Post: #1 Title: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:11 PM
السلام عليكم
أتابع في الفضائية السودانية الآن زيارة التلفزيون لأسرة البطل السوداني/ أبوبكر كاكي بضاحية جبل أولياء.. أبوبكر كاكي هذا البطل الذي لمع اسمه واسم السودان معه في المحافل الدولية من سنين.. البطل الذي قدم للسودان ما لم يقدمه اي من القابضين على الأمر الآن..
أبوبكر.. باسمه سمعنا النشيد الوطني في المحافل الدولية.. خلد اسم السودان.. رفع شأن الوطن.. أفرح كل من ينتمي لهذا الوطن..
زاره التلفزيون في بيت أسرته المتواضع.. بيت صغير من الجالوص..
ثم عرّف الناس بأنه يبني في بيته الجديد.. اشترى قطعة الأرض.. وترك والده يشرف على البناء..
ليس في الرياض ولا في كافوري ولا في المنشية..
في الشقيلاب.. ومن الجالوص أيضاً..
حرام والله حرام...
Post: #2 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-13-2010, 02:14 PM Parent: #1
Quote: في الشقيلاب.. ومن الجالوص أيضاً..
البيت ليس من الجالوص .. حسب مشاهدتنا له في التلفزيون
Post: #3 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: SHIBKA Date: 09-13-2010, 02:15 PM Parent: #1
ياريت لو الدولة تهتم بابطالها الذين رفعوا علم السودان في بطولات عالمية وفازوا فيها
Post: #6 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Tragie Mustafa Date: 09-13-2010, 02:19 PM Parent: #3
شكرا يا عبد العزيز و لابوبكر كاكاي التحايا
يا ود الباوقه صحيح الاختشوا ماتو يكون جالوص ولا طوب اخضر دي قضيه حسه؟؟؟
Quote: البيت ليس من الجالوص .. حسب مشاهدتنا له في التلفزيون
اها غالط!!
طيب ايه رايك انه مافي الشقيلاب برضو وانما في حوش بانقا بكافوري!!
عالم وهم!!
عساكرك ديل الكسنوا كافوري من حوش بانقا قول لهم انتو ما اجتهدتوا قدر كاكاي ده,ببندقيه بس زي اي همابته حقققتوا ما حققتوا لعنة الله عليكم. وربنا يورينا فيكم يوم.
Post: #8 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-13-2010, 02:26 PM Parent: #6
Quote: عالم وهم!!
Quote: حققتوا لعنة الله عليكم. وربنا يورينا فيكم يوم.
خالتو
البرد نزل عندكم ولا شنو
شايف كهربتك عالية
يا خالتو اول شيء بارك لينا العيد بعدين
الشتيمة ملحوقة
Post: #27 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: حسن محمود Date: 09-15-2010, 04:18 PM Parent: #3
اخ/ عبد العزيز .. تحياتي
وجود البيت في منطقة طرفية او في غير مناطق السكن الفاخر التي ذكرتها ..ليس دليل قاطع على فقر الشخص او عدم تمكنه من شراء او السكن في المناطق التي يسكنها اثرياء القوم الاثرياء ربما رغبتة من كاكي ان يشتري ويبني مسكنه في الشقيلاب لاسباب خاصة به اجتماعية او نفسية ومزاجية .. مثل رغبته ان يكون جوار اهله او معارفه ..ونعرف كثير من الناس تحسنت اوضاعهم الاقتصادية ولكنهم ظلوا متمسكن بسكناهم للاسباب المذكورة. وخاصة ان كاكي كما ذكرت انه انسان متواضع وقنوع ومتمسك بدينه وفوزه بالذهبية في سباق لندن الاخير وهو صائم خير دليل على ذلك . ...اتركوا الراجل في حالو .بدون تسييس للمسألة
Post: #4 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:16 PM Parent: #1
في 9 مارس 2009م... أحرز العداء السوداني ابوبكر كاكي الميدالية الذهبية لسباق 800 متر في بطولة العالم لألعاب القوى تحت الصالات المغلقة التي انتهت يوم الأحد في مدينة فالنسيا الاسبانية لتكون أول ميدالية ذهبية عالمية يحرزها السودان والميدالية الذهبية العربية الوحيدة في هذا المحفل العالمي .
العداء السوداني صاحب ال18 عام انهي السباق في دقيقة و 44 ثانية و 81 جزء من الثانية متقدما على الجنوب أفريقي مبولايني مولودزي الذي حل ثانيا والبحريني يوسف كامل الذي حل ثالثا في هذا السباق. أنجاز كبير حققه العداء ابوبكر الذي ينتظر منه السودان الكثير في اولمبياد بكين المقبلة .
Post: #5 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:18 PM Parent: #4
Post: #7 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:23 PM Parent: #5
Quote:
ياريت لو الدولة تهتم بابطالها الذين رفعوا علم السودان في بطولات عالمية وفازوا فيها
العزيزة/ شبكة
سلامات وكل عام وانتم بخير
ياريت لو كانت هنالك معايير عادلة يا شبكة.. أبطال وضعوا أسم السودان عاليا ولا يجدوا أبسط أنواع الدعم..
بيت... بيت فقط...
تحياتي
Post: #9 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:29 PM Parent: #7
Quote:
البيت ليس من الجالوص .. حسب مشاهدتنا له في التلفزيون
الأخ ود الباوقة
سلام
ياخي أنت كنت بتشوف بأي عيون!!!! الطوب الأخضر يعني أيه؟؟ بنيان مسلّح؟؟
معليش.. كلامك ده بنحسبه لك في: قد تنكر العين ضوء الشمس من رمد وينكر المريض طعم الماء من سقم
شفاك الله..
Post: #10 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: طه إبراهيم عبد الله Date: 09-13-2010, 02:35 PM Parent: #9
Post: #11 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: طه إبراهيم عبد الله Date: 09-13-2010, 02:37 PM Parent: #10
Post: #12 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:38 PM Parent: #9
Quote: يا ود الباوقه صحيح الاختشوا ماتو يكون جالوص ولا طوب اخضر دي قضيه حسه؟؟؟
Quote: البيت ليس من الجالوص .. حسب مشاهدتنا له في التلفزيون
اها غالط!!
طيب ايه رايك انه مافي الشقيلاب برضو وانما في حوش بانقا بكافوري!!
عالم وهم!!
عساكرك ديل الكسنوا كافوري من حوش بانقا قول لهم انتو ما اجتهدتوا قدر كاكاي ده,ببندقيه بس زي اي همابته حقققتوا ما حققتوا لعنة الله عليكم. وربنا يورينا فيكم يوم.
العزيزة/ أم حازم
سلام وكل عام وانتم بخير
ما قدمه كاكي للسودان لو كان في أي بلد آخر لما شاهدناه بعد كل هذه السنين يسكن في بيت جالوص.. لو كان كاكي من حرامية النظام لمنح قصراً في المناطق السمحة مع غابات الأسمنت والخدمات المتميزة..
يسلم يراعك يا أم حازم..
تحياتي
Post: #13 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 02:46 PM Parent: #12
طه ابراهيم
سلام
بيت لا يشرف بطل السودان.. بيت لا معزول ومجهول.. لبطل علم.. أنقل البيت ده وأضعه بين قصور الحرامية هناك في كافوري كمان.. بدل يكون في صحراء بلا خدمات..
Post: #14 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: طه إبراهيم عبد الله Date: 09-13-2010, 03:00 PM Parent: #13
الأخ عبد العزيز عيد سعيد
Quote: بيت لا يشرف بطل السودان.. بيت لا معزول ومجهول.. لبطل علم.. أنقل البيت ده وأضعه بين قصور الحرامية هناك في كافوري كمان.. بدل يكون في صحراء بلا خدمات..
..
البيت دا بيت جالوص مجرد كون السقف صبة من الأسمنت والخرصانة لا يضع هذا البيت نوعياً من نوع البناء المسلح ( عمارات وكدا )
Post: #15 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-13-2010, 03:01 PM Parent: #13
ياجماعة البيت دا من الجالوص
وبعدين بعد ان تحكموا نتناقش في الامور الاخرى....
Post: #16 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 03:30 PM Parent: #15
Quote: ..
البيت دا بيت جالوص مجرد كون السقف صبة من الأسمنت والخرصانة لا يضع هذا البيت نوعياً من نوع البناء المسلح ( عمارات وكدا )
الأخ طه سلام
المسألة ليست افتراضات ياخي..
بطل حقق للسودان أكثر مليون مرة من رئيسه المطارد.. يسكن في بيت في الخلاء أياً كان مكوناته..
الحرامية تسكن القصور مع الخدمات الراقية..
Post: #17 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-13-2010, 03:45 PM Parent: #16
Quote: الحرامية تسكن القصور مع الخدمات الراقية..
يا اخي كاكي نفسو مبسوط جدا من بيتو وفرحان
وكمان والده ايضا مبسوط
والله كرهتونا النضال ذاتو اي شيء دايرين تحولوه لي سياسة
وتستغلوه استغلال سييء
والله كاكي دا ذاتو لو شاف البوست دا بطنو تطم ...
انا اعرف العديد من الوزراء وكبار الضابط والتجار
يسكنون في اطراف العاصمة
السمالة عادية
لكن انتو يا كافي البلاء ماسكين في النضال من ضنبو ...
Post: #18 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 03:59 PM Parent: #17
Quote:
يا اخي كاكي نفسو مبسوط جدا من بيتو وفرحان
وكمان والده ايضا مبسوط
ودالباوقة سلام
ياخي كاكي ده رجل بسيط وقنوع... نحن لا نتكلم من ناحيته هو..
ما قدمه للسودان كثير وكبير.. من جانب حيكومة السجم والرماد دي.. زول بحجم ما قدمه.. أبسط شئ يحظى بما يليق وسمعته وشهرته.. وانجازه,, ليش هو لا الحرامية متنعمين في القصور!!
Post: #20 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-13-2010, 04:05 PM Parent: #18
Quote: ياخي كاكي ده رجل بسيط وقنوع... نحن لا نتكلم من ناحيته هو..
طيب طالما انه رجل قنوع وبسيط
انتو عاملين لينا فلقة في راسنا ليه...
البيت جميل وخرطتو اجمل ..
الموقع مش مهم ...........
Post: #19 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: طه إبراهيم عبد الله Date: 09-13-2010, 04:03 PM Parent: #16
الأخ عبد العزيز مساء الخير ..
Quote: المسألة ليست افتراضات ياخي..
بطل حقق للسودان أكثر مليون مرة من رئيسه المطارد.. يسكن في بيت في الخلاء أياً كان مكوناته..
الحرامية تسكن القصور مع الخدمات الراقية..
أخي عبد العزيز .. أنا نزلت الصور لأني تألمت جداً لما رأيت .. البطل كاكي يستحق التكريم لأنه رفع علم السودان في زمن ظلت رايات بلادنا تنكس باستمرار ، ولا يعرف العالم لنا انجازاً غير القتل والتشريد لأبناء وطننا . وحول الجدل عما إذا كان البيت من جالوص أم لا .. أنا قلت إن هذا البيت من جالوص .. رغم كونه مبني بالطوب الأحمر وفي رأيي أن المسألة مسألة نوعية .. كلنا نعرف أن نوعية هذه البيوت تبنى بالمونة العادية ( طين ) وليس أسمنت والبتالي ليس هناك فرق بينه وبين بيت الطين الخالص .. لدينا بيت في شرق النيل مبني بنفس الطريقة تماماً جات المطرة الأخيرة وشالت جزء كبير من إحدى الزوايا مع الرأفة .. مودتي واحترامي
Post: #21 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdulrahman Gorashi Date: 09-13-2010, 04:34 PM Parent: #19
ياناس والله حرام كاكا يسكن في الشقيلاب والبشير يتبرع بسيارات فارهة للفريق المصري، بعد دا يسكن في جالوص ولا طوب احمر شو تفرق ياود الباوقة،
Post: #22 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 04:45 PM Parent: #19
Quote: أخي عبد العزيز .. أنا نزلت الصور لأني تألمت جداً لما رأيت .. البطل كاكي يستحق التكريم لأنه رفع علم السودان في زمن ظلت رايات بلادنا تنكس باستمرار ، ولا يعرف العالم لنا انجازاً غير القتل والتشريد لأبناء وطننا . وحول الجدل عما إذا كان البيت من جالوص أم لا .. أنا قلت إن هذا البيت من جالوص .. رغم كونه مبني بالطوب الأحمر وفي رأيي أن المسألة مسألة نوعية .. كلنا نعرف أن نوعية هذه البيوت تبنى بالمونة العادية ( طين ) وليس أسمنت والبتالي ليس هناك فرق بينه وبين بيت الطين الخالص .. لدينا بيت في شرق النيل مبني بنفس الطريقة تماماً جات المطرة الأخيرة وشالت جزء كبير من إحدى الزوايا مع الرأفة .. مودتي واحترامي
الأخ طه ابراهيم..
سلام
في منتصف رمضان دار حوار بيني وبعض الأخوة من قطر عن الإمكانيات الرياضية وما وصل اليه حال الكرة في السودان.. ففريقهم القومي به عدد من السودانيين المجنسين.. السودان صاحب الصولات والجولات في عالم الكرة.. انزوى نجمه وأفل!!! قلت السودان حاضر بالفرق والرياضات الأخرى وذكرت أسماعيل وكاكي.. أسمان فقط وجدتي نفسي أتحدث بفخر عنهم وعن السودان.. وغيري الكثيرين بل الملايين تشرفوا بهؤلاء الأبطال.. قدموا للبلاد ما لم نكن نحلم به من زمن.. فكلنا يتوقع أن يقابلوا بشئ من التكريم الرائع.. بل سد ضرورياتهم الحياتية ..
فنحن لسنا في جدل عن البيت كيف يمكن أن نحسبه من الجالوص او غيره... التلفزيون وصل لبيت البطل.. وأي بيت!!!! كل الناس تتوقع النقلة الوفية من كوخ والديه ألى بيت يشار اليه ويسمى هذا بيت البطل كاكي.. بيت يليق بالبطل..
لك التحية..
Post: #23 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-13-2010, 04:51 PM Parent: #22
Quote:
ياناس والله حرام كاكي يسكن في الشقيلاب والبشير يتبرع بسيارات فارهة للفريق المصري، بعد دا يسكن في جالوص ولا طوب احمر شو تفرق ياود الباوقة،
الأخ/ عبدالرحمن قرشي
سلام وكل عام وانتم بخير
كاكي... معليش .. ده اسم كبير.. لا يمكن إلا أن يكرمه الشعب السوداني في الصباح...
لك التحية على الإضافة المميزة
Post: #24 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: الطيب شيقوق Date: 09-13-2010, 05:21 PM Parent: #23
كل عام وانت بالف خير يا عزو
Post: #25 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-15-2010, 02:34 PM Parent: #24
Quote:
كل عام وانت بالف خير يا عزو
سلامات وكل عام وانتم بخير
المسنوح.. ظهرت في الشقيلاب..!!!
Post: #26 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: يوسف الولى Date: 09-15-2010, 03:16 PM Parent: #25
Quote: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!!
يبدو ان العربه الفارهه الظهرت اثناء اللقا ء قد تم تاجيرها من احدى مكاتب تاجير السيارات . . دعو الرجل يبنى وياكل من عرق جبينه
Post: #28 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: محمد زكريا Date: 09-15-2010, 04:33 PM Parent: #26
شكراً على هذا البوست
فى غياب الاهتمام الرسمى وتهميشهم الخ.....لانه من الهامش .....قمنا بالتشجيع والتسجيل فى رابطه تشجيع ....................اليكم رابطه مشجعى البطل كاكى على الفيسبوك
وياريت اذا امكن المساهمه فى تطوير القروب باضافه المعلومات والصور والاخبار المشوره عنه
ود الباوقه قول الحق.....هسه لو كاكى كان من الباوقه كان كيف ح يكون وضعه والاهتمامات اللى ح يجدها؟؟؟؟؟؟؟؟؟؟؟؟
Post: #29 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Mohammed Haroun Date: 09-15-2010, 06:26 PM Parent: #28
خالتو البرد نزل عندكم ولا شنو شايف كهربتك عالية يا خالتو اول شيء بارك لينا العيد بعدين الشتيمة ملحوقة _____________________
يا ود الباوقة عيد سعيد وكل سنة وإنت طيب ... خالتك دي كبت الزوغة بعد ما قرت كلامك السمح دا ... معليش الكهربة مقدمة شوية الأيام دي ... خليك دائماً ماص للصدمة (شوك آبزوربر) هيك ...
يا عبد العزيز عيدك سعيد
يكفي أبوبكر كاكي أن القاصي والداني عرفه ... هذا هو الشيء المهم ... البيوت والسيارات والترف متاع زائل يا أخي ... أغلب العظماء عاشوا حياة غير مترفة ودونك الأديب العالمي الطيب صالح ... لا أعتقد أن اي من الحكومات السابقة أو هذه الحكومة منحته منزل في الخرطوم ... لا أعتقد,
أرجو أن نترفع عن هذه الصغائر ....
تحيات أخوكم ودهارون
Post: #30 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-16-2010, 05:15 PM Parent: #26
Quote: يبدو ان العربه الفارهه الظهرت اثناء اللقا ء قد تم تاجيرها من احدى مكاتب تاجير السيارات . . دعو الرجل يبنى وياكل من عرق جبينه
سلام
يأكل من عرق جبينه كما يأكل الوزراء والمستشارون!!!!!
Post: #31 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-16-2010, 05:20 PM Parent: #30
Quote: فى غياب الاهتمام الرسمى وتهميشهم الخ.....لانه من الهامش .....قمنا بالتشجيع والتسجيل فى رابطه تشجيع ....................اليكم رابطه مشجعى البطل كاكى على الفيسبوك
وياريت اذا امكن المساهمه فى تطوير القروب باضافه المعلومات والصور والاخبار المشوره عنه
ود الباوقه قول الحق.....هسه لو كاكى كان من الباوقه كان كيف ح يكون وضعه والاهتمامات اللى ح يجدها؟؟؟؟؟؟؟؟؟؟؟؟
الأخ/ محمد زكريا
سلام
التحية لك والشكر أجزله لإطلاعنا على هذا المجهود.. كاكي ابن الهامش.. يستاهل الكثير الكثير رغم أنف الجاحدين...
تحياتي
Post: #32 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-16-2010, 05:35 PM Parent: #31
Quote: يكفي أبوبكر كاكي أن القاصي والداني عرفه ... هذا هو الشيء المهم ... البيوت والسيارات والترف متاع زائل يا أخي ... أغلب العظماء عاشوا حياة غير مترفة ودونك الأديب العالمي الطيب صالح ... لا أعتقد أن اي من الحكومات السابقة أو هذه الحكومة منحته منزل في الخرطوم ... لا أعتقد,
أرجو أن نترفع عن هذه الصغائر ....
الأخ محمد هارون
سلام
كاكي عرّف السودان بالعالم.. كاكي بطل قومي قدم ما لم يقدمه غيره للسودان.. كاكي يفترض أن يكرم ويجد الوضع اللائق لإنجازاته العالمية..
الذين يسكنون غابات الأسمنت في كافوري ومثيلاتها بغير وجه حق... لايعرفون أن الترف متاع زائل؟؟!! وأن نطالب بالإحتفاء والوفاء لبطل قومي يعد ذلك من الصغائر..
Post: #33 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: ود الباوقة Date: 09-16-2010, 05:40 PM Parent: #32
Quote: لايعرفون أن الترف متاع زائل؟؟!!
طيب يا اخي طالما الترف متاع زائل
ما تخليوه في مكانو دا
وبعدين دي قسمة ربنا ناس في الشقيلاب وناس في
ام ضريوة وناس في ام ضبان وناس في اللعوتة
ونحن في الباوقة .
يعني انت بي فهمك دا داير البشرية دي كلها
تتكب في كافوري..
طيب كافوري دي قبل كم سنة كانت تبرطع فيها
الحمير مالكم عميانين منها ..
ولا يا دوب بقت ليكم حلوة .....
Post: #34 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: طه إبراهيم عبد الله Date: 09-16-2010, 06:01 PM Parent: #33
Quote: ونحن في الباوقة .
يعني انت بي فهمك دا داير البشرية دي كلها
تتكب في كافوري..
.. الأخ ود الباوقة العيد مبارك عليك بما إنك جبت السيرة دي أنا غايتو واحد من الناس ما داير العالمين كلها تتكب في كافوري لكن داير الباوقة ( الحواشات والبدوة والعمارة الجديدة ولا عند الجول وجبل عطشان ، وبدل المعدية اللت العبيدية يقوم كبري ) دي كلها تبقى زي كافوري مش جماعتك ناوين إمسحوها من وش الأرض بي سد ما يجيب همو أصحى يا عمو
Post: #35 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Ahmed musa Date: 09-16-2010, 06:34 PM Parent: #34
والله انا قريت البوست ده بكيت وبجد فكرت نعمل نداء لبورداب الداخل والخارج لبطلنا ولمن سيد البوست اصر على جالوصية البيت قلت غايتو ود الباوقة ده وقع في شر أعماله وخصوصاً بدخول القاطرة البشرية تراجي مصطفى أها غايتو لمن جات صورة البيت قلت والله ناس البورد ديل يقولوا ليك ناس القبور واقفين طابور ياخوانا الصدق الصدق الصدق ده منبر محترم وبعدها بديت اتابع منتظر اعتذار سيد البوست الغريبة لقيته أكلها وبلعها وشرب موية ومر زي الماحصل شئ وكل عام وانتم بخير ياشباب
Post: #36 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Ahmed musa Date: 09-16-2010, 06:34 PM Parent: #34
والله انا قريت البوست ده بكيت وبجد فكرت نعمل نداء لبورداب الداخل والخارج لبطلنا ولمن سيد البوست اصر على جالوصية البيت قلت غايتو ود الباوقة ده وقع في شر أعماله وخصوصاً بدخول القاطرة البشرية تراجي مصطفى أها غايتو لمن جات صورة البيت قلت والله ناس البورد ديل يقولوا ليك ناس القبور واقفين طابور ياخوانا الصدق الصدق الصدق ده منبر محترم وبعدها بديت اتابع منتظر اعتذار سيد البوست الغريبة لقيته أكلها وبلعها وشرب موية ومر زي الماحصل شئ وكل عام وانتم بخير ياشباب
Post: #37 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Mohammed Haroun Date: 09-17-2010, 12:08 PM Parent: #36
كاكي عرّف السودان بالعالم.. كاكي بطل قومي قدم ما لم يقدمه غيره للسودان.. كاكي يفترض أن يكرم ويجد الوضع اللائق لإنجازاته العالمية.. الذين يسكنون غابات الأسمنت في كافوري ومثيلاتها بغير وجه حق... لايعرفون أن الترف متاع زائل؟؟!! وأن نطالب بالإحتفاء والوفاء لبطل قومي يعد ذلك من الصغائر.. ________________________________________________________
أخي عبد العزيز عيسى حبابك
يا أخي لماذا تحاول أن تسبب إحراج لهذا الرياضي الخلوق؟؟ السودان يا عزيزي بلد معروف وأبناؤه لم يقصرو أبداً فمنهم العلماء والمخترعين والأطباء البارعين والروائيين والمذيعين الذين يعملون في أشهر الإذاعات العالمية .... الإختلاف السياسي يجب أن لا يسبب لك فقدان ذاكرة أو (طشاش) في الرؤية.
المحاسبة واجبة يا أخي وكل من إغتنى بطريقة غير شرعية يجب أن يحاسبه الشعب السوداني في يوم من الأيام .... دوام الحال من المحال كما يقولون.
Post: #38 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: البشير دفع الله Date: 09-17-2010, 12:51 PM Parent: #37
Quote: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!![/QUOTE]
الأخ الكريم صاحب البوست
تلاته علامات استفهام وأربعة علامات تعجب بعد اسم منطقة الشقيلاب
أعتقد أن ذكر هذه المنطقة وبهذه الكيفية فيه تعريض بالشقيلاب وأهلها
وربما أنك لا تعرف الشقيلاب والتي هي جزءمن محلية جبل أولياء , وربما لا تعرف أن هذه المنطقة
أنجبت من هم في قامة أبوبكر كاكي وأفضل منه في مجالات عديدة ومختلفة .
فاختيارك لعنوان البوست غير موفق ويستوجب الاعتذار
Post: #39 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: معاوية الأرباب Date: 09-17-2010, 01:22 PM Parent: #38
Quote: طيب كافوري دي قبل كم سنة كانت تبرطع فيها
الحمير
والأن تبرطع فيها الذئاب .
Post: #40 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: محمد زكريا Date: 09-17-2010, 02:31 PM Parent: #39
Quote: معاوية الأرباب
Quote: طيب كافوري دي قبل كم سنة كانت تبرطع فيها
الحمير
والأن تبرطع فيها الذئاب .
ما تجهجهونا...........حددوا...........حمير ولا ذئاب؟
==== احتمال مفرد من الاول ومجموعه من التانيين
Post: #41 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-17-2010, 03:38 PM Parent: #40
Quote:
والأن تبرطع فيها الذئاب .
الأخ معاوية الأرباب
أنها تتبرطع في هوسها اللاحضاري بعد أن امتصت دماء الغلابة لأكثر من عقدي زمان..
ومهما طال يا ليل.. شمسك تطلع..
تحياتي
Post: #42 Title: Re: أبوبكر كاكي.. بعد كلّ القدّمتو للوطن.. بتبني في بيت جالوص وفي الشقيلاب؟؟؟!!!! Author: Abdlaziz Eisa Date: 09-17-2010, 03:45 PM Parent: #41
Quote: ما تجهجهونا...........حددوا...........حمير ولا ذئاب؟
