Post: #1
Title: يا جماعة وهمة حقل حديدة الحينتج 140 الف برميل فى يناير دة شنو
Author: Waeil Elsayid Awad
Date: 12-26-2012, 10:35 AM
مع العلم ان مجمل الانتاج الحالى لا يتعدى
ال 105 الف برميل
|
Post: #2
Title: Re: يا جماعة وهمة حقل حديدة الحينتج 140 الف برميل فى يناير دة شنو
Author: بشير حسـن بشـير
Date: 12-26-2012, 10:42 AM
Parent: #1
يا وائل سلام
اهى مناسبه تصنع عشان نطرب بالصوت
والصوره مصاحبه للرقيص من الرئيس
وعلى قول اخوانا المصريين :
هو الكلام بفلوس
والى كذبه جديده نهدى ليكم صوت ورقيص الرئيس
اها بعد ده كله قصروا معاكم الجماعه ديل ؟؟؟؟
.
.
|
Post: #3
Title: Re: يا جماعة وهمة حقل حديدة الحينتج 140 الف برميل فى يناير دة شنو
Author: مهدي صلاح
Date: 12-26-2012, 10:43 AM
Parent: #2
معقول لسه في ناس بتاكل من الاونطة الزي دي؟
|
Post: #4
Title: Re: يا جماعة وهمة حقل حديدة الحينتج 140 الف برميل فى يناير دة شنو
Author: Mohammed Ahmed Saeed
Date: 12-26-2012, 11:01 AM
Parent: #3
105+140=245 الف برميل فى اليوم بختنا.
صيت غنى ولا صيت فقر كذبة ونصدقها لكين ياتو يناير 2013 ولا 2014 ولا2019 مافى ينايرس كتيرة والناس ديل شغلهم كلو بقى كضب.
|
Post: #5
Title: Re: يا جماعة وهمة حقل حديدة الحينتج 140 الف برميل فى يناير دة شنو
Author: السيد أحمد إبراهيم
Date: 12-26-2012, 11:06 AM
Parent: #4
Quote: 105+140=245 الف برميل فى اليوم بختنا.
صيت غنى ولا صيت فقر كذبة ونصدقها لكين ياتو يناير 2013 ولا 2014 ولا2019 مافى ينايرس كتيرة والناس ديل شغلهم كلو بقى كضب. |
حتى لو قالو يناير 2013 عادي ممكن يبلعو الكلام زي الما حصل شئ ( ولهم في محسن خالد أسوة حسنة )
|
Post: #6
Title: Re: يا جماعة وهمة حقل حديدة الحينتج 140 الف برميل فى يناير دة شنو
Author: حسن محمود
Date: 12-26-2012, 01:00 PM
Parent: #5
وائل .. تحياتي
اظن الحقل الجديد هو زرقة ام حديد .. وربما لا يتم افتتاحة
في يناير بعد التهديد و الشكلة بين ولايتين ..
نزاع قبلي حول حقل نفطي بين شرق دارفور وشمال كردفان
الصحافة الخرطوم: عديلة:عبدالله اسحق: خرج سكان محلية عديلة بولاية شرق دارفور امس الثلاثاء فى تظاهرات حاشدة احتجاجا على زيارة والى شمال كردفان، معتصم ميرغني حسين زاكي الدين، لحقل زرقة ام حديد للبترول ،وطالب المتظاهرون الحكومة الاتحادية وحكومة الولايتين بترسيم الحدود قبل افتتاح الحقل النفطي، واعتبروا زيارة والي ولاية شمال كردفان للحقل إعلان تبعيته لمحلية الاضية بشمال كردفان .
واكد الوالى بالانابة، مستور محمد عبدالماجد ،الذي خاطب المسيرة الاحتجاجية بمدينة عديلة ، انهم لن يسمحوا بافتتاح الحقل فى عيد الاستقلال ما لم تحسم تبعيته لشرق دارفور او شمال كردفان ،واشار مستور الى ان هناك وفدا من المركز سيصل الى عديلة لمناقشة القضية بشكل شامل .
من ناحيتهم، هدد الأهالى بأنهم لن يسمحوا بافتتاح حقل زرقة التى تقع بحوالى 50 كيلو مترا شمال شرق مدينة عديلة فى عيد الاستقلال ما لم يتم حسم تبعية المنطقة لولاية شرق دارفور، وقال رئيس لجنة شباب محلية عديلة، طارق ادم محمد لـ( الصحافة)،انهم سلموا مذكرة لمعتمد المحلية عبدالعزيز ابوالقاسم ادم والاجهزة الامنية وحكومة الولاية بخصوص تبعية الحقل ، وكشف انهم امهلوا الحكومة 48 ساعة لتحديد تبعية الحقل ، وهددوا بتعطيل العمل بالحقل ما لم تتم تبعيته لمحلية عديلة . واكد معتمد عديلة عبدالعزيز ابوالقاسم انه استلم المذكرة، وطالب الحكومة الاتحادية بترسيم الحدود بين والولايتين ،واوضح ابوالقاسم ،ان حكومة الولاية سترفع الامر الي وزارة النفط والي الحكومة الاتحادية للفصل في الامر.
http://www.alsahafa.sd/details.php?articleid=54315#54315
|
|