Post: #1
Title: وراء كل إمرأة مبشتنة رجل
Author: osman righeem
Date: 07-29-2010, 06:41 AM
Parent: #0
هل نتفق عليه
|
Post: #2
Title: Re: وراء كل إمرأة مبشتنة رجل
Author: osman righeem
Date: 07-29-2010, 06:54 AM
Parent: #1
إذا كان وراء كل عظيم إمرأة
فرد العفل مساوي له ومعاكس في الاتجاه
|
Post: #3
Title: Re: وراء كل إمرأة مبشتنة رجل
Author: إدريس محمد إبراهيم
Date: 07-29-2010, 07:15 AM
Parent: #2
وراء كل إمرأة مبشتنة رجل لا يأبه ...
مع خالص التحايا وصادق الود ؛؛؛
|
Post: #4
Title: Re: وراء كل إمرأة مبشتنة رجل
Author: osman righeem
Date: 07-29-2010, 02:34 PM
Parent: #3
Quote: وراء كل إمرأة مبشتنة رجل لا يأبه ...
مع خالص التحايا وصادق الود ؛؛؛ |
اخونا و شاعرنا إدريس
الجماعة قالوا الموضوع حساس
ما عشان كده
واذا ثبتت مقولة وراء كل عظيم أمراة
برضو ممكن يكون هو عظيم و هي وراءه وهو مبشتنه
|
Post: #5
Title: Re: وراء كل إمرأة مبشتنة رجل
Author: داليا الكباشى
Date: 07-29-2010, 04:20 PM
Parent: #4
| Quote: وراء كل إمرأة مبشتنة رجل |
مالو ..؟؟ مبشتن ولا انيق ولا شنو ..؟؟ عشان الحديث ذو شجون وكدا..!!
|
Post: #6
Title: Re: وراء كل إمرأة مبشتنة رجل
Author: osman righeem
Date: 07-29-2010, 04:25 PM
Parent: #5
Quote: مالو ..؟؟ مبشتن ولا انيق ولا شنو ..؟؟ عشان الحديث ذو شجون وكدا..!!
|
يا دكتورة اقري شوية شوية البشتنة منسوبة للمرأة
الكدايس انشاء الله تحضري جديدن
|
Post: #7
Title: Re: وراء كل إمرأة مبشتنة رجل
Author: تبارك شيخ الدين جبريل
Date: 07-29-2010, 04:31 PM
Parent: #6
بيقولوا وراء كل رجل عظيم امرأة أعظم منه تسانده وتدعمه و و و الخ ..
وراء كل امرأة مبشتنة رجل مالو؟ عشان نخش فى الموضوع ...
شكلك كدا ما فهمت تعليق د. داليا ...
... المهم ....
|
Post: #8
Title: Re: وراء كل إمرأة مبشتنة رجل
Author: داليا الكباشى
Date: 07-29-2010, 05:21 PM
Parent: #7
تبارك 
-------------
أنا قبل كدا قلتا ليك انك كريـم شانتيـه المنبر دا ؟؟
|
Post: #9
Title: Re: وراء كل إمرأة مبشتنة رجل
Author: Elhadi
Date: 07-29-2010, 05:28 PM
Parent: #8
وفي حريم مبشتنات خلقة
اتولدن مبشتنات
واتربن مبشتنات
وقامن مبشتنات
وسيمتن مبشتنات
وقد يبعثن أيضاً على هيئة موتهن : مبشتنات ومكعوجات !!
|
Post: #10
Title: Re: وراء كل إمرأة مبشتنة رجل
Author: عوض محمد احمد
Date: 07-29-2010, 06:52 PM
Parent: #9
1. بشتنة قبل الزواج, ام ما بعده؟
2. بشتنة داخل البيت, ام خارجه, ام كلاهما؟
3. بشتنة غتاتة (متعمدة لامر فى نفس يعقوب), ام بشتنة تلقايئة؟
4. بالنسبة للطالبات: بشتنة ايام الامتحانات, ام على مدار العام؟
الاجابة, سلبا ام ايجابا تفرق كتير
مع تحياتى يا رغيم
|
Post: #15
Title: Re: وراء كل إمرأة مبشتنة رجل
Author: osman righeem
Date: 07-30-2010, 10:56 AM
Parent: #10
Quote: . بشتنة قبل الزواج, ام ما بعده؟
2. بشتنة داخل البيت, ام خارجه, ام كلاهما؟
3. بشتنة غتاتة (متعمدة لامر فى نفس يعقوب), ام بشتنة تلقايئة؟
4. بالنسبة للطالبات: بشتنة ايام الامتحانات, ام على مدار العام؟
الاجابة, سلبا ام ايجابا تفرق كتير
مع تحياتى يا رغيم |
اخونا العوض بشتنة الطالبات دي ما معانا
|
Post: #14
Title: Re: وراء كل إمرأة مبشتنة رجل
Author: osman righeem
Date: 07-30-2010, 10:22 AM
Parent: #9
Quote: وفي حريم مبشتنات خلقة
اتولدن مبشتنات
واتربن مبشتنات
وقامن مبشتنات
وسيمتن مبشتنات
وقد يبعثن أيضاً على هيئة موتهن : مبشتنات ومكعوجات !! |
بس نحن مركزين علي الحريم البتحصل عليهم البشتنة
بعد الاقتران برجل
|
Post: #11
Title: Re: وراء كل إمرأة مبشتنة رجل
Author: osman righeem
Date: 07-30-2010, 07:45 AM
Parent: #7
Quote: بيقولوا وراء كل رجل عظيم امرأة أعظم منه تسانده وتدعمه و و و الخ ..
وراء كل امرأة مبشتنة رجل مالو؟ عشان نخش فى الموضوع ...
شكلك كدا ما فهمت تعليق د. داليا ...
|
انا عايز اقيف في بشتنة المرأة بسبب الرجل
سواء كان عظيم او متطعج ....
ونخش في الموضوع من ناحية الموروث الثقافي
هل نحن بنقبل بزوجة بتكون مكانتها الاجتماعية أو الوظيفية اعلي
درجة من الزوج ...............
وهل يعمد الزوج عادة لاستعمال سلطاته حتي يفرمل لها مقدمات التقدم
|
Post: #12
Title: Re: وراء كل إمرأة مبشتنة رجل
Author: منال
Date: 07-30-2010, 08:00 AM
Parent: #11
مبشتنة من ياتو ناحيه ياعثمان
فى بشتنة خلقه وبشتنة ثقافة وبشتنة بيت
وبشتنة اولاد و....و
كدى ادينى مثال
|
Post: #13
Title: Re: وراء كل إمرأة مبشتنة رجل
Author: خالد درق
Date: 07-30-2010, 10:08 AM
Parent: #12
الاخ عثمان .. سلام
ياخوى المراء المبشتنه مبشتنه من يوما مافى راجل بجى يبشتنه ولاكيف
مودتى ...
|
Post: #16
Title: Re: وراء كل إمرأة مبشتنة رجل
Author: الصادق صديق سلمان
Date: 07-30-2010, 11:18 AM
Parent: #13
الاخ رغيم
المبشتنة من يومها مبشتنة واصلها مبشتنة ومافي راجل بيبشتن ليهو مرأة غير مبشتنة
بل بالعكس لو حظي الرجل بالمرأة الغير مبشتنة وهو كان مبشتن هي ستجعله غير مبشتن
وسوف تجعل منه رجل عظيم في مجتمعه يشار إليها في عظمته بالبنان..
الصادق
|
Post: #17
Title: Re: وراء كل إمرأة مبشتنة رجل
Author: Halema2
Date: 07-30-2010, 11:34 AM
Parent: #16
اخى عثمان
الف تحيه ونور ينزل عليك
انا اكتر واحده فاهماك فى الناس ديل
والبشتنه ما المظهر يا ناس الراجل ممكن يبشتن المراة من نواحى كتيرة مثلا بشتنه ماديه او نفسيه...الخ
والبشتنه خشم بيوت.
سلام
حليمه2
-------
التعديل = هشم الى خشم
|
Post: #32
Title: Re: وراء كل إمرأة مبشتنة رجل
Author: osman righeem
Date: 08-01-2010, 06:11 AM
Quote: اخى عثمان
الف تحيه ونور ينزل عليك
انا اكتر واحده فاهماك فى الناس ديل
والبشتنه ما المظهر يا ناس الراجل ممكن يبشتن المراة من نواحى كتيرة مثلا بشتنه ماديه او نفسيه...الخ
والبشتنه خشم بيوت.
سلام
حليمه2
|
اختنا حليمة 2
مع الشكر و التحية ميزة منابر الحوار التفاعلي موضوع
قدح الاذهان بتفتح كل زويا الموضوع وكل يري من حيث يقف أو
يهتم و لذلك دائما لكن تكون هنالك ملاحظة خارج النص
ولك مكرر الشكر للدعم و التضامن
|
Post: #27
Title: Re: وراء كل إمرأة مبشتنة رجل
Author: osman righeem
Date: 07-31-2010, 02:42 PM
Parent: #16
Quote: ومافي راجل بيبشتن ليهو مرأة غير مبشتنة
الصادق |
لا يا خونا الصادق حصل و بكثرة
و عشان تعرف البشتنة القاصدة انا
عارف هيلاري كيلنتون وزيرة خارجية
امريكا اها شنو ليك كلينتون ده بشتنة
بشتنة السواد و الرماد و كل الجري و النيابة
عن نيويورك و الترشيح للرئاسة من قصة قلدة
مونيكا و الاورل سكس بتاع القضية اياها
اها دي بشتنه علي مستوي رئاسي .... وطبعا
مونيكا زات نفسها اتبشتنة اها ده راجل
بشتنة ليه مرتين بي خطوة واحدة
|
Post: #25
Title: Re: وراء كل إمرأة مبشتنة رجل
Author: osman righeem
Date: 07-31-2010, 06:50 AM
Parent: #13
Quote: الاخ عثمان .. سلام
ياخوى المراء المبشتنه مبشتنه من يوما مافى راجل بجى يبشتنه ولاكيف
مودتى ... |
اخونا خالد سلام وتحية
المبشتنة من يومه بيكون ده خلل جيني أو ثقافي
لكن البشتنة موضوعنا هي التي تستجد علي المرأة
كأحد مخرجات الزواج
يعني مره كده ما سمعت حريم جايبات سيرة واحدة
اتغير حالها الي الاسؤ بعد الزواج ومرت عليك الفاظ
زي ... مييل بختها ... و كان فوقها زي البنات ... و ما يستاهلا العوقة ....
|
Post: #18
Title: Re: وراء كل إمرأة مبشتنة رجل
Author: osman righeem
Date: 07-30-2010, 11:41 AM
Parent: #12
Quote: مبشتنة من ياتو ناحيه ياعثمان
فى بشتنة خلقه وبشتنة ثقافة وبشتنة بيت
وبشتنة اولاد و....و
كدى ادينى مثال |
حلوه اديك مثال عشان كده احديك تلاته امثلة
الاول :- نعرفي الليدي دينا شوفي حكاية حياتها قبل الزواج
من الامير شارلز ( ولي عهد كم وخمسين سنة ) و البشتنه
الحصلت عليها نتيجة هذا الزواج
التاني :- زواج الطرد ايام وهمة المغترب و سنتين تلاته في
في ابوظبي و تسفير و ورقة طلاق و اتنين أو تلاته عيال
وفجأة تجد نفسها رب اسرة و تزك تصاديق الاكشاك و خلوني
الاقعد قدام المدرسة ... او وقتها ضايع في المحاكم كايسه النفقه
و طبعا جنس البشتنه دي مكرره و بتكون معروفه.
الثالث :- البايركس لمن تسرب معلومات انها بس عايزي ليها طفل تطلع
بيهو من الدنيا ... وينتشر الخبر و يتقدم لها من يقدر ظروفها
وينتظر منها كذلك ان تقدر ظروفه ايضا
|
Post: #19
Title: Re: وراء كل إمرأة مبشتنة رجل
Author: Tumadir
Date: 07-30-2010, 12:58 PM
Parent: #18
انا تانى زول فاهماك ...بعد حليمة تو
انا بشتغل شغل بخلينى لصيقة بحال الأسر
ومن أدخل البيت ...واشوف وش المرة بعرف عمايل الراجل كلها ...
كلامك صاح
قياداليا كباشى الجملة حتكون كالآتى:
وراء كل امرأة مبشتنة رجل " أنانى وغلس"
|
Post: #20
Title: Re: وراء كل إمرأة مبشتنة رجل
Author: PLAYER
Date: 07-30-2010, 02:10 PM
Parent: #19
والدليل....شوفوا الشكل ...وقيسوا الفهم...واسالوها عن الأحلام...وشوفو همومها شنو...الخ .............قبل الزواج وبعده
حكمة اليوم
وراء كل أمراة سودانية مبشتنة ...............................رجل سوداني
|
Post: #21
Title: Re: وراء كل إمرأة مبشتنة رجل
Author: فتحية شامي
Date: 07-31-2010, 00:02 AM
Parent: #20
النشوف اخرتا
متابعين
|
Post: #22
Title: Re: وراء كل إمرأة مبشتنة رجل
Author: تبارك شيخ الدين جبريل
Date: 07-31-2010, 03:27 AM
Parent: #21
| Quote: وراء كل امرأة مبشتنة رجل " أنانى وغلس" |
طيب ما جات الإجابة من رغيم .... أها ... رؤوس المواضيع عشان نفهم النقد موجّه لى ياتو رجل وفى ياتو غلاسة؟
التعميم لسة مطّاط وما فى قضية مطروحة ...
... المهم ....
|
Post: #23
Title: Re: وراء كل إمرأة مبشتنة رجل
Author: heba Elmahi
Date: 07-31-2010, 03:46 AM
Parent: #22
Quote: النشوف اخرتا
متابعين |
والليييييلة !!
غايتو زي ما قالوا الجماعة المبشتنة دي مبشتنة من يومها
و البشتنة في رأيئ جزء من شخصية الانسان رجل كان أو إمرأة
ولا شنو ؟
|
Post: #24
Title: Re: وراء كل إمرأة مبشتنة رجل
Author: نوفل عبد الرحيم حسن
Date: 07-31-2010, 04:01 AM
Parent: #23
وراء كل امرأة مبشتنه رجل مبشتن
|
Post: #42
Title: Re: وراء كل إمرأة مبشتنة رجل
Author: osman righeem
Date: 08-03-2010, 06:19 AM
Parent: #24
| Quote: وراء كل امرأة مبشتنه رجل مبشتن |
اتفق معك لكن رجل مبشتن (بالضمة علي الميم )
|
Post: #41
Title: Re: وراء كل إمرأة مبشتنة رجل
Author: osman righeem
Date: 08-02-2010, 03:45 PM
Parent: #23
Quote: والليييييلة !!
غايتو زي ما قالوا الجماعة المبشتنة دي مبشتنة من يومها
و البشتنة في رأيئ جزء من شخصية الانسان رجل كان أو إمرأة
ولا شنو ؟ |
هبة اختنا الغالية كيفك
واللييييييييييييييييلة ساكت
غايتو ساعة وربك عداها
|
Post: #39
Title: Re: وراء كل إمرأة مبشتنة رجل
Author: osman righeem
Date: 08-01-2010, 05:50 PM
Parent: #22
طول بالك معانا
|
Post: #26
Title: Re: وراء كل إمرأة مبشتنة رجل
Author: osman righeem
Date: 07-31-2010, 11:34 AM
Parent: #21
Quote: النشوف اخرتا
متابعين |
طبعا دي من الحالات المسموح فيها الفط
مرحبا بحكومتنا السنية
وضد الرقابة ( القبلية )
ومع حرية التعبير
نسالكم التضامن مع هذه المرأة العظيمة
|
Post: #38
Title: Re: وراء كل إمرأة مبشتنة رجل
Author: osman righeem
Date: 08-01-2010, 03:32 PM
Parent: #20
Quote: والدليل....شوفوا الشكل ...وقيسوا الفهم...واسالوها عن الأحلام...وشوفو همومها شنو...الخ .............قبل الزواج وبعده
حكمة اليوم
وراء كل أمراة سودانية مبشتنة ...............................رجل سوداني |
الغريبة الامثلة المقدمة بالاسماء انترناشونال
الرجل السوداني مسكين
|
Post: #28
Title: Re: وراء كل إمرأة مبشتنة رجل
Author: ابو مهند
Date: 07-31-2010, 04:07 PM
Parent: #19
Quote: كلامك صاح
قياداليا كباشى الجملة حتكون كالآتى:
وراء كل امرأة مبشتنة رجل " أنانى وغلس" |
ممكن اضيف كمان يا تماضر مغفل كبير
هنا سؤال يفرض نفسه اي نوع من البشتنه؟
ثانيا كلام الاخ الهادي هنالك بشتنه بالمولد والنشأة, وزي مابقولوا الطبع غلب التطبع,,والبشتنه والتهذيب متباريات ويوجدن في الطباع
وراجع ليك في الحديث
الفاتح
|
Post: #29
Title: Re: وراء كل إمرأة مبشتنة رجل
Author: رغيم عثمان رغيم الحسن
Date: 07-31-2010, 08:02 PM
Parent: #28
كامل التضامن
|
Post: #30
Title: Re: وراء كل إمرأة مبشتنة رجل
Author: فتحية شامي
Date: 07-31-2010, 08:42 PM
Parent: #29
ياعزيزي ,, الرجل والمرأة وجهان لعملة واحدة ,,
كل منهما المسؤول المباشر عن حالة الاخر ابتداء بالبشتنة مرورا بالمزاج واصغر التفاصيل
وعوامل التأثير دي كتيرة بتختلف من شخص لاخر كل حسب تكوينه النفسي والاجتماعي والثقافي وغيره
يعني في النوع البعدل مزاجو طقم داماس الجديد,,,
وفي النوع : ( الدنيا يا ناس تنقسم ,, محبوبي وكتين يبتسم )
وفي نوع ادفن دفنك ساااااااااااااااااااي
عن الفط : فالمحبة ,, تبيح المحظورات ,,
لكن برضك الاستوساخ ولااااااا ظريف يا قولة نادرين
|
Post: #31
Title: Re: وراء كل إمرأة مبشتنة رجل
Author: محمد البشرى الخضر
Date: 07-31-2010, 09:24 PM
Parent: #30
Quote: يعني في النوع البعدل مزاجو طقم داماس الجديد,,,
وفي النوع : ( الدنيا يا ناس تنقسم ,, محبوبي وكتين يبتسم )
وفي نوع ادفن دفنك ساااااااااااااااااااي |
اللهم اعدل مزاج حكوماتنا بي يا ناس تنقسمو يبتسم
ابعدنا من داماس وما لف لفّها
|
Post: #33
Title: Re: وراء كل إمرأة مبشتنة رجل
Author: السيد المسلمي
Date: 08-01-2010, 06:31 AM
Parent: #31
وراء كل إمراة مبشتنة رجل ( مفتح )
|
Post: #49
Title: Re: وراء كل إمرأة مبشتنة رجل
Author: osman righeem
Date: 08-13-2010, 01:15 PM
Parent: #33
| Quote: وراء كل إمراة مبشتنة رجل ( مفتح ) |
كيفك السيد و رمضان كريم
لكن دي اريتها تفتيحة الياباني
واللاه نخليها الكوري
|
Post: #47
Title: Re: وراء كل إمرأة مبشتنة رجل
Author: osman righeem
Date: 08-10-2010, 04:57 AM
Parent: #31
Quote: اللهم اعدل مزاج حكوماتنا بي يا ناس تنقسمو يبتسم
ابعدنا من داماس وما لف لفّها
|
جرب الفردان بتاع العين VIP
|
Post: #46
Title: Re: وراء كل إمرأة مبشتنة رجل
Author: osman righeem
Date: 08-09-2010, 03:32 AM
Parent: #30
Quote: ياعزيزي ,, الرجل والمرأة وجهان لعملة واحدة ,,
كل منهما المسؤول المباشر عن حالة الاخر ابتداء بالبشتنة مرورا بالمزاج واصغر التفاصيل
وعوامل التأثير دي كتيرة بتختلف من شخص لاخر كل حسب تكوينه النفسي والاجتماعي والثقافي وغيره
يعني في النوع البعدل مزاجو طقم داماس الجديد,,,
وفي النوع : ( الدنيا يا ناس تنقسم ,, محبوبي وكتين يبتسم )
وفي نوع ادفن دفنك ساااااااااااااااااااي
|
غايتو الدنيا البتتقسم دي حلوة
|
Post: #45
Title: Re: وراء كل إمرأة مبشتنة رجل
Author: osman righeem
Date: 08-04-2010, 06:10 AM
Parent: #29
مع منووووووووووو ؟
و قال ثم من ؟؟؟
|
Post: #44
Title: Re: وراء كل إمرأة مبشتنة رجل
Author: osman righeem
Date: 08-03-2010, 04:46 PM
Parent: #28
Quote: وراجع ليك في الحديث
الفاتح |
و نحن في الانتظار
مع الشكر و التقدير
|
Post: #34
Title: Re: وراء كل إمرأة مبشتنة رجل
Author: osman righeem
Date: 08-01-2010, 11:50 AM
Parent: #19
Quote: انا تانى زول فاهماك ...بعد حليمة تو
انا بشتغل شغل بخلينى لصيقة بحال الأسر
ومن أدخل البيت ...واشوف وش المرة بعرف عمايل الراجل كلها ...
كلامك صاح
قياداليا كباشى الجملة حتكون كالآتى:
وراء كل امرأة مبشتنة رجل " أنانى وغلس"
|
شكرا استاذة تماضر
بس الاناني و الغلس ده كتوغري عامة
وفي انواع أخري وليها دعم ومبرراتية
و شهوة السلطه والمال زي الامير شارلز
و الرئيس كلينتون
|
Post: #35
Title: Re: وراء كل إمرأة مبشتنة رجل
Author: Tabaldina
Date: 08-01-2010, 11:55 AM
Parent: #34
..
.| Quote: وراء كل إمرأة مبشتن رجل |
والله الا يكون الرااجل دا مفلس وواقع للله فى التقاطع ..
-----------
أو انعدام الطلح وغلاء الدلكة .. مع توقف
الحاجة ( ام النعيم ) من تجهيز البخور .. ومشتقاته
|
Post: #36
Title: Re: وراء كل إمرأة مبشتنة رجل
Author: Tabaldina
Date: 08-01-2010, 12:13 PM
Parent: #35
..
.
عارفه يا منال بشتنه المراة دى بالذات لا تنفصل على بعضها
وتعتبر مسالة تكاملية يعنى ان تنبشت فى الجزء فقد شملت الكل ..
مادام هى مبشتنه فى نفسها يبقى بيتها مبشتن اولادها مبشنين
اكلها مبشتن وثقافتها مبشتنه وكلامها مبشتن والمسكين زوجها مبشتن ..
اها مقوله قاطعها من رأسي...
كل رجل مبشتن وراءه امراة واى امراة مبشتنه لا تلوم الا نفسها ..
( يعنى الاتنين واقعات على رأسكن انتن قايلات المساواة دى دى سااااى اها خمن وصرن )
-----------
بالمناسبة يا رغيم الحاجة ام النعيم هى ملكة البخور ودلكة النساء والفتيات
مبشتنين االوقعوا فى نسوان مبشتنات ديل ..
قرقر قرقر قرقر ..
|
Post: #37
Title: Re: وراء كل إمرأة مبشتنة رجل
Author: عوض الصديق
Date: 08-01-2010, 01:14 PM
Parent: #36
رغيم وضيوفه تحياتى
بشتنة النسوان فى الغالب مصدرها دلع الامهات
البت تلقاها كبيرة وسمينة ونضيفة
وكلوا بتعملوا امها ولمان تكون فى بيت امها مافيش زول بينقش الحاصل
شوية كدا تعمل انفصال مع زوجها تبدا الفضائح ودق الصفائح
دا كوم
اما الرجال المبشتنين ومعشكنين فهم فى الاصل
متواكلين على اخواتهم فى فعل كل شئ
من كباية الموية وانتهاء بى فلانة جيبى علبة السجائر او كيس الصعودا من الغرفة التانية
ودا لمان يجى يعمل وحدة مع واحدة من الصنف القلناه اول
تقوم الحرائق ولا تنطفى
وتبقى الاسرة الجديدة هى المبشتنة باعتبار ان طرفيها (الحركة والوطنى ) يحمل كل منهما عنصر البشتنة
صدقنى المرة المبشتنة ستظل وتحيا مبشتنة الى يوم البشتنة
اما المرة المنظمة فان زوجها لن يجروا ان يبشتن رصة الملابس فى الدولاب
دعك من ان يبشتن افكارها وصحتها ومستقبلها
|
Post: #40
Title: Re: وراء كل إمرأة مبشتنة رجل
Author: المسافر
Date: 08-02-2010, 08:09 AM
Parent: #37
Quote:
صدقنى المرة المبشتنة ستظل وتحيا مبشتنة الى يوم البشتنة
اما المرة المنظمة فان زوجها لن يجروا ان يبشتن رصة الملابس فى الدولاب
دعك من ان يبشتن افكارها وصحتها ومستقبلها |
وجهة نظر قوية
أحياناً المجتمع يحكم على انسان أنه مبشتن بطبعة
وإن كانت ظروفه تختلف أسبابها يكون الحكم بالظاهر هو الغالب
لكن بعض الناس تتعمق فيما وراء الأسباب وخاصة إذا كان لديهم المداخل التي تمكنهم من رؤية الأشياء على حقيقتها...
وان ضربنا مثلا لأهل الرجل وأهل المرأة إذا اتفقوا على وجود البشتنة..
مثلاً أهل الرجل يعرفون صاحبهم ... ويلومون المرأة التي جاءت بعادات مختلفة عنهم.. فهي أس البشتنة
أهل المرأة يعرفون ابنتهم ويلومون الرجل لأنه لم يوفر لها المناخ المناسب لحياتها كما كانت معهم.. فهو المبشتن حالو بشتنها ..
وأهل المعرفة يقولون السترة والفضيحة متباريات ...
فإن اختار الجل والمرأة سترة الحال .. مهما كانت ظروفهم مبشتنة .. مداراتهم تقطع دابر الأحاديث عنهم..
أما إذا كانت في حظهم الفضيحة ... أوجه الأحمال تبدأ من راحتيهم يفركونها بين أصابعهم وينفخونها هباء فتطير بين الهضاب والشعاب تتردد صدى... تتلقفها أسنة الأشواك النافرة فتغرزها في جلد كل من دنا واقترب فيصير الجرح ألماً دائم...
وكذا كذا كذا
بشتنات أولات أحمال
بشاتين أفي
|
Post: #48
Title: Re: وراء كل إمرأة مبشتنة رجل
Author: osman righeem
Date: 08-12-2010, 06:43 PM
Parent: #34
و في رمضان يحلو السهر
|
Post: #43
Title: Re: وراء كل إمرأة مبشتنة رجل
Author: osman righeem
Date: 08-03-2010, 08:25 AM
Parent: #3
99
|
|