Post: #1
Title: حب الناس من حب الله: بمناسبة وداع الأخ ود الباوقة
Author: محمد عبد الله الحسين
Date: 01-12-2013, 10:12 PM
ساقني لكتابة هذا البوست كلمة الوداع التي كتبها ود الباوقة و ردود الفعل من الأعضاء حيث حسيت أن هناك رابط عاطفي يربط بين الأعضاء الذين هم افتراضيين بشكل من الأشكال فهناك نوع من الرابطة و الأحاسيس الحميمة التي نمت من خلال المشاركات و هذا الجانب يحتاج إلى مزيد من التعليق في وقت آخر.
الجانب الثاني هو جانب يتعلق بعضو ( الأخ ود الباوقة) فقد قمت بقراءة الردود جميعها حول (وداع ود الباوقة) ولم أرد أن أستبق رأي الأعضاء حول هذ الشخصية التي أحببتها من على البعد لا لشيء إلا لدماثة خلقه و طهارة لسانه.و رغم أنني عهد ضمن عضوية المنبر لكن (كنت بتاوق من الحيطة) كما عبّر أحد الأعضاء الجدد الظرفاء واصفا حالة المتابعة من الخارج لغير الأعضاء. و رغم متابعتي من الخارج كنت استطيع تصنيف المشاركين من خلال مشاركاتهم. فأنت و الله إنسان ابن ناس و مهذب و هو المفترض أن يكون ديدننا سواء في المنبر أو خارجه. و رغم اختلافي معك في تأييد الإنقاذ لكنني لا أقلل من رأيك فهذا اختيارك و لك مبرراتك و قناعاتك و لا بد أن احترمها. خاصة أنك لست تنفيذي أو مشارك في الجهاز التنفيذي أو السياسي.إن شاء الله تسافر و ترجع بالسلامة.
لك حبي و تقديري
أتمنى أن تكون موجودا لأننا نتمنى أن يكون المنبر للتهذيب و الاختلاف بشكل مقبول حتى نستفيد و يستفيد الناس و لا داعي للتهريج و استخدام الألفاظ غير المهذبة أو التقليل من اراء أو خيارات الغير.
|
Post: #2
Title: Re: حب الناس من حب الله: بمناسبة وداع الأخ ود الباوقة
Author: صديق الموج
Date: 01-12-2013, 10:20 PM
Parent: #1
| Quote: إلا لدماثة خلقه و طهارة لسانه. |
يا برلوم صفا انتباه للخلف دور
يازول هو زول صاحبه ابو حسين يكون بالصفات دى
المرء ومن يخالل..
لكن بينى بينك المرحوم كان ابن ناس بس صاحبه وغد،،،
|
Post: #3
Title: Re: حب الناس من حب الله: بمناسبة وداع الأخ ود الباوقة
Author: محمد عبد الله الحسين
Date: 01-12-2013, 10:34 PM
Parent: #2
شكرا على مداخلتك يا ظريف
|
Post: #4
Title: Re: حب الناس من حب الله: بمناسبة وداع الأخ ود الباوقة
Author: إحسان عبد العزيز
Date: 01-12-2013, 10:39 PM
Parent: #3
| Quote: لكن بينى بينك المرحوم كان ابن ناس بس صاحبه وغد،،، |
المرحوم ده هو مشى وين يا صديق الموج؟؟؟
فصلوا من المدرسة ولاّ ماله!!!!
|
Post: #5
Title: Re: حب الناس من حب الله: بمناسبة وداع الأخ ود الباوقة
Author: صديق الموج
Date: 01-12-2013, 10:42 PM
Parent: #4
Quote: المرحوم ده هو مشى وين يا صديق الموج؟؟؟
فصلوا من المدرسة ولاّ ماله!!!! |
احسان سلام
بكون نقلوهو من كتيبة الجداد الاليكترونى لى شعبة اخرى،،،
|
Post: #6
Title: Re: حب الناس من حب الله: بمناسبة وداع الأخ ود الباوقة
Author: احمد الأمين على إدريس
Date: 01-12-2013, 11:12 PM
Parent: #5
الاخ محمد عبدالله
والاخ صديق الموج
سلام وتحية
مداخلة الاخ صديق الموج اعلاه لا تقرأ بعيداً من سياق بوست الاخ تمبس ارهبوهم ...الخ
وان بدت مازحة ضاحكة فهى لا تخلو من ارهاب بمعنى اياك وانتبه واحذر
والا نلت من التصنيفات ما تنؤ به العصبة من البوستات...
|
Post: #7
Title: Re: حب الناس من حب الله: بمناسبة وداع الأخ ود الباوقة
Author: علاء الدين حيموره
Date: 01-12-2013, 11:32 PM
Parent: #6
الاخ محمد عبد الله
اولا مرحب بيك بيننا في هذا المنبر واتمنى ان تطيب لك الاقامة فيه
وطبعا ما بتطيب الا اذا اديت زي الاسمو صديق الموج دا في راسو لانو راجل وغد ..
اتفق معك تماما في ما جئت به ... وازد وبحكم معاشرتنا للاخ العفيف عمر ود الباوقة انه رجل اخو اخوان وطاهر سيرة وسريرة وواسع الصدر ويتحلى بكل الصفات الكريمة .....
شكرا ليك ولكن نحن لسه ما انقطع العشم في ان يعدل اخونا عمر ود الباوقة من قراره ..
مودتي
|
Post: #8
Title: Re: حب الناس من حب الله: بمناسبة وداع الأخ ود الباوقة
Author: إحسان عبد العزيز
Date: 01-13-2013, 02:02 AM
Parent: #7
Quote: احسان سلام
بكون نقلوهو من كتيبة الجداد الاليكترونى لى شعبة اخرى،،، |
يا ربى السبب شنو؟
يكون محتاج لكورسات زيادة !!!
ولاّ يكونوا عشان مصاقرتك دى يا ود الموج دايرين يخارجوهو قبال ما يطب بسكرى ولاً ضغط وتفقد البلاد الهملانة دى عنصر هام من عناصر التطبيل والتهليل والمزغرداتية..
قطر عجيب يودى ما يجيب..
والعاقبة لباقى الكورس الذى أتحفنى إستقبالاً ناس زيد وعبيد وناس زعيط ومعيط..
صحى يا موج مسعول من الخير هى الشلة دى مختفية مالها !!!
خايفين من التنقلات دى ولاً شنو..
بس(بكسر الرا) الخفى اليخفاهم..
|
Post: #9
Title: Re: حب الناس من حب الله: بمناسبة وداع الأخ ود الباوقة
Author: محمد عبد الله الحسين
Date: 01-13-2013, 11:50 AM
Parent: #7
شكرا على ترحيبك و برضه كلك مفهومية.تحياتي
|
|