Post: #1
Title: يا كيزان
Author: Siham Elmugammar
Date: 05-07-2012, 09:34 AM
Parent: #0
السلام على الجميع و رحمة الله و تعالى و بركاته وبرضو للضمان كده السلام على من إتبع الهدى
اسؤال بتقدموا للوترى ليه؟؟؟؟؟
_________________________________
الى من يمر هنا من المتابعين لبوست يا شيوعيين حصلت مشكلة
تقنية فى البوست ده غير مشكلتو التانية المعروفه لديكم 
تعالو بى جاى الى حين
|
Post: #2
Title: Re: يا كيزان
Author: abubakr salih
Date: 05-07-2012, 09:37 AM
Parent: #1
ياخ دى جهجهة بطالة
البوست التانى شغال انا قبل شوية كتبت فيهو.
|
Post: #3
Title: Re: يا كيزان
Author: النذير حجازي
Date: 05-07-2012, 10:04 AM
Parent: #2
سلام يا سهام،
إنتظري دينق يجيب ليك القائمة بتاعت
كيزان البورد الذين يقدمون للوتري
|
Post: #4
Title: Re: يا كيزان
Author: بشير أحمد
Date: 05-07-2012, 10:10 AM
Parent: #3
لم ولن أقدم لللوتري
والله لو في قائمة للجماعة ديل يكون احسن.
__________
تحياتي؛؛؛
|
Post: #5
Title: Re: يا كيزان
Author: معاوية عبيد الصائم
Date: 05-07-2012, 10:29 AM
Parent: #4
من حق الكوز الافرنجى ان يتقدم ويقدم والقدم ليهو رافع
اقترح من (الاشقاء ) فى طالبان عمل (لوترى) جهادى ..
معاى ود عمتى كوز ممكن يشارك
|
Post: #6
Title: Re: يا كيزان
Author: Siham Elmugammar
Date: 05-07-2012, 01:47 PM
Parent: #5
Quote: ياخ دى جهجهة بطالة
البوست التانى شغال انا قبل شوية كتبت فيهو. |
ابوبكر سلام
صدق طلعت ساقطة تقنيا
اول ما استخدمت براوزر تانى قدرت ادخل و اشوف
|
Post: #7
Title: Re: يا كيزان
Author: Siham Elmugammar
Date: 05-07-2012, 02:59 PM
Parent: #6
Quote: إنتظري دينق يجيب ليك القائمة بتاعت
كيزان البورد الذين يقدمون للوتري |
النذير سلامات و تحية
صحى لينا دينق ده يعمل ابديت للستة و ينزلها لينا
عشان اخونا بشير ده مغروض فيها
بس انا خايفة يشكك فى المصدر
قول لدينق عدونا من الجنوب
يكرب شغله
سلامات يا بشير
كويس عرفنا موقفك
بس منتظرين الناس القدمت
يجونا بى جاى
|
Post: #8
Title: Re: يا كيزان
Author: Siham Elmugammar
Date: 05-07-2012, 03:15 PM
Parent: #6
Quote: من حق الكوز الافرنجى ان يتقدم ويقدم والقدم ليهو رافع
اقترح من (الاشقاء ) فى طالبان عمل (لوترى) جهادى ..
معاى ود عمتى كوز ممكن يشارك |
سلامات يا معاوية
بلا و دعمتى
اركز بس
لا بالجد ليه الكيزان بقدموا للوترى ؟؟؟؟؟
|
Post: #9
Title: Re: يا كيزان
Author: د.نجاة محمود
Date: 05-07-2012, 05:02 PM
Parent: #8
السؤال الصحيح ليه الشيوعين بيمشوا امريكا وما بمشوا روسيا ولا كوبا؟؟!!!
الكيزان ديل قاعدين في امريكا لما الناس بتخشها بالشهادات
وفي النهاية امريكا دولة راسمالية وما اشتراكية.
ولذلك استغرب لناس دوان داون بو اس ايه قاعدين وعاملين اسياد بلد كمان
|
Post: #10
Title: Re: يا كيزان
Author: Siham Elmugammar
Date: 05-07-2012, 05:23 PM
Parent: #9
لازال السؤال قائما
ليه بتقدموا للوترى يا كيزان ؟؟؟؟
معقولة بس دولة الدبل استاندرد
دولة الاستكبار العالمى وفى تفسير لاحد الشيوخ هى عاد الثانية
بعدين ما بتخافوا على نفسكم امريكا دى الله مسلط عيها عقاب من عنده
فى شكل ترنيدوز قوية شديد
ثم ثانين مش برضو دنا عذابها
والا عذابها اهون من عذاب دولة الطهر
و الانجازات
القصة شنو؟ بالجد ما تبخلوا علينا بالمعرفة
|
Post: #11
Title: Re: يا كيزان
Author: هيثم طه
Date: 05-07-2012, 05:34 PM
Parent: #10
شكلنا ح نستمتع بسلسلة (يا) !
لكن بصراحة شايفو ما بعمق المجموعة الاولي من السيكويل !
غايتو عندك فرصة تختاري ثيمة جديدة !
مع وضع الاعتبار انو الخستكة (بالروح) غير الخستكة (بالاخر) !
لكن ما تحبطي عماقة التجليات مرات كدة و مرات كدة
اتوقع سلسلة (يا ناس حق ) ح تكون عميقة وبالذات مع العودة القوية للفرنسي قيقا
--
دكتورة نجاة مش سؤالك(الصحيح ) دا حقو يكون في البوست التاني !!
|
Post: #12
Title: Re: يا كيزان
Author: Siham Elmugammar
Date: 05-07-2012, 06:29 PM
Parent: #11
اولن
Quote: شكلنا ح نستمتع بسلسلة (يا) !
لكن بصراحة شايفو ما بعمق المجموعة الاولي من السيكويل !
غايتو عندك فرصة تختاري ثيمة جديدة !
مع وضع الاعتبار انو الخستكة (بالروح) غير الخستكة (بالاخر) !
|
يا هيثم ساى اوعك تجيب لى كلام مثقفين فى بوستاتى
ثانين
Quote:
مع وضع الاعتبار انو الخستكة (بالروح) غير الخستكة (بالاخر) !
|
الناس هنا عايشة بالخستكة باليتر للخروج من خستكت الفيرست
ثالثن
| Quote: لكن ما تحبطي عماقة التجليات مرات كدة و مرات كدة |
انا اناضل هنا للحصول من بروف امين على لقب ساى استحقاقا
فما تجلى بى
رابعن
الواحد داير يكون واقف فى مكان غير زلق ياخ
يطايب الناس و يسالمهم كلام اخرة ولوجه الله تعالى
ويخت شخيت و يقيف بعيد
خوفا من الردة التى لامحالة حاصلة
وكان طارت عنزة
انت يا هيثم قايل الناس دى بتقع فى البؤر اللانت يورسلف بتكتب عنها والان
حماقة ...ابدا القصة فيها اكتر من كده
ياخ الواحد يجيك لابس بنطلون ابيض و قميص كذلك
ويقيف ليك فى القيفة عامل فيها بتأمل فى طبيعة الاشياء
زنننن يلقى روحو جوة الغريق ويمرق لابس بنى غااااامق
ده كان ما لقى روحو جو كمينة
يا زول نحن ناس بعيد بعيد
لانو اى حركة يقول ليك بس جاء يعمل شنو كده
قام زننننننن اتزلق
نبقى فى جنس ده
اخير المطايبة على المستوى الانسانى وما كسر رقبة
ان تلتف الاغصان متشابكة لهذا المكان حول اعناقنا
ونحن عارفين انو كل واحد فينا طريقتو
ح تكون خلف خلاف التانى
فالنكتفى بما سطره القدر لنا
______________
حواشى:
الترقيم على ذكر البعاتى قيقراوى
وخلف خلاف على ذكر عادل امام بلاى تتذكر المسرحية دى
اوع تقول لى مواليد التمانينات بزعل منك هاا
|
Post: #13
Title: Re: يا كيزان
Author: Siham Elmugammar
Date: 05-08-2012, 09:19 AM
Parent: #12
قلتو شنو؟؟؟
والا ما فاضين هسه قاعدين تستغفروا
بتقدموا للوترى لى
يا جماعة كان فى شى جاى بلاهى كلمونا
نحن اولى بالتخارج منكم
اللوترى ما ضرب معانا نشوف لينا مخارجة سريعة تانية
ارض الله واسعة
|
Post: #14
Title: Re: يا كيزان
Author: Hussein Mallasi
Date: 05-08-2012, 09:32 AM
Parent: #13
لم يعد هنالك كيزان فقد ذابوا في مؤتمر وطني!
|
Post: #15
Title: Re: يا كيزان
Author: Siham Elmugammar
Date: 05-08-2012, 10:32 AM
Parent: #14
| Quote: لم يعد هنالك كيزان فقد ذابوا في مؤتمر وطني! |
يا ملاسى
وانا اقوووول الدنيا بقت خلا مالها 
|
Post: #16
Title: Re: يا كيزان
Author: Kamal Karrar
Date: 05-08-2012, 12:39 PM
الليلة حركة يمين.. وأمبارح يسار...
ما جننتي بوليس الحركة جن...
تحياتي
|
Post: #17
Title: Re: يا كيزان
Author: محمد فرح
Date: 05-08-2012, 12:55 PM
Parent: #16
مافيها حاجه
يمشوا يتعلموا هناك علم نافع ويستفيدوا من التجربة
بعدين أول خطوة لهزيمة عدوك هي إتقان معرفته
|
Post: #18
Title: Re: يا كيزان
Author: Siham Elmugammar
Date: 05-08-2012, 02:07 PM
Parent: #17
Quote: الليلة حركة يمين.. وأمبارح يسار...
ما جننتي بوليس الحركة جن...
تحياتي |
سلامات يا كمال
انا زاتى زغللت
بس اقول شنو؟؟؟ فهكذا تنبأ هيثم طه
|
Post: #19
Title: Re: يا كيزان
Author: النذير حجازي
Date: 05-08-2012, 02:19 PM
Parent: #18
اقبضي يا سهام جاك كبيرهم الذي علمهم السحر
محمد فرج دا كوز كبير أكبر من محمد حامد جمعة
ويا محمد فرح بالله دا حنكم؟!
موش كنتوا بتقولوا:
يا أمريكا أختينا
يا أمريكا أختينا
قمحنا كتير وبكفينا؟!
وبرضو بتقولوا:
الطاغية الأمريكان ليكم
تسلحنا
بي قول الله والرسول ليكم
تسلحنا
ولن نذل ولن نهان ولن نطيع الأمريكان
ليكم تسلحنا
برضو في المظاهرات بقولوا
يا أمريكا لمي جدادك!
|
Post: #20
Title: Re: يا كيزان
Author: Deng
Date: 05-08-2012, 03:33 PM
Parent: #19
Quote: لازال السؤال قائما
ليه بتقدموا للوترى يا كيزان ؟؟؟؟
معقولة بس دولة الدبل استاندرد
دولة الاستكبار العالمى وفى تفسير لاحد الشيوخ هى عاد الثانية
بعدين ما بتخافوا على نفسكم امريكا دى الله مسلط عيها عقاب من عنده
فى شكل ترنيدوز قوية شديد
ثم ثانين مش برضو دنا عذابها
والا عذابها اهون من عذاب دولة الطهر
و الانجازات
القصة شنو؟ بالجد ما تبخلوا علينا بالمعرفة |
الأخت سهام.
أول حاجة الكيزان لا اخلاق ولا دين لهم. وشعاراتهم التي يشتمون فيها أمريكا دي الغرض منها أستغلال البسطاء والجهلاء من الشعب السوداني أمثال ناس ود الباوقة،محمد فرح،بشير أحمد...ألخ
أما موضوع أمريكا ده فهم لديهم معها غرام من زمان، ولقد درس في أمريكا عدد كبير من قياداتهم فيها وبعضهم مازلوا يحملون جنسيتها أو الإقامة الدائمة فيها. وأبنائهم وبناتهم مازالو يدرسون ويعيشون فيها. أما القائمة بأسماء كيزان البورد الذين يسعون الهجرة الى امريكا عن طريق اللوتري فهي موجودة في بوستات التفديم للوتري. وتلك القائمة تحتوي أيضا على أخرين يحملون حقد وكره على اي حاجة امريكية.
|
Post: #23
Title: Re: يا كيزان
Author: Siham Elmugammar
Date: 05-09-2012, 06:20 AM
Parent: #22
الاخ محمد فرح سلامات ياخ و تحياتى قلت لى
Quote: مافيها حاجه
يمشوا يتعلموا هناك علم نافع ويستفيدوا من التجربة
بعدين أول خطوة لهزيمة عدوك هي إتقان معرفته |
الصفة بتاعت نافع دى يا ريت تحولها لى مفيد او اى حاجة
لانو بصراحة ضغطى برتفع لما اسمعها
اها نفس الكلام ده ممكن يقولوه الشيوعيين
يعنى اقول ليك واحد شيوعى مشى امريكا
كأول خطوة لدك معاقل الرأسمالية
كان كدى طيب
مؤونة مئة عام من الهداية
____________________________________
Quote: اقبضي يا سهام جاك كبيرهم الذي علمهم السحر
محمد فرج دا كوز كبير أكبر من محمد حامد جمعة
|
النذير ما تبالغ
ما للدرجة دى ياخ
هسه محمد فرح ده ذنبو شنو تجيب ليهو
مؤنة كم كده من طابور التمام
الرتب عند الناس دى ما ساااااى كدى
عشان تجى تجوبكها ليهم فى مداخلة (وش عامل حاجة!!!)
محمد جمعة قمندان كبييير
يا زول ده ظالم روحو بصورة البروفايل بتاعو
والله صحى
بالجد يا النذير تابع بوستات م ح ج ما ضرورى تقرا البوست كامل
شيل النجيضة وامرق
فى اى وقت الزول ده ادفر باب المنبر طوالى تعرف فى حاجة ما هينة
و م ح ج بتعامل مع التبعات
بوستات الكتابة الادبية برضو جميلة
بس زر الرماد فى العيون ما كويس ياخ
لووووووووووووول عاد
____________________________
الاخ دينق سلامات
سمعنا قالوا عندك لسته جاهزة ينوبك ثواب تجيبها بى جاى
يمكن الناس دى تجى تدينا النجيضة ..
بالجد يعنى ليه بقدموا للوترى ناقصهم شنو؟؟
او شايفين الجاى شنو؟
دايرين من بدرى يشتتوا والا كيف؟؟
والا هم زيهم و زى اى سودانى حايم فى البلد دى
يسأل الله ان يفتح الله باب فى الارض الواسعة
عشان يقدر يعيش اسرته بكرامة
|
Post: #24
Title: Re: يا كيزان
Author: احمد التجانى احمد
Date: 05-09-2012, 08:13 AM
Parent: #23
حاجة سهام سلامات
ما شاء الله شايف اللياقة عالية وداخلة بيها ماتشات كبيرة
من امس شغال مذاكرة فى سلسلة (يا) حق الشيوعيين
الله يعوضك فيه انحرف عن المسار وما اظنه يتعدل
بعد الالغام الاتزرعت فيه ,
موضوع مسببات ودواعى الهجرة الى ديار لا تتوافق مع
ايدلوجيات المهاجر اصبح الفيصل فيها اكل العيش ياتى اولا
وثانيا وثالثا كمان , دلوى فى الموضوع دة ح يكون عن البلد الانا قاعد فيها
ما ح اتطاول على امريكا لانى ما شفتها وبنصح اى زول ما يفتى ابدا فى حاجة
على السمع بس زى ما بقولوا اليابانيين 場所に移動し、あなた自身の目で見
لذلك كلامى ح يكون عن الناس العندهم ايدلوجيات تتقاطع مع السعودية متحير جدا (كنت , قبل ما اوصل لقناعة اكل العيش)
من الفئات الاتية العايشة فى السعودية ولا يوجد بينهم وبينها حد ادنى من تقارب الافكار
1- الصوفيين (ناس المديح والقبب والمولد النبوى ... الخ)
2- الشيوعيين والاشتراكيين
3- غير المسلمين
4- اللا دينيين او الملحدين (هشام ادم مثالا)
5- ناس حقوق المراة وكدة
فى مجموعة كبيرة جدا من الناس (اعضاء فى البورد) كملوا قعدتهم واكل عيشم فى السعودية واول ما اتخارجوا منها
بقوا يردموا بالفيها والمافيها ودة نفاق كبير او بالميت نكران لبلاد اجزلت العطاء لكل من وطى ارضها وقد يكون بعضهم ليسوا
بالتاهيل المناسب الذى يؤهلهم لجنى الاموال والعيش الرقيد , الشهر الفات كنت فى فرنسا مع امير اخوى تحديدا فى ليون
والتى اصبحت مدينة مطموسة الهوية من تاثير المهاجرين من الثقافات الاخرى وخصوصا الجاليات العربية
ذهلت لمنظر السلفيين والذين يصرون على ارتداء الجلباب القصير واطلاق اللحى الطويلة فى دولة علمانية
تعاقب النساء بالقانون ان ارتدين النقاب , لا اجد اى مبرر لان ينمط الانسان نفسه شكليا وخصوصا اذا كان هذا الشكل
ليس مقبولا فى المحيط الذى يعيش به
* نميرى زمان اجتمع بالضباط الاداريين عشان يسالهم ليييه ما فيهم زول اغترب دونا عن كل الموظفين
|
Post: #25
Title: Re: يا كيزان
Author: Siham Elmugammar
Date: 05-09-2012, 04:22 PM
Parent: #24
اوووو ولدنا الباش هندسة أحمد التجانى
سلامات كتيرة ليك ولاسرتك الصغيرة والكبيرة والتحايا العطرات اى والله
Quote: ذلك كلامى ح يكون عن الناس العندهم ايدلوجيات تتقاطع مع السعودية متحير جدا (كنت , قبل ما اوصل لقناعة اكل العيش)
من الفئات الاتية العايشة فى السعودية ولا يوجد بينهم وبينها حد ادنى من تقارب الافكار
1- الصوفيين (ناس المديح والقبب والمولد النبوى ... الخ)
2- الشيوعيين والاشتراكيين
3- غير المسلمين
4- اللا دينيين او الملحدين (هشام ادم مثالا)
5- ناس حقوق المراة وكدة |
يا احمد زى ما انت قلت اكل العيش
و هو حق اساسى فى الدنيا دى
وارض الله واسعة
ربنا زاتو اباح لانو عارف انو اكل العيش حااار
عمر رضى الله عنه وقف الحدود فى المجاعة
عرفت كيف...
لانو الجعان بمشى يفتش فى اى حتة عشان ياكل ويأكل معاهو اسرتو
قبل كم يوم فى واحد قال لى بقى فى سوق اسمو سوق الكوشة
الناس بتشيل من بواقى الاكل البطلعوا الناس فى وساختهم
حسيت انو لو الكلام ده حقيقة
نحن بنكون بقينا ######انين شديد
يا احمد وبقت ثقوب ارواحنا تتقيح و تطلع العفن
|
Post: #26
Title: Re: يا كيزان
Author: هيثم طه
Date: 05-09-2012, 04:47 PM
Parent: #25
Quote: رابعن
الواحد داير يكون واقف فى مكان غير زلق ياخ
يطايب الناس و يسالمهم كلام اخرة ولوجه الله تعالى
ويخت شخيت و يقيف بعيد
خوفا من الردة التى لامحالة حاصلة
وكان طارت عنزة
انت يا هيثم قايل الناس دى بتقع فى البؤر اللانت يورسلف بتكتب عنها والان
حماقة ...ابدا القصة فيها اكتر من كده
ياخ الواحد يجيك لابس بنطلون ابيض و قميص كذلك
ويقيف ليك فى القيفة عامل فيها بتأمل فى طبيعة الاشياء
زنننن يلقى روحو جوة الغريق ويمرق لابس بنى غااااامق
ده كان ما لقى روحو جو كمينة
يا زول نحن ناس بعيد بعيد
لانو اى حركة يقول ليك بس جاء يعمل شنو كده
قام زننننننن اتزلق
نبقى فى جنس ده
اخير المطايبة على المستوى الانسانى وما كسر رقبة
ان تلتف الاغصان متشابكة لهذا المكان حول اعناقنا
ونحن عارفين انو كل واحد فينا طريقتو
ح تكون خلف خلاف التانى
فالنكتفى بما سطره القدر لنا
|
غايتو في (رابعن) دي شكلك عملتي مداخلتي كبري ساي و اتفشيتي من قهر الدنيا !
طيب أقلو قولي شكرا لمن جعل هذا ممكنا !
غايتو جنس نكران !
لكن السؤال البطرح نفسو و بطرح غيرو : ليه الامريكان اصلا طارحين اللوتري !
|
Post: #27
Title: Re: يا كيزان
Author: Siham Elmugammar
Date: 05-09-2012, 09:29 PM
Parent: #26
| Quote: طيب أقلو قولي شكرا لمن جعل هذا ممكنا ! |
والله صحى
ياخ شكرا شديد جدا لمن جعل هذا ممكنا
امانه ما كنت مجمهجة .. 
اهم حاجة يا هيثم ساى
وبكل صدق كلامى ده ما يتفهم ردة عن المطايبة الانسانية
بقدر ما هو احترام للاختلاف الذى لا علاج له
والمقصود كله لجم نفسى الامارة بالسوء
و البقاء بعيدا عن الانزلاق
الدنيا علمتنا ان نحرص على عدم هدر طاقات الاخرين
واذا كنا عارفين النهاية خطرة نجاهد انفسنا الا نبدأ
و لو بخطوة
الانتصارات الشخصية اصلو ما حبابها
والتشبث بالرأى البخلى لسان حالك دوما
"كان طااااارت عنزة"
برضو ما حبابة
احترماتى لكل من مر هنا
انا على سفر وكان حيينا ما ماتنا
بنواصل
___________________________
هيثم يا ولدى اهىء اهىء اهىء
بوستاتى سلسلة "يا" فى ذمتك
لو ربنا رفعت كفوفى ليهو
يرجعنى طيبة وسالمة و مجبورة خاطر
نفتح بوست :
يا امريكان
اللوترى ده اصلا طارحينو لشنو؟؟
|
Post: #28
Title: Re: يا كيزان
Author: خالد العبيد
Date: 05-10-2012, 01:29 AM
Parent: #27
سلام يا سهام
بالفعل زي ما قال دينق
الكيزان كذابين وماعندهم اخلاق ولا دين
شوف عينيا الاتنين
وكمان سمع ...
كوز هنا في استراليا دي
شغال Security
حرسوه حفلة بتاعت Homo
كلهم اولاد !!
يضحك معاهم ويقرقر
في الصباح .. شال قروشو وكسح
|
|