80
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 11:23 PM
Parent: #79
كدة تمام يا ولي
على حسب علمي انو عندو مشكلة في تجلط الدم ودي على حسب خبرتي المتواضعة في مستشفى موجود في الاردن يمكن تحل . انت عارف الاردن دي ورغم خيبتها قبلة العلاج في الوطن الاسمو عربي لانها تسوق للسياحة الطبية.
|
Post: #81
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 11:26 PM
Parent: #80
كدي واحدة واحدة
محمود دخل مستشفى الاردن بنزيف حاد في المخ بسبب زي ما قلت مشكلة في تجلط الدم
السبب في مشكلة تجلط الدم شنو ؟
|
Post: #82
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 11:32 PM
Parent: #81
علميا وعلى حسب خبرتي البسيطة
خلوالصفائح الدموية وتكاثر عامل البرويتن في الدم.
اما ليه؟
ما عارف.
|
Post: #83
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 11:43 PM
Parent: #82
صحيح
( اما ليه؟
ما عارف.)
عليك نوووووووووووووور
عدم تجلط الدم عرض لي مرض
المرض الاساسي شنو وحصل كيف .. ده ياه الكلام ؟
الحاصل ده كله يا اسامه تاثيرات جانبيه لشي اساسي ؟
الشئ الاساسي ده شنو ؟ وحصل كيف ؟
ده السؤال
نزيف حاد في المخ عرض وتاثير جانبي لعدم تجلط الدم
وعدم تجلط الدم ذاتو عرض وتاثير جانبي لي حاجة تانية
اربط ده كله واعمل فلاش باك 3 شهور لي وراء
وشوف حا تطلع بشنو يا اسامه
لو عندك كلام تاني تعال نتمو في الخاص
|
Post: #84
Title: Re: أين المتعة في نقل خبر الموت !!!!!
Author: Osama Mohammed
Date: 01-15-2013, 11:48 PM
Parent: #82
بالمناسبة يا ولي
عدم تصديقي للخبر جاء من عدم مطابقة ما جاء للمعلومات التي بحوذتي والتي اعرف ان ما نشر هو موت دماغي وليس موت سريري ، كيف لي ان اصدق معلومة مغلوطة ؟ صحفي او طبيب لا يعرف الفرق بين الموت الدماغي والموت السريري ويطالبنا بتصديقه؟ المضحك ان المنتديات بعد تساؤلي عن الفرقبين الموت الدماغي والموت السريري نشرت ان الطبيب قال ان الوفاة نتيجة للموت الدماغي .
طوالي اتصلت بمن يعرف اسرة الفقيد واخبروني بمآساة الاشاعة ، لا راد لقضاء الله ومحمودليس كبيرا على الموت ، ولكن ؟ نحنا ما عندنا قنابير والداير يقنعنا يجي بالباب ونحن نشكرو بعد داك . وقعلك؟
|
Post: #85
Title: Re: أين المتعة في نقل خبر الموت !!!!!
Author: وليد محمد المبارك
Date: 01-15-2013, 11:54 PM
Parent: #84
ارجع تاني يا اسامه اسال الزول السالته وقول ليه
محمود وصل للحالة الهو فيها دي كيف ؟
ما زول كان عيان في بطنو
الودا المرض لي راسو شنو ؟
الناس طوالي ماشة لي موت دماغي وموت سريري مع انو دي نتيجة لكن السبب شنو ؟
وقيل في الاثر
اذا عُرف السبب بطل العجب
اعرف السبب سيبطل عجبك
|
Post: #86
Title: Re: أين المتعة في نقل خبر الموت !!!!!
Author: Mohamed Sanad
Date: 01-16-2013, 00:03 AM
Parent: #84
ايها الاحباء جاني خبر من صديق اثق به مفاده ان الوظائف الحيويه لدي محمود عادت للعمل و قد اتاه الخبر مباشرة من المستشفي عن طريق جمال فرفور
Bakry Mohamed Salih
منذ 3 ساعات
الآن عملت جميع وظائف الأعضاء بجسد الحوووووووووت
مباشرة من جمال فرفور
|
Post: #87
Title: Re: أين المتعة في نقل خبر الموت !!!!!
Author: سلمى تاور
Date: 01-16-2013, 00:07 AM
Parent: #86
| Quote: ايها الاحباء جاني خبر من صديق اثق به مفاده ان الوظائف الحيويه لدي محمود عادت للعمل و قد اتاه الخبر مباشرة من المستشفي عن طريق جمال فرفور |
الحمدلله ، الحمدلله
شكراً محمد سند
|
Post: #89
Title: Re: أين المتعة في نقل خبر الموت !!!!!
Author: سلمى تاور
Date: 01-16-2013, 12:46 PM
Parent: #88
غريب امر هذه البلد يا اسامة
مستشفياتها تقتلك بالاهمال
و شعبها يقتلك بالاشاعات و النحيب المبكر على جسدك قبل ان تفارقه الروح
و محمود يتحدى كل هذا
فاليشفك الله يا محمود ...
|
Post: #90
Title: Re: أين المتعة في نقل خبر الموت !!!!!
Author: أيمن الفاضل
Date: 01-16-2013, 01:03 PM
Parent: #89
اللهم يا شافي أشفه
اللهم يا لطيف ألطف به
اللهم يا كريم أكرمه بجلباب الصحة والعافية
اللهم يا الله قد دعوناك كما أمرتنا فاستجب لدعائنا كما وعدتنا
|
Post: #91
Title: Re: أين المتعة في نقل خبر الموت !!!!!
Author: عماد شمت
Date: 01-16-2013, 01:13 PM
Parent: #89
شكرا الاخت الكريمه سلمي تاور
والله انا ماعارف وين المتعه في نقل خبر الموت !!!!!
والله عيب علي الناس وحرام تألموا اهله واحبابه وهو علي قيدالحياة
وناس فتحت بوستات بوفاته غريب امر الناس الناسيه انه الله هو الشافي
والقادر علي كل شئ وهو الذي يحي العظام وهي رميم كل شئ عند رب العالمين
ممكن واملنا فيه كبير
اقول باني متفائل جدا بان محمود سيعود معافي باذن الله الواحد الاحد وسيعود
لاهله واحبابه
الاسرائيلي شارون يااخوانا لسع عايش لم يقولوا انه مات منذ دخلوه في المستشفي
عاشت شابه ايطاليا 18 عاما بالاجهزه ثم بقرار من المحكمة نزعت عنها الاجهزه
ليه الناس دايرة تقتل محمود وهو لسع عايش !!!!!!!!!!!!!!!!!!!!
املنا في رب العالمين كبير وهو عل كل شئ قدير ...
|
Post: #92
Title: Re: أين المتعة في نقل خبر الموت !!!!!
Author: سلمى تاور
Date: 01-16-2013, 01:52 PM
Parent: #91
Quote: اقول باني متفائل جدا بان محمود سيعود معافي باذن الله الواحد الاحد وسيعود
لاهله واحبابه |
ياااااارب يا عماد
ياااااااارب ...
|
Post: #93
Title: Re: أين المتعة في نقل خبر الموت !!!!!
Author: سلمى تاور
Date: 01-16-2013, 08:22 PM
Parent: #92
في حديث لي مع احد الاصدقاء الموجودين الان في العاصمة الاردنية عمّان
أكد لي بعد زيارة له لمستشفى ابن الهيثم انه قد التقى والدة محمود و خاله
و اخبروه ان حالة محمود في تحسن وفقاً لكلام الطبيب المعالج .
|
Post: #95
Title: Re: أين المتعة في نقل خبر الموت !!!!!
Author: سلمى تاور
Date: 01-17-2013, 11:55 AM
Parent: #93
الموت لا يوجع الموتى ...
الموت يوجع الأحياء ...
لك الرحمة يا محمود
و لنا الصبر ...
|
|
|
