أندونيسيا للمرأة: إركبي الموتر خلف زوجك وكرعيك بالجمبة

عشان ما تثيرو وكدة

باندا آتشيه (إندونيسيا) 2-1-2013 - ستمنع إحدى مدن ولاية آتشيه
الإندونيسية (شمال غرب) النساء من الركوب على الدراجات النارية وراء الرجال بالشكل
المعتاد الذي يشبه امتطاء الحصان، على أن يجلسن مضمومات الرجلين إلى جهة واحدة، بحسب
ما أعلن مسئول محلي اليوم الأربعاء.
ففي لوكسيماوي، ستصبح المرأة مجبرة على الجلوس على متن الدراجة وهي تضم ساقيها الواحدة
إلى الأخرى سواء إلى يمين الدراجة أو يسارها، لا أن تكون كل ساق إلى جانب من الدراجة كما هي الحال عادة.
ويستثنى من ذلك أن تكون المرأة هي نفسها من تقود الدراجة، شرط أن تلتزم
باللباس الذي يعتبر في هذا البلد مراعيا للشريعة الإسلامية، بحسب ما شرح المسئول
المحلي سعيدي يحيى لوكالة فرانس برس.
وبرر المسئول المحلي هذا القرار بان جلوس المرأة على متن الدراجة النارية مع
وضع كل ساق إلى جهة، من شأنه أن "يثير السائق"، مضيفا أن هذا القرار "يحمي النساء من الوقوع في ظروف غير مستحبة".
وتعد اندونيسيا اكبر بلد مسلم في العالم إذ أن عدد سكانها يبلغ 240 مليون
نسمة. وينص دستورها على الحرية الدينية لكن ولاية آتشيه تفرض تطبيقا صارما للشريعة الإسلامية منذ حصولها على الاستقلال الذاتي في العام 2001.

..................المصدر/ وكالات

Quote: وبرر المسئول المحلي هذا القرار بان جلوس المرأة على متن الدراجة النارية مع وضع كل ساق إلى جهة، من شأنه أن "يثير السائق"، مضيفا أن هذا القرار "يحمي النساء من الوقوع في ظروف غير مستحبة".

أندونيسي وزوجته في مدينة باندا آتشيه الإندونيسية اليوم

يعني هى مرتو ومعاهو فى السرير كل يوم ما تثيرو الا فى الموتر ؟!!!
..............
تحياتي

ما تثيرو كان أثارتو مش زوجتو ؟؟

Quote: ما تثيرو كان أثارتو مش زوجتو ؟؟

كيفن يعني انت مش الاثارة حرام الا داخل خباء
وفي جماعه بيقولو انو لو قلعت هدوم مرتك كلها وانت وهي في السرير حرام وانو ابليس بيشاركك

Quote: كيفن يعني انت مش الاثارة حرام الا داخل خباء وفي جماعه بيقولو انو لو قلعت هدوم مرتك كلها وانت وهي في السرير حرام وانو ابليس بيشاركك

يا راجل !!!!

غايتو إبليس ده تعبان مع الجماعة ديل ... حاشرنو في اي حتة حتى في السرير !!

Quote: كيفن يعني انت مش الاثارة حرام الا داخل خباء وفي جماعه بيقولو انو لو قلعت هدوم مرتك كلها وانت وهي في السرير حرام وانو ابليس بيشاركك

الزبير يا خوي ابليس مالو ومالن يركبو بالجنبة ولا بالعرض

وبعدين منو القالهن بتثيرو؟

ود شديد

Quote: غايتو إبليس ده تعبان مع الجماعة ديل ... حاشرنو في اي حتة حتى في السرير

شكراً خالد للتوضيح

Quote: يعني هى مرتو ومعاهو فى السرير كل يوم ما تثيرو الا فى الموتر ؟!!!

تركب وراء ولا تركب قدام هم مالن ومالها ما راجلها غايتوا بث

وبعدين الطريقة الطالبنها دى خطرة وما صحية وما بتكون فيها وزنة

وزنة دى كيف

غايتوا يا ود جبريل عندك بوستات التقول طاشى شبكة

Quote: غايتوا يا ود جبريل عندك بوستات الطول طاشة شبكة

البوست دا مالو عيبيهو لي

خبر شايلو النسيم

سلام يا جلال

بوستك ذكرني صاحبنا زمان جاء ماليزيا وشاف تلك الركبه المثيره ..

اها قلنا ليهو رايك شنو تركب معاك واحده بنفس الطريقه العجيبه اياها في الموتر..

صاحبنا قال : والله لا انا ولا هي و لا الموتر ما نتلقي ..


تحياتي

اها كان الزوجة سايقة و عايزة تردف زوجها
الزوج يركب كيف؟ مفشق برضو ولا بالجنبة؟
وبعدين يمسك وين؟
ما هو لازم يقبض ليهو في حاجة
يقع يعني؟
والله حيرتو بنات افكارنا

سلام اخي جلال جبريل و معلبش دخلت قبل شوية دون تحية

Quote: وبعدين الطريقة الطالبنها دى خطرة وما صحية وما بتكون فيها وزنة وزنة دى كيف

كلامك صاح 100% يا وضاحة اي حاجة بتتساق بي اطارين زي الموتر و العجلة الـ Balance فيها
مهم جداً وعشان يكون في وزنة لازم الحمولة تكون موزعة بطريقة متساوية حتى تحفظ الـ Balance تجنباً للحوادث

Quote: لازم الحمولة تكون موزعة بطريقة متساوية حتى تحفظ الـ Balance تجنباً للحوادث

والبلنس دة الا في التفشق للامام ، ممكن يحصل توازن ان جلست نفس الجلسة ووجهها للخلف وبكدة نكون ضمنا انو ما تهبش السايق ( تثيروا ) وفي نفس الوقت البلنص حاصل

Quote: والبلنس دة الا في التفشق للامام ، ممكن يحصل توازن ان جلست نفس الجلسة ووجهها للخلف وبكدة نكون ضمنا انو ما تهبش السايق ( تثيروا ) وفي نفس الوقت البلنص حاصل

يا الزبير ما تلفو على قانون الناس ديل، حكاية البلنس دي ما عندها علاقة بي ركوب الموتر

صاحب البوست وضيوفه

كل سنة وانتو طيبين

جيت من تلك الديار ( اندونيسيا ) قبل اسبوعين واكتر ما لفت نظري فيها هي كمية المواتر دي ياخي مبالغة واكتر شي برضو لفت نظري هو سواقة الحريم للمواتر ياخي ديل سواقات بشكل وعندهم هارموني عجيب يعني مع كمية المواتر وكمية النسوان السائقات كنت متوقع اشوف لي كمية حوادث ولكن خاب ظني

اما طريقة ركوب المراة للموتر خلف زوجها من ناحية الاثارة هي ممكن تثير الزول البعاين ليهم خليك من الزوج (:

ياخي مرات بتلاقي اسرة كاملة من 5 افراد مردفين

ححاول اجيب ليكم صور عشان تحكمو

Quote: اها كان الزوجة سايقة و عايزة تردف زوجها الزوج يركب كيف؟ مفشق برضو ولا بالجنبة؟ وبعدين يمسك وين؟

الصـــاوي أخوي الزوج البردف دا لا خوف عليه ولا هم يحزنون

والله صحي ()

جلال يا اخوي دا خبر عجيييييييييييييب خلاص ياخ

تحياتي

سلام للجميع

الاندنوسيين وصلوا مرحلـة التفكيـر بالكرعين؟

Quote: الاندنوسيين وصلوا مرحلـة التفكيـر بالكرعين؟

والزول لامن يبقا تفكيرو في كرعيهو الفيهو بتكمل

Quote: جلال يا اخوي دا خبر عجيييييييييييييب خلاص ياخ

البشاري صباحك أبيض ياخي

بالجمبة ياعمك

Quote: ححاول اجيب ليكم صور عشان تحكمو

آي عليك الله يا بكري الصو أهم حاجة

Quote: اها كان الزوجة سايقة و عايزة تردف زوجها الزوج يركب كيف؟ مفشق برضو ولا بالجنبة؟ وبعدين يمسك وين؟ ما هو لازم يقبض ليهو في حاجة يقع يعني؟ والله حيرتو بنات افكارنا

الصاوي سلام

حيرانك نحنا وللا الحكومة الأندونيسية وللا الراكبة في الموتر بي ورا؟

Quote: بوستك ذكرني صاحبنا زمان جاء ماليزيا وشاف تلك الركبه المثيره .. اها قلنا ليهو رايك شنو تركب معاك واحده بنفس الطريقه العجيبه اياها في الموتر.. صاحبنا قال : والله لا انا ولا هي و لا الموتر ما نتلقي ..

أسامة خليفة كيف حالك

صاحبكم دا موبراهو الزيو كتار