Google Drive ...Access your files everywhere

Access Your Files Everywhere


Store Your Files Safely


Collaborate with Google Docs


انســـى الفلاش ميموري وشيل معاك ملفاتك حيثما ذهبت
كما يمكنك مشاركة هذه الملفات مع من تحب بأمان

Google Drive. Keep everything. Share anything

google drive هي مساحة مجانية توفرها لك شركة قوقل لتخزين ملفاتك
ومشاركتها مع من تحب وهي خدمة شبيهة بخدمة Sky drive والتي يوفرها لك
بريد الهوتميل ..
الفرق هو كمية الأمان العالية في بريد ال gmail
باختصار كدا انسى اللابتوب والفلاش ميموري وشيل معاك ملفاتك اينما ذهبت

سوف استعرضها معكم لمن يحب ان يشترك بهذه الخدمة المجانية
والتي تتطلب طبعا حساب بريد في ال Gmail

تمنحك شركة قوقل مع بريد ال Gmail مساحة تخزينية قدرها 5 جيجابايت
لتخزين ملفاتك ومشاركتها والعمل عليها اين ما كنت ووقت ما تريد
يمكن ان تتطور هذه المساحة لتصل الى 10 جيجابايت لاحقاً
وهي طريقة فعالة ومفيدة جدا بدل حمل الفلاش ميموري واللابتوب معاك
انســـى ديل كلهم وحمل ملفاتك و feel free

تجدون نبذه عن الخدمة هنا

البشاري سلم

مع إنو الجي ميل دا دعد إسويلي وجع المصران لكن نتابع ونمشي من الليلة دي

نسوي لينا فيهو مخزن

شاحد عليك ربي يجيك ود البوش يقول لك اشرحها لي

Quote: مع إنو الجي ميل دا دعد إسويلي وجع المصران لكن نتابع ونمشي من الليلة دي نسوي لينا فيهو مخزن

جلال جبريل

حبابك وتابع الجي ميل فيهو مخزن آمن جداً

كن بخير
_____

Quote: شاحد عليك ربي يجيك ود البوش يقول لك اشرحها لي

محمد عمر الفكي

والله ود البوش كان جا معناتو الموضوع استحمه شديد

تحياتي

أول خطوة هي أن تمتلك بريد في ال Gmail
افتح صحفة قوقل وسجل بيانات وامتلك بريد الكتروني
مرن وسهل وبه امان اكثر من بريد الهوتميل
يمكنك ربط بريدك مع رقم موبايلك أو جوالك لاضافة المزيد من الامان عليه
ما عارف مع المقاطعة دي ناس السودان حيكون وضعهم كيف
لكن أي زول يمكنه امتلاك بريد في ال Gmail لا يتردد في ذلك
وسوف لن يندم
شرح عمل حساب في الجي ميل تجدونه هنا

لو امتلكت حساب الجيل يمكنك استخدام نفس الحساب في

1. حساب البريد الالكتروني ال Gmail
2. في ال Youtube
3. في google+ وهي عبارة عن صفحة تواصل اجتماعي شبيهه بالفيسبوك
4. في صفحة القوقل نفسها
5. في ال google drive

الخ الخ


نواصل إن شاء الله

هلا يا باشمهندس
سلام واحترام,


في بعض مواقع تخزين ومشاركة البيانات مثل ال 4shared تجد أحياناً أنه من الممكن البحث في ملفاتك والولوج إليها من أصحاب الحسابات الآخرين في نفس الموقع

هل مثل هذا الخيار متاح وممكن في ا جي ميل ؟؟

مع التحية خالصة

أحمد الشايقي

مولانا احمد الشايقي

حبابك وحباب طلتك يا حبيب

Quote: في بعض مواقع تخزين ومشاركة البيانات مثل ال 4shared تجد أحياناً أنه من الممكن البحث في ملفاتك والولوج إليها من أصحاب الحسابات الآخرين في نفس الموقع هل مثل هذا الخيار متاح وممكن في ا جي ميل ؟؟

هنا ملفاتك في آمان يا الشايقي
واعتبر نفسك بتشتغل في شبكة الشركة حقتكم بكل أمانها وخصوصيتها
لا يمكن للبقية الاطلاع على ملفاتك ما لم تسمح لهم انت بذلك
يعني تعمل مشاركة للملف وتحدد الشخص أو الاشخاص الذين يمكنهم رؤية ملفاتك
والكلام دا عكس المواقع الاخرى التي تسمح للآخرين بالاطلاع على ملفاتك
..
..


____
مشاركة الملفات ميزة هنا.
يعني ممكن يكون عندك ملف وفي أكثر من شخص بشتغلوا على الملف
هنا ممكن في هذا المخزن وهذا يشبه ال Virtual network
كدا بالله الناس الخبرة يجكوا معاي شوية في حتة انو لو عندك قاعدة بيانات ممكن ترفعها
ويشتغلوا عليها أكثر من شخص في نفس الوقت ولا لا؟... حتى أعود للتأكد من هذا لاحقاً

الناس الجاهزة ممكن تنزل الخدمة من هنا

بعد التحميل تسطب البرنامج عادي جدا في جهازك
وطبعا لازم تختار انت حتستخدمها مع شنو
- في سطح المكتب (كمبيوتر ولابتوب)
- مع الموبايل Iphone أو اي هاتف ذكي آخر

ومبروك عليك الخدمة
سوف أعود لشرحها بالتفصيل بإذن الله لمن ليس لديهم خبره كافية
أو من ليس لديهم بريد جي ميل الآن

تحياتي

ود أيضا موقع بديك 5 جيجا على كل غيميل تسجل بيهو
وهو آمن جدا أنا استخدمه منذ 2005

www.esnips.com

ويمكن التسجيل بأي إيميل ومن أي مزود
كما يمنحك إمكانية تخصيص المادة ما بين خاصة وعامة


ــــــــــــــــــــــــــــــ
أها لقيتني كيف بوّخت ليك البوست هههههه
المهم مشتاغون ورسل لي تلفونك

شكرا يا الامين يا اخوى

بدات فى عمل الخدمه واضفت فايل كتجربه وظبطت تماما

حاولت امسح الفايل الانا عملته او اعمل ليه ديليت
ما لقيت اى طريقه

نرجو المساعده ولك الشكر

Quote: حاولت امسح الفايل الانا عملته او اعمل ليه ديليت ما لقيت اى طريقه نرجو المساعده ولك الشكر

بشير حسن بشير

تحياتي ومبروك الخدمة او المخزن
كدا عاين للصورة التحت فيها كلمة (trash)

وطبعاً دي ما بتظهر ليك الا بعد تضغط على كلمة المزيد أو (more)
وبعد ما تطلع ليك كلمة (طراش دي)
اضغط عليها واطرش أي حاجة انت رفعتها ... والله صحي
وعشان ترفع ملف اضغط السهم الجنب كلمة (create) واستعرض ملفاتك
ومن ثم اختار ما تود رفعه منها الى المستودع
أما كلمة (create) فتمكنك من انشاء مجلد (folder) جديد مخصص بأي اسم تريده


تحياتي

البشارى و ضيوفه الكرام

لكم التحية الطيبة

البشارى انا عاوز آخذ عند كورس ... !!

كيف و بكم ...؟ هههههههههههههه

شكرا ليك يا اخى .

Quote: البشارى انا عاوز آخذ عند كورس ... !! كيف و بكم ...؟ هههههههههههههه

حبابك يا الطيب انت بس تعال والكورس مجاناً

تحياتي

اخونا معتز القريش الذي بقطر محل الريال مطر

Quote: كما يمنحك إمكانية تخصيص المادة ما بين خاصة وعامة

لقيتك حســـود زي الفلاته ... والله صحي ()
يعني يا تشوفها أنت بس أو كل الناس تشوفها
ماف خيارات تانية يا معتز؟

هنا ممكن تقول اشوفها أنا ومعتز واحمد الشايقي وجلال جبريل

لكن بدر الدين الأمير والبطحاني محمد عمر الفكي لا ما يشوفوها

شفته الفرق شنو يا حبيب؟

الموقع بتاعك جميل وهو يختص بالكتب بصورة أكبر مع امكانية تحميل ملفات أخرى عليه
كدا أكتب في البحث بتاعو كتب سودانية حتطلع بفوائد جمه ... والله صحي

Quote: المهم مشتاغون ورسل لي تلفونك

أما بالنسبة (للاشــواغ) فأسكت خليها ساي
وتلفوني في البروفايل يا عمك
ياخ بالمناسبة دي عندي صاحبي معاكم وبوردابي كمان
المهندس فتحي علي محمد إن شاء الله تكونوا اتعرفتوا بيهو

Quote: وطبعاً دي ما بتظهر ليك الا بعد تضغط على كلمة المزيد أو (more) وبعد ما تطلع ليك كلمة (طراش دي) اضغط عليها واطرش أي حاجة انت رفعتها ... والله صحي وعشان ترفع ملف اضغط السهم الجنب كلمة (create) واستعرض ملفاتك ومن ثم اختار ما تود رفعه منها الى المستودع أما كلمة (create) فتمكنك من انشاء مجلد (folder) جديد مخصص بأي اسم تريده

تسلم يا الامين يا اخوى وضحت طااااااااااااااب

شكرا ليك يا باش دائما مباراتك بي فائده
سلامي للعيال

Quote: شكرا ليك يا باش دائما مباراتك بي فائده سلامي للعيال

حبابك يا عبس يا صاحب
الفايدة هي معرفة امثالكم .. خليك قريب

الامين اخوي كيف حالك
والله نحن المقاطعه دي قاطعة مننا اي شئ انا ماعارف الشعوب ذنبها امريكا دي كان عندها مشكلة مع الحكومة تمشي تحلها بهناك معاها نحن ناس ماساكين الغنماية تاكل عشانا
والله اسي العيال مجنني بالسؤال يابوي نحن ليه ماعندنا محلات ماكدونالاند وهارديز وكنتاكي زي الناس
اها قدر ماحاولت افهمهم الحاصل حلفو بالتقطعهم مايقتنعوا
مرات اقول ليهم نحن عشان قروشنا شوية والمطاعم دي غالية الناس مابتقدر عليها ينط الولد الصغير يقول كينيا دي فيها المطاعم دي . يعني لو قلنا ناس الخليج غنيانين طيب الكينيين ديل مازينا واحد
في الفقر .
اها غايتو في النهاية وريتهم الحاصل بانه المطاعم دي امريكية ونحن امريكا دي مشاكلنها لينا زمن بس انتو ادعو ربنا يهدي سرها وترضى علينا عشان تاكلوا من ماكدونالد وكنتاكي زي بقية الشعوب
غايتو شفع اخر زمن
اها اسي شوف حل في موضوع عمنا قوقل كل ماعمل خدمة تجيني الرسالة دي

Quote: Thanks for your interest, but the product that you're trying to download is not available in your country

Quote: الامين اخوي كيف حالك والله نحن المقاطعه دي قاطعة مننا اي شئ انا ماعارف الشعوب ذنبها امريكا دي كان عندها مشكلة مع الحكومة تمشي تحلها بهناك معاها نحن ناس ماساكين الغنماية تاكل عشانا

الاخ اسامة دفع الله

ذنبنا إننا ساكتين عليهم لغاية هسي
واي زول بقول ليك المقاطعة ما عندها اثر زول كضاب
اقرب مثال مصنع سكر النيل الابيض

الله يكون في عونا بس وسعيد بمرورك الكريم من هنا

ن

الله دا مو كريم اتعلمت البحث وبقيت طوالي أئ زول جاب خبري طوالي اقبضو اقبضكم خالي الماحي ات والجنا الاسمو محمد عمر الفكي
.
.
عاينو جاي
انا اللنقليزي دا كفاي العرفتو فيهو
play تشغل المسجل
stop توقفو
student طالبة
انا الليام دي ما فايق ليكم عندي موضوع لوجستي خالص خالص
وقالو قلة الشغلة كتلت ليها مرة في التكلة الفكي حامد

Quote: student طالبة

ود البوش سألتك بالنبي تاء التانيث لزوما شنو !!!!
و ل شغلك جرجرة للبلوم بدور تطعم مفترع البشاري
الريده يا حنين شقاوة

Quote: ود البوش سألتك بالنبي تاء التانيث لزوما شنو !!!!

علي ذمة استاذ كلين في الثانوي العام
قال student طالبة
اها قلنا ليهو والطالب شنو ؟
قال بيوبل ههههههههههههههههه
عباس يا وناس والله كان اونسك في البوست الهامل دا واخد لي معاك خشم خشمين
فضل الله ود فضل المولى مشى الخرتوم اشتغل وهو قاري لحدي سنة ساتة بس
قالوا ليهو بتعرف انقليزي
قال قسر بسيييييييت ( قصر بسيط يعني كان سنة واحدة واعرف )
فصار اسمه لليوم العلينا اسمو قسر بسيت
معليش يا راعي البوست ونسة بالجنبة كدا
وبمناسبة راعي البوست دي كان احلي ليك خشمك بنكتة بدل صامو كدي وتقلب في الايقونات زي الهدوم الضارباها المطرة
بتاع المرور اكورك في البطحا
يا راعي الجمس
ياراعي الهوندا
ياراعي الكامري حرك حرك
جا اخونا سايق عربية مظلتة لاتعرفها كورلا ولاتعرفا مازدا ولاصرفا ولا عدلا
بتاع المرور كورك ليهو
يا راعي الاشو ما أدري
.
.
شكرا يا طارق نقد
اغني ؟
ولا احسن ادوبي ؟
قال لوجستك قال

هو البوسط دا بتكلم عن شنو يا عباس الدسيس ؟
عشان الواحد اقدر اتفاهم كويس
ثم تانيا زي ما قال صديق الموج
الفلهمة ليكم شنو ما قالوا ليكم دا منبر عوام
يعني حاجات عامة وكداين من كداين
.
.
قال جيميل قال
الواحد انضم زي المجنون اتقول راميهو جمل
.
.
تاني جيبو خبري تاني
طوالي انزل تحت واكتب ود البوش واجيكن جاري والمرة الجاية نضمي ببقى كتر وكان النضمي ما نفع الضقلة و 135 ريال والنقل الجماعي
قال استحمى قال
اصلو عرس ولا عيد ؟

Quote: بتاع المرور اكورك في البطحا يا راعي الجمس ياراعي الهوندا ياراعي الكامري حرك حرك جا اخونا سايق عربية مظلتة لاتعرفها كورلا ولاتعرفا مازدا ولاصرفا ولا عدلا بتاع المرور كورك ليهو يا راعي الاشو ما أدري

ود البوش يا حبيب المفترع وقت هملتو للبشاري نطق الحنك معاك
صاحبي جاء اشتكي لي : يا عباس والله في بتاع مرور قاصدني عديل ربك كان ما ستر والشهر شهر تجديد الاقامة كان لحقته امات طه تصدق مخالفات 1800 ريال في شهر حسي اعمل شنو معاهو بعدين امكن انا بوقف غلط محل الشركه والله مصيبه.
اخوك عامل فيها مقددا وتفتيحا شايل مفاتيحا:
تعرف يا الحبيب قبل كده واحد متلحني كل ما اظلل العريبة اقنص لي بي لفة مخالفة وجر بي مفتاح عربيتو التظليل إشوه السيارة كم مرة عملها لي زهجته منو مشيت ظللت العربية كلها بصورة الملك وقت اكون فاضي افتش ليهو بالزقاقات عشان اشوفني وانا اتبختر.
طيب يا عباس شوف لينا طريقة لي الزول القاصدني ؟؟؟؟؟
مشيت ليهو في الشركة عشان نعاين موقع المخالفات والشوارع البمر بيها......
عليك امان الله لقينا الحكاية من كميرات ساهر الوقت داك كانت جديدة لنج

ود البوش داير اسعلك من استيودنت دي لكن سبقني بها عباس
دي حقيقية بتاع المرور لما ليك في واحد سوداني الدقن دقنو لانص كرشته، سايق جرار لا اشارات لا رخصة سواقة لا استمارة والزول زاتو اقامة ما عندو، قال للسوداني والله الليلة اوديك حتة من الله ما خلقك ما شفتها، زولنا قال له والله الا تكون موديني الجامع

Quote: علي ذمة استاذ كلين في الثانوي العام قال student طالبة اها قلنا ليهو والطالب شنو ؟ قال بيوبل ههههههههههههههههه

اووووووووو صاحبي ود البوش

لاااااكين (العنجليزي) ما عندك ياخ
اخونا اهل العوض سمع الخواجة يبرطم بالانجليزي وهو مو فاهم حاجة
عاين ليهو كدا وقال ليهو: علي بالطلاق ماني فارز كلمة من كلامك دا
علا احتياطي كدا انعل ابوك يا خواجه

عبد الله ود البوش منور البوست

ود الشيخ شكرا على رفع البوست ياخ!

تحياتي

اها وقفنا وين يا جماعة؟

بريد الهوتميل نفسه فيه هذه الخدمة ودا للناس الما بحبوا ال Gmail
وهناك اسمها (Sky drive) قوقل اخدت الفكرة وطورتها زيادة

Quote: هو البوسط دا بتكلم عن شنو يا عباس الدسيس ؟

الله استر علينا من امين
هذا المفترع يا اخي يتكلم عن:

واحد جاه ابوه وهو ماسك الكتاب قاله : تذاكر ؟
قال : لا الدخول مجاناً
فضحكا وذهبا دار الرياضة

رأى رجل غلاما يشرب الماء بيده اليسرى
فقال له: يا غلام!!! هل أنت ايسر؟
فأجابه الغلام: لا أنا "اتش بي"!!
فضحك الجميع و عم الفرح و السرور أرجاء القرية و اشتروا جميعهم لاب توب توشيبا !!!!


مر أعرابيٌ بإحدى الجاريات فرأى أن شعرها طويل جداً
وقال لها: هل شعرك توصيلة؟
فأجابته: لا وايرلس
فضحك الاثنان وتواعدا علي ان يتقابلا في الحديقه

أراد القاضي أن يهدد المجرم لكي يعترف بجريمته...
فقال له: اعترف والا جلدناك بالسوط..
فقال المجرم: اجلدني إذاً بالسوط و الصوره
فضحك القاضي والمجرم وفكو أسره وأعطوه فلاش ميموري هديه