نور عينى و نور حياتى اقول شنو؟؟؟؟

رحلت عنى و انا اعلم انها لاتقوى على البعد عنى و كأنها هى امى
خلت جوفى محروق و حشاى فارغ كفؤاد ام موسى
وحيدتى الشوية الحلوة اللذيذه صحبتى
ما كانت بتى كانت صاحبتى
لو شفتو ونستنا و هزارنا وراقادنا جنب بعض
يا ماما البنات فى المدرسه حكيت ليهم ونستنا قالو لى مستحيل تكونى بتتكلمة مع امك كده
اغيظها اقول ليها طبعا قالو ليك امك اظرف والذ منك
يامااااماااا بطلى مافى زول بشكر روحو
يا ماما البنات فى المدرسه لمن قلت ليهم بابا قال كاثرين زيتا جونز قرض
محمد قال ليهو يا بابا بكلم ليك ماما لم تجى قام بابا قال لى عليك
الله ياديدى قرض ولا ما قرض قلت طبعا قرض و قلت لى محمد كلم ماما يعنى شنو
هى ما بتقدر تقول حاجة غير انو كلامنا صاح
ما تصدقى يا ماما البنات اتخلعو كيف وقالو لى معقول ابوكم بتكلم معاكم كده
لما حكت لى ناديت مجتبى بصوت عالى وقلت ليهو give me five we are cool parents
ضحكت حبيبتى شديد شديد ضحكتها الحلوة فى منظرنا انا وابوها
لما قال لى I'll give you two
كانت بت مميزة كل ام ببتها معجبة
وانا ا قول مرات دى عينى انا داااتى امها دى
لانها كانت عاجبانى شديد و كنت بتعوجب بيها
اتحدى اى زول يفتح معاها موضوع ما تعرف تتكلم فيهو
او تمشى و تجيك بعد شوية تقول ليك انا فكرت فى كلامك يا ماما
ولقيت كده و كده
كانت قراية قراية بتذكرنى بايامى زمان نفس الحركات
وكأنها شالتها منى كلها لانى بقيت ما بقرا
ابوها لما يسافر عاااادى بكون عندها لستها طويله بتاعت كتب
اخر مرة كتبها والله جات فى شنطة براها
ولسه عندها كتاب عند هيام طان مفروض ترسلو ليها مع اى زول جاى
صدقو لما روحها حرقت للكتاب قال لى يا ماما ما تقولى لى خالتو ترسلو
با دى اتش ال قلت ليها يا بت هو بخليك تقريهو منو انتى داخله امتحانات
جامعه مافى كلام زى ده شيلى الصبر
الصبر الابى يربط على قلبى هسه
كانت لذيذه مضحكة المدهش هسه صاحباتها لم يتذكروها طوالى بيضحكو
لانو مواقفها كلها حلوة معاهم وهم بيقولو لى يا خالتو نحن متأكدين انها
in a better place مافى شك ان الله رحيم بيها و انو يعلم انو قلبها كان طيب طيب
و كانت حنينة وعاطفية لابعد الحدود
ربنا ربنا عالم بى دواخلها كم كانت نقية
زى ما بقول ابوها كانت الاشارات كتيرة لكننا لم ننتبه انا مفارقه
منو البنتبه انو جنى بطنو مفارق
الدنيا زايله يا حبيبتى يا بت بطنى يا وناستى
من ادخل البيت مااااامااااااا ما شفتى الحصل شنو فى المدرسه
وتبدا تدور قصه و ضحك و قصه ورا قصه لما اجى ادخل على الحمام
اقوم اخت ليها يدى فى صدرها اوقفها اقول ليها دا الحمام تحبى تدخلى معاى
تقولى مااامااا This is rude
اقول ليكم شنو عن وعيها و عن طريقتها فى التفكير بس احكى شنو والاشنو

اخير اقيف

البوست ده كان كفترض يكون للشكر لوقفتكم وتعازيكم
لحضوركم الشخصى والاسفيرى و لمكالمتكم

سهام

ربنا معاك ومزيدا من الصبر يا اختى مزيدا من الصبر

بالتأكيد ياسهام فقدك كبير ومصيبتك أكبر
أسأل الله أن يصبرك ويعوضك عنها أنوار وأنوار .
أكرر حار التعازى ليك ولمجتبى .

إنا لله وإنا إليه راجعون
الصبر يا سهام .. وربنا يعوضكم

سهام
لمن كلمتني صديقتي سهير بالفاجعة دي قلت ليها واحر قلبي على سهام
لم استطع ان ادخل بوستات التعازي ونقلت رقم تلفونك على امل ان اتصل بك شخصيا وهيهات
ما قدرت ادير الرقم وكل يوم اقول انتظر يوم يومين .

اليوم بكيت وأنا أقرأ كلماتك
ما في كلمات ممكن تتقال ولا شي يخفف مثل هذا الالم .
فقط اريدك ان تعرفي ان قلبي معك ومع كل الاسرة ومع روح الفقيدة الجميلة.

تصبري يا صديقة ان كان هناك صبر.

Quote: البوست ده كان كفترض يكون للشكر لوقفتكم وتعازيكم

ما عايزين شكر والله يا سهام
البركة فيكم وربنا يجبر كسركم
ويجعلها آخر أحزانكم وآلامكم
يشهد الله يا سهام تألمت لفقدكم الكبير من قلبي
وزوجتي قرأت بوستك الأخير وليها إسبوع مصدعة ومدمعة
وحاولنا الإتصال مرارآ بكم لكن التلفون كان مغلق
لكن توجهنا بالدعوات الصادقات لها ولكم
وتأكدي أنها بين يدي أرحم الراحمين

مافي كلام ممكن اعزيك بيهو يا سهام .. نفسي اقالدك بس

الله يرحمها و يغفر ليها و يديك الصبر و السكينة و يعوض صبرك خير

أول مرة تغلبني الكتابة و الكلام.




_____
لا حول و لا قوة إلا بالله.

أنا ما شفتها,,

شفتك انتي أمّها,, وقادره أتخيل بت انتي أمّها كانت كيف ,,

ربنا يصبرك ,,

البركة فيكم يا سهام ..وربنا يصبركم ..
ويعوضها شبابها ..بالجنة يارب ..
وحاولوا ما تعيدوا الزكريات كتير ..لأنها بتعذبكم ..

رغم عن اني سعيت للحصول علي رقم هاتفك اختي سهام الا اني عجزت تماما عن الاتصال فلم ادر بما اواسيك او اواسي نفسي , والان لا اجد ما اكتبه لك هنا

صبرا سهام صبرا جميلا والله المستعان

احسن الله عزائكم وجمعكم بها في جنات عدن

سهام/مجتبى
قد اصابني من الحزن ما اصابكم فلاتيأسو والله يسمع دعائكم
يا رب ألق على النفوس المضطربة سكينة وأثبها فتحا قريبا
الصبر مر ولكن فية شفاء
أحسن الله عزاءكم في مصابكم، إنا لله وإنا إليه راجعون

الفاتح

مافى كلمة ممكن تكون بحجم الفقد شان نعزيك بيها

الله يصبركم,,,الله يصبركم,,,

ده والله الما تحتملو حتى الجبال..
،
أحر التعازي
وقلوبنا معاكم لو كانت تنفع..

أنا برضو ماعارف الممكن يتقال هسي شنو يا سهام
غير انو ربنا يلزمك ومجتبي جميل الصبر
قريت قبل يومين كتابة هنا يقيني انها كانت عظيمة
وواعية ومسؤولة . مستقبل ضخم كان بإنتظارها
لكنها الأقدار .
تماسككم المعهود هو المطلوب سهام
قلبي معكم

ياسهام

غلبتنى دموعى وغلبتنى الكتابة



خااااااالص العزاء وتمنيات بالصبر الجميل, وربنا يدخل غادة اعالى الجنان.

Quote: الدنيا زايله يا حبيبتى يا بت بطنى يا وناستى

لا حول و لا قوة إلا بالله

ربنا يصبرك

الأخت الكريمة سهام المجمر

انا لله وانا اليه راجعون

قال رسول الله صلى الله عليه وسلم : إذا قبضت الملائكة ولد العبد سألهم المولى: قبضمتم ولد عبدي ؟، قالوا: نعم، فيعيد السؤال : قبضتم فلذة كبده؟! فيقولون: نعم، فيسأل سبحانه: فماذا قال عبدي؟ فيقولون حمدك واسترجع، فيقول لهم ابنوا لعبدي بيتا في الجنة وسموه بيت الحمد.

من كتابتك عن نور عينك وفلذة كبكد أرجو أن تكوني من الصابرات الحامدات وأن يجمعك بها المولى في بيت الحمد الذي اعده لك.
تجربتي الشخصية عكس تجارب أهلنا الذين يؤمنون بان النسيان أفضل ، بالعكس بعد وفاة ابني الاكبر ملأت صوره جدران منزلي واسترجعنا كل لحظة من حياته القصيرة وحمدنا عليها الله ، وأدركنا كم كنا محظوظين بهذه المنحة والهبة الآلهية فصارت علاقتنا بابنائنا بعد ذلك مختلفة إلى حد كبير.
وصية خاصة اعتني بوالد غادة خاصة في الفترة الاولى.
ابنتك ذهبت إلى بارئها على فطرتها التي فطرها عليها فهي عنده مع الفتيات والغلمان في خير صحبة ، أسال المولى أن يلهمك الصبر الجميل ، وحسن التواصل مع خالقها لأنه كلما رقت وسمت علاقتك به كلما صار جسر التواصل بينك وبين ابنتك سالكا .

وإنا لله وإنا إليه راجعون

قولي الحمدلله
وبشارة من الخالق سبحانه وتعالى: ( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَاب)

وبشارة عظيمة من نبينا محمد صلى الله عليه وسلم:
عنْ أَبِي سِنَانٍ قَالَ دَفَنْتُ ابْنِي سِنَانًا وَأَبُو طَلْحَةَ الْخَوْلانِيُّ جَالِسٌ عَلَى شَفِيرِ الْقَبْرِ فَلَمَّا أَرَدْتُ الْخُرُوجَ أَخَذَ بِيَدِي فَقَالَ أَلا أُبَشِّرُكَ يَا أَبَا سِنَانٍ قُلْتُ بَلَى فَقَالَ حَدَّثَنِي الضَّحَّاكُ بْنُ عَبْدِ الرَّحْمَنِ بْنِ عَرْزَبٍ عَنْ أَبِي مُوسَى الأَشْعَرِيِّ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : " إِذَا مَاتَ وَلَدُ الْعَبْدِ قَالَ اللَّهُ لِمَلائِكَتِهِ قَبَضْتُمْ وَلَدَ عَبْدِي فَيَقُولُونَ نَعَمْ فَيَقُولُ قَبَضْتُمْ ثَمَرَةَ فُؤَادِهِ فَيَقُولُونَ نَعَمْ فَيَقُولُ مَاذَا قَالَ عَبْدِي فَيَقُولُونَ حَمِدَكَ وَاسْتَرْجَعَ فَيَقُولُ اللَّهُ : " ابْنُوا لِعَبْدِي بَيْتًا فِي الْجَنَّةِ وَسَمُّوهُ بَيْتَ الْحَمْدِ "


ربنا يعوضك يا أختي ، ويجمعك ان شاءالله في الجنة مع حبيبتك

اللهم اغفر لها وارحمها وعوضها عن شبابها الجنة ......... اللهم صبر اختنا سهام

سعيت للحصول علي رقم هاتفك وهاتف مجتبى اختي سهام وتحصلت عليها الا اني عجزت تماما عن الاتصال

وجعتنا شديد يا سهام ..
ربنا يلزمكم الصبر واليقين , يا رب
وياهو مآلنا جميعا .

لكن ......................

كانت بتبستفنى زى الما حاصل حاجة يعنى بتمنطقنى لما الكلام يروح لى
كنت يضحك
واجى احكى لاحبابها و احبابى ما شقتو ديدى الليله قالت لى شنو
اخر بستفه منها كانت كلام عجيب
جيت داخلة من المكتب ولاقانى زول زعلنى شديد قلت ليها
يا غاده ياخ الزول ده داير يكرهنا فيهو عديل كده
قالت لى ياماما don't say this. Hatred is bad and it creates negative energy we don't need it in our life and life doesn't worth it
لما اتذكرت كلامها ده مسكت اى زول حا يعزينى وقلت ليهو يعفى منى فى ما ظهر و ما بطن
حتى الناس المابعرفهم والناس الكنت زعلانه منهم مسكتهم و اتكلمت معاهم و صا فيتهم
ما تتخلعو ما كانو ما تمو اصابع اليد الواحده
وبديت اجاهد فى نفسى عشان انسى اساءات كل زول و اقول والعافين عن الناس

اعفو منى جميعا فى ماظهر وفى ما بطن
وخلونى اتطهر حتى يقبل الله دعائى لحبيبتى نوارة حياتى
اسالو الله لى انا اقدر على شوقى ليها
شوق شوق شوق
قبل انتقالها للرحيم كانت مقيله مع صاحباتها
جيت من المكتب قدر ما صبرت ما جات
ضربت ليها تلفون قلت ليها يا بت انا مشتاقة ليك شديد
انسلى تعالى راجعه البيت قالت لى ياماااماااا I know you can't live without me
قلت ليها بطلى حركات وتعالى خلاس قالت و هى بتضحك you'll see me when you see me
يا بت ااحسن ليك قالت لى خلاس مع المغرب بس نخلص من كتابة كلمة التخريج و بجيك

هسه انا عاوزاها تجينى فى نومى ابل شوقى واتصبر بيها

انا لله و انا اليه راجعون


اللهم انزل سكينتك و افرغ صبرك علي سهام و مجتبي

لا حول و لا قوة الا بالله

لا حول و لا قوة الا بالله

لا حول و لا قوة الا بالله

لا حول و لا قوة الا بالله

لا حول و لا قوة الا بالله

الورود لا تعيش طويلا
اختي سهام لست من المداومين علي الكتابة في المنبر نادرا ما اكتب ولكن حقيقة هذا الموقف هزني كثيرا وحزنت حزن شديد كاني اعرفك واعرفها جيدا
نسال الله لها ارحمة والمغفرة ولكي الصبر والسلوان الحمدلله انها عاشت وسيرتها حسنةوماتت كذلك يكفي شهادتكما انتي ووالدها.
والحمدلله علي كل حال والبركة فيك وبقيت اسرتك الكريمة
ولا حولة ولاقوة الا بالله

هى فعلاً in a better place يا سهام
إنها عند رب رحيم
أحن منكم ومنا عليها
ألطف منكم ومنا بها
اختارها لجواره وهو العليم اللطيف الخبير
امتحان أعرف صعوبته أرجو أن تجتازيه أختي العزيزة سهام
وبقدر صعوبة الإمتحان يكون عظم الأجر والثواب
دعواتنا لها بالرحمة
ودعواتنا لكم بالصبر الجميل

إنا لله وإنا إليه راجعون

قولي حسبي الله ونعم الوكيل

يا سهام ...

نعرف ان الصبر مر

والدموع زوارف ..

والحشا مولع نار ..

لكنها عند مليك مقتدر..

عند رب رحيم ....

فادعو لها ...

وتلزمي وتحزمي بالصبر ..

ولك حسن العزاء ...

ولها الرحمة ...

العزيزة سهام .. احسن الله عزاك .. وقواك على فقدك الاليم .. وربنا يجعل مثواها الجنة ..
ما وجدت ما اواسيك به .. اكثر من الدعاء لك بأن يلهمك المولى الصبر فهو ما تبقى مع الدعاء . فكل الكلمات والعبارات لا اعتقد انها ستملى المكان ..

قولي الحمدلله
لادايم إلاّ وجهه الكريم
ربنّا يصبركم و يحسن عزاءكم

اخوانى واخواتى انا لله وانا اليه راجعون و لانقول الا ما يرضى الله
صدقونى لما بديت اكتب لم اخطط لهذا النوع من الكتابة
وكنت اود ان اشكركم فقط

الله رحيم بى و بيها

ربنا ينزل الصبر من عندو
لايكلف الله نفسا الا وسعها
انا وسعى ما عرفتو ولا عارفه اقدرو لكن الله عالم بيهو
اتمنى انا اكون عند حسن ظنه
و اجترار الذكريات ماهو الا شوق جارف اليها
يعلم الله انى لم اغضب لوفاتهاوما قلت ليه؟
لكنه الشوق
بتقدرو تتخيلو زول فى كل يوم بتحضنو و تبوسو
بلا عدد
هكذا اناكنت معها ومع اخوانها
هى كبيرة عمرها 15 سنه واربعه شهور و عشرة يوم زى ما حسبها مجتبى ابوها
انا كنت بشيلها فى حجرى
وجدها كان يقول ده شنو يا بت
بس تضحك انا اقول ليهو خليها يا عم محسى انا بشيل فى طرفى
ده بت ابتسام المعرسه بى راجلها
نحن كده ال المجمر نشيل عيال بعض و نشيل عيالنا
ابتسام اختى لما كان بتبكى بتقول ديدى بتى انا ما بت سهام
وكيف لا و انا محل ماشه بنزل اولادى ليها
ولما سافرت مع امى للعلاج جا محمد ولدى قعد فى حجرى قلت ليهو
يا ولد قوم هسه انا ماقادرة قال لى انتى موش اخت خالتو ابتسام
قلت طبعا قال هسه هى سافرت يعنى انا ح اقعد هنا لما هى تجى راجعة

اخوانى واخواتى انا ماعارفه ح اقيف من متين
احسن اوقف نفسى طولو بالكم

لك الصبر الاخت سهام
كل نفس ذائقة الموت
اللهم اجعل قبرها روضة من رياض الجنة
واخلف لوالديها بخير




كنت قد تابعت مداخلتها الاخيرة باللغة الاجنبيةE
وكنت ساعتها زائرا متجددا هنا ولم اكن عضوا
تمنيت وقتها ان اعزى باي وسيلة
لأن المصاب جلل بحق
ليس لسهام او مجتبي او اعضاء سودانيز اون لاين فقط
بل لكل الزوار والمتصفحين لهذا المنتدى
وقد كنت احدهم..
فاجأتنى العضوية بعد موتها بقليل
تمكنت ان اعزي كأضعف ايمان
وفشلت امنيتى في ادراكها قبل موتها!


"انا لله وانا اليه راجعون"

تعجز الكلمات عن مواساتكم
لكن يقينا صادقا انها الان فى مكان افضل
نساله العلى القدير ان يتقبلها قبولا حسنا
ويجعلها لكم شفيعة يوم الحساب ويجمعكم بها فى الجنان
الصبر ياسهام
اعانكم الله عليه

البركة فيكم يا سهام ..وربنا يصبركم ..
ويعوضها شبابها ..بالجنة يارب ..

Quote: هسه انا عاوزاها تجينى فى نومى ابل شوقى واتصبر بيها

لاحولا ولاقوة الا بالله
تصبري أختي سهام...
الصبر والدعاء....
انا لله وانا اليه راجعون....

Siham

My sincere condolences, may her soul rest in peace, and I trust she is in a much better place

Adil

ما عارفة أقول ليكي شنو يا سهام
لكن هي في مكان أفضل بالتأكيد
ربنا يصبرك وأبوها وكل الأهل

ما عندي غير ربنا يصبرك يا سهام



وقلبي معاك ،،

لا حول ولا قوة الا بالله العلي العظيم
انا لله و انا اليه راجعون
لك الله يا سهام المجمر و ربنا يصبرك و يعوضها شبابها الجنة

ربنا يصبركم يا سهام أنت ومجتبى

Quote: اقول شنو؟؟؟؟

قولى اللهم اجرنى فى مصيبتى واخلفنى خيرا" منها ..



ونحن والله رددنا وما زلنا نردد ..

اللهم أجرها فى مصيبتها واخلفها خيرا" منها ..

يارب ..

يارب ..

يارب ..


يأأأأأأأأأأأأأأأأرب ..

ربنا إصبركم ياسهام وإجيركم في مُصابكم
إنـا لله وإنـا إليه راجعـون
تعازيّ

إنا لله وإنا إليه راجعون
الصبر يا سهام .. وربنا يعوضكم

وجعتي قلبي بكلامك دا ياسهام
الله يصبرك ويصبر ابوها واكيد هي في سلام والله كبير وغفور ورحيم بينا

اتصبري قدر ما تقدري وربنا يعوض شبابها الجنة يارب

قولي إنا لله وإنا إليه راجعون

وأذكريها في دواتك

تقبلها الله بقبول حسن

وأدخلها فسيح جناته

تقبلها الله قبولا حسنا
انا لله وانا اليه راجعون
ولا حول ولاقوة الا بالله

يا سهام..

إن شاء الله غادة في الجنة..عند الأرحم بيها منك و مننا و من كل خلقو..

دا عزاك و عزانا..

نحن ما شفناها يا سهام.. لكن و الله دمعتنا عليها ما نشفت..

و الحمدلله إنك جيتي تبكيها هنا..في حضننا..أكتبي يا سهام..و أحكي لينا عن بتك الجميلة..خلينا نشوفها في كلماتك..و نترحم عليها أكتر و أكتر..و ندعي ليك انت و أبوها أكتر و أكتر..

حاولت أكلمك كتير لكن تلفونك دايماً مقفول.. و اتكلمت مع مجتبى مرتين..

نفسي أتكلم معاك..نفسي ألاقيك..و أضمك يا حبيبة..يمكن نتصبر سوا..

يا رب ترحم غادة و تجعلها شفيعة لوالدينها يا رب..

الله يرحمها و يسكنها الجنة و يصبركم يا سهام..و الله يأجركم على صبركم ياااا رب

البركة فيكم يا سهام ..وربنا يصبركم ..
ويعوضها شبابها .. بالجنة يارب ..

ما تتخيلي قدر كم إنتظرت عودتك هنا بعد هذا الفقد الكبير

بنيتك دخلت قلوبنا ولن ننساها

نسأل الله أن يدخلها فسيح جناته

وأن ينزِّل عليكم شآبيب رحمته ويلهمكم الصبر الجميل وحسن العزاء

إنا لله وإنا إليه راجعون

سهام ...

عندي تلفونك وتلفون الدفعة والصديق عزام المجمر ..

ما قدرت اكلمكم الاتنين لأنه غادة بتنا وحبيبتنا وعسل لكل من يعرفها

ربنا يفيض علينا من صبرو في فقدها ويدينا حسن العزاء وجميل الصبر


وربنا يديك إنت يا سهام القدرة على مراعاة اخوانها

واخواتها

وربي معاك


ـــــــــإنا لله ونا اليه راجعون





خالص التعازي لأخي عزام

لكل من تداخل قرأت ما كتبتموها حرفا حرفا
يجعله الله فى ميزان حسناتكم يا رب
وما تخافو على والله انا قاعده اتصبر قدر ما اقدر
والله عالم السىء من المحسن
نسأل الله انا يجعلنا من المحسنين جميعا
وربنا الغفور ذو الرحمة يجعل السنتناتخافه
والله كل ما تكتبو ينزل على صدرى ويثلجه
الا من شاء الله له ان يتمادى فى غيه
الله رحيم و كريم و ربنا يقدرنى على الماقدرت عليهو

يالقلبك الملتاع
ربنا يصبرك

مـــــــــــــاكنت دايرة ليك حرقة الحشا
وحزنكم بيوجع شديد
ربنا يديكم الصبر ويدينا

Quote: ول مرة تغلبني الكتابة و الكلام. _____ لا حول و لا قوة إلا بالله.

و الله ما عندي كلام زيادة علي كلامي ملاسي و ربنا يصبركم يا سهام و مجتبي و يصبر صديقتنا و زميلتنا البعيدة هيام

الكتابة دي الحتساعدك يا سهام...
ما حتنسيها... وفراقها حيفضل جواك، جرح ... لكن حتتعلمي تقيفي وبقوة... عشانك وعشان زوجك وعشان اولادك.... وعشانها هي

اكتبي عنها... وقولي اي شي... فضفضي.... واحكي... ووثقي

عرفينها عليها، احنا البكيناها.... واتأثرنا لفراقها....

اكتبي اي شي عن غادة... قولي هي كانت منو، وكانت شنو..


أغنيتها المفضلة... كتابها المفضّل.... أكلتها المفضّلة.... عرّفينا عليها...

لها الرحمة والمغفرة
صادق تعازينا
شدوا حيلكم ولا حولا ولا قوة الا بالله

Quote: اقول شنو؟؟؟؟

قولي كما قال رسول الله صلى الله عليه وسلم يوم فقد غرة عينه ابراهيم
ان القلب ليحزن وان العين لتدمع وانا لفراقك يا ابراهيم لمحزونون ولا نقول الا ما يرضي الله
اسال الله ان يجعلها سلفا لكما في الجنة
وان يجعل البركة في اخوتها
وان يلزمكم الصبر

Quote: انا لله وانا اليه راجعون قال رسول الله صلى الله عليه وسلم : إذا قبضت الملائكة ولد العبد سألهم المولى: قبضمتم ولد عبدي ؟، قالوا: نعم، فيعيد السؤال : قبضتم فلذة كبده؟! فيقولون: نعم، فيسأل سبحانه: فماذا قال عبدي؟ فيقولون حمدك واسترجع، فيقول لهم ابنوا لعبدي بيتا في الجنة وسموه بيت الحمد. من كتابتك عن نور عينك وفلذة كبكد أرجو أن تكوني من الصابرات الحامدات وأن يجمعك بها المولى في بيت الحمد الذي اعده لك. تجربتي الشخصية عكس تجارب أهلنا الذين يؤمنون بان النسيان أفضل ، بالعكس بعد وفاة ابني الاكبر ملأت صوره جدران منزلي واسترجعنا كل لحظة من حياته القصيرة وحمدنا عليها الله ، وأدركنا كم كنا محظوظين بهذه المنحة والهبة الآلهية فصارت علاقتنا بابنائنا بعد ذلك مختلفة إلى حد كبير. وصية خاصة اعتني بوالد غادة خاصة في الفترة الاولى. ابنتك ذهبت إلى بارئها على فطرتها التي فطرها عليها فهي عنده مع الفتيات والغلمان في خير صحبة ، أسال المولى أن يلهمك الصبر الجميل ، وحسن التواصل مع خالقها لأنه كلما رقت وسمت علاقتك به كلما صار جسر التواصل بينك وبين ابنتك سالكا . وإنا لله وإنا إليه راجعون

أمسكي فى الكلام ده قوي ...

وغاده عند الاحسن مني ومنك ومننا كلنا ..

غادة امانة عندك كانت . وصاحب الامانة اخد امانته ..

كلنا حا نسلم اماناتنا لي صاحبها ..

وانا لله وانا اليه راجعون يا سهام ..

اصبري عشان تلاقي غادة في بيت الحمد ...

الاعزاء والعزيزات كما قالت سناء خالد و مريم
الكتابه لكم خففت على وانشألله اكتب عنها كوالدها الذى
وجد فى الكتابه عنها سلواه رغم الالم

يا نجاة محمود الله يهدينا و يهديك
انا كلامى الكتبتبو ليك بتذكرو كويس
(اذا لاقاك شيوعى فى اللفه ما كويس ما معناها كل الشيوعيين كده)
وانتى فسرتى بما يحلو لك
حتى انك ما فكرتى انا ممكن اكون بقصد الشيوعى صاحب القصة عنك
والا الشيوعى المدعى عليه ...المهم حتى ولو كنت بقصد القصة المتواتره
ربنا يغفر لى و ربنا يغفر ليك فى ما حملتيه عنى
يا نجاة محمود ساعدينى انا اكون من العافين عن الناس
وكونى اكثر عفوا ربنا يرحمنا و يرحمك

ديدى بتى فارقتها بس نص ساعه وراحت منى بعديها
الدنيا زايلة يا زوله ربنا يقدرنا على نفسى الامارة
واعفو و انتى ربنا يقدرك ترجعى وتراجعى نفسك فى الذى بيننا

الله كريم

ولا تجعلى من هذا البوست غير ما جاء عليه
فأنا ابحث عن السلوى مع احبابى و حبيباتى هنا
وشأالله انك لست منهم ورسول الله (ص) قال اللهم هذا قسمى فى
تملك فلا تلمنى فى تملك و لا املك

هذا ليس يعنى انى اكرهك وانشألله انا مع حكمة بتى
حتى تقوم الساعه والاقيها واضمها فى حضنى وابوسها
كما كنت افعل فى الدنيا و اقعد معاها فى جنات الخلد
برحمته و ليس بعملنا جعلنا الله واياكم من اهلها
والله يخلى ليك بناتك و ما يضوقك فيهن شر
دعوة صادقة سوا صدقتينى او كذبتينى

يا سهام ربنا يصبرك انشالله ..
شدي حيلكـ وادعي ليها كتيـر ..

ربنا يديكي القوه والصبر ..

فى يوم تخريجها الذى صادف يوم وفاتها
فتحت بوست جبرونا بتاعى وقلت ليهو اساسى رد عليك
وقريت ليها الرد وهى داخله و مارقه بتحضر فى نفسها لحفلة التخرج
قلت ليها اها ح تردى عليهو بى شنو قالت لى ماعارفه هو قال شنو
عرفت انها ما مركزه قلت ليها نخليهو بعد ما نرجع
وشألله ان يرجع جسدها فقط

يا اساسى العفو والعافيه لحكمة ما شأالله ان تكون لك علاقة ما بها
قرأت تعازيك فى نفس البوست واقول ليك حاجة انا قدر ما احكى ليك انو
البت دى كانت طيبه قدر شنو ما ح تصدق ولا اظن انها زعلت لتاخرك على الرد
بتى حشاى دى كانت ذى النسمه فى عز الهجير حتى زعلها كان لذيذ
كلها ثوانى و ترجع
كانت طيبة لدرجة انى كنت بتغاظ منها وكانت لما تزعل من زول و تجى تحكى لى
كنت بقول ليها ليه مارديت عليهو تقول ما بحب المشاكل و مادايرة زول يزعل منى
اقوم اخيج ادخل فى النار و امرق يا بتى بالطريقة دى الناس ح تستهونك لازم تضعى للناس حدود
للتواصل معاك تقول لى انا ما كده اقول ليها لازم تعلمى نفسك تبقى كده والا انتى ح تكونى
ضعيفة الشخصية ..المهم فى مرة شديت عليها شديد قامت فى لمة الجمعة اشتكتنى لى خالتها
الهام وقالت ليها ماما عاوزانى ابقى شريرة و ا نا ما عاوزة ابقى شريرة
انا كنت حاضرة قامت الهام اختى جات كلمتنى و قالت لى اذا انتى بتقدرى تردى على زول لحظة الزعل
هى ما كده و ماعاوزة تبقى كده ما تجبرى البت و تنقى فى راسها

الأخت سهام ....
أحسن الله عزاكم وألهمك الصبر أنتِ و الأسرة
اكتبي ففي الحرف متنفس وعبري فنحن نشاركك أحزانك
اكتبي فالألم يبدده الحرف وهو يجلو الروح, وتذكري فالذكري تلغي الغياب.
لها القبول عند الله

Quote: والله يخلى ليك بناتك و ما يضوقك فيهن شر دعوة صادقة سوا صدقتينى او كذبتينى

اللهم أمين ..

لا اصدق ان نفس القلب الذى يحب غادة .. يمكن ان يكره د.نجاة ..

بالطبيعة كدا ..

دعوة صادقة .. وطرف خيط لتناسى مامضى ..

قال تعالى :

{ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ }آل عمران134

قَالَ أَبُو الدَّرْدَاءِ رضي الله عنه لِرَجُلٍ شَتَمَه: "يَا هَذَا لَا تُغْرِقَنَّ فِي سَبِّنَا
وَدَعْ لِلصُّلْحِ مَوْضِعًا فَإِنَّا لَا نُكَافِئُ مَنْ عَصَى اللَّهَ فِينَا بِأَكْثَرَ مِنْ أَنْ نُطِيعَ اللَّهَ عَزَّ وَجَلَّ فِيهِ".

وَشَتَمَ رَجُلٌ الشَّعْبِيَّ فَقَالَ له الشَّعْبِيُّ: "إنْ كُنْتُ كمَا قُلْتَ فَغَفَرَ اللَّهُ لِي
وَإِنْ لَمْ أَكُنْ كَمَا قُلْتَ فَغَفَرَ اللَّهُ لَكَ"..

اعفو عن بعض ربنا يعفو عنكم وعننا ..

عليكم الله ماتجرسونا اكتر من كدا ..


لا حول ولا قوة الا بالله العلى العظيم ..


الشاذلى

Quote: وهم بيقولو لى يا خالتو نحن متأكدين انها in a better place مافى شك ان الله رحيم بيها و انو يعلم انو قلبها كان طيب طيب و كانت حنينة وعاطفية لابعد الحدود ربنا ربنا عالم بى دواخلها كم كانت نقية

كلامن فى محلو بت هديه ورضيه, يا الله اسكنها بقرب الحبيب محمد(ص)

Quote: رحلت عنى و انا اعلم انها لاتقوى على البعد عنى و كأنها هى امى خلت جوفى محروق و حشاى فارغ كفؤاد ام موسى وحيدتى الشوية الحلوة اللذيذه صحبتى ما كانت بتى كانت صاحبتى لو شفتو ونستنا و هزارنا وراقادنا جنب بعض

Quote: كانت بت مميزة كل ام ببتها معجبة وانا ا قول مرات دى عينى انا داااتى امها دى لانها كانت عاجبانى شديد و كنت بتعوجب بيها

الصبر الصبر الصبر والدعاء يا سهام وربنا يلهمك الصبر
عن انس رضى الله عنه ان رجلا سال رسول الله ( صلى الله عليه و سلم ) متى الساعه ؟ قال : " و ما اعددت لها ؟ " قال :

لا شىء الا اننى احب الله و رسوله فقال الرسول ( ص ) " انت مع من احببت "

قال انس : ما فرحنا بشىء فرحنا بقول النبى ( ص ) " انت مع من احببت "

قال انس : فانا احب النبى ( ص ) و ابا بكر و عمر و ارجو ان اكون معهم بحبى اياهم .


و روى البخارى و مسلم ايضا عن ابن مسعود رضى الله عنه قال :

جاء رجل الى رسول الله ( ص ) فقال ؟: يا رسول الله كيف ترى رجل احب قوما و لم يلحق بهم ؟

فقال الرسول ( ص ) " المرء مع من احب "


و روى الطبرانى باسناد جيد حديثا جاء فيه :

" و لا يحب رجل قوما الا حشر معهم "

و روى احمد مثله

الأخت العزيزة سهام والاخ مجتبى , يعلم الله أن رحيل الصغيرة غادة قد فطر قلبى وأحزننى أيما
حزن , علاقتكم المميزة بصغاركم يجعلنى أتصور حجم الفقد وفداحته , ويقينى أنكم بقدر حزنكم
الكبير قادرون على تجاوز هذه المصيبة بالصبر والصلاة والدعوات الصادقة لراحلتنا الصغيرة
, أكتبى يا ساهم وأصفى لنا كل تفاصيل طفولة غادة وصباها علنا وأنت نستطيع ان نخرج شحنات
الحزن الكامنة فى قلوبنا , عزائ الحار للأستاذ محمد على محسى وقد علمت أنه صديق لشقيقى
الأكبر حسن عثمان وتربطهما علاقة نضال طويل , لكما ولكل آل محسى وآل المجمر الصبر الجميل
وحسن العزاء , لا حول ولا قوة الا بالله العلى العظيم .

الاستاذة / سهام
الاستاذ / مجتبى
نسال الله لكم الصبر وحسن العزاء
ونسال الله ان يتغمد الفقيدة بواسع رحمته
ويعوض شباب دنياها بالولدان المخلدين فى الجنة
حسبكم الصبر وانا لله وانا اليه راجعون

Quote: نور عينى و نور حياتى اقول شنو؟؟؟؟

إن العين لتدمع وإن القلب ليحزن وإنا على فراقك لمحزونون، ولا نقول إلا ما يرضي ربنا، ولا حول ولا قوة إلاّ بالله .
اختي سهام المجمر
صادق عزائي ومواساتي
صحيح الضنا غالي وحرقة الحشا مابتتقدر ولكني اذكرك بالحديث القدسي :

(( قال الله لملائكته أقبضتم فلذة كبد عبدي ؟ قالوا نعم ، قال الله فماذا قال عبدي ؟ قالوا حمدك واسترجع، فقال ابنوا لعبدي بيتا في الجنة وسموه ((( بيت الحمد ))).
رزقك الله ذلك البيت يا اخية
( انما يوفى الصابرون اجرهم بغير حساب ) .
( واصبر على ما اصابك ان ذلك من عزم الأمور ).
واختم بقول المصطفى (ص) :
( إن عظم الجزاء مع عظم البلاء، وإن الله تعالى إذا أحب قوما ابتلاهم، فمن رضي، فله الرضا، ومن سخط، فله السخط)
_________________
لا اله الا انت سبحانك اني كنت من الظالمين.

ربنا يصبرك حبيبتي

دون شك فقد عظيم جدا
إنا لله وإنا إليه راجعون
الصبر يا سهام .. وربنا يعوضكم

البركة فيكم وجبر الله كسرك
وجعلها الله اخر الاحزان
وربنا يصبرك فالمصيبة كبيرة
وانا لله وانا اليه راجعون

ربنا يرحمها ويجعل مثواها الجنة مع الصديقين والشهداء
خالص دعواتي ان يلهمك الله الصبر يا سهام ويقويك واسرتك على هذا المصاب الجلل

إنا لله وإنا إليه راجعون
الفقد جلل لكن الصبر يا سهام .. وربنا يعوضكم

هذا امر الله

اللهم لا نسألك رد القضاء ولكن اللطف فيه

والله يا سهام اتوجعت شدييييد ..



أنت ياسهام ـ من خلال كلامك عن علاقتكم ـ ام عظيمة لإبنة ماساهلة ..، وعشان أنت عظيمة اسمي وإتسامي وكل ماتعملي كدة ربنا بيقنك وبتقل قلبك ..، هسة ما تشغلي نفسك بي أي شي غير أنك تذكيرها بالخير زي ماذكريتها فوق ..ورضاك عنها البنضح من كلماتك براهو كفاية ..
قلبي معاك ..

سهام

ما أقسى هذه الفضفضة ، و لكنها ضرورية
أسكبي حزنك ففيه بعض السلوى
رحمها الله رحمة واسعة و ألهمكم الصبر الجميل

أختنا سهام ربنا يصبرك

الفراق صعب ولكن هذه مشيئة الله أتمني أن تجتازي هذه المخنة بمزيد من الصبر

...
قولى
وأكتبى
يا سهام

ربنا يصبركـ...
يا سهام
...

الاخت سهام انه لفقد جلل ونسال الله ان يصبرك

ويأجرك ويقويك ويدخل السكينةاليك والطمئنينة

الي نفسك وإنا لله وإنا اليه راجعون

اعرف انه لاتوجد كلمات فى امكانها ان تزيل هذا الحزن الكبير اعرف ان الفقد كبير والحزن اكبر
يشهد الله اننى موجوعة القلب عليك .. فقد تعودنا هنا فى هذا الحوش الكبير ان نتشارك فى احزاننا كما نتشارك فى افراحنا
نتقاسم همومنا كبيرها وصغيرها..ندعو لبعض فى الملمات ونفرح عندما نعلم ان الله قد استجاب لدعاء احد منا ...
رحم الله ابنتنا رحمة واسعه وادخلها فسيح جناته باذنه تعالى وألهمكم الله الصبر الجميل ...
اصبرى ان الله مع الصابرين ... وليكن عزائك انها عند مليك مقتدر رحيم بعبادة عفوا كريم .....

لاحول ولاقوة الا بالله ..
ليسع هناك احزن من ذلك ...
لينزل عليك الاله صبرا من عنده فهو المستعان ...

قِيل - وبحق - أن كل شيئ فى هذه الدُنيا ... يُولد صغيراً جِــــداً ، ثُم يكبُر ....

إلا الحُـــزن ... فإنه يُولد كبيراً جـــداً ... ثم يصغر.

أفيضى وفضفى فما تقولينه هو جزء من سجاياها التى ينبغى للجميع معرفتها ... ومعرفة فداحة فقدكم للإعتبار فكل من عليها فان.

جمّل الله لكما بيت الحمد.

كلامك ده انا سمعت معناه من كل الناس، وكأنهم متفقين على فرادتها
وندرة معدنها، ربنا بس يلهمك بالصبر أكتر وأكتر يا سهام إنتي ومجتبى.

حضوركـ يقين بأن أمر الله لا مفر منه
وكلماتكـ عزاء
لكي
ولنا
فلتكن مشيئة الله
متى وكيف أراد
ولا حول ولا قوة إلا به ..

كل التعازي والاسي العميق يا سهام ولصديقي مجتبي في هذا الفقد الجلل..
وحزينا ايضا بانني اتيت متاخر في هذا الفقد الكبير الذي ندعو الرب ان يلهمكم فيه الصبر والسلوان..
ودمعت العيون وسالت دموعها يا صديقتي عقب مهاتفتي لك... فها نحن تاخذنا سفن الاحزان يوماتي رحيل
ولكنها ارادة الرب مالك السماوات والارض
وكوني بالف خير وقوي
والتعازي الحارة لكل الاسرة

لاحول ولاقوة الا بالله

للأخت سهام المجمر والأخ مجتبي صادق التعازي
غاده أبكت الطيور .. لترتاح بسلام فهي لدى رب رحيم

كتبت من قبل معبرا عن حسرتي وعبرتي أن يختطف الموت هذه الصغيرة العبقرية، ولا زال في فؤادي مساحة كبيرة لم تنجلي منها الأحزان بعد!
ربنا يلزمك الصبر يا سهام على هذا الفقد الجلل وأن يجعل مثواها الجنة مع الصديقين والشهداء.

إنا لله وإنا إليه راجعون.

يا نجاة رجاءاً
اتركينا لحزننا
و ان اصابك رذاذ ما اغضبك
فاني اعتذر لك عن ما ساءك

لكن رجاءاً اتركي هذا الخيط لمن يتشاركون حزناً اكبر من الاحتمال

ربنا يرحمها ولزمكم الصبر اختي سهام

صبرا جميل

احر التعازي

موجع يا سهام فقد غادة
موجعه عبراتك وشوقك لغادة -
تخنقني عبراتي وانا استرجع كلماتك في الهاتف
وعجزت عن الرد
وحتى الان انا عاجزة عن الكتابة
فقط
تحزمي بالصبر المر
واكتبي , بقدر ما هي مؤلمة بقدر ما تريحك يا سهام
وخلي بالك على مجتبى وناس حمودي
وخلي بالك من روحك
انا قادرة اتخيل ما يعتري بداخلك
فقد جربته وما زلت اتجرع مرارة الفقد
ولكن ما لنا ان نقول الا ما يرضي الله ورسوله
انا لله وانا اليه راجعون

ربنا يصبرك يا سهام
و ذي ما قالوا ليك سناء و مريم ، احكي عنها. و إحنا ح نقرا و و ح نبكي معاك. و ح تحسي انك احسن. ما ح تنسي ابدا. ما في ام بتنسي فقد طفلها. لكن ربنا يلهمك الصبر و اليقين.

سهام يا حبيبه
ربنا يبرد حشاك
انت ومجتبى وكل الاسره.

غاده ابكانا رحيلها ولازال يبكينا مجرد ذكرها.
شكرا لانك آتيت هنا الينا وسمحتي لينا اننا
نبكي معاك ولو من على البعد.


امثال غاده يا سهام فعلا قدموا مؤشرات كثيره بانهم
ما اطفال حياة وانهم طيور من الجنه عابرين بحياتنا
...فالتحمدي الله ان اتاح لك رفقة هذا الملاك
ولتحمدي الله انك ضممتتها وشممتها وما شبعتي منها
....فكري بكل المتعه التي حباها الله لكم انت وو الدها
.....


واكرر ما قاله لك البعض اكتبي لنا هنا عن غاده فقد
صارت جزء مننا جميعا ونشتاق ان نعرف عنها كل شيء

وفرجينا صورها حتى يا ريت....

سهام نحن شعبا عاطفي جدا لا تتخيلي معظك سودانين
المنافين بكوا غاده قدر شنو نساء مدينتنا بعضهن
اتصل معزيا...و الكل يتسأل ما الذي قتلها؟؟؟
وكان ذلك سيخفف شيئا من لوعتهن عليها.

انا مـتأكده ان كلهن سيزورن هذا البوست ليقرأن
حروفك عنها.
فاكتبي يا حبيبه عن ابنتك الحبيبه....
وعن روعة وجودها بينكم ورحيلها السريع!



لم تكوني تكتبي كثيرا هنا يا سهام
لذا لم اتعرف عليك كثيرا

ولكن بعد رحيل غاده تعرفت عليك من ارشيفك
فوجدتك فعلا انسانه اصفها بكل ثقه بنقاء الدواخل
لاني وجدتك تكتبي ببساطه عن كل شيء في حياتك...
وبلغه بسيطه وطيبه....وكأنك مع اسرتك...وهذا نمط
كتابه جميل ويدخل القلب مباشرة.


كيف ماتت سهام يا غاده؟؟؟
وهل يعقل في يوم تخريجها...يلا للفقد؟؟؟




ونواصل الدعاء لكم
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى





هنالك عقاقير يا سهام لتخفيف الحزن
وحقيقة اعتقد جاده انك تحتاجينها.....انا شخصيا
رغم ايماني ما اعتقد كان تحملت حاجه زي دي....
فاسلي عنها ولو رغبت سأسل لك طبيبي....فقد جربتها
وطبيبي نفسه مر بمحنه مشابهه وفقد ابنه بحادث سياره
.....كان بشعا....واعرف انه لجأ لبعضها.




هذا صعبا يا سهام...اعلم انه صعبا جدا....فكم الذكريات
مخيف الايام المواسم رمضان الاعياد كلها ستذكرك بغاده
المساء الصباح الاحد الجمعه...نهاية الشهر بدايه..الكريسماس
بدايه العام الجديد.....و...الخ...الخريف.... الصيف....الشتاء
حتى هدومك...ستذكرين كيف كانت تعلق غاده على كل شيء...

لذا صدقيني تحتاجي بعض العقاقير لتجاوز هذا....

خاصه بعد ان يخف المعزين....

عشان كده اهلنا سموا فقد الاطفال بحرقة الحشا

ونحن نخاف عليك من آثارها بعيدة المدى
اطفالك يحتاجونك كما كنتي....لا تفقدي مرحك
لذا تحتاجي عونا طبي لتجاوز هذه المرحله.

الناس البتقول لك اصبري .....ما عارفين
دي زي زول عايز يهرب من مسامه ومن جلده
حتصبري على شنو ولا شنو؟؟؟



رجاء...مديني بتلفونك عبر رسالة ماسنجر
انا بكري مخليني بستقبل بس وممكن ارد لكن
ما بقدر ابتدر رساله.


واوصل لكم الدعاء


اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى
اللهم برد حشى سهام ومجتبى

الله يصبركم ...الله يصبركم ...

وليس هنالك اصعب من فقد نور العين ...

ربنا يدخلها الجنة ويجعلها بين الصديقين والشهداء ويلهم اهلها واسرتها الصبر انشاء الله .. وانا لله

وانا اليه راجعون ..ولا حول ولا قوة الا بالله ...

ماتقولي حاجة .. أي حاجة حتقوليها اعلم تماماً أنها لاتمثل ولو شي بسيط مماتشعرين به .. ولكن فضفضي وأرتاحي ( هذا مانتمناه ) .. سهام .. علمت بهذا الخبر بواسطة أخونا طارق عوض الكريم ولم أصدق وحتى لحظة مكالمتي مع عزام ومجتبى .. شعرت بعظمة الأمر في صوت حاجة نعمات .. ولكن هذا هو حال الدنيا .. أقول لك حسبنا أنها عند عزيز رحيم ... حسبنا أنها عند من يحسن معاملتها ويجزيها خير الجزاء أنشاء الله وهو الجنة بإذنه تعالى .. نسأل الله لها الرحمة والجنة ولكم الصبر وحسن العزاء .. تقبل تعازيي وتعازي الأسرة والأخ طارق عوض الكريم ..

سهام المجمر
فقدك فوق الاحتمال … ووجعك اكبر من ان يوصف …. مسكين الصدر والقلب اللذي يعاني الفقد . واظل دائما اتساءل هل في الامكان تجاوز الازمة … هل في الامكان الاحتمال ومواصلة الطريق .
ولكن هي الحياة … وكانت كما عودتنا … سحبتك علي حين غرة وادخلتك في اشد انفاقها ظلاما وعتمة … تحملي يا سهام .. اصبرى يا سهام وانحي .. ليس بيدنا الحل … انحي يا سهام وسلاما كثيرا علي قلبك وعلي روحها سلاما كثيرا .


سامية قسم

الله يصبرك يا سهام ... الله يصبرك أختى.

الجنا غالي يا سهام ..
وفرقةالأحباب قاسية ..
ولا نملك إلا أن نقول حسبنا الله ونعم الوكيل ..

ربنا يصبرك ..
ويعوض غادة في شبابه الجنة ..

لا حول ولا قوة إلا بالله

حزنى على إبنتك يجعلنى فى حالة المتسائلة كيف أنتى

كيف حالك يا سهام وأنا التى لم أعرفها قلبى مقبوض

والله إنه لإمتحان عسير وأتمنى لك التحلى بالصبر

جعلها الله شفيعتك

جاهدى نفسك وتغلبى على حزنك لن تنسيها مدى الدهر ولكن

أجعلى ذكراها سلوى دون حزن

أجعليها عبرة للشباب وقصيها عليهم مواعظ

غالبى حزنك بكتابة كتيب وثقى لها فيه موضوعات كتبتها

كراساتها وإمتحاناتها وأحكى قصة كل إمتحان كيف خاضتة

وكيف تفوقت فيه وكل كراس وكل كيف كان سوف تجدى فى ذلك سلوى

دعيها تحيا بينكم دون حزن بذكرى جميلة

لك الله

اصعب العبارات
تل التي تقال لعزاء صديق في فقد حبيب

لان الاحساس بالالم مشترك

اسال الله الرحمة
ولك تخفيف ما يعترينامن الالم
انا لله وانا اليه راجعون

Quote: قال رسول الله صلى الله عليه وسلم : إذا قبضت الملائكة ولد العبد سألهم المولى: قبضمتم ولد عبدي ؟، قالوا: نعم، فيعيد السؤال : قبضتم فلذة كبده؟! فيقولون: نعم، فيسأل سبحانه: فماذا قال عبدي؟ فيقولون حمدك واسترجع، فيقول لهم ابنوا لعبدي بيتا في الجنة وسموه بيت الحمد.

خالص العزاء أختي سهام و ألزمكـ الله الصبر و حسن العزاء

أللهم أرحمها وأغفر لها

اللهم أجعل قبرها روضة من رياض الجنة

اللهم أدخلها أعلى الجنان

نسأل الله أن يفرغ على قلبك اختي سهام الصبر

وحار العزاء لك ولوالدها وجميع اههلها

انا لله وانااليه راجعون

انا لله وانا اليه راجعون

انالله وانا اليه راجعون

سهام مجمر

اقسم بالله ثلاثة حينما قرات مداخلة غادة لاساسي

كنت ساكتب كلام الاعرابي السابق حينما وجد طفل نابغة وقال

ان هذا الطفل ذكائه سيقتله

نعم يا سهام

عمر كل العنادل والنجميات قصير

غادة لم تخلق لتعيش ولكنها ومضة ضوء خاطف اضاء لك الطريق واختفي


حتما هي هناك عند مليك صدق مقتدر

عالم حيث لا صخب ولا ضجيج

انها مع النور السرمدي وملائكة الرحمن وحتما اكرمو وفادتها

والله يا سهام ليتني زرتكم في اجازتي السابقة علي الاقل كنت كحلت عقلي بذكاء غادة


صبرك الله وسهل احزانك

أحر آيات التعازى ربنا يصبركم على الفقد الجلل إنا لله وإنا إليه راجعون.

دمعه سالت على خدي تواسيني.....

احى

الله يصبرك استاذة سهام وانا لله وانا الية راجعون

البركة فيكم وجبر الله كسرك
وجعلها الله اخر الاحزان
وربنا يصبرك فالمصيبة كبيرة
وانا لله وانا اليه راجعون ...

كان جدي عبد الهادي الصاوي تاجراً للعطور، وفي اخريات ايامه اقعده المرض والشيخوخة واصبح لا يبرح غرفته ابداً .. كنا صغاراً نذهب اليه كل اسبوع بعد صلاة الجمعة لنسلم عليه وكان يسألنا الواحد تلو الآخر "هل صليت الجمعة؟" من يقول فينا نعم يعطيه قطعتين من الحلوى ومن يقول لا لم اصلِ الجمعة كان يعطيه قطعة واحدة ومن يقول نعم صليت الجمعة كاذباً لا يعطيه شئ - لا ادري كيف كان يكتشف كذبناحين نكذب، وكأن الجن كان يكلمه -.
عندما توفي جدي عبد الهادي الصاوي كنت في حوالي السادسة او السابعة من العمر وكان حزني عليه عظيماً، مازال منظر صراخ النساء وبكائهم ونحيب الرجال محفوراً على جدار ذاكرتي .. وفي لحظة خروج الجنازة من غرفة الغسل تدافع الرجال لحملها وارتفع صراخ النساء وكنت واقفاً في زقاق ضيق في المنزل يفضي الى الباب الخارجي ارقب مايدور بفضول ممزوج بالحزن والدهشة .. وعندما تدافع الرجال عبر الزقاق الضيق يحملون الجنازة كان العم كباشي محمد ابراهيم زوج جدتي نفيسة الفاتح الصاوي وهو يقرب لجدي المرحوم عبد الهادي الصاوي بأمه كان يبكي بكاءاً حاداً وكنت اقف بجانبه ارقب بكاءه بفضول فما كان منه الا ان انحنى قليلاً لجهة اليسار وامسك بأنفه وافرغ كمية ضخمة من المخاط على رأسي - دون قصد طبعاً - إذ لم يكن يراني اقف تحته ..
حاولت اللحاق به قبل خروج الجنازة عبر الباب ولم استطع لتدافع الناس رجالاً ونساء وبعد جهد جهيد وجدت منفذاً وخرجت للشارع راكضاً خلف العم كباشي وامسكت بجلبابه من الخلف وفي نفس اللحظة شعرت بشخص يمسكني من يدي اليسرى ويسحبني جانباً، كان ذلك والدي رحمة الله عليه، قال لي الوالد في رفق "امشي غسل راسك وامشي البيت"، ويبدو انه كان يراقبني طيلة الوقت، فقلت له: "لكن عم كباشي تمخط في رأسي وانت قلت لي البضربك تضربو والبدقك تدقو والأقوى منك وما بتقدر تدقو تفلقو"... فقال لي: "نعم لكن الكلام ده مع اولاد الحلة او المدرسة وما مع الناس الكبار ولا في ساعات الحزن، الحزن كبير يا ولدي والموت اكبر" ثم تركنى واسرع ليلحق بالجنازة، فعدت للبيت لأغسل رأسي وانا افكر في كلمات والدي التى لن انساها ما حييت "الحزن كبير يا ولدي والموت اكبر" ..
ليتنا نعطي الموت والحزن جلالهما واحترامهما ففي ذلك احتراماً لذواتنا ولإنسانيتنا ..
الصبر .. الصبر .. يا سهام

Quote: قولي كما قال رسول الله صلى الله عليه وسلم يوم فقد غرة عينه ابراهيم ان القلب ليحزن وان العين لتدمع وانا لفراقك يا ابراهيم لمحزونون ولا نقول الا ما يرضي الله

أللهم أرحمها وأغفر لها

اللهم أجعل قبرها روضة من رياض الجنة

اللهم أدخلها أعلى الجنان

نسأل الله أن يفرغ على قلبك اختي سهام الصبر

وحار العزاء لك ولوالدها وجميع اههلها

تعرٌضت الشاعرة الكويتية سعاد الصباح في اوائل السبعينات لامتحان قاسي عندما لفظ ابنها البكر ( 12 سنة ) انفاسه الاخيرة على حِجرها اثر ازمة تنفس تعرٌض لها داخل طائرة...فكتبت تقول..

آه من طائرة الموت التي هزٌت يقيني

قلت للقبطان عُد للأرض دعها تحتويني

علٌني أظفر فيها بطبيب أو معينِ

من الموت يقيه ومن الهول يقيني


تذكرت هذه الحادثة و انا اقرأ ما حدث لغادة...
حاجة مؤلمة و محزنة بالجد


جبر الله كسرك يا ام غادة و الهمك الصبر و السلوان
لا راد لقضاء الله و انا لله و انا اليه راجعون

انا لله وانااليه راجعون
أللهم أرحمها وأغفر لها
اللهم أجعل قبرها روضة من رياض الجنة
اللهم أدخلها أعلى الجنان
أحر آيات التعازى ربنا يصبركم على الفقد الجلل

Quote: هى فعلاً in a better place يا سهام إنها عند رب رحيم أحن منكم ومنا عليها ألطف منكم ومنا بها اختارها لجواره وهو العليم اللطيف الخبير امتحان أعرف صعوبته أرجو أن تجتازيه أختي العزيزة سهام وبقدر صعوبة الإمتحان يكون عظم الأجر والثواب دعواتنا لها بالرحمة ودعواتنا لكم بالصبر الجميل إنا لله وإنا إليه راجعون

أختي سهام المجمر ..

أكتفى بكلمات أخي عاطف عمر فهي معبرة ومواسية ..

وما أرجوه منكم هو أن تسكبوا جرعات الرضاء التام والاحتساب لله ليطفئ لهيب نار الفراق المتقدة ..


صبركم الله .. وأجزل لكم الثواب ..


أخوكم
جاد

إنا لله وإنا إليه راجعون
خالص التعازي يا أختي سهام ويا مجتبى في فقدكم الجلل
ربنا يصبركم ويجعل مثواها الجنة مع الصديقين والشهداء وحسن أولئك رفيقاً
اللهم أبدلها داراً خيراً من دارها وأهلاً خيراً من أهلها...
حاولنا الإتصال بكم مراراً ولم نفلح ...
خالص التعازي لخالتها إلهام ولكل الأهل...
وربنا يعظم أجركم ويتقبلها قبولاً حسناً ...

ربنا يصبرك
قلبي معاك اختي سهام

وبشر الصابرين الذين إذا أصابتهم مصيبة قالوا إنا لله وإنا إليه راجعون

مافى كلمة ممكن تكون بحجم الفقد شان نعزيك بيها

الله يصبركم,,,الله يصبركم,,,

تغمدها الله بواسع رحمته و اسكنها فسيح جناته

والهمكم الصبر الجميل و حسن العزاء على فقدها



(انا لله وانا اليه راجعون )


أحمد العمار

الأعزاء سهام و مجتبى
ربنا وحده يعلم مدى حزننا و الأسى الاذي أصابنا جميعا عند ما سمعنا بفقدكم... و مهما كان حزننا و لوعتنا فالإيدو في النار ما زي الإيدو في الموية لذلك أجدني يا سهام يا أختي أرد على استحياء على سؤالك ماذا أقول؟ أقول لك يا سهام قولي (إنا لله و إن إليه راجعون اللهم أجرني في مصيبتي و اخلف لي خيرا منها) ثقة بوعد رسول الله صلى الله عليه و سلم أن ما من عبد يقولها إلا أجاره الله في مصيبته و أخلف له خيرا منها... أعرف أن قلبك سيقول لك و هل هناك خير من غادة؟ و لكن إمكن الخير دا أن يجمعكم الله بعد عمر طويل إن شاء الله في رحاب لطفه و رحمته. اكتبي يا سهام حتى و إن لم تنشري ما تكتبين فتجربتي الشخصية أن الكتابة تخفف الحزن. و ربنا معاكم إن شاء الله.

سلام يا سهام،

أسأل اله أن يعينك على مرارة الصبر على هذا الفقد الجلل. إتحوّي في حِبّانك ليل نهار عسى أن يتفرّق دم هذا الحزن بينهم، لا تنفردي بنفسك ولا تجعلي مجتبى يفعل. ضمّوا إليكم اخوانها في كلّ لحظة وتزوّدوا بالحمد والاستغفار.

لا حول ولا قوّة إلا بالله والحمد لله على كلّ حال.

يا الله يا سهام..

ربنا يصبرك ويبرد حشاكي..

الكلام عن الحبيبة الراحلة بيخفف عنك..

اكتبي واتونسي بزكرياتها وربنا يلهمك الصبر انتي وكل

احبابها..

الله يقويك اختي سهام
وربنا يعوض شبابها الجنة ويصبركم انتي وابوها واخوانها
علي فقدها ... قلوبنا معكم

لاحول ولا قوة الا بالله..
اليست هي التي قرات لها قبل اسابيع مداخلة ذكية مع الاخ اساسي؟
سبحان الله الحي الدائم ..
ولا مرد لقضائه..
اسأل الله أن يهبكما الصبر ويجعلها من رفقاء الشهداء في الجنة ..
رحمها الله..
انا لله وانا اليه راجعون.

يا الله يا سهام..

May she rest in eternal peace inshaAllah ya siham.
Wa rabbana yisabbir al gami3
la 7wla wala quwata illa billah.

,والله فقدك عظيم
ونارك حاره

وربنا يصبرك

فقط قولي
ان لله وان اليه راجعون

سهام يا حبيبتي

نحن الما عارفين نقول ليك شنو ؟
انا غايتو خاتي يدي في قلبي وبعاين ليك
ولساني بلهج بالدعوات ان يعصم الله قلبك بجميل الصبر

ما اعظم فقدك يا سهام
و انا لله و انا اليه راجعون

أللهم أرحمها وأغفر لها
اللهم أجعل قبرها روضة من رياض الجنة

ربنا يصبرك يا سهام

الفقد كبير و الله
ربنا يصبركم و يجزيكم احسن الجزاء على صبركم

اللهم ارحمها و عوضها الجنة عن شبابها

إنا لله وإنا إليه راجعون

سهام
يا لحزنك النبيل العميق
ويا لعجزي عن تعزيتك
فقد عدت أكبر حزناً
ربنا يصبر قبلك يا سهام وربنا يصبر مجتبى
ربنا يرحم الوديعة غادة ولتحتفي بها الملائكة

كل الحديث يتضاءل أمام هذا الحزن

قلبي معكم ودعواتي

تعازي ليم ولميس ولينا
أخفيت عنهم وجهتي عند حضوري

والآن أحتاج دعواتهم لك وللنسمة غادة وتلاوتهم لروحها

فأخبرتهم

يا للحزن الكبير

أغفري لي حضوري متأخرة هنا فقد كنت لا أقوى على قراءة كلماتك قبل أن أصلك

قولي كل شئ يا سهام فهي ما زالت نور عينك ونور قلبك وبصمة جميلة أودعتها الخالق إلى حين تلتقيه

فكل شئ في حبك لها يجوز فهي كل الجمال الذي تركته في دواخلك

اختي سهام

مهما خطت الاحرف من بلاغة أ وبيان لن تستطيع وصف

فقد ام او اب..

فقط تشبثي بكلام الله (الحكيم) الصبور فان(لكم) فيه خيرا ان شاء الله.

ربنا يرحمها ويغفر لها ويسكنها فسيح الجنات.

لك احر التعازي.

ربنا يلهمكم الصبر وحسن العزاء واليقين.

بعد ما سمعتا الخبر دة يا سهام الدنيا مسخت علي شديد,,

اليوم كلو اقول لي حنين يا ربي سهام اتحملت كيف؟؟
يا ربي سهام الحاصل عليها شنو؟؟

شلتا همك شدددددددددديد وما جاتني جرأة ولا فكرتا حتي اتصل عليك..
عارفة ليه؟؟
عشان بالجد خفتا من مشاركتك الوجع,,الحزن انا ما بتحملو يا سهام..

اول ما اجي السودان انشاءالله حاصلك واقالدك ..بتك وجعتني يا سهام,..
حرقتني,,

الله يصبرك..

وخليك بي هنا طوالي عشان تخففي العليك وعشان نطمئن عليك

ــــــــــــــــــــــــــــــــــــــ
ربنا شال امانتو يا سهام وربنا احن منك عليها..

الله يصبرك استاذة سهام ويسكنها فسيح جنانه

الغالية سهام. أحر التعازي لك ولبقية العائلة الكريمة.
وللفقيدة كل الرحمة والمغفرة.
الله يصبركم.


دينق.

إنا لله وإنا إليه راجعون و لا حول و لا قوة إلا بالله العلي العظيم

عزيزتنا سهام، إن شاء الله البركة فيكم وفينا، وغادة فقد كبير لنا جميعاً وللوطن
وجبر الله كسركم وكسرنا، ويلهمك ويلهمنا الصبر والسلوان، وإنا لله وإنا إليه راجعون

عزائي الحار لجميع آل المجمر وآل المحسي

سهام

أحسن الله عزاءك ومجتبى وكل أسرتك الكريمة

ان الحزن ليفوق الجبال طولا ، حزن لا ضفاف له ، حزن ممتد عريض على فقد ابنتك فلذة كبدك ، ان الموت حق والدوام لله وحده ، ربنا سبحانه وتعالى يجملكم بالصبر الجميل لكى تستطيعوا أن تحتملوا هذا الرزء والفقد ، انا اعرف كل من يتكلم هنا يعطى مما عنده وكلهم يحاولون ان يوصلوا مشاعرهم لك ولكننا لن نستطيع ان نلامس ذرة مما تعانيه ولكننا نثق انك قوية بأيمانك وبمن حولك ، هكذا هى الحياة كل يوم تعلمنا دروس ، تعلمنا كيف نحتمل الفراق الابدى لمن نحب وتعلمنا كيف نقف على قدمينا بعد الصدمة والفاجعة ، لقد أظهرت الفقيدة نبوغا وفكرا راجحا وهى ما زالت فى مقتبل عمرها، فكرا يفوق كثير من هم أكبر منها سنا، اذ لا يكفى لأن يكون للمرء عقل ولكن المهم كيف يحسن استخدامه ، هذا الفكر والعقل اغترفته بالطبع منكم انتم ابويها ومن آل محسى وآل المجمر وهى نفوس كبيرة والنفوس الكبيرة مستعدة دائما لأكبر الفضائل كما مستعدة لأكبر الارزاء لقد شاءت ارادة الله ان يختارها الى جواره ولا راد لقضائه ، لا تكتمى حزنك عليها فهو حمل ثقيل وزعيه علينا كلنا لكى نشاركك هذا الحمل ، أكتبى وعبرى عن ما فى نفسك .

مع التحيات والامنيات الصادقه بأن يلهمك الله الصبر وأن ينزل على الفقيدة شآبيب رحمته ومغفرته

لكم أحر التعازي أختي سهام

وربنا يصبركم ويتولاها برحمته

ويجعلها شفيعة لكم يوم القيامة

آآآآآآمين يارب

اخوانى واخواتى
صدقونى انا بقرأ كلام كل زول فيكم واحيانا بعيد القراية اصلو تركيزى ما كان ناقص
حبيبتى الحبيبة اخت اخوانها رغم مشاكل لاخوان فى بعضهم و طبعا هى كانت عاملة فيها الكبيرة
لكن محنتها و جزعها عليهم كان لا يخفى و نصائحها
مرة قالت لى ياماما انا حاسه بالذنب انو لغتهم الانجليزية اقل من المستوى المفروض
انا اول ما انتهى من الامتحانات ح اشتغل معاهم و كانت كثيرا ما تنصحهم مافى شى غير القراية
بصلح اللغة وانا كيف القراية ممتعة و تقول لى محمد قراية الكتب فيها متعة شديدة انت مضيعها على نفسك
لانك بتفتكر انها زى المذاكرة
والذ حاجة لم تتكلم معاهم عن الجكس و تقعد توريهم كيف يفهمو البنات و يكونو حساسين اتجاة حاجاتهم
وكانت رحمها الله بتختار ليهم هدايا عيد الميلاد للبنات اتذكر مرة ادت محاضرة طويلة لمحمد اشترى ليها هدية
فى عيد ميلادها لعبة اسمها اونو ...بعد قبلت الهدية قامت دورت فيهو كيف يختار هدايا للناس اولاد و بنات
قام زعل منها بقت تشيل و تبوس فيهو و تقول ليهو فتح مخك وافهم كلامى صاح
وانا سايقة العربية و بستمع فقط زى الطيرة فى كلامهم و كم كانت لذيذه حتى مرات كنت بمسك الضحك
بالقوة عشان محمد ما يزعل
ياخ دى كانت حلوة حلا ما غالية على ربها
امبارح كنت بتفرج فى صور و فيديوهات التخريج من هن فى الكوفير لليموزين للاستديو للفندق
والله اكتر زول كان بضحك و يهزر وبعمل حركات بوشو
عسل بس شهد الله
ما غالية على ربها هو خير البشر تحت التراب
بس كانت غالية على امها وابوها واخوانها واحبابها

لروحها الجميلة الرحمة والمغفرة..

تعجز الكلمات عن التعبير يا سهام..
كم حزنت لحزنكم واتمنّى ان يكون الصبر رفيقكم واليقين..
قلبي معكم يعلم الله..

الحمد لله

الله يرحم "غادة" يا سهام..

الله يرحمها.. الله يرحمها.. الله يرحمها..

والحمد لله، الحمد لله.. الحمد لله. وديعته. وأستردها

قلبي معاك يا سهام
ما في شئ ممكن اقوله ليك

غادة فجيعة الحياة البكر
غادة دهس نبتة طرية
غادة شمس صباح لم يكتمل
غادة احلام لم تمشي مشوارها للنهاية
غادة غزال صبى مغدور
غادة طريق لم ينتهى اكتشافه
غادة غمامة تظل ابدآ فوق سماءات ارواحنا الثاكلة
غادة قلب ابوها المفطور و جرحه المفتوح
غادة روح امها و حشاها المحروق

أعزائي سهام ومجتبى
قلبي معكما
رغم طول السنين المتمددة بيننا
لم تفارقني صورتكما منذ أن سمعت بهذه الفجيعة
ما أقسى أن تفارقنا روح عزيزة
ما أقسى أن نصحو ذات صباح ولا نجد الذين نحبهم
الصبر أصدقائي
الصبر
الصبر

ابوبكر لا يستطيع الدخول للمنبر فارسل رسالته لسهام عبر ايميلي


يا ام غادة
ما مات من خلّف مثل هذا العبير، عبير الذكري العطِره و الشذى الفوّاح.
قلوبنا معاك يا اختاه من يوما جانا هذا الحزن الكالح و نحنا شايلين همّك.

اكتبى … اكتبى حدّثى عنها، حدّثى عن حبيبتك و صفيتك … الست البنوت مثلها لا يموت.

سوف اعود ما وسعتنى الحيلة.
ابوبكر صالح

الف رحمة و نور علي الغادة الاميرة و ربنا يجعلها من اصحاب اليمين.
كل كلمات التعزية تقف عااااجزة عن مواساتكم ، بس اكيد ح نكتًر من الدعوات
انه ربنا يصبركم و يعوضكم خير في بقية اخوانها و يحفظهم يا رب .
حاولت الاتصال لكني لم اوفق كالاخرين التلفون مغلق أو شبه ذلك ...

العزيزة سهام قلوبنا معاك و يشهد الله غادة وجعتنا شدييييد و بكيناها من
جوة قلوبنا و دعونا ليها بالرحمة و القبول عند رب العالمين .

الله معاكم

Quote: يا ام غادة ما مات من خلّف مثل هذا العبير، عبير الذكري العطِره و الشذى الفوّاح. قلوبنا معاك يا اختاه من يوما جانا هذا الحزن الكالح و نحنا شايلين همّك. أكتبى … أكتبى حدّثى عنها، حدّثى عن حبيبتك و صفيتك … ست البنوت، مثلها لا يموت. سوف اعود ما وسعتنى الحيلة. ابوبكر صالح

** بت طه المُجمر..
** مساءك خير ,, والمُنى من العلى القدير أن تكون آخر الاحزان..
## فقد الضنى فى عز الشباب مؤلم ,, ولكنها إرادة الخالق لكى يمتحننا فى هذه الدُنيا والتى نحن فيها ضيوف عابرون..
## فقدها كان مؤلماً حتى لمن لايعرفها ,, ويكفى ماسرديته عنها فلقد أعطى الجميع إحساساً بأنها إبنته وبنت جيرانه وأُخته..
** الألم يعتصرنى ولم أجد ماأعُبر به أكثر من ذلك ,, تعازيا لزوجك ولصديقى الباشمهندس هُشام ولكل أُسرة طه المُجمر..
(ابو محمد فؤاد - دبى) - المزاد - بحرى..

الشالها من عينك يشيلها من قلبك يا سهام
مشوارك طويل عشان كدة ما تخليهو مشوار حزن الباقين يلزمهم مشوار فرح
الحزن يضعف المناعة بعكس الفرح ولكى تسعد اطفالك الاخرين يجب ان تثقى فى نفسك وفى ربك الرحمن الرحيم اللطيف الحنان المنان
قناعة يا سهام:
الدنيا لازم نمشى وراها وما نواجهها ونلاويها لانها حتدهسنا يعنى لازم نفهم ونتفهم ونمتثل لارادة ومشيئة الرب المسير لدنيانا
ليك رب ما بنساك يا سهام
اتكى على مجتبى وشمرى وتعالى على الاحزان عشان الصغار عشان لو خسرت غادة بالموت مالازم تخسرى الباقين بالحياة وهى الخسارة الاكبر التى لامبرر لها اطلاقا!
جنى

الاستاذه سهام

كم هو صعب ان نقول لكي اصبري

وكم هو صعب ان نقول لكي افعلي اي شئ غير الصبر

لكي الله وحده الذي يجعل من حزنك ممكنا

اختنا سهام مرسيتك جعلتني اتذكر كل

الاحباب الذين يرحبون الان بنور عينيك لها الرحمه

انا لله وانا اليه راجعون

الغادة الوسيمة,,,
ما بكيت قدر بكيت حسي يا سهام لما اتذكرتها و هي بتقول ما نازلة معاكم ما دايرة اتصور
عندي كتاب داير اتمو

الله الله يا غادة
الله الله يا غادة
الله الله يا غادة

أختنا العزيزة بت المجمر وبتنا بت بحري…

يعلم الله أننا أحسسنا بكم الألم وطعم المرارة والغصة التي تعتور منك الحلق والجوى .. ولكن أملنا في الله كبير أن تكون صغيرتك وبنتك الصديقة في عليين مع الصديقين والشهداء وحسن أولئك رحيقا… احتسبيها يا أختي الكريمة عند الله .. لعلها تكون شفيعتك…

حار عزائي لك ولزوجك وللخال المكلوم هشام المجمر… ولأخي الدكتور أسامة والدكتور عصام.. وكل آل المجمر…

ولا حول ولا قوة إلا بالله…

والله فقد عظيم اختنا سهام

احر التعازي لك ولزوجك المكلوم وعموم آل المجمر

اصدقائي اسامه وهشام وعصام وهمام

ده نوع من الألام فعلا إحتمالو فوق طاقة البشر يا سهام....لكن من رحمة ربنا علينا إنو بنزل الصبر قدر الفجيعة.....

.....غادة الجميلة زى الوردة وزى الحلم ......وأمل فى غد أجمل ووطن فسيح بذكائها ونجابتها وجرأتها المهذبة.......غادة فعلا فقد عظيم لنا جميعا.....

....الله يصبرك يا سهام وما يخلى فى قلبك إلا كل الذكريات المضحكة واللحظات السعيدة المفرحة لتحمليها فى قلبك فرحا دائما

...والله يصبر مجتبي ويعوضكم وأخوانها وخالاتها المكلومات....وتحديدا صديقتى الحبيبة هيام المجمر فى غربتها .....

......لها الرحمة غادة حبيبة الكل....والمغفرة وجعلها الله لكم شفيعا يوم القيامة.......

أللهم أرحمها وأغفر لها
اللهم أجعل قبرها روضة من رياض الجنة

ربنا يصبرك يا سهام

الله حباها يا سهام .. كيف لا ونحنا كلنا حبيناها من غير ما نشوفها ولا نسمعها
هي سبقتك لي حته احسن .. وربنا ان شاء الله ح يجمعكم في جنته الما فيها فراق ابداً

يصبرك ربنا ويقويك يا امها

لكل من مر هنا لااراكم الله مكروة فى عزيز لديكم وانشالله ما تضوقو الضقناهو
الصبر بينزل برحمة ربنا و هو قادر على كل شىء
كنت عاوزة اكتب كتير عنها
لكن.................
اسأل المولى عز وجل ان ينير قبرها زى ما نورت حياتى
وان يجعل برحمته عن يمينها نورا و عن شمالها نورا و من فوقها نورا ومن تحتها نورا
و من امامها نورا و من خلفها نورا

امين يا رب تجعل العزاء لى فى ذكراها الجميلة الحلوة
فى خفة روحها النقية

ربنا بس يدينى الصبر واليقين


يا محمد حسن المجمر يا ود عمى والله تلبية لرجائك ساتوقف قليلا
عن الكتابة لكن اعفى لو جيت تانى اخفف حملى شوية
ويا محمد فكر معاى شوية الكتابة عنها دى ممكن تكون تخليد زكراها
و عظة لنا جميعا وقد ياتى يوم تكون لى اخوانها سلوى

Quote: يا محمد حسن المجمر يا ود عمى والله تلبية لرجائك ساتوقف قليلا عن الكتابة لكن اعفى لو جيت تانى اخفف حملى شوية ويا محمد فكر معاى شوية الكتابة عنها دى ممكن تكون تخليد زكراها و عظة لنا جميعا وقد ياتى يوم تكون لى اخوانها سلوى

وابلغ من كل العبارات الالم

stop

أخــتى الكـريـمـة

أجــاركـم الله و زوجــك و أبــنـاءكــم فى فـقـيدتـكم

الـغـالـيـة وأســالـه تـعـالـى أن يـعـوضـهـا الـجـنـة

عـن شــبـابـهـا و أن يـلـهـمـكـم جـمـيـل الـصـبر و الـسـلـوان ..

سهام و مجتبى ...
أسأل الله أن يفرغ على قلبيكما صبراً و أن يجمعكما بها في جنان الخلد ...
و ما جزاء الصابرين إلا بشرى برضوان من الله الرحيم ...
و إنا لله و إنا إليه راجعون ...
الفقد كبير و أليم و لكنها سنة هذه الفانية ...
و إن شاء الله البركة فيكم ...

اللهم أنت أحب إليها منا فانزلها فردوسك يا كريم ،
صادق التعازي لكل من أحب غاده ،
إنا لله وإنا إليه راجعون.

لا حول و لا قوة إلا بالله

ربنا يصبرك ..

أختنا المكلومة أستاذة سهام... الله يديكم من الصبر بقدر مصابكم العظيم

. لا حول ولا قوة إلا بالله... . لا حول ولا قوة إلا بالله...
إنالله وإنا إليه راجعون

البركه فيكم سهام
موجع فقد الاحبه
اللهم أنت أحب إليها منا فانزلها فردوسك يا كريم
إنا لله وإنا إليه راجعون.

اسأل المولى عز وجل ان ينير قبرها زى ما نورت حياتى
وان يجعل برحمته عن يمينها نورا و عن شمالها نورا و من فوقها نورا ومن تحتها نورا
و من امامها نورا و من خلفها نورا


نسأل الله ان يستجيب دعوات أُم مكلوكة وأن يجملك بالصبر وحسن العزاء

ربنا يصبرك يا سهام

Speechless

الأخت سهام والأخ مجتبى والأسرة

هذه الأشياء المزلزلة كل شخص عرضة لها
ولكننا نضمر في نفوسنا قدرة عجيبة على تحملها والمضي قدما
فلتبحثوا عن مكامن تلك القدرة علها تعينكم على الصبر
لتحمل فداحة هذا الفقد.

قلوبنا معكم

الأعزاء سهام و مجتبآ..

تقبلوا أحر التعازي في الفقد الجلل .. سهام أبكيتينا بدموع حارة ..
هو حزن عميق وثقيل كالجبال .. وكأن غادة هي مني .. قرأت كلماتها في البورد وأستغربت لنضجها المبكر .. وقرأت نعيها بصدمة وحزنت لفراقها المبكر.. ولكن لله ما أراد فله الحمد و الثناء على كل شئ .. قال الحلاج للشبلي وهو في مصلبه ويداه قد قطعتا والدماء تسيل منهما وكان رابط الجأش يناجي ربه بلسان لاهج
- يا شبلي والله لم أفرق قط ما بين بلوى و نعمة. وتلك مرتبة لا يصلها إلا ذو يقين .
أما غادة فلقد ذهبت لمن هو أرحم منك لها .. ونسأله بعزته و جلاله أن ينزلها منزلة عالية في أعلى عليين تحفها ملائكة السماء والأرض بالبشر و الترحاب وأن يلهمكم الصبر و السلوان ويجعل بركتها أبنائك ويعوضك خيرآ كثيرا بفقدها..
إنا لله وإنا أليه راجعون.

Quote: نور عينى و نور حياتى اقول شنو؟؟؟؟

الأخت سهام

قولى الله نور السموات والأرض ..
قولى الله نور قلبى ..

تيقنى أنها فى يد تحبها كماتريدين لها المحبة..
وفى مقام تحبينه لها..

لدى شعور أنك سترينها فى المنام وستعاتب حزنك العميق هذا وستطمئنك عليها وسترينها فى أحسن حالاتها..

سهام.. ايتها الصامدة الصابرة
الله معك.،

آآآآآآآآآآآآآآآآآآآآآآه كم هو صعب مثل هذا فراق
نبتهل الي العلي القدير أن يتقبلها وأن يلهمكم الصبر علي فقدها الجلل

اختي سهام
الفقد كبير أسأل الله أن يصبرك
احسن الله عزائكم
إنا لله وإنا إليه راجعون

ربنا يلزمك الصبر يا سهام مافيش أحر من موت الإبن ..جعل الله مثواها الجنة .. قلوبنا معك

أسأل الله أن يصبرك ويعوض صبركم خير ويتولاها برحمته قلوبنا معكم .
حار التعازى ليك

Quote: ما حتنسيها... وفراقها حيفضل جواك، جرح ... لكن حتتعلمي تقيفي وبقوة... عشانك وعشان زوجك وعشان اولادك.... وعشانها هي

الغاليه سهام

الله يصبرك على فراقها ، رغم المرارة
يا اختى فبل سنتين ونص فقدت بنتى الشابة
واعتقدت انى ما بقدر اعيش بعدها ومريت
بظروف ما يعلم بيها الا الله ، ولكن الحياه
لابد ان تستمر .

آآآه يا حبيبة من حرقة الحشا
الله ما يضوقها لحبيب

سهام الأم المفجوعة في غادة فلذة كبدها!
لم تأت غادة هنا إعتباطآ يا سهام، ولكن أتت لتسلم وليعرفها الجميع ولتترك رسالة مفادها :
هذي أنا غادة الجميلة، جيتكم عابرة ومودعة، وأمي الحبيبة سأتركها أمانة في أعناقكم.
أترجاكم لاتتركوها وحيدة أبدآ. آزرووها قدر المستطاع، عضدوها، قفوا بجانبها حتى يقوى
عودها من جديد. وأنا سأكون بخير حيث إختارني الله إلى جواره. طمنوها عني وأدخلو
اليقين إلى قلبها الطري المفجوع. أعلم كم تحبني أمي! وكم هي متعلقة بي!. طمئنوها
بأني سأكون في مكان آمن وأمين وستحسين ذلك عما قريب. أمي أنا بخير. خلي بالك من
صحتك فهي غالية عندي. خلي بالك من أبي المكلوم فهو الآن في حوجة شديدة إليك ،
وكذلك أخوتي الأشقياء الحلوين. سنلتقي حتمآ ونجتمع مرة أخرى كما نود. ولقد
سبقتكم بالذهاب، لأن الله أراد ذلك. أنا يا ماما ما كتيرة على ربنا مش؟


الأخت الغالية سهام
غادة أتت هنا لتتركك أمانة في أعناقنا. تعالي أحكي عنها وإحتفى بحياتها القصيرة
المليئة بالكثير، وأسمعي منا. أخرجي من دوامة الحزن لأنها لا تقود سوى للأسى والحزن.
تذكري الله وألعني الشيطان كلما وسوس، وأطلبي لها الرحمة والمغفرة كلما مرت
بخاطركم، ومعكم سنفعل.
لقد هز موتها المفاجئ الجميع كما هزكم، ولكن لا نقول إلا ما يرضي الله :
(وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَموَالِ وَالأَنفُسِ وَالثَّمَرَاتِ وَبَشِّرِ
الصَّابِرِينَ(155) الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ(156)
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157) صدق الله العظيم.


الأخت سهام والأسرة
تقبلو منا عميق المواساة وصادق العزاء في إبتنا وأختنا الراحلة غادة.

عزيزتي سهام .... البارون تنيسون صاحب المقولة الشهيرة Theirs not to reason why, / Theirs but to do and die" هو الذي قال كذلك : A sorrow's crown of sorrow is remembering happier times وانت تتذكريين جمال حياتكم معها وهي معكم انما تتساميين علي حزن الام الثكلي برشاقة المؤمن الصابر القوي . ...بقدرما تاثرت بما كانت تكتبه لنا شهد بنت اخي عمر وصديقاتها يوميا بعد رحيلها في الفيسبوك خلت انني اعرفها ..واعجبت بذلك الحزن الصادق والذي كان اكثر عقلانية من حزن كبار وهن يرددن ما رددن لك She is in a better place و friends for ever واصرارهن علي النجاح لاسعاد روحها.... انتي ووالدها وابنائكم واسرتكم ادري بحجم الفقد وما نحن الا معزوون نستقوي ببعض من صبركم وايمانكم .. ولكل اجل كتاب وليعوضها الوهاب عن شبابها الجنة ويزيدكم صبرا ويقينا وانا لله وانا اليه راجعون

تعزية من ابوبكر صالح وصلتني بالإيميل
وبكري غير قادر على الكتابة في الموقع

Quote: مداخلة لبوست سهام المجمر‏ From: abubakr salih ( m) Sent: Thursday, May 06, 2010 8:52:49 AM To: abdrahman barakat ([email protected]) يا ام غادة

Quote: يا ام غادة ما مات من خلّف مثل هذا العبير، عبير الذكري العطِره و الشذى الفوّاح. قلوبنا معاك يا اختاه من يوما جانا هذا الحزن الكالح و نحنا شايلين همّك. أكتبى … أكتبى حدّثى عنها، حدّثى عن حبيبتك و صفيتك … ست البنوت، مثلها لا يموت. سوف اعود ما وسعتنى الحيلة. ابوبكر صالح

كتبت سهام لأبن عمها :

Quote: يا محمد حسن المجمر يا ود عمى والله تلبية لرجائك ساتوقف قليلا عن الكتابة لكن اعفى لو جيت تانى اخفف حملى شوية ويا محمد فكر معاى شوية الكتابة عنها دى ممكن تكون تخليد زكراها و عظة لنا جميعا وقد ياتى يوم تكون لى اخوانها سلوى

يا صديقنا محمد حسن ( بظن إنك زميلنا في الطيران المدني/ هندسة المطارات )
أعزيك في فقيدتكم عزاء حار
و لا اوافقك في طلبك مهما كانت دوافعه ومبرراته
لأن ماتفعله سهام مفيد جدآ زي ماقالت
ومفيد لها هي ذاتها ، فالكتابة طريقها لمغادرة محطة الحزن
انا بقدر ما حزنت لرحيل غادة الفاجع
كنت خايف على سهام ومجتبى جدآ
فالفاجعة كانت مزلزلة
رأيت في كتابتها دليل تعافي وقبول ورضا بالمصيبة


أكتبي ياسهام
ولقنينا الصبر والتماسك

كتابتك لها اثر إيجابي عميق

والله انا كنت في حزن كبير
وحتى قبل ايام قابلت زوجة هشام المجمر بصحبة بناتها
وحدثنتي عن الراحلة وعن حال سهام ومجتبى وسهام
لغاية ماوصلت البيت كانت دموعي تجري
وما إرتحت إلا بعد ما طالعت ماكتبته سهام

اسأل الله ان يديم عليها نعمة الصبر
ويبلغها مرحلة القبول والرضا

ومؤقن ان غادة سوف تكون شفيعة لوالديها

Quote: لم تأت غادة هنا إعتباطآ يا سهام، ولكن أتت لتسلم وليعرفها الجميع ولتترك رسالة مفادها : هذي أنا غادة الجميلة، جيتكم عابرة ومودعة، وأمي الحبيبة سأتركها أمانة في أعناقكم. أترجاكم لاتتركوها وحيدة أبدآ. آزرووها قدر المستطاع، عضدوها، قفوا بجانبها حتى يقوى عودها من جديد. وأنا سأكون بخير حيث إختارني الله إلى جواره. طمنوها عني وأدخلو اليقين إلى قلبها الطري المفجوع. أعلم كم تحبني أمي! وكم هي متعلقة بي!. طمئنوها بأني سأكون في مكان آمن وأمين وستحسين ذلك عما قريب. أمي أنا بخير. خلي بالك من صحتك فهي غالية عندي. خلي بالك من أبي المكلوم فهو الآن في حوجة شديدة إليك ، وكذلك أخوتي الأشقياء الحلوين. سنلتقي حتمآ ونجتمع مرة أخرى كما نود. ولقد سبقتكم بالذهاب، لأن الله أراد ذلك. أنا يا ماما ما كتيرة على ربنا مش؟

يا اللـــــــــــــــه .. يا اللـــــــــه يا اللـــــــــــــــــــــــــــه

انا قلبي مقطوع ...

انتي كيف يا سهام ..

استغفر الله استغفر الله استغفر الله

سلام

عبارة لاول مرة اسمعها فى خياتى مرة كبيرة جات عزتنى وقالت لى الدنيا قدييييمة با بتى الله يصبرك
بعد داك سمعتها كم مرة
فعلا الدنيا قديمة والمصايب تتجدد كما الحياة
يا حواء لما اسمع زول فقد فلذة كبده زى كده بتقوى بيهو
الله يصبرنا يا اختى
والله قدر ما سمعت عن حرق الحشا
الا انه لا يوصف
الله كريم علينا

غادة ريحانه كانت نظيفة جدا فى نفسها لما تدخل الحمام تقنع منو و منها
و جنها تغسل شعرها يا بتى انت عندك ازمة غسيل الشعر ده كل يوم لزومو
شنو؟ تقول لى ياماما ياخ اخر مرة و كل مرة اخر مرة
تشوف نظافتها ما تشوف اوضتها الهدوم فى الكرسى والدولاب قطر كريمه
و قيامة رابطه ..يا بتى نظمى اوضتك دى يا ماما كان نظمتها ما بلقى حاجاتى
وتقعد تضحك ...يوم جوها صاحباتها وانا عامله فيها عاوزة احرجها قلت ليها
قدامهن انتى ما بتخجلى هسه مقعدة البنات فى الكيمان دى البنات قعدو يضحكو
وقالو والله يا خالتو كلنا اوضنا كده ...قلت ليهن كان كدى الله كريم
وربنا يقدرنا على تربيتكم
سبحان الله اقرب صديقة ليها كانت زيها فى طيبتها وفى رقتها وفى جوطة غرفتها

الاخت سهام والاخ مجتبى المحسى

البركة فيكم وجبر الله كسركم

وجعلها الله اخر الاحزان وادخلها الجنه
وربنا يصبرك فالمصيبة كبيرة
وانا لله وانا اليه راجعون

شيخ الدين اسماعيل

صباحاتى بقت واحدة اصحى اقول اصحى اجد الحال واقع
حبيبتى انا يا ماما ما غالية على ربك والحمدلله
لما رجعنا من الامارات سالت احسن مدرسة وين قالو لى مسز خير
وكان مفرض تنزل تالته مشينا وقابلنا مسز خير قالت لى تنزل تانية
لانها صغيرة شديد و كده ماصاح كنت ماسكه يدها الصغيرة و نازلين السلم
قالت لى ياماما انا ماعاوزة اقرأ تانية تانى وماعاوزة المدرسه دى
مسز خير كان بتتكلم انجليزى و مفتكرة ديدى ما بتعرف
المهم سمعت كلامها ووديتها مدرسة تانية قرأت فيها تالته لكن حصل لى معاهم موقف
جاتها ازمة و التهاب قعدت فى البيت يومين وبعداك قررت انها تنزل
المهم اديتها ادويتهامعاهاومعاها مذكرة صغيرة
اول حاجة حصلت انى كنت عاوزة اوصل ليها شنطتها الفصل
لانها تقيله عليها قامت مديرة المدرسة شافتنى و رفضت تخلينى اطلع معاهاالفصل
شرحت ليها الموقف قامت قالت لى ماياها دى كويسه خلى البت تشيل شنطتها براها
قلت ليها لا انا عارفه حالتها الصحية اذا انا ما مفروض اطلع نادى واحده من
الفراشات تشيلها ليها قالت لى نحن ما عندنا دلع
ده ما دلع البت اساسا مافيها روح و ضعيفة قشه
كمان عندها ازمه المهم اصريت انو يجى زول يشيل الشنطة
رجعت البيت وانا بغلى
لما جيت اسوقها اكتشفت
انها ما اخدت المضاد الحيوى
سألت ليه قالو لى دى سياسة المدرسة!!!!!!!!!!!!
كيف يعنى سياسة المدرسة !!!!!!!!
قلت ليهم انا اصلو مرسلا معاها drugs
ده مضاد حيوى و هسه انتو بوظتو ليها الجرعة
طيب ما كان تتصلو بى تقولو لى سياسة المدرسة ما ندى ادوية مرسلة مع الاطفال
المهم مشيت لصاحبة المدرسة و حكيت ليها التفاصيل ولدهشتى امنت عليها!!!!
طوالى قلت ليها انا ما بقدر اخلى بتى و هى عندها ازمه معاهم
مشيت تانى لمسز خير و حكيت ليها القصة و قلت ليها عشان نفسيات البت
اقبليها وقلت ليها انتى كدى خليها تمتحن امتحان الدخول و احكمى
قالت لى عندى اقتراح احسن من كده نجن لسه ما اجزنا و هى خلاص اجزت
جيبيها الاسبوعين الفضلو لينا ديل ونشوف راى المدرسات
المهم بعد الاسبوعين تقرير الاساتذه كان ممتاز وقررت تقبلها
وبكل احترام ثبتت رايها انو البت صغيرة على رابعه وقال لى ده حرام عليك
قلت ليها من ناحية تعليمية كلامك صاح لكن البت نفسيا ما ح تكون كويسه
وبعدين انا بتحداك بيها يا مسز خير هى بتقدر على رابعه
قالت لى سمح نشوف
وكانت حبيبة عمرى قدر التحدى رفعت راسى و ما خذلتنى
وجات الاولى على فصلها

كراستها دايما مرتبة و اوراقها المدرسة حقتها فى فولدر
بقكرة منها هى ..حتى واحده من الامهات مرة جات تستلف منها
عشان ولدها لما جبت ليها الحاجات اندهشت وقالت لى بلاهى
شوفى النظام ده كيف قلت ليها دى فكرتها هى قالت ماشالله عليها
اريتو ولدى يبقى كده
سبحان الله اوضتها ضاربة اطنابها و حاجات المدرسة منظمة
كانت محبوبة بحق من كل الفصل و من المعلمين و المعلمات
وكان استاذ اللغة العربية كثير الاشادة بها وخصوصا فى الانشاء
لغاية لما جات تمتحن السنه دى ال IGCSE
كان زعلان منها جدا لانها رفضت تمتحن عربى كلغة اساسية
واختارت عربى خاص وكان بيقول ليها امكانياتك فى العربى اكبر من كده
فى النهاية لما اتضايقت منو شديد قلت ليها يا غادة
قولى ليهو ده قرار امى وابوى
قالت ما بقدر اقول ليهو كده يقوم يزعل

بالجد بالجد كانت رافعة راسى فى المدرسة بتذكر مرة كان فى يوم ال Parents
كنا داخل فصلهم و بنتفرج فى كراساتهم و اعمال السنه قامت واحده قالت لى انتى ام غادة
قلت ليها ايوه قالت ما شألله عليها فى واحده تانية كانت قاعده فى كرسى ولدها و بتشوف
فى كراستو قالت وين ام غادة دى والله انا نفسى اعرف الامهات الاولادهم بجو الاوائل ديل
قاعدين يسوو شنو؟؟؟؟ الغريبة سلمت عليها و ما عرفت ارد عليها

استمرت تجى الاولى لغاية ما وصلت تامن
قامو نقلو ليهم بت جديدة ماشألله عليها ربنا يحفظها و يغطيها
ويزيح عنها الحزن الدخل قلبها ..و ينجحها يارب ويحفظها من كل شر
ومن كل عين
البت الجديدة جات الاولى ومسكت فيها قوى
قمت انا اتغظت من غادة و قلت ليها كيف حاجة حقتك السنين دى كلها
تفكيها لى زول و طلعت بالموال التقليدى مالها ازيد منك بشنو
عندها تلاته عيون والا تلاته إضنين
قامت قالت لى ياماما انا نتايجى كويسه
وبجى التانية ومرات التالته وانا ما دايرة عشان اجى الاولى بس
ما اعيش حياتى I want to live my lifeعاوزة اقرأ كتب
اشوف تلفزيون اطلع مع اصحابى اعيش قدر عمرى
طبعا اسقط فى يدى و ما عرفت ارد عليها
وتانى ما ناقشتها خالص فى موضوع الاولى ده
لانى لقيت كلامها منطقى جدا
والحمدلله ان استمعت اليها وتركتها تفعل ما تحب

أختي سهام المجمر كلامك يقطع شرايين القلب ..
بجد الحشا فراقه حار ..
ودي الدنيا كدا اختي ..
كل يوم بتحدث وفيات وبيتالمو ناس كتير على فراق احبائهم ..
لكن لانشعر الا عندما نصاب بفراق عزيز ..
ربنا يصبرك وعليك بالصبر والصلاة وتلاوة القرآن الكريم ..
وما تنسي الابنة غادة بالدعاء في جوف الليل وانتي ساجدة خاضعة لربنا جل الخضوع ..
ياسهام الدنيا مكان عبور وكلنا ماشين منها وتبقى اعمالنا الصالحة ..
كتر خيرك لطلبك العفو من الناس المخاصماهن ..
معدنك اصيل أختي ..
ربنا يصبرك ويصبر زوجك ..
نسأل الله ان يرحم الابنة غادة ..
تغالبني الدموع من احرفك هنا ..
لا حول ولاقوة الا بالله العلي العظيم ..

سومة حبيبتى

غادة حبيبة خالاتها وبتنا معاكى ما بتك براك
فقدها عالله وما عظيم وكبير ولكن نسوى شنو هذا امرالله
و لازم الصبر اكتب عنها واحكى بترتاحى وبتقطعى قلوبنا

ربنا يقويك انتى ومجتبى و كل البحبوها

سارية حزينة شديد لكن عجبتنى فكرتها اننا نعمل توعيةفى المدارس عن الازمة والاطفال كيف يتعاملوا معاها
و تكون صدقة جارية لروحها
الحزن براه ما بكفينا كانت بتحب القراية نعمل مكتبات مدرسية باسمها فى المدارس فى الاحياء الما بتوفر ليهم شراء الكتب
وتكون صدقة جارية باسمها .

قدر محبتك انحنا امهاتها كلهن بنحبها ولازم نعمل عمل صدقة جارية باسمها .



ربنا يرحمها ويغفر ليها و يصبرنا كلنا على فراقها .

يا الله كم كانت فجيعة كبيرة


اللهم نسالك الصبر يا رب العباد

Dear amato Siham
I wanted to express my sincerest condolences on the recent passing of your daughter ghada, whom we loved
and cared about. I hope that you and your family are holding up.
It was really sad and shocking news. I just couldn't believe that she passed so suddenly and easily. She was so young and that makes me think about the fact that any of us can die just as easily and that God has a plan for each and everyone of us. It shows that we shouldn't waste our remaining time here on earth, and trying to make the most of out of our lives, and trying to achieve greatness, and I know that that is what ghada was trying to do. She was funny, energetic, respectful, pretty, good listener and very fun to spend time with. I just hope that you and your family can pull through this. I am praying for you and her.
Sincerely yours
Taha

قطعت قلب اخوانك يمة

والله ووالله ود خالك وصفك بما انت اهله

اتذكر مرة فى واحده من البنات صحباتها بقت منزوية شوية
قامت ديدى مشت اتلكمت معاها وسألتها مالك
قامت قالت ليها البنات والاولاد كلهم انتى مصاحباهم
و بحكو ليك اسرارهم وانا لا
وهسه لمن جيت اقعد جنبك انتى وفلانه قامت فلانه سكتت
قامت غادة حبيبتى ردت عليها وقالت ليها الناس ما بتكلمو
عن حاجاتهم مع الزول البقفل قلبو
افتح قلبك للناس اسمعيهم و بادليهم الاسرار
وحافظى عليها و كده بتكسبى ثقتهم
البنت كان رايها انها ما ممكن تدس حاجة من امها
غادة قالت ليها انا زااااتى ما قاعده ادس ما يخصنى عن امى
لكن ما يخص الاخرين مستحيل احكى ليها
المهم النقاش اتوسع و دخلو بنات تانين والبت اصرت على موقفها
انها اى حاجة بتسمعها ح تقولها لامها
غادة قالت ليها خلاس ما تزعلى لما الناس ما يقولو ليك اسرارهم

جات فى البيت حكت لى النقاش عاوزة تعرف رئيى شنو
قمت اتفقت معاها فى رايها و قلت ليها عشان اغيظها البت ديك احسن منك
لانها بتجيب الشمارات لامها بدل امها قاعده كدى تسمع فى بتها الما عندها موضوع
تقرقر بيهو راسها
طبعا فهمت القصه تدويرها
وكعادتها يماماااااااا ياااااااااااخ
وضحكت
بعداك اتناقشنا فى الموضوع ده كتير
واتشعبنا و ابحرنا حول الخصوصية واحترامها

قمت بعد كم يوم سمعتها بتتكلم فى التلفون و بتضحك قلت ادورها شوية
قلت ليها اها يا ديدى فلانه دى مجكسة منو قالت بكل جدية
ماما دى حاجة ما بتخصك
قلت ليها كويس كويس الشمار بيجى و بتجى تقيفى لى و ما بحكى ليك
طبعا بس بتضحك

جوووة قلبى الانفطر ده كنت فخورة بيها

لا شي يقال ..


..
قلبي معاكم

اختي المكلومه سهام
ربنا يصبرك ويبرد حشاك يابت امي
ثقي انها عند مليك مقتدر الطف بها وربما هي في حال افضل من دنيانا
أرجو ان تصبري فهوامتحان وابتلاء
وثقي ان افعال الله كلها خير .
يارب تتولاها بي رحمتك تلك البنيه اللطيفه
صدقا كلماتك اوجعت قلبي
ربنا يصبرك اختي .

آآآخ يا سهام المجمر ،
بتك حارقاني وكاوية قلبي زي الشفتها ولعبتها وضحكتها وربيتا معاك انتي وابوها.
دمعتي عليها حارة ما نشفت وكنت شايفة أي كلام أقوله ما عندو تأثير قدام مصاب قدر دا . كنت دايرة أقابلك عديل يا سهام يا ريتني لو جمبك . خبر غادة بكمني يا سهام وغالبني الأقوله . قريت كلاماوكلامك عنهاوبيمزقني الألم وبلقى عزاء في كلامك وفي تماسكك . بتك دخلت علي يا سهام . دخلت علي شديد . الله يصبرناكلنا.

Quote: سبحان الله اوضتها ضاربة اطنابها و حاجات المدرسة منظمة

سهام



أسأل الله الرحيم أن يُنزل عليك صبرا يغسل من قلبك كل الأحزان

لم نتقابل من قبل ولكني وجدت بعض أحزانك لدى والدتي - كانت قد عادت من بيت العزاء - وعلى أعينها حزن أكيد - الأمهات تحديدا ياسهام يعلمن مرارة هذا الأمر

هذا نوع من الفقد لا يُحتمل إلا بعون الله ورحمته

الإقتباس أعلاه مُحزن وشديد ...ملئ بالمقارنات التي تضج بالحياة

ولكن ياسهام الموت أمر مؤقت وصغيرتك ستكون بكل بهائها في جنة عريضة بإذن الله ...


_________________________

الوجع ياسهام حين لا نستطيع ضبط مكان الألم

قلبي معكما أنت ومجتبى

اللهم تنزل برحمتك وسكينتك على قلبى مجتبى وسهام
وإن كانت مشيئتك التي لا إعتراض عليها أن يفقدا صغيرتهما الوضيئة فلا تجعلهما يفقدان أجرك العظيم الذي تهبه لعبادك الصابرين

_____________________

محبتي ياسهام وأسفي الشديد

لا حيلة في أمر الله ياسهام !

لا حيلة في أمر الله !

وعزائي لك لاتحده حدود !

وعزاؤنا الأكيد أنها في عالم جديد وحيز جديد !
ترفرف بجناحيها في أجواء رائعة حالمة بقرب الرب
الحميد المجيد ،، الحنان المنان ،، الرؤوف الرحيم.
وهى أقرب إليك ياسهام من حبل الوريد ! .. دعيها تنام
ياسهام بين جنات وعيون ومقام كريم ! ..... ونامي أنت
ياسهام مطمئنة عليها ،، فهي مابين أحضان الكريم ! وهو
أرحم الراحمين ! وأحن عليها من الخلق ، ومن الناس أجمعين !

كوني مرتاحة ياسهام فالرب حنون !

وقلوبنا معاك أبد الآبدين .


مامون .

المتوهجون يحترقون مبكرا
المتميزون يقطعون مشوار الحياة بخطوات واسعة و يختفون وراء مداركنا لكنهم احياء كالفكرة
اكتب يا سهام و تحدثي، ابكي فقدها و اضحكي حين تتذكرين لطفها
اشغلي الحزن عنك و قولي ما يوضي الله
يجعل لك مخرجا

سهام يا حبيبه

اهرب من بوستك هذا ايام وارجع له عله يخفف عني.

غاده التي لم نرى منها سوى مداخله واحده هانحن ذا نبكيها

ليل نهار...فمابلك و انت امها وقد سعدت بكل هذا النبوغ

و الانسانيه و المرح فيها.....


فقد انسانه مثل غاده ليس سهلا فما بالك من كانت ابنته؟؟!!

واصلي الكتابه عنها فهي جميله مثل غاده وتخفف عننا جميعا وعنك.



اللهم غاده الجميله الطيبه بين يدك فاكرم وفاداتها يا رب.

اللهم برد حشى سهام و مجبتى واخوتها وكل اسرتها.


الله لطيف بك باذن الله يا سهام.....في قصص كثيره حابه احكيها لك يمكن تخفف عنك....

قولي بس يا لطيف من حرقة الحشى.

الليلة اول امتحان يا بتى يا حبيبتى
امتحان فيزياء انتى عارفة الفيزياء دى كنت خاتاهاA
الله رحيم يا حلوه يا لذيذه الله رحيم على و عليك

قلت ليها تدخلى طب قالت لى ما عاوزة طب
قلت ليها انتى عندك قدرة على انك تكونى طبيبة
وبعدين انا حاسه انك ح تكونى دكتورة شاطرة
لكن فى نفس الوقت بقول ما بجبرك على شى
والقصه ما بتى دكتورة
قالت لى ياماما المشكلة نحن فى بلد الواحد بيمتحن جامعة
ويلزم انو يقرر يدخل ياتو كلية و هو لسه بكون ما وصل مرحلة
عرف فيها انو نفسو يكون شنو
والمشكلة الاكبر انو رغم المدارس الاتجليزية الا انو ما اتوفر لينا
مساعدات علمية عشان نقدر على الاقل نعرف نحن افضل لينا شنو
ونبننفع فى شنو و احسن مهنه شنو
وقعدت نتظر عن المؤسسات العرفت عنها فى امريكا و البتقدم
مساعدات زى دى
المهم قلت ليها يا زوله انا ما بفهم كلام زى ده
انا عاوزة نتيجه تقعدى تخلفى رجلك بعدها و تختارى بكيفك
ولو اخترتى اى شى انا معاك
قالت لى حتى ولو Genetic Engineering
قلت ليها مالو قالت لى طيب ادرسها وين فى السودان
قلت ليها ما مشكلة نشوف
قالت يا ماما عارفه مشكلتنا انو نحن قاعدين فى بلد
بقتل الطموحات يعنى هسه دى لو اخترت اى حاجة
ممكن تجيك مشكلة من وين ما تعرف تبوظ ليك اى شى
just we can't plan

سهام المجمر تحياتي واصلي أكتبي اكثر الكتابة بتجلي الروح

الله يا سهام..
اكتبي ونحن نقرأ إحتفائيتك بزهرة خالدة جواك.. وجوانا كلنا..
أكتبي ونحن نقرأ هزيمتك للموت، الضعف وقلة الحيلة..

قرأتك دامعة، لكن فخورة ومعجبة بك وبغادة..
وبت انتي امها ما بتكون هينة ولا عادية..

يا لجمال أمومتك.. ويا لنبل حزنك وصبرك..
أكتبي يا سهام..

فى مرة انا كنت مسافرة وخليتهم فى رعايتهم ابوهم واهلهم
قامو يوم مشو يقيلو مع امى الله يديها العافية
قامت امى مسكت رسلت ديدى الله يرحمها ومعاها صاحبتها وبت خالتها اية الله يصبرها
الجيران لما جو راجعين ديدى قالت ليها يا حبوبه مشينا لقينا عندهم مره عجووووزة شديد
قاعدين يحمو فيها .. قامت امى نادتها قالت ليها تعالى قريب انا دايراك و مسكتها من خشمها
قالت ليها انا سألتك قلت ليك شوفتى شنو فى بيت الناس اوعك تانى تخشى بيت زول
تجى تقولى شفتى شنو والا انا بكسر رقبتك و اسقيك مخها
وفى مرة تانية فى بت صغيرة قريبه ليها فى العمر كده جات مع قريبة ليها اكبر منها
زى حبوبتها كده وصادف امى جات تشوف اولادى و جايبة ليهم غداء
قامت البت قلت ادبها فى المرة القدر الحبوبة دى شديد و اتكلمت معاها كأنها بتتكلم مع شافع
لمن المرة اتحرجت المهم لما الناس مشو ...تااانى امى نادت ديدى المسكينة وقالت ليها
شفتى طبعا الموقف الحصل قدامك دا و شفتى البت دى قلت ادبها كيف
وقالت ليها اقعدى قدامى هنا ... انا والله لا بعرف امك لا بعرف ابوك
تغلطى غلط زى ده بكسر رقبتك واسقيك مخها
لما اتلاقينا وجونى هى واخوانها يحضرو تخريجى قامت حكت لى القصتين
وقالت لى ياماما انا ما عندى مشكلة غير انى داير اعرف بعد ما رقبتى تتكسر
ح اشرب مخى كيف؟؟!!! كانت بتقول فى الكلام ده و هى بتفرفر من الضحك
طبعا انا اتكيفت شديد وقلت ليها انتى بس اغلطى وح تعرفى من حبوبتك تشربى مخك كيف

الحمدلله ما حصل يوم دخلت بيت جات حكت لى شى غير البرنامج مشى كيف
وقضت الوقت كيف

Quote: الله يا سهام.. اكتبي ونحن نقرأ إحتفائيتك بزهرة خالدة جواك.. وجوانا كلنا.. أكتبي ونحن نقرأ هزيمتك للموت، الضعف وقلة الحيلة.. قرأتك دامعة، لكن فخورة ومعجبة بك وبغادة.. وبت انتي امها ما بتكون هينة ولا عادية.. يا لجمال أمومتك.. ويا لنبل حزنك وصبرك.. أكتبي يا سهام..

الله يا سهام
سبحان الله حسه طارياك بسري
واقول يا ربي سهام كيف امست؟؟؟
لقيتك لسه بتكتبي......ونحن لسه بنجي نفتش لما كتبتي عن غاده!

لقيت لك اسماء الادويه القلت لك عليها
بوشف لي زول يرسلها لك بالماسنجر
لانهي بكري طالبلني بجوة...ربك كريم
ورحيم يا سهام ...يحول بقدرته باذن الله كل ذكرياتك عن ديدي
بردا وسلاما على قلبط وعمل ايجابي وصدقات لروحها.

لا حول ولا قوة إلا بالله
إن الشهاب لا تعيش طويلا..
كانني أعرفها لقد قرأت كلماتها وابكتني.
اكتبي فان الكتابة متنفس لك ..
لك الصبر الأخت سهام وجبر الله كسرك..

جرت مصائب فرقتي لـك بعـد ذا لبـس الـسـواد ونـفِّـذ المسـطـور
والقبر صار لغصن قدي روضـةريحانـهـا عـنـد الـمـزار زهـــور
أمـــاه لا تـنـسـي بـحــق بـنـوتـي قـبــري لـئــلا يـحــزن المـقـبـور
فأجبتها والدمـع يحبـس منطقـي والدهـر مـن بعـد الجـوار يجـور
بنتـاه يـا كبـدي ولوعـة مهجـتـي قــد زال صـفـو شـأنــه التـكـديـر
لا توصي ثكلى قـد أذاب فؤداهـاحــزن علـيـك وحـسـرة وزفـيــر
فسمـا بغـض نواظـري وتلهـفـي مـذ غـاب إنـسـان وفــارق نــور
وبقُبلـتـي ثـغــرا تـقـضـى نـحـبـه فحرمت طيب شذاه وهـو عطيـر
والله لا أسـلـو الـتـلاوة والـدعـا ما غردت فـوق الغصـون طيـور
كــلا ولا أنـسـى زفـيـر تـوجـعـي والقـد منـك لـدى الثـرى مـدثـور
إنـي ألـفـت الـحـزن حـتـى أنـنـي لـو غـاب عنـي ساءنـي التأخيـر
قد كنت لا أرضى التباعـد برهـة كـيـف التصـبـر والبـعـاد دهـــور
أبكـيـك حـتـى نلتـقـي فــي جـنــةبـريـاض خـلـد زينـتـهـا الـحــور

إلى جنات الخلد مع الصديقين والشهداء أيتها النقية الطاهرة وليجعلك الله شفيعا لوالديك في الجنة إن شاء الله.

Quote: (No Subject)‏ From: Abdul Hameed ([email protected]) You may not know this sender.Mark as safe|Mark as junk Sent: Monday, May 10, 2010 12:21:31 PM To: abosandra ([email protected]) اخى عبدالرحمن سلام عليك وعلى من تحب اخوك فى الله ( ولا عجب ) كلنا كذلك ارسل لك هذه الكلمات بعد ان اراحتنى تعزيتك النبيلة الشاملة الجامعة لاختنا فى الله سهام . اسال الله ان يقويها نعم الحمد لله وكفى يقول الشيخ احمد الكبيسى ان الانسان بعد ان يولد يستهل حياته صارخا فقد خرج الى عالم مجهول له موعود فيه بالكبد والنكد بعد ان كان مطمئنا ياتيه غذاؤه وشرابه بلا تعب ولا نصب مكفول له أمنه وسلامته. لكن بعد قليل لو كان له الخيار فى ان يرجع الى بطن امه او ان يبقى فى هذا العالم القاسى المتوحش لما رضى بالرجوع. كذلك المؤمن بعد الموت بعد دخوله فى ذلك البرزخ الموعود لوكان له الخيار فى ان يرجع الى عالمنا هذا لما رضى بالرجوع نسال الله ان يتقبل غادة فى عليين وان يلحقها بالصالحين ولاسرتها الصبر والسلوان والدعاء لها فالدعاء هو قناة الوصل بينكم وبينها كلمة اخيرة اختى سهام يذهب الحزن ان شاء الله بعد قليل ويبقى لك الشجن وهو شئ جميل ونبيل لوتعلمين وحياة اخرى هادئة ورقيقة عندما تغمضين عينيك وتعيشين مع ذكراها وذكرياتها الحبيبة لك الله و الحمد لله اخوك فى الله عبد الحميد محمد.

الأخت سهام
أعلاه تعزية رقيقة ومعبرة وصلتني بالإيميل من الأخ عبدالحميد محمد
فله أجزل الشكر ‘ على كلماته وتعزيته التي بلا أدنى شك سوف تسهم
مع غيرها من المشاركات التي صدرت من الأعماق في تعزية سهام والأسرة

ألأخت/ سهام..السلام عليكم..

تجاهلت هذا البوست كثيرآ فى الدخول إليه..ولكن العزاء هو الدعاء لها..

والحمدالله على إرادة الله أولآ وأخيرآ..

وكم أعجبنى تماسكك وثباتك....ونسأل الله لها الجنة ولكم حسن العزاء.

Quote: اخير اقيف البوست ده كان كفترض يكون للشكر لوقفتكم وتعازيكم لحضوركم الشخصى والاسفيرى و لمكالمتكم

ده الواجب علينا جميعآ...وربنا يعظم ألأجر..

!العزيزه الغاليه سهام
اه علي حزنك..اصبحت منتظمه في متابعه ما تكتبين عن ابنه روحك الغائبه الحاضره غاده...كم اتعذب لحزنك...مازلت اتزكرها طفله صغيره لم تبلغ العامين وهي تلعب مع شادي ولدي حينما تقابلنا فى ابوظبي منذ سنوات. لا اسطتيع تخيل مدي حزنك فانا ام لابن يكبرها ببضع اشهر هو ايضا ابن عمري وصديقي...لكي الله ياسهام..اكتبي عنها كلما اشتقتي اليها...تحياتي لكي وللعزيز مجتبي.
والرحمه لحبيبتك الغاليه غاده.
نهله ابوقصيصه

Quote: كذلك المؤمن بعد الموت بعد دخوله فى ذلك البرزخ الموعود لوكان له الخيار فى ان يرجع الى عالمنا هذا لما رضى بالرجوع نسال الله ان يتقبل غادة فى عليين وان يلحقها بالصالحين ولاسرتها الصبر والسلوان والدعاء لها فالدعاء هو قناة الوصل بينكم وبينها

اخى عبدالحميد محمد
كلامك كبقية الاخوة والاخوات شرح قلبى
اسأل الله ان تكون بنتى من المؤمنين الصالحين
اللذين وجبت لهم ولهن الفردوس الاعلى نزلا

سهام ،
سلامي وتعازي مجددا لك ولزوجك مجتبى والأهل جميعا. شكرا على تكحيل أعيننا برؤية الملاك الطاهر غادة لها الرحمة في عليائها. قلبي معك وأنت في خاطري باستمرار. دعواتي لك بالصبر والتماسك وبجعل البركة فيك وأبيها وشقيقيها . محبتي وأعمق أعمق معاني المواساة وشد الأزر.

الله الليلة انا الصبر ابى لى
ماداير احسب ليها الغياب
اشتقت للونسة معاها
امانه ما كانت وناسة
انا ندمانة على اى لحظة قلت ليها فيها
اسكتى شوية
كنت لما اقول ليها كده
تعمل حركة بوشها وعيونا يعنى انا زعلانه
وتقول لى this is rude
اقول ليها لكن مخى و جعنى
مرات كنت بستمع نص نص
كم ندمانة انا وسافة التراب

الله ياديدى يا بتى
الله على فراقك الله
الله على غيابك
والله على ضعفى

خليتينى لمحمد و حسام ربنا يحفظهم
مافى زول هسه بيجى يحاول ينقذنى من مشاكلهم
ويقول ليهم ما تروقو شوية ما شايفين ماما دى زهجانة كيف

الله الله الله على فقدى ليك
فقدى كبير يا حبيبتى
بس الله كبير أسأله رحمتة مغفرته وعفوه
وان يفرغ على صبرا من عنده
يا حبيبتى
البيت بقى شين شين شين يا ماما
رجعتى من الشغل بقت وجع فى وجع
عاوزة القاك جنب السلم تتلقينى
مااااااامااااااااا وفاتحه حضنك لى
اقول ليك خشى فى الموضوع
تقعدى تضحكى
وبقيتى لما اجى احضنك انا
واقول ليك ديدىىىىى تقولى خشى فى الموضوع
عشان تتسدى فينى
واااااااشوقى ليك يا حبيبتى واااااااا شوقى

الصبر و السلوان لك يا رب

نصيحة أخ أكبر هل تتقبلينها يا سهام ؟؟

خذي زوجك وأولادك وتوجهوا للأراضي المقدسة
اعتمروا لأنفسكم
وليعتمر كل منكم عمرة ويهب ثوابها لها

عسى أن يلهمكم الله تعالى من فضله صبراً جميلاً

خاصة وأن الأولاد في الإجازة المدرسية
فكروا في هذه النصيحة

Quote: خذي زوجك وأولادك وتوجهوا للأراضي المقدسة اعتمروا لأنفسكم وليعتمر كل منكم عمرة ويهب ثوابها لها عسى أن يلهمكم الله تعالى من فضله صبراً جميلاً خاصة وأن الأولاد في الإجازة المدرسية فكروا في هذه النصيحة

كلام في محله ... ربنا يصبركم و يعوضكم خير في بقية أخوانها

عزيزتي سهام المجمّر

آلمني فقدكم و الله، و ما قرأته للراحلة و عنها يُخبِر أي فتاة كانت و يُصدِّق القول إنّ الموت نقّاد..
لكم الصبر الجميل و عزائي للأخ مجتبى و الصديقة هيام و العزيز أشرف الجعلي و بقيّة آل المجمّر
.

سر المتاهة
"عن غادة"

من أيقظ الاطفال فى كهف الدمى؟
من أيقظ الاطفال من حلم جميل؟
من أجمل الأحلام فى الليل الطويل؟
أهى سندريلا؟
تبحث عن حذاء لامع فقدته
اذ هربت بليل؟

أم قمر الزمان تسللت مبهورة
عبر الخميل؟

أم تاجوج فى كبرياء
ترفض العشق الجهير؟

أم نحب جرح نازف
فقد المضمد ضد عاهات السنين؟

هيا اتركو غادة و حمدى..
قد تيمم ركبهم شطر المتاهة باكرا
أسبروا أغوارها
فى غفلة منا..
تفوق بحثهم
فغدوا ... علامات النجاح
تضىء كالبرق المنير
وتختفى ...
تضىء.. وتختفى ...
تضىء.. وتختفى ...
فلنحتفى بها يا سهام...
لعلنا بقبولنا
نضىء أنفاق الظلام هنا
ونكتشف
سر المتاهة ....
فنسمع الهمس المحبب
فى الأثير.



عشه موسى............. 15 مايو 2010

يا سهام .. بدعو ربنا في كل وقت ان يصبرك ويجعلك من اصحاب بيت الحمد ..

يا سهام .. غادة عند مليك مقتدر له جنة عرضها السموات والارض ..

يا سهام .. غادة امانة وربنا اخذ امانته وكلنا عندنا امانات بترجع لصاحبها ..

يا سهام ... ايقاننا غادة فى الجنة تنهل من كل شيء جميل فيها ..

يا سهام .. انا بكتب ليك وقلبي بتقطع لكن .. نسوي شنو ده حكم الله ا والموت حق علينا ..

ربنا يخلي ليك اولادك ويحفظهم من كل سوء .. ويجمعك بي غادة يوم لا ظل إلا ظله ..

نسأل الله ان يجمعك بي غادة في بيت الحمد ..


استغفر الله العظيم .... اللهم صبرنا جميعاًً

يا عفاف انا ماقادرة جد
ربنا يقبل دعائك يا رب