أنت وقعته على البتاع دا؟ لا لا ... والله ما حصل!

أممممممماك الجماعة تلبوا(نطوا) كلهم من بوكس (الفجر الجديد)
..
..


__
؟

حالهم زي حال المسطول المسكتو الكشه
ودي قصة بحكيها ليكم هسي دي
..
..



قالوا في مسطول مسكوه في كشه وهو قاعد يحشش
ناس الكشة ودوه النقطة وبدأ المتحري يسأل فيهو

المتحري : يا زول انت مسكوك مع الجماعة ديل وانت بتحشش؟
المسطول: ايوا يا سعادتك
المتحري: مسكوا معاك حشيش؟
المسطول: ايوا يا سعادتك
المتحري: كان معاكم بنقو وحشيش ومخدرات؟
المسطول: آآي يا سعادتك

المهم أي سؤال سألو ليهو المتحري كانت اجابة المسطول نعم
وكل سؤال سألوه ليهو يودي في ستين داهية

..
..

المتحري : يا عسكري شيل الزول دا يبيت في الحراسة لغاية بكره
عشان نعرضوا على وكيل النيابة

مسطولنا بيت في الحراسة وبكره شالوه تنقش .. تنقش
عشان يعرضوه على وكيل النيابة
ولما وصل النيابة وكيل النيابة بدأ يسأل فيهو:

وكيل النيابة : يا زول انت مسكوك مع الجماعة ديل وانت بتحشش؟
المسطول: لا يا مولانا
وكيل النيابة: مسكوا معاكم حشيش؟
المسطول: ابداً ما حصل والله
وكيل النيابة: كان معاكم بنقو وحشيش ومخدرات؟
المسطول: يا مولانا حشيش شنو كمان ما حصل يا مولانا

وكيل النيابة : طيب ياخ أنا قدامي المحضر بتاع امبارح
وأي سؤأل سألو ليك المتحري كانت اجابتك نعم
هســـي تجي الليلة الصباح تنكر كل دا؟ ليه؟

المسطول : يا مولانا اجاباتي الامبارح دي كلها ما صحيحة ياخ
لأني امبارح كنته مسطول وما عارف كنته بقول في شنو

النطه ولا البعـ........................ (المثل)

قائمة الجماعة النطوا من البوكس حتى كتابة هذه السطور

حزب الأمة (عشان تاني تصدقوا كلام جادات انو الصادق المهدي دا غواصة)

الحزب الشيوعي السوداني

جابوا ليهو العلمانية مقنطره في محلو قال ما عايز

فأيقنا بموت نقد بعد هذا الموقف وأيقنا أكثر بأن البديل ليس في قامة نقد
اكتر حاجة كان يتميز بها الحزب الشيوعي هي التنظيم وصلابة المواقف

ياخ البتاع دا لسه حبرو لم يجف

المؤتمر الشعبي يوافق على العلمانية ثم ينط سريعاً من البوكس

والله صحي

جانا الخبر شايلو كوستاوي فقال:

حزب البعث العربي الاشتراكي كمان نطه من البوكس

وقال ليهو بلا فجر جديد بلا بتيخ معاكم

هههههههههههههههههههههههههههه

ود البشاري ياخي خلينا مع المساطيل احسن

Quote: هههههههههههههههههههههههههههه ود البشاري ياخي خلينا مع المساطيل احسن

يا هاشم وديل فرقهم من المسطول الفوق دا شنو عليك الله؟

الله يكون في عون الشعب السوداني الفضل

لأنو ناس الانقاذ ديل لا بفوتوا ولا بموتوا ياخ

غايتو كان نافع ده قاعد مع الحكومة العوجة ما بتجيهم

ود البشاري تحياتي
مية نطة ولا الحساب والجرد الذي يلي القطع .. لعلك تعرف باقي النكتة ... أتمنى أن تكملها هههههه
الشفيع

سلام

انا فى اعتقادى انهم ما نطوا

بيوهمو فى نافع انهم نطوا

المهم البوكس ما فضل فيهو الا السواقين مالك عقار والحلو
بالاضافة الى مساعد الحلة مناوي ... والله صحي
مع بقاء بعض الركاب :
ياسر عرمان
نجلاء سيد احمد
ومنو القومي السوداني
..
..
الخ الخ

وديل زاتم لو كان عندهم حق تذاكر كانوا نزلوا


ياخ أنا الاغبش دا رأي قلتو قبل سنة من تاريخه تقريباً الجبهة الثورية.........

ازيك يا (مهجوووووب) ياخ

Quote: غايتو كان نافع ده قاعد مع الحكومة العوجة ما بتجيهم

يا محجوب ديل ولا محتاجين نافع ولا غيرو
عارف ما رأيت حكومة سودانية في موقف ضعف
كما هو حال الانقاذ منذ فترة
اتا زول مزارع وعارف المزارعين بقوموا يختوا ليهم عود
ولا شِعبه قديمة في وسط الزراعة ويلبسوها جلابية مقطعة
عشان تخوف الطير من أكل الزرع
أها نافع والحكومة مفروض يعملوا زي المزارعين ديل
لأنو معارضتنا المحترمة براها بتعوق نفسها
براهم قاموا مشوا كمبالا وعملوا ميثاقهم ووقعوا عليهو
وتاني يوم السكرة فكت وجات الفكرة ... والله صحي

تحياتي

الشفيع

ازيك يا اخوي ..

Quote: ود البشاري تحياتي مية نطة ولا الحساب والجرد الذي يلي القطع .. لعلك تعرف باقي النكتة ... أتمنى أن تكملها هههههه الشفيع

أنا زاتي قلته أخير ليهم النطه من الشغل داك :))
لأنو باقي المثل داك قاســـي ياخ .. والله صحي ()
..
..


__
العصرهم للكلام دا شنو؟

نايف

وعليكم السلام يا حبيب

Quote: انا فى اعتقادى انهم ما نطوا بيوهمو فى نافع انهم نطوا

اصحى يا بريش ياخ
غايتو انا ما مستبعد يكون نافع حجز ليهم وقطع ليهم التذاكر لكمبالا كمان

تحياتي

أكتر حاجة مكيفاني اختنا الفاضلة أماني العجب

تجيب خبر ركوب البوكس .. وبعد شوية تجيب خبر نطة الناس من البوكس
..
..


حاشية:
___
معليش يا بت العجب حال معارضتنا يجيب الهارت اتاك
وانا عارفك مخلصة ومتحمسة قدر شنو
+
احترامي طبعاً

Lana Mahdi

ازيك يا أميرة ياخ
غايتو البركة في الفجر الجديد الخلانا نشوف حروفك من تاني
اتمنى الاحباط ما يخليك تغيبي تاني

عارفين الاحباط الكبير وين؟
الناس الكبار والقدام ديل الفيهم عارفينها من زمان

أها ناس حركة حق وحركة باطل ديل مالهم؟
وناس مبادرة لا لقهر النساء؟
وناس قرفنا؟
..
..

وعييييييييييييك كل الحركات الشبابية ديل مالم صحي :)

عادي يالامين
الجماعة مافي زول شغال بيهم من 20 سنة
قالوا يعملوا اي حركة كده عشان الناس ماتنساهم (نظام ياناس هوووي نحن هنا)
الله يقلعهم

Quote: الجماعة مافي زول شغال بيهم من 20 سنة قالوا يعملوا اي حركة كده عشان الناس ماتنساهم (نظام ياناس هوووي نحن هنا) الله يقلعهم

حيدر كيفك يا حبيب
الجماعة عملوها شينة ياخ وعلى الايمان نافع هرشهم ليك هرشه
قالوا احسن نتراجع من البتاع دا ... والله صحي

تحياتي

البشاري ازيك

ديل زي بتاع القطر

انتو قلتو بتانية ولا بتارية

.
.
.
.
والله صحي

Quote: ديل زي بتاع القطر انتو قلتو بتانية ولا بتارية . . . . والله صحي

والله ياها زااااااااتها يا مجدي ياخ

+

مرحب بيك في الحوش الكبير

لا بد من تقديم التحية وعميييييييييق الاحترام للحزب الديمقراطي الليبرالي
بس لو تنزلوا لينا تحت شوية يا عادل ياخ

البشارى سلامات

Quote: لا بد من تقديم التحية وعميييييييييق الاحترام للحزب الديمقراطي الليبرالي بس لو تنزلوا لينا تحت شوية يا عادل ياخ

شكرا ليك ولكن ننزل وين يا حبيب ؟؟




من هندس هذا الاتفاق المحكوم بالفشل وجمع حوله هذه الاحزاب الهزيلة ويرفض التحالف مع القوى الديمقراطية الحقيقية
هو المسؤول عن هذه المهزلة .

عادل عبد العاطي

سلامات يا حبيب..

Quote: شكرا ليك ولكن ننزل وين يا حبيب ؟؟

تنزلوا تحت للجماهير يا عادل وتهندسوا وتجمعوا حولكم الناس
اعرف وجودكم على الأرض ولكن انزلوا أكتر يا عادل ياخ

كن بخير

الحزب الاتحادي برضو من الناطين من البوكس

وعاش ابو هاشم .. عاش ابو هاشم

يا زول انت وقعته على البتاع دا؟

لالالا والله لا وقعته ولا حاجة

Quote: بيان حركة قرفنا حول ميثاق الفجر الجديد الموقع بكمبالا إن الأزمة السياسية التي تورط فيها نظام البشير وورط فيها البلاد جعلت مستقبل السودان ووحدة أراضيه علي المحك .. ولا توجد لدى العصابة الحاكمة ادنى فكرة عن كيفية الخروج من الأزمة .. فالحرب لا تزال مستمرة في جبال النوبة ودارفور والنيل الازرق ولا زالت القوى الثورية في تلك المناطق تكبده خسائر لا طاقه لهم بها .. والمتضرر الوحيد من هذه الحروب هو المواطن السوداني، ومنهم أخوتنا في قوات الجيش السوداني والدفاع الشعبي الذين يزج بهم المؤتمر الوطني في حروبه زجا بينما ينعم أبناء المسؤولين بالتعليم والوظائف والأمن والأمان، وإن أفراد الدفاع الشعبي المأسورين لدى جيش الحركة الشعبية في جنوب كردفان الآن مثال واضح على من يكتوي بنار الحرب لفقره وضعف حيلته، ومن ينعم بإسمها. إن أسعار السلع الاستهلاكية ما زالت في زيادة مستمره مع and#65159;نعدام الزيادة الموزاية لها في المرتبات والأزمة الاقتصادية في and#65159;ضطراد.. وحكومة البشير غير قادره على دفع اشتراكاتها للأمم المتحده التي بدورها سوف تسقط حق التصويت في الجمعيه العمومية للسودان ان لم يدفع اشتراكاته السنويه، وما زالت حكومة البشير تقترض وتقترض، من البنك الدولي ومن الصين وقطر وغيرهما، وهي ديون تصب فقط في آلة حروبها الخاسرة لا في عجلة تنمية الوطن، إن حسبة بسيطة للكميات الهائلة من وقود الطائرات الذي يصرف على الأنتنوف ذو المهمة الواحدة: قصف المدنيين، ترينا مدى المال المهدر، وهي ديون سنسددها نحن وسيسددها أبنائنا من بعدنا. . شباب وشابات السودان الأفاضل : and#65159;ن حرص المؤتمر اللاوطني علي تفتيت قوى المعارضه هو فعل ذو طابع حاسم في اجهاض او تأخير عملية التغيير في السودان .. من هنا يأتي حرصنا التام علي وحدة القوى المعارضة وحشد كل من له مصلحه في and#65159;سقاط نظام الحرب والجوع والمرض وبناء سودان الديمقراطيه والسلام والرفاه. شابات وشباب السودان الاوفياء : ان ما حدث في ما يسمي ب (هبة سبتمبر 1995 ) من مظاهرات ضخمه قادتها حركة الطلبة وبدعم قوي من الحركة الشعبية ادي and#65159;لي حراك جماهيري ضخم بل هو الأضخم منذ سطو البشير علي السلطة لكن ما كان ينقص هذا الحراك هو تشتت القوى السياسية .. فكان تخاذل القوى المدنية ورفضها التحالف مع القوى المسلحة سببا رئيسيا في اجهاض الحراك .. و علينا ان نعي الدرس ونتعلم من التاريخ نحن في حركة قرفنا نؤكد علي الاتي : - سنحافظ في حركة قرفنا على نهجنا السلمي الذي انتهجناه منذ نشأة الحركة، وسنواصل تطبيق اللاعنف ضد قمع النظام حتى تتم إزالته. - تفهمنا التام لإختيار بعض المجموعات خيار الكفاح المسلح ضد نظام يقتلهم ويشردهم بقوة وبطش، وأحداث مدينة نيالا في يوليو الماضي ليست ببعيدة، حينما فتح النظام النار على طلاب وطالبات الثانوي لتظاهرهم سلميا ضد الغلاء، وقد وقعت هذه المجموعات على الميثاق متعهدة بوقف إطلاق النار حال توقف إعتداء الناظم السافر عليهم. - and#65159;ن توقيع حركه قرفنا على ميثاق الفجر الجديد هو إعلان لحسن النية وموافقة الحركة علي البنود المطروحة فيه لسودان ما بعد الإنقاذ، وتؤكد الحركة أنها ليست حزبا سياسيا، وتذكر بأنها حركة رفض تقوم على مبادئ اللا عنف لإسقاط نظام المؤتمر الوطني. - إن تحالف عدد من الحركات المسلحة مع عدد من القوى السياسية و المدنية والحركات الشبابية في (ميثاق الفجر الجديد ) يعد خطوة للأمام، وإن إنسحاب بعض الأحزاب أو القوى بعد توقيعها لا يعني أبدا فشل الرؤية المطروحة في الميثاق لفترة ما بعد النظام، ونذكر أن حركة قرفنا أقرت رؤية مشابهة في وثيقتها الأولى المعنونة (مطالب شعب) ويمكن الرجوع إليها في موقعنا الإلكتروني. - سندعم مشروع الفجر الجديد حتى يصبح واقعا ملموسا، ونكرر، أن المشروع ليس مشروع أحزاب أو مجموعات أو شخصيات بل هو مشروع وطن، يحمل في طياته نقاط مفصليه تساهم وبشكل فعال في حل الازمه السودانيه واننا عازمون في الحركة وبكل ادواتنا السلميه علي تحويل المشروع الي خطاب شعبوي وخلق التفاف جماهيري حوله، ونأمل من كافة القوى السياسية الوطنية ومنظمات المجتمع المدني والأكاديميين أن يساعدوا بتطويره ليكون بديل السودانيين لنظام حكومة الإنقاذ التعيس. وحنبنيهو البنحلم بيهو يوماتي .. وطن شامخ وطن عاتي حركة قرفنا لإسقاط المؤتمر الوطني العاشر من يناير، 2013

فوق

سلام يا هندسه
ان الايادى المرتعشة لا تقوى على البناء
والله صحى ...
اما احزابنا النطت من البوكس كلها ... يا ها المحريه فيها ما مجربة....
والراجيها واطاتوا اصبحت .....والله صحى ...

Quote: سلام يا هندسه ان الايادى المرتعشة لا تقوى على البناء والله صحى ... اما احزابنا النطت من البوكس كلها ... يا ها المحريه فيها ما مجربة.... والراجيها واطاتوا اصبحت .....والله صحى ...

صدقت يا احمد اخوي

فاقد الشـــئ لا يعطيه ... وهؤلاء لا يخجلوا
لأنهم لو كانوا كذلك لما وجدنا في وجوههم مزعة لحم الآن
مبروك العضوية وان شاء يطيب ليك المقام هنا

تحياتي

Quote: فوق

شكراً يا زول واحد على رفع البوست

البشارى يا حبيب قلت لى النطة ولا الف بع.....................ص
الله يجازى محنك
- لقيتك زول شرامى يااخى
والله صحى

الغريب فى الموضوع قالو رسلنا مناديبنا للاجتماع والتشاور لعمل وثيقة مبدئية ...
لكن المناديب والجبهه الثورية طلعوها اتفاق عديل وفيهو بنود اصلا ما اتناقشو فيها

...........

يبقى السؤال من خدع التاني .. وكان داير يدخلو الماسورة ؟
هل تنصلت الاحزاب ؟
ولا الجبهه الثورية عاوزة تخمهم كلهم بى بكسي واحد ما معروف سواقو منو ؟


..............

تحياتي الاخ الامين البشاري

Quote: الغريب فى الموضوع قالو رسلنا مناديبنا للاجتماع والتشاور لعمل وثيقة مبدئية ... لكن المناديب والجبهه الثورية طلعوها اتفاق عديل وفيهو بنود اصلا ما اتناقشو فيها

مهما يكن فهي سقطه كبيرة جدا لهم
وتبين مدى ضعف التنسيق بين المناديب واجهزة الحزب

تحياتي يا وضاح

Quote: البشارى يا حبيب قلت لى النطة ولا الف بع.....................ص الله يجازى محنك - لقيتك زول شرامى يااخى والله صحى

عبد الحكم

يا زول نطه ولا ألف ...........
ونطه تفوت ولا حد يموت .. والله صحي

تلو ضراعاتكم .؟؟؟؟؟ اعجبتني او استفزتني هذه المقولة من سليط اللسان نافع على نافع ولكن معه حق لا يمكن لرجل تريد أن تحاسبه أن يسلمك عنقه .(براحة كده)...
وايضاً ربما ثقة منه في أن حواء السودان لم تنجب سوى اشباه رجال ..؟؟؟؟ للاسف نحن عار على الوطن عار على التاريخ لا نساوى ما ننتعل من (احزية )..
وثيقة الفجر الجديد او اى كان المسمى هي مفتاح لعمل متكامل يحافظ على وحدة السودان يساهم في التغيير المنشود بتكوين الية مشتركة بين الجميع رغم اختلاف الميول والاتجاهات .. .
(المليص) والمشي ام فكو الذي مارسته احزاب اعتقدت لزمن انها حريصة على مصلحة السودان لا يشبه رجال السياسة ويوضح بجلاء مدى التخبط والانهزام الذي يسكنها ...
احزاب توقع ثم تقع اى والله ؟؟؟ هذا لا يمثلنا انما يمثل نفسه نغمة نسمعها كثيراً ...
ماهو الموقف السليم ياهولاء بالله ماذا استفدنا من التبريرات الواهية والمواقف الما عندها لون دي طيلة العقدين الماضيين ...
السنا رجال نستطيع أن نقاتل حتى الموت او الحرية
الفجر الجديد نقطة مهمة في تحول الدولة السودانية من دولة بويتات الى دولة مؤسسات واجماع ولكن (النسنسة الحاصلة) بتخلي البلد يواصل رحلة الصعود الى اسفل بسرعة اعلى من السابقة .. الحرب نار ونور من اراد الحرية عليه أن يدفع الثمن والا فليبشر بطول العبودية والانكسار .. الى متى ياهولاء الى متى...؟؟؟

العزيز الامين البشاري.......... اسعد الله صباحك

Quote: الفجر الجديد نقطة مهمة في تحول الدولة السودانية من دولة بويتات الى دولة مؤسسات واجماع ولكن (النسنسة الحاصلة) بتخلي البلد يواصل رحلة الصعود الى اسفل بسرعة اعلى من السابقة .. الحرب نار ونور من اراد الحرية عليه أن يدفع الثمن والا فليبشر بطول العبودية والانكسار .. الى متى ياهولاء الى متى...؟؟؟

الغريبة يا الجنيد لم يكونوا مضطرين ولا مجبرين على ذلك
فعلوه بمحض ارادتهم ووقعوا على الميثاق
وحينما توعدهم نافع وارهبهم رفعوا ايديهم منه دون خجل او مواربه

بلد هذا حال احزابها وهكذا حال زعماء احزابها حري بها أن تتاخر ولا تقوم لها قيامة

شكرا الجنيد لكلامك المليان دا ياخ