Post: #1 Title: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:22 AM Parent: #0
يا جماعة الرسول تقول ما شاء الله.. رئيس رقاص.. كشاف.. بتاع حت... الحاسدين بيقولوا اذا كان رئيس البلد للدف ضارب فشيمة كل الشعب الرقص.. لكن هو الريس ما بقصر.. هو ذاته بيقوم بالحت النضيف.. يا وداد فكي الاحتكار وخلي الجيكس يتنعم شوية!!!
Post: #2 Title: Re: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:27 AM Parent: #1
Quote:
We will dance like that when he is arrested and tried for his crimes ...he will dance now but will feel sorry later.. .let him enjoy whatever he has left before the revolution :-)
Ebony Rose Enebtoquoi
Post: #3 Title: Re: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:31 AM Parent: #2
Quote:
ثورة الانقاذ الوطني..؟؟؟ الحركه الاسلاميه في السودان؟؟؟
يااااا الله ما الذي يحدث امامنا؟؟؟
هذا الراقص ينادي باسم الدين وهو يرقص وسط النساء ويشبه نفسه بابن ا............
Post: #4 Title: Re: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:36 AM
ردود من الفيسبووك...................
Quote:
رئيس اخر زمن...
حقوا دا لو قبضوا يلبسو رحط ويرقصوا فى الساحة الخضراء حقت السودان... اعتذر عن لغتى.. بس حلال على البشير
Post: #5 Title: Re: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:39 AM Parent: #4
رد من الفيسبووك
Quote:
هذا شخص راقص يمثل جمهورية السودان والله مهزله اخرى من المهازل مشروع الحضارة الاسلامية معليش يا سودان الريس خارج شبكة منذ 21 عام
Post: #6 Title: Re: مين يقدر يجاري الريّس في الرقص والحت ده...!! Author: Abdlaziz Eisa Date: 11-16-2011, 11:40 AM Parent: #5
الهب برقصتك الجريحةَ ظهرشعبٍ بائسٍ عُريانَ يلتحفُ السماء
قد يرقصُ الجبّارُ قبل نفوقه رقصةَ الملتاعِ في صخبِ الدماء
لن تغلب الأفعى ورودَ الماءِ إن فاضت على جحر الخِباء
ظالمٌ إختار مكمن قبره واجمٌ حيران يرقص كالنساء
مقاطع غير مرَتبة من (الرقصة الأخيرة)
Post: #12 Title: Re: مين يقدر يجاري الريّس في الرقص والحت ده...!! Author: بله محمد الفاضل Date: 11-16-2011, 12:27 PM Parent: #10
رقصة المذبوح من الألم يرقص والبلاد إلى هاوية (إن لم تكن بها أصلاً)
بطل حسادة يا عُبد خليهو يرقص يا اخي في زول قادر يتحمل بلاويهو السواها والبسوي فيها ولا تهتز له شعرة واحدة أو يرعوي ثم لا يرقص خليهو الله يرضى عليك بس شنو جيب الفيديوهات النضيفة أو فأطلب الدعم من أهل الاختصاص (يعني المطبلاتية)
الإستغراب عرفناهو، المجاراة دي شنو كمان؟؟؟ أها يا عبد العزيز، ياها دي مجاراتكم الدايرين تقلبوا بيها الحيكومة؟؟؟ يعني في شنو هسّع؟؟؟ ما رئيس بتاع بهجة وفرايحي قاعد يرقص في حفلة خاصة لزوم هضم اللحوم والحلويات اللحسها في العشاء. يعني إنتو قايلين بطنو دي خلآطة؟؟؟ الراجل ما لآزم يرقص عشان يهضم، وهذا النوع من الرقص يجوز. يا عبد العزيز أسأل دكتورنا عبد الحي كان مكضبني. أها كمان أخونا في الله عمر قال ليك المسألة طبيعية. يا أخي مُش صدرت من البشير؟؟؟ تبقي بالبدآهة كده طبيعيّة. عليك الله يا عبد العزيز ما تعمل لينا وجع ضُرُص، وايّ حاجة يقوم بيها المشير ضعها في خانة الطبيعيات وتوكل علي الله. حفلة خاصة في بيت متواضع الراجل هجج فيها لزوم الهضم عايزين تعملوا منها مشروع نضال؟؟؟!!! يا ريّس طالما إنّك تحكم بالكتاب والسُنّة، وأنت ظل الله في الأرض، فلا تلتفت لعبد العزيز وأمثاله. سيّر، سيّر يا بشيّر نحن معاك للتعمير. الله اكبر. الله أكبر. الله أكبر...
Quote: رقصة المذبوح من الألم يرقص والبلاد إلى هاوية (إن لم تكن بها أصلاً)
بطل حسادة يا عُبد خليهو يرقص يا اخي في زول قادر يتحمل بلاويهو السواها والبسوي فيها ولا تهتز له شعرة واحدة أو يرعوي ثم لا يرقص خليهو الله يرضى عليك بس شنو جيب الفيديوهات النضيفة أو فأطلب الدعم من أهل الاختصاص (يعني المطبلاتية)
سلام يا عمك
عزيزي بلة محمد الفاضل
سلام
المستشارية الامنية قالت ليهو ناس كاودا ديل اي كلام.. وزي ما صليت في الكرمك حتصلي في اي مكان.. يعني ممكن يصلي في جوبا وحتي في تل أبيب ذاتها.. لكن ما عارفنها ياتو صلاة.. وشمارات تقول من كترة النوازل الزول بقى ما بيجمع وبيعمل حاجات كدا ما معروفة.. يعني في الحت ده هو ما عارف بيعمل في شنو.. يتذكر في أيام المجلد والبلاوي ديك.. الزول السرب التصوير ده زول عميل استهدف المشير الزول ما قادر يستر نفسه الواجب يستروه في حتو ده!!
تحياتي
Post: #20 Title: Re: مين يقدر يجاري الريّس في الرقص والحت ده...!! Author: وليد محمد المبارك Date: 11-16-2011, 01:09 PM Parent: #19
Quote: ما عارف ليه !!
لانك زول متوازن يالنصري لا اكتر ولا اقل
عارف انو الحصل في الفلم ده شي طبيعي يحصل في كل الحفلات السودانية .. وعارف انو عمر البشير رقيصو ما داسيه بختم بيه كل التجمعات الرسمية فاذا كان برقص في المناسبات الرسمية حا يقرا قران في الحفلات الخاصة مثلا
!!!!!!!!!!!!!!!!!!!!!!
يعني اسع سابو عيوب البشير كلها وهي كتيره مسكو في رقيصو ؟؟!! يعني ده موضوع المعارضة الان
يرقص ولا ما يرقص فى بيت عرس بيخصو .. دى حاجة متروكة ليهو
لكن بصراحة رقيصو اهبل وعبيط ...
فى نهاية الأمر الزول دا بووووووم
بووم عديل كدا
العزيزي ود العجمي
سلام
الريس شخصية عامة هو واسرته وفروعه ملك عام ليس هنالك شئ نقول عليه خاص او في حفل خاص او رقيص خاص كشف خاص حت خاص
كله عام.. وهو أمير المؤمنين.. المشغول حتى في نومه بشؤون البلد.. لو قذفت الانتوف 1000 شخص في أقاصي الجبال أو النيل الازرق فسيكون ابو ريالة مسؤول عنها امام الله.. الرئيس وكله والرئيس مشغول بالرقص..
Quote: سلام يا عبدالعزيز ما عارف ....لكن جانى شعور مختلف عند مشاهدة الفيديو....
شعور ايجابى تجاه الرئيس ....
ما عارف ليه !!
حننتني يا النصري. والله صحي...
Post: #23 Title: Re: مين يقدر يجاري الريّس في الرقص والحت ده...!! Author: رانيه محمد الشيخ Date: 11-16-2011, 01:27 PM Parent: #22
اخى وصديقى عبد العزيز عيد مبارك عليك اولا وثانيا دوما نحاول ان نحارب الشخصيات المسببه لنا الاذى بطرق غير مجديه فى نظرى وبرغم غضبى من هذه الحكومه ومن يمثلها لكن اتوقف دوما فى حدود الافعال اللى ليها تأثير ضار علينا فقط وبحاربها فيهم لكن فى جزئيات اخرى لا اظن مفروض نتداولها وهى حياتهم الخاصه او امور لن تعود علينا باى جدوى غايتو اختلاف الرأى لا يفسد فى الود قضيه مش؟؟؟
الإستغراب عرفناهو، المجاراة دي شنو كمان؟؟؟ أها يا عبد العزيز، ياها دي مجاراتكم الدايرين تقلبوا بيها الحيكومة؟؟؟ يعني في شنو هسّع؟؟؟ ما رئيس بتاع بهجة وفرايحي قاعد يرقص في حفلة خاصة لزوم هضم اللحوم والحلويات اللحسها في العشاء. يعني إنتو قايلين بطنو دي خلآطة؟؟؟ الراجل ما لآزم يرقص عشان يهضم، وهذا النوع من الرقص يجوز. يا عبد العزيز أسأل دكتورنا عبد الحي كان مكضبني. أها كمان أخونا في الله عمر قال ليك المسألة طبيعية. يا أخي مُش صدرت من البشير؟؟؟ تبقي بالبدآهة كده طبيعيّة. عليك الله يا عبد العزيز ما تعمل لينا وجع ضُرُص، وايّ حاجة يقوم بيها المشير ضعها في خانة الطبيعيات وتوكل علي الله. حفلة خاصة في بيت متواضع الراجل هجج فيها لزوم الهضم عايزين تعملوا منها مشروع نضال؟؟؟!!! يا ريّس طالما إنّك تحكم بالكتاب والسُنّة، وأنت ظل الله في الأرض، فلا تلتفت لعبد العزيز وأمثاله. سيّر، سيّر يا بشيّر نحن معاك للتعمير. الله اكبر. الله أكبر. الله أكبر...
العزيز/ معاوية المدير
سلاىمات وكل عام وانتم بخير
انت ياخوي بطمن في نفسك!! ما تعمل لينا شباب وكدا.. لو نزلت الملعب تقول الاستغراب شوية
لانك ما حتقدر تجاري الريس!!
بعدين ياخوي انا استغربت وتحديت اي زول يجي يجاري الريس.. يعني في صفه.. لكن انت كشفت حاله بتاع بهجة وبتاع فرحة.. وكمان ما تطلع لينا هيام وماجدولينا وهلمجرا..
وهسي الريس بيكون مسكين من الضحية ما أكل لحمة وقبلها كان مقاطع اللحوم.. وانت كشفت سره في أكل اللحمة.. وعايز تستشهد بعبد الحي كمان..
صدقنا انو الرقص ولا الحت ده شئ طبيعي.. بس انت اقنع لي ناس د عارف الركابي!! وقول الرقص والكشف وشوية الحت ده من السنة.. والحفلة ذاتها في الليل يعني في ظل الله تحيطه الصحابيات.. خلاص ياخوي ودالمدير انت امسك ودالباوقة ده ما يفك احكامه دي من هسي.. عادي وطبيعي!! خلينا نشوف هيئة علماء السلطان بتقول شنو!!
سلام يا عبدالعزيز ما عارف ....لكن جانى شعور مختلف عند مشاهدة الفيديو....
شعور ايجابى تجاه الرئيس ....
ما عارف ليه !!
العزيز/ النصري أمين
سلام
ياخوي في هذه الساعة التي يهز فيها الريس أطرافه ولا أردافه مش عارف.. هناك معارك مدورة في جبال النوبة وجنوب النيل الازرق!! يعني في ناس بتموت.. وفي ناس بتتشرد!! وهو راجع من الكرمك لسة الجثث ما دفنوها جاي الحفلة.. الانفس البتموت في كل لحظة من رعيته.. المشاعر والاهازيج العالية بتكون في السكسكة والحت.. لكن لا يحركها موت أفرد قواته ناهيك عن الطرف الآخر!!
وبعد ده ممكن يكون شئ عادي وشئ طبيعي!! وشعور ايجابي..!!
فضيلة الشيخ د. عبد الحي يوسف الأستاذ بقسم الثقافة الإسلامية بجامعة الخرطوم
الحفلات الليلية ورقص العروس!!
السؤال : جزاك الله يا شيخنا خير الجزاء، سؤالي أولا هو عن حضور حفلات الأعراس الليلية والتي يكون فيها اختلاط وغناء ورقص؛ ولكن بدون المشاركة في ذلك، فقط من باب المجاملة، هل هذا حرام؟ ثانيا سؤالي عن حرمة أو جواز حضور النساء لما يسمى برقص العروس؛ والتي ترتدي ملابس ليست محتشمة، ولكنهن نساء فقط!
الإجابة : الحمد لله رب العالمين، والصلاة والسلام على أشرف المرسلين، وعلى آله وصحبه أجمعين، وبعد.
فلا يجوز حضور تلك الحفلات ولو لم تشارك فيما فيها من منكرات؛ لأن مجرد الحضور في ذاته منكر، وقد قال الله تعالى ((وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذاً مثلهم)) ومن إنكار المنكر اعتزاله واعتزال أهله.
وكذلك لا يجوز لجماعة النساء حضور رقص العروس، إذا كان مستلزماً الاطلاع على ما أمر الله بستره؛ إذ ما ينبغي للمرأة أن تبدي أمام جماعة النساء ما بين سرتها وركبتها، ففي الصحيح عن أبي سعيد الخدري رضي الله عنه أن النبي صلى الله عليه وسلم قال {لا ينظر الرجل إلى عورة الرجل، ولا المرأة إلى عورة المرأة} والله تعالى أعلم.
Quote:
فلا يجوز حضور تلك الحفلات ولو لم تشارك فيما فيها من منكرات؛ لأن مجرد الحضور في ذاته منكر
عارف انو الحصل في الفلم ده شي طبيعي يحصل في كل الحفلات السودانية .. وعارف انو عمر البشير رقيصو ما داسيه بختم بيه كل التجمعات الرسمية فاذا كان برقص في المناسبات الرسمية حا يقرا قران في الحفلات الخاصة مثلا
!!!!!!!!!!!!!!!!!!!!!!
يعني اسع سابو عيوب البشير كلها وهي كتيره مسكو في رقيصو ؟؟!! يعني ده موضوع المعارضة الان
الله يكون في عون السودان
لا حكومة نافعة لا معارضة نافعة
العزيز/ وليد محمد المبارك
سلام
اولا أحييك على النقلة هذه كونك تقف في موضع حياد شوية كدا...
لكن قول لي كيف النصري هنا يكون متوازن.. انا ايضا أقول لك عندي شعور ايجابي تجاه الريس لانه رقاص وبيعرف يحت... مش ممكن نشجع اللعبة الحلوة.. ممكن صحبي الصفوي هارون دياب يصفق للمعز وللبرنس لكن بشرط المريخ يكون فائز على الهلال!! نرجع للحفلة قبل الفاصل يخلص والريس يجلس:
نحن قمنا في مجتمعنا السوداني وغرقنا في حفلاته.. وجهاء البلد لو حضروا جزء من حفل ما بينزلوا الساحة.. ولو نزلوا بيكون هز عادي..: أبشر يا عريس على السريع!! ايام الديمقراطية كان الوزراء بيحصروا الحفلان لكن ما شفنا ولا سمعنا بوزير حتاه ولا كشف في حفلة.. المكانة الدستورية دي عايزة وقار ورفعة..
وحتى رقيص الريس في لقاءاته كله ابتذال وليس شيئا حميدا.. شاهدنا نميري حتى قبل قوانين سبتمبر ما عمل 1% من البيعمل فيه البشير حاليا.. خاصة أن البلاد بتمر بظروف سيئة معارك وحروب مولعة.. الموت جاري بين الفرقاء في كل لحظة!! الدماء تسيل والارواح ترتفع.. فهل من عرفنا, اخلاقنا, شيمنا أن نكون أهل رقص والناس تموت.. وهل من الخلق أن يكون رئيس البلد رقاص!!!!
فتك بعافية..
Post: #28 Title: Re: مين يقدر يجاري الريّس في الرقص والحت ده...!! Author: وليد محمد المبارك Date: 11-16-2011, 02:12 PM Parent: #26
مرحب عبد العزيز
Quote: فهل من عرفنا, اخلاقنا, شيمنا أن نكون أهل رقص والناس تموت..
هي الحفلة دي بتين ؟
ده اولا
ثانيا ولا من عرفنا يا عبد العزيز انو نفتش حاجات الناس الخصة ونكشفها ونعرضها
عاااااااارفك حا تقول لي الرئيس شخصية عامة
اها الظاهرين في الفلم ده خلاف الرئيس فهمهم شنو ؟ ولا ديل ابدا ما في بالك
Quote: -يجب على كل من منح تصديق إقامة حفل غنائي مراعاة الضوابط التالية:
ج-عدم استخدام الاعيرة النارية. د-عدم اداء الاغاني الهابطة . ه- منع الرقص المختلط. 2-يجوز للشرطة عند الاخلال بالضوابط الواردة في 1- اتخاذ الاجراءات اللازمة لازالة المخالفة بما في ذلك ايقاف الحفل
اخى وصديقى عبد العزيز عيد مبارك عليك اولا وثانيا دوما نحاول ان نحارب الشخصيات المسببه لنا الاذى بطرق غير مجديه فى نظرى وبرغم غضبى من هذه الحكومه ومن يمثلها لكن اتوقف دوما فى حدود الافعال اللى ليها تأثير ضار علينا فقط وبحاربها فيهم لكن فى جزئيات اخرى لا اظن مفروض نتداولها وهى حياتهم الخاصه او امور لن تعود علينا باى جدوى غايتو اختلاف الرأى لا يفسد فى الود قضيه مش؟؟؟
العزيزة/ رانية محمد الشيخ (حبيبة)
سلامات وكل عام وانتم بخير
نحي فيك مواقفك الواضحة تجاه النظام واهله الذين أشبعوا البلد فسادا..
يا حبيبة.. اذا كان نجوم الفن ونجوم الكرة والمشاهير ليست لهم حياة خاصة.. يتتبعهم الناس في كل مكان.. الصحافة تدخل أنفها في أخص خصوصياتهم.. التي لا يعترف لهم اي زول.. وكل ما عليهم أن يقتنعوا بقول: ضريبة الشهرة..
أن الوزير أو الرئيس هم من يتولون أمر البلد.. حياتهم وهم في المنصب كلها للشعب.. هم شخصيات عامة.. حتى غرف نومهم عليهم اغلاقها بعيدا عن عين الناس والصحافة لانها تثمل وتبني جانبا من حياتهم التي تتأثر بها الوظيفة التي يتقلدونها.. فكل نفس طالع وآخر نازل يعد في حدود ملكية الشعب والعامة طالما هم في المنصب.. لأن هؤلاء لو كانوا في بيوتهم ولم يتقلدوا هذه المناصب لما عرفه عنهم الناس ولا تابعتهم الصحافة.. أن البلاد بتمر بظروف سيئة معارك وحروب مولعة.. الموت جاري بين الفرقاء في كل لحظة!! الدماء تسيل والارواح ترتفع.. فهل من عرفنا, اخلاقنا, شيمنا أن نكون أهل رقص والناس تموت.. وهل من الخلق أن يكون رئيس البلد رقاص!!!!
فلا يجوز حضور تلك الحفلات ولو لم تشارك فيما فيها من منكرات؛ لأن مجرد الحضور في ذاته منكر
Quote:
فضيلة الشيخ د. عبد الحي يوسف
عزيزي عاطف مكاوي
سلامات
ياخوي البشير ده رقيصو قالوا شئ طبيعي...!! يبدو أن طبيعي حاجة بالفطرة كدا... وده دليل الموهبة في الرقص والحت.. ما شاء الله.. ابداع بالفطرة..
الا شيخ عبدالحي ده مشى بيها بعيد.. وقبل شوية اخونا وليد ايضا بيقول ده حت طبيعي وما فيهو حاجة!! يعني الشيخ ده ما ممكن يشوف لينا تخريجة كدة.. ولو من باب " أما بنعمة ربك فحدث"
ثانيا ولا من عرفنا يا عبد العزيز انو نفتش حاجات الناس الخصة ونكشفها ونعرضها
عاااااااارفك حا تقول لي الرئيس شخصية عامة
اها الظاهرين في الفلم ده خلاف الرئيس فهمهم شنو ؟ ولا ديل ابدا ما في بالك
العزيز/ وليد محمد المبارك
كدي اسأل وشوف الريس ده ليلة الجمعة الفاتت دي كان وين!!!!!!
ياخوي والله البشير لوما حنث القسم وخسر علاقته مع ربنا اولا ثم الشعب والوطن ثانيا ومع الخرا السواه ده كلو.. لو كان قاعد في حامية عسكري مؤدب وعاقل كان في زول جاب خبره!!!!!!!!!!!! زول وزير, مستشار , مساعد ولا رئيس.. دي حاجات ملك عام وما عندهم اية خصوصيات معنا.. من أراد الخصوصية فليجلس في بيت أمه..
تحياتي
Post: #32 Title: Re: مين يقدر يجاري الريّس في الرقص والحت ده...!! Author: Deng Date: 11-16-2011, 02:32 PM Parent: #29
الأخ الكريم عبد العزيز عيسى.
أي شخص سوف يرى هذا الفيديو سوف يكون أنطباعه الأول عن الرئيس البشير أنطباعا إيجابي جدا. وهو يظهر في هذا الفيديو مثله مثل اي مواطن سوداني عادي يحتفل مع أفراد أسرته في مناسبة. ولكن عندما نتزكر السياسات الدينيةالمتطرفة التي يقودها الرئيس البشير في الدولة نرجع ونستغرب جدا. فكم حفل مشابه لهذا يا ترى تدخلت فيه الشرطة وأنهته، أو أعتقلت الشباب الذين كانوا يرقصون فيه رقيص مختلط مشابه لرقص الرئيس في هذا الفيديو؟
أكيد إذا كان الرئيس البشير حكم السودان منذ يومه الأول بمثل هذا المنظر المتسامح في الفيديو لكان حال السودان مختلف جدا. فليسئل الكيزان أنفسهم لماذا كل هذا التطرف الديني الذي تفرضونه على الشعب وأنتم لا تمارسونه في بيوتكم وفي أفراد أسركم؟ أنا أقول كلامي هذا وأقول بأنني زاملت عدد كبير من أبناء الكيزان ولم أحس بأن التطرف الديني الذي يمارسه أبائهم في السياسة تتم ممارسته في منازلهم.
ولا عزاء للوهابية في البورد.
Post: #34 Title: Re: مين يقدر يجاري الريّس في الرقص والحت ده...!! Author: Elbagir Osman Date: 11-16-2011, 03:51 PM Parent: #32
Quote: أي شخص سوف يرى هذا الفيديو سوف يكون أنطباعه الأول عن الرئيس البشير أنطباعا إيجابي جدا. وهو يظهر في هذا الفيديو مثله مثل اي مواطن سوداني عادي يحتفل مع أفراد أسرته في مناسبة. ولكن عندما نتزكر السياسات الدينيةالمتطرفة التي يقودها الرئيس البشير في الدولة نرجع ونستغرب جدا. فكم حفل مشابه لهذا يا ترى تدخلت فيه الشرطة وأنهته، أو أعتقلت الشباب الذين كانوا يرقصون فيه رقيص مختلط مشابه لرقص الرئيس في هذا الفيديو؟
أكيد إذا كان الرئيس البشير حكم السودان منذ يومه الأول بمثل هذا المنظر المتسامح في الفيديو لكان حال السودان مختلف جدا. فليسئل الكيزان أنفسهم لماذا كل هذا التطرف الديني الذي تفرضونه على الشعب وأنتم لا تمارسونه في بيوتكم وفي أفراد أسركم؟ أنا أقول كلامي هذا وأقول بأنني زاملت عدد كبير من أبناء الكيزان ولم أحس بأن التطرف الديني الذي يمارسه أبائهم في السياسة تتم ممارسته في منازلهم.
ولا عزاء للوهابية في البورد.
الاخ العزيز/ ديــــــــنق
سلام
قمنا في أرث ثقافي اجتماعي متسامح جدا.. علاقات صافية وجميلة مشبعة بقيم الصدق والنبل.. شفنا آباءنا وأعمامنا يحضرون الحفلات.. وبيكون في فاصل او اغنية مخصصة ليهم.. حضورهم كان يزيد الحفل رونقا
نطوا علينا هؤلاء الاقزام.. وتشدقوا بالدين وربط قيم السماء بالارض!! وكأننا مجوسا وشذاذ آفاق!! هؤلاء الناس أتوا الينا بمفاهيم من عالم آخر.. أشياء ليس لها علاقة بتراثنا, عاداتنا, عرفنا وتقاليدنا.. رفضوا كل شئ جميل عندنا.. طاردوا الناس وطردوهم.. وشردوهم.. وفصلوا نواميسا خاصة للرعية بينما هم فوق كل شئ.. يحلو لهم ما حرام على الآخرين.. فلو كان اي شخصا آخر غيرهم لاقتحموا وكسروا وشتتوا الحفل.. لكن الامر حلال للريس الراقص.. وحرام على الطير من كل جنس..