Post: #1
Title: أتاري البورد ده في كترت اتحاديين
Author: osman righeem
Date: 03-25-2010, 06:44 PM
Parent: #0
اتاريكم كنتم كاظمين الغيظ
من جماعة المثقفاتية و التحليليون و ما شابه ذلك
وموزعي القاب الخيانة و العمالة
و النطيحة و ما هبش السبع
|
Post: #2
Title: Re: أتاري البورد ده في كترت اتحاديين
Author: معاذ حسن
Date: 03-25-2010, 06:52 PM
Parent: #1
والكيزان والشيوعيين والمستقليين وكووووووول العالم دي
اتحاديين زعلانين بس
|
Post: #4
Title: Re: أتاري البورد ده في كترت اتحاديين
Author: osman righeem
Date: 03-25-2010, 07:05 PM
Parent: #2
Quote: والكيزان والشيوعيين والمستقليين وكووووووول العالم دي
اتحاديين زعلانين بس |
حردان السوق منو البيرضيهو؟؟
لكن عمايل المؤتمر و الجقلبة الحاصلة
من الجماعة بترضيهم
و ياهو بيتهم و مكانتهم محفوظة
في القلوب
و فوق الراس
|
Post: #3
Title: Re: أتاري البورد ده في كترت اتحاديين
Author: osman righeem
Date: 03-25-2010, 06:53 PM
Parent: #1
بعدين من هسع
نحن ما قلنا الانتخابات تتأجل و لا طالبنا
بس لو في اتفاق علي تشكيل حكومة قومية
و تشكيل مفوضية انتخابات من غير الشموليين
واعادة العملية برمتها ممكن نكون في الصف ده
غير كده اعملوا الانتخابات وكفاية علينا التمرين الديمقراطي
و الوجوه النيرة والمحترمة في البورد
وكل مدن السودان و قراه
الرددت معانا
نحن الجينا بشورة اهلنا
ولما حكمنا الناس راضين
لا اضارينا و را دبابة
ولا تاجرنا بإسم الدين
|
Post: #5
Title: Re: أتاري البورد ده في كترت اتحاديين
Author: osman righeem
Date: 03-26-2010, 05:32 AM
Parent: #3
كان في واحد معلق رياضي
دائما بردد ( قراية الميدان)
هسي انا عايز من الناس البتعرف تقرأ الميدان صاح
يقرو لي المعلومة الجاي من بيت الكلاوي و تقول :-
65% من مرشحي الحزب في الدوائر الولائبة اعمارهم
أقل من اربعين سنة .
ديل لمن مولانا خرج من سجن كوبر الي خارج السودان
كانو بياخدو مصاريفهم من اهلهم
وديل اثبتو حبهم للوطن والتزامهم الحزبي و جدارتهم
عندما كان رفاقهم في الدراسة همهم السفر الي القاهرة
للحصول علي دعم الحزب عشان اللجؤ .......
كانو وهم حملة الشهادات سايقين الرقشات و زارعين المترات
وقاعدين شوكة حوت في حلق الانقاذ
|
Post: #6
Title: Re: أتاري البورد ده في كترت اتحاديين
Author: يوسف محمد يوسف
Date: 03-26-2010, 06:39 AM
Parent: #5
| Quote: وقاعدين شوكة حوت في حلق الانقاذ |
الشقيق الشفيف / عثمان رغيم
تحية اتحادية صادقة
لنا ان نفخر نحن الاتحاديون بأن قاعدتنا الاتحادية ظلت صلبة و لم تهزها رياح الانقاذ الواهية !!
و مْن اهتز منها اشبه باشجار ضعيفة الجذور !!
ما يميزنا كاتحاديين اننا رضعناها حولين مع لبن ثدى امهاتنا .. ثم تلقيناها مع تربيتنا من ابهاتنا .. ثم توارثناها مع ما تركوا لنا من ارث .. لذلك اصبحت اتحاديتنا من قيمنا و مًثلنا
نحن لا نحتاج ان نعلن اتحاديتنا لانها اصبحت جزء منا و فى كل اوجه حياتنا و مكونة لادب اختلافنا مع غيرنا ..
اخى عثمان .. تاريخ حزبنا هو تاريخنا .. و حاضر حزبنا هو رأينا .. اما مستقبلنا و مستقبل وطننا ففى مبادىء و اهداف و برامج حزبنا .. طال الزمن ام قصر !!
اتحاديتنا هى مواقفنا الصلبة .. اتحاديتنا هى رأينا الواضح .. اتحاديتنا هى حبنا للديمقراطية .. اتحاديتنا هى التزامنا لحزبنا .. اتحاديتنا لا نعلنها لانها مكتوبة على جبهانا و مقرونة مع اسمائنا .. لانها فكر و منهاج !!
مودتى .. اتحادية صرفة
|
Post: #8
Title: Re: أتاري البورد ده في كترت اتحاديين
Author: يوسف محمد يوسف
Date: 03-26-2010, 07:39 AM
Parent: #7
اخى الطيب
نعم .. هذه هى رؤيتنا التى تَميزنا عن غيرنا !!
جمعة مباركة
|
Post: #34
Title: Re: أتاري البورد ده في كترت اتحاديين
Author: osman righeem
Date: 04-03-2010, 07:55 AM
Parent: #7
سعادة المستشار ود شيقوق
مكانا تقيف فيه أنت
يعرف برصيف الحق و العدل و الايمان
|
Post: #9
Title: Re: أتاري البورد ده في كترت اتحاديين
Author: osman righeem
Date: 03-26-2010, 07:39 AM
Parent: #6
Quote: و مْن اهتز منها اشبه باشجار ضعيفة الجذور !!
|
الشقيق يوسف
لك التحية و المودة
و لكن كان لها اشواك دامية و مؤذية
و لكن عملية احتوائها و الاحتفاظ بها
كانت عملية غاية في التعقيد
و تجلت فيها حكمة وبصيرة مولانا
و كان لها ثمن باهظ و لكن العبرة بالخواتيم
لقد تم نسف الغواصات في احواض المؤتمر الوطني
و حاق المكر السئ بأهله
|
Post: #10
Title: Re: أتاري البورد ده في كترت اتحاديين
Author: يوسف محمد يوسف
Date: 03-26-2010, 07:48 AM
Parent: #9
نعم .. شقيقى عثمان
لكننا سنظل حصن منيع يستعصى تحت على الغواصات حاملة الرؤوس النووية !!
تأمل اين هم الان .. لم يجدوا مكانا لهم حتى فى مزبلة التاريخ !
مودتى
|
Post: #11
Title: Re: أتاري البورد ده في كترت اتحاديين
Author: رهف
Date: 03-26-2010, 08:54 AM
Parent: #10
الشقيق رغيم نحن حزب كل السوان ونحن القابضين على جمرالقضية
فزعة الملهوف
ادعموا ترشيحى للمجلس الوطنى قائءمة المراة ولاية الخرطوم ضد سارقى قوت الشعب مصاصى الدماء
|
Post: #12
Title: Re: أتاري البورد ده في كترت اتحاديين
Author: أبو الحسين
Date: 03-26-2010, 09:09 AM
Parent: #11
| Quote: ادعموا ترشيحى للمجلس الوطنى قائءمة المراة ولاية الخرطوم ضد سارقى قوت الشعب |
مادام مقدمك الحزب الإتحادي الأصل مُوفقة بإذن الله تعالى...
أبشري بالخير...
|
Post: #13
Title: Re: أتاري البورد ده في كترت اتحاديين
Author: الطيب شيقوق
Date: 03-26-2010, 09:13 AM
Parent: #12
| Quote: نعم .. هذه هى رؤيتنا التى تَميزنا عن غيرنا !! |
اكرمت اخي يوسف
خالص ودي
|
Post: #14
Title: Re: أتاري البورد ده في كترت اتحاديين
Author: سلمى الشيخ سلامة
Date: 03-26-2010, 01:49 PM
Parent: #13
تحية طيبة
عنى شخصي ما اتحادية
لكن اكن للاتحاديين كل المحبة
يكفى ان مولانا حاتم السر كان حاضرا زواج ابنتى فى يناير الماضى
يكفى ان الاتحاديين كانوا اهلى فى القاهرة ايام كنت اشتغل معهم فى جريدة الاتحادى
وما زالت اواصر الاخاء معقودة بينى وبينهم
رغم انى الان لا انتمى لاى حزب سياسى
لكنى لن اتوانى فى دعم مسيرة مولانا حاتم السر
لانه
رجل يعرف مقدار الناس
مثال للحكيم الذى يعرف كيف يبصر ابعد من حدود بصر الانسان العادى
يعرف كيف ومتى واين ولماذا ومن؟
وازعم ان من يعرف هذه الخمسة فانه حكيم بلا ادنى شك
لكم منى التقدير
ولكل اصدقائى الاتحاديين المحبة
|
Post: #15
Title: Re: أتاري البورد ده في كترت اتحاديين
Author: ماجدة عوض خوجلى
Date: 03-26-2010, 02:04 PM
Parent: #13
|
Post: #16
Title: Re: أتاري البورد ده في كترت اتحاديين
Author: عارف عفان
Date: 03-26-2010, 03:24 PM
Parent: #15
أنهض يا شقيق ..
أنفض توبك وابعد عنه
وساخة السكه العِلقت فيك
وامسك دربك
رغم الهّم الفيو راجيك
ميراثك .. أهلك ... ناسك ... وضربة فاسك
مهمن طال الظلم ... للمستقبل هي تعديك.
**** ************
حِزبنا ...
درِبنا ...
السِكة الصاح
ما بنتراجع .. ما بنتردد ... وما بنرتاح
وليل الظلم مهمن طول ..
لابد يجئ يوم يعقبوا صباح
لابد يجئ يوم يعقبوا صباح ...
|
Post: #17
Title: Re: أتاري البورد ده في كترت اتحاديين
Author: يوسف محمد يوسف
Date: 03-26-2010, 04:25 PM
Parent: #16
Quote: حِزبنا ...
درِبنا ...
السِكة الصاح
ما بنتراجع .. ما بنتردد ... وما بنرتاح
وليل الظلم مهمن طول ..
لابد يجئ يوم يعقبوا صباح
لابد يجئ يوم يعقبوا صباح ...
|
[red]د . عارف عفان
و ليل الظلم مهمن طول .. لابد يجىء يوم يعقبوا صباح
يديك العافية يا دكتور
|
Post: #18
Title: Re: أتاري البورد ده في كترت اتحاديين
Author: elhilayla
Date: 03-26-2010, 05:25 PM
Parent: #16
Quote:
أنهض يا شقيق ..
أنفض توبك وابعد عنه
وساخة السكه العِلقت فيك
وامسك دربك
رغم الهّم الفيو راجيك
ميراثك .. أهلك ... ناسك ... وضربة فاسك
مهمن طال الظلم ... للمستقبل هي تعديك.
**** ************
حِزبنا ...
درِبنا ...
السِكة الصاح
ما بنتراجع .. ما بنتردد ... وما بنرتاح
وليل الظلم مهمن طول ..
لابد يجئ يوم يعقبوا صباح
لابد يجئ يوم يعقبوا صباح ...
|
|
Post: #19
Title: Re: أتاري البورد ده في كترت اتحاديين
Author: الشفيع وراق عبد الرحمن
Date: 03-26-2010, 06:24 PM
Parent: #16
Quote: والكيزان والشيوعيين والمستقليين وكووووووول العالم دي
اتحاديين زعلانين بس |
أخونا معاذ دهـ شكلو قاصدني انا
كيفكم يا اولاد العم
|
Post: #20
Title: Re: أتاري البورد ده في كترت اتحاديين
Author: Safia Mohamed
Date: 03-26-2010, 07:17 PM
Parent: #19
سلام
على الرغم من اني ما اتحادية
ولكن تاريخهم الناصع يشفع لهم
تاريخهم في عدم تلوث اياديهم بدماء سودانية على مر التاريخ الحديث
لكم ان تفاخرو بهذه الحقيقة
ولكن..
احتفظ بها لحين عودة
صفية
من اسرة اتحادية
ولكن هي لا
|
Post: #21
Title: Re: أتاري البورد ده في كترت اتحاديين
Author: شكرى سليمان ماطوس
Date: 03-26-2010, 08:54 PM
Parent: #20
لله دركـــم يا هــؤلاء
---------
شقيقى رغيم
لقد أبكيت مُقَــلاً كان من شيمتها الصبر و الجلد
ش
|
Post: #23
Title: Re: أتاري البورد ده في كترت اتحاديين
Author: شكرى سليمان ماطوس
Date: 03-29-2010, 11:47 AM
Parent: #22
Quote:
حردان السوق منو البيرضيهو؟؟ |
أحلام ديل و مظالم ديل البرضوهم
عرق ديل و غبار ديل البرضوهم
أصالة ديل و أمانة ديل لبرضوهم
ش
|
Post: #24
Title: Re: أتاري البورد ده في كترت اتحاديين
Author: ندى عثمان حسن
Date: 03-29-2010, 11:57 AM
Parent: #23
ومحبة وإحترام
|
Post: #25
Title: Re: أتاري البورد ده في كترت اتحاديين
Author: أحمد الشايقي
Date: 03-29-2010, 11:58 AM
Parent: #23
البورد والسودان والدول الصديقة والشقيقـة
هو حزب الحركة الوطنية السيول الجارفـة
أحمد الشايقي
|
Post: #26
Title: Re: أتاري البورد ده في كترت اتحاديين
Author: MOHAMMED ELSHEIKH
Date: 03-29-2010, 12:40 PM
Parent: #25
التحية لكم جميعا من داخل الوطن الحبيب
|
Post: #27
Title: Re: أتاري البورد ده في كترت اتحاديين
Author: ماجدة عوض خوجلى
Date: 03-29-2010, 12:47 PM
Parent: #25
|
Post: #28
Title: Re: أتاري البورد ده في كترت اتحاديين
Author: اكرام الصادق الحسن
Date: 03-29-2010, 01:49 PM
Parent: #27
اكن للاتحاديين كل المحبة
وهم احبابنا في الوطن العزيز
|
Post: #29
Title: Re: أتاري البورد ده في كترت اتحاديين
Author: يوسف محمد يوسف
Date: 03-29-2010, 02:17 PM
Parent: #28
وطنا .. وطنا وطن العز إيانا نحنا اسيادو
باتحاديتنا نحميه و نشيلوا فى أكتافنا نرعابو
ياهو دا حالنا من يوم رفعنا علم حريته و جبنا استقلالو
اصفر .. اخضر .. ازرق يرفرف علمنا فى سارياتو
دا ما علمنا الرفعو الازهرى و جلس ساداتنا يشوفوا علاتو
قولو لليل مهما طال نحن راجين صباحاتو
نصلى فجرنا حاضر و نرفع علم بلدنا ننفض غبارتو
و يزغردن امهاتنا و بناتنا و يغنن ليه لجمالو و حلاتو
و اولادنا يجاروا يلعبوا ينططوا وسط خضارو و فوق نخيلاتو
يرموا لينا رطبا اصفر ناكلوا كرامة لوطنا لسلامتو و نجاتو
و بعد داك نمشى نقدل وسط الشعوب نتباهى بعافيتو و شفاتو
و نقول هوى آناس دا ما بلدنا وقف تانى و تانى و الله ما بنداس
عليك رحمة الله امى الحاجة زينب بنت فضل محمد نورى
|
Post: #30
Title: Re: أتاري البورد ده في كترت اتحاديين
Author: Yousif A Abusinina
Date: 03-29-2010, 02:42 PM
Parent: #29
لله دركـــم يا هــؤلاء
ابو رغيم العزيز
دائما جباهم عالية
اصول ثابــــــــتة
لالالالالالالالالا بتتغير ولا تتبدل
هم ابناء الاتحادى دائما مميزين فى كل شى عبر الايام والسنين
حب واحترام وتقدير
لكم جميعا ولمن اختلف معنا فهو معنا فى الراى الاخر
هم دائما حزب الاجداد والاباء والابناء موووووووووووووووووووورث ابد الدهر
|
Post: #31
Title: Re: أتاري البورد ده في كترت اتحاديين
Author: عبدالبديع عثمان
Date: 03-29-2010, 03:25 PM
Parent: #30
الاصح:
اتاري السودان دا في كترت اتحاديين
اتحاديون ديمقراطيون
نكون حيث يكون الشرفاء
ويكون الشرفاء حيث نكون.
نجوع ونأكل ايدينا
ولا نأكل قضايانا
والحديث عنا ذو شجون.
مودتي
|
Post: #32
Title: Re: أتاري البورد ده في كترت اتحاديين
Author: أحمد الشايقي
Date: 03-29-2010, 04:52 PM
Parent: #31
جماهير حزب الحركة الوطنية
نعـم
أحمد الشايقي
|
Post: #33
Title: Re: أتاري البورد ده في كترت اتحاديين
Author: Yousif A Abusinina
Date: 03-30-2010, 09:14 AM
Parent: #32
*
|
Post: #35
Title: Re: أتاري البورد ده في كترت اتحاديين
Author: MOHAMMED ELSHEIKH
Date: 06-09-2010, 10:05 PM
Parent: #33
عاليا في السماء
|
Post: #36
Title: Re: أتاري البورد ده في كترت اتحاديين
Author: ياسر علي نايل
Date: 06-09-2010, 11:22 PM
Parent: #35
عاش أبو هاشم
|
Post: #37
Title: Re: أتاري البورد ده في كترت اتحاديين
Author: رهف
Date: 06-10-2010, 07:55 AM
Parent: #36
ويجيك الموتمر الوطنى يعلن ان عضويتك فى كل السودان لا تتعدى 190 الف حسب انتخاباتهم المزورة كلام عجيب والله
|
Post: #38
Title: Re: أتاري البورد ده في كترت اتحاديين
Author: ahmed babikir
Date: 06-10-2010, 09:27 AM
Parent: #37
يا اشقاء سلام ...احكي ليكم قصة جميلة كده .....
كنت في بيت الزعيم اسماعيل الازهري في ٢٠٠٤ ايام عيد الاستقلال وقام المرحوم محمد اسماعيل الازهري باعلان الحزب الاتحادي الموحد من خلال الدعوة لمؤتمر استثنائي وكان الحضور مزهلا وكنت حينها اجالس احد الاصقاء من ايام الجامعه الاهليه وهوعضو في احد الاحزاب (من الاحزاب التي لها اسم!)لن اذكر اسمه او حزبه ولكن تحادثنا حديث طيب وبعدين مشي والموضوع عادي المهم بعدها التقينا من جديد في احد انشطة الاتحادي الاصل وكان الحضور ايضا ملفتا للنظر وكان ذلك في الخرطوم علي ما اذكر وهو نشاط عادي بعدها التقيت معه في مؤتمر الهيئه العامه بقاعة الصداقة وكان من بين المدعويين ولكن لم اجالسه كثيرا لعمل اللجان وبعدها التقينا ايضا في تابين الشريف حسين الهندي والذي ذهبت اليه في صحبة المرحوم سيد شباب الاتحاديين محمد اسماعيل الازهري ...
(وكنت حينها امني الروح لان اسمع الشريف زين العابدين يتكلم عن اخاه ولكن لم يحدث وكنت اتمني ان اسمعه في اي حديث اخر وكاني شعرت بان هذه ستكون فرصتي الاخيرة وبعدها رحلوا جميعنا من كنت اظن انني حتما ملاقيه ومن كنت اعلم انه لن تتاتي الي اي فرصة اخري للقائه لعن الله الهجرة علي السفر علي اللجؤ)
المهم...... تحركت الي حيث يجلس صديقي وهو ايضا كان من بين الحضور
فقلت : له مشاغلا اياه انت شكلك بقيت اتحادي لكن لسه ماقادر تحدد تمشي وين...
فقال: لا والله لكن انتو يا الاتحاديين حيرتونا زاتو.....!
قلته ليه: كيف حيرناك?
فقال: ياخي اي قسم من اقسامكم دي اكبر من حزبنا كلو!!??
فانفقعت من الضحك حتي ادمعت عيناي...
|
Post: #39
Title: Re: أتاري البورد ده في كترت اتحاديين
Author: ahmed babikir
Date: 06-10-2010, 09:35 AM
Parent: #38
لدي رجاء لديكم جميعا الاتحاديين ان يكف قلمكم عن تفريز كيمان الاتحاديين وان نقبل علي الاقل في دنيا الاسفير هذه بوحده اتحاديه وان نحاول ان نكتب ققط الحزب الاتحادي ما لم تكن مضطرا ...
واننعمل جاهدين لرجوع المارد ...
|
Post: #40
Title: Re: أتاري البورد ده في كترت اتحاديين
Author: osman righeem
Date: 06-10-2010, 07:48 PM
Parent: #39
و تاني فوق
اخبار المشاركة ؟؟؟؟؟؟
الموعد مساء الغد
|
Post: #41
Title: Re: أتاري البورد ده في كترت اتحاديين
Author: Ahmed Abdallah
Date: 06-10-2010, 08:20 PM
Parent: #40
سوف نبقى مثل نجم السعد
نحيا بالدواخل
ريثما تصفو السماء
وعائدون باذن من نهوى
هلالاُ فى سماء
لكم محبتي الاكيدة
|
Post: #43
Title: Re: أتاري البورد ده في كترت اتحاديين
Author: Yousif A Abusinina
Date: 06-15-2010, 08:57 AM
Parent: #42
Quote: نحن الجينا بشورة اهلنا
ولما حكمنا الناس راضين
لا اضارينا و را دبابة
ولا تاجرنا بإسم الدين |
شقيقنا ابو رغيم الغالى
هل هولاء هم 180 الف الذين صوتوا فى الانتخابات ؟؟؟؟؟؟؟؟؟
هل هولاء هم الذين قال عنهم مولانا محمد عثمان اخذهم القاش قبل الادلاء باصواتهم ؟؟؟؟؟؟؟؟
من هولاء ؟؟؟؟؟
180 الف هم من بيت واحد من بيوت الاتحاديين !!!!!!!!!!!!!! يا عجبى ويا عجبى
فوق فوق همات السحاب دائماااااااااااا
|
|