السفيه ..................................................... كاريكاتير

وان سفه الشيخ لا حلم بعده وان الفتى بعد السفاهة يحلم

Quote: ( زمان كنت أريد أن نأتي بصينين ونزوجهم عندنا حتى نطلع خلطة، )

الترابى

Quote: أحسن مشروع وفكرة تحسين النسل والان عندنا اولاد صينيين في المايقوما وهجليج

Adrob2

http://www.sudaneseonline.com/news-action-show-id-82770.htm

Quote: حتى لو كانوا اليهود ياشيخ حسن؟ أنا لا يهمني يهودي هندي روسي أي جنسيات، زمان كنت أريد أن نأتي بصينين ونزوجهم عندنا حتى نطلع خلطة، الصينيون فيه فوائد لانهم بيعملوا جيدا، يعملوا في مجموعات، يشتغلوا كتلة واحدة ولا تستطيع أن تميزهم ورواتبهم متقاربة وليسوا مستعمرين، أما نحن في السودان لا نجتمع إلا في الافراح والمآتم، ولا نجتمع في أي شئ آخر، حتى الأحزاب مشققين، ولذلك نحن في حاجة لمن يعلمنا، ولكني وجدت الصينين بيشتغلوا في كل شئ فلم يعجبني هذا الأمر، فأنا لا أريد أن يحتكرني أحد نريد مصريين وجنسيات مختلفة

Quote: . [ابوكديس] 01-05-2013 09:43 PM ما ياهو ده زاااتو مشروع الشيخ الضال (إعادة صياغه الانسان السوداني) الذي خطّط له هو وتلميذه علي عثمان ، والنتيجة في (دار المايقوما) .

Quote: [كتمت] 5.00/5 (4 صوت) 01-05-2013 05:09 PM بالله ده منطق زعيم حركة اسلامية ده منطق واحد عندوا في انفصام في الشخصية وقبيحه نفس عايز اجيب مصريين عشان اتهجنوا معانا بالله منطق راجل في الثمانين من العمر .. ان شاء الله الى جهنم يا الترابي آمين .. مرض نفسي وعقدة نقص .. السوداني يحكمه امثالك يا حقير

يا عمر سلامات
الترابي قال: "زمان كنت أريدأن نأتي بصينين ونزوجهم عندنا حتى نطلع خلطة، الصينيون فيه فوائد لانهم بيعملوا جيدا، يعملوا في مجموعات، يشتغلوا كتلة واحدة ولا تستطيع أن تميزهم ورواتبهم متقاربة وليسوا مستعمرين، أما نحن في السودان لا نجتمع إلا في الافراح والمآتم، ولا نجتمع في أي شئ آخر، حتى الأحزاب مشققين، ولذلك نحن في حاجة لمن يعلمنا، ولكني وجدت الصينين بيشتغلوا في كل شئ فلم يعجبني هذا الأمر، فأنا لا أريد أن يحتكرني أحد نريد مصريين"
__
اللحم الأبيّض يا عمر ؛)

هههههههههههههههههههههههه يا عمر
طيب بدل ما يجيب الصينيين كان يودينا الصين!!

Quote: اللحم الأبيّض يا عمر

ياسر ابوتفا ..... كل سنة وانت بخير ..

اللحم الصينى اصفر يا راجل والمصرى اسمر يا ابوسمرا انت .
اذكر مرة اننى قرأت مقال لى واحد كوز ذكر فيه ان الترابى قبيل الانقلاب قد المح وسط مجموعة من الكيزان
في مبنى جريدة الراية قبيل الانقلاب بأيام وقال في معناه وهو يشير الى الانقلاب ضمنيا الى انه يخاف عليهم من السلطة والمال والنساء البيض البشرة .
وبالفعل قد حدث ما اشار اليه ابليسهم الاكبر وسفيههم الذى علمهم السفاهة .

اعتقد ان المقال كتبه الشقيق الاصغر للصحفي ضياء الدين بلال .

Quote: هههههههههههههههههههههههه يا عمر طيب بدل ما يجيب الصينيين كان يودينا الصين!!

بالله يا جماعة شوفو نوع ودالصايم دا !

يا ود الصايم ياخى الترابى دا كرم منو ساكت عايز يجيب ليكم الصينيين
عشان ينظفوا خلقكم الما عاجباهو دى تقوم تقترح عليهو يوديكم الصين عشان تلوثوا الجنس الاصفر في عقر داره ؟

دا اسمو تلوث عرقى يا ود الصايم
وكل عام وانتم بخير .......

Quote: محمد عبد الله 05/01/2013 22:30:33 والله يا جماعة كنتُ من أكثر المعجبين بالترابي وقرأت معظم كتبه وكنت أقول هو العالم الفذ السايق لعصره وهو كان كذلك ولكن ربنا يجازي الكان السبب فمنذ اللكمة التي تعرض لها في كندا أصبح هذا الرجل يهضرب ويبرر وفقد البوصلة ولم يقل كلام راكب على بعضة منذ تلك اللكمة.. الله ينتقم منك يا الملاكم السوداني بدرالين فقد ضيعت لنا مفكر إسلامي ما بعده.. والله يا دكتور الترابي بعد هذا أحسن لك أن تصمت وتموت مستور الحال من أن تفضح نفسك أكثر من كده.. خلينا نحترمك شوية بحكم ماضيك وشخصيتك قبل لكمة كندا.

يا اريت ودبدرالدين دا لو يتم جميلو و يلكم لينا كمان افنديهم وابليس الصغير ( تجانى عبدالقادر ) والمكروه عبدالسلام وحسين ( خج )
ونخلص من حكاية بنى امية دى باللكمات عشان يعيشوا لحظة واحدة و خاطفة من لحظات بيوت الاشباح .... الملاقيط المناحيس .....

Quote: ولكني وجدت الصينين بيشتغلوا في كل شئ فلم يعجبني هذا الأمر،

لو في زول فهم الجملة يكلمني


___________
احيانا عقلي بسرح بعيد

Quote: لو في زول فهم الجملة يكلمني ___________ احيانا عقلي بسرح بعيد

يا اخونا محجوب ياخى ما تجهد نفسك في كلام الترابى دا .
اصلو الترابى من يوم حديث ( الغرباوية والجعلى ) رفع عنه القلم وما عدنا نأخذه مأخذ الجد ولا نجعل لتصريحاته قيمة
فالرجل سقط في درك سحيق ولن تقوم له قائمة بعد ذاك الحديث المعيب والذى لا يصدر من رجل رشيد في مثل ثقافته ومقامه وعمره .
فالترابى اصبح جثة لا تضر ولا تنفع ونحن لا نصارع الجثث ولكننا نستخدم جثته للسخرية والتندر على تلامذته واتباعه المواهيم ديل .

كل عام وانتم والبلد بخير .......

Quote: هههههههههههههههههههههههه يا عمر طيب بدل ما يجيب الصينيين كان يودينا الصين!!

اوسكار

Quote: [كوكو أوهاج] أنا أعرف أحد قيادات الإسلاميين في منطقة عطبرة، كان من الجادين للحركة الإسلامية لدرجة أنه لم يتزوج ولم يكون أسرة بل جعل أسرته هي الحركة الإسلامية، شاءت الأقدار ومرض الرجل وحضر للعاصمة للعلاج، ونزل ضيفاً على صديقه القديم يسين عمر الإمام، وهاله ما فيه يسين من نعيم وخدم وحشم، وهو يعلم كيف كان حال يسين قبل الإنقلاب، لم يستطيع الرجل الصبر على ذلك، وذهب لأحد أقربائه وجلس عنده حتى أتم علاجه، وبعد ذلك ذهب لشيخهم الترابي العقل المفكر وحضر عنده محاضرة ورأي عنده أيضاً كم النعيم الذي هو فيه، وفي المحاضرة كان الترابي كعادته يضحك في غير مكان الضحك بحركاته العجيبة، وعندها قرر الرجل التبرؤ من الحركة الإسلامية. أسر بذلك أحد أفراد أسرته. ومات عليه الرحمة مع تحياتي

Quote: [سوداني وافتخر] كعادته هذا السفيه يحاول ان يبث سمومه العنصريه ويجعل كل مشاكل السودان هي من ابناء الجعليين والشوايقه ويعلم الله انهم اكتر قبائل السودان اختلاطا ولكن كعادة السفهاء الاسلاميون عندما تخرج السلطه من يدهم يريدون ان يرجعوها باي صوره وهم ميكافليون الفكر والترابي بعد خروجه من السلطه اراد بعقله المريض ان يعود الي السلطه علي جماجم ابناء دارفور وبمساعده تلميذه خليل ابراهيم الذي في الاصل لم يكون يتكلم عن قضايا دارفور بل عن الحركه الاسلاميه وللاسف الشديد استطاعوا ان يخلقوا شرخ في الحس الوطني والقومي نتيجه الجهل الذي استشري في عهد الانقاذ البغيض .... نسي الترابي ان اعدام الانقلابيون كان فقط في عهده ولكن الان توجد محكمه جنائيه وفضائيات والنظام معزول ولا يريد ان يعزل نفسه اكثر واكثر ولكن الترابي لا يريد ان يفوت الفرصه دون ان يدخل القبليه في اكاذبيه واساله عندما اعدمت يا سفيه ال28 ضابط هل كان الجعليين والشوايقه والبشاريون وكل من تسميهم انت بشمالين خارج السودان ؟؟؟ مع العلم ان اغلب الضباط من ابناءهم ... السودان بلد واحد وكلنا اهل والي الابد يا سفيه قتلك الله شر قتله واسال الله ان ياخذ منك في دنياك واخراك مافعلته بابناء دارفور الابرياء يا اشر من وطاءت قدماهو ارض السودان

Quote: [مجنون ليلى] قال السيد . . حسن الترابى ( زمان كنت أريد أن نأتي بصينين ونزوجهم عندنا حتى نطلع خلطة، ) طيب يا مولانا . . نفترض كلامك ده قبل انفصال الجنوب . . انت مفتكر ان عرس الجنوبيين ساهل ؟ ياتو جنوبى ده الحيرضى انو يعرس ليه صينيه ؟ وياتو صينى ده العندو بقر عشان يدفعوا مهر لأى بنت جنوبيه ؟ . . والقال ليك منو الجنوبيين حيقبلوا يعرسوا الصينيين أساسا ؟ يا مولانا اهلنا الجنوبيين زمان جابوا ليهم بقر من هولندا عشان يهجنوا بيه البقر بتاعهم رقضوا انهم حتى يلمسوه بايديهم. . وقالوا بتاع ده ما بقر . . لان البقر فى عرفهم لازم يكون ليه قرون زما يكون سمين ومنقرط . . تقول لى يرضوا بعرس الصينيين ؟ ولو كلامك ده بعد انفصال الجنوب . . بحكم الدين الاسلامى اى سودانيه مسلمه لا يحق لها الزواج من بوذى ( هذا ان قبلت به مبدئيا ) . . وكان للرجال السودانيين . . هديك الصين الليله مليانه بالسودانيين . . يعنى فاعدين فى قلب بلدهم . . وأغلبهم لم يتزوجوا بعد . . عدد زيجات السودانيين من الصينيات لا يتجاوز اصابع اليد الواحده . . المشكله يا سيد حسن انك بتدى نفسك الحق فى حاجات ما بتخصك . . ومفتكر نفسك مبعوث العنايه الالهيه وانك المفروض تشكل حياة الناس . . يعنى بنى ادم فى ثوب اله صغير . . ولكنى أنا وأنت وكل هذا الكون لا يساوى عند الله جناح بعوضه . . مالك ومالنا عايز تخلظ لينا حياتنا ؟ ومنوا الأداك الحق فى كده وبعد عمايلك العملتها دى كلها . . . لسع سادر فى غيك ؟ وكمان بتجاهر برأى هزيل زى ده ؟ انك عايز تغير تركية البشر السودانيين ؟ . . والاغريب ان فى ناس صدقوا انك اتعلمت من انقلابك التعيس . . وتبت ( كما تدغى ). . زلكن زى ما قالوا . . ضنب بوبى عمروا ما حينعدل بعدين حكاية السودانيين الما بيشتغلوا دى . . عيب كبير منك . . والله السودانيين محل ما مشوا بنوا وعمروا وتشهد لهم كل أركان الدنيا . . ولكنهم بفضلك يعيشون فى بلدهم كالاغراب . . انت الذى صنعت بهم هذا ومن بعدك ابناءك . . وما عافين ليكم حقنا دنيا واخره . . ونتقابل يوم الحساب ونصيحه ليك لو عايز تخلط السودانيين بالصينيين ما عند طريقه الا تجيب الصينيات وتكتب عليهم (الحور العين ) وبعد داك تعرسهم للدبابين والسائحين . . وهلمجرا . . من اختراعاتكم الخائبه

الترابي يفتح النيران في كل الإتجاهات ، لقاء سيثير كثير من ردود الأفعال

Quote: الترابي معتداً بنفسه كالعادة ... بس الواحد عايز يعرف الصينيين ديل الحا يستجلبهم لتهجين السودانيات مسلمين ولا لا دينيين ... بالله ده كلام يطلع من زول سياسي .... ياخي في شتيمة للشعب السوداني أكتر من كده

زهير الزناتي

شتيمة بياع ايه يا زهير !
وخلطة ايه !
ياخى في شتيمة وتحقير للبشر ودهس على انسانيتهم اكتر مما حدث بيوت الاشباح !
والله الترابى دا كلمة سفيه زاتا شوية عليهو ... المنحط الواطى .
امثال الترابى يجب ألا يقف الهجوم عليهم حتى بعد مماتهم
كما تفعل الشعوب الاوروبية الآن مع هتلر في كل عام عند حلول ذكرى الحرب العالمية الثانية .

تحياتى يا زهير وكل عام وانتم بخير .

عمر دفع الله
كتر خيرك والله
افرزم سمح عليك الله
.
.

Quote: الترابي قال: "زمان كنت أريدأن نأتي بصينين ونزوجهم عندنا حتى نطلع خلطة،

الترابي:
اطلب الخلط
ولو في الصين !

Quote: اوسكار

وينك يا عزيزنا !
والله شوقنا بحر يا فرده ...

شايف كلام ودالصايم عجبك شديد .
ياخى سيبك من ودالصايم دا وخليهو في امانيهو الوردية دى
وانت يا راجل قاعد قريب من الصين زى ما بقولوا على مرمى حجر من سورها العظيم
بس شد حيلك شوية وتلب في الصين وجيب معاك اربعة صينيات على سنة كونفوشيوس
ونشوف خلطتك ح تكون كيف يا صديقى !

يا الماشى شرق الكون
جيب لي معاك صينى
شرطا يكون مفتون
بي وجهنا الدينى ..... وسافر ...خلانى وين وين ....


حتى نعود الى الكاريكاتير

تسلم فنانا الكبير عمر ود دفع الل

صورة من الزمن القبيح ... شيخ السفهاء وجنراله المطارد ..... لكى لا ننسى