Post: #1
Title: تمنياتي بفوز الهلال غدا.. لكني كصفوي أتمنى ملاقاة المالي في النهائي!!
Author: Abdlaziz Eisa
Date: 11-10-2012, 07:39 AM
Parent: #0
رغم تمنياتي بفوز الهلال غدا بمالي..
ولأن الهليل مهما يكن فهو الوليد الوصيف الذي يلعب باسم السودان خارجيا بكرة في آخر مبارة هذا العام
لكني أتمنى ملاقاة المالي في النهائي!!
|
Post: #2
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 07:40 AM
Parent: #1
اليوم عبور الزعيم لنهائي الكاس
اليوم سيطع الكوب الاحمر في سماء القارة
انه المشوار للبطل المغوار
|
Post: #3
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 07:51 AM
Parent: #2
مباراة اليوم هي مباراة اعداد الزعيم لمواجهة ديجوليا في نهائي الكاس.......
لماذا المالي؟!!
وحتى لا يزعل اخوتي الرشاشات..
نقول:
* لا نريد مزيدا من الجراحات لبطل المحلي..
* فوزنا بالكاس على حساب الهليل ليس ذي طعم دولي
* والشئ الأهم.. نريد الحفاظ على سلامة القلعة الحمراء من غضب الرشاشات
ولا نريدهم أن يخربوا استادنا كما اعتادوا!!
|
Post: #4
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 07:59 AM
Parent: #3
اعزائي الوصيفاب بالمنبر
وأخص الألداء/ جمال السنوسي - الصادق الزين
شفتوا الدعوات الصادقات!!
لكن نعمل شنو معاكم ؟
كنا نتمنى النهائي يكون سودانيا خالصا
لكن لاننا نضمن الكاس سودانيا مريخيا
ولاننا نريد سلامة ممتلكاتنا
ونريد سلامة سمعة جماهير الرياضة في السودان..
لكل هذا فان خروجكم بالسلامة وترك المهمة للزعيم الذي هو قدر الكاس نشركم عليه بشدة
ونقول لكم عقبال القادم
مودتي
|
Post: #5
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: nazar hussien
Date: 11-10-2012, 08:08 AM
Parent: #4
| Quote: لكني كصفوي أتمنى ملاقاة المالي في النهائي!! |
كصفوي الا تلاقي فريق الجيش الحر
|
Post: #6
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 08:12 AM
Parent: #5
Quote:
كصفوي الا تلاقي فريق الجيش الحر
|
ياخوي نزار يا ابن الحسين
الجيش حر ولا عكران ده خليناه لناس الحجارة والشتير
الكاس راجع للعرين الاحمر
|
Post: #7
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 08:23 AM
Parent: #6
| Quote: ترقب جمهور الكرة الإفريقية بوجه عام وجمهور الكرة السودانية بشكل خاص وجمهور فريق كرة القدم بنادي المريخ السوداني على وجه أخص ما سوف تسفر عنه نهاية مباراة المريخ السوداني مع ضيفه فريق ليوباردز الكونجولي لمعرفة هوية أحد طرفي نهائي كأس الكونفيدرالية الإفريقية لهذا العام. فعلى إستاد المريخ بمدينة أم درمان وفي تمام الرابعة ظهرا بتوقيت جرينيتش والسابعة مساء اليوم السبت بتوقيت السودان, يتعارك الفريقان في المباراة الثانية لمرحلة قبل نهائي البطولة, ويتطلع فريق أصحاب الأرض, للظهور الثاني بنهائي الكونفيدرالية الإفريقية والتي لعب النهائي فيها لأول مرة بعد شكلها الجديد عام 2007 |
|
Post: #8
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: singawi
Date: 11-10-2012, 08:43 AM
Parent: #7
عبد العزيز سلااااام
إن شاء الله ربنا يمرقكم من دي
ديييك ملحوقة وزيتنا في بيتنا بعدين
ولكن حلاوتها انو في الحالتين الكأس في امدرمان
كدي ما أحسن يا عشاي
|
Post: #9
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: الصادق صديق سلمان
Date: 11-10-2012, 09:03 AM
Parent: #8
عبدالعزيز
Quote: لكني أتمنى ملاقاة المالي في النهائي!!
|
كدي انتو أصلو النهائي أول حاجة وبعدين اختاروا زي ماعاوزين منو الدايرين تقابلوهو فيهو (اقصد النهائي)
|
Post: #10
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 09:42 AM
Parent: #9
Quote:
الزعيم السودانى (المريخ)
زاكي الدين الصادق عبدالمالك
وهج المنبر الاحمر::التوازنمطلوب::
اتي الميعاد ليعبر الاحمر مربع الذهب نحو منصات التتويج القارية التي ظلت هدفآ في كل مشاركات النادي الاحمر وهاهي الفرصة تاتي علي طبق من ذهب لزعيم السودان ليضرب موعدآ مع النهائي من جديد بعد تأهل في 2007وحصد الكأس الغالية في 89.
المباراة صعبة ويجب ان تأخذ علي جزئيات وعلي لاعبي الاحمر عدم التسرع لان المريخ يمكنه التأهل بفارق هدف وهذي المباراة حتمآ ستكون معقدة تكتكيآ لان الفريق الكنغولي رغم ضعفه لكنه في النواحي التكتيكية جيد ويمكنه تصعيب كل المهام علي لاعبي الفريق الاحمر.
وهج احمر:
ريكاردو مطالب بتصحيح وضعية فريقه لان المباراة السابقة مع هذا الفريق ظهر فيها المريخ بلا طعم وظل في حالة توهان طوال زمن لقاء ديولسي وهذا يرجع لطريقة البرازيلي العقيمة التي افقدت فريق بحجم المريخ لشكله.
كل الظروف مهيئة للاعبي المريخ ليعبرو الخصم الكنغولي بدأ بتطويق زلزال الملاعب للملعب مرورآ با ان المريخ يلعب علي ارضه وادارة المريخ ظلت تذلل كل الصعاب حتي يعانق الشفق الاحمر سموات المجد لهذا علي لاعبي المريخ التركيز جيدآ في محطة نصف النهائي وعدم الانشغال باالمباراة النهائية لان المريخ مازال بعيدآ عن دائرة احداث لقاء الختام وهذا الطريق يمر با اسقاط ليوبار اولآ.
وهج اصفر:
التسرع مرفوض وعلي المريخ ان ينوع في اسلوب اللعب طوال زمن اللقاء لان الفريق الكنغولي سيتكتل امام منطقته وهذا التكتل مفتاحه التنويع في اللعب من اطراف الملعب والعمق وخصوصآ طرفي الملعب لان دفاع الفريق الكنغولي يجد صعوبات كبيرة في ايقاف العرضيات وعلي الاحمر استقلالها جيدآ ونرجو ان يعطي البرازيلي مواطنه ليما كامل التفويض الهجومي لان ليما لاعب مميز في رفع الكرات باالمقاس عكس لاعيبنا الذين يسرفون في تطفيش الكرة كما اتفقو في الناحية اليمني وليما يجيد ايضآ صناعة اللعب لهذا نتمني من ريكاردو ان يحرره في هذه المباراة من الادوار الدفاعية ويزج به كلاعب متوسط ميدان ايسر والبرازيلي قادر علي حل معضلة
صناعة اللعب.
وهج احمر اخير:
المريخ مرشح فوق العادة من قبل الخبراء لحصد الذهب وهو الفريق الوحيد من الفرق التي وصلت لمربع الذهب يملك في رصيده كأس قاري لهذا يكون عليه الرك وتقع عليه مسؤلية اللعب في ثوب البطل ونرجو ان يرتدي الاحمر الليلة كامل ثياب البطل ليعم الفرح ارض النيلين.
كل التوفيق لمريخ السودان الليلة في ان يعبر خصمه الكنغولي ويعيد سيرة مانديلا وسيرة الكؤوس المحمولة جوآ التي ظلت ماركة تجارية مسجلة با اسم الزعيم.
عودة بلة جابر وتصالحه مع مدربه فال حسن ونتمني ان يعالج مجلس المريخ الخلاف في اطار تربوي لان بلة من اللاعبين القلائل الذي يلعبون بحماسة ولايرضون في المريخ لومة لاائم.
التشجيع الزئير ضرب الاكف ارهاب الخصم زلزلة الملعب سلاح ماضي سيستخدمه المريخ الليلة لبث كل اطياف الرعب في فريق التونسي نابي.
اللهم انصرنا نصرآ مبين في هذي الليلة.
|
|
Post: #11
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 09:47 AM
Parent: #10
Quote:
عبد العزيز سلااااام
إن شاء الله ربنا يمرقكم من دي
ديييك ملحوقة وزيتنا في بيتنا بعدين
ولكن حلاوتها انو في الحالتين الكأس في امدرمان
كدي ما أحسن يا عشاي |
الاخ العزيز/ سنجاوي
سلام
عزيمتنا... همتنا.. قوتنا
تاريخنا
تجاربنا
كلعا رصيد قوي اليوم سنعبر به بيسر الى النهائي
ونحن ضامنين الكاس خليك من مباراة اليوم
الكاس في ام درمان دي عارفنها وفي العرضة جنوب
في مكانه الطبيعي
عشان كدا ما عايزين زعلكم
مودتي
|
Post: #13
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 09:51 AM
Parent: #11
Quote:
كدي انتو أصلو النهائي أول حاجة وبعدين اختاروا زي ماعاوزين منو الدايرين تقابلوهو فيهو (اقصد النهائي)
|
الاخ العزيز/ الصادق صديق سليمان
سلام
ياخوي كدا تعال لي هنا بعد ثمانية ساعات وشوف الحاصل شنو..
نهائي شنو البتتكلموا عليهو
نحن ضامنين الكاس..
مسألة وقت وشوية تمارين مع العيال
مودتي
|
Post: #12
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: khaleel
Date: 11-10-2012, 09:50 AM
Parent: #10
الله يستر عليكم من قاهر الصفاقسي
الفهود في كل المقابلات سجل خارج الديار
عيدك مبارك عزيز علينا
|
Post: #14
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 10:00 AM
Parent: #12
Quote: الله يستر عليكم من قاهر الصفاقسي
الفهود في كل المقابلات سجل خارج الديار
عيدك مبارك عزيز علينا |
عزيزي خليل
سلامات وكل سنة وانت طيب
ياخوي الكنغولي ده خلاص سوا العليهو...
الكلام هسي وصل الجد وكتوف الكبار
ولحد هنا نقول له ترجل وعظم الله سعيك
نحن ناس الكاس
واولاد الليلة ديل لا يمكن ان يقفوا في طريقنا
مودتي
|
Post: #15
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: singawi
Date: 11-10-2012, 11:54 AM
Parent: #14
وكت قلت كدا .. خليني أحكي ليك قصة الله يمرقكم من دي
قال ليك عمك جنو سكر مدمن عديييل
كل يومين واقع ليهو في حلة ومجهجه أولادو
مرة سكر سكرة من النوع الببهدل داك
كرعينو ما شالنو .. برك وغلبو المشي
جو أولادو وشالوهو وبيعاتبو فيهو وينصحوهو
يابا انت الدكتور ما قال ليك الشراب بالطريقة دي بكتلك يوم
قال ليهم : الدكتور دا أنا ما صدقتو .. لكييين الله يمرقني من دي
شكلكم ما مصدقين كلام الدكتور القال ليكم سيد البلد اختو دربو
لكييييييين الله يمرقكم من دي وتجو لي قسمتكم ونصيبكم
والوصافة قسمة ونصيب ياحبيب
|
Post: #16
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 12:20 PM
Parent: #15
Quote:
وكت قلت كدا .. خليني أحكي ليك قصة الله يمرقكم من دي
قال ليك عمك جنو سكر مدمن عديييل
كل يومين واقع ليهو في حلة ومجهجه أولادو
مرة سكر سكرة من النوع الببهدل داك
كرعينو ما شالنو .. برك وغلبو المشي
جو أولادو وشالوهو وبيعاتبو فيهو وينصحوهو
يابا انت الدكتور ما قال ليك الشراب بالطريقة دي بكتلك يوم
قال ليهم : الدكتور دا أنا ما صدقتو .. لكييين الله يمرقني من دي
شكلكم ما مصدقين كلام الدكتور القال ليكم سيد البلد اختو دربو
لكييييييين الله يمرقكم من دي وتجو لي قسمتكم ونصيبكم
والوصافة قسمة ونصيب ياحبيب
|
يا عزيزي سنجاوي
الليلة ليلة العبور
ليلة البهجة والسرور
نحن بنلعب في أرضنا وبنروض من ينازلنا
احكي قصص وألف ليوم بكرة الراجيكم هناك في مالي
اصلكم متعودين على الخمسات في المقبرة وبرة
الحلاقة مالية
ونحن نقدر مدى الحمى
وخليكم مع الزعيم عشان تعرفوا معنى ومدى الفرح
وكنت بمني النفس حضورا بين الصفوة في تلك المدرجات التي اشتقنا اليها كثيرا
الليلة ليلة العبور الى نهائي الكاس
وعودة الكاس لمكانه الطبيعي
هذا هو معنى الصدارة ومعنى الجدارة
ومعنى ان يكون الزعيم الاحمر الوهاج
والله يمرقكم بكرامتكم من مالي
تحياتي
|
Post: #17
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: الصادق الزين
Date: 11-10-2012, 12:33 PM
Parent: #16
غايتو نحن الليلة فرحانيين و بكرة فرحانيين!!
والله يديم الفرح يا عزو!
|
Post: #18
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 01:33 PM
Parent: #17
Quote:
Rahila Abugaria
about an hour ago
رب انصر ليوبارز وهب له ركلتي جزاء و25 ركنيه و310 فاول .. اللهم اجعل اهدافهم كالمطر ..
الله اعط الدلاقين 3 كروت حمرا و16 كرت اصفر ..
اللهم اجعل الحضري بوابه عبد القيوم ..
وباسكال شارع المطار ..
اللهم اعطي كلتشي سرعه ابو القدح
|
اها ديل نخبة الرشاشات بيكتبوا كدة.. اذا كانت لهم نخبة!!
يعني الناس الحاقدة دي هل يعقل ان يتمنى اي مريخي أن يلاقي فريقها الوصيف في اي فاينال؟!!
عشان كدا لنا الحق نتمنى ملاقاة المالي..
|
Post: #19
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 01:37 PM
Parent: #18
Quote:
غايتو نحن الليلة فرحانيين و بكرة فرحانيين!!
والله يديم الفرح يا عزو!
|
عزيزي الصادق الزين
سلامات
حكاية فرحتكم بكرة دي الله أعلم
وفرحتكم الليلة نحن عارفنها... ما بنثق فيكم وما بتلقوها..
لا فرحة جوة ولا برة
الليلة أفراح الزعيم
أفراح الصفوة
مودتي
|
Post: #20
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-10-2012, 03:35 PM
Parent: #19
زحف الصفوة في ليلة العبور لنهائي الكاس
|
Post: #21
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: الصادق صديق سلمان
Date: 11-10-2012, 08:23 PM
Parent: #20
يا عزيز، ياخ الصياح كلمتك وقلت كاساتكم الزمالات دي ما بتأهلكم لكن انت مصر وملح
|
Post: #22
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: tmbis
Date: 11-10-2012, 10:40 PM
Parent: #21
| Quote: لكني أتمنى ملاقاة المالي في النهائي!! |
مسكين ياخ .. 
|
Post: #23
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: omar altom
Date: 11-11-2012, 02:05 AM
Parent: #1
كاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااك
|
Post: #24
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: طه جعفر
Date: 11-11-2012, 02:36 AM
Parent: #23
أها ان شاء تكونوا لاقيتو المالي
Quote: خفق فريق المريخ السوداني في بلوغ نهائي بطولة كأس الاتحاد الأفريقي بعد أن تعادل مع ضيفه ليوبار الكنغولي بدون أهداف في المباراة التي جمعت بينهما أمسية اليوم بأمدرمان، ليستفيد الفريق الكنغولي من مباراة الذهاب التي انتهت لصالحه (2/1).
ولم يقدم بطل السودان ما يشفع له لبلوغ النهائي. وخيب لاعبو المريخ آمال 45 ألفاً من أنصاره بملعب أمدرمان جاءوا لمؤازرة الفريق وفشلوا في ترجمة الفرص التي تهيأت لهم أمام مرمى الخصم.
|
نقلا عن سودانايل
مبروك صعود المريخ نحو الأسفل
الوصيف خليهو
نتمني لك موقع الثالث بعد الفلهمة دي
عيب الشوم يا مريخاب
بطيخاب
يا خياب
|
Post: #25
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: جدو
Date: 11-11-2012, 03:26 AM
Parent: #24
Quote: الليلة ليلة العبور
ليلة البهجة والسرور
نحن بنلعب في أرضنا وبنروض من ينازلنا |
|
Post: #26
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: معتصم مصطفي الجبلابي
Date: 11-11-2012, 03:38 AM
Parent: #25
لكن السويتها رقدت ياعزوز ..
تانى ما بتجى مقاطع فى المنبر العام
الشلاقة ليك شنو ..كان تخلى الكورة تبدأ ياخى
شفته عشان حسادتكم دى ربنا طيركم
|
Post: #27
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 06:21 AM
Parent: #26
Quote:
ريكاردو: جماهير المريخ كانت تستحق افضل من ذلك ومسؤولية الخروج جماعية
عقب الخروج الحزين
إعتذر البرازيلي ريكاردو المدير الفني لفريق كرة القدم بنادي المريخ السوداني لجمهور الفريق الأحمر السوداني على عدم إستمرار مسيرة الفريق بنجاح ببطولة الكونفيدرالية الإفريقية هذا العام وتوقفها عند محطة فريق ليوباردز الكونجولي واصفا عدم الفوز عليه بعدم التوفيق, ورافضا في ذات الوقت تحميل أي لاعب مسؤولية عدم وصول المريخ للمباراة النهائية بالبطولة
وقال ريكاردو " أعتذر لجمهور المريخ الذي كان يستحق الأفضل لأنه جمهور عظيم, وعدم تأهل المريخ للنهائي وعدم فوزه في مباراة اليوم لا أرى له سببا غير عدم التوفيق فقد قاتل اللاعبون قتالا شديدا ولم يبخلوا بشئ ولكننا في ذات الوقت لعبنا أمام فريق يمتاز لاعبوه بلياقة بدنية عالية ولعب بأسلوبي هجومي ودفاعي في آن واحد حسب فقدان الكرة والإستحواذ عليها " |
|
Post: #28
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 06:26 AM
Parent: #27
Quote:
يا عزيز، ياخ الصياح كلمتك وقلت كاساتكم الزمالات دي ما بتأهلكم لكن انت مصر وملح |
الاخ الصادق صديق سليمان
سلام
الحصل شئ لا يمكن ان يتصور
بس نقول شنو
الفكي السنغالي بتاعكم قوي شديد
وفي ناس اقام الليل عشان المريخ يطلع
لكن انتو حتعملوا شنووووو!!!
|
Post: #29
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 06:34 AM
Parent: #28
Quote:
أها ان شاء تكونوا لاقيتو المالي
|
يا اخي طه جعفر
نحن عندنا نفس الكاس
عندنا انجازات
عندنا تاريخ
وهذه ليست آخر فرصة تمثيل
الجاي اكتر
انتو سوا شئ
|
Post: #30
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 06:40 AM
Parent: #29
Quote:
لكن السويتها رقدت ياعزوز ..
تانى ما بتجى مقاطع فى المنبر العام
الشلاقة ليك شنو ..كان تخلى الكورة تبدأ ياخى
شفته عشان حسادتكم دى ربنا طيركم |
اخي معتصم الجبلابي
سلام
ما نجي؟!!!!!!!!!!!!!!!!!
ليش
نحن قلنا الصح
والزعيم عمل الصح
ودي عثرة
وما بتخلي الزعيم يحيد
مشوارنا متواصل
وحادثة امس جزء من مشوار باكر الجميل
انتو الليلة كيف!!!!!!!!!!!!!!!!!!!!!
|
Post: #31
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: singawi
Date: 11-11-2012, 06:45 AM
Parent: #27
يا عزنا
ولا يهمك ياخي .. الكورة مدورة .. فوز وخسااااااااارة
ياخي الهلال الاسمو سيد البلد مراات بيتغلب خلي ناس الحضري المافي زول دقا .. دقا نفسو برا
لكن يعلم الله امس وجعتو قلبي .. والله ما رضيناها ليييييك
وعلى قول سيدي .. مريخ السودان جلدنا وما بنجر فوقو الشوك
كنا دايرين النهائي سوداني وزيتنا في بيتنا لكن الله أداكم قدر نيتكم
قال ملاقاة المالي في النهائي قااااال
|
Post: #32
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 06:57 AM
Parent: #31
Quote: يا عزنا
ولا يهمك ياخي .. الكورة مدورة .. فوز وخسااااااااارة
ياخي الهلال الاسمو سيد البلد مراات بيتغلب خلي ناس الحضري المافي زول دقا .. دقا نفسو برا
لكن يعلم الله امس وجعتو قلبي .. والله ما رضيناها ليييييك
وعلى قول سيدي .. مريخ السودان جلدنا وما بنجر فوقو الشوك
كنا دايرين النهائي سوداني وزيتنا في بيتنا لكن الله أداكم قدر نيتكم
قال ملاقاة المالي في النهائي قااااال |
يا عزيزي سنجاوي
رغم الحمى ورغم الاسى
والواحد حردان أكل وشراب من غداء أمس وهسي الساعة 2 ظهر الاحد!!
لكن بنجي وبنكون حضور نلملم خيمتنا ونعد سبحتنا لقادم الايام
مشوارنا لا يتوقف في عثرة
والجاي أحلى
ونيتنا سليمة لاننا ما عايزينكم تزعلوا وتخربوا لينا أجمل نادي سوداني زي كل مرة..
لو كانت الاماني بتحقق بالكلام كنا اتميناها نهائي سوداني بين المريخ واهلي شندي
لكن معاكم نهي نهي
|
Post: #33
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: nazar hussien
Date: 11-11-2012, 07:09 AM
Parent: #32
Quote: رغم الحمى ورغم الاسى
والواحد حردان أكل وشراب من غداء أمس وهسي الساعة 2 ظهر الاحد!!
|
سلامتك من الحمي وهاردلك
والحمي والخسارة هينين
المشكلة في الهضربة..
بتنقلب إندراوة
بشويش علي روحك
يا صديق...
قلنا ليك الا تلاقي فريق الجيش الحر سدرت في غيك
ياخي ألذ شي المكاواة البعد الكورة..
|
Post: #34
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 07:24 AM
Quote: سلامتك من الحمي وهاردلك
والحمي والخسارة هينين
المشكلة في الهضربة..
بتنقلب إندراوة
بشويش علي روحك
يا صديق...
قلنا ليك الا تلاقي فريق الجيش الحر سدرت في غيك
ياخي ألذ شي المكاواة البعد الكورة..
ياخي ألذ شي المكاواة البعد الكورة
|
ياخوي نزار الحسين
الله يمسيك بالخير
لو انا ما تجاوزت الاحزان والمرارة لما شفتني هنا اليوم
ونحن لا نعرف الهضربة
لاننا ما عندنا سوابق بالخمسة في عقر الدار...
الكويتة الحمراء دي تعال ليها بعدين بعد ملطشة مالي عشان ارد عليك زين
تحياتي
|
Post: #35
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: tmbis
Date: 11-11-2012, 07:45 AM
Parent: #34
| Quote: تانى ما بتجى مقاطع فى المنبر العام |
لا يا معتصم .. ح يجي ..
لكن جيتو اخير منها جيت الجراد ..
يجي يشبكك ، اول حاجة نشيد العلم بتاع المريخ .. بتاع نحن في المريخ نهوى .. وإلخ
يجي يشبكك حنكو العاضي دا بتاع . العترة بتصلح المشية .. والقرد في عين امو غزال .. والاحنك والاعض من كدا يجي يشبكك نحن الكاس حقنـا الجبناهو زمان وعاااك وعيييك .. ولب لب لب ..
..
لكن الملاحظ في انك لو قريت بين السطور .. ح تلقى الزول دا تعبان نفسيا شديد .. ياخ الغلب دا حار .. حسع ناس كيجا وناس عبد الماجد مرتين .. وناس هارون والله تلقاهم من امس ما ضاقو الزاد دا في خشومم 
يلالالا بره ياخ تراكم ابلشتونا ووجعتوا راسنـا بالكواريك ونحن ساكتين ليكم
|
Post: #36
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 08:06 AM
Parent: #35
الاخ تمبس
لو كان تميتها = مسكين البدا يأمل (في مالي) وغلبو متأكدين منو....
ايوة نحن عندنا مجد وعندنا تاريخ
وحاضر حلو علينا ومر عليكم
| Quote: لكن الملاحظ في انك لو قريت بين السطور .. ح تلقى الزول دا تعبان نفسيا شديد .. ياخ الغلب دا حار |
الغلب حار صح للمتعود على الانتصار
طلعنا مرفوعي الراس..
االغلب حار::
كلامك ده مقدمة أو بالاصح جرسة سابقة لملطشة مالي بعدين....
| Quote: يلالالا بره ياخ تراكم ابلشتونا ووجعتوا راسنـا بالكواريك ونحن ساكتين ليكم |
لسانكم اطول من كل مشجعي الكورة
لكن عشان خوفكم
والملطشة الراجياكم وعدم ثقتكم ساكتين
غايتو بنجيكم في خيمة العزاء بعدين
|
Post: #37
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: الصادق صديق سلمان
Date: 11-11-2012, 08:15 AM
Parent: #36
عزيزي عبدالعزيز
Quote: الغلب حار صح للمتعود على الانتصار
طلعنا مرفوعي الراس.. |
عليك اشرح البأحمر دي لو سمحت
كيف يعني مرفوعي الرأس
مقدم الاستديو التحليلي بتاع قناة الجزيرة كان أكثر حزناً من تعابير وجهه من الباشا وأديكو وكلتشي
واول ما انتهت المباراة واول ما فتح خشمو قال (خزل المريخ ..........)
إن شاء الله البقت عليكم ما تبقى علينا
ونسأل الله أن ينصر هلال السودان في مالي ويظفر بالكأس إن شاء الله
|
Post: #38
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 08:23 AM
Parent: #37
Quote: عليك اشرح البأحمر دي لو سمحت
كيف يعني مرفوعي الرأس
|
ياخوي الصادق
دي معناها... المرحوم كان دمث الاخلاق..........................
نحن رفعنا خيمتنا خلاص
وعقبال نحلق في سماوات العام القادم
والقادم أحلى
لكن متابعين مالي
عشان نشرح أكتر
مودتي
|
Post: #39
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: tmbis
Date: 11-11-2012, 08:27 AM
Parent: #36
| Quote: رغم تمنياتي بفوز الهلال غدا بمالي.. |
لالا نحن ما عايزينك تتمنى لينـا
نحن برانا بنتمنى ، وبنعمل حاجاتنا .. انت تساعدنا بالموية الباردة في الصيوان بتاعك دا .. انت اترشيت من امس وبي الحسابات تمشي تقعد بره هنااااك .. وتلتزم الصمت .. يا لو ما عايز تصمت اقعد ابكي بس .. Quote: والملطشة الراجياكم وعدم ثقتكم ساكتين
غايتو بنجيكم في خيمة العزاء بعدين |
وتاني زي ما قلت ليك اوعه تعمل فيها السيد الالوسي العالم الفلكي وتتنبأ لينا بالنتائج وبالاحداث .. اهو خزعبلاتك دي الطلعتكم من الكونفدرالية وسقطـه .. انت حقو بدل كلامك الخارم بارم دا تجيب ليك صفيحتة يا طشت وتقعد تدق وتشجع فينا من حسع دي .. نحن زي ما قلته قبل كدا .. غالبين بنمتعكم .. مغلوبين ينمتعكم .. وبلاش كدا تعريفه حما ما بنشيله منكم ..
بطل بكا ونواح .. البكا ما برجع ليك حاجة .. حلاقة زي بتاعت امس دي .. كنا شايلنها ليكم .. لكن عرفتوها
|
Post: #40
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: tmbis
Date: 11-11-2012, 08:30 AM
Parent: #39
| Quote: طلعنا مرفوعي الراس.. |
طلعتو مرفوعي الراس كيف يعني ..؟ كنتو يعني مصنقعين لا فوووق .. واللا الحنك شنـو..؟
..
عليك الله نقطنا بالنشيد بتاع نحن في المريخ .. وإلخ ..
كلامك البتقول فوقو دا كلوووو كلام ساااي ، ما بياكلني .. كلام زول الرش حارقو شديد
|
Post: #41
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 08:52 AM
Parent: #39
Quote: لالا نحن ما عايزينك تتمنى لينـا
نحن برانا بنتمنى ، وبنعمل حاجاتنا .. انت تساعدنا بالموية الباردة في الصيوان بتاعك دا .. انت اترشيت من امس وبي الحسابات تمشي تقعد بره هنااااك .. وتلتزم الصمت .. يا لو ما عايز تصمت اقعد ابكي بس .. |
يا كافي البلاء.................
عشرة مداخلات في لحظات....!!!
يعني الهضربة الا يقيسوها بمقياس ريختر؟!!!!
مش لو اتمنيت ليكم.... لو قريت ليكم يس 41 مرة بر الملطشة حاصلة
Quote: وتاني زي ما قلت ليك اوعه تعمل فيها السيد الالوسي العالم الفلكي وتتنبأ لينا بالنتائج وبالاحداث .. اهو خزعبلاتك دي الطلعتكم من الكونفدرالية وسقطـه .. انت حقو بدل كلامك الخارم بارم دا تجيب ليك صفيحتة يا طشت وتقعد تدق وتشجع فينا من حسع دي .. نحن زي ما قلته قبل كدا .. غالبين بنمتعكم .. مغلوبين ينمتعكم .. وبلاش كدا تعريفه حما ما بنشيله منكم ..
|
نحن نقرأ ونعد حساباتنا
ودي من واقعنا ومعرفتنا بقدر افسنا..
بعدين ملطشة مالي دي واضحة وما عايزة ليها تنبؤات..
ثم ثانيا.. ياخي هل يعقل زول قمة بيشجع الزعيم يجي يشجع الوصيف!!!!!!!!!!!!
ياريت لو عندكم فلاح في الميدان 1% فقط من طول لسانكم ده!!
نصيحة اخوية مني ليك:
أمشي نوم لي بعدين واتغطى ليك ببطانية تقيلة وما تنسى عشان الهضربة دي تقرأ آية الكرسي والمعوذتين وتدعي ربنا يستركم من الخمسات!!!
|
Post: #42
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 09:00 AM
Parent: #41
Quote: طلعتو مرفوعي الراس كيف يعني ..؟ كنتو يعني مصنقعين لا فوووق .. واللا الحنك شنـو..؟
..
عليك الله نقطنا بالنشيد بتاع نحن في المريخ .. وإلخ ..
كلامك البتقول فوقو دا كلوووو كلام ساااي ، ما بياكلني .. كلام زول الرش حارقو شديد |
نصيحة اخوية مني ليك:
ياخي أمشي نوم لي بعدين واتغطى ليك ببطانية تقيلة وما تنسى عشان الهضربة دي تقرأ آية الكرسي والمعوذتين وتدعي ربنا يستركم من الخمسات!!!
سينما مالي ومالي سينما
|
Post: #43
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 04:32 PM
Parent: #42
رابط ملطشة الرشاشات يا جماعة
|
Post: #44
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 07:13 PM
Parent: #43
طاروا يا أخواني
الهليل وين راح؟
أكلو التمساح
اها يا تمبس..
خم وصر
عامل لينا ضغط من امس..
اتاريك نفسك قصير
وين طه جعفر؟
وزولي الطيب: الصادق سليمان؟
معتصم الجبلابي ده يكون وين هسي ياربي؟
كاااااااااااااااااااااااااااااااااااك
|
Post: #45
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-11-2012, 07:29 PM
Parent: #44
وطار الهليل
حليمة رجعت الزريبة
|
Post: #46
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: نادر الفضلى
Date: 11-11-2012, 07:30 PM
Parent: #44
الصفوى المتميز عبد العزيز
تحية طيبة
يا خى براحة على الجماعة .. برضو حافظوا على السجل التاريخى الصفر الدولى ، وهو عمل وطنى لو يعلمون عظيم
المريخ زح ليهم عديل لأنه بتكون بايخة شديد يكسر خاطرهم فى النهائى ويقولو ليهو الأنانية والحسادة شنو حب لأخيك
ما أحببت ونلت لنفسك من قبل 23 سنة .. وقنطرا ليهم نهائى فى الكنغو عشان يكملو المحاكاة كاس محمول جواً
الجماعة خافو من المسؤولية .. وقال ليك ما بطيروا براكم !! .. أنا فى محلهم أستقبل االبعثه إستقبال المنتصرين
بأى سبوبة .. العمر دا فيهو قدر شنو عشان ينتظرو محمولة جواً !
هسة أحسن ياتو طيران .. بيدى (المريخ) ، أم بيد غيرى (الهلال)
|
Post: #47
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-12-2012, 02:46 AM
Parent: #46
|
Post: #48
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-12-2012, 03:01 AM
Parent: #47
Quote: الصفوى المتميز عبد العزيز
تحية طيبة
يا خى براحة على الجماعة .. برضو حافظوا على السجل التاريخى الصفر الدولى ، وهو عمل وطنى لو يعلمون عظيم
المريخ زح ليهم عديل لأنه بتكون بايخة شديد يكسر خاطرهم فى النهائى ويقولو ليهو الأنانية والحسادة شنو حب لأخيك
ما أحببت ونلت لنفسك من قبل 23 سنة .. وقنطرا ليهم نهائى فى الكنغو عشان يكملو المحاكاة كاس محمول جواً
الجماعة خافو من المسؤولية .. وقال ليك ما بطيروا براكم !! .. أنا فى محلهم أستقبل االبعثه إستقبال المنتصرين
بأى سبوبة .. العمر دا فيهو قدر شنو عشان ينتظرو محمولة جواً !
هسة أحسن ياتو طيران .. بيدى (المريخ) ، أم بيد غيرى (الهلال)
|
عزيزي/ نادر الفضلي
سلام
ياخي لو شفت طولة اللسان بتاعتهم دي!!
حاجة خرافية
سمعنا عالم التشجيع الرياضي بيعملوا الألتراسات..
الاعلام الكبيرة ديك...
لسان الرشاشات ده لو استخدموه علم ألتراس كان بيغطي العرضة بل ام درمان كوووولها وربما يصل شندي ومدني!!
هسي بالله كاريكاتير الود امبدي الفوق ده نقول عليهو شنو...
بياعين اللبن واقفين شماعة
وكلامك صح بعد زحينا ليهم الكاس كانت مقنطرة...
لكن الجماعة وزنهم خفيف
عارفين نفسهم ما قدر الحاجات دي
والعارف عزه مستريح
مطلوب القبض على الجماعة التي كانت عاملة لينا صداع نهار أمس..
في داعي نجيب الأسماء؟؟
مودتي
|
Post: #49
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-13-2012, 00:04 AM
Parent: #48
الأصفار حلوة وتلالي
للدافوري قاموا سداري
المحطة كانت مالي
وختوا الصفر بي شمالي
راكبين كدا طوالي
الوصيفاب بالتوالي
عجبوني الليلة جوا
طريق الكاس ده خلاص خلوا
|
Post: #50
Title: Re: تمنياتي بفوز الهلال غدا.. لكني كصفوي أتمنى ملاقاة المالي في النها
Author: Abdlaziz Eisa
Date: 11-13-2012, 03:20 PM
Parent: #49
باماكو دي فيها معسّل!!!......................................
|
|