....قابلت نجمة...

وهى نجمة






Have you seen her?
-----------------

One month ago today
I was happy as a lark
But now I go for walks
To the movies - maybe to the park

And have a seat on the same old bench
To watch the children play (huh)
You know, tomorrow is their future
But to me, just another day

They all gather around me
They seem to know my name
We laugh, tell a few jokes
But it still doesn't ease my pain

I know I can't hide from a memory
'Though day after day I've tried
I keep sayin' she'll be back
But today again I lied

Oh, I see her face everywhere I go
On the street, and even at the picture show
Have you seen her?
Tell me, have you seen her?

Oh, I hear her voice as the cold winds blow
In the sweet music on my radio
Have you seen her?
Tell me, have you seen her?

Why, oh, why
Did she have to leave and go away (oh, yeah)

Oh-oh-oh, I've been used to havin' someone to lean on
And I'm lost
Baby, I'm lost (Oh)

Oh, she left her kiss upon my lips
But left that break within my heart
Have you seen her?
Tell me, have you seen her?

Oh, I see her hand reaching out to me
Only she can set me free
Have you seen her?
Tell me, have you seen her?

As another day comes to an end
I'm lookin' for a letter or somethin'
Anything that she would send
With all the people I know
I'm still a lonely man
You know, it's funny
I thought I had her in the palm of my hand

Have you seen her
Tell me, have you seen her (tell me, have you seen her?)

أن تلاقى بوردابيا وجها لوجه شىء عادى جدا بالنسبة للكثيرين من أعضاء هذا العالم الإسفيرى. بالنسبة لى فهو حدث نادر جدا فطوال السبع أعوام
هى عمرى المنبرى لم ألتق ببوردابيا وجها لوجها والتحدث معه سوى مرة واحدة قبل سنتان..وبالأمس هاهو الحدث يتكرر..
نعم رأيت الكثيرين من البورداب يمشون فى الأسواق ويأكلون الطعام ويتصفحون النت فى المقاهى هههه ولكنى لم تحدونى الرغبة فى التعرف على أى منهم- لا
أدرى لماذا؟

Quote: هى عمرى المنبرى لم ألتق ببوردابيا وجها لوجها والتحدث معه سوى مرة واحدة قبل سنتان..وبالأمس هاهو الحدث يتكرر..

معقولة يا دكتور؟!
يعني ما حتتواضع وتلاقيني؟
عندي ليك هاردسك يو اس بي ، فيه ذا بيست أوف ذا بيست من الموفيز
وعندي نية أجيك بيهو ، وأشيل منك برضو رايك شنو؟

Quote: ولكنى لم تحدونى الرغبة فى التعرف على أى منهم- لا أدرى لماذا؟

مهم والله يا دكتور
مهم شديد


تحياتنا يا ام بدة

أنا غايتو بتكيف ليك لله في لله


أها قلت لي النجمة مالها?
هو نجم ولا نجمة؟

قصدك najma ؟؟


عشان نجي نزور فيك

دكتور امبده بالغت لكن !!!

الريس عوض المسلمى
والله ما القصد لكنى مثلى مثل عدد مقدر فى هذا المنبر يتبعون مقولة (دع ما للمنبر للمنبر) على وزن دع ما لله لله وما لقيصر لقيصر...

وتشكر على المرور الذى زادنا تشريفا..

عجبني دع ما للمنبر للمنبر

وسعيد بلقياك هنا علي الاقل ..

ALGARADABI
سلاااااام

Quote: قصدك najma ؟؟

يانى انا

عزيزنا الأديب الأريب محمد يوسف زين

سلام ياخى
أقوليك أمبدةةةةةة تقول لى أتواضع؟ههههههه

وشكرا لتواضعك وكرمك الحاتمى..

وأتمنى أن تكون أنت الشخصية البوردابية القادمة التى سألتقيها إن أمد الله فى الاجال...
وخليها للظروف...

القرضابى
سلام ياخى


تفتكر فى كم نجمة فى المنبر دة؟

دكتور امبدة السعادة نتمناها لك وللنجمة نجمة

أخونا حامد (الشاب حامد):
تشكر ياخى على المرور ونتمنى السعادة للجميع...

ذهبت وأنا رافع شعار وهو:

فإذا بى أفاجأ بأن الطرف الاخر أيضا يرفع نفس اللافتة..ومعها بضع لافتات أخرى..

إذن على غير المتوقع: لا توجد صور...توجد حكاوى فقط

قبل عامين إلتقيت بالبوردابية Sudania2000 هى وزوجها الفاضل...ورغم قصر الفترة الزمنية وإنشغالها الشديد بتقديم ورقة علمية فى أحد المؤتمرات..
إلا أنها كانت فرصة للتعرف عليها عن قرب..
بالمناسبة Sudania2000 متوقفة عن الكتابة منذ فترة ونتمنى عودتها..وأرجو أن يكون المانع خير..

..
.
هى بلاشكـ _نجمة_

________

خصوصاً عندما تشع ..

تبلدينا..
تشكر كتير على المرور
البوست دة حتى الان جمع أعضاء لا زالوا متمسكين بالنيك نيم Nickname بدلا عن الاسم الحقيقى..مثل
ALGARADABI
Tabeldina
William Andrea

Tabaldina
تسلم ياراقى
تقديرى

Quote: لا توجد صور

عمراب تغيانين

غايتو فرحت ساكت قلت أكون دي أنا

يسعد مساك ومساء النجمه


وقالوا النجمه بره البلد

وليم أندرية
تشكر على اللحن الرائع...

Have u ever seen her?

willeim andrea
تسلم ياغالى
ورجعنالو رجوع القمره لى وطن القمارى

Quote: رجوع القمره

غايتو جنس غرور

يادوووب حتة najma

Quote: رجوع القمره غايتو جنس غرور يادوووب حتة najma

القرضابى وحاة الله ضحكتنى ردك فى طرف لسانك

بحب القمر وبكجن الهلال بخلى الدنيا ضلام والنجمة بتلقى فرصة وتلمع وج وج

شادية عبدالمنعم
مرحبا بيك
وكل عضوات المنبر نجوم تتلألأ فى سماوات المنبر...

شادية عبد المنعم


فرحانة بيك كل النجوم ياعسل

حبى

القرضابى..
أنا غايتو عمرابى لكن بت عمنا دى فيها شوية تركنة ...وعلى قول بشاشا حتطلع من الجلابة المستعلواتية بقايا الأتراك...

سؤالى الأول لها كان:
شخصية Ombadda فى الاونلاين والأوفلاين (العالم الحقيقى)..مقارنة؟
كانت الصدمة..لا علاقة البتة..فى الاونلاين ombadda شخص مجامل لحد ما ومرن..وفى العالم الحقيقة (الاوفلاين) شخصية Tough


------
وعشان Tough دى أحسن نكون أونلاين وبس

اها يا د. ombadda
احكى يا اخى......

قبل فترة لاقيت بوردابية....و الله لحدى هسة فرحانة بيها و بمعرفتها...و هى برضو نجمة (غالبا غير نجمتك). ..جمال وعلم و دين و اخلاق.
___________________________
انا فى البورد من 8 سنوات. و ذيك ...شفت بورداب كتار جدا فى حفلات و فى زيارات و فى الشارع ساى ...و دائما- سبحان الله- بتجى سيرة البورد. و الحمد لله بقدر امسك لسانى و ما اقول انى بوردابية متنكرة.

لحظات ونواصل

متابعين

و تحياتنا عبرك لي نجمه النجمه

وينك يا دكتور ... مختفي عن الساحه الفنيه
مشتاقين

بت الهنا
سلامات

وعسى أن تكونى بخير..
غايتو البوست دة بقى حصرى للأعضاء الذين يكتبون بألقاب ..وما أجمل التواصل فيما بينهم

BitAlhana

كل الود

smart_ana2001
شعور جميل كونوا الواحد يفصل بين الاونلاين والعالم الحقيقى...بس أعدادنا بتتناقص فى المنبر يوما بعد يوم والكثيرين من
أصحاب الألقاب أصبحوا يكتبون بأسمائهم الحقيقية..أحيانا كثيرة أفكر بأن أطلب من بكرى أبوبكر بتغيير اللقب لأكتب بإسمى الحقيقى
إلا أن الإرتباط الوجدانى باللقب Ombadda يتغلب ..إنها عِشرة سنوات وسنوات وصعب جدا أن أتخلى عن هذا الإسم الحركى..
بإختصار نحن كائنات معرضة للإنقراض وعلينا عمل كل ما يمكن لنستمر...

....قابلت Ombadda...

....قابلت Ombadda...فى القاهره

رجلا كريما


للجميعمساء جميلا






___________

لحظات ونواصل

ياخي أنت جميل
ومن الذين أرتاح في التواصل معهم
حتى ولو عبر القراءة الواعية لما تكتب

دوما اسمك ارتبط عندي بالكتب المفيدة
وجديد تقنية الحاسوب
ابحث عن مواضيعك
كن بعافية الروح
أيها الجميل
بهاء

بهاء
شكرا على الكلمات الطيبة

حمدلله على سلامة الوصول...

ombadda

الله يسلمك من كل شر على قول الحبوبات

امسك الزمن واحسب

لا توجد فوارق تذكر ما بين شخصية نجمة المنبرية وشخصيتها خارج المنبر..رغم المؤهلات الأكاديمية الرفيعة التى تحملها والتى لا تظهر فى كتاباتها المنبرية..

ALGARADABI

Quote: Quote: لا توجد صور عمراب تغيانين

النجمه دى لونها شنو ؟

حامد محمد حامد
والسعادة نتمناها لك ايضا معنا
كل الود

أين الصـــور ؟؟؟؟؟؟؟؟؟؟؟؟؟؟






صياد في النجوم ياقلبي ياحليلك

كلمات حسن الزبير

صياد النجوم
ياقلبي يا حليلك
أدوك سهاد وشقا
وادو الفرحة لي غيرك
زي الدنيا ديل
ما بدوموا في حالة
زي ضل الضحى
وزي غيمة رحالة
تبسم ليك تساهر
الليل وتصحى لها
ونايمة وهانية
ما بتخطر على بالها
تكتب في الغنا
وإيه الغنا بفيدك
ما دام التموت في
ريدو ما بريدك
وأغرب حاجة
حسادك أجاويدك
يالمسكين شقاك
وجبتو بي إيدك
ياحليل الغرام
أياموا ما ولت
ويا حليل ليلى يوم
عن قيسها ما إتخلت
شوف يا قلبي شوف
الريدة كيف قلت
قوم صيد النجوم
ديك النجوم طلت


انشاء الله مريخابية بس


ابومصطفى

Quote: انشاء الله مريخابية بس

keiga2000

مريخابية على السكين

نواصل

ذهبت وأنا رافع شعار وهو:


فإذا بى أفاجأ بأن الطرف الاخر أيضا يرفع نفس اللافتة..ومعها بضع لافتات أخرى..

إذن على غير المتوقع: لا توجد صور...توجد حكاوى فقط

Quote: وادو الفرحة لي غيرك

كيجا
قصدك أمبدة؟؟

Quote: يالمسكين شقاك وجبتو بي إيدك ياحليل الغرام أياموا ما ولت ويا حليل ليلى يوم عن قيسها ما إتخلت شوف يا قلبي شوف الريدة كيف قلت قوم صيد النجوم ديك النجوم طلت

والله يالقرضابى Keiga دة شكلو قاصدنى عديل كدة..

يا أخوانا ما تخافوا

بيوصف الشافو

بختك

المسافر
حبيب نورة

تُشكرو على المرور..

لقد خُدعت بصورة بروفايل نجمة..فلقد رسمت صورتها من وحى صورة البروفايل ...والواقع هناك إختلاف..
أما الشخصية فهى هى ..نجمة فى المنبر وخارج المنبر لا فرق نفس الأريحية والروح المرحة والضحكات التى
تخفى حزنا عميقا....جلست وهى تثرثر كأنها تعرفنى منذ سنوات..ونجمة لا تعرف الصمت فهى لا تستطيع عن تتوقف
عن الكلام ولو لبضع دقائق (عكسى تماما )..ودخلت معها فى رهان :بأن أمسكت الساعة وقلت لها أن تصمت لمدة خمس
دقائق..النتيجة إستطاعت أن تصمت لثوانى ثم إنفجرت ضاحكة...ما أجمل روحها البريئة فلقد فارقنا الضحك منذ أمد طويل
وأنا معها كم شعرت بثقالتى فروحى كئيبة وصمتى الذى لا ينكسر وإبتسامة(ناهيك عن ضحكة) لا يمكن أن ترتسم على وجهى بسهولة..
أظن هذا ما دعاها فى اللحظات الأولى من اللقاء بأنى Tough وكانت صريحة فى حكمها وأعجبت بصراحتها فأنا أكره النفاق والكلمات
المنمقة والرياء...

فاجأتنى بعبارة هزتنى كثيرا ولا أدرى على ماذا بنت رأيها..(كنت فاكراك متدين) ..ولما لاحظت علامات التعجب والدهشة إرتسمت على وجهى
إستدركت بأن قالت (كنت قايلاك كوز)...
نعم لدى بوستات فيها بعض الشطحات ولم ينتبه لها أحد..أحد تلك البوستات كان عن (الموت) وقدومه سواء كان ذلك بعد يوم أو بعد مائة عام ..
(كنت فاكراك متدين) كنت أردد تلك الجملة كثيرا فى سرى لأعرف ما الذى جعل تلك النجمة أن تقول ذلك؟ هل توقعتنى رجلا ملتحى؟؟؟ ربما..
لم أخض كثيرا فى تلك النقطة وتجاوزتها على مضض خصوصا وأن مدة اللقاء قصيرة جدا ,,,
والحق يقال أنى هممت بأن أفاجأها بنفس السؤال .لكنى نسيت... أو ربما هجومها المتعمد جعلنى فى موقف الدفاع ونسيت أن أسألها..
خطأ أن نقيس تدين المرأة بلبسها للحجاب أو للبسها لبنطال...فأنا لا زلت أؤمن بأن دواخل الفرد هى الأهم ..نقاء السريرة..حسن المعاملة..الأخلاق...
ولا أنسى أن هناك أشياء هى بين العبد وربه ولا يمكن لكائن كان أن يعرف تلك الصلة أويقيسها بمظهر خارجى كلحية عند رجل أو نقاب إمرأة..فما أسهل
التخفى بثوب التقوى لخداع الناس..ولكن من يستطيع خداع رب العباد.....

السؤال التانى
اتعرفنا على موقع سودانيز اونلاين عن طريق اصدقاء انا عن طريق وليم اندريا وامبده عن طريق البحيرى لوليم وللبحيرى خالص شكرنا وللريس بكرى ابوبكر


--------------------

امبده سلاااااامات القرضابى ماعارفك هلالابى ياود عمى

William Andrea
تشكر للمرة الثانية على هذا اللحن الرائع والمختار بعناية..وفرصة سعيدة بأن نعرف بأنك عراب نجمة إلى سودانيزاونلاين

---------------------
13-2-2010

باى

د. امبده كيف الحال

قابلت نجمة .. بوست جميل جدا وطريقة السرد اجمل

اتمني يوما ما تكتب بوست قابلت سـالي



لك مني كل الود والتقدير

تشكرى سالى على الشعور النبيل...

كان يوما مزدحما كنت استعد لمغادرة القاهره صبيحةلقائنا وبرغم الركوض بين الاسواق وجامعة القاهره كنت اضع للقاءاهميتة بين هذا الزحام .اكد لى خلف الله مواعيد اللقاء فبقيت مع سباق للزمن حتى السابعة مساء فشلت فى ترتيب حقائبي وقررت ان اسرق ماتبقى من وقت لنلتقى وعندما رن هاتفى اعلن لحظة اللقاء التقيت خلف الله ولم تكن الصورة التى رسمتها فى خيالى تخيلتة ملتحى فكان على العكس هههههه بدت شياكتة كطبيب تصافحنا ودعوته الى المطعم فى محل اقامتى امبده كان صامتا وكان لى لابد لى من كسرهذاالصمت بالهجوم الكثيف من الاسئلة فلم اترك له فرصة لطرح الاسئله على طرقنا مواضيع عده اهمها انه ابن عمى بحق وحقيق خلف الله شخص كيس لبق وهادئ ومستمع جيد ولا انكر شغبي تلك الليلة

لم أكن أعرف لها إسما سوى نجمة ..ثم أخبرتنى بإسمها .. وفى اللحظات الأخيرة فاجأتنى بأن ذاك الإسم ليس إسمها وإنما إسمها الحقيقى هو .....
مفاجأة صدمتنى ولكنى تفهمت حذرها ولم ألق بالا لذلك ..لا زال الإسم العالق هو (نجمة)..
أما إسمى - قبل أن أضعه فى البروفايل- فعرفته نجمة بعد أن سألت أبيها كما أخبرتنى.. فلقد أعطيتها إشارة إلتقطتها سريعا وتوصلت بها إلى إسمى الحقيقى..
لقد سمانى الوالد عليه رحمة الله على أول وزير دفاع سودانى...لذا عندما سألتنى عن إسمى الحقيقى قلت لها إسمى على ذاك الشخص ...فيوم وفاته إنطلقت
فيه صرخاتى الأولى فى هذه الدنيا..خلف الله خالد-عليه رحمة الله- أيضا جعلى عمرابى..

ياسلام ياخى الواحد لما يشم ريحة الناس القدام دى

بيبقى زى زولا متقريف وشمه ليهو ريحة بن ....

امبده ونجمه ازيكم ...


ديك الجن

لك و لها
عاطر تحياتي وتقديري





ان تلتقي لاول مرة وبشخص تتراسل معه.او تعرفه من وراء الكي بورد
شعور مختلف تماما..
حدث لي وانا التقي بعض البورداب...
ومنهم بوردابية... بعد معرفة قرابة الثلات سنوات....

شكرا يا دكتور علي البوست
الانيق و السرد الجميل...

فى جلستنا حن كلانا لزمن جميل سودانيزاونلاين عند نشاتها فى عامها الاول والثانى كانت الكتابات على مستوى عالى من الطرح والتناول والمعالجه حتى بوستات الترفيه والفن كانت تطرد الكابة من نفوسنا كنا نحسهم عمالقة فنقراء لهم وكنت استحى ان اجاريهم فى الرد وليس هذا ضعف منى ولكن كان فى الصمت احتراما لكتاباتهم فاكتفيت بالمطالعة لهم. اختلف الزمن ولكل زمن متطلباتة وكبرت سودانيز اونلاين وكبرنا معها ومازالت اول مانطالعة فى صباحاتنا مع كوب الشاى او القهوه صباحا

ديك الجن كل الود لكم ظل مكانك شاغرا اتمنى العودة وبقوه
كل الود
_______
كان وليم عرابى يدعونى للاشتراك فى سودانيزاونلاين وكنت لا افقه شيئا فقلت له: (اشترك بياتو اسم لكن) فقال لى يومها (اى اسم يااخى اختارى هنا فى جنى و ديك الجن) وازكر يومها ضحكت كثيرا على الالقاب واخترت لقب نجمه الذى لازمنى حتى كتابة هذا البوست
التحية للاخ الكريم جنى ولك برير
خلف الله اترك المساحه لك الان

ديك الجن (برير أحمد)
و
هوارى نمر

سعيد بمروركم
سودانيزاونلاين لا زالت فى عنفوان شبابها..فهنيئا لنا هذه الواحة الخضراء ...

I was happy as a lark
But now I go for walks
To the movies - maybe to the park

And have a seat on the same old bench
To watch the children play
You know, tomorrow is their future
But to me, just another day






























---
just another day

يا أخوانا كان روقتو...


أهو الحكي طلع ...

يلا صابرين...

يا ناس ديك الجن

المسافر يتململ وينتظر على أحر من الجمر باقى الحكى...والحق يقال مدة اللقاء لم تتجاوز الساعة..لكن رغم
ذلك فيها حكاوى وحكاوى...لا أتذكر ما المناسبة لكن أتينا عرضا بسيرة المسافر, العراب وليم أندريه والمشاغب
القرضابى...
فلكم منا التحية

Have you seen her?
Tell me, have you seen her?

As another day comes to an end
I'm lookin' for a letter or somethin'
Anything that she would send
With all the people I know
I'm still a lonely man
You know, it's funny

Quote: المسافر يتململ وينتظر على أحر من الجمر باقى الحكى

وتتململ معاي أعشاش الكلمات
وداً يافروع...
رفرفت الجناحات
وانبرت الحروف


وكيف يزيد إحساسي بيك
أكثر من غنوة تتردد لسان..
"" يا ريتني لو بقدر أطولك""

عشان أجيك

"" يا ريتني لو بقدر أكونك""

والتقيك...

Quote: لا أتذكر ما المناسبة لكن أتينا عرضا بسيرة المسافر, العراب وليم أندريه والمشاغب القرضابى...

اذا كان وليم عرابى الى سودانيز اونلاين فللمسافر مكان عزيز عندى هناك اناس كالاحجار الكريمة نتشرف بمعرفتهم والمسافر احدهم هو اول من رحب بي فى سودانيز اونلاين و اول من شجعنى الي الولوج للمنبر المسافر رد الله غربتك امنا سالما غانما

فى جلستنا زكرت لخلف الله ترحيبك بى كاول عضو فى سودانيز اونلاين وان حفاوة الاستقبال تركت فى نفسى زكرى حلوه لن تنسينى ايها الايام برغم مرور السنوات

المسافر كن بالف خير

تقديرى وامتنانى

حكت لى إرتباطها الذى يفوق الوصف بوالدتها - يرحمها الله. حكت لى مراحل مرض والدتها كيف بدأ وكيف إنتهى.. قلبى يتنفطر حزنا على حال الطب فى بلادى..
لكم دافعت عن أطباء بلادى لكن التدهور ككرة الجليد يكبر يوما بعد يوم ليأخذ أهلنا وأقاربنا فى معيته..لله درك يا وطن...
لم أنتبه وهى تحكى عن إرتباطها الوثيق بوالدتها إلا عندما حكت لى ما حدث لها عقب الوفاة فى اللحظات الأولى للوفاة ومن ثم فى الفترة التى تلت ..
أخذت جرعة ماء أبلع بها ريقى..حدقت فى عينيها لأستشف صدقها (حركة تعلمتها أثناء سنين ممارستى للطب) ..وجدت فى عيناها ثقة ,,إرتد نظرى كسيرا..
لم لا تكون صادقة وسيدنا عمر بن الخطاب عقب وفاة الحبيب المصطفى خرج على الناس قائلا بأن محمد لم يمت..
نعم إن أحبابنا لم ولن يموتوا فهم بدواخلنا ما حيينا ..ذكراهم فى كل ركن ...وفى كل مكان ..أرواحهم تحلق فى أماكن بعيدة ..وقد تزورنا بين فينة وأخرى فى
شكل أحلام ورؤى...

ظللتنا لحظات من الالم فقدنا لاحبابناكلانا يسكنه الحزن حكى لى

فقد خلف الله والده صغيرا رحم الله والدك ياخلف الله ورحم امى واموات المسلمين جميعا

رب اخ لك لمن تلده امك
اعجز عن تسطير كلمات بحقة

عمر لن انسى وقوفك بجانبى عند وفاة والدتى رحمها الله

القرضابى اقول انا عرابك لسودانيز اونلاين ولا لا :)
عشقى للزعيم وعشقة للموج الازرق
القرضابى يامريخابى ياصابئ ماكنتة قايلة حيغلبنى اكتب عنك :)


كن بالف خير

حمدلله على السلامة للمرة التانية...

خلف الله تسلم ياابن عمى

دعانى خلف الله لتناول العشاء هو رجل كريم ومضياف وغير اكوول فلم يستطع الاكل واكتفى بجزء قليل من عشائة برغم برودة الجو التى تجعلنا نحس بالجوع :)

لا زالت بقايا تصوف حية بداخلى.. وأنا شاب يافع أحببت التصوف حيث الذكر وترويض النفس بالجوع والسهر... أمنع نفسى من الشبع فكثرة الأكل
فيها ما فيها..الأكل دسم أمامى ونجمة أمامى تأكل بشراهة (هههه) وفى نفس الوقت تتكلم وتحكى وأنا أستمع لها ..
ونحن خروج من المطعم باغتتنى بسؤال اخر..(أتحب مرضاك)...كيف عرفت طبعى ؟ من أين لها عرفت ذلك؟ إندهشت..لم أجب على سؤالها بطريقة مباشرة..
حكيت لها مدى تعلق الطبيب بمرضاه بالمستشفى ومدى الحزن الذى يصيبه عند إنتقال أحدهم للدار الاخرة..هناك علاقة لا يمكن وصفها حقيقة تنشأ بين بعض المرضى
ومرضاهم...جالت بخاطرى صور مرضى كثر عالقين بذهنى رغم مرور سنوات وسنوات....

يا امبده

انحنا ناس بانت يعنى قريبين من بعض


لك دعوه للزياره بدون الاطاله

فرغنا من عشائنا وحان وقت الرحيل قلت له مازحه ننزل بوست واقول قابلت امبده . ضحك وقال بوست قابلت نجمة وضحكنا فقلت ونخت كم صوره وانفجرنا ضحكا .كلانا رافع شعار لاصور لابوست. وفاجانى خلف الله بهذا البوست قابلت نجمه لاانكر انى تفاجات لم اتوقع بوستا عنى

نجمه لقب ارتبط بى ولا اظن انى نجمه شكرا خلف الله على كل شئ .


خرجنا الى الشارع القاهره بارده وجميله ليلا تغريك على المشى فى شوارعها سرنا امتارا قليله وخزلتنا برودة الطقس فى مواصلة السير وحانت لحظة الفراق نفترق على ان نلتقى فى لحظات خير انشاءالله.


شكرى لجميع من شاركنا فى هذا البوست زائرا او معلقا مشاركا ولكم العتبى حتى ترضو اذا اثقلنا عليكم
كونوا بخير
ود عمى تقديرى وشكرى
http://server9.sm3na.com/871/Sm3na_com_azza_alfroag_bi_taal.rm

د. عمر سعد
مشكور على الدعوة الكريمة...بس لو قريت أول مداخلتين لى فى هذا البوست !!!
(( دع ما للمنبر للمنبر ))




-----------------
ود عمنا القرضابى
تشكر على المرور ...
وبعد ما كتبنا ((النهاية)) ما ممكن نرجع تانى...لكن ممكن نتلاقى فى الجزء الثانى هههه...



----------------
المسافر
شكرا للخواتيم الرائعة


--------------------
القرضابى لا زال يتسائل عن حال النجمة..
وكيف انساها واتناسا ومفتون بي ظبي ناسا

نجمة
نتمنى لك التوفيق فى حياتك العملية.. حقيقة لقياك كانت بلسما بالنسبة لى وتركت ما تركت..وسنلتقى مرة أخرى وإن طال الزمن..



************إنتهى*****************

ياعازة الفراق بي طال


ياعازة الفراق بي طال وسال سيل الدمع هطال

طريت برق الفويطر الشال وساح دمعي البكب وشال

كمل صبري ومنامي انشال لبس من ناري عمه وشال

ارض امالي في امحال ومن الهم بقيت في اوحال

وبعدك عزه ساء الحال منامي وصبري اضحي محال

حليل الناسا وناس طريت ام در حليل ناسا

وكيف انساها واتناسا ومفتون بي ظبي ناسا

ولع جوفي جمري الحي وما بتطفيه

فيا زينة ربوع الحي لي دياركم يعود الحي

ياعازة الفراق بي طال

Quote: ************إنتهى*****************

دقيقة يا أبو الشباب
نحنا يادووووب ابتدينا
شايف كسير تلج حاصل
ونجمة دي لما تكسر تلج بكون في حاجة غلط
خلينا نشوف الحاصل شنو؟
ممكن نشتري البوست يا أمبدة؟؟؟؟!!!!!!!!!!

في تلك الضفاف سكنت مراسي ترحل منها وتأتيها المقاديف في مشاوريها بين الجزائر الخضراء...
تترجل الأقدام وتعانق الطرف المخاضة..
وترتفع المقاديف...تتوسد أطراف المراكب
والأحاديث التي شدها الحبل عند القيف قد تعود من جديد
ليس لها وطن إلا بين ضفة وضفة
ومخاضة تعرفها أطراف المقاديف...
ربما غد يثنينا الصمت
والبرهات
عن تسلق الذكرى والحكايات..
أو تستهوينا نظرة عابرة في دنيا الاستغراب
التي تصحب أناس يمتطون الطرقات ويتلمسون المخاضات ويتبادلون العبور..
من ضفة إلى ضفة..
أو ربما تذكرت هذا الصوت..
ألم تكن بين الجمع في ليلة مباركة..
لملمت أطراف الجمال حتى تعالت السبائك..
نفس النبرة في ليلة تساوي نفسها..
وكانت الأنفاس تتسلق الجدران
وما خلفها..
في ذلك اليوم كنت قد عجبت ما أجلسني أنا في ذاك المكان..
ليس بعيد من صوت الخيال ومرأى الدواخل..
أكاد أحس بتلك الخطى..
جاءت مع المقاديف
وخاضت في المخاضات
واتسعت يومها الضفاف وشملت كل المراسي..
وكل المكان حيث جلست.
وجاءت...

يقولون شغلك البحر
وعدت تقرأ الأحرف السحرية في طيات موجاته
ونظرت مقعدك عند هاتيك المراسي..
وتمنيته
أن ينبع من مقلتيك وجررتها نحو التحديق في صفحاته
وجل فهمك يغوص عمقاً ويختفي
ويشغلك في وقت مزدهى
في بدايات ساحاته خطوات المنتهى
من لهذا الخطو الخفي
ومن للمجيئ المشتهى

وحولك ينسكب السدول
ينساب طائفا بك حلماً
سابغ الحجب والقناع
يجمعك شعورا مبصراً
مجدول الوعي
مدهونا بالصبر المستطاع
إذ تستبيك صباحات القدوم
وفي نهاراتها
ترى في راحتيك أشرعة الوداع
من فوق هامات السهول
والتلال والبقاع

ما حد قابل نجمة؟

صراحة نفتقدها

القرضابى كورة الهلال واهلى مدنى هسع شغالة
انا جيت تلقاك مشغول هسع مع الماتش اها خلى البزنس كارد حقك مع السكرتارية وبنرد عليك

Quote: غايتو جنس غرور يادوووب حتة najma

عمرابية تغيااااااانة

Quote: ما حد قابل نجمة؟ صراحة نفتقدها

عمر ماتفقد عزيز ياغالى

_______
خلف الله ماتبيع لى البوست اقطعو معاهووو عمر ده 3/0