Post: #1 Title: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 10:37 AM
ايام وتمر علينا الذكرى الـ 18 لرحيل مصطفانا 17/1/2013م
Post: #2 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 10:39 AM Parent: #1
(مصطفى سيد احمد : صوت تعلمنا منه كيف نرى بالسمع و نسمع بالقلب)
Post: #3 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 10:59 AM Parent: #2
كتابة مصطفى لبنينة العديل والزين وتغنيهى بها هى واحدة من الذكريات المحفورة في النبض ومصطفى قام بتاليف البنية وسجلها بمناسبة زواج صديقنا نوح عبدالواحد الصادق ليسافر بها نوح للسودان كى يتم بها مراسيم زواجه بود حامد وبعدها وبعدها بشهرين رحل مصطفى ....
Post: #5 Title: Re: تعالو اسمعو مصطفى سيد احمد يغنى (العديل والزين) Author: usama Babiker Date: 01-09-2013, 11:03 AM Parent: #3
Quote: كتابة مصطفى لبنينة العديل والزين وتغنيهى بها هى واحدة من الذكريات المحفورة في النبض ومصطفى قام بتاليف البنية وسجلها بمناسبة زواج صديقنا نوح عبدالواحد الصادق ليسافر بها نوح للسودان كى يتم بها مراسيم زواجه بود حامد وبعدها وبعدها بشهرين رحل مصطفى ....
التحية لك الاخ بدر الدين الامير اذكر هذه البنينة تماما وكيف قدمت في حفل ابن عمتي نوح عبد الواحد .. وحفظناها حينها عن ظهر قلب ... مشكور علي هذه الذكريات ان كان مصطفي محفور فينا الي الابد ...
Post: #4 Title: Re: تعالو اسمعو مصطفى سيد احمد يغنى (العديل والزين) Author: saidahmed shami Date: 01-09-2013, 11:00 AM Parent: #2
تسلم ود الامير
نسال الله الرحمه والمغفره للراحل المقيم
في أنتظار التسجيل بفارق الصبر
Post: #6 Title: Re: تعالو اسمعو مصطفى سيد احمد يغنى (العديل والزين) Author: عمار محمد ادريس Date: 01-09-2013, 11:08 AM Parent: #4
واقفين فى اللفه
Post: #7 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:15 AM Parent: #4
نص البنينة هي ليلة العديل والزين والليلة العديل يا عديلة الله بسم الله إبتديت زولي السمح والزين من قومة الجهل معروف ولد سترة بالفال والسماح لنوم اخو الاخوان مستور العروض نوارة الديوان لي الجار والبعيد قدحو دوام مليان ود جعل العزيز قيدومن الفرسان ياقسم الكريم ابشر بشارة الخير فال نوح العيال والتانية رزقة كتير رقصن في الفرح ديسن طويل وغزير أخوات الرجال لابسات دروع وحرير مصطفى في الخليج نظم كلام موزون ذكر فيك وصوف درراً خفي ومكنون عقبال يا محمد كل صعيبة تهون ويجمعنا الفرح في ديارنا زي مايكون الشايقي الفصيح فرحان لود عمو ركازة الصديق شرق العيال تمو بالزين والعديل يا أختو يا أمو واخوانو العزاز طعم الحلو ونمو
Post: #8 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:19 AM Parent: #7
Quote: اذكر هذه البنينة تماما وكيف قدمت في حفل ابن عمتي نوح عبد الواحد .. وحفظناها حينها عن ظهر قلب ... مشكور علي هذه الذكريات ان كان مصطفي محفور فينا الي الابد ...
اسامة وقتها كنت امازح مصطفى ونوح واقول لهم اول مرة اشوف لى شايقى بشكر في جعلى
Post: #9 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:23 AM Parent: #8
Quote: نسال الله الرحمه والمغفره للراحل المقيم
Post: #10 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:26 AM Parent: #9
الكورال او الكورص الكان بردد خلف مصطفى: الراحل دكتور محمد الطيب منصور القانونى عصام حسين حسن عازف الايقاع عبدالمنعم الفكى بدرالدين الامير
Post: #11 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:27 AM Parent: #10
Quote: واقفين فى اللفه
عمار يعنى مش في صنقعت
Post: #12 Title: Re: تعالو اسمعو مصطفى سيد احمد يغنى (العديل والزين) Author: بدر الدين الأمير Date: 01-09-2013, 11:34 AM Parent: #11
في البنينة مذكور اسم قسم واسم محمد قسم الشقيق الاكبر لنوح ومحمد الشقيق الاصغر
Post: #13 Title: Re: تعالو اسمعو مصطفى سيد احمد يغنى (العديل والزين) Author: Mortada Adam Date: 01-09-2013, 11:39 AM Parent: #11
منتظرين
Post: #14 Title: Re: تعالو اسمعو مصطفى سيد احمد يغنى (العديل والزين) Author: عمار محمد ادريس Date: 01-09-2013, 11:41 AM Parent: #11
Quote: عمار يعنى مش في صنقعت
اللفه لفة جرابك المليان يا امير
اها بتشحتف روحنا كتير وال نمشي (الوكاي) ؟؟
Post: #15 Title: مصطفي سيد احمد Author: najma Date: 01-09-2013, 12:57 PM Parent: #14
يابدر الدين الامير نهارك سعيد مررنا لا لقاء التحية والتوقيع بالحضور والمتابعه
Post: #16 Title: مصطفي سيد احمد Author: najma Date: 01-09-2013, 12:59 PM Parent: #14
يابدر الدين الامير نهارك سعيد مررنا لا لقاء التحية والتوقيع بالحضور والمتابعه
Post: #17 Title: Re: مصطفي سيد احمد Author: Abureesh Date: 01-09-2013, 01:09 PM Parent: #16
بـــدر،
شوتها بالإيميل وما حتندم.. عندنا هنا اليوتيوب محظــور.
Post: #18 Title: Re: مصطفي سيد احمد Author: محمد عوض السيد Date: 01-09-2013, 02:19 PM Parent: #17
سلامات عوافي
رحم الله مصطفي سيد احمد والهم كل معجبيه الصبر والسلوان
انت يابدر الدين مالك بتشحتف فينا كده !! مدنا بالتسجيل ينولك الثواب فينا وتروي عطشنا للمصطفي
مع ودي واحترامي
Post: #19 Title: Re: مصطفي سيد احمد Author: بدر الدين الأمير Date: 01-09-2013, 04:46 PM Parent: #18
سادتى واحبابى اسف للاتاخير ولكم العديل والزين بصوت مصطفى سيد احمد
Post: #20 Title: Re: مصطفي سيد احمد Author: saidahmed shami Date: 01-09-2013, 04:53 PM Parent: #19
Post: #21 Title: Re: مصطفي سيد احمد Author: بدر الدين الأمير Date: 01-09-2013, 04:57 PM Parent: #20
شكرا سيد احمد للتصويب
Post: #23 Title: Re: مصطفي سيد احمد Author: بدر الدين الأمير Date: 01-09-2013, 04:59 PM Parent: #20
Quote: منتظرين
مرتضى اسفين للتاخير وارجو ان تكون عجبتك البنينة
Post: #24 Title: Re: مصطفي سيد احمد Author: بدر الدين الأمير Date: 01-09-2013, 05:01 PM Parent: #20
Quote: يابدر الدين الامير نهارك سعيد مررنا لا لقاء التحية والتوقيع بالحضور والمتابعه
نجمة ياضواية يسرنى مرورك وحضورك
Post: #25 Title: Re: مصطفي سيد احمد Author: بدر الدين الأمير Date: 01-09-2013, 05:03 PM Parent: #20
Quote: شوتها بالإيميل وما حتندم.. عندنا هنا اليوتيوب محظــور.
ابو الريش انت ناوى تعرس ولاشنو
Post: #32 Title: Re: مصطفي سيد احمد Author: ابراهيم الفاضل Date: 01-09-2013, 08:57 PM Parent: #20
استاذ بدر الدين والرائع سيد احمد شامي وكل من مر على هذا البوست الحنيين زيكم وكل عام وانتم بخير
لو لاكم ما كنا اتذكرنا اغاني حلوة زى دي ...
كونو بخير ..
Post: #34 Title: Re: مصطفي سيد احمد Author: وضاحة Date: 01-09-2013, 10:15 PM Parent: #20
يا سلاااااام ياخى
اليلة اليلة العديل والززززززززززين
الجعل العزاز قيدومة الفرساااااااان
اليلة العديل والزين
واليلة يا عديلة الله
رقصن فى الفرح ديسن كاااااااااااااابى طووووووويل وغزير
اخوات الرجال لابسات دروع وحرير
أيييييييييييييييييوى
حاجة تماااااااام
--------------------------------
انت يا بدر الدين مشتاق ليك لى جرتق ولا شنو بعد كده شوف ابريقك ومصليتك وين
Post: #22 Title: Re: مصطفي سيد احمد Author: Adil Hamza Date: 01-09-2013, 04:59 PM Parent: #19
thanks Badr
Post: #26 Title: Re: مصطفي سيد احمد Author: بدر الدين الأمير Date: 01-09-2013, 05:09 PM Parent: #22
Quote: سلامات عوافي
رحم الله مصطفي سيد احمد والهم كل معجبيه الصبر والسلوان
انت يابدر الدين مالك بتشحتف فينا كده !! مدنا بالتسجيل ينولك الثواب فينا وتروي عطشنا للمصطفي
ود عوض السيد والله انا جنى وجن الشحتفة بس قبيل جاتنى زنفة شغل فجأة فعذرا ياصاحب
Post: #27 Title: Re: مصطفي سيد احمد Author: بدر الدين الأمير Date: 01-09-2013, 05:11 PM Parent: #26
Quote: thanks Badr
وشكرا لحضورك ياعادل
Post: #28 Title: Re: مصطفي سيد احمد Author: بدر الدين الأمير Date: 01-09-2013, 05:24 PM Parent: #27
كان مصطفى يقول لنا : ان الملاحظ في العديل والزين دائماً النص يكون متفائل لكن اللحن حزين وذلك مرده إن الأم والأخوات بقدر فرحهن للأخ هن حزينات لأنه سوف يغادرهن و ينشئ أسرته الخاصة به فالحزن في اللحن مرده للفراق وكانت تلك واحدة من اشاراته العديدة لنا بأنه راحل ولوتأملنا في إختياراته لنصوص اعماله الأخيرة نجد هذا البعد بكثافة في النصوص والألحان حتى تلك الاعمال التي وضع لها أفكار الحان ولم تخرج للناس اذكر هنا مقاطع لبعضها
ما أشبه العشاق بالأنهار والأسرى للشاعر الراحل علي عبد القيوم في آخر الليل الذي أسرى دلف الجنود بجثتين الى الجـبانة الكبرى الجثة الاولى جسد نحيل خلته جسدي فوجدته بلدي لافرق يا مولاي بين النهر والمجرى! والجثة الاخرى جسد نحيل خلته ولدي فوجدته جسدي لا فرق يا مولاي بين الموت والميلاد والمسرى!
ما زلت عزائي ياوطني للشاعر النور عثمان ابكر ما بي من تيه الدنيا حكراً الاطماع في شئ بيديك لا احمل غلاً او املا أملي لقياك سعادة يومين كبيرين بين يديك لاتشكُ الحال من الابناء خرجوا للقاء ويعود العشاق والشرفاء مازلت قوياً يا وطني وفتيا ًمثل شراستنا وصفاء ليالي بهجتنا مازلت عزائي يا وطني
مفتتح الحريق للشاعر المصري احمد كامل هذا فضاء ميت والشمس تلهث في سباق الإنفلات نسيت أمومتها وباعت فرحُها للريح انكرت البراءة في عيون الفجر يتمت النهار الشمس تعطي فرصة اخرى لطير الليل كي يملى القرار وانا اسجل موقفي لا الليل قديس ولا القمر إنتصار.
وغيرهن العديد من النصوص بالإضافة لمختاراته من اغنيات الآخرين التي من العسير تحمل جماليات التطريب الحزين في أدائه لها وهي مشحونة بوخذات السفر والرحيل منها على سبيل المثال في سكون الليل – قلت ارحل - ماشقيتك وانت الشقيتني – بدر الحسن - مظاليم الهوى- في الأسى ضاعت سنيني- الرسائل عني مالوم صدو وتوارو والقائمة تطول. ومع انه كان في حالة تلحين دائمة كانت هناك العديد من جلسات الإستماع والعشرات من المنتديات الثقافية والفكرية الموثقة بالصوت التي حكى فيها عن نشأته وتكوينه ورؤاهو الفكرية والثقافة وذكرياته الحميمة. اذكر هنا وأنا متجه لتقديم حفله الأخير همس لي قائلاً اسمع نحن حانبدأ بعازة وحانختم بعازة وكانت عازة آخر أغنية غناها في حياته للجماهير في حفل عام . لقد كان يعلم تماماً أنه مغادر ولكنه كان يعي بعمق ان لديه كلمة يود ان يقولها قبل ان يغادر وقد قال كلمته غير منقوصة ومضى مبتسماً وساخراً من الموت .
Post: #29 Title: Re: مصطفي سيد احمد Author: usama Babiker Date: 01-09-2013, 05:31 PM Parent: #28
مالك يابدر الدين علينا ارجعتنا الي ايام التسعينات ومصطفي سيد احمد واشرطة قعدات الدوحة حينما كانت طازجة ... ياخي ابكيتنا يمين ...
Post: #30 Title: Re: مصطفي سيد احمد Author: محمد عوض السيد Date: 01-09-2013, 05:37 PM Parent: #28
سلامات عوافي
يابدر ان شاءالله يوم شكرك مايجي لقد سبق وان خاطبني استاذي الجليل / التجاني قريب الله هاشم - المحامي بان بدر الدين الامير لديه تسجيلات لايمكن حصرها ولا عدها للراحل مصطفي سيد احمد وسألت منك بعدها ازهري محمد علي عله يكون علي اتصال معك .. واهو لمينا فيك هنا ..
دا القمير الاشرق سناه عمره داب كم طاشر سنة طرفه كاحل ساعة رنا بيه ننسي الروح والجنا
فلدي لها تسجيل قديم بحفل اظنه في منتصف السبعينات
مع ودي واحترامي
Post: #31 Title: Re: مصطفي سيد احمد Author: عمار محمد ادريس Date: 01-09-2013, 07:39 PM Parent: #30
شكرا الامير
ودى نسخة لى ناس السودان
Post: #33 Title: Re: مصطفي سيد احمد Author: بدر الدين الأمير Date: 01-09-2013, 10:03 PM Parent: #31
Quote: استاذ بدر الدين والرائع سيد احمد شامي وكل من مر على هذا البوست الحنيين زيكم وكل عام وانتم بخير
لو لاكم ما كنا اتذكرنا اغاني حلوة زى دي ...
ابراهيم يافاضل كن بخيرين وزيادة
Post: #35 Title: Re: مصطفي سيد احمد Author: بدر الدين الأمير Date: 01-09-2013, 11:48 PM Parent: #33
Quote: انت يا بدر الدين مشتاق ليك لى جرتق ولا شنو بعد كده شوف ابريقك ومصليتك وين
وضاحة انا ابريقى اصلا مابفرط فيه ماسمعتى كابلى وهو يغنى والاباريق بتنا في اطراق كلن عندى تسجيل لاغنية وضاحة لواحدة من اجمل جلساتنا في الدوحة وكل ما افكر انزلو اتذكر وضاحة الملقوفة بتاعت سودانيز واقول ياخى دى كرهتنا وضاحة وزهرى زاتو ......
Post: #47 Title: Re: مصطفي سيد احمد Author: وضاحة Date: 01-10-2013, 11:32 AM Parent: #35
Quote: وضاحة انا ابريقى اصلا مابفرط فيه
هسي بالله يا بدورة وشك الممسح دا وش ابريق
Quote: كلن عندى تسجيل لاغنية وضاحة لواحدة من اجمل جلساتنا في الدوحة وكل ما افكر انزلو اتذكر وضاحة الملقوفة بتاعت سودانيز واقول ياخى دى كرهتنا وضاحة وزهرى زاتو ......
أعصابك يا مندوب
النبي فوقك تنزلو
Post: #48 Title: Re: مصطفي سيد احمد Author: بدر الدين الأمير Date: 01-10-2013, 11:45 AM Parent: #47
Quote: هسي بالله يا بدورة وشك الممسح دا وش ابريق
وضاحة فعلا ملقوفة كدى افهمى معنى الابريق الانا قاصدو وبعداك تعالى ناكفى والتسجيل اسمك كان جا ازهرى محمد على زاتو
Post: #49 Title: Re: مصطفي سيد احمد Author: وضاحة Date: 01-10-2013, 11:53 AM Parent: #48
Quote: والتسجيل اسمك كان جا ازهرى محمد على زاتو
انت زول حاسد يا بدورة
المناديب دائما ظريفين وبعرفوا يعملوا ماركتن ومعاملات زينة
انت ليه متوحش كده
بالله مصطفى عندوا ولد فى الدوحة
انا افتكرت اولادوا بس الفى كندا اولاد بثينة
يا سلاااااام ياخى ان شاء الله ولدنا القطرى يكون فنان زى ابوا
Post: #50 Title: Re: مصطفي سيد احمد Author: بدر الدين الأمير Date: 01-10-2013, 12:28 PM Parent: #49
Quote: بالله مصطفى عندوا ولد فى الدوحة
انا افتكرت اولادوا بس الفى كندا اولاد بثينة
يا سلاااااام ياخى ان شاء الله ولدنا القطرى يكون فنان زى ابوا
ملقوفة وبليدة كمان قلنا نوح عندولد سماهو على مصطفى سيد احمد ونوح لمن اخد الجنسية القطرية ابنه مصطفى اصبح قطرى لذا قلنا بقى عندنا مصطفى سيد احمد قطرى فهمتى
Post: #56 Title: Re: مصطفي سيد احمد Author: وضاحة Date: 01-11-2013, 04:42 PM Parent: #50
Quote: ملقوفة وبليدة كمان
لا لا يا مندوب خليك مؤهذب شوى
كده ما حلو كلو كلو
ياخى انت زول المفروض تكون اتعلمت من تجربتك وخبرتك الاتوكيت
وتكون زول مودرن زول مندوب وبتاع تسويق ومعاملات وكده
الطاسة مالتك دى لزم يكون فيها طايوق شغال وبفهم وبعرف يتعامل مع الناس
والبدلة دى لزم يكون فيها زول يا زول
قلت لى نوح يا لوح
الله يرحم مصطفى سيد احمد كان رجل قامة وعندوا اخلاق
ويمثل شخصية الرجل السودانى المهذبة تماماً
ولن يتكرر ابداً
Post: #36 Title: Re: مصطفي سيد احمد Author: فاروق أبوحوه Date: 01-09-2013, 11:49 PM Parent: #33
يا سلام عليك يا بدر الدين
كم أنت جميل
رحم الله مصطفي بقدر ما أشجانا .
كامل الإمتنان علي التسجيل النادر
يا ريت تواصل فتح الكوات عن التسجيلات النادره لمصطفي يا بدر الدين وانا معاك لدي مكتبه ضخمه لأعمال مصطفي سيد أحمد
كامل الموده
Post: #37 Title: Re: مصطفي سيد احمد Author: omer osman Date: 01-10-2013, 07:18 AM Parent: #36
الف شكر بدرالدين ... شغل نضيف والله اللهم ارحم عبدك مصطفي سيداحمد واسكنه فسيح جناتك ...
Post: #38 Title: Re: مصطفي سيد احمد Author: saidahmed shami Date: 01-10-2013, 07:34 AM Parent: #37
صورة من بنينة العديل والزين بخط الراحل المقيم مصطفي لنوح عبدالواحد
يظهر في الصوره الراحل المقيم مصطفي مع قسم عبد الواحد وهو الشقيق الاكبر لنوح المذكور في النص ومحمد ايضا ذكر وهو شقيقه الاصغر
Post: #39 Title: Re: مصطفي سيد احمد Author: عمران حسن صالح Date: 01-10-2013, 08:02 AM Parent: #38
يا أمير لو كان للسعادة صكوكـ توزع وفقاً لمعاينات لكفتكـ صحبتكـ لهذا القديس بأن تكون ملازماً للمركز الأول ما حييت :) .. تحيرني نفسي وأنا أسمع مصطفى أقصد أن أغيب عنه وأعود كأني أسمعه لأول مرة في كل مرة يتكرر الشعور بالفرح به والحزن عليه .. بقناعة أقول حتى لو غنى القديس " راجل المرة " بعد ما قدَم نفسه بما قدَم كنت سأتمايل طرباً . يرحمكـ الله يا محبوب كل من جرى في دمه معنى بلدي
Post: #40 Title: Re: مصطفي سيد احمد Author: بدرالدين الطائف Date: 01-10-2013, 08:20 AM Parent: #39
شكرا بدر الامير
اداء جميل وصوت شجى عبر بكل صدق عن الكلمات الجمليه المعبره للجرتق . يديك احساس وكأنك تسمعها لاول مره. له الرحمه والمغفره الفنان الخالد فى دواخلنا مصطفى سيد احمد.
Post: #41 Title: Re: مصطفي سيد احمد Author: بدر الدين الأمير Date: 01-10-2013, 10:34 AM Parent: #40
Quote: رحم الله مصطفي بقدر ما أشجانا .
تسلم يافاروق
Post: #42 Title: Re: مصطفي سيد احمد Author: بدر الدين الأمير Date: 01-10-2013, 10:36 AM Parent: #40
Quote: استاذ بدر الدين والرائع سيد احمد شامي وكل من مر على هذا البوست الحنيين زيكم وكل عام وانتم بخير
وانت بخيرين وزيادة
Post: #43 Title: Re: مصطفي سيد احمد Author: بدر الدين الأمير Date: 01-10-2013, 10:39 AM Parent: #40
Quote: مالك يابدر الدين علينا ارجعتنا الي ايام التسعينات ومصطفي سيد احمد واشرطة قعدات الدوحة حينما كانت طازجة ... ياخي ابكيتنا يمين ...
اسامه امس كان سهران معى الشاعر قاسم ابوزيد وبعض الاصفياء وكنا في سيرة تلك الايام الخالدة
Post: #44 Title: Re: مصطفي سيد احمد Author: بدر الدين الأمير Date: 01-10-2013, 10:51 AM Parent: #40
Post: #45 Title: Re: مصطفي سيد احمد Author: بدر الدين الأمير Date: 01-10-2013, 11:06 AM Parent: #40
Quote: لو كان للسعادة صكوكـ توزع وفقاً لمعاينات لكفتكـ صحبتكـ لهذا القديس
عمران ياحسن وصالح لوتلاحظ القديس قال في البنينة (ياقسم ابشر بشارت الخير فال نوح العيال والتانية رزقو كتير) هل تصدق بعد رحيل مصطفى نوح منح الجنسية القطرية ونوح ابنه الكبير مصطفى الان في المرحلة الاعدادية يعنى بقى عندنا مصطفى سيد احمد قطرى
Post: #46 Title: Re: مصطفي سيد احمد Author: بدر الدين الأمير Date: 01-10-2013, 11:07 AM Parent: #40
Quote: يديك احساس وكأنك تسمعها لاول مره. له الرحمه والمغفره الفنان الخالد فى دواخلنا مصطفى سيد احمد.
تسلم يابدرالدين
Post: #51 Title: Re: مصطفي سيد احمد Author: زياد جعفر عبدالله Date: 01-10-2013, 12:39 PM Parent: #46
رحل صوت المغني حزين حزين ... الله يرحمك يا ابو السيد
Post: #52 Title: Re: مصطفي سيد احمد Author: mekki Date: 01-10-2013, 07:04 PM Parent: #51
رحم الله مصطفي سيداحمد
ياخي الف الف شكر الأخ بدرالدين
والله طرب مبالغ فيهو،،،شعري كلوا قام صوف،،،،وصدرت مني الآهات العااااالية،،،ونططت نططيط شدييييد
Post: #53 Title: Re: مصطفي سيد احمد Author: usama Babiker Date: 01-10-2013, 08:23 PM Parent: #52
Quote: اسامه امس كان سهران معى الشاعر قاسم ابوزيد وبعض الاصفياء وكنا في سيرة تلك الايام الخالدة
يالها من ايام لم نكن معكم ولكننا عايشناها معكم من علي البعد ... انا الان محتفظ بجميع الاشرطة بتاعت الجلسات وباشرطتها الاصلية ... ياخي تحايانا لنوح وقسم وباقي الشباب ...
Post: #54 Title: Re: مصطفي سيد احمد Author: بدر الدين الأمير Date: 01-11-2013, 04:19 PM Parent: #53
Quote: الله يرحمك يا ابو السيد
Post: #55 Title: Re: مصطفي سيد احمد Author: بدر الدين الأمير Date: 01-11-2013, 04:21 PM Parent: #54
Quote: والله طرب مبالغ فيهو،،،شعري كلوا قام صوف،،،،وصدرت مني الآهات العااااالية،،،ونططت نططيط شدييييد
رحم الله مصطفى بقدر ما اطربنا واشجانا
Post: #57 Title: Re: مصطفي سيد احمد Author: بدر الدين الأمير Date: 01-11-2013, 05:41 PM Parent: #55
Quote: يالها من ايام لم نكن معكم ولكننا عايشناها معكم من علي البعد ... انا الان محتفظ بجميع الاشرطة بتاعت الجلسات وباشرطتها الاصلية ... ياخي تحايانا لنوح وقسم وباقي الشباب ...
تسلم ياعثمان وتحياتك وصلت لقسم ونوح
Post: #58 Title: Re: مصطفي سيد احمد Author: بدر الدين الأمير Date: 01-13-2013, 06:29 PM Parent: #57
.
Post: #59 Title: Re: مصطفي سيد احمد Author: محمد طه الحبر Date: 01-16-2013, 07:40 AM Parent: #58
سلامات ودالأمير ح اجيك راجع في البوست دا وما تخاف مافي زره ح تحصل ولا تنسي ان تترحم علي جدنا الشيخ الحبر الذي توفي الأحد الماضي
Post: #60 Title: Re: مصطفي سيد احمد Author: بدر الدين الأمير Date: 01-21-2013, 03:40 PM Parent: #59
Quote: ولا تنسي ان تترحم علي جدنا الشيخ الحبر الذي توفي الأحد الماضي
ودالحبر الف رحمة على جدكم الشيخ الحبر وبلغ تعازينا للاهل
Post: #61 Title: Re: مصطفي سيد احمد Author: معتز القريش Date: 02-13-2013, 03:38 PM Parent: #28
تلك الاعمال التي وضع لها أفكار الحان ولم تخرج للناس اذكر هنا مقاطع لبعضها -----------------------------
قلنا الأعمال موجودة ومدكنة ومدسوسة ما صدقتونا ... كل يوم ح نشوف زي دا ونقرا عنوان تعالو أسمعو وتعالو شوفو وأصحاب الحق ينظرون وينتظرون
Post: #62 Title: Re: تعالو اسمعو مصطفى سيد احمد يغنى (العديل والزين) Author: حامد الغبشاوي Date: 02-13-2013, 04:01 PM Parent: #7
نص البنينة هي ليلة العديل والزين والليلة العديل يا عديلة الله بسم الله إبتديت زولي السمح والزين من قومة الجهل معروف ولد سترة بالفال والسماح لنوم اخو الاخوان مستور العروض نوارة الديوان لي الجار والبعيد قدحو دوام مليان ود جعل العزيز قيدومن الفرسان ياقسم الكريم ابشر بشارة الخير فال نوح العيال والتانية رزقة كتير رقصن في الفرح ديسن طويل وغزير أخوات الرجال لابسات دروع وحرير مصطفى في الخليج نظم كلام موزون ذكر فيك وصوف درراً خفي ومكنون عقبال يا محمد كل صعيبة تهون ويجمعنا الفرح في ديارنا زي مايكون الشايقي الفصيح فرحان لود عمو ركازة الصديق شرق العيال تمو بالزين والعديل يا أختو يا أمو واخوانو العزاز طعم الحلو ونمو ......................... تسلموا علي هذة الاعمال الفريدة لقد هدمت اعمال الاستاذ الراحل ابو السيد لابد من رجوعها ... والتحية للجميع
