Post: #1
Title: كيف ؟؟؟؟!!!!!......
Author: Siham Elmugammar
Date: 03-24-2009, 07:23 PM
Parent: #0
دى مسكة يد عجيبة !!!!!!!!!
تحية ليك اخى عبدالكريم الامين وربنا يفتحها عليك شقيش ما تقبل
|
Post: #2
Title: Re: كيف ؟؟؟؟!!!!!......
Author: jini
Date: 03-24-2009, 07:32 PM
Parent: #1
سهام المجمر
ازيك
الباصوورد حقك يا دوبك لقيتيهو!
جنى
|
Post: #3
Title: Re: كيف ؟؟؟؟!!!!!......
Author: Siham Elmugammar
Date: 03-24-2009, 07:38 PM
Parent: #2
جنى ود أمى باصويردى ملموم يابا
الا الله عالم !!!!!
|
Post: #4
Title: Re: كيف ؟؟؟؟!!!!!......
Author: عبدالكريم الامين احمد
Date: 03-25-2009, 06:48 AM
Parent: #3
يا هلا والله بالبير سهام
واشرقت الانوار الاسفيرية
وسعيدين بعودتك وانتي بكامل الصحة والعافية الي هذا المكان مرة اخري
واتمني ان تكوني الان عال في العال
وحبابك يا سهام وفي انتظارك دوما
|
Post: #5
Title: سبحان الله ..
Author: Hussein Mallasi
Date: 03-25-2009, 08:02 AM
Parent: #1
الواحد ما اكتشف أهمية لوجودك إلا بعد اختفيتي 
_____
حمد الله على السلامة.
|
Post: #6
Title: Re: سبحان الله ..
Author: Siham Elmugammar
Date: 03-25-2009, 10:17 AM
Parent: #5
عبدالكريم يا بير الصحة ماشة تمام نحمدالله و نكون من عبادة الشاكرين
بس .... اقول شنو
اها ما تميت كتابتى جانى طيفك طايف والله مااقدر اقول ربنا يجعلها خوة دايمة
برجع تانى لانى فاطة سطر هسه
|
Post: #7
Title: Re: سبحان الله ..
Author: Siham Elmugammar
Date: 03-25-2009, 10:36 AM
Parent: #6
Quote: الواحد ما اكتشف أهمية لوجودك إلا بعد اختفيتي
_____
حمد الله على السلامة |
.
ملاسى تحايا
نرحب بهذا النوع من الغتاتات :D
بلاهى شوف لينا تدويرا سريعه كده
مع وجود البير بى جاى
خلينا نسخن
|
Post: #8
Title: Re: سبحان الله ..
Author: ibrahim kojan
Date: 03-25-2009, 01:22 PM
Parent: #7
سلام لي الله بدون غتاتات وكده..
كيف احوال الاسره الكريمه
وابو العيال
وقولي لصحبتي الipot
في السكه مع اول اجازه
الشارع الجنبكم لسع بتاع تراب ؟؟ نرسل ليكم كيكي لرصفو... ولا يجيكم الطوفان!!
|
Post: #9
Title: Re: سبحان الله ..
Author: محمد عبد الماجد الصايم
Date: 03-25-2009, 01:51 PM
Parent: #8
وين يا!
باللاي من رحلتكم المخستكة ديكـ تاني ما شفناكـ لافة بي جاي
|
Post: #15
Title: Re: سبحان الله ..
Author: Siham Elmugammar
Date: 03-26-2009, 08:08 AM
Parent: #9
ود الصايم
سلام
نحن بهنا يااااااا
انقول ليك اولا بالتبادى
انا اكرة ليك الرحلات دى كراهية التحريم
القصة كانت لمة لممممممة
و كانت ناجحة وجميلة جدا
وانتو ما حضرتوها معانانفففففففففففففففففففة تانى
|
Post: #10
Title: بير قال
Author: احمد التجانى احمد
Date: 03-25-2009, 02:06 PM
Parent: #1
سهام
حمدا لله على السلامة
الا لكن دة كان بيبير معاك وين
تحياتى الفظيعة لابو العيال
|
Post: #16
Title: Re: بير قال
Author: Siham Elmugammar
Date: 03-26-2009, 08:15 AM
Parent: #10
احمد التجانى سلام
والله كيكى ده بير ونص و خمسة
ياخ دا خلى ساااااااى
دا بير و لا ........
التعبير خانى يا هندسة
تحياتك الفظيعة وصلت
وتحياته الافظع موصولة ليك
|
Post: #11
Title: ?
Author: nada ali
Date: 03-25-2009, 02:10 PM
Parent: #1
wein inti yakhi?
|
Post: #12
Title: Re: ?
Author: Abdlaziz Eisa
Date: 03-25-2009, 02:56 PM
Parent: #11
welcome back
|
Post: #19
Title: Re: ?
Author: Siham Elmugammar
Date: 03-26-2009, 08:26 AM
سلام عبدالعزيز
شكرا ليك
انا خايفةاعمل للخلف دور
|
Post: #13
Title: Re: ?
Author: Siham Elmugammar
Date: 03-25-2009, 03:04 PM
Parent: #11
العزيز ابراهيم كوجان
فى غتاتة اكتر من قصة الipot دى
يا خ صاحبتك كل يوم داقة جرس فى الموضوع ده
اناابوها اتكلمنا معاها بمنتهى "الشفافية" وقلنا ياخ القصة دى ما عندنا ليها رقبة
تانى تجيك داقة تكس نقوم نديها راجع والله يا بتى المدرسه الانتى فيها ذااااااتها ما عندنا ليها رقبة
بس تقولى شنو؟؟؟ تجيك قبل النوم تعتذر و تقدم فروض الفهم و التفهم
تانى يوم اول و ما ترجع من الشغل تقول ليك مااااااااامااااااا باااااااااباااااااا
انا ح اشارك معاكم بتوفيرى ... واسقط فى يدناوسقطت افواهنا دهشة
لنرجع للنقه من أول و جديد و لم ننسى ان نستعين بتداعيات
الازمة الاقتصادية العالميه واثرها على اقتصادياتنا
ولكن معها لايزال الليل طفلا يحبو
| Quote: الشارع الجنبكم لسع بتاع تراب ؟؟ نرسل ليكم كيكي لرصفو... ولا يجيكم الطوفان!! |
والله نحن ذاتنا بقينا بتاعين تراب
تعال لينا بأقتراحات عملية و ممكنة
لانو كيكى ده ترابناماااا اظن بيشمو قريب
تسلم
|
Post: #14
Title: Re: ?
Author: ibrahim kojan
Date: 03-26-2009, 00:09 AM
Parent: #13
Quote: والله نحن ذاتنا بقينا بتاعين تراب
تعال لينا بأقتراحات عملية و ممكنة
لانو كيكى ده ترابناماااا اظن بيشمو قريب |
وانا زاتي قلت كدا (قولي لي بتنا وابنتنا ) الIPOT
حيكون معاك قريب طبعا انا عامل فيها اوباما وبحل المشكله العالميه بتاعة الفلس دي... واهم شئ انو تكلميها خالو/عمو ابراهيم علي وعدو
اما كيكي لو تابع لي لاهاي دي حكايةريحة السودان وترابو تبقا ليهو قدحه ولو ما مصدقاني اسالي ملاسي.. كمية بتاعة وجوه( وارمه)
تحياتي لي مها وابو العيال وال محسي جاييكم قريب
وبالباب و...(أحمل شوارع مدينتي علي اكتافي ..وتحملني الموانئ والمطارات والمنافي ..قليلا من اغنيه وبعض احجيه قبل ...) بتم ليك الباقي لامن نتلاقا..
باي
|
Post: #21
Title: Re: ?
Author: Siham Elmugammar
Date: 03-26-2009, 08:41 AM
Parent: #14
ابراهيم ابونا
الحق الماسنجر
Quote: تحياتي لي مها وابو العيال وال محسي جاييكم قريب
وبالباب و...(أحمل شوارع مدينتي علي اكتافي ..وتحملني الموانئ والمطارات والمنافي ..قليلا من اغنيه وبعض احجيه قبل ...) بتم ليك الباقي لامن نتلاقا.. |
انا زاتى دايراك تتمها لى عندما نلتقى اصلى بحب صوت الكلام
تحياتك تصل انشاء الله
|
Post: #17
Title: Re: ?
Author: Siham Elmugammar
Date: 03-26-2009, 08:20 AM
Parent: #11
وين انا والا وين انتى
ياخ عليك الله تغيير كده و شوية تواصل ختى لينا صور نجوى نواره
نشوف و نقيم الانتاج
وركزى على التسريحة بلاى
_________________________
مشتاقييييييييييييييييييييييين
|
Post: #18
Title: والله كيكى ده بير ونص و خمسة
Author: Hussein Mallasi
Date: 03-26-2009, 08:23 AM
Parent: #1
Quote: والله كيكى ده بير ونص و خمسة
ياخ دا خلى ساااااااى
دا بير و لا ........
التعبير خانى يا هندسة |
... سبتك تانك ..
|
Post: #20
Title: Re: والله كيكى ده بير ونص و خمسة
Author: esam gabralla
Date: 03-26-2009, 08:34 AM
Parent: #18
انعل ........ زاتو
كرهتونا القصه انتى و الاعور المعاك ده
ما عارف الجابرنا عليكم شنو
بلا مج بلا جراده في راسا
|
Post: #23
Title: Re: والله كيكى ده بير ونص و خمسة
Author: Siham Elmugammar
Date: 03-26-2009, 08:49 AM
Parent: #20
Quote: انعل ........ زاتو
كرهتونا القصه انتى و الاعور المعاك ده
ما عارف الجابرنا عليكم شنو
بلا مج بلا جراده في راسا |
اتزلج ابوى اتزلج
________________________________
جابرك اطنان من الحب والاشواق و عشرة
لاتهون على ود ...... زااااااتو
* لقيتنى كيف؟؟؟ واحرجتك و احرجتك و بالغتا و بالغتا
لا يا انت يا انت وين انت
|
Post: #22
Title: Re: والله كيكى ده بير ونص و خمسة
Author: Siham Elmugammar
Date: 03-26-2009, 08:44 AM
Parent: #18
ملاسى
|
Post: #24
Title: re
Author: احمد التجانى احمد
Date: 03-26-2009, 10:35 AM
Parent: #1
Quote: لانو كيكى ده ترابناماااا اظن بيشمو قريب
|
سهام
دى مبالغة لكن
بيرك دة من ماشافها بيكون بيرجف زى القصبة
وبطل الحوامة بهنا
|
Post: #25
Title: Re: كيف ؟؟؟؟!!!!!......
Author: عاطف عمر
Date: 03-26-2009, 11:18 AM
Parent: #1
Quote: اناابوها اتكلمنا معاها بمنتهى "الشفافية" وقلنا ياخ القصة دى ما عندنا ليها رقبة
تانى تجيك داقة تكس نقوم نديها راجع والله يا بتى المدرسه الانتى فيها ذااااااتها ما عندنا ليها رقبة
بس تقولى شنو؟؟؟ تجيك قبل النوم تعتذر و تقدم فروض الفهم و التفهم
تانى يوم اول و ما ترجع من الشغل تقول ليك مااااااااامااااااا باااااااااباااااااا
انا ح اشارك معاكم بتوفيرى ... واسقط فى يدناوسقطت افواهنا دهشة
لنرجع للنقه من أول و جديد و لم ننسى ان نستعين بتداعيات
الازمة الاقتصادية العالميه واثرها على اقتصادياتنا
ولكن معها لايزال الليل طفلا يحبو |
سلامات أخت سهام
وحمداً لله بزوال ( العوارض )
وبركة الشفناك طيبة ونشيطة
تستهويني جداً ( غتاتات ) الأطفال وخاصة تلك التي تدخل الوالدين في ( أضافرينم )
تعاطفت معك والسيد زوجك في مواجهة التمرد .
ذلك أننا تعرضنا لموقف ( أقل حدة ) .
فاجأنا ذات يوم إبني ( محمد الأمين ) بطلبه لأحد الألعاب الحديثة وهى لعبة مشهورة باستهلاكها للزمن لدرجة الإدمان كل ذلك والوقت المتبقي لامتحاناته النهائية أقل من خمسة عشرة يوم بحجة أن لعبته القديمة لم تعد صالحة .
شرحنا له بعدم ممانعتنا من شراء اللعبة فقط عليه أن يركز في امتحاناته وسوف تكون اللعبة هديته للنجاح .
بعناد ونشاف رأس ( هم نصيبه من قوانين الوراثة ) رفض عرضنا وأصر أن نشتريها له . قدمنا تنازلاً بأن نشتري اللعبة بشرط ألا نفتحها وتظل في البيت لحين الإنتهاء من الإمتحانات . بصدق ( أعجبنا ) رفض الإلتزام بهذا الشرط .
أخذ موقفه من الإصرار وأخذنا موقفنا من الرفض
زارني في ذلك اليوم أحد الأصدقاء الشوام ، وللشوام عادة أن يستعملوا ( الكنية ) بدلاً عن الإسم
أثناء تواجد ذلك الصديق كان إبني متواجداً معنا ، و كان الصديق الزائر يناديني بكنيتي ( أبو أمين ).
عندما غادر الضيف استوقفني إبني مفجراً قنبلته
" خلاص أنا اللعبة ما عاوزا ، بس إنتا كلم أصحابك ديل ينادوك بإسمك ، تاني ما يقولوا ليك أبو أمين "
__________________________
أنقري ما اشترينا اللعبة في نفس ذلك اليوم؟؟
بس ضايرنا الوقت شوية كدا عشان يطلع نفسو منها
|
Post: #26
Title: Re: كيف ؟؟؟؟!!!!!......
Author: Siham Elmugammar
Date: 03-26-2009, 12:18 PM
Parent: #25
العزيز عاطف عمر
والله ضحكتنى لمن فى زول هنا اتعقد واعلن احتجاجه
والله ولدك فش مغستو و عرف ياخد حقو
عندة قصة ما عندها علاقة شديدة بقصة اشترو لى دى بس بتورى كيف الاولاد بقو بياخدو حقهم و بيربونا
النحكى ليك قبل ماكمال كرار يجى طاير يقيف لى فى حلقى (بالمناسبة بشوفو هو ايضا مختفى اتمنى ان يكون بخير)
ولدى عمرو 5 سنوات كان بلعب مع قريبا ليهو و هو مصاحبو شديييييد
المهم الصاحب ده قام تف على زول تانى.. انا شدة ما الله ادانى تصديت للموقف و نهرتو و عملت ليهو واعظ
الولد النهره زعلتو و قعد يبكى قام ولدى قال ليهو مالك قال ليهو امك شاكلتنى عشان تفيت
اها زولك جانى طاير ووشو كلو فى نخرتو وصرخ فى وشى مالك مشاكلها صاحبى ..مالك و مالو ..ما يتف كان تفاانتى مالك
ما تخلى الناس تتف ذى ما عاوزه...طبعا قلت ليهو انا اسمى ام و لازم اورى الناس لما يغلطو
قال لى ما عشان انت ام تقولى للناس يعملو الحاجات و ما يعملو الحاجات...
انا غايتو سكت ..بس ناوية لو كررها ابلغ عليهو
|
Post: #28
Title: Re: كيف ؟؟؟؟!!!!!......
Author: Nader Abu Kadouk
Date: 03-26-2009, 02:04 PM
Parent: #27
بت المجمر ازيك
ليك وحشه
عندك مشكله واحده إنو كيكي صاحبك
غير كده ما عندك عوجه تب
تحياتنا لابو العيال
|
Post: #30
Title: Re: كيف ؟؟؟؟!!!!!......
Author: Siham Elmugammar
Date: 03-26-2009, 06:05 PM
Parent: #28
نادر يا دفعة
كيف الحى بيك
قلت مشكلتى صاحبت كيكى
طيب صحبة عصام جبرالله تبقى شنو؟؟؟؟؟؟
اعتقد غلبتك
تحياتى الكتيراااااات
|
Post: #29
Title: Re: كيف ؟؟؟؟!!!!!......
Author: Siham Elmugammar
Date: 03-26-2009, 05:53 PM
Parent: #27
كيكى علم (بضم العين و كسر الام)
الفاتنى كتير
|
Post: #31
Title: Re: كيف ؟؟؟؟!!!!!......
Author: Amjed
Date: 03-26-2009, 06:52 PM
Parent: #29
سهام ازيك
الاخبار ... كلو تمام
انا كنتا داير اكتب ليك كلام لكن نسيتو
لو اتذكرتو باجي راجع
لكن غايتو كوجان عندو علاقة بالموضوع
ياخي انا كنتا داير اقول شنو
نسيت كلو كلو
|
Post: #32
Title: Re: كيف ؟؟؟؟!!!!!......
Author: ibrahim kojan
Date: 03-26-2009, 07:12 PM
Parent: #31
امجد خليك من النسيان الجاك في اول العمر ..انت اي حاجه متعلقه بي كوجان اخير تيسباوالا....
يا كيكي يمكن حسين ملاسي عايز يعيد درس العصر ياخ سيبو .. مع السيبتك تانك بتاعو.......يمكن ينزل النضاره الرافعا من الاسكيتش بوك ويعملا كمامه( اسمع الحكايه هنا فيها الغام..
وكده انا بره الليله!!!!!
|
Post: #33
Title: Re: كيف ؟؟؟؟!!!!!......
Author: elsawi
Date: 03-26-2009, 07:13 PM
Parent: #31
سلامات يا سهام ومشتاقين كتير والله
بركة الجيتي بس ان شاء الله تكوني جبتي مفراكتك معاك
تحياتي لك وللعيال وابوهم
|
Post: #34
Title: Re: كيف ؟؟؟؟!!!!!......
Author: Kostawi
Date: 03-26-2009, 07:18 PM
Parent: #33
سلامة العودة
|
Post: #35
Title: Re: كيف ؟؟؟؟!!!!!......
Author: Siham Elmugammar
Date: 03-26-2009, 07:24 PM
Parent: #31
يا أمجد طال ما انت قاعد جنس قعدتك العاجباك دى
مش تنسى كلامك تنسى حنانك زاتو
اها كيف لغتى معاك
|
Post: #36
Title: Re: كيف ؟؟؟؟!!!!!......
Author: Siham Elmugammar
Date: 03-28-2009, 00:06 AM
Parent: #35
الصاوى يا حامد
كيف الحى بيك ياخ
ياخ انا الايام دى فى حالة انت كتير على البال
لانو بسمع يا عازة الفراق بى طال كتيييييير
وهى اغنية مرتبطة بيك شديد فى الذاكرة
يعنى ياعازة تتطقش اضانى فى اى حته طوالى تجينى متلب بى عودك
ااااااااااااه ربنا يلم الناس فى ساعة يتمنوها
يا ابراهيم عليك الله امجد ده ما تلومو
ياخ الزول ده عايش فى زمنين
امجد قلت لى شنو؟؟؟ منو؟؟ متين؟؟؟ كيف؟؟؟؟؟؟؟؟؟؟؟؟؟؟
كوستاوى سلام الف
ياخ اصلو انا جاية من الشرق و الا الشمال القصة تكلة بس
|
|
