Post: #1
Title: %%% دى براها فايـــــــــدة ( حكاوى طربفة من حلتنا ) %%%
Author: انور التكينة
Date: 12-26-2012, 11:25 AM
Parent: #0
لقريتى التكينة كأغلب قرى الجزيرة ظرفاء تنسكب الطرفة من السنتهم وليدة اللحظة بلا تكلف
او تصنع كمن يدعون انهم ملوك الفكاهة .
كان مولانا المرحوم الشيخ محمد حامد التكينة مندمجا فى ( الدرس ) و الدرس حصة تفسير رمضانية
لمعانى القران الكريم يؤمها معظم اهل القرية .. بدأ مولانا يشرح ( من اوتى كتابه بيمينه فهو فى
عيشة راضية ) و الشرح طبعا بالعامية .. قال عليه رحمة الله : يا جماعة.. يوم القيامة كُتب اعمالنا
بتجى نازلة .. السعيد بنزل ليهو كتابه فى كتفه اليمين ، و الشقى فى كتفه الشمال ( هاكم اقرأوا
كتابيا ) كل زول بفتح كتابه و يقرأ اعماله من ولدوهو لامن مات ..
هنا انتصب عمنا المرحوم حسن ود الامام قائلا : يا مولانا الزول كان ما بعرف يقرأ ؟ اجابه مولانا :
يا حسن اليوم داك كل الناس بتقرأ ... فقال عم حسن : و الله دى براها فايدة .
______
و نواصل
______
|
Post: #2
Title: Re: %%% دى براها فايـــــــــدة ( حكاوى طربفة من حلتنا ) %%%
Author: مزمل خيرى
Date: 12-26-2012, 11:50 AM
Parent: #1
واصل يا انور ...
متابعين ...
|
Post: #3
Title: Re: %%% دى براها فايـــــــــدة ( حكاوى طربفة من حلتنا ) %%%
Author: انور التكينة
Date: 12-26-2012, 06:01 PM
Parent: #2
كان خالنا عبد الحميد عليه رحمة الله يعمل خفيرا بمستشفى الخرطوم و هو رجل امى .. زائرو
المستشفى و الممارضون يجتمعون لاداء الصلاة فى كل وقت .. و لان الشخصيات غير ثابتة فقد دأبوا
ان يقدموا لامامتهم فى الصلاة من تبدو عليه اثار العلم و التدين .
فى احدى الصلوات اخطأ الامام فقام عبد الحميد بتنبيهه : سبحان الله .. سبحان الله .. انتبه الامام
و صحح خطأه .
بعد الفراغ من الصلاة و الباقيات الصالحات التفت الرجل الى المصلين قائلاً : يا جماعة المبروك
النبهنى ده منو ؟
أجابه عبد الحميد :
ـ انا يا مولانا ..
ـ و المبروك من وين ؟
ـ من التكينة ..
اَاَاَ ناس التكينة ما ناس علم ..
فقاطعه عبد الحميد بسرعة : على الطلاق انا أكعب زول فى التكينة ..
و اغلق فى وجهه باب النقاش .
________
نواصل
_______
|
Post: #4
Title: Re: %%% دى براها فايـــــــــدة ( حكاوى طربفة من حلتنا ) %%%
Author: مهدي صلاح
Date: 12-26-2012, 10:40 PM
التحية لكم استاذ انور
قبل فترة جايبين حلقة من برنامج في رياض البوادي في اذاعة ام درمان من شاشينا التكينة محلية السوكي
ما عارف هل شاشينا التكينة بقى محلية السوكي هي نفس التكينة حقتكم
الحلقة كانت من ديوان عبدالله علي ادم
فكان الحديث عن جناين وخيران التكينة والمانجا والجوافة والـ(######م) او الغباشة
والفنان عثمان شاشينا عطّر الحلقة باغانيه
|
Post: #5
Title: Re: %%% دى براها فايـــــــــدة ( حكاوى طربفة من حلتنا ) %%%
Author: انور التكينة
Date: 12-27-2012, 10:57 AM
Parent: #4
هل شاشينا التكينة بقى محلية السوكي هي نفس التكينة حقتكم
شكرا الاخ مهدى ..
التكينةحقتنا فى محلية الكاملين و تبعد عن الخرطوم 70 كيلومتر فقط ..
غير التكينة بتاعت السوكى فى حلة اسمها التكينة عثمان شال الخلرطوم بحرى ..
|
|