الاخ بكرى رايك شنو فى البوست دا .. كده عييييب والله والناس فى شنو ياخ !!!؟؟

تعالو ا شوفوا الهجيج والحت الحبشي ومحل رهيفة تنقد / المولانات يمتنعون

لا تعليق

آسيا ربيع
البوست المعنى ليس به مايعيبه غير أنه بيوجع الركب ويحت الهم..
بعدين التنبيه دا:

Quote: المولانات يمتنعون

ماشفتيهوا?
الموديك شنو?
يعنى المفروض بعد صليتى العشا تلمى تبروقتك وتطقطقى أورادك وتنومى.

هي وصلت المرحله دي يعني؟

Quote: الطيب شيقوق ... والله فرجتنا نحنا الفحول ديل .... على الحبشيات الما مطهرات البرقصن ديل ... حاجة فى منتهى المتعة ... ... والعجب لو بعد الحت دا كلو ... جن قريب ومارسن المهنة الإتولدن ليها ... (زى ما قال الحديث) ... بالله ما عندك لينا "أراقوز" بالمرة .... عشان نتفرّج .... ونضحك ... (وكتّر لينا من اللهو البرئ دا يا مولانا .... عشان نعرفك تفتيحة)

جد دا كلام سخيف وطالما بكري عاجبو كدا

خلي الناس تقراهو وتقول رأيها شنو

عشان يكون في حد للسخف دا

آسيا كيفك يانجمة .....

ألأخت/آسيا...................

لك التحية.............

والحمدالله الظهرتى.................

Quote: لا تعليق

مودتى...............إسماعيل محمد احمد عباس...

الاخت اسيا ربيع

البوست يحكي عن العلاقات الثقافية بين الشعبين السوداني والاثيوبي وتغلغل الفن السوداني في وجدان الشعب الاثيوبي .

اما وان يكون هنالك متداخل او متداخلة كتب بإسلوب خادش للحياء العام فهذا لا يقدح في منهجية ونبل المقاصد.

جاء في هذا البوست :-

Quote: يا سلام يا عمو كمال يا اجمل زول خارج سفينة بكري - رابط حلو وناسو حلوين عدييييييل كدا اما حديثك عن تاثير الفن السوداني على الشعوب الافريقية لا سيما منطقتي اسمرا واديس فقد ذكر الأستاذ فيصل سرور نجل العميد الحاج محمد أحمد سرور نقلا عن جريدة الصحافة ، ان والده الحاج سرور المقبور باريتريا، بدأ الاتصال باكراً بشرق افريقيا وزاول العمل التجاري بين اسمرا وكسلا. ومنذ عام 1936م كان يجلب الغلال من كسلا والقضارف ويسوقها في تخوم الهضبة الاريترية، كما كان يجلب البن والحلويات منها ويسوّقها في السودان في شراكة تجارية مع التاجر الكبير صالح كيكا. وقال فيصل سرور مما لا شك فيه أن الاريتريين سمعوا غناء سرور وتأثروا به. وثمة أغنيات رائجة هناك منها «أنا ما بقطف زهورك بعاين»، ومنها «أفكر فيه وأتأمل» وتمثل هذه البدايات الباكرة محطة مهمة في نسيج العلاقات السودانية مع الجوار الافريقي، فضلاً عن الرحلات الفنية التي انتظمت دول الجوار لافريقي بين يدي الحرب العالمية التي شارك فيها في شمال وشرق افريقيا كوكبة من الفنانين الكبار «أحمد المصطفى، سرور، حسن عطية، السر عبد الله، بدر التهامي». وذلك بالترفيه على قوات دفاع السودان التي شاركت إلى جانب الحلفاء بعد وعد قاطع من الحلفاء بأن ينال السودان استقلاله اذا كسب الحلفاء الحرب وانتصروا. وتوثق ذاكرة الأغنية السودانية من الروائع الخالدة التي ولدت في أتون الحرب لأحمد المصطفى مثلاً «الزاهي في خدرو ما تألم»، وهي رائعة الصاغ محمود ابو بكر كتبها و«كفرة نيرانا زي جهنم تحرق الجنب الشمال». وروى لسرور من نظم عبيد عبد الرحمن «عجبني المتطوعات زي الزهور متنوعات» وهي من ثمار الغناء في زمان الحرب. * رحلة الاكتشاف الاولى: يقول الأستاذ عز الدين نجل الفنان أحمد المصطفى: اتصال الاغنية السودانية بالمحيط الافريقي والاقليمي قديم قدم الغناء السوداني، وأولى إطلالات والدي أحمد المصطفى خارجياً كانت بين يدي الحرب العالمية، أي في الاعوام 43-1944م حيث سافر أحمد المصطفى في بعثة فنية بغرض الترفيه على الجنود السودانيين المشاركين ضمن قوة دفاع السودان هناك، اي في «كفرة، طرابلس، درنة، بنغازي» وغيرها من الثغور الليبية في الصحراء أو الساحل. يقول الأستاذ عز الدين نجل الفنان أحمد المصطفى توالت خارجياً رحلات أحمد المصطفى إلى مصر ثم شرق افريقيا، وهذا محور سؤالك أي تأثير الفن السوداني في شرق افريقيا إلى اسمرا أولاً، حيث سبقه الحاج محمد أحمد سرور إلى هناك، ثم اثيوبيا والصومال بعد ذلك. وكانت هذه السفريات بداية بعام 1944م فصاعداً حتى ستينيات القرن الماضي، وهي بمثابة سفارة فنية. * وحدة الأنغام والمزاج: يقول الأستاذ عز الدين أحمد المصطفى: لا شك ان الاستقبال الذي وجده الفن السوداني في المحيط الافريقي وفي شرق افريقيا على وجه التحديد، له اسبابه المنطقية، منها وحدة المزاج الحضاري والنغم الخماسي الذي يشكل قاسماً ثقافياً أعظم. وأقيمت في اثيوبيا مناسبات عدة كانت بمشاركة الفنانين، أولاها كانت مشاركة أحمد المصطفى بصحبة عازف الكمان الموسيقار الماحي اسماعيل مؤسس معهد الموسيقى والمسرح، والمسؤول عن قسم الموسيقى باذاعة كولون. والرحلات الأولى كانت بمبادرة خاصة، ثم لاحقاً تمت عدة رحلات بدعوات رسمية من البلدين. * الطريق إلى اديس أبابا: ساهم الرواد في تحبيب شعوب الحبشة وعشقهم للموسيقى السودانية، وهم شعب يعشق الفولكلور والموسيقى والرقص. وقد وجد الاثيوبيون في الفن السوداني ما يعبّر عنهم، كما قدم الرواد فناً رفيعاً جديرا بالاحترام، وبالمقابل كانت الفرق الأثيوبية الفنية تضئ سماء الخرطوم. * هيلا سلاسي عاشق الفنون: من المعروف ان الامبراطور هيلا سلاسي عاشق ملكي للفنون، ويحتفظ في قصره بفرقة فنون شعبية تؤدي كافة الفنون الشعبية الاثيوبية Royal Band وتمثل كل ثقافات الهضبة العظيمة، وفي عهده ازدهرت الصلات الفنية والثقافية بين البلدين، خاصة في عهد الفريق ابراهيم عبود، وفي زمان الستينيات على وجه التحديد. وعرفت الخرطوم مطربين مثل «تلهون قسس Talhoun وألمايو ALMAUI ومنليك MONLIC وايضاً مغنيات استعراضيات ينتظمن في فرق الفنون الشعبية، وبعض آثار هؤلاء المطربين موثقة بمكتبة الاذاعة، وفي أرشيف وزارة الاعلام. * الفن في بلاط الامبراطور: كانت القيادة السياسية تقدر الفن السوداني على أعلى مستويات السلطة السياسية في أثيوبيا، ممثلة في الامبراطور هيلا سلاسي. وقد لعبت الفنون دوراً كبيراً في تذويب الخلافات السياسية بين دول الجوار. وكان رؤساء السودان يحرصون على وجود فنانين في مرافقة الوفود الرسمية، والفنون عموماً وسط ملائم لتعميق العلاقات الإنسانية. ويروي الأستاذ عز الدين أحمد المصطفى أن الامبراطور هيلا سلاسي حرص على دعوة مجموعة من الفنانين السودانيين من بينهم الفنان أحمد المصطفى، لإحياء حفل زواج ابنته. وبعد انتهاء الحفل نهض الامبراطور لتحية الفنان أحمد المصطفى، وسار معه خطوات مودعاً بحضور السفير الاديب جمال محمد أحمد. ومن الاغاني السودانية المطبوعة في الوجدان الاثيوبي رائعة حسن عوض ابو العلا «وين يا ناس حبيب الروح» وهي على ايقاع الفالس الذي يسميه الاثيوبيون Clasico dance اي ايقاع الرقص الزوجي، حيث ردد هذه الاغنية عشرات المطربين الاثيوبيين، واغنية «رحماك يا ملاك» التي تغنيها «استير» وعدد كبير من المطربين. * غناء بكل اللغات: ومن الفنانين الذين يحتلون مكانة مرموقة الفنان سيد خليفة، الذي ترجم أغنيته «ازيكم» للغة الاثيوبية وغنى بالامهرية «المظ مني دانو» وهو أول فنان يغني بالاثيوبية، وأيضاً يحتل الفنان خوجلي عثمان مكانة مقدرة والبلابل اللاتي تغنت لهن فرقة الفنون الاثيوبية بأغنية «مشينا طريق الحب» والفنان ابراهيم حسين، أما الفنان محمد وردي فله موقع خاص، ومن أكثر أغنياته انتشاراً «ما تخجلي» التي يسميها الاثيوبيون «19 سنة». ويعد حفل اديس ابابا 1989م استفتاءً لمكانة وردي الفنية في الوجدان الاثيوبي، حيث ان جمهور الحفل الذي ضاقت به جنبات الاستاد ومستوى مبيعات الكاسيت والـ «C.D» كشف عن ضرورة ان تتجه الاغنية السودانية افريقيا. ومن الفنانات السودانيات اللائي يشكلن معدلاً كبيراً في مبيعات الكاسيت بشرق افريقيا وتحديداً اسمرا واديس ابابا، الفنانة حنان بلوبلو. وحدثني أبرام تسي احد اكبر منتجي الكاسيت ومهندس صوت، أن البوم «سابا» لحنان بلوبلو هو الأكثر مبيعاً في اريتريا، وتنسخ منه البومات من غير النسخ الأصلية، وتباع دون أن يتأثر سعره. أيضاً كاسيت «حب العنب» لحنان بلوبلو، نفدت منه عشرات النسخ المستنسخة من النسخة الاصلية Mastar. كل ما سبق يعد مؤشراً لحضور الفن السوداني في شرق افريقيا.. وفي الحلقة القادمة سنناقش حضور الفن السوداني في غرب أفريقيا.

خالص الود

الأخ الجميل والحقوقي المتميّز الأستاذ الطيب شيقوق
رجل صاحب خلق عالٍ ووطني حتى النخاع كونه يحب الفن
فهذا لا يعيبه في شئ والطيب لم يقل طيلة وجوده بيننا
في هذا المنبر غير الكلم الطيب ولم يغضب أحداً وهذه هي حياته
بين الناس لا يسعى إلا بالكلمة الطيبة المشتقة من اسمه
نسأل الله أن يطيل عمره وبقاءه بيننا ... فهو أحد القلائل
الذين يحبهم أهل هذا البورد دون استثناء ....


التعديل لإضافة كلمة "المنبر"

إذا كانت مداخلة أحد الأعضاء غير لائقة فهذا
ليس ذنب كاتب البوست لأنه لا يستطيع التحكم
في ما يكتبه الأخرون .. فالطيب يعرفه كل الناس
هنا بعفة لسانه ونقاء كلماته ....

الحاجة آسيا ربيع
عساك كما أود لك أن تكوني دائمآ
سعيدة ومتمتعة بالصحة والعافية
وأمنياتك متحققة
و شاكر لك ولأسرتك الكرم الفياض الذي غمرتونا به
و أما بعد

و أنت الفنانة المقتدرة و المقدرة
لايمكن أبدآ ان تفوتك المعاني الكامنة في البوست
بما فيها من إستعلاء فني سوداني على جميع ناس القرن الأفريقي
في اثيوبيا واريتريا والصومال و جيبوتي
بل وكمان تشاد و فزان في ليبيا
وبعض نواحي النيجر ومالي
غير نفس الملامح والشبه في بلاد شنقيط

وكون ان البعض منا قد خرمج ، وانا منهم ، فإن ذلك قد تم
بإغراء ان المولانات يمتنعون
وظننا إنكن من تابعي المولانات
فمارسنا بعض الشقاوات القديمة
وانطلقنا للمسكوتات البوح
كما نفعل في بيوت العزابة

وحتى تلك الشقاوات كانت محدودة ومغطاة بحرفنة
ولم تؤثر على الفن الراقي الذي إحتشد به البوست
ورقيه يتأتى من كونه الفن الذي ننسجم معه
نحن معشر سودانيو نهاية الستينات وبداية السبعينات

غايتو ح أقول ليك عبارة كده درجنا على قولها في الحالات المماثلة
حتى تعثرت بأحد الشيوخ ، فإمتعض من العبارة قائلآ :
( مافيش حد بيقدر يمنع رحمة الله أن تنزل على عباده الخلص )
كنت قد قلت : انت يافلان لابترحم لا بتخللي رحمة ربنا تنزل

و إستغفر الله لي ولك
وللمشاغبين الذين إستفزوك في البوست المعني

غاااااااااايتو جنس غااااااااايتو

أمام الجامع في خطبة الجمعة يخطب .. يا ناس الحي ..

حينا عمرو كلو نضيف .. لكن في واحدة كده اسمها فلانه جاءت اجرت بيت في الحي وبقت تبيع العرقي ..

ونحن لازم نحربها ونطردها من الحي ..

اها قال ليك عمك ... بعد الصلاة ..

تووووووش مشا لفلانة في بيتها ..

ازيك يا المبروكة وينك وين اراضيك .. حليلك وحليل عرقيك السمح ..

تصدقي نسال عنك سعال الضهبان ..

البركة الفي امام الجامع الورانا دربك ..

اخي الفاروق ود حامد

Quote: الأخ الجميل والحقوقي المتميّز الأستاذ الطيب شيقوق رجل صاحب خلق عالٍ ووطني حتى النخاع كونه يحب الفن فهذا لا يعيبه في شئ والطيب لم يقل طيلة وجوده بيننا في هذا المنبر غير الكلم الطيب ولم يغضب أحداً وهذه هي حياته بين الناس لا يسعى إلا بالكلمة الطيبة المشتقة من اسمه نسأل الله أن يطيل عمره وبقاءه بيننا ... فهو أحد القلائل الذين يحبهم أهل هذا البورد دون استثناء ....

شكرا يا عشاء يا البايتات ومقنع الكاشفات .

يا آسيا اختي مالك علينا عايزة تحرمينا من الضحك ما ممكن نكون محاصرين ارضا وجوا ورومانسيا -

ما تشغليني من البوست بتاعي الجميل 100 متداخل اشادوا به فيهم القانونيون والمسرحيون والمهندسون والفنانون والمسرحيون والمولانات كمان .

ارجو الاعتذار ومطالبة الاخ بكري لسحب هذا البوست .

شكرا اخي الفاروق واطال الله في عمرك وعمر الاخت بت الربيع

لكما منى اطيب الاماني

اخي العزيز جدآ .. الطيب شيقوق

Quote: البوست يحكي عن العلاقات الثقافية بين الشعبين السوداني والاثيوبي وتغلغل الفن السوداني في وجدان الشعب الاثيوبي

!!!!!!!!!!!! ؟؟؟؟؟؟؟

اخي الجميل .. امس قلت لى دى حساده وغيره منك لانو البوست دخلو فيهو اكتر من اربعه الف .. وانا بقول ليك نوع الكلام الفى البوست

دا عيييييب وعيب كبير

مع خالص احترامي الذى تعرفهو

آسيابِتْ ربيع ...

أنا والله في غاية الأسف على ما كُتِب وأساء إلَينا قبلِكِن
< الرِمه > الكتب الكلام ده ما عِرِفتو ... المِنبر ده
بِدْخَلَنو أخواتي وبناتي ... يا زوله أنا أُمي مره إتِصل
بي وقالت لي [ يا عزام الهمزة بِتِتْكتِب بِفوق مُش بِتحت ]
يعني مُتابعة الكِتابات ... أنا في غاية الأسف لِما أساءَك
سَيِدتي ... ولِكِ العُتبى حتى ترضي ... وإن ما رِضيتي لكِ
حق ...

الطَيِب ود شيقوق سيدي وتاج راسي مِن فوق ... زول شفيف
راقي ... أخو أخوان ... شيخ عرب والله ... وزي ما قُلتي
فوقو وأكتر ... الزول < الرِمه > الكتب مُداخلتو في
عمود مَولانا ود شيقوق بِشيل القباحه براهو ... الله يِكسِفك
شرطت عينا ...

أنا في غاية الخجل والأسف وبعتذِر لأخواتي وبناتي وأقول
ليهُم نِحنا ما كِده ... نحنا أخوان بنات وعُروضنا مستورة

Quote: .. وانا بقول ليك نوع الكلام الفى البوست دا عيييييب وعيب كبير

طيب يا اسيا تفتكري نحن راضون عن كل ما كتب في ذلك البوست ؟ الناس بتكتب وليس لدى الحق في الحجر على حرية اى متداخل .

من الناحية القانونية صاحب البوست ليس مسؤولا عما يكتبه الاخرون كما تفضل الاخ ابو ناصر.

لك يا عزيزتي خالص الود

آسيا

هاكي الحت ده وان شاء الله بكري يسحب باسويردى عشان ارتاح من المنبر العام الضيع زمنى كلوووو.

<object width="425" height="344"><param name="movie" value="http://www.youtube.com/v/mWQPBHHdKr8&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/mWQPBHHdKr8&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

ابو سندرا

Quote: وكون ان البعض منا قد خرمج ، وانا منهم ، فإن ذلك قد تم بإغراء ان المولانات يمتنعون وظننا إنكن من تابعي المولانات فمارسنا بعض الشقاوات القديمة وانطلقنا للمسكوتات البوح كما نفعل في بيوت العزابة

صح لسانك يا العشاء اب لبن

الاخ مولانا عزاااااااااام

Quote: أنا والله في غاية الأسف على ما كُتِب وأساء إلَينا قبلِكِن < الرِمه > الكتب الكلام ده ما عِرِفتو ... المِنبر ده بِدْخَلَنو أخواتي وبناتي ... يا زوله أنا أُمي مره إتِصل بي وقالت لي [ يا عزام الهمزة بِتِتْكتِب بِفوق مُش بِتحت ] يعني مُتابعة الكِتابات ... أنا في غاية الأسف لِما أساءَك سَيِدتي ... ولِكِ العُتبى حتى ترضي ... وإن ما رِضيتي لكِ حق ... أنا في غاية الخجل والأسف وبعتذِر لأخواتي وبناتي وأقول ليهُم نِحنا ما كِده ... نحنا أخوان بنات وعُروضنا مستورة

اضم صوتي لصوتك واعتذر لكل بنات بلدى عما ورد في ذلك البوست

اطيب امنياتي

ألأخ/الطيب شيقوق............

شيخ العرب.....السلام عليكم

Quote: من الناحية القانونية صاحب البوست ليس مسؤولا عما يكتبه الاخرون كما تفضل الاخ ابو ناصر.

بما إنك رجل قانونى وضليع فصاحب البوست مسؤول مسئولية كاملة على مايدور فى البوست الذى فتحه بالرد وذلك أضعف ألأيمان..


ردود المجاملة لمثل هذه المداخلات المعيبة تساعد فى تطورها والتمادى فيها..وبما أنك صاحب البوست لك الحق فى المطالبة بسحب البوست إذا رأيت انه خرج عن ألأدب وخدش الحياء العام..وعهدناك رجلآ جميلآ حبيناك من قبل أن نراك..

كن دائمآ كما نريد لك......والحمدالله كل اللنكات لم تفتح عندى وحاولتها بالجد لآعرف ما بها....لك خالص تقديرى وأحترامى.......إسماعيل محمد احمد عباس...

شايف الناس هاجت على مداخلة تبارك
في حين يتخيل لي - هو صاح كلامو شين واشتر - لكن قصدو مختلف
وافتكر هو اتعمد الشتارة دي عشان يوصل فكرة رفضو لبعض التعليقات الفي البوست او حاجة قريبة من كدا


تبارك باللاي تعال اشرح انت

Quote: طيب يا اسيا تفتكري نحن راضون عن كل ما كتب في ذلك البوست ؟

اكيد يا الطيب اخوي انا ما حا امشى اجيب كلامك الهناك واختو هنا كده بكون ما عملت شى مش كده؟

انت بس امشى راجع كلامك كويس وكلام بعض الاخوان .. وشوف هل انا على حق وللا لا

استاذي اسماعيل عباس

شكرا لكلامك الطيب

Quote: بما إنك رجل قانونى وضليع فصاحب البوست مسؤول مسئولية كاملة على مايدور فى البوست الذى فتحه بالرد وذلك أضعف ألأيمان..

صحيح ولكنه واجب ادبي ولا يرقي باى حال من الاحوال للالتزام القانوني

ضيفك الجالس معاك في راكوبتك اكان حاولت تقويمه يعدها طردة او بخل منك .

ادارة البوستات - اخي اسماعيل - تحتاج لدبلوماسية عالية انت ادري منى بفنونها

لك خالص الود

علي اليمين بوست زي العجب!
وبعدين ياختي العفش داخل البوست علي مسؤولية صاحبه
وعمك ما قصر
قال ناس فلانة و فلانة ما معانا
وساعدونا بالصفقة
ف أنتي عندك حلين!
يا النقدة نقدة شديد
يا تعملي شخيت و تقيفي بعيد
طبعاً شكلك كدة أخترتي تشيلي
لكن ما عرفتي تشيلي الا حال الزول دة

شكرن كتيرن!

Quote: شايف الناس هاجت على مداخلة تبارك

صحي ده إنت يا تبارك ... معقول ... تبارك !

Quote: اكيد يا الطيب اخوي انا ما حا امشى اجيب كلامك الهناك واختو هنا كده بكون ما عملت شى مش كده؟

يااسيا اختي انت ماقصرت كفيت العالم مؤونة البحث عن كلامي بعد تسليمهم الوصلة الخاصة به .

دعينا عزيزتي نبعد - انا وانت - ونترك التقدير للمتصفحين .

ود شيقوق استاذ واديب مرهف





تالفه من اول وهله كانك تعرفه من سنين



يدخل قلبك كهبة النسيم الباردة



طيب متل عود الصندل



كل ما تولع في ما اديك الا طيب



وبوردو دايما جميل وبعجب الجميع



لكن كل زول مسؤل من مداخلته



ونحن مكان مانلقي ودشيقوق



بنغتس لييييييييي الركب




سيف الدولة كامل محمد الفاضل-نيويورك

باااالغتي يا آسيا يا ربيع!


علييييييك الله خليهم شوية... الجماعة ديل حلوين لما يهججوا
والظاهر إنهم عندهم "ربة" رايحة ليهوم لقوها




الرسول... ووحاتك إلا تخليهم

كان عندي خاتر عندك!

أخى الطيب.انت أستاذنا..وبعدين خلينا من كلمة أستاذ دى ما بينتاتنا..والبيناتنا اكبر..أن شاء الله..

Quote: صحيح ولكنه واجب ادبي ولا يرقي باى حال من الاحوال للالتزام القانوني ضيفك الجالس معاك في راكوبتك اكان حاولت تقويمه يعدها طردة او بخل منك . ادارة البوستات - اخي اسماعيل - تحتاج لدبلوماسية عالية انت ادري منى بفنونها لك خالص الود

تؤيدنى وتخالفنى.......وهذا أيضآ من دبلوماسيتك العالية فى إدارة بوستك...برسالة عبر المسنجر المتاح وشغال لضيفك الذى بدآ بالخروج عن البوست من وضعه الطبيعى..رسالة راقية من كثير ماتكتب سوف يسحب مداخلته ويعدلها..

أما عن الضيف وكرمه فأنتم أهل كرم وجود والفيكم مشهودة..ضيفكم لما يجلس فى راكوبتكم بتأدب بأدبكم ولا دا مازولكم وبحكمتكم بتعرفوا تداو.....

ألأخلاق الحميده والشهامة والكرم هيلكم.....وما بنزاد كلام يقولوهو فى قولكم...

مودتى...إسماعيل محمد أحمد عباس....

قريبتى آسيا ربيع

جاى أسلم .. وأبلغ أشواقى ..
شيقوق على كفالتى .. ما تحكيها .. لازم نتنفس شوية .. وإنتى الأكسجين كله .. ما هنا فى المنبر .. من زمااان .. إبداعك هو زادنا ..

وجاى أسلم ومشتاق ياخ ..

جيت كايسك ومنى خوجلى بقت ما فاضية لينا .. ده حالتو قبل التانى .. تلفونى عندك ..

محبتى الأكيده

رافت اللذيذ

Quote: جيت كايسك ومنى خوجلى بقت ما فاضية لينا .. ده حالتو قبل التانى .. تلفونى عندك ..

ي

يا حبيبي شريحتى راحت مع جميع الارقام اديني رقمك هسع عشان ادق ليك والله الشوق ليك محيطات

اخوتي الكرام

تصالح طرفا النزاع

ارجو ان تصب المداخلات في الاتجاه الذي يعزز هذا التصالح


لكم منى والاخت اسيا اطيب الامنيات

Quote: اخوتي الكرام تصالح طرفا النزاع ارجو ان تصب المداخلات في الاتجاه الذي يعزز هذا التصالح

شيقوق حبيبنا .. أريتو نزاع الهنا والسرور ..
كان أنت وكان آسيا .. واصلوا النزاع .. ونعمل فيها بنوفق بينكم .. عشان نتمسح فيكم .. لكن الحت عندكم ..

استاذنا اسماعين عباس

Quote: أخى الطيب.انت أستاذنا..وبعدين خلينا من كلمة أستاذ دى ما بينتاتنا..والبيناتنا اكبر..أن شاء الله..

لا والله غاب الرطاني وما عندنا دليل غيرك يا زعيم انت بس جر الحد وشوف تاني البتخطاهو

لك خالص ودي

ود الميلاد

Quote: لكن الحت عندكم ..

يجازي محنك يعني 0 wishing Allah to forgive you

ضحكتني يا مسنوح يعني عندكم devil


الترجمة كيف معاك واضحة ؟

عيب شنو يا اسيا
دي سفاهة وتبجح ووساخة وقرف
ومراهقة ناس جاتهم على كبر بعيد عن السامعين

ابو ساندرا يل ديامي يا قندف

قصدك شريف لكن زي ما غنت



الفنانة ندي القلعة

لاموني الناس فهموني غلط

ابو ساندرا كان داير يوريكم

انه ضد فكرة ختان الاناث

لكن بطريقة ديامية ما بفهما

الا مواليد الخمسينيات

كلك حلو وردك احلي

يا ابو البنات



سيف الدولة

سلام أسويه وسلام ود شيقوق..

ثم تحايا للجميع..

نقطتين أود أن أثيرهم هنا للنقاش ..آمله أن أستطيع معكم أن نناقش قضيتين..
أولا لماذا دائما وسائلنا عن العلاقات الفنيه بين اثيوبيا والسودان تركز علي الأثيوبيات تركيزا يحمل في طياته
وأحيانا في كلماته ...ما هو أبعد من التعليقات الفنيه؟؟
واعتمادي هنا في الحيث قائم علي بوستات عديده..ولكني هنا أختص البوست الخاص بك يالطيب..
فمثلا لا نجد غناء رجالي في اللينكات التي أتيت بها أنت في البوست الخاص بك....

وكذلك لا نجد غناء ورقص جماعي بين البنات والرجال..بل هن فتيات جميلات يرقصن رقصات ان رقصتها أي سودانيه في أي مكان لوصفت
بأوصاف قاسيه..
بالطبع لكل شعب طريقته في التعبير الفني..لكني أتحدث هنا عن العقلية السودانيه وتفسيراتها والتي ظهرت في كثير من التعاليق ا
لتي أقل ما يوصف الكثير منها..بخادشة للحياء..

حسن النيه وحسن الضيافه..

وهذا ارجع به للحوار بين اسماعيل وود شيقوق..
بالطبع ان أتي أي انسان وكتب أي كلام في البوست الخاص بنا..وكان كلاما قبيحا او مؤذي لمن يقرأه..فاننا نلفت نظره ونظالبه بسحبه..
أو نواجهه أيضا بأن هذا ليس غرض البوست..أو نطلب من صاحب البورد أن يمحو المداخله التي ضايقتنا...
وليس في هذا احراج للمشارك في رأيي..ثم مالذي يهمنا..أن يكون ضيوفنا كما نود لهم أن يكونوا أو كما نفضلهم؟؟
أو أن يحرجوننا نحن ويحرجون موقفنا؟؟

ولقد استخدمت انت يا شيقوق في ردك علي اسماعيل تعبير الضيف في الراكوبه..وهو تعبير جميل للغايه علي اساس ان الراكوبه محل كرم وتعبير واقعي يقابلها غرقة الاستقبال بالمنزل..
ولهذا اسألك..
هلي ترضي أن يدخل بيتك من يتحدث بالفاظ جارحه او خادشه؟؟
هل تتركه يقول ما ياود أن يقوله من صعب الكلام لأنه في منزلك دون أن توقفه عند حده بالذوق؟؟
راكوبتك او منزلكم به ايضا اسرتك...وقطعا انت قد هذبتهم وعلمتهم أدب الحديث..فكيف تتحمل ان تستضيف من لا يتحدث بأدب؟؟
وعلي فكره عنوان البوست ليس بابا مغلقا..لذلك التحذير غير مفيد..بل بالعكس يزيد عدد القراء له حتي ولو بالفضول..

سالتني صديقه بالأمس مساء..
ده شنو البوست العنوانه ممنوع علي المولانات ده؟؟
فيه حاجات عجيبه وشايفه آسيا ردت عليه!

لم أكن قد فتحت بوست شيقوق علي الرغم من أنني رأيت العنوان..السبب ضيق الوقت الذي اصبحت أقضيه هنا..
ولنفس السبب لم اري بوست آسيا..

الا أنني رجعت بعد التنبيه ووجدت ما وجدت..

سؤال..
لماذا يتم تقسيم الناس تقسيما متطرفا؟؟
فيكون المولانات الذين يرضيهم البوست..
وغير المولانات ويجب أن يرضيهم أو يفرحهم موضوع البوست؟؟


تحياتي وتقديري للجميع..

ودشيقوق زولآ مهل وسمح بالحيل............جات الملكة بنت العم عوض وخطت كلامة عديل...

ماشين فى الدرب وبت االعم رييع لينا دلبل............نحفظ للقيم وخايفين من التسجيل....

Quote: لا والله غاب الرطاني وما عندنا دليل غيرك يا زعيم انت بس جر الحد وشوف تاني البتخطاهو لك خالص ودي

أخى ودشيقوق فقدنا هذا الرجل بالجد وهذا الرجل لايمكن ان يحل مكانه شخص مثلى إنه رجل ملك ....والحد ما بخطوهوا لآمثالك ياودالقبائل..إنت تمشى ونجى فينا على كيفك...تسلم يا أمير..


منى كتبت:

Quote: وهذا ارجع به للحوار بين اسماعيل وود شيقوق.. بالطبع ان أتي أي انسان وكتب أي كلام في البوست الخاص بنا..وكان كلاما قبيحا او مؤذي لمن يقرأه..فاننا نلفت نظره ونظالبه بسحبه.. أو نواجهه أيضا بأن هذا ليس غرض البوست..أو نطلب من صاحب البورد أن يمحو المداخله التي ضايقتنا... وليس في هذا احراج للمشارك في رأيي..ثم مالذي يهمنا..أن يكون ضيوفنا كما نود لهم أن يكونوا أو كما نفضلهم؟؟ أو أن يحرجوننا نحن ويحرجون موقفنا؟؟

لكم خالص الود ويجب ان ترسخ تلك المفاهيم القيمة للجميع.....مودتى..إسماعيل محمد احمد عباس...

صديقى عاطف
هذه مشكلة من يعتبرها ثقافه
وينسون ان مثل هذا الحديث يطِلعُ عليه الاف المشاهدين
وينسون
كلام الله عز وجلَ{ مّا يَلْفِظ مِن قَوْلٍ إِلا لَدَيْهِ رَقِيبٌ عَتِيدٌ }

افتكر كده الحبشيات عرفن قدر نفسهن عند الرجل السوداني هن مجرد راقصات وحتحاتات

و انيسات على فراشه , ده طبعا على حسب الردود الجات في البوست المعني

Quote: كلك حلو وردك احلي يا ابو البنات سيف الدولة

شكرآ
يا سيف الفدا المسلول

عند ما نفتح بوست تكون هناك فكرة...

قد تكون الفكره لم تتبلور بصورة واضحة لتحديد أهداف البوست..

يجب علينا كمتداخلين ان نصب كل تصوراتنا وافكارنا فى نفس مسار البوست حتى ينمو نموآ طبيعيآ ويحقق اهدافه..

نحترم الرأى العام..ونضع فى بالنا ان هناك شرائح متنوعة تنظر إلى كتاباتنا..

تثبيت المفاهيم االحميلة وترسيخ قواعد ألأخلاق الحميدة يجب ان تكون ديدننا..

كلنا نخطآ ونحن بشر وجبلنا على ذلك..إذا اخطأنا الرجوع للحق فضيلة..نصوب خطآنا ونعتذر..

شكرآ أختى بت ربيع لآتاحة الفرصة لى بطرح فكرتى فى هذا البوست....إسماعيل محمد أحمد عباس...

العفش داخل البص على مسئولية صاحبه ..

ــ

سلام وشوق يا سامي

تعرف البغيظنوني اكتر هم الناس

البجوك داخلين وهم ما عندهم الشجاعه يكتبوا رايهم صريح في الموضوع المطروح

بس عشان ما يخسرو فلان ويجاملوا في علان