بكــرى ابــوبكر ...اسمع...عدييييييييييييييييييييييييييييييييييييل كده

شوف يا بكرى
احسن ليك عديييييييييييل كده
ياخ انا لى كم يوم كدى قاعده افتش فى الموقع حقناده يمين و شمال افتش و افتش اى حته
و فتشت بوستات ملوك الكمبيوتر ما لقيت
ما لقيت شنو؟؟؟
طبعا ما عارف!!!!!
اسمع يازول دى شكله عديل كده بطل حركات و اسمعنى كويس

الموضوع: كيفية التعامل مع تكنلوجيا الموقع بشكل مفصل تفصيل ممل لك و لمن هم ادرى
يعنى ما تكتب لينا امشى افتح كده و شنو ما بعرفو ...لا كده ده ذاتو تورينا ليها
انت قايل اى واحد هنا بعرف
ياخ انا جبت الشباب بتاع ال IT عندنا فى الشركه و لا واحد فيهم قدر اورينى اتصرف كيف!!!!
اتصرف فى شنو؟؟؟؟
جدا يازول وقت عامل ما عارف انا بتكلم عن شنو
مع انو كلامى واضح جدا!!!!!!!!!!!

اهااااااا اولا بالتبادى
عايزين ننزل صور فى بوستاتنا(يين دى و انا و الناس الما بعرفه و الناس الجداد) و كان كل الناس هنا بتعرف اعتبرنى بعظم فى رقبتى الحلوه دى عندك مانع؟؟؟؟!!! لا احسن يكون عندك مانع
عايزين نلون كلامنا
عايزين نغير فونطينا
عايزين وشوش نعبر بيها
(مالك ميهوم كدى ما قبل فتره بكل زوق و أدب كتبت بوست قلت من لزيادة الوشوش و ضربت طناش)
و اها هاك اللينك كمان... و نقل اللينكات دى اجتهاد منى ساى عرفتها من فضل منك شفت كيف؟؟ تحت تحت ورتنى ليها غاده بتى)

من لزيادة الوشوش؟؟!!!!!!!

و بعدين تعال يا خوى الإموكشن ما ماليه النت ده.. مالك كان ظبت لينا 20 واحده كدى
مالك ما عاااااارف الحاله ذى جوع بطنك وشايف كلام كتير قاعد ينكتب فى المنبر ده يغلب الكلمات

عايزين نعرف نجيب الفيديوهات عديل و نركبها عدييييييل فى بوستاتنا ذى ما باقى خلق الله البتعرف بتعمل
ما عاوزين نخت اللينك بس مش على كيفنا
انت الحوش ده ما حقك و ليك عليهو قشه و رشه ( وفى دى نحن ما مقصرين معاك)
والله قصه!!!!!!!!!!!
يا زول اسمع عندك واحد من تلاته يا امتن
1. الرد هنا
2. انزال بوست خاص بالموضوع
3. عمل لينك دائم مع اللينكات الفوق ديلك فيهو تنوير بكل السابق ذكره... يكون خدمه دائمه للماعارفين وساكتين لاسباب مختلفه و الاعضاء الجدد و االذينا ديل ما عارفين و ابو يسكتو
اها انا بثنى الاخير

و كدى طنش السودان ده بتجيهو و مكتبك بعرفو

سهام الطربقة شنوعليك؟؟؟

خليتي كمان كل شيء وجيتي تطربقي مع سيد الحوش؟؟؟

يا سهام.. الهاي تيك دي.. مرات زي السهل الممتنع...

تكوني عارفة المطلوب شنو.. وطريقة عملو كيف.. وما تظبط معاك

لوكي الصبر أو شوفي واحد من "الجنون" الصغار ديل.. باقي

ديل مولودين وفي ايدينهم "كي بورد"

ابدا يا كمال جديا كده
انا بفتكر خدمه ذى دى مفروض تكون متوفره لكل الاعضاء
و بعدين انت ما ممكن تعرف تستخدم و تستفيد مما هو منوفر لك دون معرفه بالكيفيه
انا احترم جدا جدا جدا "الجنون" الصغار فهم لا يبخلون بتقديم المساعده
لكن عادة بتتقدم فى بوستات عرضه للغتسه و الأرشفه
عشان كده مهم جدا يكون فى لينك تديهو دوسه كده يعمل ليك Orientation
و الا شنو؟؟؟؟

كلامك صحي يا سهام...

معاك 100% بس الكلمة المتعارف عليها هنا "عفصة" بدل " دوسة"

يقول ليك ":كدي أعفص الرابط ده" لوووووووووول

أثني إقتراحك...مش أنت من بحري .. وبكري ذاتو من بحري

------------------
بحري طراوة

ازيك يا سهام يا عزيزة
وكل سنة وانتي بخير
غايتو واضح جدا انه رمضان قام بيك خلاااااااااص
من بوستك الزهجان دة
لكن يا ستي ما تقلقي دي حالة عامة في المنبر
البوستات الايام دي نوعين
بوستات اسيادها زهجانين
وبوستات اسيادها زهجانين جدا
وعاملين شكلة
تدخلي المنبر تزهجي زيادة ... ولا شنو؟

عموما انا اصالة عن نفسي
ونيابة عن جندريتي
معاك في اي شي تطالبي بيهو

بس الله يستر بكري ما يجي يقول ليك البرنامج قديم وما قديم
والله يستر ما يجي كلو كلو
هو ذاتو بيكون زهجان




من باب السلام وطربقة الكلام

شيماء احيى فيك نصرة الجندر

صدقى البوست ده رغم نبرته الزهجيه الا انو جادى (وش غاضب) اها شوفتى الحاله دى
غايتو بكرى لو ما جا هنا انا بمشى ليهو بالسكه...و ساعتها ما معروف تانى تكتبو كيف وووووين
معاى نرفع البوست ده فوووووق حفاظا على سيد الحوش!!!!


يا كمال انت الاخر احيى فيك نصرتك لناس بحرى فى شخص بت بحرى!!!
والا الاخيره دى ما معاك (وش غياظ متبوع بوش ضاحك)

اللهم اجعله خير
يا سهام الصيام ده لو غلبك خليهو وربنا ما امر بالهلاك ..

يا سهام بت المجمر

لما تجي تعملي رد أو تضعي رد وقبلتي رقبتك جهة اليمين
حتلقي كل شيء موجود.

كدي إجتهدي شوية وجربي وشوفي كلامي دا..
لكن الحاجات الفنية التانية بيني وبينك إحتمال بكري
ما عايز يضعها لأنه خايف البوستات كلها تمتليء صور
وأشياء أخرى غير ضرورية تعطل فتح المنتدى.

الاخ عزيز عيسى
مرحب بيك
والله قاعده اجتهد لكن مغروضه لى فى نزيل موضوع فيهو تنزيل صور و عدت به صديق

و بعدين يا عزيز ياخوى
اعتقدان كثير من اعضاء البود على قدر كبير من المسئوليه تمنعهم
من ارهاق المنبر بما لا يحتمل

I agree

الالوان اظنهاكده لطن برضو ابت تظبط معاي

والوشوش من هنا ...


http://today.smileycentral.com/smileytoday/main.jhtml?utm_id=6004&lang=en

Nesta


اهلا بيك و مبروك عليك التلوين و عقبالنا

اسه اغنية جميلة زى دى نختها هنا غير وصلة كيف؟
http://www.mugran.com/mazak/wimpy.swf?wimpyApp=http://w...wimpy_trackplays.php

الصاااااااااااوى
رمضان كريم
لكن هلا هلا هلا يا خوى انا بتجرس انا بتك يا شيخنا مجمر
بالله كيف الحال؟؟ (طبعا انا ما بسأل عن العيال) و سيف بشير و كمال كرار عارفين ليه!!!!

اللهم اجعله خير
يا سهام الصيام ده لو غلبك خليهو وربنا ما امر بالهلاك ..

حبيبنا الصاوي سهام دي ياخوي طربقتا فاتت الحد
إكون ده من شنو ياخوي
نورنا الله ينور طريقك

ودابكدوك

ابوكدوك انت جاى تتحاوم بي جاى
دحين انا ما قلتلك تحرس الطربقه بى غادى لامن اتم شكلتى دى؟؟؟

و بعدين يا زول انا من زمان معروفه و لازلت بانى عااااااقله شديييييييد
واعقل من الصاوى بتاعك ده ذاتو

خلينى هسه من طربقتك الما فى حوشها دى
حدد موقفك من اضافة اللينك
معانا و الا لا
اكان معانا ارفع فوووووووووق

هوده شنو ده
سهام المجمر
وهشام المجمر
يابكري ده شنو
البورد ده بقى يشرق عديل كده
من الحلا
بت المجمر نضميك سمح وختو لي
طوبتي معاكم
خالص الود

اختنا العزيزه بت المجمر
رمضان شكلو خش العضم وماشي علي المخيخ الايسر
يالزوله انتي ماعليك الا تستعيني بمواقع تانيه وتعملي منها شريط ادوات وتفتحيه في الصفحه عندك فوق وكل ماتحتاجيها تفتحيها وبتكون ليك قريبه زي دي كده


واي مساعدات نحن جاهزين

محمد الطيب اخوى
عارفاكم بالحيل جاهزين للمساعده
لكن انت ما معاى ان مفروض يكون فى لينك دائم يقدم المساعده دى
للجميع!!!!!!
وبكرى اكان مشغول يشوفلو صديق يشتغلو الشغل ده
واها ده جزء من تطوير البورد

احمد العربى
اهلا بيك وشكرا ليك يا اخو
اهاااا نحن خاتين ليك عصايه ... كيف معاك

عادل عثمان
شكرا لمؤازرتك
ومعاى فوووووووووق لغاية ما بكرى يبان

و

Quote: كدى طنش السودان ده بتجيهو و مكتبك بعرفو

والله يا سهــام المجمــر بالغتي ..
إنت بترهبي في سيد الفنايل زاتو ..؟
والله بي صراحة انا الليلة صحيت مصدع من الصباح .. شفتي مش في نوع كدا من الصداع الواحد لما يتكلم ساكت .. بيحس بي دماغو كل صواميلو اتفرتقت .. بس دا هو زاتو .. حسع انا جعان من صباح الرحمن .. ومصدع .. قلت اشوف الحاصل شنو بي عندك .. والله قعدته اضحك لمن راسي سخــن..
ياخي دا ارهاب عديل كدا ..
قلنا ليك المرة الفاتت إنت وشيما والهل العظيم ح نعمل الحاجات دي كلها .. ادوها صنه بس ..
ياخي إنت حسع مش جاي العيد .. الخبيز والستاير والحركات دي ..؟
قلنا ليك خلي عروقنا دي ( تنبل ) شوية واخوك رقبتو سداده .. مزيما معاك .. صور معاك .. تلوين معاك ..
اقول ليك حاجة ..؟
بكري دا زاتو بندخل ليك معاهو في حتات ضيقة كان عجبك ..

هلا هلا هلا يا تمبس
عاد شكلك كدى ح نعنق اخوك بكرى
فى انتظارك لمن تبل عروقك
والصداع ده الله يبعدو من عارض

و بعدين تعال هنا انت من زمن الستائر و الخبيز؟؟؟
ده زمن فات و غنايه مات
حليل المروه يا ود امى

يا سهام ..
انا فطرته والصداع بي الله ويامين خلاني .. دي طبعا حركات آخــر أيام رمضان ..
تعرفي يا سهام .. والله الحاجات دي اسهل منها مافيش .. يعني حاجة سغيره تختيها .. بعد شوية تجيك حاجة تانية..
القصة دايره خفة يد .. خلي يدك خفيفه .. بس
واقولليك حاجة .. شوفي الرصة الفوق دي .. فوقه كل حاجة بس ما عليك إلا تضغطي .. وتنزلي حاجاتك ..
حسع انا القدامك دا ضغطته ونزلت الحاجات ..
واوريك حاجة تانية كمان .. شفتي علي يدك اليمين بتلقي الحاجة دي ..

لما تضغطي عليها .. بتفتح ليك شباك كبير فيهو .. الوشوش بتاعت بكري الممحوقة دي ..
شوفي الوش العايزاهو .. واضغطي عليهو بي اي كمية عايزاها .. طوالي بتنزل معاك ..
دي الوشوش طبعا خلي يدك خفيفه .. وكان عارفه حركة الوشوش دي أهو زيادة الخير خيرين .. ونبقى في الحاجات الفوقانيه دي .. وليك علي تاني بكري دا زاتو ما تشتغلي بيهو ..

اهليين سهام

واهلا بكل السادة البرالمة


انا ذاتي لو ماعطشانة كان اشتغلت معاكم استاذة وكدا

غايتو مؤقتا ولبعد العيد كدا اغطسي في مكتبة الزول دا بتلقي حاجات مفيدة خالص زي البوست دا

وفاءً بوعدي .. بوست الخطوط والألوان والصُّور والأغنيات

هووووووووووى يا سبأ ما يغرك موضوع البوست ده
نحن اولاد دفعه تقريبا
بس لاول مره انغرض لى فى تنزيل صوره و فيديو؟؟؟

وبعدين شنو انتى و تمبس و حجة العطش الميته دى
يا حليل زمن الاستاذه البيدرسو نضمى ساااكت تحت ظل فصول الزنكى فى عز رمضان
الما كان فيهو اجازات!!!!!
ترا كما هسه انتى وهو الاتنين قاعدين ليكم تحت كندشه
وكمان شن تدريسكم يايمه ما بلاصابعين ساااااكت كمان ماشى تلاهو

Quote: و نقل اللينكات دى اجتهاد منى ساى عرفتها من فضل منك شفت كيف؟؟ تحت تحت ورتنى ليها غاده بتى)

والله انا ماعارف كيف نقل اللينكات ورينى ليها كيف عمليتها

تحياتي

امين

elameen
مرحب بيك فى الشكله دى

صدق بالله ده الفنطوطه 12 سنه لقتنى لايصه قالت لى انت دايره تعملى شنو شرحت ليها
قالت كدى يا ماما انتى ما تجربى تعملى كوبى من الادريس فوق و اعملى ليهو بيست فى الصفحه الدايراها
لمن لقتنى متردده جرت الجهاز من يدى و جربتها لى لما صدقت معاها رجعت لى الجهاز فى يدى بكل بساطه و اتكلمت معاى كأنها هى امى شايفه "it works" خلتنى فاتحه خشمى و مشت كأنها ما عملت حاجه..
بصراحه كده كرامتى ما سمحت لى اقول لي ورينى باقى الحاجات... منظرى وكده بعدين تقوم تطلع فى راسى

__________________

بكرى عامل فار ميت والا شنو؟؟؟؟!!!!!!!!

عليهو العوض و منو العوض
المرة (المراة) دى جنت عديل كده ...
بقت تفلق في البورد و كمان تهدد سيدو بالقتل .. ارهابية كمان ...

غايتو ... المرحومة كانت طيبة ... اى نعم اصلها نقناقة و طنطانة و لغلاغة من زمان... لكن طيبة

صاحبنا مج الله يكون في عونو... ده لو ما اغتالوهو

عصام الصوره الاخيره دى حقتى من العلى و السبب الله عالم بى
لكن الاتنين الفوق ديل الجكس القديم و الاشنو؟؟؟

عصام كيفك

Quote: صاحبنا مج الله يكون في عونو... ده لو ما اغتالوهو

كان ما اخاف الكضب، الفي الصورة دا هو صاحبنا مج




أذكر مرة يا سهام اتهكمتي علي بـ "قلة الذكاء" وكدة، لكن الغريبة بعرف انزل الصور!!


بعدين دي

Quote: عايزين نغير فونطينا

لو كتبتيها "فونطاتنا" يتخيل لي بكون احسن، اللهم إلاّ إذا كنتِ بتتكلمي عن فونط واحد بس!!



عموماً نشارك الصاوي في تمحينتو!!



(تذكرت الآن: تهكمتِ علي لما سألت بنزلو الوشوش كيف، لاني كنت داير انزل وش متمحن للصاوي!)


التعديل بعدما قريت شرح المعلم تمبس لكيفية تنزيل الوشوش...على الرغمن من انو مافي وش متمحن!

سلامات يا بت المجمر

waleed Dawash

اهلا بيك

العلم جاهز
بعد ده نمرق مظاهره

سهام والله كلامك ده تمبس وناذر عملوا ورشة فيهوا هنا لكن كلامهم زي كلام الطير في الباقير
لكن كلام بيني بينك أبعدي اليومين ديل من سيد الحوش سمعنا تحت .. تحت كان في لاهاي وجاب صورة السجن معاهوا ... أها زول زي ده بكون زي التور الشم الدم وقال حرّم ... فخليهوا شوية لأنوا في إشاعات داير يبدل الخور بسجن إسفيري {لعنة الله تغشى لاهاي} دايرا تودينا الآخرة ... كدي غايتوا كان جاتني فكرة بجيك راد
صور للسجن الذى سوف يسجن فيه الوزير احمد هارون و على كوشيب
بعدين قصة بتك دي ما تقيفي فيها كتير لأنوا في منبر موازي لمنبرنا ده كلهم {تين إيج} بورونا الحاجات لكن نصيحة تجنبي الإنفعالات السلبي منها والإيجابي تجاه افعالهم لحدي ما ندرس المسألة دي وإنعكاساتها على العلاقة بيننا وبين الشباب ديل
تجي نفتح ليهم بوست ؟؟؟؟؟؟
ولا خليهوا يقوموا يقروه !!!!
مسألة التعديل دي بتقدري ليها ؟؟؟
لأنها هي و الكوتيشن أنا بعرفهم شديد

سهام ...

كل سنة وانتى طيبة

"بكرى ده مافاضى يشرح ذاتو"...حاترفد!!


زمان غايتو نحن طبزنا طبزنا...ظهرت صورة

واول اغنية نزلتها "كانت كانوا جابوا لى طفل جديد"





...
دقشى براكــ عشان تتعملى صاح




نصيحة للصور استعينى بعادل امين ...الاغانى لؤى شمت وتمبس

...
...

الملك أخوى
شكلك كدى طبااااااااز

ياخ بكرى كان مافاضى و الله نحن مش مافاضين
نحن كأئنات ما فاضيه ماخده شكل ناس...


________________________________
بعدين انت مالك بخيل طربقه كدى
لازلنا فى انتظارك بى غادى

Quote: حدد موقفك من اضافة اللينك معانا و الا لا اكان معانا ارفع فوووووووووق

سلام يا سهام ...
انا غايتو معاك في طلبك دة ...

لاني معذبة اصحابي عذاب الهدهد ...

لمن اكون عاوزة الون ولا انزل صورة ولا رابط ... تلفوناتي بتتطاقش شرق وغرب ...

لمن هم زاتهم زهجوا مني ومن مخي التخين الما قادر يستوعب دروس الاقواس والمسافات والفواصل ...

الموضوع بسيط ... شريط يتخت فوق فيهو الحاجات الاساسية المهمة ... لانها ضروريات ...

الباقي وممكن نصنفو في خانة الكماليات يبقى كل زول واجتهادو ...

قلت شنو يا بكر ي ؟؟

Quote: قلت شنو يا بكر ي ؟؟

تاني جابت سيرة {لاهاي}
غايتوا انا العلي سويتوا
اللهم فاشهد

الغالية بت المجمر كيفك و الوليدات الظاهر رمضان قام بيك ....الاوزون من مكتبك خطوات و لا اقول ليك فضل ليك يوم واحد ما تصبرى


بالنسبة لموضوع الشرح باقى لى الشباب ما قصروا معاك و ممكن تستعينى بشرح لوى لانه فيه شرح كتير لكن اقول ليك حاجة اعملى ذيى اى حاجة بتغلبى بلقاء ليها حل فى قوقل اصلوا قوقل ده فيه اى معلومة بتفتشى ليها ..............

الاخ مصطفى محمود شكرا لمرورك المعدل صامت!!!!
ح اعتبر انك معانا
رغم مساعدات تمبس
لكن انا مصره على انو يكون فى لينك ثابت
لو معانا ارفع فوووووووووووق تانى

سناء حعفر اذيك
بالله خلي يدك معانا


احمد موسى
لاهاى شنو؟؟؟
يازول زولك ده عاوز بس يورينا انو بعرف ينزل صور

احم احم احم
السيد الريس بكرى نشكر سيادتكم للتواضع و الاستجابه و نسأل الله ان تكون و اسرتك بخير (انتهى)

هووووووووووووى يا بكرى نحن بتاعين اوزون ... اوزون فى راسك ده
و جوجل ده نحن غبيانين منو؟؟؟
احسن ليك يا بكرى

قول كلام عديييييييييييييييل زى ما انا قلت كلامى
ح تعمل اللينك و الا لا

بعدين كان انت ما فاضى اوكل المهمه لى واحد او أكثر من الشباب الذكرتهم ديل
كيييييف؟؟؟ ما بعرف اتصرف

احم احم
سيدى الرئيس
الفكره انو نحن عايزين لينك ثابت يكون ذاد و ذواده لنا و للقادمين الجدد
و ليتفرق السائلين و المستجيبين لمثل هذه الاسئله للمعافره فى بوستاتهم
و لزنقات الفكر

مره اخرى نشكر استجابتكم الكريمه ونذكركم بانو (مكتبك بنعررررفوووو)

__________________________________________________
رسل لى تلفون البنيه عشان البنيات يبدو الاتصال

يا سهــام ..
ركزي معاي شوية .. عشان تنزلي صور حسسع دي ..
شوفي دي الصورة بتاعتنا:


وهي اساسا قبلما تبقى صورة كانت عامله كدا ..
http://www.sudaneseonline.com/u/smjmr.JPG
لحدي هنا كويسين نحن .. واللا كمان عندك اعتراض ..؟
يلالا كل العملناهو علشان تظهر لينا الصورة هنا .. من كونها كتابة .. قما دخلنا الكتابة دي في ( ايقونة ) من ( ايقونات ) بكري الراصيها فوق دي .. ولو دائرة تحدديها معاي .. وتزرزريني .. بقول ليك الايقونة هي الكاتب عليها بكري ...
(اضف صورة) .. وهي آخر ايقونة على يدك اليسار في الستة ايقونات الفوق ديل
يعني تعملي كوبي لي الكلام دا ..
http://www.sudaneseonline.com/u/smjmr.JPG
وتمشي لي (اضف صورة) وتعفصيها .. طوالي بتقوم تجيك حاجة ناطه كدا .. لو ما جاتك الحاجة الناطه دي أنا ما تمبس ..
بعدما تنط الحاجة دي بيكون شكلها عامل كدا ..

لاحظي معاي بيكون في باقي ( حتحــات ) بتاع كتابة عملت ليك عليهو دائرة حمراء ( الحتحات ) دا حركة من بكري .. عشان يقول ليك انو الحاجة دي صعبة جدا
يلا بعداك .. جاي المرحلة الجد .. جد .. تقومي تمسحي الكلام المكتوب الخاتيهو بكري دا .. وتخلي المكان دا فاضي وتجي (ترقعي) .. الكلام القبيل عملتي ليهو كوبي في المكان الفاضى دا .. وتضغطي اوكي وبختفي الشباك الاتفتح ليك دا والموضوع انتهى على كدا ..
يعني بدل ( حتحات ) بكري الخاتيهو دا .. تختي الكلام بتاعك إنت دي.

وممكن عشان تتأكدي من كلامك العملتيهو .. طبعا قبلما ترسلي الموضوع .. تضغطي علي ايقونة ( شاهد قبل نشره ) .. علشان تتأكدي انو شغلك على السليم ..
المسالة دي عايزه صبر .. يعني ما تقوم ( تشحتف ) ليك روحك .. وتمشي تخليها وتجي تدقي لينا جرس هنا ... نحن اصلو باقي لينا ربع قزازة بتاعت دم عايزين نتم بيها باقي الأسبوع بتاع رمضان الفضل دا

الخلاصــة:
- ننسخ رابط الصورة الموضح بالشكل .. http://www.sudaneseonline.com/u/smjmr.JPG
- نضغط على ايقونة (اضف صورة) ..
- نمسح ما فيها من مكتوب
- نلذق الرابط في المساحة الفاضية..
- بعد أن نتأكد من اللذق بصورة صحيحة تم .. نضغط على (OK) لاعتماد العملية ..

تمبس يا تمبس

لوووووووووووووووووووووووووووووووووووووووووووووووووول

تمبس خلينا نمشى واحده واحده يا خوى نخلص من الصور أول
طيب لو عايزه انزل صوره موجوده فى جهازى فى بوست اعمل شنوووووووووووو؟؟؟؟؟

بس كدا تمام يا سهــام .. ( طقطقتيها) زي ما جابه الخواجه ..
طبعا انا قلت اجيب ليك المسالة من الآخــر لان الحكاية مشقلبه تجي من الآخر وترجع الأول لانو المرحلة الأخيرة هي المرحلة الصعبة .. يعني مسالة انك تجيبي صورة من الجهاز .. دي اسهل زولة في الدنيا دي ..
يللا ح نرفع صورة في الموقع بتاع بكري .. هنا دا
http://www.sudaneseonline.com/u/
طبعا دا خاص بالعضوية بتاعت سودانيز يعني شخص غير عضو ما بقدر يستعلمو ..
يللا نشتغل خطوة بخطوة ..

الكلام الفوق دا التعليمات بتاعت بكري لتحميل الصور في الموقع ..
نوعية الصورة:
غالبا ح تكون متوافقه مع الامتدادات العامله بكري دي كلها لانو معظم الصور من الكاميرات الديجيتال بتدينا الفورمات دي ..

حجم الصورة:
دي يا سهام بالغ فيها بكري مافي زول ح يقدر يحدد ليهو حجم صورة خاصة وانو معظم الناس عايزه تتعامل بالطريقة الساهلة .. امسك لي واقطع ليك.. غالبا يا سهام المسالة بتتم نظرية .. يعني الصورة الكبيرة جدا وقدر الضربة حرام الواحد يجي يجهجه بيها البشرية هنا ويلفلف بيها البوست ويكعوجو .. يعني الصورة حجمها يكون مناسب .. لا هي صغيرة ما بتتشاف ولا كبيرة جدا كمان تجهجه الناس وتفتل البوست ..
دا المكان المخصص .. لتحميل الصورة:

كدى قبل ما تعلما تنزل الصور

شيل صورتك دى ... مرة مرارة شديد ...

دى الفوتوشوب ما يقدر يصلحا...

قال ليهو: هق انا سكرتى دى ..هق بتفك

هق انت وشك ده بتعمل ليهو شنو؟

انت قايلنا ما بننزل صورنا ليه؟ رافة بالبشر

ياخى خليك رؤوف زينا كده

رمضان و انتهى يلا ارجع لى مساختك ديك يا منقة

صاحبتنا دى ما تضيع وقتك معاها, ينطبق عليها المثل:

القرد العجوز ما بتعلم

مرحب بكل الشتائم العلنية والسرية

و كل عام وانتم اقل ابتلاء و محن

شفتي يا سهام زي النوعية دي .. البتخلي الواحد ما يوريك كيف تنزلي الصور من الكمبيوتر بتاعك ..
..
اسمع يا وهم..
طبعا شايفني ساكت منك من فترة طويلة جدا بالنسبة للحاجات .. والله دي لو جاريها ( ابوالقدح )كان وصلت ..
تستنكحني انا يا شيوعي ..؟
.
.
يازول كلنا عصام جبر الله والقناعة كنز لا يفنى .. ( ياغمام )

هووووووووووووووى يا تمبس و عصام ما تتشكلو لى هنا
الواحد يخش اجتماع و اطلع القاكم دايرين تولعو فى البوست


الرجاء الالتزام باطراف الشكله حقت البوست ده
الناس المبعرفو ضد بكرى
وبث

يعنى كده

http://www.sudaneseonline.com/u/Picture89.jpg



لوووووووووووووووووووووووووووووول
يا تمبس اديك العافيه

عصام خليك من شكل تمبس
شايف روحك كبرت كيف؟؟؟ العجوز براى

دحين الصور دى مالها طلعت مبشتنه كدى ؟؟؟ لكن ما مشكله خليك منها يا تمبس
اها واصل

سهام:

نفهم من كدا انو العيد عندكم السنة دي حا يكون من غير خبيز!! عاملاها لي كلها صور ولنكات وعصام وبكري وووو



(طبعاً جديد في حكاية الوشوش دي!!)

سيف يا صديقى كل سنه وانت طيب

هى يا يمه شن الوشوش حقت بكرى دى
ما حبيبه ( حبه) كدى و على العليها ممحوقه و مبشتنه
ذى المولوده خرات بطن

هي !!!

عذرا يا جماعة بس أنا جاي دافر ساكت وبنظر جات معاي

يا تمبس عاوز أنزل لي صورة في مكان إسمي بالجنبه اليمين دي ؟؟؟؟

هشام

الاخ هشام ابراهيم اهلا بيك .. والله تمبس ما مقصر

Quote: يا تمبس عاوز أنزل لي صورة في مكان إسمي بالجنبه اليمين دي ؟؟؟؟

و انا كمان

كده كيف

لكن ماختييييييرة عديل ياسهام

كل سنة وانتى طيبة والحلوين المعاك

لووووووووووووووووووووووووووول يا بكرى
والله دى اعيد ليها الجامعه... و اتحير ليها فى ضهر التور
واقهى ليها فى النشاط
واكل ليها بوش فى كافتيريا علوم
واشرب ليها قهوه من يد محمد فى الافرويشين
و اعسكر ليها فى الاسكول
ماااااااااااااا اعرف اعملها!!!!!!!!!!!!!!!!!

مقبوله عيديه
وكل سنه و انت طيب

_______________________________________________________
هى يا جماعه ما تفتكرونى قبلت رشوت الريس و بعت القضية

العزيزه اشراقه كل سنه و انتى طيبه

مرورك على البوست ده اعتبره "اعتراف" بالقضيه

سلام بت المجمر...

بعد ماتخلصى من قصة الصور..

وتدخلى على موضوع الفيديو...

واليوتيوب ...وسودان كليب...


تحضير الماجستير يكون فى كتابة البوست الخفى(السرى)...

وده ما فى زول بيدك سرها الا تمبس وقليل من البالم طويل

دمت بعافية...

وكل سنة وانتم بخير........

اللهما نحن لسع صامين في امريكا

بت المجمر الغالية كل سنة وانت واولادك و زوجك
الحمد لله شخبتى عجبتك
قلتى لى ضهر التور و كافتيريا العلوم
انت عارفة بذكر ضهر التور و كافتيريا العلوم حسيت انو صلعتى قام فيها شعر اصلو ضهر التور و كافتيرتا الاقتصاد و العلوم كانوا زارعين فيها صرتى و خاصة ضهر التور و شلتنا بتاعة الدبارسة هشام , ابو الجيب , اشو ........الخ

ما قلت ليكم هضربة صيام ساي
شايفين يا عصام وسيف رمضان لسه ما طلع من الباب كويس، المزاج استعدل والكلام بقى مفهوم ومرتب والقضية اتباعت وبكري بقى احسن زول ..

Quote: لكن هلا هلا هلا يا خوى انا بتجرس انا بتك يا شيخنا مجمر

والله بتتجرسي من الصيام جنس جرسة، فاكرة لما غمرتي لينا مرة في الجامعة ذات نهار رمضاني حار وكبينا فيك جردل موية عشان تفيقي؟

Quote: انت عارفة بذكر ضهر التور و كافتيريا العلوم حسيت انو صلعتى قام فيها شعر اصلو ضهر التور و كافتيرتا الاقتصاد و العلوم كانوا زارعين فيها صرتى و خاصة ضهر التور و شلتنا بتاعة الدبارسة هشام , ابو الجيب , اشو ........الخ

يابكري والله شلة الدبارسة ديل مش يقوموا ليك شعر صلعتك بس، ديل يقوموا ليك في عيونك ذاتها .. الله يطراهم بالخير ..

يا سهام لقد قمت بالإحتفاظ بصور الحلوين في البومي الخاص، بعد الأذن طبعا ..
كل سنة وكلكم طيبين

الصاوي

الأخت سهام كل عام وانتم بخير
والله استفدنا كتير من بوستك دا
واتمنى من الآخ تمبس ان يشرح لينا كيفية وضع الصور الشخصية في البروفايل
معليش انا برلوم في الشغلانة دي وعايز ابقى سنير
مع خالص تحياتي ومودتي وكل سنة والجميع بالف خير

بت المجمر
كل عام انت والاسره بالف خير
ودابكدوك

Amiral كل عام و انتم بخير
الحمدلله البوست مفيد
طبعا تمبس مشغول بالعيد
كل سنه و هو طيب و الجميع بخير
وفى انتظاره

لازلت اتمنى ان يستجيب بكرى و يعمل اللينك الثابت

الصاوى الاخو .. كل سنه و انت طيب و الاسره بالف خير

Quote: والله بتتجرسي من الصيام جنس جرسة، فاكرة لما غمرتي لينا مرة في الجامعة ذات نهار رمضاني حار وكبينا فيك جردل موية عشان تفيقي؟

و الله القصه دى ما متذكراها.. لكن ح اعتبرها حصلت لانو البغمرو البنات الرقيقات... و انا دى كايسه ليها شديييييييييييد

Quote: يا سهام لقد قمت بالإحتفاظ بصور الحلوين في البومي الخاص، بعد الأذن طبعا ..

يعنى عرفت تطبعها كمان

كل سنة وانتي طيبة يا سهام وكيف الاولاد؟

Quote: البغمرو البنات الرقيقات...

مرات التشكيل بكون مهم جداً:

يعني، هل المقصود الرَقيقات من الرِّقة وكدا يعني، وللا الرِقَيْقَات من "الرقاقة" ؟



(شايفك سلكتي في الوشوش زيي!)

عارف يا بكرى يا اخوى
ذكريات الجامعه دى ذى الحلو مر واحد!!!!

بالله حقو تعمل لينا بوست ذى حق الصلاه الفوق ده لتنزيل صور الجامعه
المبانى... الناس...الشجر .. كلو فى كلو


______________________________________
يا زول هى ما تعملها معاى ونسه
قلت شنو فى موضوع اللينك

عفيفى يا استاذ صيام
كل سنه و انت طيب

بشوفك مندسى من قبل رمضان عل المانع خير؟؟؟!!!!!

حيدر عثمان كل سنه و انت طيب

البوست السرى ده شنو يا خوى؟؟؟!!!!
منكم نستفيد

بوست رشيق الخطوه و ذوقضيه ومفيد ..

او في روايه
بوست رشيق رشاقه
قاضي بالقاضيه ..
مفيد افاده
و الدنيا عيد ..
عيدكم سعيد

و مصنغريين
.

الاخ شهاب كل سنه وانت طيب
الحمدلله انو البوست مفيد

تمبس بالله خلينا من ناس النيل الازرق ديل وتعال كمل الشغل ده

يا بكرى بالله رد علينا وورينا و جهة نظرك فى موضوع اللينك ده
انشألله تلملم البوستات الزى حقتى دى فى حته واحده و تسميها (عشان تعرفو تعملو الحاجات)
اها قلت شنو؟؟؟!!!!!!

Quote: تمبس بالله خلينا من ناس النيل الازرق ديل وتعال كمل الشغل ده

طيب دقيقه قاعد اتغدى ..
يعني ما اتغدى واللا شنــو..؟

جدا......... ينفعك انشأالله
مره عطشان مره جعان
يعنى ما فى قرق العيد والا رمضان

Quote: مره عطشان مره جعان يعنى ما فى قرق العيد والا رمضا

شهاب اخوى زولك ده ما غدا
ده الظاهر موقهى فى ساندريلا النيل الازرق
كدى نحن قاعدين
يعنى شفت ليك متين طلبه منتظرين الاستاذ؟؟!!!

فووووووووووق من اجل تمبس

Quote: فووووووووووق من اجل تمبس

واطاتك اصبحت

Quote: واطاتك اصبحت

الاخ محمد

الله يكضب الشينه

المستفيدين من البوست
الظاهرين و المندسين

قبضت ليكم تمبس حايم

اها فووووووق


___________________________________
يا جماعه بكرى جايى السودان
احتاج دعمكم عاوزه اشترى لى فرار!!!!

Quote: يا جماعه بكرى جايى السودان احتاج دعمكم عاوزه اشترى لى فرار!!!!

بالعدم امسمار 7 بوصةو شاكوش!
عشا ن تدقى آخر مسمار فى نعش البورد!ا
الصلاة على النبى!
الصلعة لا النبى!
جنى
جنى

(وش ممحن)

وين وقفنا يا سهــام .؟
المرة دي الواحد جاب ساندوتشاتو معاهو ..

ايوى يووووووووووووى

كدى يا خوى خش على الوشوش...باقى مغروضه عاوزه اركب لى كم وش كده
اوعك تقول لى وشوش بكرى ... بعرف ليهم
الا عاوزه اجيب وشوش ذى منى خوجلى..تتحرك و تتنطط
مشيت اللينك الختاهو لى اخونا نيستا
و حاولت انقلهم بنفس طريقة الصور لكن ما ظبطت معاى!!!!!

Quote: الا عاوزه اجيب وشوش ذى منى خوجلى..تتحرك و تتنطط مشيت اللينك الختاهو لى اخونا نيستا و حاولت انقلهم بنفس طريقة الصور لكن ما ظبطت معاى!!!!!

.. يا سهام
تعرفي من قبيل بفتش لي وشوش منى خوجلي دي ما لاقيها .. هي فكرته نفس الفكرة دي بس براحه .. براحه وبي تركيز شوية بتظبط ..
بكره الصباح كان الله حيانا .. بوريك بتظبط كيف ..

- نمشي لي مكان رفع الصور المحدد في البورد .. ونضغط على Browse لتحديد مكان الصورة على جهاز الكمبيوتر .. زي ما موضح بالشكل .. ولتسهيل عملية تحديد مكان الصورة على جهاز الكمبيوتر يفضل دائما وضع الصور المطلوبة للتحميل في ملف إما على سطح المكتب .. أو على المستندات في المجلد الخاص بالصور ..

بعد تحديد مكان الصورة نضغط عليها Double Click أو كلك واحد ونضغط خيار Open لإدراج الصورة في محل التحميل ..
- نضغط على خيار تحميل ..
- عند نجاح العملية وقبول الموقع للصورة المطلوبة تظهر الصورة ومعها تسمية الصورة والروابط الخاصة بالتحميل .. التي قام بكري بتجهيزها بشكل يسهل التعامل معه .. كما في الشكل:

دقيقه بس يا بت المجمر خليني اخلص الفي يدي دا ..
بعدما ننتهي من التحميل ونتحصل عى نتيجة النجاح تظهر اللنكات بالشكل الموضح:

يمكن التعامل مع الأكواد بطريقتين:
1- إما عن طريق النسخ المباشر .. كما موضح:
( لاستخدام الصورة في المنتدى انسخ الكود والصقه في المنتدى مباشره ) يمكن في الطريقة الأولى نسخ الكود مباشرة فهو جاهز وعمل لصق في المنتدى في المكان المراد أن تدرج فيه الصورة ..
2- لوضع الصورة في البروفايل يا ( أميرال ) .. نقوم باختيار الرابط الخاص كما موضح في الطريقة الثانية .. http://www.sudaneseonline.com/u/phono.JPG صورة البروفايل يجب أن تكون صغيرة الحجم على الاقل في حجم الباسبورت حتى لا تشوه الصفحة ..
نأخد الرابط الصغير ونذهب للبروفايل الخاص بينا( ملفك ).. ثم نقوم بالاجراء الآتي:

- نقوم بعملية اللصق للرابط الناتج من تحميل الصورة الصغيرة بحجم الباسبورت لو فرضنا أن هذا الرابط كان بالاسم http://www.sudaneseonline.com/u/phono.JPG ونلصقه في مكان الموضح برقم (1) بعد التاكد من مسح كل المساحة بالكامل ..
- بعد اللصق نقوم بالضغط على تعديل البروفايل كما مضوح بالشكل رقم (2) .. وبعد إنتهاء عملية التغيير للبروفايل تتحول الصفحة تلقائيا للوضع الجديد وتظهر رسالة تاكد تعديل البروفايل ..

كل عام والجميع بالف خير
والسلام عليكم
وتحيات خاصة لراعية البوست والاخ تمبس
وسؤال لي تمبس
اذا الصورة العندي في الكمبيوتر طلعت اكبر من الحجم المطلوب كيف يمكن تظبيطها وتصغيرها وتبقى مقاس بكري ابويكر في سوانيزو اون لاينو
مع التحايا

ناصر موسى

ناصر موسى
كيفك ..؟ وكل سنة وإنت طيب ..
تعرف في طريقة كان شرحت بيها كيفية التصغير هي معقدة شوية ..
بركه الصباح كان الله حيانا بشرحة بالتفصيل .. بس كدي احتملني لحدي بكره ..
رايك شنــو ..؟

تمبس قو اتنهز الصباح اصبح...
كدى نسأل منى قاعده تجيبهم من وييييين و بجيك راجعه!!!!

كيف اصبحتو يا سهام ..؟
عملتو لينا حاجة في موضوع الوشوش دي ..؟
واللا الواحد يمشي بي وشو ويرجع ليكم بعدين بالليل ..

هوى يا تمبس بطل حركات
انا قاعده اشتغل و افقدك كل شويه
مافى مشى ... اقعد هنا شوف شغلك...
(وش صارى و أامر)

بعدين انا مشيت ناديت منى من رحلتها
يمكن مسافة السكه تكون هنا

المسافه دى شوف لينا التلوين
وتكبير الخط

Quote: المسافه دى شوف لينا التلوين وتكبير الخط

والله يا سهام المجمر شغلك دا واحد في الاتنين .. يا إرهــاب يا قلع ..
ياخي دقيقة واحده واحده .. .. بالطريقة دي انا بمشي بفطر وتاني ما بجي راجع
كدي راجعي الكلام دا براحه براحه والصور اتشالت كنت قافل إني اللقاها .. المهم اتصرفي .. شايفه الناس الفي البوست ديل كلهم بقو لوانين ..
اللــون .. الصورة .. الخطوط .. الاقتباس
ـــــــــــــــــــــــــــ
نقوم بحصر النص أو الجملة المراد تحويلها ( بين الأقواس )
مثلا اردنا تحويل نص إلى اللون الأحمر :
- نظلل الكود الخاص باللون الأحمر .. من اللوحة المرفقة على الناحية اليمني
- ننسخ الكود ( copy ) وندرجه في مكان الرد بالصفحة ونقوم بعملية ( paste ) ثم نقوم مرة أخرى بعملية تظليل للكتابة المحصورة بين الأقواس Red Text يمكننا الكتابة مباشرة أو يكون النص معد جاهز على صفحة خارجية.. فقط نقوم بعلمية نسخ ( copy ) للنص .. نختار الخيار Preview لمعاينة العمل والتأكد من صحته قبل الإرسال ..
- إذا أردنا للنص أن يكون أكثر قوة ما علينا إلا تظليل النص من جديد بين الأقواس ونختار الخيار Bold من اعلي مكان في صفحة الرد.
- ويمكن ايضا الضغط على ايقونة Italic ويعطيك شكل الميلان للنص.
- ومن ايقونة Underline لوضع خط تحت الجملة المطلوبة ..

العزيز ناصر موسى .. كيفك .؟.
كدي حاول تتابع معاي الخطوات دي واحده واحده ..
عارف ميزة برامج الكمبيوتر .. إنو تاخد المداخل بس في الشرح .. والباقي تحاول تركز فيهو براك علشان تحفظ اي خطوة تقوم بيها .. وطبعا لما تعمل ليك خطوة مرة ومرتين بترسخ ليك في راسك وبعداك بتبقى المسالة بتاعت الممارسة بس ..
د طبعا النظرية الشغال بيها اخوك .. بجيب البرامج واقعد ليها وابدا افرتق بي مزاج .. وبتكيف شديد كلما اللقى لي خطوة صعبة واتخارج منها .. علشان ادخل لي مرحلة اصعب منها واحلها من جديد وبي كدا البرنامج بيتفكفك لي بسهولة وكل حاجة صعبة فيهو بتتسهل ..
كدي تابع الخطوات دي .. وشوف الحاصل فيها شنــو .. ولو برضو عترت ليك خطوة .. أنا قاعد في البوست دا .. ونشتغله واحده بواحده:
تعديل الصورة من داخل الكمبيوتر ببرنامج الرسام الملحق ببرنامج الوندوز
يمكن تعديل الصورة والتحكم في الحجم والأبعاد .. وقصها حسب ما نحتاج..
..نضغط على الصورة (R C ) وopen with paint
لتفتح في برنامج الرسام ..
نختار من شريط الادوات أعلى الصفحة خيار
Image ..
..نختار من القائمة خيار
Stretch/Skew.. وبهذا الخيار يمكن أن نتحكم في حجم الصورة تصغيرها أو تكبيرها.
مثــــلآ:
نصغر الحجم إلى ( 50 درجة ) أفقي و( 50 درجة رأسي ) حيث لابد وان تتساوى الدرجات في التعديل حتى نحتفظ بالوضع الطبيعي للصورة .. بمعنى أن معدل التغيير يكون متساوي في الاتجاهين..ثم نضغط خيار OK لاعتماد التعديل..
يمكن تراجع برضو البوست دا معاك .. بالرغم من انو الفترة طالت وبعض الصورة المرافقة للشرح اترفعت من السيرفا ..
اللــون .. الصورة .. الخطوط .. الاقتباس

تمبس انا هلالابيه على السكين احمر شنو ال بلون بيهو... كدى عليك الله ما تلميذه خطيره.... وافهما طايره.. بس ساكت ما لاقين فرصه فى البلد دى!!!

Quote: بس ساكت ما لاقين فرصه فى البلد دى!!!

... والله خطيره عديل كدا ..

اسه يا بت أمي تهجميني كدي..خليتيني لفحت التوب ولبسته بالشمال وسفنجتي اتقطعت في
جريتي اشان اصلك..ده كله عشان الوشوش؟

اتي ماك خايفه ولا شنو؟

انا غير وشوش القرود ما عندي..ان دايراهن بوريك طريقهم وبعداك مخيره في البيحصل ليك..
فكري كويس كده

طيب يا تامبا

لو الواحد عاوز يكتب فى الصور بواسطة الرسام .. اها يسوى كيف ؟

Quote: لو الواحد عاوز يكتب فى الصور بواسطة الرسام .. اها يسوى كيف ؟

يا علي إنت ما عايز تخلي الغتاتة حقتك دي ..؟
حتى الرد بتاعك رافعــو في راس البيت ..؟
عندي مشوار صغير بمشي وبجي راجع اوريك الحاجة دي ..

إنشاء الله تكوني فهمتي يا استاذة

انا بس عاوز الرد بتاعي دا يكون رقم 100

أبوفتحية

الاخ الصادق هلا و مرحب بيك

بعد ما لقبتنى بى استاذه دى
كان بقيت ما فهمت تبقى عوجه
موقفى بقى صعب كده مع تمبس ده يعنى ما بقدر اقول ليهو اعد

Quote: انا بس عاوز الرد بتاعي دا يكون رقم 100

انت قالو ليك عندنا جوائز؟؟!!!:[/

الصادق

اهاااا شفت كده لخبطنى

Quote: موقفى بقى صعب كده مع تمبس ده يعنى ما بقدر اقول ليهو اعد

Quote: الصادق اهاااا شفت كده لخبطنى

والله يا سهام المجمر موقفك بقي فعلا بايخ جدا ..
اقول ليك حاجة:
بايخ عديل كدا

ها تمبس ها قالو العتره بتصلح المشيه... واصل شرحك انشألله يتواصل سعدك
اها عايزه اكبر خطى على حسب الشكله.. يعنى اكان مشاده خفيفه كدى يبقى فى حاله
وكل ما تسخن اذيدو حبه

منى خوجلى والله معليش على الخلعه الا كانت دليل محبه!!!
اها اعدلى توبك و لمى شعرك المنكوش ده
و ورينا الوشوش ده جبتيها من وين
و عليك الله قرودك الشينه دى ما لازمانى
انتى ما شايف مياده بهناك تعبانه فى الجمال و شرحو
وانتى تجى تقولى لى قرود؟؟؟
يا زوله انا دايره الوشوش المدوره
ولذيذونه دى

طيب يا سهــام لتكبير الخط خلينــا نستعمل كــود يكون استاندارد ما عليك إلا تعملي تعديلات بسيطة فيهو .. علشان يتوافق معاك حسب المشكلة طبعا
بس المطلوب منك تركيز شوية علشان تكتبي الخط الواضح في الصورة دي بالكيبورد من عندك.. ويفضل إنك تكتبيهو في صفحة word خارجية وتحتفظي بيهو للاستعمال:

يهمنا في الكود:
Color .. للكتابة باللون المطلوب
Size .. لإختيار حجم الخط المطلوب ..
قبل الكتابة يدرج الكود قبل النص ونقوم بالتعديلات المطلوبة:

عبد الماجد

الهلال

بكرى ابوبكر ...اسمع

Quote: بس المطلوب منك تركيز شوية علشان تكتبي الخط الواضح في الصورة دي بالكيبورد من عندك

أستاذة سهام (تاني)
قبيل كنت عاوز اقول ليك ركزي مع المعلم تمبس الهلالابي دا لكن تاني قلت خليها لي مداخلة تانية.

يا تمبس اتخيل اخوك عندو نفس مشكلة بت المجمر دي؟؟

أبوفتحية

Quote: يا تمبس اتخيل اخوك عندو نفس مشكلة بت المجمر دي؟؟

اهــا يا أبو فتحية .. بت المجمــر ح تجي تطقطق الشرح دا .. كلوو
إنت وصلت وين حسع ..؟
شايفك ما عملت لينا اي حاجة..

الهلال هلا



اها طقطقطها ليك و الا لا

يا معلم تمس
كدي شوف بالله كدا كيف؟


بس حكاية الصورة وتغيير الفونت واللون لسه شوية.

أبوفتحية

شفت يا تمبس دي جات كيف
جات فيها كروس احمر ياخي

أبوفتحية

/IMG]

/IMG]

يا تمبس اخوك قلبه خلاص وشرتت الصورة في الموقع

أبوفتحية

Quote: يا تمبس اخوك قلبه خلاص وشرتت الصورة في الموقع

يا الصادق ..
والله خطير عديل كدا ..
اتعلمت بي عرق العــافية ..

يا سهام المجمر .. غايتو دي كمية بتاعت وشوش .. http://www.w6w.net/gallery.php?id=30 في الصفحة دي .. طريقته ساهلة شوية ..اضغطي علي الوش .. Double Click وبيديك الرابط حقو .. اعملي Copy وتعالي انسخيهو في المكان العايزاهو..

بالمناسبة .. نسخ الرابط ساهل جدا .. بس اضغطي على الايقونة البرتقالية المكتوب عليها نسخ الرابط للمنتديات .. وبي كدا بيتنسخ معاك

تشكر يا تمبس يا اخي

أتعلمنا أنا وسهام من راسك انت.

أبوفتحية

ابو الزمل ابو فتحيه
انا ام غاده بقول لانو تمبس بدا معاى بدرى شويه
يعنى انا سنير عليك

اعمل شاهده قبل النشر عشان تتأكد اول!!!
جميل

اها شفت انا ذاتى ده العاوزه اعرفها
انو ليه فى صور ما بتظهر ؟؟؟ و تعمل ليك حركة الكروس بالاحمر دى؟؟

Quote: انو ليه فى صور ما بتظهر ؟؟؟ و تعمل ليك حركة الكروس بالاحمر دى؟؟

حركت الكروس دي يا الصادق وسهام .. بتحصل عادة للكيشة ..
والكيشة ديل بينقسمو لي قسمين:
- كيشة .. بيقوم يعمل Right Click على الصورة بشكل سليم جدا جدا ويجيب الرابط بتاعه مثلا زي الصورة دي

مش الرابط بتاعه عامل كدا ..http://www.sudaneseonline.com/u/Siham_Elmugammar.jpg
اها يجيبو ولما يجي يدخلة في المحل بتاع إدراج الصورة دا
يقوم يغلط في حاجة صغيرة جدا يا ما يمسح باقي الرابط القديم الجوه الدايره دا

يا من اساسو جايب الرابط غلط من الأول يعني بدل ما يعمل كوبي لي عنوان الصورة صاح .. بيعمل كوبي غلط ..يعني مثلا ..

..

- الكيشة التاني بيعمل الحاجات دي كلها وما بيضغط على ( شاهد قبل نشره ) علشان يتأكد من الصورة الحاصل عليها شنو حتين بعداك يرسله ..
اهــا يا الصادق وسهام قدمو الكيشة واللحقــو...
الما كيشه مفروض .. براحه براحه .. يقرا كلام بكري دا ويعملو بي تركيز عالي

اها دى غلبتنى

قدر ما انسخ و ابييست (حلوه مش)
ما جات معاى
اها خطوه خطوه بالله
وكلامك عن الكيشه ده
بنفطو للمصلحه؟؟؟(وش انتهازى)

Quote: اها دى غلبتنى قدر ما انسخ و ابييست (حلوه مش) ما جات معاى اها خطوه خطوه بالله وكلامك عن الكيشه ده بنفطو للمصلحه؟؟؟(وش انتهازى)

. طيب يا سهام أنا اصلو باقي لي نص ساعة واطلع وما عندي حاجة قدامي ح احدده معاك والله انا من شدة ما لايوق التقول مزروع مع باميه .. يلالا خلينا نشوف الكيشة فينا منو ..
خليني اتكلم عن الصورة بتاعت البروفايل حقك .. مش عامله كدا

نفترض انك لقيتيها في اي مكان تاني .. في اي موقع في اي مداخله .. ما عليك إلا تعملي عليها Right Click وتمشي تختاري آخــر خيار Properties بتلقيهو عامل كدا ..
http://www.sudaneseonline.com/u/Siham_Elmugammar.jpg ودا البسموهو الرابط أو اللنك وهو عنوان الصورة ودي العملية مشروحة .. بالصورة

..

يللا مش دا الرابط بقى شكلو كدا http://www.sudaneseonline.com/u/codd-9.JPG
تقومي تشيليهو. وتضغطي ايقونة ( أضف صورة ) وتظهر معاك النافذة وتلصقيهو وتضغطي OK

كدي قومي ما تضغطي علي ( شاهد قبل نشره ) ..

Quote: انو ليه فى صور ما بتظهر ؟؟؟ و تعمل ليك حركة الكروس بالاحمر دى؟؟

أحيانا يا الصادق في كروسات حمــراء بتظهر لما الصورة تكون مدته انتهت في السيرفا ـ يا كمان الموقع الرافعين فيهو الصورة يكون مزحوم شديد وعدد الكلكات عليهو كتيرة ودا دائما بيحصل في مواقع التحميل المجانية .. في الحالة دي بتظهر الصورة فترة وترجع تختفي وتديك الكروس الأحمــــر ..
لكن في حالة الكروس بتاعك الفوق دا .. دا كروس أحمــــر بتاع كياشة منك
انا راجعت الكروس بتاعك وعملت علي الكروس Right Click ومشيت لي Properties لقيتو عامل كدا ، والله عذبت الكود دا في عمــرو ..
http://www.sudaneseonline.com/cgi-bin/sdb/www.sudaneseo...u/afrika_sudan_1.jpg
إنت رفعت الصورة صاح واي حاجة .. بس غلطت في إدراج الكود .. وكان ما عليك إلا بس تشيل الكود بي طريقة صاح تعمل ليهو كوبي .. يعني في الحالة دي طالما رفعتو في البورد بتاع بكري هنا .. تستعمل الكود الأولاني الطويل .. لو كان ظللتو بشكل صاح وما اضفت ولا نقصته حاجة .. وجيت عملت ليهو لصق هنا وضغطت ( شاهد قبل نشره ) علشان تتأكد ... صدقني ما كان جاك كروس أحمــــر

ملحوظة:
- ميزة ايقونة ( شاهد قبل نشره ) بتتيح ليك فرصة التأكد من شغلك لو فيهو اي خطا إملائي أو أي خطا في الصورة وممكن تداركه من الأول ..
- سهــام المجمر .. والصادق من هنا ولي قدام البجيب فيكم كروس أحمــــر ولو بالغلط .. ح يتعب معاي ..

تمبس
صباح الخير

ياخ ركز معاى انا بتكلم عن الوشوش ما الصور...
اذا مافهمت تنزيل الصور..نان حقيت الولاد ديل الدلاها ليكم منيهو؟؟؟
ركز .. ركز

Quote: ركز .. ركز

.. يعني يا سهام تغلبك الحاجات الساهلة وتعملي الصعبة ..؟
طيب عايني دا الموقع بتاع الوشوش .. http://www.w6w.net/gallery.php?id=30 مش كدا ..؟
يلالا عايزين ننزل وش الزول دا ..

اضغطي على الوش Double Click ح يفتح ليك في صفحة تانية وبتلقي معاهو تعليمات زي كدا

اضغطي .. على مكان المستطيل الأزرق ضغطه واحده على الايقونة البرتقالية المكتوب عليها ( نسخ الرابط للمنتديات ) .. مع الضغط تلقائيا بيتنسخ الكود معاك على الماوس ,.
تجي راجعه للبوست .. وتضعي المؤشر بتاع الماوس في المكان العايزه الوش يظهر فيهو ..
وعلى طول أعملي نسخ بينزل معاك الرابط وفيهو الوش المطلوب ..

بالمناسبة:
الإجراء دا إذا ما عملتيهو في مسافة ( 15 ثانية ) .. معناته كيشة

يا تمبس
كنت بطرق لى كمال و منى خوجلى

اها انا فاهمه دى كيف معاك

يلا بعد ده فضل شنو؟؟؟

بعد كدا فضل تعملي للوشوش بتاعت الموقع .. ( وجـــع وش ) ..

انت يا تمبس سؤال جاد بوصفك زول مقدد الكمبيوتر و فنونه و كده يعنى

الصعوبه شنو فى عمل لينك يوضح للناس كيفية عمل الحاجات الانت شرحتها لينا فى درس العصر ده؟؟؟ ده واحد
اتنين:
هل زيادة الوشوش ممكن تسبب اى مشاكل فنيه للموقع؟؟؟
تلاته: ليه بعض من الوشوش الموجوده عليها كروس بالاحمرو بعضها نصها مقطوع؟؟ (يعنى بكرى بجلالته الكمبيوتريه ما عرف انزل الوشوش )

تبقى دى عوجه....

Quote: انت يا تمبس سؤال جاد بوصفك زول مقدد الكمبيوتر و فنونه و كده يعنى

يا هسام .. مقدده وين ياخ ..؟ والله لو مقدده كان حسع بلعب في الهلال .. لكن على قدر الفي والباقي تلاقيط بس ..

Quote: الصعوبه شنو فى عمل لينك يوضح للناس كيفية عمل الحاجات الانت شرحتها لينا فى درس العصر ده؟؟؟

.. دا تصور جميل عملي جدا .. بيفيد الناس دي كلها .. خاصة وإنو كل مرة بيتم شرح الأشياء دي .. وإمكانية عمل رابط دي ساهلة جدا .. وتقريبا بكري ح يشرع في الفكرة دي علشان تكون مرجع للموقع .. وتسهل عملية التعامل بين الاعضاء ..

Quote: هل زيادة الوشوش ممكن تسبب اى مشاكل فنيه للموقع؟؟؟

زيادة الوشوش ما بتسبب مشاكل إلا في سبب واحد إذكانت الاكواد المستعملة بتخلق نوع من التضارب مع اكواد أخرى بالموقع .. لكن طالما في مواقع متخصصة ويمكن الاستعانة بيها الظاهر لي دي بتوفر كتير .. الوشوش الكبيرة دي دائما غير مرغوبة في المواقع ويفضل إنو يتم الاستعانه بيها من مواقع متخصصة ..

Quote: ليه بعض من الوشوش الموجوده عليها كروس بالاحمرو بعضها نصها مقطوع؟؟ (يعنى بكرى بجلالته الكمبيوتريه ما عرف انزل الوشوش )

.. المسالة ما كدا يا سهام .. معظم الوشوش العليها كروس دي مشكلة سيرفر .. الضغط عليهو بيكون كتير .. أحيانا بتلقي معظم الوشوش عليها كروس احمر ومعظم الايقونات برضو عليها كروس أحمر .. غالبا الضغط علي السيرفر أو كمان الاتصال بيكون بطئ .. لكن في كل الأحوال لما تلقي ليك كروس أحمر دائما على اي صورة أو اي ايقونة أو تلقي ليك وشوش نصها مقطوع اضغطي بالماوس RC واختاري من القائمة خيار Show Picture ..
في ايقونات او .. وشوش أحيانا بتكون اخدت دورته في السيرفا وختفت بتفضل قاعده كروس أحمر .. ما لم يقوم بكري بتحديثه وتحميله من جديد ..
وبلاي ما تخلينا تاني نتكلم في السياسة

Quote: اذا الصورة العندي في الكمبيوتر طلعت اكبر من الحجم المطلوب كيف يمكن تظبيطها وتصغيرها وتبقى مقاس بكري ابويكر في سوانيزو اون لاين

.. العزيز ناصر موسى .. معليش الظاهر لي نسيت وعدي اني بكمل ليك الشرح ..أعذرني.
تعديل الصورة من داخل الكمبيوتر ببرنامج الرسام الملحق ببرنامج الوندوز:
خلينا نصغر الصورة دي ...

- نضغط على الصورة (R C) وopen with paint
لتفتح في برنامج الرسام ..

- نختار من شريط الادوات أعلى الصفحة خيار:
Image ..
- نختار من القائمة خيار:
Stretch/Skew.. وبهذا الخيار يمكن أن نتحكم في حجم الصورة تصغيرها أو تكبيرها.

مثــلا:
نصغر الحجم إلى ( 50 درجة ) أفقي و( 50 درجة رأسي ) حيث لابد وان تتساوى الدرجات في التعديل حتى نحتفظ بالوضع الطبيعي للصورة .. بمعنى أن معدل التغيير يكون متساوي في الاتجاهين..ثم نضغط خيار OK لاعتماد التعديل..

- الصورة بعد تعديل الحجم إلى ( 50 درجة ) أفقي و( 50 درجة رأسي ):

الصورة بعد تعديل الحجم إلى ( 20 درجة ) أفقي و( 20 درجة رأسي ):

أها يا بت المجمر الزول الجاء بعدك كسحك بي غادي,

أبوفتحية

انتو البوست دة اتاريهو كدة من جوة ؟؟
لكن ما اظن الناس برة فاهمين انه فيه الشرح دة كلو
انا كل يوم بجي مارة بي برة واقول يا ربي تمبس وسهام ديل لي أسة بيقولوا في شنو
حقوا تعملوا ليه دعاية برة بي يافطة اقصد بوست تاني
مع السلامة
وتاااااني بجي داخلة عشان اتعلم باقي الحاجات

شيماء

كل سنه و انتى طيبه

عشان كدى نحن قلنا نوع دروس العصر دى تكون معلقه فوق للجميع

ما كل الناس بتقرا بوستات كل الناس

بعدين عنوان البوست ما بعكس انه فى درس شغال
يعنى تمبس الله يديهو العافيه .. حول البوست من شكله لدرس عصر
وزى ما شايفه بكرى زاغ...

يلا اها الدفتر جاهز ما داير تصوريهو!!!

والله ياالصادق اخوى الا تكون داخل البوست ده بالقلبه
عشان تكون كسحتنى!!!!

أضم صوتي إليك يا سهام أنا ذاتي جديد في الموضوع دا وداير زول يقودني ويعملني حركات البوستات اللي أنا شايفها وما قادر أعمل زيها حتى صورتي ما عرفت أنزلها خليك من الفيديو وهلم جرا

مرحب عمار

وادخل على درس العصر المجانى ده و انشألله الله يقدرنا نرد جميل تمبس
انشألله فى شوبش حقتو!!!!!!!!!!

انا لازلت اتمنى ان يستجيب بكرى و يعمل الرابط
و حتى اقترحت ليهو انو يلم البوستات القديمه و الجديده بتاعة دروس العصر دى
فى حتة الرابط ده... ده فى حالة انو ما فاضى و مشغول شديد و كده يعنى
عشان يعمل القصه دى بطريفه اكثر فنيه و مهنيه

و فوووووووووووووووووووق

يا تمبس دا اخوك زاتو - يعني لو ما جيت بي جاي الواحد ماكان قدر يخليكم تشوفو؟

أبوفتحية

عليك الله يا بت المجمر والله لو انا ما مشغول كان زمان كسحت خليتك هناك في التكل

أبوفتحية

Quote: عليك الله يا بت المجمر والله لو انا ما مشغول كان زمان كسحت خليتك هناك في التكل

ابو فتحيه كلنا شغالين
و انا المنبر ده بفتحو من اخش المكتب و اتاوق ليهو كل ما القى فرصه

و التكل بدخلو من ارجع البيت اها انت لما ترجع البيت عندك شنووووووووووووووو؟؟؟؟

Quote: و التكل بدخلو من ارجع البيت اها انت لما ترجع البيت عندك شنووووووووووووووو؟؟؟؟

أختي بت المجمر

عندي فتحية - هل تصدقي مما ادخل البيت تاني مابقدر اعمل اي حاجة
فتحية واخوها محمد المجتبى دا يطلع بي جاي ودا ينزل بي جاي
وبعد شوية فتحية تلبس الجزمة وتقول يلا السوكا (يلا السوق) يعني
طبعاً هم هنا في السعودية محرومين من حاجات كتيرة خصوصاً الطلعة
واللعب.
بعدين ما تعملي لي فيها خلاص مشغولة كدا تكل وشغل في المكتب

أبوفتحية

الدنيا دى بت و ود كلب

الصادق ابو الجاز الكان نوارة الفريق؟

مالك يا زول؟

دى عين الاشرار والشريرات عينة تمبس و بت المجمر..

يا ولد

تمشي اسه تتبخر و تشوف ليك حجاب كارب ...

كان ما لقيت برسل ليك واحد سايبري ... اصلى ماركة مايكروسوفت

يا تمبس قلنا ليك القرد(ة) العجوز ما بتعلم



مشاركتنا في احتفالات التخريج

يلا صغرو الصورة دى ... يا شفع

اها غيرناها ليكم

عصاااااااام جبرالله
وانا اقول البوست اتعوج كده مالو؟؟؟
قال الصوره قال .... الصوره المسكينه دى ما نزلتهااصابعينك!!!!!
انت نسيت و الا شنو؟؟؟؟.. هسه انادى ليك مج و الداف
وبعدين يا عامل مقدده حتى لو صغرناها ليك
ما ح نقدر نشيل الختيتها لينا دى
شيل بسرعه والا بجى اكسرك







_______________________________________________
كل سنه و انت طيب (ااااى لسه العيد قاعد يجى)
والله والله والله مشتاقييييييييييييييييييييين

عصام جبر الله

كيف الحال وكل سنة وانت طيب
ياخي العيال ما كبرت واخوك هسي ماشاء الله عندو اطفال وقصص

لكن ناس بت المجمر وتمبس ديل عيونن باردة

أبوفتحية

الصادق بالله ما تتونس مع عصام ده كما شال لينا الصوره الكبيره و عويره دى

سهام ازيك والله مشتاقين العيد مبارك ايوة عارفة متأخرة بس ما كنت فى البلد مشيت يا اختى وجيت لقيت البلد حالها مقلوبة والمنبر شىء عجيب قلت ادخل اطربق لقيت لى عكاكيز وصواميل وجلة قلت اشوفك بتنططى بى هنا فى شنو لقيتك فاتحة ليك فصل محو امية وهناك عندك بوست حق زهج الله يستر مالك يا سهام الحصل ليك شنو؟
معليش يا ها حال الدنيا
المفيد فى موضوع البوست ده بيعلم الكبار لما يفوتو الاكبر منهم بس والله ما بقدر على الكلام البيقول فيه تمبس الكتير دة ما فى طريقة ابسط من كدة اصلى شايفاك وشوش وصور بتنطط وتغمز والوان ادينى حصة بالتلفون يا معلمة ما خلاص مسكتى فى اللون الازرق ده بتفكيه تانى؟ وبعدين الصور بمناسبة ومن غير حاجة تحير، انتى هسع عاوزة حصة فى ترشيد استخدام البتعمليه فيه ده الا يجيبوا ليكم فاتورة حتى تهدنوا اللعب شوية؟

اسمعى وش صارى صرة شديدة اضربى لى تلفون علمينى البتسوى فيه ده سامعة؟
وثانيا الحقى طربقتك الاتقلبت عكاكيز وقولى لى جنى قديم جديد جديد قديم انا غايتو مع الجديد خايفة اقولها ليه اقوم القى لى عكاز فى نص راسى.
سودان جديد ويييي ويييي وش خايف

نجلاء الماحى

نجلاء الماحى
كل سنه وانتى منوره

والله عاد ياختى مرقتك من الطربقه امان ما و جعتنى؟؟؟ لكن غايتو فتشنا ليك العذر
اها قصة جنى دى نوقفها ليك عشان قصه العكاكيز دى ما تشرد الناس
يعنى البطربق ده ما بعملو ليهو شكله فى بيته عشان قدر العندو ما تطير

والله افتقدناك مطربقه مناضله و جسوره
اها خليتينى اطربق بهنا..خلاس امشى بهناك

جدا نديك حصه لكن التلفون لى شنو... ما نتلاقى عديل كده بالدرب
والا شنو ...تجينى و الا اجيك؟؟؟ نتفق فى التلفون

سهام صباح الخير

يا اختى تعالى لى انتى بالدرب عشان اولادك ما يفضحونى ويضحكوا على جهلولة فينى.

عشان تعلمينى القصة خطوة بخطوة

تلفوناتى حا تتضارب الليلة عشان نحدد مواعيد لمحو الامية


مودتى


جاياك بهناك اصل رايحة لى طربقة
راسى مليان حاجات ( وش عيونه منططة وفوق الراس شعر منكوش وحروف كتيرة مشتتة) هسع زى الوش ده القاه وين؟ والله التك ما خلت للناس حاجة الله يدينا خيرها



نجلاء الماحى

نجلا لاقينى فى الطربقه



تمبس
سلام

اها الكتابه بختوها فى نص الصفحه كيف؟؟؟؟؟؟؟؟؟؟؟؟

حذف للتكرار

يا سهام .....

أنا لي كم يوم بتفرج من منازلهم (غتاتة وكدة) ... وكمان لأنو شايفك شايلة عكاكيز ..... لكن والله دي:

Quote: (وش انتهازى)

عجبتني شديد ..... ما لقيتي ليها وش؟



أمسكي في تمبس ده قوي

الاخ محمد هسه انت ينادوك
ود ابو العزائم و الا ود ابو الريش

سلام

انت عارف مشكلةالانتهازى انو دايما تعابيره بيكون عكس ما يضمر عشان كده
مافى زول بقدر يعمل ليهو اميج


تمبس الظاهر مشى يعمل بريك مننا

بعد شويه بنلكزه

لووووووووووووووووووووووووووووووووول

النصر لنا


السلام عليكم اهل البوست
ورحمة الله تعالى و بركاته
نشكركم على روحكم العاليه و وقوفكم الصامد
ونضالكم من اجل قضيتكم
و شنو داك ما بعرفو...

المهم يا تصنقعو فوق يا تعفصو هنا
أكواد
لا يفوتنا ان نشكر الاخ تمبس على حسن صنيعه
ودرس العصر المجان
وانشألله فى عرسه
واجى بالتوب المشجر

Quote: انت عارف مشكلةالانتهازى انو دايما تعابيره بيكون عكس ما يضمر عشان كده مافى زول بقدر يعمل ليهو اميج

ممكن يكون ده؟

Quote: المهم يا تصنقعو فوق يا تعفصو هنا أكواد

لكن والله عملتيها يا بت المجمّر ..... ومن الليلة في ناس كتيرة ح(تتمبس) بوستاتها

دو ابو الريش (عجبتنى اكتر- وانت ما قلت داير ينادوك كيف)

Quote: لكن والله عملتيها يا بت المجمّر ..... ومن الليلة في ناس كتيرة ح(تتمبس) بوستاتها

ما بقدرو لانو ما فضلت ليهم
اليتمبسو
بيهو