Post: #1
Title: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 01:09 PM
Parent: #0
معقولة بس
عيب والله
مصر تتصدر
اليمن
سوريا
وحتى اليونان
لكن سودان لا
الم يأتيكم الخبر
ام أتاكم ولا مجال مشغولين شديد
|
Post: #2
Title: Re: يا قناة الجزيرة على الاقل ختونا فى الشريط الاخبارى
Author: أيمن الطيب
Date: 06-18-2012, 01:15 PM
Parent: #1
سلامات يا سهام..
لم يؤذن لهم بعد...
أو مراسليهم فى الخرطوم يقولون لهم لا جديد على الجبهة الجنوبية!!
والأجواء هادئة وجميلة ..
تحياتى..
|
Post: #3
Title: Re: يا قناة الجزيرة على الاقل ختونا فى الشريط الاخبارى
Author: معتصم ود الجمام
Date: 06-18-2012, 01:17 PM
Parent: #1
ديل عربان توابع اليانكي
سيهزمهم الشعب المعلم يا بت المجمر
قد لا نحتاج لاعلام يرى بعين واحدة
|
Post: #4
Title: Re: يا قناة الجزيرة على الاقل ختونا فى الشريط الاخبارى
Author: مها عبد الله
Date: 06-18-2012, 01:37 PM
Parent: #3
بل غالبية القنوات العربية يا سهام ، ومنذ ليلة الأحداث بجامعة الخرطوم أتجول بالمحطات لسماع أي خبر ولكن لا أثر لأي خبر !
ومعك نرفع النداء ولماذا هذا التجاهل يا قنوات العرب !!
|
Post: #5
Title: Re: يا قناة الجزيرة على الاقل ختونا فى الشريط الاخبارى
Author: ود الباوقة
Date: 06-18-2012, 01:40 PM
Parent: #4
الـ CNN ما جابت شيء
ولا صحيفة يدعوت احرنوت
شكرا سهام
|
Post: #6
Title: Re: يا قناة الجزيرة على الاقل ختونا فى الشريط الاخبارى
Author: Hadeer Alzain
Date: 06-18-2012, 01:51 PM
يا ود الباوقة وااا شريري ..!
Game is "almost" over
!
عملتو لينا طمام ووجع وش
نراكم بخير
بعد التغيير
.
|
Post: #7
Title: Re: يا قناة الجزيرة على الاقل ختونا فى الشريط الاخبارى
Author: هشام عباس
Date: 06-18-2012, 01:54 PM
Parent: #6
هذه القناة بالذات سيكون للشعب السودانى وقفة معها
عقب سقوط النظام
هذه القناة احد اذرع النظام الطويلة
هذه القناة اجيرة وقذرة وواجبنا محاربتها
لا تعطوها شرف تغطية ثورتنا النظيفة
|
Post: #9
Title: Re: يا قناة الجزيرة على الاقل ختونا فى الشريط الاخبارى
Author: Hadeer Alzain
Date: 06-18-2012, 01:59 PM
Parent: #6
بعض ما جاء في صفحة قناة الجزيرة نت :
قناة الجزيرة الفضائية.. الرؤية والمهمة
ميثاق الشرف المهني
كونها خدمة إعلامية عالمية التوجه فإن الجزيرة تعتمد ميثاق الشرف المهني التالي سعيا لتحقيق الرؤية والمهمة اللتين حددتهما لنفسها:
1- التمسك بالقيم الصحفية من صدق وجرأة وإنصاف وتوازن واستقلالية ومصداقية وتنوع دون تغليب للاعتبارات التجارية أو السياسية على المهنية.
2- السعي للوصول إلى الحقيقة وإعلانها في تقاريرنا وبرامجنا ونشراتنا الإخبارية بشكل لا غموض فيه ولا ارتياب في صحته أو دقته.
3- معاملة جمهورنا بما يستحقه من احترام والتعامل مع كل قضية أو خبر بالاهتمام المناسب لتقديم صورة واضحة واقعية ودقيقة مع مراعاة مشاعر ضحايا الجريمة والحروب والاضطهاد والكوارث وأحاسيس ذويهم والمشاهدين واحترام خصوصيات الأفراد والذوق العام.
4- الترحيب بالمنافسة النزيهة الصادقة دون السماح لها بالنيل من مستويات الأداء حتى لا يصبح السبق الصحفي هدفا بحد ذاته.
5- تقديم وجهات النظر والآراء المختلفة دون محاباة أو انحياز لأي منها.
6- التعامل الموضوعي مع التنوع الذي يميز المجتمعات البشرية بكل ما فيها من أعراق وثقافات ومعتقدات وما تنطوي عليه من قيم خصوصيات ذاتية لتقديم انعكاس أمين وغير منحاز عنها.
7- الاعتراف بالخطأ فور وقوعه والمبادرة إلى تصحيحه وتفادي تكراره.
8- مراعاة الشفافية في التعامل مع الأخبار ومصادرها والالتزام بالممارسات الدولية المرعية فيما يتعلق بحقوق هذه المصادر.
9- التمييز بين مادة الخبر والتحليل والتعليق لتجنب الوقوع في فخ الدعاية والتكهن
-------
أجيي، أجيي يا قناة الجزيرة الكانت سباقة في كلو!
والله خجلنا ليك ..!
خجلنا ليك عدييييل كدا ..!
.
|
Post: #8
Title: Re: يا قناة الجزيرة على الاقل ختونا فى الشريط الاخبارى
Author: Faisal Mohammed Abdalla
Date: 06-18-2012, 01:55 PM
ٌموقع قناة العربية :
"الشبيحة" تقمع مظاهرات خرجت تهتف ضد حكم البشير
مئات الطلاب خرجوا احتجاجاً على "حكم العسكر" وغلاء الأسعار وتدني الأجور
فيديو
http://www.alarabiya.net/articles/2012/06/18/221314.html
|
Post: #10
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 06:55 PM
Parent: #8
Quote: أو مراسليهم فى الخرطوم يقولون لهم لا جديد على الجبهة الجنوبية!!
والأجواء هادئة وجميلة ..
|
سلامات يا ايمن والله تيقى عوجة ويكون الانتقاد التم قبل كده لاداء مدير مكتب الجزيرة
فى محله الا يكضب الشينة الدنيا مساء هسه و لاشىء عن السودان
مصر وبس !!!!!!!
والمشكلة الخبر واللقاء يعاد اكتر من مرة
سبحان الله يا عرب
|
Post: #11
Title: Re: يا قناة الجزيرة على الاقل ختونا فى الشريط الاخبارى
Author: صديق عبد الجبار
Date: 06-18-2012, 07:01 PM
Parent: #10
والله يا أستاذة سهام ما دام قطر قاعدة تشتري في السودان حتة حتة
الجزيرة ما حتجيب خبرنا الا خبر البشير يجي !
|
Post: #12
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 07:41 PM
Parent: #11
Quote: سيهزمهم الشعب المعلم يا بت المجمر
قد لا نحتاج لاعلام يرى بعين واحدة |
سلام يا معتصم الاعلام مهم بالنسبة لينا وقناة الجزيرة ممكن تلعب دور كبير
لكن ماهى البتسقط الحكومة ..والحكومة مصيرها تسقط
وحينها اتمنى ان الجزيرة تشم السودان قدحة
يعنى مادايرين معاها عديل كده
نحن جننا و جن الحقارة بتاعة العرب دى
_______________________
سلامات يا هدير
مظاهرات اعتقالات ضرب فى داخلية الطالبات
وبمبان ولا خبر عن ده كلو فى قناة العرب الاخبارية الاولى
ما ياها الحقارة بعينها
مافى زول يقول لى دى سياسة دولة فى الحالة الجزيرة تبلع
Quote: قناة الجزيرة الفضائية.. الرؤية والمهمة
ميثاق الشرف المهني |
بلع ناااااشف
___________________________________
سلامات يا مها عبدالله
Quote: بل غالبية القنوات العربية يا سهام ، ومنذ ليلة الأحداث بجامعة الخرطوم أتجول بالمحطات لسماع أي خبر ولكن لا أثر لأي خبر !
ومعك نرفع النداء ولماذا هذا التجاهل يا قنوات العرب !! |
بس دى ياها عجبنى للمرقوت زاتها
والمرقوت هنا مدعين العروبة من السودانيين
والمتمسحين فى الاعراب
قاتل الله ال double standard
____________________________________________
ود الباوقة سلامات
Quote: الـ CNN ما جابت شيء
ولا صحيفة يدعوت احرنوت
شكرا سهام |
الجاب سيرتم منو؟؟؟؟
يا زول اسمع كلام عمك الجميل رحمه الله ابوداؤود
حين قال "حكم ضميرك"
|
Post: #13
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 07:57 PM
Parent: #12
| Quote: لا تعطوها شرف تغطية ثورتنا النظيفة |
الاخ هشام عباس سلامات
والله ده المفروض
ياخ ده موقف يفتقد تماما للمهنية والمصداقية
|
Post: #25
Title: Re: يا قناة الجزيرة على الاقل ختونا فى الشريط الاخبارى
Author: GeerTor Tong
Date: 06-19-2012, 01:52 PM
Parent: #12
س :| Quote: الجاب سيرتم منو؟؟؟؟ |
ج: ود الباوقة.
كسرة: شكراً يا دالباوقة على المعلومات القيمة فليس هناك من يستطيع الإطلاع على ما تطرقت
لها من وسائل خاصة | Quote: صحيفة يدعوت احرنوت |
.ما لم نعرفه أأنت مراسل أم قارئ؟
تحياتي.
|
Post: #14
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 08:35 PM
Parent: #8
Quote: موقع قناة العربية :
"الشبيحة" تقمع مظاهرات خرجت تهتف ضد حكم البشير
مئات الطلاب خرجوا احتجاجاً على "حكم العسكر" وغلاء الأسعار وتدني الأجور
فيديو |
اخ فيصل سلامات و تحية
عليك الله ما بيوجعوا القلب
كلمة شبيحة ليست موجودة فى قاموس اللهجة السودانية
عرفوا يعبروا للثورة المصرية بالبلطجية
وللسورية بالشبيحة
لانهم كانوا وسط الناس و مغطين الاخبار
و بيلتقطوا ما تتفوه به الجماهير
لكن السودان لااااااع
يكفيهم ان يقتاتوا من النت
وعجبى
|
Post: #15
Title: Re: يا قناة الجزيرة على الاقل ختونا فى الشريط الاخبارى
Author: هيثم طه
Date: 06-18-2012, 09:06 PM
Parent: #14
بت المجمر سلامات
بالرغم من ما يقال عن اجندة القناة لكن دائما كنت قاعد اديها "الكرديت" علي الشغل بتاعها
في الاعلام عموما والثورات
لكن خيانتهم لحاجات السودان لا تغتفر و حقيقة في القلب غصة من الحقارة
وما شايف الحكاية في اساسها "حقارة عرب" لكن اجندة حكومات حقيرة زي خيانتهم في الثورة البحريبية
وما عارف هل البشير زاتو بعتبروه "عربي" ولة بفتكروه احسن من غيرو !
لكن برضو فشلنا في اقامة قناة تلفزيونية فشل غريب - حتي اذاعة
في الانترنت ما قادرين --ياخي مجرد (سوفت وير ) --
ياخي ما ممكن كدنتكار (الاذاعة النوبية ) تنقل للمعارضين احداثهم من عواصم الدنيا
حالتنا غريبة غايتو
|
Post: #16
Title: Re: يا قناة الجزيرة على الاقل ختونا فى الشريط الاخبارى
Author: الفاتح سليمان
Date: 06-18-2012, 09:22 PM
Parent: #15
سلامات سهام
اتفق تمام مع كلام هيثم وهشام عباس
عندي اقتراح صغير كدا واحد يجيب علم الجزيرة ويتحرق داخل جامعة الخرطوم كرمزية
للجبن بتاعهم عن تغطية احداث وظلم واقع علي كل السودان
وفي نفس الوقت يساندوا في الحكومة اعلاميا بشكل كبير
يجب حرق شعار الجزيرة كاقتراح في داخل جامعة الخرطوم مع تعليق واضح للسبب بانهم
مش بس ما عملوا تغطية لا هم ساندوا نظام القتل البشيري دا كتير جدا
سلام
|
Post: #18
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-18-2012, 09:55 PM
Parent: #16
الاخ صديق سلامات و تحيات
Quote: والله يا أستاذة سهام ما دام قطر قاعدة تشتري في السودان حتة حتة
الجزيرة ما حتجيب خبرنا الا خبر البشير يجي ! |
اليوم داك الا تجيبو نقلا من مصادر تانى
زى يدعوت احرنوت
وبالعدم ال CNN
_____________________________
العزيز هيثم
مافى اعلام محايد ... كده بالطبيعة
لكن فى إعلام مهنى محترف
يعنى مثلا مظاهرات تونس..مصر..ليبيا..اليمن اتغطت من اشارة البدء
حتى البحرين (المدعومة من دول مجلس الخليج وموقفهم من السلطة فيها واضح) اتغطت على استحياء
بس السودان تم تجاهلة بشكل تاااااام
تقول لى القصة ما عرب
والله عرب و نص
مع الاجندة بتاعة قطر تجاه السودان كانوا يحترموا ميثاقهم الجابتوا هدير الزين
المافى شنو؟؟؟
____________________________________
الاخ الفاتح سلامات
Quote: عندي اقتراح صغير كدا واحد يجيب علم الجزيرة ويتحرق داخل جامعة الخرطوم كرمزية
للجبن بتاعهم عن تغطية احداث وظلم واقع علي كل السودان
وفي نفس الوقت يساندوا في الحكومة اعلاميا بشكل كبير |
كلام والله
الواحد المغسة عايزة تشقوا
عارف ليه لانى كنت لا اشاهدغير عن قناة الجزيرة كنت ادافع عنها جدا
لدرجة انو مرة واحد من اولادى قال لى ياخ انت ما عندى شغلة غير القناة دى
كان موقفى انه مافى اعلام محايد زى ما قلت لهيثم فوق
لكن الجزيرة غطت احداث البحرين بشكل فيه بعض من التوفيق
ما بين اجندة قطر و مهنية الاعلام
لكن اقدر اقول سقط الان القناع... القصة عرب
|
Post: #19
Title: Re: يا قناة الجزيرة على الاقل ختونا فى الشريط الاخبارى
Author: عبد الواحد أبراهيم
Date: 06-19-2012, 02:46 AM
Parent: #17
Quote: هذه القناة بالذات سيكون للشعب السودانى وقفة معها
عقب سقوط النظام
هذه القناة احد اذرع النظام الطويلة
هذه القناة اجيرة وقذرة وواجبنا محاربتها
لا تعطوها شرف تغطية ثورتنا النظيفة |
القول ما قلت يا هشام عباس
|
Post: #20
Title: Re: يا قناة الجزيرة على الاقل ختونا فى الشريط الاخبارى
Author: د. ياسر عبد القادر
Date: 06-19-2012, 05:56 AM
Parent: #19
سلام يا سهام
عندي ملاحظة علي القناة دي وهي إنو فيها discrimination عجيب و خصوصا....تخيلي لدرجة إنو في مذيعين سودانيين...ما بنشوفهم إلا مابين الساعة 4 ص و 6 صباحا...لما يكونوا الناس نايمين يعني....جد والله
تحياتي
|
Post: #21
Title: Re: يا قناة الجزيرة على الاقل ختونا فى الشريط الاخبارى
Author: Siham Elmugammar
Date: 06-19-2012, 09:53 AM
Parent: #20
الاخ عاطف مكاوى شكرا للرابط
ليس لى انا اتحدث عن كفاءة الاستاذ المسلمى
ولكنى اتسال هل مكتب الجزيرة متقاعس عن واجبه نحو ما يحدث؟؟؟؟
أشك فى كده
ليه لانو العقل بيقول مكتب قناة ذى دى بكون بفتش على اخبار عشان
يعكس انو شغال
وتانى لا اعتقد انهم ينقصهم الذكاء ليتقاعسوا و يحجبوا حجب اخبار مهمة من القناة
لانهم قناة الجزيرة عندها جنود الانترنت
بيبقى المرجح ان قناة الجزيرة لاتود الخوض فى اخبار السودان.
and that is it
___________________________________
الاخ عبدالواحد مرحب بيك فى البوست
وانا اتفق مع هشام عباس فى السطر الاول
فقط ..فالموازنات صعبة وليس الكل قادر
ان يسبح عكس التيار
السياسة هى القذرة وليست القناة
_______________________________
الاخ د.ياسر عبدالقادر السلام والتحيات
Quote: سلام يا سهام
عندي ملاحظة علي القناة دي وهي إنو فيها discrimination عجيب و خصوصا....
تخيلي لدرجة إنو في مذيعين سودانيين...
ما بنشوفهم إلا مابين الساعة 4 ص و 6 صباحا...لما يكونوا الناس نايمين يعني....جد والله
|
يا عزيزى هو حال السودانيين مع الاعراب
خلو ناس الاعلام يجونا هنا بما يمتلكون من معلوما
وإحصاءات عن عدد المذيعين او المذيعات السودانيين
الشغالين فى القنوات الفضائية العربية
وعن مواعد ظهورهم
تشوف العجب
ده تمييز عنصرى ياأخى الكريم
|
Post: #22
Title: Re: يا قناة الجزيرة على الاقل ختونا فى الشريط الاخبارى
Author: مدثر صديق
Date: 06-19-2012, 10:29 AM
Parent: #21
الاخت سهام سلام
ارجوا ان تضعي نفسك في مكان مراسلى الجزيرة في السودان فستجدي حتى الان ان ارسال خبر عن المظاهرات حايكون خبر صغير جدا بالنسبة لمصر ووصول اول رئيس منتخب منذ عهد فرعون ....او سوريا الفيها موت بالجملة و معاهوا صور عديل كده ...و موت الامير نائف في دولةتنتج ما بين 10 مليون برميل الى 12 مليون في اليومقريب ربع الانتاج العالمى ........
حا يكون خبر السودان : مثلا مظاهرات في جامعة الخرطوم احتجاجا على زيادة اسعار المواصلات...
و اما ان تجيب خبر زي ما قالت قناة العربية : مظاهرات في شارع الستين و كوبر و الصبابي (جعلت مصداقيتهم على المحك) لا يوجد مثلا مظاهرات في شارع الستين ....
فاعتقد اننا في السودان زي مشجعين الكورة بالضبط عاوزين كل الامور تكون في صالحني فقط ....
|
Post: #23
Title: Re: يا قناة الجزيرة على الاقل ختونا فى الشريط الاخبارى
Author: rummana
Date: 06-19-2012, 10:35 AM
Parent: #21
أها ذاعوكم يا سهام بطلي نقة بلاي... :)
"ربع" الخبر شفته وأنا مارة بالصدفة من قدام التلفزيون قبل شوية!!
اقتراح للجميع بتوصية من إبني: اتفرجوا على قناة الجزيرة الانجليزية... بيثق فيها أكتر من القنوات الأجنبية!
على فكرة امكن أفضل ما نطلق أحكام "العنصرية" بدون أساس قوي... مش عثمان آي... ده ارتري؟ يعني حتى أفريقي غير عربي (حسب تصنيف جامعة الدول العربية). "العنصرية" ما منعت طلته المستمرة في القناة..
بعدين يا جماعة المظاهرات دي ما حتقود لثورة ضد الدولة لانه لازلت صغيرة.. حتى داخل البلد ما بسمعوا بيها ولا بشوفوها
الجزيرة بتنتظر لحد ما تشتد الامور وتصل مرحلة العديد من الشهداء في اليوم عشان ده بيتيح ليها فرصة "قيادة الثورة والمساهمة فيها".. كما حدث في الثورات السابقة...
مظاهرات السودان لسه ما استوت عشان تستلمها الجزيرة...
|
Post: #26
Title: Re: يا قناة الجزيرة على الاقل ختونا فى الشريط الاخبارى
Author: هيثم طه
Date: 06-19-2012, 01:55 PM
Parent: #24
| Quote: مظاهرات السودان لسه ما استوت عشان تستلمها الجزيرة... |
| Quote: ابني : اتفرجوا على قناة الجزيرة الانجليزية... بيثق فيها أكتر من القنوات الأجنبية! |
يا رمانة ولدك نصيحتو ما بنأباها !(والفيهو اتعرفت ) ! لكن "الخط التحريري" لقناة الجزيرة الانجليزية مستقل الي حد كبير عن الجزيرة العربية -
اضافة اختلاف الـ (audience ) المقصود -
و حضرت سمنارات لمؤسسات عالمية متخصصة في الميديا عن انو كيف الجزيرة الانجليزية في زمن وجيز فاتت
المؤسسات الاعلامية الضخمة زي البي بي سي والس ان ان في طريقةـ (story telling)
-
واصلا الجزيرة العربية ما دايرينها كناقل للخبر لكن تغطية كاملة زي ما عملوا في حتات كتيرة
--
اما حتة المظاهرات لسة - دي ما عندها علاقة بالتغطية - شفتي لامن بدت الثورة السورية يمكن ما
كان في زول سمع بدرعة
يعني الموضوع قرار اداري من فوق - ! هل دايرين يغطوا الثورة ديك وألا لا !
في الثورة السورية قناة الجزيرة بقت تمشي تجيب الفيديوهات من مواقع الناس في الفيسبوك و خاتاها طول اليوم عشان تدي الناس احساس انو الثورة مستمرة و تسمي ليك الثورة باسم ظريف كدة ! (االثورة مستمرة ) -(الناس في الساحات )
زي ما قطعت ليها اسم لكل ثورة !!
- ودا عندو اثر كبير في الاحساس المشترك بتاع الناس وتقويتهم
في الاحداث الفاتت في السودان طلعت مظاهرات في اكتر من 15 حتة -ولو كانوا جابوا الاحداث
دي في وقت واحد والناس حست انو كل الناس طالعين - اي زول بطلع ------ الاعلام في النهاية بيصنع الثورة !!
مرات في السودان بتكون في مظاهرة في كوبر و ناس بحري التانين بكونوا ما سامعين !
في الثورة البحريبية بعد ما الجزيرة كانت مغطية علي اكمل وجه بعد تدخل السعودية والامريكان
بخطورة الموقف و انو الشيعة ح يمسكوا السلطة
والشيعة ح يهددوا المنطقة الخليجية كلها و ممكن تأثر حتي في انقلاب في قطر -
قامت الجزيرة خلال 24 ساعة قطعت تماما اخبار الثورة
لدرجة الناس افتكرت انو الثورة انطفأت !
لكن الجزيرة الانجليزية مواصلة عادي في التغطية !
-
اما حتة المهنية بتجي بعد القرار الاداري من فوق ! يعني شكليا ممكن يكونوا مهنيين - و بجيبوا كلام
الثوار وفيديوهاتهم و كلام المسؤولين - و مختلف وجهات النظر مع خط تحريري مقصود !
ولامن يكونوا دايرين يغطوا ما بعدموا فيديوهات اصلو ! ما يقولوا ليك المراسل مشي وما لقي حاجة ! كضابين
مافي مراسل بتاع جزيرة مشي سوريا لكن مغطينها احسن تغطية !
---
تعرفي في احداث 30 يناير نحن مجموعة بتاعت شباب اتصلنا بناس في الجزيرة بصورة غير رسمية وقدمنا احتجاج --
اتخيلي قالوا لي الموضوع دا مافي يدنا !!
---
بالمناسبة يا ابوالريش موقع الجزيرة في النت و خاصة (المعرفة ) مستقل الي حد كبير
عن الخط التحريري بتاع القناة و سمعت انو المدير سوداني
ياخي باقة الجزيرة دي امبراطورية سيستمها عجيب !
تحياتي
|
|
