يا تلفزيون هل الدراما من عند الجيران افضل مننا ؟ شاهد وقارن-فيديو

يا تلفزيون هل الدراما من عند الجيران افضل مننا ؟ شاهد وقارن-فيديو


01-06-2013, 08:59 PM


  » http://sudaneseonline.com/cgi-bin/sdb/2bb.cgi?seq=msg&board=420&msg=1357502340&rn=13


Post: #1
Title: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-06-2013, 08:59 PM
Parent: #0

عودنا تلفزيون السودان على الدراما من الجيران منذ زمن بعيد
واى جيران؟
هم المصريين ومسلسلاتهم وافلامهم ومسرحياتهم فقط ومؤخراً سوريا وبعض دول الخليج والدراما التركية المدبلجة او الصينيه
اتجاه واحد وجار واحد فقط
اين دراما بقية الجيران؟

Post: #2
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-06-2013, 09:09 PM
Parent: #1

عثرت على هذا المقطع فى الفيسبوك
اترككم لتشاهدوا هذا المقطع من التلفزيون التشادى لداراما كوميديا
وقارنوا
لماذا لا يعرض تلفزيوننا مثل هذه الدراما؟
مع المقطع تظهر مقاطع اخرى يمكنكم مشاهدتها
وهى رغم شح وبساطة الامكانيات الظاهرة من حيث الكاميرا الواحده(زاوية واحدة) الا انك تحس ان هنالك ابداع واضح من الممثلين والمخرج وحتى الاضاءة


ALHADJ TAWWA LE PISTOLET TCHADONLINE TV du 03... by tchadonline

Post: #3
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-06-2013, 09:25 PM
Parent: #2

اما فى المقطع التالى فقد قفزت فى ذهنى اهميه اريحية الحرية الشخصيه فى المظهر والملبس لدى الممثل
حرية الفنان هل قطع التشاديين خطوات للامام بينما تتراجع فى السودان؟ خصوصاً بالنسبة للمرأة؟
مع ملاحظة نفس الحرية فى الدراما المصرية وغيرهما من ناحية المظهر والملبس

شاهد وقارن


ALHADJ TAWWA LA DISPUTE DU 05 MARS 2010 SUR... by tchadonline

Post: #4
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-06-2013, 09:34 PM
Parent: #3

قلت نكتفى بى دراما الجيران التانيين بى دراما تشاد بس
على الاقل ديل بشبهونا فى حاجات كتيرة, ولا مو كدى؟
اما دراما جيراننا ناس افريقيا الوسطى وزائير ويوغندا وكينيا واثيوبيا واريترريا ولا حتى ليبيا ما بنعرف عنها شىء
نقول لانه ديل ما بشبهونا, طيب يعنى خلاااااااااااص الصينيين بقو يشبهونا

بالله بس شزفزا التوب وقارنوا ديل مش بيشبهونا؟

ALHADJ TAWA DU 27 JANVIER 2010 SUR TCHADONLINE TV by tchadonline

Post: #5
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-06-2013, 09:37 PM
Parent: #4

راجيك يا ود السنى دفع الله
وكل اهل الفن وغيرهم
اخدوا راحتكم ع الاخر

Post: #6
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-07-2013, 10:54 AM
Parent: #5


Post: #7
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد سنى دفع الله
Date: 01-07-2013, 11:26 AM
Parent: #6

قاعد اتفرج يا مورغان
جاييك بالمهلة
عامك سعيد وايامك اعياد

Post: #8
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-07-2013, 11:50 AM
Parent: #7

ود السنى طمنتنى بى جيتك
Quote:
قاعد اتفرج يا مورغان
جاييك بالمهلة
عامك سعيد وايامك اعياد

حبيبنا والله انت, ابداً ما بتخيب الظن
مورغان فريمان الخطير والبلوز ميوزيك
فى حضرتك يطيب الجلوس
اتخيله جلوس فى بنبر وتخلف الارجل ويتربع اليد اليسرى مرتكزة عليها اليد اليمنى فى زاوايه قائمة تسمى زاوية التصنقر والتحكر
كطفلة تتابع مسرحية عرائس ويتسند الحنك على كفها مغطية جانب من الجهة اليسرى للخدين تعبيرا عن متابعة باهتمام وتشوق واندهاش من التمتع

اها راجينك نحن كمان
وكل عام انت وذويك ب 1000 خير

Post: #9
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-09-2013, 10:22 AM
Parent: #8


Post: #10
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: ibrahim fadlalla
Date: 01-09-2013, 12:17 PM
Parent: #9

شكرا ود زكريا ...

المقطع الأول مضحك وشايف الأداء فيهو تلقائية جميلة ...

الكلام يمكن شوية ما واضح ...بسبب انخفاض الصوت ...واختلاف اللهجة ..

غايتو أبو سفروق ...رقد موية تب ..هههه

تسلم ...ومعاك انتظر راي أهل المسرح و الدراما والمتخصصين ...والسني فنان وما بيقصر في الحتة دي ...

Post: #11
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: عبد الناصر الخطيب
Date: 01-09-2013, 01:53 PM
Parent: #10

.


محمد ذكريا
تحية طيبة ,,,
انا متابع لاعمال الجيران ومعليش حاخدك شرق أفريقيا لانو ما متابع لتلفزيون او سينما في غرب أفريقيا ............

Hiwet-PT41b.jpg Hosting at Sudaneseonline.com




من أجمل مسلسلات الجيران مسلسل Hiwet هويت القدموا تلفزيون أرتريا السنة الفاتت
وقاعد أشوف سينما إثيوبيا ومرات بتابع دارمه تلفزيونية وبالمناسبة مرات بتكون الموسيقي التصويرية الحان سودانية !!!
عن سينما الاثيوبيين بحيلك للبوست القديم

Re: فيلم أثيوبي ينال جائزة أفريقية وينكم أهل السينما في السودان !!!

ما شفته للارتريين إلا فلم أو أتنين بالكتير _ ممكن لقلة الانتاج أو عدم متابعة مني _
مسلسل Hiwet هويت ;الكم واربعين حلقة بتصور أنو علامة في درامتهم التلفزيونية
الناس عندهم تابعوا وانفعلوا بيهوا شديد لانوا قدم دراما إجتماعية أتناولت كتير من الامور المعاشة في مجتمعهم
_ لو رجعت البوست حارفع منو كم مشهد _ والعجبني فيهوا أنو أتعرض لقيم المجتمعات دي بصورته الحقيقية
لانو بعضنا عندوا إنطباع أنوا المجتمعات دي ما عندها محتوي قيمي قوي ....
وقدم صورة لحياة المجتمع و تفشي القيم المادية
والانحرافات الاخلاقية والعلاقات داخل الاسرة لما يكون رب الاسرة رجل منحرف كل وقتوا لاعمالوا ولنزواتوا الخاصة
والمشاكل البتتسبب فيها نوع الحياة الزي دي ومواجهة زوجتو واسرتوا ليهوا ....... وبالجد كل الناس الظهروا في العمل ده
أجادوا ادوارهم بصورة ما عادية خلت أرتريا كلها زعلانه من تصرفات دانيل البّعلق ( الصعلوك ) ومتعاطفة مع مرتوا وعيالوا


يمكن الشداني للمتابعة أكتر هويت كان مترجم للعربية حاليا بعرضوا في مسلسل ناطق بالتجري بس الترجمة تجرنجة

timthumb1.jpg Hosting at Sudaneseonline.com


والقصة بتدور في إطار تاريخي زمن الاستعمار .... مع أني ما متابعوا بنفس القدر التابعت بيهوا هويت لكين المسلسل مميز جدا
التصوير والديكور والمشاهد والقطارات البخارية ياخي كلها بتصور الفترة التاريخية الدارت فيها الاحداث بصورة تكاد تلمس فيها الزمن القديم
بكل تفاصيلوا ....................جمالياتوا أنو بقرب الواحد من ثقافة شعوب موجودة في شرق السودان بكل تفاصيل الثقافة دي .......................
ويمكن العمل السوداني اليتيم الاتناول حياة شعوب الشرق دي كان فلم جاد الله جبارة ( تاجوج ) ........


في الاخر من متابعة لاعمال الجيران في شرق أفريقيا ( تلفزيون / سينما ) ما تقدر تقول المسألة إمكانيات إطلاقا لانو الناس ديل إمكانياتهم متواضعة
لكين بعتمدوا على الموهبة والإبداع تمثيل واخراج وسناريو ملان و دي الحاجات الفي الاخر بتدي الناس أعمال بالجد تستحق المتابعة ........

تحياتي

Post: #12
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-10-2013, 12:03 PM
Parent: #10

Quote: ibrahim fadlalla
شكرا ود زكريا ...

المقطع الأول مضحك وشايف الأداء فيهو تلقائية جميلة ...

الكلام يمكن شوية ما واضح ...بسبب انخفاض الصوت ...واختلاف اللهجة ..

غايتو أبو سفروق ...رقد موية تب ..هههه

تسلم ...ومعاك انتظر راي أهل المسرح و الدراما والمتخصصين ...والسني فنان وما بيقصر في الحتة دي ...


سلان اخ ابراهيم
ما اعجبنى فى المقطع فعلاً هو تلقائية الممثلين وادائهم فى التمثيل ولو لاحظت الحرفيه فى انهم لا ينظرون لعدسة الكاميرا مما يدل على انهم متمكنين من التمثيل
وده شىء غالباً ما يكون متوفراً فقط لفنانى المسرح من دون غيرهم من ممثلى التلفزيون والسينما حيث هنا يمكن صناعة الممثل حسب الامكانيات والمعدات من حوله

لاحظ ايضاً الجراءة فى اداء دور الشخص (الرخيان) وهذه من الادوار الممكن تكون تابو عندنا ولا يرضى ان يقوم بها ممثل سودانى حسب نظرة المجتمع للشخصية الوجودية ذات نفسها
الله يرحم الفنان القدير الفاضل سعيد حيث كان المسرح السودانى لا تسوره القيود ولا تقيده المفاهيم الدخيلة

دراما الجيران من تشاد تستحق الوقوف عندها ولو ركزت شويه على اللهجة واللغه ح تلقاها عربى واضح زى لامن كنّا اول مره نسمع اللهجات الشاميه او الخليجيه وما نفهمها لكن نظل نبحلق ونتابع الى النهاية
يعنى شوية شويه لو عرضوا علينا مسلسلات تشاديه برضوح تتفهم اللهجة وهى اصلاً قريبه من لهجات اهلنا فى غرب السودان

شكراً على المداخله وفى انتظار كل المهتمين

Post: #13
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: Elmosley
Date: 01-10-2013, 12:33 PM
Parent: #1

محمد زكريا
ياحبيب
ما العلاقة بين الفن والحرية
----------
سوف تتطور دول كثيرة حولنا في الابداع وسنظل نحن محلك سر
الى آن يقضي الله آمرا كان مفعولا

Post: #14
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-10-2013, 01:00 PM

Quote:
محمد ذكريا
تحية طيبة ,,,
انا متابع لاعمال الجيران ومعليش حاخدك شرق أفريقيا لانو ما متابع لتلفزيون او سينما في غرب أفريقيا ............

العزيز عبدالناصر الخطيب بعد التحية والسلام عليك

ياخ انت اعطيت البوست شحنة من المواد الفنية الغنية واثريت البوست بما لا يعطينى مجالاً كى اقول الكثير انفراطاً من الدهشة
وتحديداً كده انت تميت لى الناقصة لانه انا فعلاً ما عندى ادنى فكرة عن دراما الجيران من الشرق واعتقد وانا اقول هذا الكلام بانها اسكاندل
والله وايما فضيحة لنا جميعاً يعنى ننط البحر ونتفرج فى طاش ما طاش ونخلى اهلنا وجيراننا اللى حتى مافى حيطة بيناتنا, ياخ السودانيين متزاوجيين مع الاثيوبيين والارتريين اكتر من مع السعوديين تقول لى طاش ما طاش
معقول كل هذا الابداع عند اقرب الناس لينا جيرة واهل وحتى انه هنالك اوجه شبه كثيرة بيننا من حيث التداخلات الثقافية والفنية واللغوية والاثنيه الخ......والله فضيحة كبرى

مداخلاتك الاتنين ديل شحمانات وبراى ما بقدر عليهم يا ريت ناس السنى واهل الدراما يلحقونى
لكن برضى ح اجيك راجع وعليك الله ما تمشى بعيد وهل من مزيد لو سمحت ظروفك يا امير؟

Post: #15
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: محمد زكريا
Date: 01-10-2013, 01:21 PM
Parent: #14

Quote:
محمد زكريا
ياحبيب
ما العلاقة بين الفن والحرية
----------
سوف تتطور دول كثيرة حولنا في الابداع وسنظل نحن محلك سر
الى آن يقضي الله آمرا كان مفعولا

استاذنا والاخ الاكبر يوسف الموصلى (ابوهديل) كل سنة وانت طيب وان شاءالله دايماً بخير وصحة وعافية

ياخ انت لخصت الموضوع كلف فى السؤال او الجملة القيمة ذات المعنى الكبير دى
نعم هى الحرية اولاً ومن ثم سيكون كل شيء بديع وجميل
غداً سيبزق الفجر بأذنه تعالى مهما طال الظلام

كن بخير يا فنان يا انسان

Post: #16
Title: Re: يا تلفزيون هل الدراما من عند الجيران افضل مننا ؟ شاهد وقارن-فيديو
Author: عبد الناصر الخطيب
Date: 01-10-2013, 04:16 PM
Parent: #15






محمد زكريا ...

لتحية والتقدير ...

ومدام سمحته لي نتكلم شوية عن سينما شرق أفريقيا الكلام لازم
يبدأ بالعم هيلي جيرما

زمان لما شفته ( تيزا ) للمخرج العجوز هيلي جيرما ... بالجد
أستغربته لكلاموا (( السينما الإثيوبية لم تولد بعد )) لانو حاليا
العجوز ده العالم كلو تابع ليهوا sankofa (( سانكوفا )) ....


sankofa1.jpg Hosting at Sudaneseonline.com


ما شفته فلموا الأخير الاتناول فيهوا الرق والعبودية في أفريقيا
بس فهمته كلاموا الزمان لانو اتصورته العم هيلي جيرما ده
خلاص وصل قمتوا في ( تيزا ) لكين الايام أثبتت انو الزول ده
كان عوز يقول أنو أي محطة حيقدمه هو قادر يقدم محطة أفضل منها المرة الجاية


SekaramuPosta001-600x600.jpg Hosting at Sudaneseonline.com



وزمان لما تابعته أبابا دسلنجة كمغنية مميزة ولما شفتها كممثلة في ( بريد مسكرام )
Sekaramu Posta كان في بالى حتجي كاى نجمة غناء بتجرب حظها في فلم خفيف
بس لاكان الفلم خفيف ولا كانت مجرد مغنية بتؤدي دور بسيط كانت نجمة بحق في قصة
بتشدك من بداياته لنهايته



الفيديوأغنية Nuro واعجابي بالفنانة ابابا لانها قدمت اعمال غنائية
حملت المضامين والقيم الحقيقية للإثيوبين ده غير انها فعلا صوت مميز




اكيد حارجع ليك بنماذج لاعمال سينمائية أتناولت مواضيع محلية بتهم مجتمعهم
ولقت متابعة واهتمام من الجيران كسينما افريقية بقت تفدم اعمال بالمسات إخراجية
وجيل من الممثلين الشباب الأجادوا ادورهم واصبحوا علامات في سينما عريقة لانوا أول
افلامهم الروائية كانت في الاربعينات .