Post: #6 Title: Re: سيف الجامعة يقول....... Author: حمد عبد الغفار عمر Date: 12-28-2012, 05:25 PM Parent: #3
والله يا دينا أنا رميت طوبتو زمااان
من نزل لي مهاترة ترباس وترباس قال ليهم أنتو بقر كافوري
مع ناس صلاح إدريس ..
Post: #5 Title: Re: سيف الجامعة يقول....... Author: حمد عبد الغفار عمر Date: 12-28-2012, 05:20 PM Parent: #2
دي يا ناذر
زي الزول البديك هدية ويجي يقلعا منك
ما عارف هل كان ناسي آخر الأغنية دي ولا شنو؟
Post: #8 Title: Re: سيف الجامعة يقول....... Author: الشفيع وراق عبد الرحمن Date: 12-28-2012, 06:08 PM Parent: #5
Quote: ترمى طوبتو
دينا بت خالد
تقعدي ترمي في الطوب كده،،،،،،،، لاااامن تلقي نفسك قاعدة في السهلة
ود الباوقة
Quote: وشكرا
حقتك دي قاعدة تكيفني في كنكوجي
حمد ازيك
Post: #9 Title: Re: سيف الجامعة يقول....... Author: ود الباوقة Date: 12-28-2012, 06:11 PM Parent: #8
حقتك دي قاعدة تكيفني في كنكوجي
................................................
المجاهد الشفيع
شكرا جزيلا
Post: #10 Title: Re: سيف الجامعة يقول....... Author: حمد عبد الغفار عمر Date: 12-28-2012, 06:23 PM Parent: #9
سلام يا شفيع
دينا دي باقي ليها لوري طوب واحد وبس وحتمشي تخلي ليكم السودان
ياخ عندي ليك سؤال بهناك عند ود الصائم ما تريحني بإجابتو
بعدين ود الباوقة دا ممسوخ ما يغشك
Post: #11 Title: Re: سيف الجامعة يقول....... Author: عبدالأله زمراوي Date: 12-28-2012, 07:10 PM Parent: #10
تحياتي وسلامي...
اتفرجت على مضض اخي الكريم وتألمت من اناس أضاعوا البلاد وشردوا العباد وجلس المدعو نافع البذيء يستمع في مقطع يقول البلاد محروسات حدودا وهم الذين قسموها وشتتوها!
بالله يا الله من اين جاءوا هؤلاء الأبالسة؟
Post: #12 Title: Re: سيف الجامعة يقول....... Author: الشفيع وراق عبد الرحمن Date: 12-28-2012, 07:14 PM Parent: #10
Quote: لوري طوب
يعني قصدك الطوب البترمي فيهو ده "فرط"؟ انا قايلها بترمي فيهو من العمارة حقتها
Post: #13 Title: Re: سيف الجامعة يقول....... Author: Ridhaa Date: 12-28-2012, 07:21 PM Parent: #12
كلمات اغنية طبل العز ضرب
طبل العز ضرب يالسرة قومي خلاص والفرسان هنديل في الساحة ختو الساس واخيل عركسن والدنيا بوق ونحاس والبنوت زغاريتن تجيب الطاش السودان خلاص يالسرة قام دواس كسر قيدو تاني وشيد المتراس شد سواعدو تاني وشيد المتراس طبل العز ضرب والخيل تسابق الخيل من اخر الجنوب لي عطبرة وتوتيل يا شجر الهشاب قوم نمشي نهر النيل يااااا لوز القطن قوم تاني فتح وشيل وارقص يانخيل فوق السواقي وميل السودان خلاص شايل السمح وعديل كسرقيدو تاني وقام جميل بالحيل شد سواعدو وقام جميل بالحيل طبل العز ضرب حي عليك ياكفاح والاذان نده حي عليك ياصباح شايل النور ومالي بالاغاني الساح والظالم وقع يابنية داوي جراح خلي الناس تنوم بعد الشقا وترتاح طبل العز......
Post: #14 Title: Re: سيف الجامعة يقول....... Author: Ridhaa Date: 12-28-2012, 07:31 PM Parent: #13
Post: #15 Title: Re: سيف الجامعة يقول....... Author: عبدالمنعم الطيب حسن Date: 12-28-2012, 08:18 PM Parent: #14
اوائل التسيعينات ، كان سيف الجامعة في مصر ... جانا في المنصورة ، متعجرفا كان ، اول كلمة سمعتها منه ، عندما اعطاهو زميل المنبر........ سجارة كليوباترا ، قال بافتراء شديد : نحن سجاير الطلبة دا ما بتكيفنا ، اخرج المارلبورو الاحمر ، وملانا دخان ريحتو برجوازية ، المهم طال بيه المقام ، وطالب ليهو ايضا ، وبدا ينظر قال : ان لديه مؤلف ضخم اسمه( الفن والدولة الدينية ) بعد سنة قرات له حوار مع جريدة الوفد ان لم تخني الذاكرة وفي صفحة سودانيات قال : ان لديه مقالا سيرى النور قريبا اسمه ( الفن والدولة الدينية ) لم اقرا ابدا المقال ، كان يغني لنا - نحن الطلاب - اكتوبر الممهور بالدم ،
والله قال الناس تعيش ، ما قال البنوك املوها عيش الله بكره الحرابة ، الله بحب السلام ............................... بعد داك رجع السودان وشفتو يمدح ، ويقول شيخي ود اب شريعة ، قمت ايه؟ قنعت من خيرا فيهو
Post: #16 Title: Re: سيف الجامعة يقول....... Author: حمد عبد الغفار عمر Date: 12-28-2012, 08:19 PM Parent: #10
مرحب يا زمراوي
Quote: اتفرجت على مضض اخي الكريم وتألمت من اناس أضاعوا البلاد وشردوا العباد وجلس المدعو نافع البذيء يستمع في مقطع يقول البلاد محروسات حدودا وهم الذين قسموها وشتتوها!
شر البلية ما يضحك فعلا
هل سيف دا مقتنع بالكلام دا؟
تبقى مصيبة
Post: #17 Title: Re: سيف الجامعة يقول....... Author: حمد عبد الغفار عمر Date: 12-28-2012, 08:23 PM
ي
Quote: يعني قصدك الطوب البترمي فيهو ده "فرط"؟ انا قايلها بترمي فيهو من العمارة حقتها
عمارتها زاتا بترمي طوبتها وبتمشي
المافي شنو هو ؟
Post: #18 Title: Re: سيف الجامعة يقول....... Author: حمد عبد الغفار عمر Date: 12-28-2012, 08:43 PM Parent: #17
شكرا يا رضا على الكلمات
لكن شكلك عايز تقول لي إنو نهاية الأغنية ما زي ما أن ذكرت
بس سيف الجامعة قالها وليهو فترة قاعد يختم بيها الأغنية ولوما مصدق أسمع السهرة أو خلي واحد يجيب لينا الأغنية نفسها
دا مجرد ظن
Post: #19 Title: Re: سيف الجامعة يقول....... Author: عبد اللطيف السيدح Date: 12-28-2012, 08:53 PM Parent: #17
طوب تقيل
البوست ده مولود في الجريف؟
سلام لصاحب البوست والطلب بضم الطاء المعاهو
Post: #20 Title: Re: سيف الجامعة يقول....... Author: دينا خالد Date: 12-28-2012, 09:37 PM Parent: #19
لوووووووووووب يا الشفيع وراق ياخ ! اقعد فى السهلة كيف يعنى ؟ انت مشيت وين ؟ شايفاك بتلقط فى الطوب البجدعوا فيه جماعتك بدءا من قوش وود ابراهيم وانتهاءا بالسائحون ! اصيل انت تعجبنى رغم الطوب ...