عدم التركيز في القراءة... ومواقف طريفة ومحرجة ..!!!

سلامات


الرسالة التالية أرسلتها لعدد من الاخوة والاخوات الأصدقاء والصديقات عبر الوتس أب ثم عبر الفيسبوك..

جاءت الردود متباينة..

وفيها كثير من الطرفة..

وقراءة تقول بأن هنالك تحول خطير لمواقفنا من خلال هذا المقلب البسيط....

نص الرسالة:


((هلااا كيفك يا ................

عايز اقول ليك امبارح اتصل علي واحد قال بعرفك كويس وطلب رقمك
وانا بصراحه اديتو الرقم
وقال هو مشتاق ليك كتير و انه حيوصل بعد 16 يوم هنا
أتمنى ما أكون تصرفت غلط واديتو الرقم
على فكرة هو قالي اسمه رمضان كريم
يتعاد علينا و عليك بالخير يا رب ..))

نأتي للآن للردود الفعل التي وصلتني عبر الفيسبووك دون ذكر لأصحابها..


جاءت ردود الكثيرين فيها نوع من الغرابة وبعضها فيها زعل وتأنيب شوية..
أمثلة للردود الجزء الأول:

* الزول ده اسمه منو وجايي من وين؟؟

*طبعا تصرفك غريب! كان ممكن تراسلني قبل ماتديه الرقم لاني ما بعرفه!!

* الزول اسمو منو .. مافي أي مشكلة فقط اعرف الاسم ؟

* مرحب بيك وبيهو بس رقمي غيرتو عشان حركاتكم دي بقيت سوداني..

* وبعدين والاهم من كده انت وين لقيت تلفوني؟

* اسمو منو؟؟

* انا فهمت انه اسمو رمضان من كلامك!! والظاهر فهمت غلط ..اسمو منو؟؟

* والله يا عزو ما عندك مشكلة.. بس ده منو الزول ده؟؟

* مافي مشكلة لكن انت بتعرف الزول كويس ما يكون من ناس الامن السوداني انا ما بعرف زول اسمو رمضان كريم..

وجزء تاني من الردود:

* ما بعرفو لكن... قاعد وين؟؟

* وعليكم السلام ورحمة الله
عادى يا استاذ عبد العزيز ومرحب بيك وبيهو قلت اسمو رمضان كريم ؟
بس ما اتذكرته امكن المدة طالت واذا امكن تلفونه وربنا يحييكم كلكم العزيز عزيز


* اهلاً يا عزيز كيف حالك ... ما عرفت الاسم دا ( رمضان كريم ) اظن جانى زهايمر هههههههه
ههههه ما قلت لى الزول اسمه منو؟؟

اعزائي صديقاتي واصدقائي.. لكم التحية

الردود أعلاه بتكشف لنا أننا أصبحنا نقرأ بطريقة scanning أي المسح الضوئي السريع لأي نص،
وأحيانا تجد الزول لا يغطي على كل المضمون ويرسل أحكامه..
ودارات حوارات ساخنة مع العديد من اصدقائي وصديقاتي بالفيسبوك حول الفهم السطحي مع الاعتذار للموضوع..
كما أن هنالك عدم الثقة في استقبال الضيف، أو افتقدنا لجزء من الكرم الذي كان يجعلنا نهلل للضيف قبل أن نعرف اصله وفصله..
وما سقته هنا مجرد تحليل وليس تهمة او اساءة لاي زول..
رمضان كريم وكل سنة وانتم بخير
والعام القادم ان شاء الله مقلب جديد..

مجموعة أخرى ردود الافعال:
من الواتس أب


Call him and tell him am on holidays!!


* ياخي معقولة تعمل في كدا.. هظارك خشن المرة ديا..


* رمضان ده جاي من وين وماشي وين وبيعرفني كمان.

* مافي مشكلة مرحب بيهو وخليهو يتصل عادي

* هههه بالمناسبة البسالوا الزمن دة ناس بسيطين جدا لكل امريء منهم يومئذ شأن يغنيه (فيسبووك)

* ههههه انا قعدت انط فوق الحروف عشان اعرف مين الزول لحد ما وصلت رمضان کريم ,,,کل سنه والجميع بخير وبلدنا آمنه ومطمئن (فيسبوك)

متعة يا عبد العزيز!
واختبار ذكي جداً!
ورمضان كريم!

Quote: متعة يا عبد العزيز! واختبار ذكي جداً! ورمضان كريم!

عزيزي/ صلاح عباس فقيري
سلام

كانت الرسالة مزحة ونحن نستقبل الشهر الكريم بعد ايام
لم يكن في خاطري ان تكون موضوعا شيقا..
فالشكر للاصدقاء والصديقات..

رمضان كريم وكل سنة وأنت طيب يارب

* اديتو تلفون البيت ؟ لانه تلفون الموبايل اتغير حبيبنا ، عموما ولا يهمك. وانت طيب كيف حالك؟
الزول منو الاخد تلفونى منك ؟ ما بعرف زول بالاسم دا


* اولا ما عرفته الزول اسمه منو؟؟ منو بالجد اتشوقته تاني انت عندك رقمي؟؟؟؟

*

على ميييين

Quote: عبر الوتس أب

عنكوليييييييييييييييييييب

Quote: عبر الوتس أب عنكوليييييييييييييييييييب

يا سعادة المستشار شيقا

سلام


السنة قالوا لا في رماد ولا هبود!!
الا كان تخموا صفق العنكوليب..

مودتي

Quote: على ميييين

عزيزي الباشمهندس أيمن محمود

سلام

على مين كمان!! ههههه
عارف ردك كان ظريف عشان كدا وضعناه فوق هناك..
وانتظرني رمضان الجاي لو ربنا أحيانا سوف تشرب المقلب!!

مودتي

موش ممكن يكون هم برضهم بهظروا معقول
والله ما قادر اصدق
:
:
:
:
:
مع التحيات لله الزاكيات
رمضان كريم واليحبوا كلو كريم

Quote: موش ممكن يكون هم برضهم بهظروا معقول والله ما قادر اصدق : : : : : مع التحيات لله الزاكيات رمضان كريم واليحبوا كلو كريم

عزيزي/ محمد حمزة الحسين
سلام

هل تصدق أن 99% منهم كان جادا
وكنت أقول للواحد: أعد قراءة الرسالة
ويصر بأنه/ها قرأها وفهمها ولكن لا يعرف الشخص
وعندما اقطع له آخرها يقول: قطعتي قلبي.. أو مقلب قوي أو
الحوار تسلسل
وربما لاحقا أنشر بعضه كاملا..

حياك الله ياخوي
ورمضان كريم وربنا يتقبل منا جميعا صالح الأعمال
مودتي

Quote: سلامات يا عبد العزيز، ورمضان كريم تصومو وتفطرو على خير، عادي ممكن تدي تلفوني لأي زول عايزو، ما فيها حاجة. وبعدين هنا دي وين عشان الواحد يشوف ليهو طرقة زوغة

Quote: حلوة مرة يا حبيب الشعب، وضعت يدك على مشكلة كبيرة جداً هي عدم القراءة حتى النهاية أو عدم الاستماع إلى المتحدث حتى النهاية. رمضان كريم على الجميع من: ابومحمد موسى - الفيسبووك

هلا بك الغالي ابو محمد موسى..
مع عدم التركيز هناك نوع من الخوف وعدم الطمأنينة توطن في قلوب الناس..
عندي احساس أن الانسان السوداني الكان بدأ في التلاشي رويدا رودا

مودتي

ومزيد من ردود الافعال على الرسالة:
..................................................

* عزيز ياعزيز سيحت ركبى صباحك خير..

* هاهاهاهاهاه حلوة عجبتني _ بالججد صدقت

* سي انا قلت عزيز جاينا بي نفسو ترسل لينا في رمضان

* هههههه .. والله لولا إنو أبريل سافر منذ أكتر من شهرين ، كنت أفتكرت دي واحدة من ألاعيبو .. بصراحة .. روعة .. سلامات يا غالي

* حبابك ياغالي .لا ماغلط اي زول من طرفك على الراس والعين

* قلت لي الزول انت بتعرفو.. طيب كلمني عنه عشان لما يجي مااتحرج

رد عينـــة:



* ما فيه مشكلة
بس أي رقم عطيته؟؟؟ عندك رقمي ف ...............؟؟؟


حذفت اسم الدولة عشان الناس لا تؤول لشخص معين...

و رمضان كريم و تصوموا و تفطروا على خير.

الناس حقيقة أصبح ما مركز و خايف شديد.

ربنا أنزل السكينة لعبادك و أمن روعتهم، آآآآآآميييين

و سلام كتير

Quote: و رمضان كريم و تصوموا و تفطروا على خير. الناس حقيقة أصبحت ما مركزة و خايفة شديد. ربنا أنزل السكينة لعبادك و أمن روعتهم، آآآآآآميييين و سلام كتير

عزيزي د. الفاضل سبيل
سلام

الله أكرم ياخوي وربنا يتقبل منا جميعا صالح الاعمال

حقيقة بعد سنين الانقاذ العجاف
دخلت على الناس روخ الخوف من أي شئ..
عدم الطمأنينة بدأ يأكل من رصيدنا الاخلاقي..

عشان كدا الكثيرين غير مركزين على ما يقرأون..

نسأل الله السلامة يارب..

مودتي

يعني لو الزول قرأ الرسالة بي مهلة بيعرف أن هذا هو شهر رمضان المعظم وليس بني آدم جايي:
............................................................................................................................


* هو جايي من عندك ولا من السودان؟ م مشكلة بس يتصل

* ياخي بوظتا أعصابي لكن عرفتو مقلب

* ياخي كويس خليه يجي بس فالحين ترسلو لينا المحن دي
المرة الجاية تعال معاهو

* على الرحب والسعة بس اخوك نازل اجازة لكن بوصي ليهو وبديك رقم اخوي ما بعيد

* No way

السلام عليكم اخونا عبد العزيز وضيوفه الكرام

الموضوع جميل جدا

مرة قيت كتيب صغير عن التواصل عبر الانترنت واهم جزئية فيهو كانت دي:

Quote: حينما نتحدث عن التواصل الفعّال يجب ان نعلم ان الرسالة لا يتضح منها سوى 7% فقط من خلال الكلام المكتوب,فالدردشة عبر النت لن توضح لك سوى جزء بسيط من شخصية الطرف الاخر.وتزداد هذه النسبة لتصل الى ما يزيد على 35% حين نسمع صوت الطرف الاخر.حيث يمكن التأكد إن كان رجلا أم امرأ.والمرحلة العمرية التى يمر بها.ومن خلال نغمة الصوت والتوقف اثناء الحديث نفهم اكثر.وحين يلتقي الانسان وجهاً لوجه بشخص آخر يوصل اكثر ن 80% من الرسالة التى يريد إيصالها.ومن هنا يتضح ان النت لا يساعدنا على التواصل بشكل فعال. _________ د.داليا مؤمن استاذ علم النفس بجامعة عين شمس

وفي موضوع حول اتيكيت التغريد على تويتر فيهو نقطة مهمه كانت كالاتي:


للكتابة اصول: راعي الطريقة التي تصوغ بها تغريداتك، وأن لا تفترض أن الطرف الآخر سيفهمها كما أردتها , ان تويتر وسيلة تواصل تقوم على التعبير الكتابي، وبالتالي فإن وصول المشاعر عبرها ليس سلساً دائما. عبارة تقولها مازحا، قد تصل إلى الطرف الآخر على هيئة غاضبة أو ساخرة،.. وكذلك من المهم أن لا تجعل تغريداتك حروفا متلاحقة و متلاصقة بلا وقفات. النقط والفواصل وعلامات الاستفهام وغيرها من علامات الترقيم مفيدة لتبيان المراد من تغريدتك.
المصدر هنا
http://salamslimsaad.blogspot.com/2012/10/20_1.html


فالكتابة بالجد ما بتوصل الرسالة بصورة دقيقة لانو ممكن تتفهم على عدة وجوه وخاصة لو ما بنستخدم علامات الترقيم من نقطة وشوله وهكذا وكمان علامات الاستفهام لمن نسال...يعني مرات لو ما ختيت للزول علامة استفهام ما حيعرف دا سؤال ولا خبر ساي ولا شنو
وكذلك زي ما ذكر في بوستك انو نحنا غالبا بنقرا بين السطور عشان نصل للخلاصة

قبل كدا بسبب الصياغة المضطربة وعدم وضع همزة واحدة على الالف حصلت لينا حادثة طريفه جدا...

الوالد عندو محل تجاري جنوب مجمع ابراهيم مالك الاسلامي في السجانة

جاتو رسالة بالبريد السريع من واحد صحبو في السعودية وفي ظرف الرسالة مكتوب الاتي:

سيد احمد محمد
امام مسجد ابراهيم مالك - السجانة

ناس البريد شالوها ودوها لإمام مسجد ابراهيم مالك وللصدفة الغريبة برضو طلع اسمو سيد احمد

لكن لقوهو مسافر قاموا رجعوا الظرف مكاتبهم

والوالد يشيل ويتصل في النهاية مشى ليهم قالوا ليهو نحنا من اول يوم جبناها لإمام المسجد وقالوا مسافر رجعناها

سبب الجرجرة دي كلها كلمة "امام" دي ...فمن ناحية اتجاهات امام دي ما مضبوطة احسن كان يكتب بالاتجاهات الجغرافية

ومن ناحية املاء ما صح لانو ما وضع الهمزة على الالف

ففرق كبير بين "أمام" وبين "إمام" ....ولمن ما يخت ليك الهمزة الزول بمشي بالشي الاقرب اللي هو إمام المسجد

Quote: قبل كدا بسبب الصياغة المضطربة وعدم وضع همزة واحدة على الالف حصلت لينا حادثة طريفه جدا... الوالد عندو محل تجاري جنوب مجمع ابراهيم مالك الاسلامي في السجانة جاتو رسالة بالبريد السريع من واحد صحبو في السعودية وفي ظرف الرسالة مكتوب الاتي: سيد احمد محمد امام مسجد ابراهيم مالك - السجانة ناس لبريد شالوها ودوها لإمام مسجد ابراهيم مالك وللصدفة الغريبة برضو طلع اسمو سيد احمد لكن لقوهو مسافر قاموا رجعوا الظرف مكاتبهم والوالد يشيل ويتصل في النهاية مشى ليهم قالوا ليهو نحنا من اول يوم جبناها لإمام المسجد وقالوا مسافر رجعناها سبب الجرجرة دي كلها كلمة "امام" دي ...فمن ناحية اتجاهات امام دي ما مضبوطة احسن كان يكتب بالاتجاهات الجغرافية ومن ناحية املاء ما صح لانو ما وضع الهمزة على الالف ففرق كبير بين "أمام" وبين "إمام" ....ولمن ما يخت ليك الهمزة الزول بمشي بالشي الاقرب اللي هو إمام المسجد

الاخ العزيز/ أحمد سيدأحمد
سلام

واقع هذه الرسالة النموذج يقع على الشخص الذي كتب العنوان
فكتابة العنوان غلط هو ضياع للرسالة وفي أحسن الظروف رجوعها الى مرسلها..
ولو رجعت وقارنت بالرسالة موضوع البوست نجد الآتي:

أولا الرسالة تبدو شخصية بين أناس اصلا بينهم صلة ومعرفة وترابط قوي
ثم أن هناك ظرف زماني يفيد بمناسبة مهمة قادمة..
ثم أعطيت الاجابة هدية مجانية ضمن مضمون الرسالة
الضيف اسمه: رمضان كريم
واضيف تعريف: ينعاد علينا وعليكم بالخير والبركة او باليمن والبركات..

فأي من يقرأ الرسالة الى آخرها لن يقع في اي معضلة مثل تلك التي حصلت..

فهناك قدر كبير من الاصدقاء لم يقعوا في هذا الاشكال..


لقد سررت كثيرا يا أخي أحمد بمداخلتك التي أخذت طابعا بحثيا جميلا..
فلك التحية والتقدير


مودتي

Quote: السلام عليكم اخونا عبد العزيز وضيوفه الكرام الموضوع جميل جدا مرة لقيت كتيب صغير عن التواصل عبر الانترنت

الاخ العزيز/ أحمد سيداحمد
سلام

اولا لك جل التحايا وعاطر الثناء على الاطراء..

كلام الدكتورة داليا فيه جانب من الحقيقة اذا كان التواصل عبر النت مع أناس لم يسبق اي تواصل معهم الا عبر النت..
يعني ليس في الحالة السودانية التي اعتبرها متفردة خالص..
فنحن نحمل كل ما حولنا في تعرفنا بالشخص الآخر السوداني.. بل هنالك تواصل ثقافي اجتماعي كأرضية سابقة للتلاقي عبر النت..
وعلى تكون هنالك نسبة مقدرة للتعارف تفوت بكثير نسبة ال 7% التي حددتها داليا.. فهنالك عامل قوي آخر هو أن معظم المشتغلين بالنت من السودانيين اليوم هم أجيال متقاربة بصورة قوية..
وعندما تكون هنالك مجالات للصوت والصورة فان النسبة ترتفع لاكثر من 60% من التعارف والمواجهة الشخصية تعطي أكثر من 90%..

وما يختص بالكتابة في التيوتر فهي ليست بذلك المنحى الذي ذهب اليه المصدر..
فالتويتر مثله مثل اي عمود لكاتب صحفي باصدارة ورقية..
فالضوابط هي هي ولا جديد في ذلك..

ولو رجنا لموضوع البوست والرسالة..
سنجد أن المسألة ليست في المضمون النصي بقدر ما هي اشكالية تحوم في السوداني اليوم

فالكثيران من الاصدقاء الذين كانوا جادين خالص في الفهم الخاطئ للرسالة طلبت منهم قراءة الرسالة مرة تانية وثالثة..
فكثير منهم ينفجر ضاحكا ويلعن نفسه وحظه الذي جعله يقرأ بدون تركيز


مودتي

((هلااا كيفك يا ................

عايز اقول ليك امبارح اتصل علي واحد قال بعرفك كويس وطلب رقمك
وانا بصراحه اديتو الرقم
وقال هو مشتاق ليك كتير و انه حيوصل بعد 13 يوم هنا
أتمنى ما أكون تصرفت غلط واديتو الرقم
على فكرة هو قالي اسمه رمضان كريم
يتعاد علينا و عليك بالخير يا رب ..))

أحد الاصدقاء يقترح هذه الرسالة:






رمضان قرب
وأنا احب أهنيكم بالعربي الواضح كدا
....................................................
بدري بدري

ياعسى
ينعاد عليكم ياروح مغليكم

وتعيشوا
متهنيين طول الزماني

عساني
أكون أول من يهنيكم

وإن سبقني أحد
أكون سقت لكم أحلى المعاني
رمضانكم مبارك
and#10024;and#127769;تقبل الله أعمالكمand#127769;and#10024;

سلام يا عزيز عيسى :

- لو أن نفس العبارة قيلت في أجواء أخرى يعيشها الشعب ... لربما أتتك الإجابات مختلفة جداً من نوع:

يا سلام والله كتر خيرك يا خ وانا ذاتي نفسي اعرف الزول دا منو


يا سلام عليك وليه رقم تلفون كان تجيبو البيت طوالي ....


يا سلام يا اخي كتر خيرو الزول البفتش علينا بعد السنين دي كلها

التحية لك استاذنا عبدالعزيز .ز

مشكور كتير على التهنئة المبكرة برمضان اولا ..

اعجبنى كثير تعليق الزول السمح ده وشكله من اولاد عمنا (حلفا)..

-_ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مقتيس :* ياخي كويس خليه يجي بس فالحين ترسلو لينا المحن دي
المرة الجاية تعال معاهو
____________________________________________

غايتو انا من الضحك الحولينى ضحكوا اولا وبعدين عرفوا ...

((هلااا كيفك يا ................

عايز اقول ليك امبارح اتصل علي واحد قال بعرفك كويس وطلب رقمك
وانا بصراحه اديتو الرقم
وقال هو مشتاق ليك كتير و انه حيوصل بعد 13 يوم هنا
أتمنى ما أكون تصرفت غلط واديتو الرقم
على فكرة هو قالي اسمه رمضان كريم
يتعاد علينا و عليك بالخير يا رب ..))

سلام يا عزيز عيسى :

- لو أن نفس العبارة قيلت في أجواء أخرى يعيشها الشعب ... لربما أتتك الإجابات مختلفة جداً من نوع:
يا سلام والله كتر خيرك يا خ وانا ذاتي نفسي اعرف الزول دا منو
يا سلام عليك وليه رقم تلفون كان تجيبو البيت طوالي ....
يا سلام يا اخي كتر خيرو الزول البفتش علينا بعد السنين دي كلها
.......................................................................................

عزيزي الاخ هاني عربي
سلام

لا شك أن الحالة التي التي وصلت اليها البلاد وبالتالي شعب السودان مؤخرا لم تكن متوقعة ابدا على أسوأ الاحتمالات
وعلى ضوئها تشكلت الشخصية السودانية على هذا النحو بدرجة كبيرة..

خلاص ياخوي
ان شاء الله في رمضان القادم نجي سوا مع هذا الضيف الكريم
وربما لا نجد وقتا للاتصال
فلا تنزعج ياخوي من المفاجأة..
ولو لقينا زول زيادة نجيبه معانا

مودتي

التحية لك استاذنا عبدالعزيز .ز

مشكور كتير على التهنئة المبكرة برمضان اولا ..

اعجبنى كثير تعليق الزول السمح ده وشكله من اولاد عمنا (حلفا)..

-_ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مقتيس :* ياخي كويس خليه يجي بس فالحين ترسلو لينا المحن دي
المرة الجاية تعال معاهو
____________________________________________

غايتو انا من الضحك الحولينى ضحكوا اولا وبعدين عرفوا ...
......................................................................................................


عزيزي الاخ/ عبداللطيف شريف علي
سلامات
اولا: نسأل الله أن يسعدك ...
ويكتب لك الحياة الرغيدة السعيدة ...
عدد ما دق قلبك ...
وسرت الدماء في عروقك ...
وعدد ما رمشت اعينك ...
وضحكت شفهاهك ...
اللهم لاتجعل للضيق مكان في حياتكم ...
ويبشرك بتحقيق امنياتكم...
..ويبلغكم رمضان ووانتم في احسن حال..
اللهم اجعل ماتبقى من أيام شعبان جابرة للقلوب ساترة للعيوب ماحية للذنوب مفرجة للكروب
اللهم إن شوقنا لشهرك قد زاد فياااااارب لا تحرمنا وأحبتنا من صيامه وقيامه
اللهم بلغنا رمضان لا فاقدين ولا مفقودين أجاب الله لكم الدعاااااء وأبعد عنكم البلاء ورفع شأنكم في الأرض والسماءand#9825;

التعليقات التي وردت في ردة فعل هذه الرسالة كثيرة ومثيرة
وفي أمثلة بالجد مثيرة لم أشأ على ذكرها
وربما ألجأ اليها لاحقا

لقد سعدت كثيرا وضحكت كثيرا من تلك الردود

تحياتي ومودتي

سلام


رد مسخن لزول ما شاف ردود الفيس ولا المنبر:


شكيتك لي الله يا ود عيسى
دي خوة شنو دي

بالله عليك ده زمن هوبتلي ولا بلوتالي؟
الزول يقع معاك ككرب في مضب!

هسي وضعتني في حتة ضيقة
لا أقدر اقول كدا ولا كدا
وزولك ده بس ما يكون عايز يلقوا ليه فيزا شغل و و و و
............................................................................
قلت: ياخي اطمئن وكله خير
قال: ياخي اتصل بي اولا عشان يكون الخير ده..

برضو نحنا بنقول رمضا ن كريم والبحبو كل كريم وينعاد عليك

Quote: برضو نحنا بنقول رمضا ن كريم والبحبو كل كريم وينعاد عليك

الاخ العزيز/ أحمد حمودي
سلامات


الله أكرم يا أخي
وربنا يتقبل صيامنا وقيامنا وكل صالح أعمالنا يارب..

والعام القادم ان شاء الله تجيك التحية مبكرة ونرسم لك تعليقا جميلا...

مودتي

وصلتني هذه الرسالة المؤثرة على الجوال من صديق:
.............................................................................



لآ أعشق الجفاوة ولا أميل إلى التناسي .. ..
قد تمر فترة أبدو فيها ( مقصراً) مع أحبابي ! و هذا يؤلمني .. ..
ولكن : ما من إنسان يغيب إلا وله أسباب،،،
فعذرآ لكل من قصرت في وصله

اقبلوا اعتذاري
فأنا لا اعلم هل ادرك رمضان
ام يدركني الموت

من يحمل في قلبه خدوش صغيرة أحدثتها أنا له .. فليخبرني أو ليعتقني لوجه الله

لعلي كنت أمازحة فأثقلت عليه .. أو ربما لامست وجعًا .. أو أيقظت ذكرياته .. أو سببت له جرحاً دون قصد ..

نحن راحلون .. ولا نعرف كيف سنفارق الدنيا ومتى .. ومن المؤلم مفارقتها وقلوبنا مليئة بالمواقف التي لم تُحكى ولم تجد للغفران طريقاً لها ..


and#1040449; عذراً أحبتي ....
and#10084;

Quote: لآ أعشق الجفاوة ولا أميل إلى التناسي .. .. قد تمر فترة أبدو فيها ( مقصراً) مع أحبابي ! و هذا يؤلمني .. .. ولكن : ما من إنسان يغيب إلا وله أسباب،،، فعذرآ لكل من قصرت في وصله

أجمل ما قرأت مؤخرا.
سلام يا بوعزيزي أنا شخصيا لو جاتني رسالة بالمعني ده. ما حاركز شديد لكن بحاول أتذكر الاصدقاء الذين يحملون هذا الإسم،وما حاتحسس إنك أديتو الرقم لأن رقم تلفوني مبذولا في البروفايل.
كل سنة والجميع بالف خير. ورمضان كريم.

محبتي

Quote: أجمل ما قرأت مؤخرا. سلام يا بوعزيزي أنا شخصيا لو جاتني رسالة بالمعني ده. ما حاركز شديد لكن بحاول أتذكر الاصدقاء الذين يحملون هذا الإسم،وما حاتحسس إنك أديتو الرقم لأن رقم تلفوني مبذولا في البروفايل. كل سنة والجميع بالف خير. ورمضان كريم. محبتي

عزيزي الفاتح ميرغني
سلامات

الزول الشفيف في بلاد الشفافية والرقي..
كلامك صاح ياخوي..
قالوا زمان فهم الخطاب نص الاجابة
ولا هو فهم السؤال!!
والمحصلة هي التركيز الذي يجلي ضبابية الحواشي!

رمضان كريم وكل سنة وأنت طيب وربنا يحقق الأماني..

مودتي

Quote: هلال خير وبركة ، أطل علينا من بعيد ، فيا مرحباً بمقدم الضيف الحبيب ، أطل علينا سيد الشهور، وأفضلها على مر العصور، شهر القرآن والصيام والقيام ، شهر جعل الله صيامه فريضة ، وقيام ليله تطوعاً وفضيلة ، تُفتح فيه أبواب الجنان، وتُغلق فيه أبواب النيران ، وتصفد فيه الشياطين . شهر المغفرة والرحمات والعتق من النيران ، شهر الصبر والمواساة ، شهر التكافل والتراحم، شهر التناصر والتعاون ، شهر الفتوحات والانتصارات، شهر تُرفع فيه الدرجات، وتُضاعف فيه الحسنات، وتُكفّر فيه السيئات، شهر فيه ليلة خير من ألف شهر، من حُرم خيرها فقد حرم ، ومن نال أجرها فقد فاز وغنم غمرت فرحة مقدمه الأفئدة ، وتلألأت به وجوه خاشعة ، وانشرحت فيه صدور مؤمنة. لو تكلمنا عن فضائله لما وسعنا الزمان في ذكر محاسنه ، ويكفي لنا قول خير من صلى وصام عن شهر الصيام : (( أَتَاكُمْ رَمَضَانُ شَهْرٌ مُبَارَكٌ ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ ، تُفْتَحُ فِيهِ أَبْوَابُ السَّمَاءِ ، وَتُغْلَقُ فِيهِ أَبْوَابُ الْجَحِيمِ ، وَتُغَلُّ فِيهِ مَرَدَةُ الشَّيَاطِينِ ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ ، مَنْ حُرِمَ خَيْرَهَا فَقَدْ حُرِمَ )) . فمرحباً بنفحات الجنة ، ورضا الرحمن ، فالزائر قد طالت غيبته ، وعظمة مكانته ، له في النفس شوقا ، وكيف لا وهو طريق الجنة ، أجوره مضاعفة ، وأعماله مباركة ، قال عنه النبي صلى الله عليه وسلم : (( كُلُّ عَمَلِ ابْنِ آدَمَ يُضَاعَفُ الْحَسَنَةُ عَشْرُ أَمْثَالِهَا إِلَى سَبْعمِائَة ضِعْفٍ، قَالَ اللَّهُ عَزَّ وَجَلَّ: إِلَّا الصَّوْمَ ، فَإِنَّهُ لِي وَأَنَا أَجْزِي بِهِ، يَدَعُ شَهْوَتَهُ وَطَعَامَهُ مِنْ أَجْلِي، لِلصَّائِمِ فَرْحَتَانِ؛ فَرْحَةٌ عِنْدَ فِطْرِهِ، وَفَرْحَةٌ عِنْدَ لِقَاءِ رَبِّهِ، وَلَخُلُوفُ فِيهِ أَطْيَبُ عِنْدَ اللَّهِ مِنْ رِيحِ الْمِسْكِ )) . فلنتعرض لنفحات الله تعالى في هذا الشهر الكريم ، ولنعقد العزم من أول يوم من أيامه أن نكون إلى الله أقرب وعن النار أبعد ، لكي لا نضيع فرصاً قد أتت ، فلعلنا لا ندرك رمضان ، ولعل رمضان يأتي ولا يلقانا ، فكم من عزيز كان معنا في رمضان الماضي وهو الآن تحت الثرى . وهذه ثلاث نفحات ربانية ، وبشارات نبوية ، ينبغي للمسلم اغتنامها والتعرض لها، أولها : قول النبي صلى الله عليه وسلم : (( مَنْ صَامَ رَمَضَانَ إِيمَانًا وَاحْتِسَابًا ، غُفِرَ لَهُ مَا تَقَدَّمَ مِنْ ذَنْبِهِ ((، وثانيها : قوله صلى الله عليه وسلم : (( مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ )) ، وثالثها : قوله النبي صلى الله عليه وسلم: (( مِنْ قَامَ لَيْلَةَ الْقَدْرِ إِيمَانًا وَاحْتِسَابًا ، غُفِرَ لَهُ مَا تَقَدَّمَ مِنْ ذَنْبِهِ )) . فالله الله في الصيام ، والله الله في القيام ، والله الله في ليلة القدر

سلام

الضيف الطيب معانا ولا يرغب في السفر..
ونحن سعداء جدا انه بيننا
رغم انه حجز المغادرة بعد 29 يوما فقط..

انه مستمتع بهطول الامطار وحلاوة الجو هنا..


خليك هنا بلاش مفارق!!!!!!!!!!!!!!

وعلشان نركز أكتر في المرات القادمة يا صحاب نقول:

يا ضيفنا لو زرتنا.................

عـدّى فــات






.

Quote: رقـم الفتوى : 100605 عنوان الفتوى : الجمعة اليتيمة في ميزان الشرع تاريخ الفتوى : 19 شوال 1428 / 31-10-2007 السؤال شيخنا الفاضل سمعت أن هناك صلاة تسمى بصلاة الجمعة اليتيمة وأنها تكفر ثمانين شهراً وأن سيدنا عليا رضي الله عنه قد صلاها، فأفيدونا بصحة هذا الكلام بارك الله فيكم، وهل هذه بدعة حسنة أم لا، وهل هناك جمعة تسمى بالجمعة اليتيمة؟ الفتوى خلاصة الفتوى: ما يسمى بالجمعة اليتيمة وأن لها صلاة خاصة ليس له أصل في الشرع، ومن خصها بعبادة معتبراً ذلك سنة فقد عمل بدعة إضافية. الحمد لله والصلاة والسلام على رسول الله وعلى آله وصحبه، أما بعـد: فإن ما يعرف عند بعض الناس بالجمعة اليتيمة وهي الجمعة الأخيرة من رمضان حسبما أحدثوا وما يعتقد فيها ليس له أصل في الشرع، فلا فرق بين الجمعة الأولى والثانية والثالثة من الشهر الكريم، ولم نطلع على أن فيها صلاة خاصة، ولا أن عليا رضي الله عنه صلى هذه الصلاة. وإذا علم أنه لا خصوصية للجمعة الأخيرة عن غيرها من سائر أيام الشهر الكريم فإن اختصاصها بعبادة أو تجمع واعتبار ذلك قربة يعتبر من البدع الإضافية، وقد ذكر الشوكاني في الفوائد المجموعة: حديث من صلى في آخر جمعة من رمضان الخمس الصلوات المفروضة في اليوم والليلة قضت عنه ما أخل به من صلاة سنته. وقال: هذا موضوع لا إشكال فيه. والله أعلم. اللهم صلى وسلم وبارك على سيدنا محمد النبى الامى وعلى ال واصحابه اجمعين .

الضيف الكريم يرتب للسفر والمغادرة
ونحن لسة في الترحاب


خليك هنا بلاش مفارق