Post: #1
Title: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-25-2012, 01:44 PM
الموضوع طرق المرور السريع في السودان
تحياتي وتقديري
ليس لدي أدنى شك في انكم من أصحاب الشهادات العليا في مجالكم في مختلف فروع الهندسه وخاصة هندسة الطرق ومن أعرق الجامعات ...
أنا لم ادرس الهندسه ....لكن من الخبره في الحياه والسفر الكثير عرفت إنو طرق المرور السريع عندها مواصفات معينه ومحدده ...وانتو أدري واعلم مني في هذا المجال ..
على سبيل المثال تلقى الشارع مسارين أو أكثر ...مفصوله بحاجز غالبا يكون جدار اسمنتي ..
تكون الإشارات في الشارع واضحه وكبيره ..المنحنيات ..المخارج ...الخ ...
توجد عواكس أو إشارات ضوئيه لتحديد المسارات ....
غالبا في هذه الطرق هذه يمنع عبور المشاه ...ويتم عبور المشاه عن طريق كبري علوي أو نفق ....
توجد مساحات جانبيه في حالة عطل مفاجئ
توجد مواقف على مسافات مناسبه لمن يريد التوقف بشكل آمن له وللاخرين...
وكثير من المواصفات الأخرى التي تعرفونها أكثر مني ...
أسئلتي :
لماذا عندما يتم تشييد طريق مرور سريع في السودان ...لا يؤخذ في الحسبان المواصفات أعلاه ؟؟
لماذا عندما يشييد طريق بين كوستي والخرطوم مثلا ، يكون بنفس مواصفات طريق بين الخرطوم والكلاكله ؟
هل فعلا الفساد هو السبب الرئيسي..يعني الميزانيه مثلا تكون عشره قروش للمواصفات أعلاه ...ثم تقوم جهة ما بدفع خمسه قروش واكل الباقي ؟
هل ادارتكم الهندسيه لاتعرف الفرق بين مواصفات الطرق بين المدن وبين الدول ومواصفات الطرق داخل المدن والقرى والحلال(بتشديد اللام) ؟؟؟أشك في ذلك ...
هل ادارتكم لاتطالع الأخبار اليوميه عن حصاد الأرواح البريئه على الطرق المسماه زورا بطرق المرور السريع ؟؟؟
من المسؤول عن وضع تصاميم الطرق بين المدن في السودان ؟
اضيفوا أخيرا أي اسئله تخطر على بالكم ..
طبعا المسؤول الأول والاخير والذي يحاسب أمام الله على هذه الأرواح هو راعي الدوله أو رئيس الدوله .....ورحم الله سيدنا عمر عندما قال (لو أن بغلة عثرت في العراق لسألني الله عنها لما لم تمهد لها الطريق)..خليك من بني ادمي
تحياتي
------------------------------------
للمهندسين بتلك الاداره المعنيه هذا هو إيميلي لمن أراد أن يرد على هذه الاستفسارات ..وليكم على ما أكتب أي إسم عشان أكل العيش وكده ....
[email protected]
|
Post: #2
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-25-2012, 01:52 PM
Parent: #1
أعضاء المنبر من أهل الاختصاص اتمنى أن تفيدونا أفادكم الله
|
Post: #3
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-25-2012, 02:08 PM
Parent: #2
|
Post: #5
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-25-2012, 03:02 PM
Parent: #4
|
Post: #6
Title: Re: رساله للقسم الهندسي في الوزاره المسؤوله عن الطرق في السودان...
Author: حيدر بشير
Date: 12-25-2012, 04:56 PM
Parent: #5
سلام يا دكتور و كيف الاسرة
يا خوى دراسات شنو البيعملوها لى الطرق كان سريعة و اله بطيئة
دى مشاريع سياسية فى المقام الاول لا يراعى فيها السلامة و لا المواصفات الهندسية لا فى الدراسة و لا عند التنفيذ
و كمان جايب صور لى طرق يا شيخ ما تطلب حاجة معقولة لى ناس بيتركوا التصميم نفسه للمقاول المنفذ
الله يكون فى عون محمد احمد السودانى و الذى تتولاه العناية الربانية ليسلم من حوادث الطرق السريعة
|
Post: #7
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-25-2012, 05:55 PM
Parent: #6
سلامات ياحيدر
وشكرا على الاضافه
والله ياحيدر الموضوع في غاية الخطوره
مامكن نحنا في 2013 وماعندنا كيلومتر واحد طريق محترم ..والناس تموت بالجمله ..
من أفلت من الملاريا أو الحمي الصفراء يكون الطريق في إنتظارو..
طبعا ممكن ببساطه يجي زول يقول لي الناس سواقثم زي الزفت والعربات تعبانه ...
طيب الدوله ماتعمل العليها وتصمم وتنفذ طرق محترمه ..وبعدين السواقتو كعبه ده الله معاهو...
ياخ الغايظني وفاقع مرارتي(مع حقوق الطبع للخال الرئاسي )إن السجم المسؤولين ديل كل يوم مسافرين في بلد وشايفين كيف الطرق والمطارات ..
ويجو راجعين من غير أن يحركوا ساكنا
الله يكون في العون
|
Post: #8
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-26-2012, 10:49 AM
Parent: #7
هل بناء الأبراج في القياده أهم ،أم تطوير شارع مدني الذي يحصد العشرات ؟
كم من الأموال صرفت على الإحتفالات الرسميه ؟
كم من لموال صرفت على الضيوف من الخارج ؟
هل الحفاظ على حياة الانسان من الأشياء الثانويه بالنسبه للدوله ؟
مازلت في إنتظار الإجابات ومع الكثيرين ..
|
Post: #9
Title: Re: رساله للقسم الهندسي في الوزاره المسؤوله عن الطرق في السودان...
Author: بشير دفع الله
Date: 12-26-2012, 01:20 PM
Parent: #8
د. الصادق ..تحياتى ..
• كل الجهات الهندسيه فى مجال الطرق – قطاع وخاص – اكيد تملك المعرفه والخبرات فى هذا المجال – يعنى فى خبراء فى مجالات التخطيط و التصميم والتنفيذ –
• زما ن .. كانت هنالك هيئه عامه للطرق وهى مسؤوله عن الطرق عموما من التخطيط حتى الصيانه وكانت مؤهله لذلك بصوره متقدمه ...
• واليو م امر الطرق توزعت مهامه على جهات عديده ... وتعددت ابواب الفساد ..مثلا ...فى تدخلات رسميه تبدا من التخطيط ( ويحددوا التكلفه عشان الاستشارى يطبخ عليها )
واخطر التدخلات فى مرحله عطاءات التنفيذ !!
والاكثر خطوره .. ا لتساهل فى المواصفات بين المقاول والاستشارى !!
لكن برضو يا هو حال البلد .. وفى كل مجال ..
|
Post: #10
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-26-2012, 03:42 PM
Parent: #9
شكرًا بشير..في انتظار المزيد من الإيضاحات
|
Post: #11
Title: Re: رساله للقسم الهندسي في الوزاره المسؤوله عن الطرق في السودان...
Author: Alshafea Ibrahim
Date: 12-26-2012, 04:21 PM
Parent: #10
عفوا يادكتور القسم المذكور تحت الإنشاء أصبر شوية بعدين أفتح هذا البوست وجيب هذه الاسئلة المحرجة .... يوم الخميس الفات الساعة التاسعة مساء وجوار قرية أم دقرسي السياحي تايقر لاند يحصد أرواح كم وثلاثين روح داخل حافلة متجهة للحصاحيصا ... عدد الموتى زاد بسرعة والجرحى كذلك ... المؤلم المحزن أن فقدان الأنفس عندنا فقط أرقام وربما مجهولي الهوية ... وينتهى العزاء قبل الدفن ...
تقبل تحياتي ... ونساءل الله التخفيف
الشفيع
|
Post: #12
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-26-2012, 07:23 PM
Parent: #11
سلامات يا الشفيع
قلت لي القسم تحت الإنشاء ..والله مابعيده زي ماقال المهندس حيدر بشير إنو تشييد طريق يتم بنفس طريقة بناء البيوت في السودان ..مقاول..بناء ..طلبه...قدح..مونه ..الخ ...
والله حاجه تحير ..
والله اتمنى أعرف كيف يتم تشييد هذه الطرق ..وطريقه الاشراف الهندسي عليها قبل واثناء وبعد التشييد ...
تحياتي
|
Post: #13
Title: Re: رساله للقسم الهندسي في الوزاره المسؤوله عن الطرق في السودان...
Author: سيف النصر محي الدين
Date: 12-26-2012, 11:05 PM
Parent: #12
اي حتة تهبشها في البلد دي تلقاها خربانة من الأساس و السرقة و الفساد سوس ينخر في عضمها من جوة!
مش مهزلة بالله يا الصادق أنو المشروعات العملوها المستعمرين الانجليز قبل مية سنة هي فقط التي تقف
متحدية الزمن و كل ما تم بعدها خراب في خراب!!
|
Post: #14
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-28-2012, 00:24 AM
Parent: #13
والله كلامك صاح ياسيف
تشوف كل المشاريع الواقفه على حيلها حتى الآن هي مشاريع الأنجليز ..وخلاف ذلك كلها مشاريع وهميه ....
|
Post: #15
Title: Re: رساله للقسم الهندسي في الوزاره المسؤوله عن الطرق في السودان...
Author: Mustafa Muckhtar
Date: 12-28-2012, 03:42 AM
Parent: #14
شوف كل المشاريع الواقفه على حيلها حتى الآن هي مشاريع الأنجليز ..وخلاف ذلك كلها مشاريع وهميه ....
دى حقيقيةطبعا ومش بس في مجال الشاريع:
~ الاستعمار لما غادر السودان كان عندنا احسن خدمة مدنية بشهادة الامم المتحدة
~ بخت الرضا0 جامعة الخرطوم0وادي سيدنا و حنتوب000كلها غرانيق علا
>>
|
Post: #16
Title: Re: رساله للقسم الهندسي في الوزاره المسؤوله عن الطرق في السودان...
Author: Mustafa Muckhtar
Date: 12-28-2012, 04:16 AM
Parent: #15
الاستعمار لما غادر السودان ما كان ميزان المدفوعات سالب , يعنى الدولة كانت موفرة قروش و ايراداتها أكثر من مصروفاتها
كان الدولار بثلاثة و ثلاثين قرش و استمر علي كدة لغاىة يونيو 1978
كان مشروع الجزيرة عماد الاقتصاد الوطني , و القطن قصير التيلة بصمة السودان في الأسواق العالمية
كانت السكة حديد تغطي كل أجزاء السودان و كانت القطارات مضرب المثل في الدقة و العاملين مثال الانضباط
كان التعليم مجاني و العلاج مجاني و حتي السفر بالتصاريح المجانية\
و بعد مجانية التعليم كان في اعانات للمحتاجين و كانت هنالك داخليات متاحة للجميع
كان لدينا في المدرسة الوسطة معمل للعلوم بكامل معداته و معمل آخر للفنون بأشراف
استاذ فنان و يحتوي على كل متطلبات الفنون
كانت ماهية استاذ الوسطى 30 جنيه, كان يأكل 3 وجبات مدنكلة و يوفر 25 جنيه
|
Post: #17
Title: Re: رساله للقسم الهندسي في الوزاره المسؤوله عن الطرق في السودان...
Author: Mustafa Muckhtar
Date: 12-28-2012, 04:30 AM
Parent: #16
سنة 1993 تم الغاء وزارة الاشغال و هي المستشار الهندسي للحكومة وهي الجهة المسؤلة عن صحة التصميمات الهندسية و مطابقتها للمواصفات
هي الجهة التي تعتمد عليها الدولة في وضع القوانين الهندسية و اعداد المناهج و المواصفات و عقود المقاولات
هي الجهة التي تبادر بتطوير العمل الهندسي و متابعة التقدم الهندسي اقليميا و عالميا
أى مشروع هندسي في مجال المباني و الطرق و الكباري كان مسؤولية وزارة الأشغال
منذ العام 1993 صار السودان دولة منفلتة هندسيا
و تأكد الانفلات الهندسي بالغاء النقل الميكانيكي
و الغاء الادارة الهندسية بوزارة الزراعة
|
Post: #18
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-28-2012, 12:42 PM
Parent: #17
شكرا مختار على الاضافه القيمه ...
السودان موش منفلت هندسيا بس..ده بقى منفلت في كل المجالات ..
تحياتي
|
Post: #19
Title: Re: رساله للقسم الهندسي في الوزاره المسؤوله عن الطرق في السودان...
Author: جلال جبريل
Date: 12-28-2012, 01:28 PM
Parent: #18
دكتور الصادق والمتداخلين سلام
حسب فهمي، مافي مجال لي ذكر التكاليف كحجة لتأهيل الشوارع بصورة عامة الداخلي منها والسريع، فالفارق المادي حسب معرفتي المتواضعة
زهيد جداً مقارنة بضعف الجودة التي تأتي عليها هذه الطريق. فمثلا: الأرصفة ... المواد الخام ياها نفس المواد التي شيدت بها أرصفة أجمل المدن العالمية،
الفرق إنو بتاعتنا بتتهلهل في أقل من شهر وتقوم تتفرتك، وفي لندة من سنة شختة شغالة.. أنا أفتكر الموضوع في مجمله... إنو أي واحد بيشرف على عمال شغالين
ما بيكون موجود عشات يتأكد من التنفيذ السليم .. ياخي حتى الكباري الواحد تلقاهو الـ Finishing بتاعو مبشتن ومكعوج
|
Post: #20
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-28-2012, 03:21 PM
Parent: #19
سلامات ياجلال وشكرا
أنا ماعارف مدي صحة مقوله القذافي عليه الرحمه لما جا يفتتح الشارع العملو في شرق النيل ..قال ليهم (ده الشارع الرايح ...وين الجاي؟؟؟؟)
وحسب معلومات إنو الشارع داك برضو شغال حصد في الأرواح...
|
Post: #21
Title: Re: رساله للقسم الهندسي في الوزاره المسؤوله عن الطرق في السودان...
Author: Abureesh
Date: 12-28-2012, 05:05 PM
Parent: #20
| Quote: هل الحفاظ على حياة الانسان من الأشياء الثانويه بالنسبه للدوله ؟ |
نعـــــم
سلام يا دكتور ويبدو انك ما مريت على البوست دا... لقد اتسع الرتق على الراتق ولا حديث يمكن ان يصلح الحال.. المسؤولين ديل محتاجين لقارعــة وليس لنصائح او تحليلات.. حتى يستعملوا عقولهم مرة اخرى.
نـداء ورجـاء لبورداب الخرطوم والجزيرة - أقفـلوا شارع المـوت
|
Post: #22
Title: Re: رساله للقسم الهندسي في الوزاره المسؤوله عن الطرق في السودان...
Author: Abureesh
Date: 12-28-2012, 05:09 PM
Parent: #20
عفوا مكـــرر
|
Post: #23
Title: Re: رساله للقسم الهندسي في الوزاره المسؤوله عن الطرق في السودان...
Author: Abureesh
Date: 12-28-2012, 05:18 PM
Parent: #22
عفوا مكــرر
|
Post: #24
Title: Re: رساله للقسم الهندسي في الوزاره المسؤوله عن الطرق في السودان...
Author: Abureesh
Date: 12-28-2012, 05:19 PM
Parent: #22
Quote: طريق المرور الوحيـد لســبع ولايات.. وبرضو يعتبر طريق مرور دولى لأن بعض حركة المرور المتجهة لجنوب السودان تمر به.. بالله فرقـه شنو من شارع الشنقيطى.. فى العرض متساويان
تماما (يفتونا لو غلطانين ناس الهندسة المدنية).. يتساويان فى حقيقة ان لكل منهما مسار واحد ماشى وواحد جاى.. الفرق هو ان شارع الشنقيطى يعمل لما خلق له.. سيارات ربما ركشات وشوية
بصـات.. حين شارع مدنى فيه السيارات العامـة، والخاصـة والشاحنات واللوارى السفرية حمولة 10 طن، والبصات السفريـة.. تتفرع فى مدنى الى كل الولايات.. ثم تعود الى عنق الزجاجة هـذا،
ولكن الأمـر من هـذا كله أن هـذه الحركـة العنيفـة تسيــر كلها فى مسار واحد!!! تخيل تخطى فى إتجاه معاكس فى طريق سـريع (هايواى) فى أى حتى فى العالم..
وبعـد تقولوا متحضرين يا مفترين؟
دولة التأصيل الإحتضـارى
عرفنا قريـة أم ضريوة تحذر امريكا للمرة الاخيرة.. وهم ناس بسيطين ما عارفين امريكا زاتها دربها بوين.. لكن باللاى دا فرقه شنو من تحذيرات الرئيس وإننا اقوى من أمريكا..
القوة بالعلم... القوة بالتخطيط... القوة بوحدة الشعب والجبهة الداخلية... قوة الأمـة تنعكس فى المواطن الكريم الحر، ورافع راسـه فوق وماشى ويفتخـر انه فى بلدو.. ورونا لو
فى السودان فى أى من هـذه!! قوة الدولة تظهر حين تقف بكل ثقلها الدبلوماسى والعسكرى والاقتصادى، مع مواطن تم اعتقاله فى دولة اجنبيـة.. الفلبين تعتمد بشكل كبير على
\تحويلات المغتربين فى الخليج.. وكذلك اندونسيا.. حين حكم على امراة خادمة فى دولة خليجية سحبوا سفيرهم احتجاجا..
لا نستطرد كثيرا، ولو ارادت الحكومة تكون متحضرة، فلتقفل شارع مدنى اليوم وقبل الغد.. ثم يعيدوا فتحه بعد فصل الشاحنات والبصات من مسار السيارات الصغيرة ، وجعل
الطريق مسارين على الاقل فى كل إتجاه، ثم فصل الإتجاهين بجزيرة مشجرة حتى لا يرى القادم سيارة الماشى دع عنك الاصطدام بها..
لو الطريق دا بين بورتسـودان والجنينة لأمكن الاحتجاج بالتمويل.. ولكن هـذا الطريق طوله اقل من 300 كيلومتر (تصحيح ان خذلتنى الذاكرة).. |
من البوست المذكور اعلاه
|
Post: #25
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 12-28-2012, 05:50 PM
Parent: #24
سلامات يا ابوالريش
شكرا ..فعلا ماشفت بوستك ده..فعلا مفروض تتكاتف الغود في هذا المنبر حتي تحل هذه المصيبه
|
Post: #26
Title: Re: رساله للقسم الهندسي في الوزاره المسؤوله عن الطرق في السودان...
Author: Dr.Elsadig Abdalla
Date: 01-03-2013, 11:36 PM
Parent: #2
منتظرين
|
|