Post: #1
Title: اللهم إني صائم .... وفاقد ســـوائل(ت ص)
Author: osman righeem
Date: 08-22-2009, 03:25 PM
Parent: #0
يقال إن من فؤائد الصوم صفاء العقل
و نقاء الدم نهارا من سموم الكافين و النيكوتين
و تلوثه ليلا بما سبق مع أضافة القمردين
وينتج عن هذا التمدد و الانكماش
نوع من الزهلله و فقدان التراتبية و الاتجاهات
و يمكن أن تلتمس ذلك بسهولة حتي قبل استفحال رمضان
ولكن نتائج البورصة
لبني اسحق الطيب
عادل ميرغني بكره بيولع
المرشحين للضقل لعدد 15 صفحة
ود هباني و جنابو الما حيانا بي كابو
و علي مبدئية بينهما إمور متشابهات
تجنبها
المؤتمرجية و الامنجية و الكوزنجية
وبتاعين المدايد يتربصون
و شوهدوا حول هذه الخيوط
و من جني الفؤائد ...أنقر؟
شركات الاتصالات
محادثات من كل اطراف الدنيا
والسؤال واحد :- بتعرف ليك زول ساكن أمبدة
ود هباني ده يكون عميل لزين وكنارتل وصديق
للزول الصبر لمن ربنا أداهو مصنع بوهية
لكن جنابو برضو مفروض يلقي حق تعبوا
قال مصادروا وحلف قال ماهم نفس المصادر
الشربو الشاي مع ست الشاي(الف رحمة ونور عليها)
الغريبة في متن الخبر ورد أنه في قوالة عن اصابة الحجاج
بعيار ناري زول اشتغل كتير بالمفرده دي مافي
يكون من شنو؟
و استغفر الله العظيم الحي القيوم لي ولكم
|
Post: #2
Title: Re: اللهم إني صائم .... وفاقد ســـوائل(ت ص)
Author: طارق الكوتش
Date: 08-22-2009, 03:31 PM
Parent: #1
رغيم سلامات
و
رمضان كريم وينعاد عليك بالخير
|
Post: #3
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-22-2009, 05:41 PM
Parent: #2
(2)
من صام رمضان ايمانا و احتسابا
و يقال عن الجنة انها
لا عين رأت
و لا أذن سمعت
و لا خطر علي قلب بشر
ولنا أن نتخيل
ومن خيالي
نأخذ عملية سيطرت المخ والجهاز العصبي
علي ما تريد مثلا الاحساس بالجوع بعده
يبدأ مخك وجهازك العصبي في سلسة الاجراءات
المؤدية الي تلبية هذا الاحساس
وسلسة الاجراءات اغلبها تكون حركات
تمشي الثلاجة تطلع الحلة تسخنها تغرف منها تأكل
لكن يمكن أن نتخيلها يمكن أن تتطور في الجنة
وتكون سلسة الاجراءات هذه لها امتدادات لا سلكية Wireless
يعني تشتهي شئ تتحول الشهوة الي سلسة اجراءات
مختلفة عن الاجراءات في الدنيا و تكون مرتبطة بموارد
مهيئة من الخالق سبحانه مسبقا
يعني مافي تلاجه وحله و بوتجاز و مكرويف
الارتباط لا سلكلي
يصدر مخك اشاراته الاسلكية الي المصادر
تجيك البتاعة محمرة عايز التقديم بواسطة حورية ممكن
و استغفر الله الحليم العليم لي و لكم
|
Post: #4
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-22-2009, 08:04 PM
Parent: #2
يا كوتش
كل العام و انت بخير
عشرة في الشحم
عشرة في اللحم
عشرة في العضم
في ناس عشرتهم الاولي تبدأ في العضم
جعلك الله من البادين في الشحم
|
Post: #5
Title: Re: اللهم إني صائم .... وفاقد ســـوائل(ت ص)
Author: HAIDER ALZAIN
Date: 08-22-2009, 09:01 PM
Parent: #4
ياعمنا .. رمضان كريم وتصوم وتفطر بخير والسوائل تتعوض ..
ان بقيت برة البلد اليلحقوك بكرتونة مدنكلة وبالعدم مراجعة داليا كباشي ..
فالواضح انه الحلومر له دور كبير في تعويض السوائل وترتيب الاسلاك الضاربة بفعل فقد النيكوتين والكافيين ومن خلال مداخلتك اعلاه اعتقد - والعلم عند الله - انه السبب غير السوائل في ماس بين سلك المدخل الديني للوجدان الثاقفي مع سلك المخرج السياسي والقهري المسيطر على الاعلام الايام دي ..
ونتمني لك صوماً مجيداً ...
|
Post: #6
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-22-2009, 10:00 PM
Parent: #5
(3)
البدعة الحسنة لافطارات البورداب الرمضانية
اصبحت سلوك رمضاني ثابت علي الاقل
في السودان وبعض دول الخليج
لكن في حاجتين كده غايتو
الاولي لي بورداب الخرطوم
بلاحظ البورداب المؤتمرجية و الكيزان
ماب يحضروا اللمات دي
ليه مش عارف
غير معتمدة كموائد رحمن ... يمكن
خوفا من المثل الكسرة بتكسر الخاطر
يمكن الاقصائي بيقصي نفسه برضو من الاخرين
وله يمكن شنو؟
بورداب الامارات في الامارات الشمالية عيني
بارده عليهم
ناس ابوظبي حدث و لا حرج
ناس جده والرياض لمن بفقدوا مواعينهم بالبوستات
ناس الدوحة كمان بيعزمو من الجاليات و الزلم
ناس البحرين و السلطنة يطرشني
هي الكويت فيها بورداب
اليمن ضياع زمن
و الحاج هالتاني
يا ناس الخرطوم
زكاة الفطر شوفو ليها مشروع يكون ضربة البداية للجمعية الخيرية
|
Post: #7
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-22-2009, 10:52 PM
Parent: #5
Quote: في ماس بين سلك المدخل الديني للوجدان الثاقفي مع سلك المخرج السياسي والقهري المسيطر على الاعلام الايام دي ..
|
الموضوع يعني < مدخلات > طحن (لقلة السوائل) > مخرجات ناشفة
تصوم وتفطر علي خير ود الزين
وخليك معنا عندما تبتل لديك العروق
|
Post: #8
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-23-2009, 00:33 AM
Parent: #7
(4)
بسم الله الرحمن الرحيم
1. قُلْ أَعُوذُ بِرَبِّ النَّاسِ
2. مَلِكِ النَّاسِ
3. إِلَهِ النَّاسِ
4. مِن شَرِّ الْوَسْوَاسِ الْخَنَّاسِ
5. الَّذِي يُوَسْوِسُ فِي صُدُورِ النَّاسِ
6. مِنَ الْجِنَّةِ وَ النَّاسِ
صدق الله العليم العظيم
والذي بنعمته تتم الصالحات
و الصلاة و السلام علي سيدنا المجتبي
خاتم الرسل و النبوات
حكاية تصفيد الشياطين خلال شهر رمضان
المتفق عليه انه يتم تصفيد الشياطين من غير الانس
أي إن شياطين الانس لا يتم تصفيدهم
و نراقب افعال الانس في رمضان و نبرئ منها غيرهم
فتكون النفس الامارة بالسؤ
فرمضان موسم المفخخات في العراق و افغانستان
وذبح الاسلاميون بعضهم البعض في السودان
و فصل الدين عن الدولة في المولات و مراكز التسوق
و ليل الشيشة و السهرات بكل الالوان
هذه لا يمكن أن نلوم فيها الشيطان
وكان كيد الشيطان ضعيفا
وكيد نصفنا عظيما
وما بالك بكيد الرجال
|
Post: #9
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-23-2009, 01:00 PM
Parent: #8
قلنا ليك كده عملت رايح
قلنا ليك بي هناك عملت ميت
طيب رأيك شنو تتزوجني عرفي
وعينك ما تشوف الا النور
وتروح وتموت عديل
غايتو جنس كســـــر خاطر
اللهم بلغنا الفطور
وابعد عنا الزهللة
|
Post: #10
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-23-2009, 09:38 PM
Parent: #9
و يقول ليك العتره تصلح المشي
ماب يظبط مع أي زول
في ناس كده العتره الواحده تكعوجم لي يوم الدين
ومافي طريقه لان السرية ضد الاشهار و الاشهار ركن اساس
|
Post: #11
Title: Re: اللهم إني صائم .... وفاقد ســـوائل(ت ص)
Author: الطيب عثمان يوسف
Date: 08-24-2009, 01:24 AM
Parent: #10
*** يا عمك !!
|
Post: #12
Title: Re: اللهم إني صائم .... وفاقد ســـوائل(ت ص)
Author: محمد عبد الماجد الصايم
Date: 08-24-2009, 10:49 AM
Parent: #11
يا عمكـ
البوست دا كتبتو وإنت صايم تلاتة يوم ولا شنو؟
قوم أفطر ياخ .. هلكتنا هلاكـ!
|
Post: #14
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-24-2009, 09:57 PM
Parent: #12
Quote: رابطة تكفيرية في السودان: «أي شيوعي كافر.. حتى وإن كان يصلي»
اعتبرت زواجه من المسلمة «زنا».. والحزب الشيوعي يطالب بمساءلة ومعاقبة «دعاة الفتنة» مهما كانت مواقعهم
الخرطوم: إسماعيل آدم
دخل الحزب الشيوعي السوداني في مواجهة مع التكفيريين في السودان. وأصدرت رابطة دينية تضم متشددين دينيين وتكفيريين فتوى في بيان تكفر الحزب الشيوعي السوداني، وقالت «كل شيوعي كافر، خارج عن الإسلام وإن كان يصلي». واعتبرت «زواج الشيوعي من المسلمة زنا». فيما رد الحزب الشيوعي بغضب قائلا: «ليس من حق شخص أو مجموعة أن تكفر الآخرين». وبدأت المواجهة، عندما اتهم منسوبون للحزب الشيوعي السوداني مجموعة من الشباب يعتقد بأنهم تكفيريون ينتسبون إلى «الرابطة الشرعية للعلماء والدعاة بالسودان» هاجمت احتفالا للحزب الشيوعي في دار جديدة للحزب بضاحية «الجريف غرب» شرق العاصمة الخرطوم بأسلحة بيضاء. ونفى أمين الرابطة واقعة الهجوم وقال إن الاتهام «كذب وافتراء». وأفادت الأنباء أن ذوي «10» صبية بضاحية «الجريف غرب» دونوا بلاغات جنائية بقسم للشرطة في مواجهة منسوبين للحزب الشيوعي السوداني بتهمة الاعتداء بالضرب باستخدام «السيخ» ضد أبنائهم.
وتصنف الرابطة على أنها جماعة تكفيرية، تعمل في مواجهة أنصار الديمقراطية لليبرالية والشيوعيين والاشتراكيين، وهم خليط من السلفيين والإخوان المسلمين، ويطلق عليهم خبراء في مجال الحركات الدينية في السودان بـ«القطبيين»، نسبة إلى زعيم الإخوان المسلمين الراحل «سيد قطب»، الذي يرى أن أي حاكم لا يطبق الشريعة الإسلامية فهو كافر. ومن بين أنصار الرابطة أساتذة في الجامعات السودانية وأئمة مساجد عديدة في العاصمة الخرطوم. وقاموا بتكفير كل من ينتمي إلى الحركة الشعبية، وكل من يوجه التهنئة للمسيحيين في أعيادهم مثل «الكريسماس». ويعتقد خبراء في الخرطوم أن تفجيرات شهيرة وقعت في ضاحية سوبا جنوب الخرطوم العام قبل الماضي، واغتيال الدبلوماسي الأميركي وسائقه في الخرطوم العام الماضي، من «ثمرات» المجموعات التكفيرية في البلاد. وحمل بيان غاضب صادر من «الرابطة الشرعية للعلماء والدعاة بالسودان» فتوى تكفر الحزب الشيوعي السوداني، وقالت الرابطة في البيان، الذي صدر بمثابة الرد على اتهامات الشيوعي بعد حادثة «الجريف غرب»، إنه بناء على مبادئ الحزب الشيوعي التي تقول إن الدين وفكرة الله خرافة وإن المذهب الشيوعي هو الإلحاد بجانب إيمانه بثلاثة «ماركس ولينين وستالين» وكفرهم بالله والدين والملكية الخاصة، بناء على كل ذلك «فكل شيوعي كافر خارج عن الإسلام وإن كان يصلي، دائما أو أحيانا». وأضاف البيان أن الشيوعي «لا يزوج من بنات المسلمين، وإذا تزوج مسلمة فالزواج زنا، والأولاد أولاد زنا،، ولا تؤكل ذبيحة الشيوعي، ولا يغسل إذا مات، ولا يكفن، ولا يصلى عليه، ولا يقبر في مقابر المسلمين، ولا يجوز لأبنائه المسلمين أن يرثوا منه لأنه لا يتوارث أهل ملتين، ولا يجوز زواج البنت الشيوعية من المسلم، وقربها زنا.
واستدعى بيان الرابطة حديثا سابقا قال إنه منسوب إلى الناطق الرسمي باسم الشيوعي السوداني المعارض، جاء فيه «في ظل دولة المواطنة سوف نعاقب ونسجن كل من يدعو إلى تطبيق الشريعة الإسلامية»، ووصف بيان الرابطة حديث الناطق الشيوعي بأنه صلف وعنجهية، واعتبر بيان التكفيريين تصريحات الشيوعي «جزءا من الحرية التي كان يدعو لها ماركس ولينين». وقال إن الشيوعية لم تجلب للإنسانية سوى الدماء والموت والخوف واعتبرها مسؤولة عن موت «100» مليون شخص في العالم.
وأمن الدكتور علاء الدين الزاكي الأمين العام للرابطة الشرعية للعلماء والدعاة بالسودان على الفتوى الواردة في البيان، وتساءل في تصريح لـ«الشرق الأوسط»: من يهدد كل من يدعو إلى تطبيق الشريعة الإسلامية سوى أنه خارج عن الدين، وقال إن الحزب الشيوعي السوداني نهجه يصادم ويطعن في الشريعة الإسلامية، كما أن الديمقراطيين الليبراليين يقولون إن الحكم للشعب وليس لله، كما أنهم لا يؤمنون بالغيبيات، وأضاف «لذلك نحن ضدهم».
وشدد الزاكي، وهو أستاذ للدراسات الإسلامية في جامعة الخرطوم، على أن «الخلاف بين الرابطة والشيوعيين هو خلاف فكري، لاعلاقة له بالسياسة أو افتتاح دار»، وحسب الداعية السوداني الزاكي فإن الحزب الشيوعي السوداني عندما تم حله في الستينات من القرن الماضي كان ذلك بسبب حديث غير لائق من أحد منسوبيه في حق السيدة عائشة زوجة الرسول، صلى الله عليه وسلم. ووصف الزاكي الحزب الشيوعي بأنه «سرطان» يهدد الشريعة الإسلامية والمجتمع، ودعا الحزب إلى الحوار والنقاش والمناظرة «بدلا عن لجوء الحزب إلى الاعتداء على الشباب»، وقال «نحن مستعدون للمناظرة الآن».
ونفى الزاكي بشدة أن تكون جماعته في الرابطة تستخدم العنف وسيلة لفرض أفكارها، وقال إن العنف ليس من نهجنا، وأضاف «نحن ننتهج الحوار وسيلة للدعوة وأحكام الشريعة، كما نفى أن تكون مجموعة من شباب الرابطة استخدمت العنف ضد الشيوعيين في «الجريف غرب»، وروى ما حدث بالقول «كان هناك نحو 10 من الشباب يوزعون بيانا من الرابطة فهجم عليهم الشيوعيون الذين كانوا في الدار»، وحول اتهام الحزب الشيوعي للمجموعة بأنها كانت تحمل سكينا، قال الزاكي «هذا الاتهام كذب وافتراء»، وقال نحن ضد المواجهة «ولو كنا نعمل من أجل ذلك لدفعنا لهم نحو 1000 شاب بدلا عن 10 ولكن نحن ننتهج الحوار بالبرهان والحجة، وليس العنف وسيلة لنا في العمل الدعوي». وردا على سؤال، اعترف الزاكي بأن مجموعته بينهم «متفلتون»، وأضاف: هذا شيء طبيعي في كل كيان تجد من يتصرفون بطريقة فردية، وقال «هؤلاء المتفلتون موجودون في الحزب الشيوعي وفي أنصار السنة والحركة الإسلامية وغيرهم»، وشدد «نحن سلاحنا هو الشرع والتحاور بالتي هي أحسن في أي زمان وأي مكان». غير أنه استدرك أن الجهاد وسيلة شرعية تستخدم في حالة الدفاع عن النفس... وعلينا أن ندافع عن أنفسنا في حالة الاعتداء علينا». وفي بيان غاضب أصدره أمس، طالب الحزب الشيوعي الحكومة بمساءلة ومعاقبة دعاة الفتنة الدينية «مهما كانت مواقعهم»، وأهاب البيان بـ«جماهير قوى الاستنارة وكل القوى الديمقراطية بكشف نشاط المجموعات التكفيرية ومراميهم بهدف خلق وتشكيل رأي عام جماهيري واسع ضدها»، وحذر بأن جماهير الشعب لن تتردد في ارتياد الطريق ذاته الذي اختارته الجماهير الغفيرة التي حضرت فعالية افتتاح دار الحزب في الجريف غرب وهو طريق محاصرة ونزع سلاح مجموعة الهوس الديني وطردها خارج الدار».
|
نخلي الموضوع ده هنا
ونرجع ليهو في عشرة اللحم
|
Post: #16
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-25-2009, 11:47 PM
Parent: #12
Quote: يا عمكـ
البوست دا كتبتو وإنت صايم تلاتة يوم ولا شنو؟
قوم أفطر ياخ .. هلكتنا هلاكـ! |
أسمع يا عمك
لم يقل السلف خذ الحكمة من افواه الصائمين
لكن قبل يوم الفطور الجماعي أوصيك قبله بيوم
زيت الخروع
و ماتنسي اخوك غريبة فلقد أعلن و ترجي
و ربما صاحب كاميرا لم يصورك
طبعا السنه دي ايد وراء و ايد قدام
|
Post: #13
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-24-2009, 02:12 PM
Parent: #11
و في رواية أخري
قطع ناشف
|
Post: #15
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-25-2009, 12:58 PM
Parent: #10
هذا هو اسمك /
قالتِ امرأة ،
وغابتْ في الممرٌِ اللولبيٌِ“
أري السماء هناك في متناولِ الأيدي .
ويحملني جناح حمامة بيضاء صوْب
طفولة أخري . ولم أحلمْ بأني
كنت أحلم . كلٌ شيء واقعيٌ . كنْت
أعلم أنني ألْقي بنفسي جانبا“
وأطير . سوف أكون ما سأصير في
الفلك الأخيرِ .
|
Post: #17
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-26-2009, 08:09 AM
Parent: #15
قالوا اليلية الخرطوم اترشت
لكن الناس ما اتفشت
ماذا يقول وهبة و من لف لفه من القندهاريين
في صيام يوم جو الفول
|
Post: #18
Title: Re: اللهم إني صائم .... وفاقد ســـوائل(ت ص)
Author: عفاف الصادق بابكر
Date: 08-26-2009, 08:40 AM
Parent: #17
Quote: اللهم بلغنا الفطور
وابعد عنا الزهللة |
الليله يا لطييييييييييف
رمضان الليله ليهو كم يوم ..؟
أجي يا الزهلله ...
رغيم يا أخوي العشرة يوم الاولى قالوا شنو ؟
بت الصادق
|
Post: #19
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-26-2009, 09:00 AM
Parent: #18
Quote: رغيم يا أخوي العشرة يوم الاولى قالوا شنو ؟
|
اختنا عفاف
قالو و يكفينا الله شر قالو :-
للافرج مان بتكون في الشحم
لكن ناس حمودي العشرة الاولي بتكون في شحم الجيران
وخاصة انه رمضان ده الحكومة بتاعته عملت بالنصائح
وسافرت السودان و خاصة بعد موضوع الحلة قيت بتاع
رمضان الفات و البوست اللتفتح عشان غطاية حلة راحت
من حمود ي في الافطار الجماعي
فعموما المسالة نسبية ليها علاقة بكتلة الجسم والراتب الشهري
و نفس الحكومة في الطبيخ و ترجح هذه النسبة بعدد الاولاد وثقافة الحكومة
اذا ما كانت أمدرمانية أو بحراوية ( او مغطي قدحه وفي هذه الحالة يدخل في كاتوقري تاني )
المرجع :- دليل البراية الرمضانية
واستغفر الله الحنان المنان لي ولكم
|
Post: #20
Title: Re: اللهم إني صائم .... وفاقد ســـوائل(ت ص)
Author: عفاف الصادق بابكر
Date: 08-26-2009, 09:16 AM
Parent: #19
Quote: رمضان الفات و البوست اللتفتح عشان غطاية حلة راحت
من حمود ي في الافطار الجماعي |
حمودي باااااااالغ ما كان يخلي غطى الحلة ذكاة مطبخ ..
Quote:
المرجع :- دليل البراية الرمضانية
|
البراية ما سنينه اظنها حقت رمضان الفات
| Quote: واستغفر الله الحنان المنان لي ولكم |
اللهم نستغفرك ونتوب إليك ...
بت الصادق
|
Post: #21
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-26-2009, 07:19 PM
Parent: #20
Quote: البراية ما سنينه اظنها حقت رمضان الفات
|
لا والله وحات اللا نام ولا أكل الطعام
سنينه ومن الكرتونة لكن بس الناس ده جلدها تخين
|
Post: #22
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-26-2009, 08:34 PM
Parent: #21
(5)
انا عندي مشكلة في فهم بعض المفاهيم
العامة عن رمضان
تسمع الكلام عن رمضان كله روحانيات
وغفران 70 الف كل يوم ( قطع شك فيهم بورداب)
ومن صام ايمانا و احتسابا ........
والصيام لي ........
وباب الريان
لكن تعال نشوف الممارسات
نفس الفضائيات التي تتحفنا
بالشعراوي
والكبيسي
وغيرهم من حملة مشاعل التوحيد و التبشير
نفسها و بعد الفاصل علي طول
الشيف كايدهم
و الشيف الي جاي من أمريكا مخصوص
ومسلسلات الفانتازيا و وهمة انا كنا أمة تستحق
و التركيات المسورنة لهجة
وفي حركة لتهيئة المتلقي
ايات من الذكر الحكيم
و يرفع الاذان مع اكلشية مراعاة فروق الوقت
و كمرة خفية
وخلوة غير شرعية في المصعد
و واحد خاشي شمال في واحد
و يجيك السر قدوريفتح طاقة الارث القومي
السوداني المرحوم سيد خليفة
و يقوم فرفور يبهدلك الثروة القومية
المشتركة لجماع و سيد و يجنن الجن وانشودته
ونجي بكره الصباح
مع الشعراوي و نخلي كلامه في محله
ونواصل في حالنا بعد الفاصل
اللهم إنك تعلم و لا نعلم
اللهم أنت غني عن عذابنا ونحن فقراء الي مغفرتك
اللهم لا تواخذنا بما فعلت الفضائيات بنا
اللهم سلط علينا من يخافك ويخشاك
إنك نعم المولي و نعم النصير
و نستغفرك ونتوب إليك
عدد ما وسع علمك و جهل علمنا
|
Post: #23
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-27-2009, 11:12 PM
Parent: #22
اللهم إنك تعلم و لا نعلم
اللهم أنت غني عن عذابنا ونحن فقراء الي مغفرتك
اللهم لا تواخذنا بما فعلت الفضائيات بنا
اللهم سلط علينا من يخافك ويخشاك
إنك نعم المولي و نعم النصير
و نستغفرك ونتوب إليك
عدد ما وسع علمك و جهل علمنا
|
Post: #24
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-28-2009, 10:24 AM
جاري إبن بمبة
محتج علي مواعيد صلاة الجمعة في رمضان
:- جاي قاسمه اليوم نصين
:- ياعمي دول بيطلعوا فتواي لحجاب رقاصة
: مايشوفوش ظروف موضوع العطلة الاسبوعية
:- وقال ايه بيعملك صلاة قيام يوم الخميس مميزة
:- و قال ايه برضك يوم السنة
اهو قدر اخف ما (أدر) لو ربنا ما سترش
وجا اول يوم في رمضان جمعة كان طلعلنا رمضان
ابو خمسة جمعات
|
Post: #25
Title: Re: اللهم إني صائم .... وفاقد ســـوائل(ت ص)
Author: معاوية المدير
Date: 08-28-2009, 11:06 AM
Parent: #24
Quote:
لكن تعال نشوف الممارسات
نفس الفضائيات التي تتحفنا
بالشعراوي
والكبيسي
وغيرهم من حملة مشاعل التوحيد و التبشير
نفسها و بعد الفاصل علي طول
الشيف كايدهم
و الشيف الي جاي من أمريكا مخصوص
ومسلسلات الفانتازيا و وهمة انا كنا أمة تستحق
و التركيات المسورنة لهجة
وفي حركة لتهيئة المتلقي
ايات من الذكر الحكيم
و يرفع الاذان مع اكلشية مراعاة فروق الوقت
و كمرة خفية
وخلوة غير شرعية في المصعد
و واحد خاشي شمال في واحد
و يجيك السر قدوريفتح طاقة الارث القومي
السوداني المرحوم سيد خليفة
و يقوم فرفور يبهدلك الثروة القومية
المشتركة لجماع و سيد و يجنن الجن وانشودته
ونجي بكره الصباح
مع الشعراوي و نخلي كلامه في محله
ونواصل في حالنا بعد الفاصل |
الكلام ده وين يا رقيم؟؟؟
علي اليمين نحن هنا البراري
دي غير الثعالب ما فيها حاجة.
والله غايتو طايح فوقكم جِنِس بَخَتَ!!!
|
Post: #26
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-28-2009, 02:00 PM
Parent: #25
Quote: الكلام ده وين يا رقيم؟؟؟
علي اليمين نحن هنا البراري
دي غير الثعالب ما فيها حاجة.
والله غايتو طايح فوقكم جِنِس بَخَتَ!!! |
اخونا ود مدير
اها احسدونا في الرطوبة كمان
أو كما قال يحسد القرد علي حمار لسانو
لكن ثعالبكم اريتا ثعالب البنات لي حدهن
مش زي ابو الحصين بتاعنا
انت شنو حكاية الزول في رمضان وخاصة قبل
الفطور بي ساعتين تجيهو ميول انه يكون براية
و بي مناسبة البراية دي يا معاوية انا حكيت ليك قصة
ابوالحصين والضبعة و النعجة الاستشهدو بيها في ورطة الحكومة مع لبني
بفترض إنك قلت لا ما حكيت لي
شوف يا سيدي قالك البعة هاجمت الزريبة و جفلت النعاج و الخرفان
وزكت الضبعة النعجة القاصية ولكن غاصت اقدام النعجة في وحل الوادي
ولحقت بها الضبعة فغاصت اقدامها في الوحل وصار الموقف عصيبا حين مر الثعلب
فسلم متهكما علي الضبعة
الضبعة : بالله يا ابو الحصين شفت جنس الورطة الانا فيها دي
الثعلب : الورطة بالجد لمن أهل النعجه يجو يمرقوهامن جنبك
|
Post: #27
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-29-2009, 01:00 AM
Parent: #26
يـالحــديـــثـــــــك شَـــوَّقــْـنــــا لـيـــك قــــول لـنــــــا أىِّ حــــديـث نـسـمـعــــو
قــــول لـنــا أصــــلـك مـابـتــريــــدنـا ويــــلا قــــول لـنــا قــومــــو أرجــعــــو
نـحــن جــيــنــــاك وقـَـصِــــدْنـــا كــــان الـلـــه شَــمْـلَـنــا بــيـــك يـجـمـعــو
ولـــو يـــدور يـخـَــرِب بــيــنـــــا زول لابـْـنـَـبــــارى ولابْــنـتــبـعــو
تــبــقـى دنــيــــانــا هَـــنَـــا وسُــــــرور ضُــمَّـــــه عِــــرق الـشَــــقــا نــقـلــعـــــو
نـــزرع الــريـــد فـى كــلِّ دار
ونـسْـقِى لـمـا يـفـرهِـد خـَـدار
ولـمـا يـتـَّـاكى يـشـيــل ثـمـار نـِحـنْ أول نــاس نـفـْــرعــــــو
صديق إحمد يديك الدايرو بي بركة رمضان
واستمحيك
أن اهديها الي فصيلة دمي
المراة التي شكلتني
و جعلت لحياتي معني
فتحية شامي
|
Post: #28
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 08-29-2009, 01:23 PM
Parent: #27
يا ابو رغيم
الحكاية شنو انت عشرتك بدات بالعقل مباشرا ههههههههههه
الطيب عثمان عربتك الجارية متل الدجاجة دى الحق بيها ابو رغيم ورينا الحاصا شنو
يا اخونااااااااا نحن العشرة ما تميناهااا اسحر كويس وعبى الموية وجر المقاس
اكيد بتغير الموضوع
وكان عطشان وفاقد سوائل امشى الخرطوم والله تشرب من جنب كرعيك قالو ليك المويه بقت هبطرش
الا بطنك تظلمك والناس خايفة من القرق لانو ما عارفين البحر محلو وين كلها بقت بحر فى بحر الله يستر
فتك بعافية
واستفر الله لى ولك ولجميع المسلمين
ود
ابو سنينه
|
Post: #29
Title: Re: اللهم إني صائم .... وفاقد ســـوائل(ت ص)
Author: Rihab Khalifa
Date: 08-29-2009, 01:49 PM
Parent: #28
فاجاها بالسؤال، ممكن اشوفك؟
ردت، لكن...
قاطعها، عارف، ايوه انا عميان، لكن ممكن اشوفك؟
ردت بتردد و ترقب، اوكي..
مد يديه و تحسس وجهها وبعد برهه طويله، قال:
ما زي ما اتخيلت ملامحك!
----------------
يااا حليل الهترشه
رمضانك كريم يا عثمان :)
|
Post: #30
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 08-29-2009, 02:07 PM
Parent: #29
الشى هضربة مو هترشة
كل عام وانتم بخير
|
Post: #31
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-30-2009, 01:57 AM
Parent: #30
واحد حاسد في الشغل اداني امساكية شهر رمضان
هسع قلت اقوم اتسحر عاينت لي الامساكية لقيت مافي طريقة
غايتو كل من سودانيزاون لاين
بكره ما ماشي الشغل
واحد في سوق الخضار بعد صلاة العصر
قال لي واحد جاره عليك الله تعال ارفع
معاي شوال البصل ده
اصلي من السحور ما اكلت حاجه تاني
|
Post: #37
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-30-2009, 11:42 PM
Parent: #30
Quote: الشى هضربة مو هترشة
كل عام وانتم بخير |
لا يا شيخ يوسف هي هترشه
وبت أخوي من مؤسسين جماعة الهترش
ومن كبار المهترشين
كفانا الله شر الهضربة
في هذا الشهر الفضيل
|
Post: #34
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-30-2009, 12:56 PM
Parent: #29
بت الخليفة
كيفك و رمضان كريم
Quote: يااا حليل الهترشه
رمضانك كريم يا عثمان :) |
مادام ما جيتينا في اسبوع عواسة حلومر المحاسبة
ننتظرك في اسبوع خبيز الهترشة
|
Post: #32
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-30-2009, 11:23 AM
Parent: #28
اخونا ابو سنينة
كدي شوف لينا فتوي
حول المضمضه بالشاي الاحمر البارد
في نهار رمضان
والتي ثبت إن بوردابي يمارسها
انه لو جاز الموضوع
ممكن بالقياس نعمل عصير تبغ فرجيني
ونتمضمض
|
Post: #33
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 08-30-2009, 12:33 PM
Parent: #32
اخوى عثمان
انا بحول الموضوع للجنة الافتاء بتاعت الرياض وبنصحك لوجهة الله انك لا تتبع الفتوى بتاعتهم
ديل بقولو ا لعماء السلطان انتو ما عارفين شى
المهم الرئيس ود المـوج
عضوية ود الصائم تمبا حميدة والله رهبين بشكل معتصم كان ممكن يساعد فى الموضوع لكن اليومين مشغول بسرقة غنيماتو لا اقصد وريقاتو السرقوهم ناس الخرطوم الله يجمع ليه بيهن .
والله اليومين ديل بشوفو يفتش ليه لقصاصين اشوفو الاثر بتاع الوريقات ديل وصلن وين
مضمضة البرنجى قوية ممكن يكون لهااثار سـلبية المفتى بتردد فيهاكثير عشان يقول شى لكن انت شوف نوع خفيف او خفيف جدا والله زى دى المفتى اجى طائر فيها صاااااااااااااروخ ساكت ولا يتلفت ليها وكانو ما عمل حاجة .
انت عشان ما كل يوم ناس سودانيز اون لاين يضيعوك خت ليك ممزمزة واقعد تلاقى نفسك مسحر بالفطرة وكل شوى اديها موية مطرة بس اعمل حسابك لا تلحق نفق عفراء .
تحياتى وودى لكم يا اهل الامارات ومالكم نسيتو العمرة الحرم الدرب ما فاتح .
|
Post: #35
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-30-2009, 01:48 PM
Parent: #33
Quote: انت عشان ما كل يوم ناس سودانيز اون لاين يضيعوك خت ليك ممزمزة واقعد تلاقى نفسك مسحر بالفطرة وكل شوى اديها موية مطرة بس اعمل حسابك لا تلحق نفق عفراء .
|
عارف يا يوسف
انا بعد تمحيص و تدقيق و اطلاع توصلت الي نتيجة
انه الحالات التي راحت فيها فؤصة السحور عي فقط في الايام
التي فطرت مع صاحبك الطيب فيها و هي تقريبا من اول رمضان
عارف السبب شنو ؟؟؟ لازم نكمل الاكل واللاه بنات الطيب حيزعلوا
وغايتو بتمشي التراويح ومعاها سويدي
لكن برضو السحور بيروح
غايتو انا مشكلتي هينة ممكن ازوغ لكن جنابو حيزوغ وين
|
Post: #36
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 08-30-2009, 02:07 PM
Parent: #35
اخوى عثمان مبروك عليك الحريه الموقتة دى
لكن صاحبى دة سكت مالوة انشاء الله الداعى خير
تعرف يا ابو رغيم كما تدينو تدانو شغل الكلابيش الكانو بعملوا فيه زمان داهاااا رجعت تان لاصحابها
مكلبش كلبشة شديدة
والله صاحبك زى المواصلات الشغل البيت البيت الشغل وبالعكس
لكن عليك الله حركو شوية من كم يوم غامن لية رويشات و غطس مرة تانيه وين راح ما عارف
كدى انا بخبتوا بتلفون النشوف حيكايتو شنو وبرجع تانى
|
Post: #38
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 08-31-2009, 09:46 AM
Parent: #36
ابو رغيم اخوى كيف حالك
اخوى زى ما قلت ليك خبت اخوك الطيب بتلفون لقيتو صائم وفى المطبخ كمان ما عارفوة بعمل فى شنو ههههههههه
وقال كلام مو طيب زى اسمو كدى انت اسعلو كان جاوبك خلاص وان ما جاوبك انا بديك المفيد على الداهى الاسمو الماسنجر دة عجبى
يا اختى ما تزعلى عارفنها هترشة مو هضربه لكن حلاوة كلام مع ابو رغيم وبس
يديك العافية وتصومى وتفطرى على خير واسف كان ما قبلتى كلامى وزى ما بقول فى التلفزيون من غير زعل
والتلفزيون من اوله لاخرة كله زعل فى زعل
|
Post: #39
Title: Re: اللهم إني صائم .... وفاقد ســـوائل(ت ص)
Author: osman righeem
Date: 08-31-2009, 10:33 PM
Parent: #38
أبو سنينة
يديك العافية
|
Post: #40
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-01-2009, 00:44 AM
Parent: #39
نواصل الهترشة
وخاصة موضوع العرس العرفي ده زي ما اديناهو حقو
و الموضوع عايز قراية للملعب بطريقة ملعوبة
وخاصة اذا عرفنا إنه في جميع طلبات الزواج
بكل مسمياتها بيكون الطلب من الرجل و القبول
من المرأة تقديرا لها و احتراما و لإنها هي
الحتخسر في هذه الشراكة.
بس موضوع العرس العرفي ده راي انه نوع من الزنا
العايزين يضارو الخجله منه بهذه المسميات
ومتين كان العرف مع جغمسة الحقوق
لكن المحيرني جدا ان يكون طلب العرس العرفي
يجي منها يعني هي البتطلب
يقولو عليه شنو ده
كسرة :-
ابوسنينة عليك الله اي فتوة في الموضوع ده
احجب رأي ود الموج فيها
|
Post: #41
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-01-2009, 12:30 PM
Parent: #38
Quote: اخوى زى ما قلت ليك خبت اخوك الطيب بتلفون لقيتو صائم وفى المطبخ كمان ما عارفوة بعمل فى شنو ههههههههه
وقال كلام مو طيب زى اسمو كدى انت اسعلو كان جاوبك خلاص وان ما جاوبك انا بديك المفيد على الداهى الاسمو الماسنجر دة عجبى
|
بيدخل المطبخ في حالة واحدة فقط
انه يجيب فجم
ناصر مستغرب يعني كيف يكون في زول
ماب يعرف يعمل شاي
المهم بعد كم مداخلات طلع ناصر
بيعرف يعمل شاي و بس
وقال سلق البيض ده من انواع الطبيخ
حسب البرنامج اظنه اليوم فاطر معانا
|
Post: #42
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-01-2009, 10:51 PM
Parent: #38
Quote: يا اختى ما تزعلى عارفنها هترشة مو هضربه لكن حلاوة كلام مع ابو رغيم وبس
|
المهم التأكيد علي الفرق الشاسع
|
Post: #43
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-02-2009, 01:54 PM
Parent: #42
كفانا الله شر الهضربة
في هذا الشهر الفضيل
|
Post: #44
Title: Re: اللهم إني صائم .... وفاقد ســـوائل(ت ص)
Author: Haytham Abdulaziz
Date: 09-02-2009, 09:18 PM
Parent: #43
رغيم يا صديقي مبروك عليك الشهر ....
تصوم و تفطر على خير ...
و منتظرك بي الفطور .. بس إنت قول هوباااح و إتوكل وأضرب خط لعجمان و ما تشيل هم...
و عاد تب ما بتفقد سوائل لين نهاية رمضان...
|
Post: #45
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-03-2009, 01:36 PM
Parent: #44
Quote: و منتظرك بي الفطور .. بس إنت قول هوباااح و إتوكل وأضرب خط لعجمان و ما تشيل هم...
|
هويا يا مال
|
Post: #46
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-03-2009, 08:00 PM
Parent: #45
ظهر اليوم جرت المحادثة التالية :-
ابو كريم ( تونسي زميل عمل):- أبو رغيم انا اليوم عشاي عندك
:- اتفضل ابو كريم واهلا بالساعة المباركة بس شو رايك تصحبنا من الفطور
ابوكريم :- لا تواخذني خوي بو رغيم انا قصدي علي الفطور المغرب
: انت تأمر بو كريم
ابو كريم : بس تراني مشرط بدي حلومر اوراق جافة اخدها معاي بعد العشاء
: حلومر ؟؟ شو السالفة
ابوكريم :- شوف أول يوم في رمضان مريت عليك و اعطيتني قلاس هادا الحلومر
:- اكيد
ابو كريم :- عمل معاي واجب زين بلكل ... مزيان مزيان اخوي بورعيم
:- يا راجل
ابو كريم :- وين تزرعونه تحصلي بزور منه عندنا الجو في غدامس متل السودان مره حتي اخو ام كريم جرب زرع بنقو
: طيب منتظرك علي الفطور
|
Post: #47
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-05-2009, 03:34 PM
Parent: #46
أمس كان فطور البورداب بتاعين UAE
طارق جبريل قال علينا حناكيش و عيد ميلاد
بس الجماعة قرر يدعوه لصيام الجمعة اليتيمة في دبي
عشان بشوف الحنكشة أم راس و قعر
اللهم تقبل منا الصيام والقيام
ومن البورداب أجمعين
|
Post: #48
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-07-2009, 00:07 AM
Parent: #47
في إفطار بورداب الامارات بدبي
و في جولة الماكرفون بعد الشاي
والقهوة ابدي الاستاذ محمد سيداحمد
عضو البورد ملاحظة ليه البورداب نفسهم
حار مع بعض في البورد و عندما يتقابلو
في مناسبات ‘جتماعية تلقاهم حلوين مع بعض
و دار نقاش غير معمق حول الملاحظ يؤكدها و لا
يبررها أو يحللها أو يسببها.
كنت استرجع هذه الملاحظات عندما رن هاتفي
رقم من السعودية و جاءني صوت بشوش و و مرحب
تسالمنا و باركنا رمضان و الذي منو
ذكرني بمخاشنة حدثت بيني و بينه في بوست له قبل عامين
وانه رأي بوست افطار الامارات و تذكر تلك المخاشنة
المهم تحدثنا من القلب و تبادلنا كثير من الحديث الجميل
بركة رمضان تحل علينا جميعا
و نسال الله ان يجعلنا من زمرة عتقاء شهر رمضان الفضيل
أنا و اسرتي و اهلي وكل منه حقا علينا
وعبدالخالق الجمري و كل البورداب و البوردابيات
|
Post: #49
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-07-2009, 04:20 AM
Parent: #48
اللهم نق السراير
ياخ في ناس كده ظهارم عوير
يمكن من الصيام
|
Post: #50
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-07-2009, 11:44 AM
Parent: #49
شكرا عبد الخالق الجمري
وتستمر المودة
|
Post: #51
Title: Re: اللهم إني صائم .... وفاقد ســـوائل(ت ص)
Author: Yousif A Abusinina
Date: 09-07-2009, 01:52 PM
Parent: #50
اخوى ابو رغيم
كيفك وكيف احوالك بعد نص رمضان والاهل كلهم عساه بخير
انت اول غلط ارتكبتوا سميتة العرس العرفى غيرت النغمة تبعوو الشى سموة زواج عرفى النغمة (بكسر النون) اهم شى
الفتوة مطروحة بعيد من حضرة المفتى ود المـــوج
لكننا نتبع سنن الاخرين مو الاولين فى الفتاوى
حاكم الاولين ديل هم اهل الدين ( لونين) ابيض واسود
اما الاخرين ديل شالين علبة الوان
اى لون تبة او خليط جاهزين
زواج عرفى عرس عرفى زواج مسيار زواج ايسار
المهم تعددت المسميات والهدف واحد هو الزناااااا
والشغلة مبروطة بالفلوس والقروش والكروش
يعنى فى بلدنا الرشيدة لما بقى عندنا البترول
الذهب الاسود الهدا فى الذهب الابيض وضيع الذهب الابيض
ذهبت بركة الفلوس
واى واحد مزوج واحدة حالف الا يكمل الطبلون
بالاربعة
وان شاء ما بفضل فيها كفر واسبير معلق الباب الخلفى المهم يكمل الطبلون
لو اقلبت العربية برضو ما يهموا
المهم يعيش ويشترى موديلات حديثة
وبكمنل بعد راى المفتى
|
Post: #52
Title: Re: اللهم إني صائم .... وفاقد ســـوائل(ت ص)
Author: Rihab Khalifa
Date: 09-07-2009, 03:20 PM
Parent: #51
Quote: يا اختى ما تزعلى عارفنها هترشة مو هضربه
abu sineina |
I did not :)
alwakit alwakit, later in sha allah o motab3a kalamkom
---------
Osman
walahi kalam almo7asbeen da kateer khalas o 7agi9 lai fi rasi
3jabni kalamak, alnabi kan tangati3
jaya bel leil in sha allah
kalam jidi da lisa ma waga3 lai loool
kolo sana o inta tayib
|
Post: #56
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-09-2009, 11:49 AM
Parent: #52
بت الخليفة
كيفك
عايني
كلام المحاسبين كان الله حيانا بعد العيد
عايزين منبر محاسبين ننتج فيه :-
1 - معايير محاسبة وطنية
2 - وحراسة المال العام
3 - وتقنية المعلومات و انقراط مهنة مسك الدفاتر
والخ والخ و الخ
خطوط عريضة
|
Post: #53
Title: Re: اللهم إني صائم .... وفاقد ســـوائل(ت ص)
Author: Rihab Khalifa
Date: 09-07-2009, 03:20 PM
Parent: #51
Quote: يا اختى ما تزعلى عارفنها هترشة مو هضربه
abu sineina |
I did not :)
alwakit alwakit, later in sha allah o motab3a kalamkom
---------
Osman
walahi kalam almo7asbeen da kateer khalas o 7agi9 lai fi rasi
3jabni kalamak, alnabi kan tangati3
jaya bel leil in sha allah
kalam jidi da lisa ma waga3 lai loool
kolo sana o inta tayib
|
Post: #54
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-07-2009, 10:08 PM
Parent: #51
أخونا يوسف
ما تطول الغيبة
عارف حكاية تغير زواج الي عرس
لانه الذي طلب الارتباط تحت مظلة
هذا النوع هي و ليس هو
|
Post: #55
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-08-2009, 01:15 AM
Parent: #45
|
Post: #57
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-09-2009, 11:28 PM
Parent: #55
Quote:
Osman
walahi kalam almo7asbeen da kateer khalas o 7agi9 lai fi rasi
3jabni kalamak, alnabi kan tangati3
jaya bel leil in sha allah
kalam jidi da lisa ma waga3 lai loool
kolo sana o inta tayib |
خلاص نخن جاهزين بس عايزين ايدك معنا
و ندفر ناس قيقراوي من هناك عشان
نقول قدمنا بصورة معقولة وفقا للمعايير
المقبولة قبولا عاما من خلال ما قدم لنا من
معلومات أنه في رأينا هذا ما يرضي الله والوطن
|
Post: #58
Title: Re: اللهم إني صائم .... وفاقد ســـوائل(ت ص)
Author: MOHAMMED ELSHEIKH
Date: 09-09-2009, 11:38 PM
Parent: #57
واحد الليلة غالطني شديد قال لي ياخي رغيم دا والد عثمان رغيم
قت ليه ما ممكن ياخي الزول دا قدرنا
معقولة تصل انو بوردابي يخلف بوردابي
|
Post: #59
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-10-2009, 11:10 AM
Parent: #58
اخوناود الشيخ
سلامات
غايتو ناس دفعتي كلهم نكروني
زمان اهلنا حكاية الجامعة المختلطه
دي كان عندهم فيها رأي مسكوت عنه
يقولك الزول يخش بي شيتو ( أحصن)
وانا الحمدلله كان احصن وأحسن
ما تغالط الراجل ساكت ياهو
رغيم الابن
و رغيم الاب
وصلي علي النبي
|
Post: #60
Title: Re: اللهم إني صائم .... وفاقد ســـوائل(ت ص)
Author: قيقراوي
Date: 09-10-2009, 08:09 PM
Parent: #57
Quote: خلاص نخن جاهزين بس عايزين ايدك معنا
و ندفر ناس قيقراويمن هناك عشان
نقول قدمنا بصورة معقولة وفقا للمعايير
المقبولة قبولا عاما من خلال ما قدم لنا من
معلومات أنه في رأينا هذا ما يرضي الله والوطن |
لوووول
قيقراوي تطير عيشتو !! . . . دافرنو مالو ؟ و بي جماعتو كمان ؟
رفعت معنوياتي ياخ . . . ما دام عملت لي ( ناس ) و ارضيت غرور برستيدج حناني ؟
ادفر ساي يا الحبيب ، ادفر متل ما بدك . . . الجيب واحد يا عمك . .. و لأ هي بقولوا شنو ؟
سلام يا رغيم
خلاص ودع يا حليلو . . . و بقينا في العشرة الاوخر . . .
عشان كدا للضمان كدا نقول ليك :
كل سنة وانت طيب
تصوم و تفطر على خير
و ربنا يجعلك و من يسمع ( يقرأ ) من عتقاء هذا الشهر الكريم
|
Post: #61
Title: Re: اللهم إني صائم .... وفاقد ســـوائل(ت ص)
Author: MOHAMMED ELSHEIKH
Date: 09-10-2009, 09:19 PM
Parent: #60
رغيم الابن
و رغيم الاب
وصلي علي النبي
صلاتي على الحبيب المصطفى
|
Post: #62
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-13-2009, 11:35 AM
Parent: #60
Quote: لوووول
قيقراوي تطير عيشتو !! . . . دافرنو مالو ؟ و بي جماعتو كمان ؟
رفعت معنوياتي ياخ . . . ما دام عملت لي ( ناس ) و ارضيت غرور برستيدج حناني ؟
ادفر ساي يا الحبيب ، ادفر متل ما بدك . . . الجيب واحد يا عمك . .. و لأ هي بقولوا شنو ؟
|
فتح الرحمن
سلامات
مغرودين فيك بعد العيد
اعاده الله علينا و عليكم وعلي امة محمد باليمن و البركات
|
Post: #63
Title: Re: اللهم إني صائم .... وفاقد ســـوائل(ت ص)
Author: قيقراوي
Date: 09-13-2009, 01:59 PM
Parent: #62
Quote: فتح الرحمن
سلامات
مغرودين فيك بعد العيد
اعاده الله علينا و عليكم وعلي امة محمد باليمن و البركات |
حاضرين يا عمك
و كان كمان جيبك مليان و لا اتصالتكم رخيسة التلفون في البروفايل
بالعدم ؟ . . . . الايميل برضو في البروفايل
و عيدك سعيد بإذن الله
|
Post: #64
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-13-2009, 04:58 PM
Parent: #63
قيقراوي يا معلم
صيام مقبول
عايزنك للعكه دي
Quote: كلام المحاسبين كان الله حيانا بعد العيد
عايزين منبر محاسبين ننتج فيه :-
1 - معايير محاسبة وطنية
2 - وحراسة المال العام
3 - وتقنية المعلومات و انقراط مهنة مسك الدفاتر
والخ والخ و الخ
خطوط عريضة |
|
Post: #65
Title: Re: اللهم إني صائم .... وفاقد ســـوائل(ت ص)
Author: محمد زكريا
Date: 09-13-2009, 05:08 PM
Parent: #64
قيقيراوي
رمضانك مبارك باذن الله
(ت ص) يعني توجد صور.. وينها الصور دي
ياعالم ما تخلونا نفطر في نص رمضان ده, بعدين مش من دقسنا ليس منا
تصوم وتفطر بصوره بلحه
تحياتي
ابوالزيك
|
Post: #66
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-13-2009, 11:45 PM
Parent: #65
ابو الزيك
كيفك
هو بالله (ت ص ) قاصدين بيها توجد صور؟
زانا قايلها تخاريف صيام
|
Post: #67
Title: Re: اللهم إني صائم .... وفاقد ســـوائل(ت ص)
Author: قيقراوي
Date: 09-15-2009, 08:59 PM
Parent: #66
Quote: ابو الزيك
كيفك
هو بالله (ت ص ) قاصدين بيها توجد صور؟
زانا قايلها تخاريف صيام |
حبيبنا رغيم
رغم بعدك برسل سلامي ياخ
لوووووووووول
ابو الزيك صايم شديد اظنو - دخل العضم تب - ردو موجهو لي انا !!! . . . نعم انو انا الكتبت ( ت ص )
غايتو لو كتبتها انا ؟ بكون معناها " تلقنا صحابك "
اما قبل !
حاضرين يا عمك
كدي عربون محبة كدا تعال لينا بغادي نتباحث في الهموم المشتركة و بالمرة ادلو بدلوك معانا هنا
مهنة المحاسبه صراع المصالح وانعدام المعايير
جردل جردلين ما كعبات معانا
و لو حبيتو ا ، ممكن تكون دي نواة لمنبر جاد للمحاسبين السودانيين . . . او بالعدم شرفونا بجلعها منصة لإنطلاق المنبر المنشود
و دي دعوة رسمية من جمعية المحاسبين السودانيين بمنطقة مكة المكرمة
---------------------
بالمناسبة د. رحاب شرفتنا بعضويتها معانا
و منتظرين تشريفكم
|
Post: #68
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-16-2009, 00:08 AM
Parent: #67
Done
|
Post: #69
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-18-2009, 02:04 PM
Parent: #68
الجمعة اليتيمة
جات في الطايوق
|
Post: #70
Title: Re: اللهم إني صائم .... وفاقد ســـوائل(ت ص)
Author: osman righeem
Date: 09-19-2009, 01:46 AM
Parent: #69
|
|