Post: #1
Title: وعدت الى بلدي لانها بلدي
Author: saifalgam3a
Date: 05-12-2003, 09:33 PM
Parent: #0
احبابي البورداب احييكم اطيب تحية من السودان الحبيب بعد 13عاما من الشتات والمنافي احييكم واشكر كل من واساني في فقدي الجلل شقيقتي الكبرى عائشةمتمنيا الا يريكم الله مكروها في عزيز لديكم وان يتقبلها الله قبولا حسنا ويسكنها فسيح الجنان .لقد استقبلني الاهل والاحباب بالاحضان والدموع واعادوا الي كثيرا من امان نفسي المفقود عبر هذه السنوات وبعد انتهاء فترة الحداد نزلت الى الساحة والتقيت بجمهوري في اربع لقاءات عظيمة بدءا بمنتدى الخرطوم جنوب الثقافي وجامعة ام درمان الاهلية وجامعة الخرطوم في جلسات استماع حاشدة وكانت لقاءات مشاعرية ابكاني احتضان الناس الحميم لي وكان اول حفل جماهيري ضخم بنادي الضباط بالخرطوم قدمت فيه عدد من الاعمال الجديدة بالاضافة الى تلبية رغبات الجمهور في سماع الاعمال القديمةخاصة الوطنية وستتواصل هذه الحفلات وبمصاحبةاوركسترا ضخم جدا بقيادة الموسيقار مجدي صالح عازف الفلوت الذي رافقني فترة طويلة وهو الوحيد المتبقي في الساحة من فرقتي الموسيقية الاولى وكان الحفل ممتعا بالنسبة لي كاول لقاء بالشعب السوداني الحبيب الذي ظل يدفع لي راتبي طيلة هذه السنوات داخل وخارج السودان
بدعمه لحفلاتي وانجاحه لكل الالبومات التي اصدرتهاوالذي وجدته متلهفا لعودتى واحتفى بي احتفاءا لم اشهد مثله في حياتي وادركت ان اغنياتي لم تذهب سدى وحسب وعدي ساظل وطريقنا واضح وسوف اكتب واواصل تواصلي معكم من الوطن الحبيب وعدت الى بلدي لانها بلدي
ابو اشرقت
|
Post: #2
Title: Re: وعدت الى بلدي لانها بلدي
Author: WAD ELGAALI#4
Date: 05-12-2003, 09:43 PM
Parent: #1
والله يملؤنى الفرح يا سيف انك وجدت جماهيرك المشتاقة ولم يتجمع كل هؤلاء الا لانك تستحق بما قدمت من روائع وملاحم وطنية والله يا ابو اشرقت كل ما
يقدمه لك هذا الجمهور العظيم لهو رد بسيط لما قدمت
وتقدم ارجو ان نراك تزدهر فى ربوع الوطن بفنك الراقى
كنت بتكلم مع صديقة تجرى الوطنية فى دمائها قالت
لى من ضمن الونسةفى الاغانى الوطنية انو سيف
الجامعه لو لم يغنى غير مريم ومى لكفته
لك حبى والتقدير ويلا ازرع البسمات فى بلدك المستنيك
|
Post: #3
Title: Re: وعدت الى بلدي لانها بلدي
Author: فتحي البحيري
Date: 05-12-2003, 09:55 PM
Parent: #2
يازول انت سيد بلد
كان جوا البلد ولا كان براها
وانا طبعا ماكنت متخيل انه الاستاذ سيف حيختار العودة النهائية
لكن طالما دا اختيارك فانشاء الله مرحبة بيك
الشعب السوداني وفي للاصيلين من أمثالك
لكن والله ظروفه من سيء لأسوأ
وأهم شيء زي ما قلتايااستاذ : وطريقنا واضح
والمهم ايضا ان نسمع منك كل خير وجديد
وانشاء الله يكون السودان هو خيلر الجميع قريبا جدا
تسلم ابو اشرقت
والله يحفظك في حلك وترحالك
|
Post: #4
Title: Re: وعدت الى بلدي لانها بلدي
Author: Outcast
Date: 05-12-2003, 09:58 PM
Parent: #1
بوستك هذا (بل وحتى العنوان) اصابنى بمشاعر لا استطيع ان اصفها ..أهى فرح..ام انتشاء ..ام حزن عميق..
هنيئا لك يا استاذنا بعودتك المتيقنه الى سوداننا الحبيب..وهنيئا لك بحمهورك الوفى..
وشكرا لتفاؤل كلماتك.. اللتى ازالت عنى شخصيا كثيرا من الغم و المرارةاللتى احس بها اليوم بالذات فى هذه المنافى
|
Post: #5
Title: Re: وعدت الى بلدي لانها بلدي
Author: HOPELESS
Date: 05-13-2003, 00:38 AM
Parent: #4
الاستاذ سيف
البركه فيكم ورحمة الله علي اختنا عائشه
وسعدت بعودتك لاهلك البحبوك ويعانقوك من جواهم وريدتم صادقه
حبيبنا سيف الغلابه ديل محتاجين منك صوتك عشان يرتاحوا شويه من عنت الايام .. ماتبخل
|
Post: #6
Title: Re: وعدت الى بلدي لانها بلدي
Author: artiga
Date: 05-13-2003, 00:57 AM
Parent: #1
كيف نجيلك
يالنخيلك ضامى نيلك
انتى يا المطر البدفق
وفى القلب صادح صهيلك
انتى يا الطفنا المداين
وما عترنا على بديلك
الاستاذ / سيف الجامعة
هذا هو الوضع الطبيعى
ومكانك بين معجبيك ومحبيك
نتمنى عودة كل المبدعين
.. وعودتنا معهم
لاحضان هذا البلد المتفرد فى روعته
رغم التشوهات المؤقته
نعمت بين اهلك ومحبيك
|
Post: #8
Title: Re: وعدت الى بلدي لانها بلدي
Author: ودرملية
Date: 05-13-2003, 01:02 AM
Parent: #6
سلامات
ياابواشرقت الف حمدا لله علي سلامتك
...
ياما قلت لي قلبي العنيد
ياقلبي ماتسرح بعيد
اسمع كلامي قبل تتوه
وتجيب معاك جرحا جديد
....
ياسلااااااااااااام والله الواحد يتمني انو يكون هناك ويحضر ليك كل حفلة يااستاذ سيف حتي ولو في الواغ الواغ
بالرغم من اني ماعارفه وين
لك شديد ودي
|
Post: #7
Title: Re: وعدت الى بلدي لانها بلدي
Author: Elmosley
Date: 05-13-2003, 01:01 AM
Parent: #1
اخي الحبيب سيف
بقدر الحزن الذي اعتراني بوفاة شقيقتكم
اعتراني فرحا كبيرا بالاستقبال
الجماهيري الحافل لك
وهنيئا لك بالوطن
حاسدنك عديل
|
Post: #9
Title: Re: وعدت الى بلدي لانها بلدي
Author: Tumadir
Date: 05-13-2003, 01:28 AM
Parent: #7
الصديق الرهيف
سيف
اجدد عزائى لك فى وفاة شقيقتك
واحييى وجودك بين جمهورك ، وهو شىء مثير للحسد زى ما قال الموصلى ، وما حاسدين بس بغرانين
سلم عليه الجمهور الطيب الجميل
وارفع روحوالمعنوية
وفهمو انه من احسن شعوب العالم
وبقدر يصوغ قدرو لو اتوحد وعرف قيمة نفسو
لك الحب
من فؤادن يعزف الحب نديا
|
Post: #11
Title: Re: وعدت الى بلدي لانها بلدي
Author: معاوية الزبير
Date: 05-13-2003, 01:58 AM
العزيز سيف .. لك أحر التعازي وأنت تعود إلى الوطن بحزن خاص بعد أن غادرته بحزن عام
|
Post: #30
Title: Re: وعدت الى بلدي لانها بلدي
Author: Elmosley
Date: 05-26-2003, 03:21 PM
Parent: #7
لي فوق
|
Post: #10
Title: Re: وعدت الى بلدي لانها بلدي
Author: حسن الجزولي
Date: 05-13-2003, 01:49 AM
Parent: #1
الاستاذ\ سيف
احدى مقولات الغربة اللعينة تقول ( اذا كنت فى غير وطنك فلا تنس نصيبك من الذل )!!.. فالحمدلله يااستاذناان نجاك من مثل هذا الاحساس البغيض .. فادع لجميع الخارجين عن وطن الجدود بالعودة .. مع دوام الالتحام بجمهورك
اخوك \حسن
|
Post: #12
Title: Re: وعدت الى بلدي لانها بلدي
Author: zumrawi
Date: 05-13-2003, 01:58 AM
Parent: #1
الاستاذ سيف الجامعة
والله انا سعيد كونك بقيت بين جمهورك ومستمعى فنك
وكنت اتمنى ان اكون معهم هناك وسر موفقا دوما
|
Post: #13
Title: Re: وعدت الى بلدي لانها بلدي
Author: اسامة الخاتم
Date: 05-13-2003, 10:02 AM
Parent: #1
عودا حميدا
|
Post: #14
Title: Re: وعدت الى بلدي لانها بلدي
Author: dmoo3
Date: 05-13-2003, 10:36 AM
Parent: #1
الف حمدالله على السلامه
دموع
____________________
يا زهره بخلت بالاريج
الليله مات فيني الاجيج
|
Post: #15
Title: Re: وعدت الى بلدي لانها بلدي
Author: singawi
Date: 05-13-2003, 10:59 AM
Parent: #1
عوداً حميداً مستطاب
عليك الله في أول حفلة غني لي
ما اتعودت أخاف من قبلك
إلا معاك حسيت بالخوف
وكتر لي من إلا معاك حسيت بالخوف
تحياتي
|
Post: #16
Title: Re: وعدت الى بلدي لانها بلدي
Author: AnwarKing
Date: 05-13-2003, 01:17 PM
Parent: #1
البركة فيكم يا أستاذ سيف...
والف حمد لله على سلامتك...
التحيات النواضر من بورتسودان...
أنور دفع الله
AnwarKing
|
Post: #17
Title: Re: وعدت الى بلدي لانها بلدي
Author: بدرالدين شنا
Date: 05-13-2003, 01:26 PM
Parent: #1
بسم الله الرحمن الرحيم
صديقي المبدع/ سيف بن الجامعة بن الخرطوم
سلام وإحترام وحب شديد
اولاً ياخي البركة فينا وفيكم وأحسن الله عزاكم في الشقيقة المغفور لها بإذن عائشة
في أول صفقة من نوعها في حركة التسجيلات
جمهور السودان يخطف درة البورد سيف الجامعة
طاشر سنة و أنت متغرب بعيد
لا بسمة ضنا ولا باركت عيد
لا لحظة غناء من غناوينا القبيل
لا لحظة حجا كنا نحكيها ونطيل
ونوادر من جحا وأشعب الأكول
وفاطمة السمحة وحكاوي الغول
راجياك يا جنا أرضك البتول
والنيل العظيم يناجيك ويقول
سلام.. وليد أم ضفاير والحجول
ويغريك السلام عمك المأمور
رسلّك مكتوب قبال ثلاثة شهور
ويهديلك غنيوة بالدلوكة والطنبور
ويقولك عافي منك تعال نتم الشور
إمكن نتفق في الرأي .. وندور البابور
ونخدر واطاتنا الطال عليها البور
راجينك يا جنا واقفينلك يمين طابور
لا تتأخر علينا وما زيدنا فوق الدور
ربّط عفشك واركب تعال يازول
ربّط عفشك واركب تعال يازول
نتمنى ليك التوفيق
|
Post: #19
Title: Re: وعدت الى بلدي لانها بلدي
Author: خالد عويس
Date: 05-13-2003, 03:54 PM
Parent: #17
الحبيب سيف
التعازي مجددا فى وفاة شقيقة الجميع
وحمد لله على السلامة ، وعقبال بقية المبدعين الباقين
|
Post: #18
Title: Re: وعدت الى بلدي لانها بلدي
Author: Halema2
Date: 05-13-2003, 03:52 PM
Parent: #1
اولا السلام عليكم جميعا
وسلام خاص للمبدع العائد سيف الجامعة
ويالها من صدفه تلك التي جمعتني به اولا عام 89 في جلسة لوداع احد الاخوه من اولا الحارة السادسة الثورة والثانية وعندما شدا بصوته المتفرد في حفل زواجي قبل اقل من شهرين بامارة عجمان وجد كنت سعيدا ولكن ظروف اللحظة منعتنا من طول حديث وتذكر ماهو جميل , لا اطيل واقول لك لايعيش السمك خارج ولن تنبت الزهرة الا في مناخها والفرح قادم وفي انتظار بقية الكوكبة الجميلة وياريت يعودوا حتى نعيد الحياة في منابر امدرمان على ماكانت عليه قبل 89.
عفوا اذا اطلت
(ابو مهند زوج حليمة2)
|
Post: #20
Title: Re: وعدت الى بلدي لانها بلدي
Author: bamseka
Date: 05-13-2003, 04:13 PM
Parent: #18
استاذنا القدير / سيف
البركة فيكم ... وهكذا حال الدنيا
وحمدلله الف على السلامة
|
Post: #22
Title: Re: وعدت الى بلدي لانها بلدي
Author: garjah
Date: 05-13-2003, 04:23 PM
Parent: #20
مرحب بيك استاذ سيف
وسط اهلك ومحبيك
ولا تنسى اخوتك في الشتات لف عليهم واديهم من صوتك دفء وصبر
نرجو ان نلتقي قريبا
وحتى ذلك اللقاء نبقى مع الاشرطة نجد فيها بعض العزاء
ودمت لفنك ومحبيك
|
Post: #21
Title: Re: وعدت الى بلدي لانها بلدي
Author: SAdo7
Date: 05-13-2003, 04:20 PM
Parent: #1
عزيزنا ابواشرقت
بالغ تعازينا لكم عير اثير الكلمه
فى الفقيده وحمدا لله على سلامة العوده الى محبينك
والى ارض الوطن ذلك الحلم الاماسى الذى يراوض
الكثيرين لك كل الود
قلت ارحل اسوق خطواتى من زولا نسى الالفه
رحلت وجيت فى بعدك لقيت كل الارض منفى
|
Post: #23
Title: Re: وعدت الى بلدي لانها بلدي
Author: sympatico
Date: 05-13-2003, 04:27 PM
Parent: #21
الاخ الاستاذ سيف
احسن الله عزاءكم وعظم اجركم
|
Post: #24
Title: Re: وعدت الى بلدي لانها بلدي
Author: ebrahim_ali
Date: 05-13-2003, 04:48 PM
Parent: #23
هكذا هم مبدعوا بلادي في الداخل والخارج قابضون على الجمر فهنئاً لك بالعودة ومعانقة جمهورك المتشوق دوماً لكل الطيور المهاجر وانت اول هذه الطيور التي سوف تشنف الأذان في الفترة القادمة وبالتاكيد سوف تنزوي بعض الاصوات النشاز قليلا لافساح المجال لاصحاب الفن الراقي الطروب لك التحية مرة اخرى وانت بين احضان وطنك الغالي
ومرة اخرى عزاءنا في شقيقتكم وله المغفرة والرحمة
|
Post: #25
Title: Re: وعدت الى بلدي لانها بلدي
Author: Faisal Salih
Date: 05-13-2003, 05:26 PM
Parent: #1
يا إبن عمي العزيز
البركة فيكم ..ويعز على أني لم التقيك لاعزيك قبل سفرك
وحمدالله على السلامة
وكم أحسدك لأنك هناك ...ويعز على أني لم أكن في استقبالك...ولم أجوب معاك زقاق دار النشر...ولم أقدمك للجمهور بكلام اختزنه منذ سنوات، ولم أكن معك حين جاءك السيد الوزير البشير سهل، ولم نفتح عليه النار سويا كمااعتدت كلما التقيته...فهو مازال صديقنا العزيز
انتفي مكانك الطبيعي ياصديقي....,هنا الحاضنة الطبيعيةالتي ستورق فيها أغنياتك
هنيئا لك وأرجو أن تكون في استقبالي قريبا ...فأنا في الطريق
فيصل محمد صالح
|
Post: #26
Title: Re: وعدت الى بلدي لانها بلدي
Author: Ibn Lutfi
Date: 05-13-2003, 06:29 PM
Parent: #1
Salamat ya Saif/Seif
My deepest sympathy goes with you and your family.
Welcome home between your friend and family and what a lovely moment it is.
I was really pleased to see you on the TV few days back and enjoyed the show very much.
Gob bless altechnologia ya zoal.
|
Post: #27
Title: Re: وعدت الى بلدي لانها بلدي
Author: Yasir Elsharif
Date: 05-13-2003, 10:02 PM
Parent: #1
الأخ سيف
تحية وسلاما
وأحسن الله عزاءكم وألهمكم الصبر والسلوان وجعل الجنة مثواها..
مبروك العودة إلى البلد.. وسلم لينا على الناس والأهل..
ياسر
|
Post: #28
Title: Re: وعدت الى بلدي لانها بلدي
Author: ود العجمى
Date: 05-14-2003, 08:16 AM
Parent: #1
الاستاذ سيف
لك التحية على هذه الرؤية الجريئة . وتخيل معى يا استاذ أن جميع مبدعى المنفى قد عادوا بنفس الروح التى حفزتك على العودة . بالتاكيد سينحسر هذا المد الباهت الذى يتأزى منه عشاق الكلمة الحلوة . الذين احتضنوك هم بالتأكيد يشتاقون الى الابداع الراقى . ومن هنا أنا أطالبك يا استاذ أن تسعى لإقناع الغائبين عنا بالعودة وكلى تأكيد بأن عودتهم ستحول هذا الفراغ الى روعة كبرى . ودا واجب تجاه هذا الشعب بغض النظر عن من هو على سدة الحكم
أكرر تحيتى وحبى
|
Post: #29
Title: Re: وعدت الى بلدي لانها بلدي
Author: طارق اسماعيل
Date: 05-14-2003, 11:21 AM
Parent: #28
العزيز الاستاذ سيف الجامعه
لك كل الحب
حمدلله الف على السلامه
وهنيالك با اجمل الايام فى ربوع بلدك
لكن داير اقول ابعد وزح بعيد من اصحاب البرامج
الموجهه امثال .....و.....و....
وما زلت اتذكر كل التفاصيل بالتفاصيل بالقاهرة
وانت تشدو علنت العفو العام واعلنا الرفض التام
وارواح الشهداء تنادى لا رجعه ولا استسلام
واكرر ابعد من ناس
سمنتهم الليالى الظليمه
امثال حسين واحمد
|
|