شاهد خرخره خالد المبارك عندما سئل: ماذا قدمت الانقاذ لاستقلال السودان

شاهدت البرنامج وعلمت بان تخلفنا يكمن في عقلية د. المبارك، رجل يغرق في التارخ وهو لا يعرف منه شيئا.

ينطبق عليه مقولة التركي ولا المتورك.

الرجل ضعيف في بنية الوعي التحاوري، وهو في اكثر البلاد تحضرا.
الرجل غارق في حب البشير ولا يري الا من خلاله.

امثال د. المبارك تجمعهم المنفعة وينطبق عليهم المثل مع الخيل يا شقراء

ليس للرجل مقومات حضور فهو بدائي الي الحد البعيد ويفتقد الي التركيز، هو اشبه بالطالب الذي يسال ويخترع سؤاله ثم يجيب.

المحاورون اتبعوا مقولة الضرب علي الميت حرام.

مثل هذا الرجل هو بالطبع خصما علي الانقاذ، اذا كان لها ماء وجه.

الله يكفينا شر بشتنة الكبر, الرجل تحول وبصنع يده الي مجرد ديوث
لنظام باغي ومتكذب علي نفسه وعلي الله, شخص مجلبة للعار بحق ولا يلقي بالا
للتاريخ الذي لايرحم ولا لنفسه التي هانت عليه ولا لاهله.شعور المرء ازاء مثل هذه الكائنات الماساوية هو شعور مركب, فيه الشماتة علي
بلية من بات طوع الشوامت, وفيه الرق والرثاء علي من استورط نفسه
فصار ضحية ورطات ارزل العمر التي لايقع فيها الا السقاط
والخائبين من يومهم.....

تشكر أخ Elsanosi ......... كتبت وأكملت


Elsanosi كتب:

Quote: شاهدت البرنامج وعلمت بان تخلفنا يكمن في عقلية د. المبارك، رجل يغرق في التارخ وهو لا يعرف منه شيئا. ...... الرجل ضعيف في بنية الوعي التحاوري، وهو في اكثر البلاد تحضرا. ..... ليس للرجل مقومات حضور فهو بدائي الي الحد البعيد ويفتقد الي التركيز، هو اشبه بالطالب الذي يسال ويخترع سؤاله ثم يجيب.

*****
إضافة اضطرارية نسبة لإشتهر الانسان السوداني منذ قديم الزمان بالصدق والامانة وهذا عند الصديق والغريب ووتقربا لربنا سبحانة وتعالي ،و قصص جدنا عبدالقادر ودحبوبة تملا الكتب.

الحوار من الدقيقة 49:10:

مقدم البرنامج: هل تمارسون أعمال التعذيب في السودان؟
دكتور خالد المبارك: طبعا لا

مقدم البرنامج: هل تعتقلون الناس من دون محاكمة؟
دكتور خالد المبارك: طبعا لا

مقدم البرنامج: هل لديكم شي إسمه بيوت أشباح؟ يوضع فيها الناس في غرف مغلقة لا تري فيها الشمس؟
دكتور خالد المبارك: طبعا لا

مقدم البرنامج: هل تعرضت فتيات للاغتصاب من قبل رجال الأمن في السودان؟
دكتور خالد المبارك: طبعا لا

هل تقتحم قوات الأمن لجامعات في السودان وإغتصاب فتيات في هذة الجامعات؟..... هل لم تسمع بشي من هذا القبيل؟....... أسالك هل حصل هذا؟
دكتور خالد المبارك: طبعا هذا ...... هذة أمنياتكم

اللقاء فضيحة واستفزاز لكل السودانيين
Es ist eine Schande und eine Beleidigung für alle Sudanesen

إستغرب ان الدكتور لم يستمع لمداخلة المتحدثين
كان على مقدم البرنامج ان يمكن ضيفه من سماع كلام العميد والمتداخل الآخر لانها قالا كلاما هاما وقويا ولم يسمع الدكتور كلامهما
المذيع لم يقم بدوره تماما
البرنامج لم يقدم بشكل جيد
لا نسطيع ان نحكم ان قد تم هزيمة الدكتور بشكل متكافئ
نرفض مثل هذا الاعلام غير العادل فى تناوله
نحن ضد فساد حكومة الخرطوم واتفق تماما مع المتداخلين فى البرنامج
لكن كان هناك تحاملا شديدا على ضيف البرنامج
فبالتالى لا اتفق مع الاخ بكرى فى عنوان بوسته ولا مجال لمجاملته
هذا بوست تعبان ويجب ان نكون صادقين
مقدم البرنامج مشحون مقدما ولم يكن محاديا ولم يقدم البرنامج بمهنية
ونهاية البنامج كانت مؤسفة عندما بدأ يسأل مقدم البرنامج اسئلة اعطى الفرصة ببساطة ان يكون رد ضيف البرنامج بلا
هذا برنامج ضعيف ولا يصح لبكرى ابو بكر ان يفرح به

نطالب بمعارضة شريفة ضد طغمة الكيزان

خالد المبارك
ضعيف جدا ولم يوفق في الرد على السؤال

يا أخوانا خلوا بالكم الكلام يتم حسب قيمة الشخص لدى الجهة التي قامت بتشغيله. تخيلوا أن كثيرين من داخل الحكومة يضحكون مما يسمعون من كلام أمثال خالد المبارك

بحيراوي

يا جماعة انتوا جادين؟؟؟
ياخى مقدم البرنامج لم يكن محايدا
وبصراحة تعبان جدا
بل اعطى الفرصة لدكتور خالد ان يستهزأ به
نعم حكومة الانقاذ فاسدة وكلنا ضدها
لكن دكتور خالد لم يخرخر ولا يحزنون
البرنامج فيه ركاكة
لاحظوا ان ضيف البرنامج لم يمكنوه من سماع المتداخلين
مقدم البرنامج ضعيف جدا
ومنطق الدكتور رغم كذبه لكنه كان اقوى من منطق مقدم البرنامج
كدى دقيقة بطلوا مجاملة للاخ بكرى

الأخ محمد النيل تشكر للمداخلة والسوال ،

محمد سال:

Quote: يا جماعة انتوا جادين؟؟؟

نعم يا محمد أنا جادي في تعقيبي عن البيرفورمنس حق دكتور خالد في اللقاء.
محمد كتب

Quote: لا نسطيع ان نحكم ان قد تم هزيمة الدكتور بشكل متكافئ

يا محمد أنا بفتكر الدكتور كان في لقاء ما في مناظرة لينتصر فيها طرف أو أخر اللقاء كان بعنوان "ماذا قدمت الانقاذ لاستقلال السودان خلال 23 عام" الضيف المهم كان الدكتور خالد المبارك وكانت في 50 دقيقة و-23 ثانية ليهو لذكر ماقدمته الحكومة الهو في اللقاء يمثلها أو في البرنامج نيابة عنها. وانحنا بنعقب في المستوي والصورة الهوا خليها فينا بعد اللقاء.
محمد كتب:

Quote: نرفض مثل هذا الاعلام غير العادل فى تناوله

يا محمد دكتور خالد كانت ليهو 50 دقيقة في برنامج لوحدو أي مقدم البرنامج كان مجهز عدة أسالة واخبار عن الداير في الساحة السودانية، ما هو المانع الدكتور خالد في أن يتجهز للقاء؟ فلنكن نحن عادلين مقدم البرنامج طرح أسلة عادية لمدير لقاء تلفزيوني نزية لكن الاشكال الدكتور خالد هو الاجحف في حق نفسو بعدم الاستعداد والاستهزاء بمقدم البرنامج من البداية.
محمد كتب:

Quote: فبالتالى لا اتفق مع الاخ بكرى فى عنوان بوسته ولا مجال لمجاملته

يا محمد ما ذنب الاخ بكري في مستوي الدكتور خالد في اللقاء ؟ ان كان لفظ خرخرة هو ما يزعجك أولا لفظ خرخرة لفظ يستخدم في السودان من جانب هزلي لصفة معرفة الشي لكن تعمد ذكر غيرة. بكري كان بكل بساطة مكن يكتب دكتور خالد مرمض برحو الواطا عندما سول .... بامانة إذا ده هو مستوي المستشار الثقافي للسفاره السودانية في بريطانيا علي بلدنا العوض. اتخيل إنو وظيفة المستشار هي وظيفة إضافية إكمالية ويعين صاحبها نسبة لاكمال ما نقص من علوم ومعرفة عند السفير والقنصل وبقية التبعيات الدبلوماسية . يلا وظيفة المستشار الثقافي للسفاره السودانية في بريطانيا ممكن تكون أهم وظيفة في السفارة بعد السفير و الناطق الرسمي. كيف الكلام ده؟ في الوضع الطبيعي المستشار الثقافي في السفارة هو حلقة الوصل بيب الدولتين يعني هو يشر الحقيبة الثقافية داخل السفارة في كل الأمور الدائرة في بريطانيا وكل ما هو مرسلة ومستقبل من الدولة الضيف. يعني مفترض يوميا يكون قراء كل الجرايد في لندن والخرطوم ويرسل تعليق للقنصل الثقافي وألسفير عن الشي الداير في الأوساط الثقافيه في بريطانيا و-السودان وكيفه الردود إليه. يلا في اللقاء هو ممثل السفاره والسودان والدعوة بعنوان "ماذا قدمت الانقاذ لاستقلال السودان خلال 23 عام " وأكيد هو من فترة لمعرفة عن اللقاء وعنوانو وجاتو الدعوه من أيام وغالبا اسابيع يعني الفترة كانت كفاية في إنو يجد ما قدمت الانقاذ في خلال سنواتها وطرحة بما يلق مقامةو السفارة ومقام الدولة الهو يمثلها لكن هذا لم يحصل.
محمد كتب؛

Quote: مقدم البرنامج مشحون مقدما ولم يكن محاديا ولم يقدم البرنامج بمهنية

كيف يعني مشحون ... الزول بيحكي وبسال عن شي في أي قروب أو منبر سوداني علي النت الناس بيحكو عنهو. بالاضافة للمظاهرات ومشاكل طلاب الجامعات وأفراد الأمن وجلد البنات واغتصابهم لهمن المعنوي و الجنسي والجسدي دي حاجات الدنيا كلها عارفها وكلنا هنا في المنبر ده بنزعل من الجزيرة والقنوات العربية وقت ما ينشرو عنها. مقدم البرنامج هو مدير اللقاء و ما كان صحفي لنشر خبر، هو يسال ويدر اللقاء الدكتور كان بكل سهولة ممكن يطلب نسخة من الاسلة قبل اللقاء أو علي الأقل مكن يرفض الرد.
محمد كتب؛

Quote: هذا بوست تعبان ويجب ان نكون صادقين

يا محمد دي وجة نظرك لكن أنا بفتكر إنو البوست قيم ويعطينا فكرة عن مدي الافلاس الحواري عندنا ونتمني في المستقبل الناس تتعلم من اللقاء وتبداء تاخد الأمور بصورة جادة ويا حبذا لو الناس أخدت ليها دورات في الخطاب العام و- الحوار أمام كاميرا التلفاز والبرسنتشن.
محمد كتب:

Quote: ونهاية البنامج كانت مؤسفة عندما بدأ يسأل مقدم البرنامج اسئلة اعطى الفرصة ببساطة ان يكون رد ضيف البرنامج بلا

يا محمد أنا بفتكر إنو الدكتور أخد فرصة جهنمية في نهاية اللقاء وأسالة "هل" للسياسين وخاصة أمام التلفاز في الحقيقة هدية من طبق حلوي مشكل واجابتها ما نادر ما تكن بلا أو نعم. يعني الدكتور خالد أخد فرصة إنو يرد إجوبة ذات حدين و يقوول الحقيقة بصورة خفية ذكية. غير إجابتو الرافضة البتعني نعم.
محمد كتب:

Quote: هذا برنامج ضعيف ولا يصح لبكرى ابو بكر ان يفرح به

أنا ما شايف فرحة بكري دي وين، الباشهندس بدل نشكرو للتنبية تجي تقول لينا ننبذو ...
محمد كتب:

Quote: لاحظوا ان ضيف البرنامج لم يمكنوه من سماع المتداخلين

يا محمد لو سمعت في بداية البرنامج اللقاء كان مع دكتور خالد و المتداخلين ذي ما إنت قلت هم متداخلين والدكتور خالد هو الضيف الاساسي لو ما كدة هم كانو معاهو في الاستديو.

تشكر أخ محمد وكل سنة و إنت طيب

لك كل الاحترام والتقدير
Khalidkeba

Quote: الحوار من الدقيقة 49:10: مقدم البرنامج: هل تمارسون أعمال التعذيب في السودان؟ دكتور خالد المبارك: طبعا لا مقدم البرنامج: هل تعتقلون الناس من دون محاكمة؟ دكتور خالد المبارك: طبعا لا مقدم البرنامج: هل لديكم شي إسمه بيوت أشباح؟ يوضع فيها الناس في غرف مغلقة لا تري فيها الشمس؟ دكتور خالد المبارك: طبعا لا مقدم البرنامج: هل تعرضت فتيات للاغتصاب من قبل رجال الأمن في السودان؟ دكتور خالد المبارك: طبعا لا هل تقتحم قوات الأمن لجامعات في السودان وإغتصاب فتيات في هذة الجامعات؟..... هل لم تسمع بشي من هذا القبيل؟....... أسالك هل حصل هذا؟ دكتور خالد المبارك: طبعا هذا ...... هذة أمنياتكم اللقاء فضيحة واستفزاز لكل السودانيين

شكرا الاخ خالد كيبا عندى مشكلة تقنية ما بقدر اشوف الفيديوهات
ويا خالد يااخوى نحن كان بنستفز ده كان حالنا :)
ما تخاف على مشاعرنا يا زول نحن يا جبل ما بهزك ريح :) :) او بالا صح :( :( :(
_______________________________________________

يعنى يا بكرى ابوبكر ده البتقدر عليهو نحن ما بنحضر تلفزيونات عشاااااان اللقاءات البتورم القلب دى
تقوم تجيبها لينا هنا...

ممكن اسأل ده ياتو تلفزيون والبرنامج اسمه شنو المذيع منو؟؟؟؟

Quote: شاهد خرخره خالد المبارك عندما سؤل: ماذا قدمت الانقاذ لاستقلال السو

وماذا قدمت الحكومات الوطنية من الاستقلال للسودان؟
الاخ العزيز بكري
تحية طيبة

البلد كانت ماشة بخير الانجليز ساكت والدولة الديموقراطية الخلوها لينا سنة 1956 لحدي ما وقفت وناس الانقاذ ديل لقوها عايرة وادوها سوط
ماذا قدم ناس المشروع والتنظيم والايدولجيات الرديئة الوافدة للسودان من اكتوبر 1964 والتطهير واجب وطني ولن تحكمنا حاجة سكينة
السودان اصيب بالايدز من رفضنا الفدرالية ومطالب الجنوبيين سنة 1955 وانبطحنا للمشاريع الوافدة للدول المركزية الفاسدة والفاشلة والفاشية النموذج المصري والمرض كتلو في 2011
شوفو بس الفرق بين امناسريرة بت مكي عن علم السودان القديم علم مدرسة الغابة والصحراء في برنامج بيتنا وبين كلام القاضي لكل العصور بابكر عوض الله عن علم الاستقلال واستهازئه بالصحراء كرمز واعتاده بعلم القومجية العروبية بتاع الالوان الاربعة في برنامج في الواجهة 2006 في نفس الفضائية
اما كلام طه اسماعيل المخضرم في فضائية السودان كان كافي وافي لماذا تحتفلون كل عام بهذه الطريقة الممجوجة عن الاستقلال دون تحليل او تبصير الناس بحاضرهم المضطرب ومستقبلهم المظلموالحكمة مصرين على علم القومجية بتاع مايو الاولى والخارطة المشوهة..وقالو محتفلين بالاستقلال

ونتمنى الناس تمشي تقرا كتاب مصنور خالد الاخير ((تكاثر الزعازع وتناقص الاوتاد- ويحتلفو بيه لانه في ذكرى وعبرة لمن اعتبر ومنصور خالد افضل شاهد على العصر وغني عن التعريف
عشان ما نبقي مع الانقاذ دي غلفا وشايلة موسا تطهر..ونسقط فيها قبحنا المتنوع..
النقد الذاتي مهم لكافة السياسيين والاحزاب السودانية لما ال اليه السودان الان هو واجب المرحلة؟
وكل ماشفت شيوعي قديم او بعثي او كوز يتبجج في فضائية اتذكر الاية القرانية ومن نعمره ننكسه في الخلق
ودي ازمة السودان
الاذكياء الحقيقيين اصحاب المشاريع الوطنية مغيبين- السيد عبدالرحمن المهدي- محمود محمد طه- جون قرنق- محمد ابوالقاسم حاج حمد و....
والرجرجة مالين الفضاء ضجيج

يا محمّد النيل أنت ذاتك قرايتّك للقاء وللبوست ركيكية، ضعف البرنامج ومقدمه يفترّض أن تكون حافذا لخالد المبارك ليقدم أفضل ما عنده.. وعن أي حياد تتحث يا محمد النيل؟ خاد أعطي الفرصة كاملة أمام خصم ضعيف - مقدم البرنامج- فخرج خالدا أضعف منه..

وافجيعتاه

اتفق مع محمد النيل في ان البرنامج فيه مشاكل تقنية، من ضمنها الصوت الغير مسمع للمتحاورين،

المقدم كان متحاملا، الاجابة ربما ولكنه كان يطرح اسئلة واقعية وحقيقية، وربما اعطي د. المبارك فرصة تاريخية للاجابة وتقديم الانقاذ بصوره احسن وترقيع وجهها القبيح.

دكتور المبارك، ضعيف في الحضور والسعة الاستيعابية في الحضور، فمثلا المقدم عندما يساله، يغرق في التفاصيل من غير فايدة، وهده مشكلة تقنية في الانسان وهو بذلك يعتبر ضعيف في التحاور في برنامج تلفزيوني مءحكوم بزمن محدد،

اختيار د. المبارك ليكون مستشارا ثقافيا في بلاد تعد الاكثر ثقافة وحضارة، فيه تجني علي الانسان السوداني ليمثله شخص بهذه الضحالة.



المتحورون غرقوا في ابداء الاشياء السالبه، فكان العميد من هولندا، محاورا ممتاز، ولكن المشكل التقني حال دون ذلك.

الاستاذ شمت يمتلك حضور واتضح انه مرتب، لكن اسئلة المقدم كانت ركيكة وممطوطه ولم يجد فرص اخر



دفاع الرجل عن الانقاذ، كان مقززا، وربما حتي للانقاديين.

الاستاذ خالد كيبا تحياتي

اتفق معك،

ولكن البرنامج ضعيف بصورة عامة، والذي زاده ضعفا دكتور المبارك.

الدكتور يسالوا فيهو وبعد تلاته دقايق، من الغرق في التفاصيل تكون الاجابة غلط، اخد زمن البرنامج في الحكحكة والاستغراق


ارثي لحال هذا الرجل مدافعا عن الانقاذ، وحزنت عندما هاجم المذيع، وكاد يفقد اعصابه، ومصطلح خرخره ينطبق علي الزول ده، لانو كان بيغالط بدون علم ويحاول لي عنق الحقيقة، وحاول استعطاف المقدم، بقولة بتشمتوا فينا يعني، ياللهول.

المقدم برضو معاط، جدا وياخد راحتو في الكلام ورغاي.

الاخ السنوسى
اختلف معك بوصف خالد المبارك بالضعف لانه اى خالد المبارك يمارس فى استراتيجيه الكيزان وهى تشتيت الكوره وقتل الحلقه بالهجوم على المحاور وهذه المره كان المحاور هو مقدم البرنامج نسبه لعدم وجود محاور اخر فى الاستديو ولو رجعت لمحاوره على محمود حسنين مع حاج ماجد سوار والتى نجح فيها حاج ماجد سوار فى تشتيت تركيز على محمود بالهجوم الشديد عليه ووصفه بالعماله وقتل البرنامج من توجيهه لفشل سياسات الانقاذ...ده نفس الاسلوب الذى اتبعه خالد المبارك وبالتحديد عند ذكر الضربات الاسرائليه للسودان عندما حاول ان يستدير عطف المشاهد العربى والسودان بان المعارضه عميله وتفرح بضربه اسرائيل لارض الوطن.....والاسئله الاخيره ما عندو اى شئ سوى النكران اسوه بقياده الانقاذ من البشير لاصقر موظف...يعنى عاوزين الانقاذ تقر بالاغتصابات والتعذيب؟؟
كم تمنيت وجود محاور قوى...لان فرماله الانقاذ هى الطرق والجامعات والسدود وطبعا ده كلو حصداهم فى ال 23 سنه مع استدانه كل مبالغ المشاريع الكبيره وضياع اكثر من 50 بليون دولار دخلت خزينه الدوله ضاعت بين المحاسيب!!!!!!!!!!

كم طريق تم تنفيذه وبكم وهل تم تعويض توقف وخراب الناقل الوطنى الاكبر (السكك الحديديه)؟
هل تمت الطرق بطريقه متوازنه تحفط تنوع البلد ام تمت فى مناطق اهل السلطه؟
هل ساهمت التنميه كما يدعون فى رفع مستوى المواطن على ما كان عليه عند 89 ام ساءت احوال المواطن
هل هنالك نظام شفاف فى كل المناقصات الحكوميه ام تعطى للمتنفذين واسرهم؟
لماذا السودان فى قائمه الدول الاكثر فسادا لاكثر من عشره اعوام متتاليه؟
لماذا لا تعاقب امريكا قطر وهى الراعى الرسمى لحماس؟ بل توجد اكبر قاعده امريكيه فى المنطقه بها؟

دى الاسئله الكان مفروض اى محاور يوجهها لاى مسئول سودانى


دودى

الانقاذ الان في اضعف حالاتها - لم تكن الانقاذ يوماً قوية -
ليس لديها كوادر لادارة دولاب الدولة
من معها يفتقر للخيال ، والموهبة ، والمباداءة ، وروح القيادة ،
لذلك خططها ، ومشاريعها من فشل ، الي فشل، يا قلبي لا تحزن ...
ما تصدق ناس زي خالد المبارك ، وسبدرات ، وعبدالرحمن المهدي ،
تعتقد ان قببهم تحتها فكي ، والواضح ان لا قباب هناك ،
ولكنه الفقر ،
الانقاذ الان صارت ستين انقاذ ،
وزي خالد المبارك دا يتكلم وفي ذهنه ارضاء الانتباهة ، وعلي عثمان ، وعبدالرحيم حسين ، وبكري حسن صالح ،
ولان الرجل ضعيف حجة ، ومنطق فها هو يتورط ورطة العدو ،
ويقول كلام يزعل الجميع ،
امكن بكرة ، ينهون خدماته ، ومعاهو بالمرة محمد محمد خير ،

برنامج جاب ليناالكاروشة
مذيع ضعيف وماجاهز قاد النقاش لىطرق مسدودة وقدانا
الضيف لم يتحدث ولا 10% من وقت البرنامج الرجرجة وعدم التركيز كان من المقدم
السؤال كان مفروض يكون واحد فقط ويقفل خشمو الكبير دا عشان الضيف يا يجاوب يا يقيف
وبعدين يجيب الضيوف السنينين ديك للتعقيب والزرزرة برنامج فاشل ومقدم فاشل لا يجيد فن الحوار في الحلقة دي لأتي ما شفتو قبل كدا
اتمنيت انو مقدم برنامج ممتاز يدير الحوار دا
ياخي لو جبنا المرحوم الزعيم الازهري ودخلناهو وزارةالمالية وفتحو ليهو الدفاتر بتاعت كل الحكومات المتعاقبة
كان حمد ربنا انو مات من غير ما يشوف الحصل لينا شنو
الدولار اليوم بتحول بي 7 وميتين
ومافي

عزيزنا محمد دودي سلام.

لا لا يا محمد، الدكتور المبارك، ضعيف علي مستوي الحوار، وما عندو معرفة بتشتيت الحوار، الرجل صنعته ظروف المفاصلة وحالة المناطقية والجهوية عشان يكون في الحته دي.

الرجل ما عندو علاقة بالحركة الاسلامية، ممكن يكون كويس في حته تانية لكن حوار تلفزيوني ما عندو مقدرة.

الكيزان مثل الزنديق بائع شيخو حاج ماجد سوار، صيحيح ممكن يشتتو الكورة، في حالة هزيمتهم فكريا وممكن جدا يضاربوا ويطعنوا بالكلام المدسوس، لانهم بلا اخلاق.

اما د. المبارك فهو ليس بحركة اسلامية لكن مرات مرات بيشيل الطار، وبينطبق عليهو التركي ولا المتورك. الراجل البرنامج كلو يتحكحك ويحت في يدينو ممكن اجاوب، ياخي في زعمطة اكتر من كده. حولا

مافى زول مكجن الكيزان ديل اكتر منى
لكن البرنامج دا ضعيف
وما شايف أى خرخرة للدكتور
كان مقدم البرنامج يتحدث اكتر من ضيف البرنامج
واسئلة فى نهاية البرنامج وضعت بطريقة ساذجة
هل فى السودان تعذيب ؟؟؟ يعنى متوقع يكون رد الدكتور شنو ؟
كان على مقدم البرنامج ان يذكر احداث بعينها فى التعذيب وهى كثيرة ليفحم دكتور خالد ويجعله يخرخر فعلا لكن فشل مقدم البرنامج
كأنه كان مجهز تجهيزا من جهة معينة لمحاولة توريط الضيف بأى اسلوب لكنها محاولة كانت فاشلة
......
نعم لم نرى خرخرة لضيف البرنامج ولا يحزنون
مقدم برنامج ضعيف و ضيف تعبان

سلام أخت Siham Elmugammar
كل سنة وانت وافراد الأسرة الكريمة طيبين وشكرا للمداخلة

بخصوص الاشكال التقني: اللقاء كان في قناه ANN في برنامج قضايا عربية والعنوان كان
"ماذا قدمت الانقاذ لاستقلال السودان خلال 23 عام"
هنا رابط القناه
http://www.anntv.tv/new/default.aspx

هنا رابط اللقاء علي اليوتيوب
http://youtu.be/5oDpzEtaTSI

Siham كتبت:

Quote: ويا خالد يااخوى نحن كان بنستفز ده كان حالنا :)

أاكد ليك يا Siham بعد مشاهدة اللقاء أول شعور يجك هو الخجلة وبئس الحال لما وصل له السلك الدبلوماسي السوداني وخاصة السفارة في لندن. وبعدها بتسألي روحك الزول ده يقدم أي إستشارة للسفير و السفارة. إتخيلي إنو كل الدول بترسل أحسن دبلوماسيها لتمثيلهم في لندن وخاصة الدول الكانت مستعمرة من الانجليز قمتهم في لندن وذلك للوضع التاريخي للملكة المتحدة.

Quote: ما تخاف على مشاعرنا يا زول نحن يا جبل ما بهزك ريح :) :) او بالا صح :( :( :(

يلا هنا المشغوليات والزحمة العامه في الساحة السودانية هي السبب في إنو الناس في الداخل(في السودان) ما بتركز في الامور وكل الجهد يستقدم من أجل الوجود الحياتي ..... لكن الانسان السوداني حساس جدا وفي المشاعر ما هو جبل بل العكس هو فراشة.

الأخ Elsanosi كتب:

Quote: ولكن البرنامج ضعيف بصورة عامة، والذي زاده ضعفا دكتور المبارك.

يا Elsanosi لما يخص مدير اللقاء (Moderator) ما عارف ليه الناس بتركز فيهو ويشار الية بلفشل وعدم الحايد، أنا بتخيل إنو مدير اللقاء ال-Moderator قدم حلقة جيدة ومن المقدمة كل أسئلتو كانت واضحة و أعطي من الزمن ما يكفي لاجابة كل الأسئله لكن دكتور خالد إختار سرد التاريخ وتبليم الأخريب في الوقت عنوان اللقاء "ماذا قدمت الانقاذ لاستقلال السودان خلال 23 عام" واضح و محصور في تقويم زمني معين. بلاضافة الدكتور من أول جملة كان وأضح عدم تجهيزة للقاء وكان يلفظ بكل ما يخطر في بالة من قصص تاريخية وكان في وضع دفاع (defensive) باين لمدير اللقاء. ده معناه ما كنت له حجة ودا عيب يحصل لشخص يمثل دولة السودان أيا كانت الأنظمة في يوم ذي يوم الاستقلال. واكيد في خلال ٢٣ سنة مهما كانت الانظمة حتكون في حاجة إيجابية (الإنقاذ مثلا عندها ذي الاتصالات السلكية واللاسلكية أو إستخراج البترول علي الرغم من عدم التوزيع العادل و الفساد لكن في حاجة ممكن ناس الإنقاذ يشوفوها إيجابية) الواحد ممكن يركز فيها لكن من اللقاء لم يخطر في بال المستشار أي إيجابي. وفضل رد الأسئلة باسئلة ( rabbinic evasion technique) والعنف الحواري مع مدير اللقاء ال-Moderator. أنا بقول دكتور خالد يحمد ربنا ما كان في مناظرة مع المتداخل عميد متقاعد عبد القادر السني من هولندا. أسمع لرد العميد من الدقيقة 25 : 11 وشوف كان ردو كيف وقارن.

إضافة تانية لما يخص مدير اللقاء، نفس القناه, نفس البرنامج ,نفس المقدم ناقش قبل كم شهر قضايا السودان وكان في اللقاء "الأخت المناضلة نجلاء سيدة أحمد، الاستاذة نضال الشيخ، و الباشمهندس محمد البوشى" هنا اللقاء.

وتم تعقيب عن اللقاء هنا وكلنا أشدنا باسئلة ال-Moderator و بحوار وردود التلاتة المشاركين ومافي واحد شعر بخجل ولا قلنا فضيحة ولكن قلنا أخيرا القنوات العربية بدات تهتم بقضايا السودان. واليوم سوداني آخر في نفس البرنامج ومع نفس ال-Moderator عكس صورة عكسية عن المثقف السوداني وخاصة السفارة السودانية والسلك الدبلوماسي السوداني، بدل ما نكون عادلين ونقول الحقيقة بدينا نوجة الاتهام لمدير اللقاء ونفتش في أعذار تانية منها مثلا البشمهندس بكري .... . حاجة أنا ماقدر أفهما وما داخلة لي في راسي!!!

وللنقاش بقية

Khalidkeba

ولايمكن مقارنة هذه المقابلة بالمقابلة المشهورة والتى ابدع فيها عمر القراى وافحم فيها ممثل الحكومة عمر عبد العاطى الذى فشل فشلا ذريعا
ووضع من يمثلهم فى وضع مضحك
وكشف فيها القراى خزى وعار حكومة الانقاذ
لا مقارنة ابدا

اكل العيش مر
نحن عازرينك يا دكتور
جني

تشكر الأخ محمد النيل للمادة الجديدة!
صدقت لا توجد مقارنة بين مقابلة الدكتور خالد المبارك ومناظرة الدكتور عمر القراى ودكتور عمر عبد العاطي.
نهارك سعيد
Khalidkeba

سلام اخوتي



قال النيل

Quote: يا جماعة انتوا جادين؟؟؟ ياخى مقدم البرنامج لم يكن محايدا وبصراحة تعبان جدا بل اعطى الفرصة لدكتور خالد ان يستهزأ به نعم حكومة الانقاذ فاسدة وكلنا ضدها لكن دكتور خالد لم يخرخر ولا يحزنون البرنامج فيه ركاكة لاحظوا ان ضيف البرنامج لم يمكنوه من سماع المتداخلين مقدم البرنامج ضعيف جدا ومنطق الدكتور رغم كذبه لكنه كان اقوى من منطق مقدم البرنامج كدى دقيقة بطلوا مجاملة للاخ بكرى

وقال السنوسي بدر

Quote: اتفق مع محمد النيل في ان البرنامج فيه مشاكل تقنية، من ضمنها الصوت الغير مسمع للمتحاورين،

وقال جني

Quote: اكل العيش مر نحن عازرينك يا دكتور جني

واقول انا
ان المستشار خالد المبارك مصاب بمرض الصمم
وانا سنحت لي الظروف لروية ذلك بندوة عامة
فهو في حوجة دائمة لمترجم او موصل صوت
فنسبة ما يسمع مقارنة بالاصحاء لا تتعدي الخمسين في المائة
وانا هنا ربما اجامله
ويموت الزمار واصابعه ٠٠٠٠٠٠
وشكرا

سلام لكل للمتداخلين
اولا الدكتور خالد المبارك دكتور في شنووووووو
لانو صراحه لا يملك مقدرات حواريه تمكنه من الدفاع عن حكومه يمثلها
ثانيا الدكتور نتيجه طبيعيه لتدهور الكادر البشري في السودان فلا عجب
ثالثا اقول كما تغني الراحل العملاق وردي واسفاااااااااااااااي

لم يعقب احد من الشلة المعروفة اعلاه
عشان كده
ده السودان في مخيلة النخبة العربية
وانا اشرت لكتاب منصور خالد تكاثر الزعازع وتناقص الاوتاد....عشان تناقش قضايا السودان بعمقها الحقيقي
لانه
لا في شيوعي
او كوز
او حزب امة نسخة الصادق
بقدر يواجه
السؤال
وماذا قدمتم انتم للاستقلال من 1956 لحدت 30 يونيو 1989

وبس يعرفو ناس الجبهة المعادية للاستعمار/الحزب الشيوعي ان رفضهم خيار الفدرالية ان ذاك بدواعي الاستعمار والامبرالية وامريكا قد دنى عذابها كان خصما على ما ال اليه السودان الان
وانتو ليس افضل اطلاقا من الاخوان المسملمين وان كنتو ليس اسواء منهم وهذا خالد المبارك وغيره تربية(التنظيم)) والمشروع

اذا يوم شفتو في فضائية
منصور خالد
او
تلاميذ الاستاذ محمود محمد طه
اعرفو انه السودان رجع تاني بعد ان خرج ولم يعد من 1955
واتحدى الفضائية الغبية دي تحتفل بالاستاذ محمود محمد طه
وتكشف المستور الاصلي في العار الحاق بالسودان باعدام هذا الرجل

نفس الناس
ناس غلفاء وشايلة موسا تطهر
يا ناس الديلوكتيك
ايه لفرق بين
حزب المؤتمرا لوطني
وبين
المؤتمر الشعبي
الحزب الشيوعي
حزب الامة
باالوثائق؟؟

سلام يا أخي عادل وشكرا لك على رفع هذا اللقاء التلفزيوني فقد فاتني أن أشاهده في وقته وقد شاهدته اليوم كاملا..

عفارم على الأخ الصديق الصحفي عبد الوهاب همت فقد كانت مداخلته متميزة.

أما الدكتور خالد المبارك فقد استطاع أن يثبت أنه يريد الدفاع بالباطل وبالكذب عن سلطة فاشلة فاشية ظالمة.

ياسر