Post: #1
Title: هذا البوست اهداء ليك يا غاده
Author: Siham Elmugammar
Date: 05-17-2007, 11:18 AM
عموما نحن السودانيين لما اولادنا يعملوا حاجه نفخر بيها ما قاعدين نقول ليهم !!!!
ما عارفه القصه جزء من طبيعتنا بنتحاشا الكلام الحلو؟؟؟ والا مبدأ التربيه السائد عندنا هو الحزم و لايحتمل اى سحسحه (مع الاعتذار للصادق المهدى لللاستلاف)؟ الاسباب كتيره لكن انا برجح السبب يكون الخجل من رد فعل الناس .... ح يكون رد فعلهم كيف؟؟؟ يمكن يقولو العواره دى شنو؟؟؟ و الا يمكن يقولو و نحن مالنا قادننا؟؟ المهم انا قررت اكسر الخوف من رد فعلكم اقول ليكم
يا جماعه انا فخوره ببتى غاده شديد
هذا البوست اهداء ليك يا غاده
عشان تصدقى انى مقدره مجهودك فى امتحانات الاساس و فرحانه بنتيجيك و ما قاعده اجاملك
حتى و انتى زعلانه
كدى نشهد اصحابنا فى المنبر ده و نشوف منو الصاح!!
اصلى طولت شديد ما كتبت لى بوست ...و يمكن بوستيك ده يزيح عنى الكسل و هموم الشغله
اهاااا
يا جماعة الخير البنيه دى ما كان مفروض تمتحن الاساس
لانها بتدرس فى مدرسه غير حكوميه و منهجها مختلف
اهاااا قمت انا و تخوفا مما قد تأتى به الايام من قرارت حكوميه ما معرف ليها راس من قعر
و قبل امتحان الشهاده فقط فقط فقط بشهرين طلبت منها ان تجلس للامتحان
شيلك ختك و افقت بعد تلتله لانو مقرر مدرستها تقيل شديد و لانها حتى تضطر تمتحن امتحانين الاساس و امتحان النقول الداخلى
المهم امتحنت و جابت 242
قامت قعدت تبكى و قالت مافى زول يقول ليها مبروك لانو دى نتيجة ما كويسه!!!!!!
طبعا انا قلت ليها دى فلهمه منك انتى بديتى قرايه قبل الامتحان بشهر ين و كمان لما كان صابح امتحان الغذاء و الصحه و امتحان التاريخ كنا انا و انتى بنقرا فى دروس نشوفها لاول مره فى المادتين...
دى القصه يا جماعه
مش انا ما بجاملها لما اقول ليها دى نتيجه حلوه شديد بنسبة هى معموله للطوارىء
ومش هى مفلهمه و طماعه لانها فتحت المقرر قبل شهرين من الامتحان و دايره تجيب فى 260 و 270
اها غيظه ليها كده باركو لى
|
Post: #2
Title: Re: هذا البوست اهداء ليك يا غاده
Author: ريهان الريح الشاذلي
Date: 05-17-2007, 11:23 AM
Parent: #1
كية فيكي كده ..مبرووووووك يا غادة
وكية تانية مبروووووووووووووك
كية ومعاها طليعة لسان مبروووووووووووووووووك********
الف مبرووك ليكي برضو يا سهام وربنا يجعلها من الناجحين طوالي****
|
Post: #3
Title: Re: هذا البوست اهداء ليك يا غاده
Author: غادة عبدالعزيز خالد
Date: 05-17-2007, 11:32 AM
Parent: #2
إزيك يا سهام,,
و مبروك للإبنة غادة,,
يكفي المجهود ياغادة و العزيمة
و أتمنى أن أراك دوما ي المقدمة
جميل يا سهام أن تعلني عليها الحب
على الملأ
كل الود
غادة
|
Post: #4
Title: Re: هذا البوست اهداء ليك يا غاده
Author: Hussein Mallasi
Date: 05-17-2007, 11:33 AM
Parent: #2
اولاد – و بنات - الزمن دا بقوا طماعين خلاص!
____
ألف مبروك يا غادة.
|
Post: #5
Title: Re: هذا البوست اهداء ليك يا غاده
Author: برير اسماعيل يوسف
Date: 05-17-2007, 12:26 PM
Parent: #4
Quote: يا جماعة الخير البنيه دى ما كان مفروض تمتحن الاساس
لانها بتدرس فى مدرسه غير حكوميه و منهجها مختلف |
الاخت/ سهام
نجاح مبارك للزولة غادة ... و عقبال تكملة بقية القراية الما فيها دق .
بس يا سهام يا اختي هنالك مفارقة غريبة شويه ... هي وجود اكثر من منهج في مدارس (الاساس ) في السودان ... دي و الله غلوتية ما في زول يقدر يحل طلاسمها... و فيها ظلم شديد لعيال/بنات (الحيكومة) و لعيال /بنات غير (الحيكومة)!! و هذا الخيط يقودنا الي المصائب الكبيرة التي تسببها ازدواجية المناهج... اقلها ان يضل معظم التلاميذ/التلميذات الطريق الي سمرقند.
الله يكون في العون... و ما اكون قد نططت خارج دائرة الافراح... فخبرك مفرح و محزن في الوقت نفسه.
|
Post: #6
Title: Re: هذا البوست اهداء ليك يا غاده
Author: Hussein Mallasi
Date: 05-17-2007, 12:50 PM
Parent: #5
Quote: و هذا الخيط يقودنا الي المصائب
الكبيرة التي تسببها ازدواجية المناهج... |
دا من الليلة و للا من أمس!!
من الله خلقنا بنسمع بالناس البتمتحن شهادة لندن
و منهجهم المختلف من منهج المدارس الحكومية.
|
Post: #7
Title: Re: هذا البوست اهداء ليك يا غاده
Author: القلب النابض
Date: 05-17-2007, 01:35 PM
Parent: #6
Congratulations for Ghada
|
Post: #8
Title: Re: هذا البوست اهداء ليك يا غاده
Author: Adil Osman
Date: 05-17-2007, 01:51 PM
Parent: #1
مبروك لغادة هذا التفوق الكبير. وهو تفوق ليس غريبآ عليها، فالبنت طالعة لابوها..
|
Post: #9
Title: Re: هذا البوست اهداء ليك يا غاده
Author: Moawia Mohammed
Date: 05-17-2007, 01:58 PM
Parent: #1
|
Post: #10
Title: Re: هذا البوست اهداء ليك يا غاده
Author: Muna Khugali
Date: 05-17-2007, 02:10 PM
Parent: #9
هذه نتيجه عظيمه وخاصه مع الزمن الضيق الذي سبق الأستعداد للأمتحانات..
ما شاء الله عليك يا غاده..
عندك اراده قويه ومخ شاطر..
غايته ده لو أنا وفي عمري الكبير ده.. كنت امكن اسقط وامكن أنجح بالعافيه..
وكمان ماشاء الله تاني علشان انتي قعدتي لأمتحانات كتيره مختلفه..
مبروك غاده ومبروك ياسهام..
|
Post: #11
Title: Re: هذا البوست اهداء ليك يا غاده
Author: esam gabralla
Date: 05-17-2007, 02:12 PM
Parent: #1
بالله شوف الدنيا دى.....غادة ممتحنة؟
بعد شوية يقولو ليك غادة اتخرجت من الجامعة
غادة خطبا واحد عفاض فحط بالمرابحة
غادة عرسوها
غادة مشت شهر العسل في القاهرة و بشتونى فتش ليهم الشقة وبهاء الهيبيز جهز الفليتو ...
غادة ولدت ...
سهام بقت حبوبة و "مج" جد...
وقاعدين نتلفت زى الما حاصلة حاجة
يا زولة انا زهجاااان .... كم يوم ساااااكت كده
تتخيلي حتى سربعة طارق الامين و فضفضة عماد عبدالله و قرقرة خالد "ولدى" ما فكتا... واحدة من القرفات الموسمية القوية البتكون فيها عاوز تحل قلووظ راسك (الموهوم) من الرقبة و تختو تحت الزير البنقط داك ... طق طق طق طق طق طق, تفج ضلعاتك و تطلع القلب (ود الكلب ده) و تضايرو في البترينة جنب كبايات الشاى عثمان حسين... بعد داك ترتاااااح
خلينا في غادة
باركى ليها و بوسيها قدر ما تقدرى
اها الحقيقة قالا عادل عثمان.. شايفا الدنيا كلها عارفة الذكاوة جاية من وين؟
| Quote: مبروك لغادة هذا التفوق الكبير. وهو تفوق ليس غريبآ عليها، فالبنت طالعة لابوها.. |
الطرطشة الفوق ديك امسحيها لى في وش صاحبي
اشواق يا صاحبة
|
Post: #12
Title: Re: هذا البوست اهداء ليك يا غاده
Author: Eng. Mohammed al sayed
Date: 05-17-2007, 03:11 PM
Parent: #1
إستاذتي سهام المجمر
الف مبروك لبنتكم غادة,درستيني بكورس طلاب جامعة الخرطوم بشمبات عندما كنتِ أنت طالبة بها.وقد حصدنا خير مازرعتم فينا من علم,وليس بغريب أن يعم خيركم أبنائكم.
وغادة معها حق أن تأمل بنتيجة أكبر وحسبها أن أستاذتها (الخصوصية) سعادتكم.
بالرغم من أن فترة الشهرين قصيرة ولابد أن تكون فترة ضغط نفسي عليها لذلك نأمل في خلق برامج إجازة وياحبذا بتذكرتي سفر لغادة للإستجمام في أي قطر تحب هي .(تهديها بوسط مش كفاية لازم كمان شوية مصاريف).وعشان ما تجي تقول ليك كلام البوست مابناباو لكن القروش وين؟
,,,هل من مثن للإقتراح,,,
عقبال نشوفها مهندسة آآآد هشام المجمر.الخال.
تحياتي
..................................................
محمد السيد فضل
حلفاية الملوك
|
Post: #13
Title: Re: هذا البوست اهداء ليك يا غاده
Author: Siham Elmugammar
Date: 05-17-2007, 04:26 PM
Parent: #12
كتر خيرك يا ريهان شمتى البت فينى و ضحكتيها على طبعا عجبها كلامك شديد شكرا ليك و يباركو ليك السمح
غاده عبدالعزيز
شكرا ليك و انتى لمستى بيت القصيد فمن حق بناتنا اولادنا ان نخفر بهم و نعلن حبهم على الملأ
و هو درس لهم ان لا يخجلو فى التعبير عن انفسهم
الاخ برير
لى عوده لك ام الان فشكرا على مباركتك
ملاسى
الله يبارك فيك
القلب النابض قلبك نابض بالخير
معاويه
الاولاد و البنت علقو فى البوست عشان العابك الناريه دى... يديك الخير
منى خوجلى
انتى يا يمه لا تفوتى لا تموتى
عصام جبرالله
اولا مالك مدبرس اوع تكون زهجان من الغربه و مشتاق لريحة الدعاش و الا تكون حزين عشان لازالت (الجبهه) تتربع على صدورنا و الا يمكن عشان مشتاق لى!!!!!! اقول ليك احسن نشوف الزهج ده فى الايميل ... و يا ود امى بركه الغاده جابتك صادى و سمعتنا صوتك.... لكنك لازلت تافه و انشاءالله مجتبى محسى يضوى ليك... و انا عادل عثمان ما بعرفه عشان اتحكر ليهو كويس و اوريهو الحديث و افهمه كلام ابليس.... و عشان ما بعرفه دى ح اكتفى بأنى اتهمه بأنه غارق حتى اذنيه فى مستنقع الذكوره المريض الذى لا يتصور ان المرأه قد تكون ذكيه و كمان ممكن تورثه لمن تلدهم... اها رأيك شنو ؟؟؟
يا محمد السيد
مباركتك ما بناباها لكن فى داعى لجنس الفضائح دى بقيت مهندس قدر الدنيا و كمان بتقول لى درستينا!!!! و انت براك شايف عمك ود جبرالله متجرس من قصة غاده امتحنت اساس دى كيف... رغم انو اكبر منى!!!!
|
Post: #14
Title: Re: هذا البوست اهداء ليك يا غاده
Author: Eng. Mohammed al sayed
Date: 05-17-2007, 09:13 PM
Parent: #1
| Quote: مباركتك ما بناباها لكن فى داعى لجنس الفضائح دى |
عزيزي القارئ:ـ
لايفوت علي فطنتك (عزيزي القارئ )ان اساتذة التدريس بالكورسات الصيفية (لطلاب الشهادة الذين هم علي أعتاب الفصل الثالث ثانوي عالي)يمكن ان يكون اساتذتهم بالصف الأول بالجامعة,فعلية يمكن أن يكون فارق السن بين الطالب والأستاذ/ة سنة واحدة,وقد يذوب هذا الفارق إذا كان القبول للمدرسة بالنسبة للأستاذ في صغرة في عمر أقل عن العمر المحدد للقبول.
ألا هل أوضحت.تقارب الأعمار؟
|
Post: #15
Title: Re: هذا البوست اهداء ليك يا غاده
Author: Afifi Mahamed
Date: 05-17-2007, 09:28 PM
Parent: #14
مبروك لغادة وابوها وامها
لكن خليك من غادة مجموعها كم انت لما امتحنتى كان مجموعك كم?
وبعدين ليه كلام عادل زعلك انت مجتبى دا لقيتهو واقع فى الميدان الغربى ماهو حلاة الدنيا عليهو مهندس حدادى مدادى وبالمناسبة عصام خليهو يخطا البت عشان ما يلحقها شيكاغو قبل يومين فتح ليهو بوست وشابكنا شيكاغو ودينق عمل وباسكت لحدى ماغطس حجرهم
|
Post: #16
Title: Re: هذا البوست اهداء ليك يا غاده
Author: Siham Elmugammar
Date: 05-17-2007, 11:53 PM
Parent: #15
عفيغى ود امى انت عارف انو كل ما يكون فى لمة اصحابى من الجامعه انا بقول ليهم تصدقوا انو انا ضيعت ايامى فى الجامعه فى صحبتكم اها شوف جنس المغايس دى انت مالك و مال مجموعى كان كم... و بعدين عاوز تعمل محامى لمجتبى؟؟ غايتو جنس تفاهه
انا من قبيل اشيل و أدخل فى البوست ده منتظراكم يا يا عفافيض تأنسونى بمعسول كلامكم ده!!!! اصلو الكى بورد عامل ليكم بودى جارد مافى زيو... لكن الحى بلاقى .. ولما يجى وقت الملاقاه انشأءلله يكون فيك حيل تعضى جلابيتك عشان تجرى...
صدق مشتاقين كتييييييييييير
و ياود السيد ياخ ما تدى من مجاملتك دى شويه للجماعه ديل و باقى العفافيض الانا منتظراهم من شاكلة سيف بشير و الصاوى وعثمان حامد و ياسر حامد ومن تابعهم.. غايتو انا مجهزه عكازى و حارساهم 
|
Post: #17
Title: Re: هذا البوست اهداء ليك يا غاده
Author: Siham Elmugammar
Date: 05-18-2007, 08:58 AM
Parent: #16
يا عفافيض خفتو من العكاز والا شنو
|
Post: #18
Title: Re: هذا البوست اهداء ليك يا غاده
Author: Afifi Mahamed
Date: 05-19-2007, 01:13 AM
Parent: #17
| Quote: يا عفافيض خفتو من العكاز والا شنو |
انتى ما بتخلى Your violent behavior ، زمان كنا بنقول الكلام على الزمن لكن الظاهر (الزمن وقف شوية!!!!!)
بعدين ود ام الحسن دا عينو حارة حاولى نزلى بوست سريع وقولى غادة دسمسوها من اول يوم فى المدرسة، اصلو الود من ختا كراعو فى سويسرا والبلد ما قامت ليها قومة لا كورة ولا سياسة وكذلك الحال مع هولندا وعثمان حامد يعنى باختصار الكيزان ما اذوا السودان وبس وكمان الاتحاد الاوربى.
تعرفى يا سهام اليومين دى بنتى الصغيرة (سارة-4 سنين) قايما ليها فى موضة تصحيح نطقنا للغة الانجليزية(Pronoucation ) البت ما افتح خشمى عشان اناطقا تخت ايدا فى نصها وتقول لى Don’t say …. Say… انا فى سرى اقول ليها يابت الكلب لو عارفة الجلد الاخدنا فى الانجليزى كان بطلتى فلهمتك دى ، انشاء الله غادة تكون مودباكم انت ومجتبى وعادل سيد احمد لو بجيكم
|
Post: #19
Title: Re: هذا البوست اهداء ليك يا غاده
Author: Nasser Mousa
Date: 05-19-2007, 01:40 AM
Parent: #18
والف الف مبرووووووووووووووووووووك
حقوق النشر محفوظة
ناصر موسى
|
Post: #20
Title: Re: هذا البوست اهداء ليك يا غاده
Author: Siham Elmugammar
Date: 05-20-2007, 08:07 AM
Parent: #19
ناصر موسى يباركو ليك السمح
يا عفيفى الحاصل علينا و احد
انا الاولاد كلهم بيقيفو لى فى حلقى عشان افرز P من B
يعنى اكون بذاكر معاهم بيصلحونى فى كل مره انطقها
طبعا فى النهايه برفع عكازى و القصه بتتحل
اهو زى ما شايف العكاز عنده فايده
طبعا انتو شوقكم ليهو
حلو مشاكلكم نقاش سااااااااكت والا بجيبو ليكم القدركم....
 اما كلامك عن المنحوسين ديل ( و هذا لا يعنى اننا لسنا منهم)
ترانى منتظرااااهم
|
Post: #21
Title: Re: هذا البوست اهداء ليك يا غاده
Author: saif basheer
Date: 05-21-2007, 02:29 PM
Parent: #20
غايتو... آخر الزمن
بقينا... ومن تابعنا
مبروك لغادة... لغاية ما نلقى شوية وقت
|
Post: #22
Title: Re: هذا البوست اهداء ليك يا غاده
Author: Siham Elmugammar
Date: 05-22-2007, 07:55 AM
Parent: #21
يا سيف اخيرا ظهرت يباركو ليك نجاح نبته و انا فى النتظار عودتك
|
Post: #23
Title: Re: هذا البوست اهداء ليك يا غاده
Author: Adil Osman
Date: 05-22-2007, 03:07 PM
Parent: #22
اها الحقيقة قالا عادل عثمان.. شايفا الدنيا كلها عارفة الذكاوة جاية من وين؟
عصام جبر الله
ليه كلام عادل زعلك انت مجتبى دا لقيتهو واقع فى الميدان الغربى ماهو حلاة الدنيا عليهو مهندس حدادى مدادى
عفيفى محمد
|
Post: #24
Title: Re: هذا البوست اهداء ليك يا غاده
Author: عماد محمود علي
Date: 05-22-2007, 04:08 PM
Parent: #23
الأخت الكريمة ســهام
أجمل التهاني وأنبل التبريكات بنجاح الابنة غادة وحقيقة ودون مجاملة هو نجاح يشرف ولا يقرف .
إبنتي غادة :
حصولك على هذا المجموع الرائع وانت تجلسين قبل شهرين فقط من الامتحانات دلالة على ذكاء ونباهة عقلك الكبير . والله هي نتيجة جميلة جداً وكبيرة منك لذا أبارك لك بنيتي وكلي ثقة بأنك ستكوني الأولى في المراحل القادمة ... تقبلي مني التهنئة القلبية الصادقة إبنتي بقلبك الكبير مثلك عقلك ... محبتي لك .
|
Post: #25
Title: Re: هذا البوست اهداء ليك يا غاده
Author: Siham Elmugammar
Date: 05-22-2007, 04:53 PM
Parent: #24
عادل عثمان
الظاهر عليك ما عاوز تجيبها البر اقعد تابع لى عصاعفيضى ديل لمن تعفض معاهم
الاخ عماد على محمود
قلبك ابيض ..وكلامك ده اكيد ح اخلى غاده ترد عليه بنفسها
|
Post: #26
Title: Re: هذا البوست اهداء ليك يا غاده
Author: عصام عبد الحفيظ
Date: 05-22-2007, 06:56 PM
Parent: #25
| Quote: اها غيظه ليها كده باركو لى |
حابدا باخر كلامك
وابارك ليها
ولى ابوها
وغصبا عنها
كما فعلت ريهان
وصورة ورد النجاح
يا سلام عليك ياغادة
ومودتى وخالص تحياتى
|
Post: #27
Title: Re: هذا البوست اهداء ليك يا غاده
Author: saif basheer
Date: 05-23-2007, 10:54 PM
Parent: #22
| Quote: يباركو ليك نجاح نبته |
نسيتي "نسمه، ونالا" أو "نوسي، ونولي"... وبرضو لغاية ما ارجع تاني
لاحظي اني كتبت "نسيتي" .. يعني الحكاية ما عندها علاقة بالطرطشة .. هنا على الأقل!
|
Post: #28
Title: Re: هذا البوست اهداء ليك يا غاده
Author: Siham Elmugammar
Date: 05-24-2007, 05:53 PM
Parent: #27
عصام عبدالحفيظ
سباق بالخير
ومبروك مبروك مبروك نتيجة سهيل
تحياتى ومجتبى
سيف بشير
قلنا نبته عشان الكبيره
و العتبى لاخواتها حتى يرضوا
ربنا يحفظهم و يجعلهن جميعا من الناجحين
|
Post: #29
Title: Re: هذا البوست اهداء ليك يا غاده
Author: nada ali
Date: 05-25-2007, 02:35 AM
Parent: #1
يا سلاااااام،
اول حاجة نبارك لغادة النجيبة ذات العزيمة القوية
و عندك حق تكونى فخورة بيها يا سهام
البت طالعة ذكية زى امها
و انتو ياناس عصام جبر الله و عادل عثمان و من لف لفهم،
لقيتونى مافي بقيتو بتفتروا على سهام؟
عشان يعنى لاقينها مسكينة و مسالمة :-)؟
حاجة عجيبة.
تحياتى لمجتبى
ندى
|
Post: #30
Title: Re: هذا البوست اهداء ليك يا غاده
Author: عبد المنعم ابراهيم الحاج
Date: 05-25-2007, 04:36 AM
Parent: #29
مبارك النجاحات ياسهام لغادة
وتزيد فرحتكم بيها في نجاحات قادمات
لكن كمان شوفي الدنيا السنة بقت فيها
زي رمشة العين ..وتحياتنا لمجتبي محسي
وعايزين نعرف اخبارك بعد كل هذه السنوات
طبعا بالصدفة لقيتك ضمن عضوية سودانيز
مع خالص التحية.
سمية قسم
ومنعم
ندي علي
مشتاقين
|
Post: #31
Title: Re: هذا البوست اهداء ليك يا غاده
Author: Siham Elmugammar
Date: 05-25-2007, 07:41 AM
Parent: #30
ندى
شكر يا حبيبه و يباركو ليك السمح ال يعجبك يا بت امى
شفتى الجماعه البهنا ديل من قبيل شغالين لى كيف
الله يجبر بخاطرك
عبد المنعم
سلام كتيييييير منى و من مجتبى
و الله معليش امى بتسلم عليك و قالت ليك ما عندنا اخبار
اخبارنا و الله انقطعت من سنة 89
و ساميه قسم ويييين
|
Post: #32
Title: Re: هذا البوست اهداء ليك يا غاده
Author: هشام المجمر
Date: 05-25-2007, 07:44 AM
Parent: #1
غدوية العسل حبيبة خالها
مبروك النجاح يا بنتى العزيزة و معليش اضطريتى تمتحنى عشان ماما ما تزعل وده برضو شئ جميل انك بتحبى والدتك و تحققى ليها رغباتها
سهام المجمر
سلام يااختى الصغيرة
ومبروك لغادة طالعة لى خالها 
بعدين يا سهام تعالى النسألك دى قراية ولا موت
معقول البنت تتفوق وتحرز أكثر من 92% فى منهجها
تجى تقولى ليها امتحنى مرحلة الاساس على منهج تانى
الحمد لله غادة بت فاهمة ومطيعة
ده كان انا كنت خرخرت جنس خرخرة
احذرك من حسع ما تجى تقول للبنت امتحنى ال أو لفل و بعدين أمتحنى الشهادة السودانية لآنو واضح البرنامج ده ماشى على كدة
وانا من حسع واقف مع غادة و حقوقها التى كفلتها لها الامم المتحدة و المواثيق الانسانية: حق الامتحان فى منهج واحد وهو حق مثبت لكل طفل.
قولى لى غادة هديتك حتصل لغاية عندك وده نجاح نفتخر بيهو كلنا
لها الشكر.
|
Post: #33
Title: Re: هذا البوست اهداء ليك يا غاده
Author: Siham Elmugammar
Date: 05-25-2007, 08:22 AM
Parent: #32
هشام المجمر
سلام
شايفاك ما جايب سيره لهديتى انا!!!!
نعمل شنو يا اخوى؟؟
دى الحكومه و ده عملها
ما تصدق الجماعه هنا دورو فينى حرام عليك قتلتيها قتل و بعدين البت عذبتيها
الفى عمرها فى سابعه و.... و طبعا الحجه فى عز تعبها داك كل ما تشوفنى تقول لى الله بسالك
انا ما عارفه الله ما بسال ناس الحكومه ديل و الا شنو؟؟؟
بس الحمدلله
|
Post: #37
Title: Re: هذا البوست اهداء ليك يا غاده
Author: Afifi Mahamed
Date: 05-26-2007, 02:01 PM
Parent: #32
| Quote: ومبروك لغادة طالعة لى خالها |
باباشمهندس البت طالعها علي اصحاب امها وابوهاشخصي وعصام جبرالله هذا اولا
Quote: وانا من حسع واقف مع غادة و حقوقها التى كفلتها لها الامم المتحدة و المواثيق الانسانية: حق الامتحان فى منهج واحد وهو حق مثبت لكل طفل.
|
ثانياكلامك الفوق دا اذا كانت اختك ديمقراطية تؤمن بحق غادة اصلا والناس الماشين في شارع الله والرسول........ الظاهر عليك مازلت تحن لايام سامي حجازي وزمرته
عفيفي
|
Post: #34
Title: Re: هذا البوست اهداء ليك يا غاده
Author: هشام المجمر
Date: 05-25-2007, 08:55 AM
Parent: #1
لا يا سهام ما نسيت
و ح اديك تلفون بعدين
اليوم انا فى ابوظبى مع الحاجة
سلمى على غادة شديد
|
Post: #35
Title: Re: هذا البوست اهداء ليك يا غاده
Author: nada ali
Date: 05-26-2007, 04:49 AM
Parent: #1
كل سنة و انتى طيبة
ياسدنة
----
الاعزاء سمية و عبد المنعم،
بالاكتر و الله
ابحث عن رقم تلفونكم الجديد
|
Post: #36
Title: Re: هذا البوست اهداء ليك يا غاده
Author: معتصم دفع الله
Date: 05-26-2007, 09:21 AM
Parent: #1
ألف مبروك يا سهام ..
والله غادة تستاهل بعد المجهود الكبير دا ..
نتمنى ليها التوفيق في دراستها ومشوارها الأكاديمي ..
تحياتي ..
|
Post: #38
Title: Re: هذا البوست اهداء ليك يا غاده
Author: Siham Elmugammar
Date: 05-27-2007, 11:34 AM
Parent: #36
يا عفيفى
طالما غادة دى طالعه للناس كلها الا امها.. اقول عليه العوض و منه العوض
معتصم
شكرا ليك يا لطيف يباركو ليك السمح و الخير
|
Post: #39
Title: Re: هذا البوست اهداء ليك يا غاده
Author: khaleel
Date: 05-27-2007, 05:29 PM
Parent: #38
سهام المجمر
اقلب القدرة علي فمها تطلع البنت لامها
لازم تكون غادة شاطرة زيك وزي ابوها الفنان
سلام عبرك خاص لناس كوبر ندي وزلفي الاسد ومها زكريا وايناس خيري
والله ايام يا زمان ببكي واتحسر عليك
|
Post: #40
Title: Re: هذا البوست اهداء ليك يا غاده
Author: jini
Date: 05-28-2007, 06:05 AM
Parent: #39
الشطارة جارساها من امها وابوها.
الله يخليها ليكم ويديمكم عليها
جنى
|
Post: #41
Title: Re: هذا البوست اهداء ليك يا غاده
Author: Samer Osman
Date: 05-28-2007, 07:03 AM
Parent: #1
`شهرين يا غادة يا مفترية
أنا زمان بكر من أول السنة
ولما جبت 219 برقص من المردسة لحد البيت
وعملوا لي ليلية وكرامة
واشتروا لي كترة حادات
الف الف مبروك وراجينك قدام
ابو البنات
|
|
