Post: #1
Title: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 04:25 AM
دى كانت مقولة بيقولها الزول الماشي سينما زمااان
و في جيبو فِرِدْ ( فريني ) يعني قرشين يا ناس حسي ...
و فرينيهو ده يا يدخلو السينما ... يا ياكل بيهو باسطة قدام السينما ...
فبيصل قدام السينما و بيسأل ... لو الفلم هندي ...خلاص يخش السينما و ينبسط ...
لو ما هندي ... ما بيضيع وقته ...وبيمشي ياكل الباسطة و يفرتك مبسوط ...
اها ....
كل يوم نجي داخلين المنبر ...فلان بينبذ فلان عشان نبذ محسن خالد ...
وفلانه حردانه عشان نبذوها لانها نبذت محسن خالد ...
وفلان مع فلان لانو فلان زعلان من فلان النبذ محسن خالد ...
يا ناس فترنااااااااااااااااااااااااااااااااااااااااااااااااااااااااااا
والله العظيم يا ناس في الفريقين عندنا ناس بنحبهم و نحترمهم و بيعز علينا نشوفهم في المهاترات دي
فيا تخلصونا ...
يا ناكل باسطة بعيد منكم ... و لا نشوفكم في الحال ده
|
Post: #2
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: معاوية المدير
Date: 12-25-2012, 04:35 AM
Parent: #1
سلآمات يا قباني.
يا زول أنا قررت آكل بآسطة،
لكن لو زول عزمني فيلم كايبوي بخارتو.
مودتي...
|
Post: #3
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 04:40 AM
Parent: #2
ود المدير يا صاحب ...
والله الافلام كلها بقت ( كايبوي ) اليومين ديل ...
والله شي محزن ....
والأكثر حزناً ... في ناس ما اتوقعت انها تنزلق في المهاترات ...
شكلي حاشوف كتير ...
|
Post: #6
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: عبدالكريم أحمد الامين
Date: 12-25-2012, 04:57 AM
Parent: #3
** ود قبانى..
** سلام وصباحك خير..
## والله نفس الحيره الواحد خاتى الفرينى المربع فى الجيب الفوق والفرينى المدور مصبينو فى الجيب الورا ... وبتواق مره مره فى الحوش دا ,, لا دخـلت السينما ولا أكلت الباسطه لانو الباسطه لقيتا مفسحه وعمك بتاع الباسطه كلو مايلقى ليهو سبيل يديها كوز ##
^
^
^
## ياأهل هـذا الدار ألا يمكن أن نرتقى بهذا الحوش الجامع الى المستوى الذى يجعله مرجعاً لنا ولسوانا بعيداً عن المُهاترات والشخصنه؟؟؟
### أنــه أمـــل ورجـــاء مـع مـطـلـع هـــذا العـام المنحوس (2013) ###
(ودام الود والحب بيننا)
(ابو محمد فؤاد) - الماكيكى..
|
Post: #4
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: حسين نوباتيا
Date: 12-25-2012, 04:45 AM
Parent: #2
ود المدير ياخي انت مامكن تحضر الفيلم الهندي وتشارك فيهو وبعدين تجي تاكل باسطة مع صاحبي المسكين دا:)
يحبي اخبارك ومشتاقين ... اخدت لي غيبة قالوا جوطت المنبر جوطة شديدة ومسحت بالازوال عرصات المنبر:)
بالله تلفونك في الخاص...
سلام..
|
Post: #5
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 04:52 AM
Parent: #4
Quote: ود المدير ياخي انت مامكن تحضر الفيلم الهندي وتشارك فيهو وبعدين تجي تاكل باسطة مع صاحبي المسكين دا:)
يحبي اخبارك ومشتاقين ... اخدت لي غيبة قالوا جوطت المنبر جوطة شديدة ومسحت بالازوال عرصات المنبر:)
بالله تلفونك في الخاص...
سلام.. |
نوباتيا يا صديق ...
مشتاقين كتير يا رجل ...
رسلت ليك التلفون يا حبيب ...
|
Post: #7
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 05:02 AM
Parent: #5
Quote: ** ود قبانى..
** سلام وصباحك خير..
## والله نفس الحيره الواحد خاتى الفرينى المربع فى الجيب الفوق والفرينى المدور مصبينو فى الجيب الورا ... وبتواق مره مره فى الحوش دا ,, لا دخـلت السينما ولا أكلت الباسطه لانو الباسطه لقيتا مفسحه وعمك بتاع الباسطه كلو مايلقى ليهو سبيل يديها كوز ##
## ياأهل هـذا الدار ألا يمكن أن نرتقى بهذا الحوش الجامع الى المستوى الذى يجعله مرجعاً لنا ولسوانا بعيداً عن المُهاترات والشخصنه؟؟؟
### أنــه أمـــل ورجـــاء مـع مـطـلـع هـــذا العـام المنحوس (2013) ###
(ودام الود والحب بيننا)
(ابو محمد فؤاد) - الماكيكى.. |
والله يابو محمد ...2012 عام منحوس ... وفقر
و المهاترات حتشيل معاها الفقر ل 2013
الله يستر بس ...
وصوتنا علي صوتك ...لعل و عسي ...
|
Post: #8
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: معاوية المدير
Date: 12-25-2012, 05:09 AM
Parent: #5
| Quote: ود المدير ياخي انت مامكن تحضر الفيلم الهندي وتشارك فيهو وبعدين تجي تاكل باسطة مع صاحبي المسكين دا:) |
نوباتيا يا حبيب.
سلآمات.
يا اخي ما تخرمج ساكت، الزول ما ممكن ياكل باسطة ويحضر فيلم
هندي، الِتنين ديل ما بيجن مع بعض، أنا عايز آكل باسطة بقرشيني
وأحضر كايبوي بقرشينين تانيات أكان قباني عزمني.
إتصلت عليك يا نوباتيا لكن يبدو أني إتلخبطت
علي التلفونات، وإتصلت في البيت. عليك الله
رسّل لي تلفونك في الخاص، وطوالي حا يصلك
مني إتصال إن شاء الله...
|
Post: #9
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: Nagat Sid Ahmed Elshiekh
Date: 12-25-2012, 05:21 AM
Parent: #8
Quote: والله العظيم يا ناس في الفريقين عندنا ناس بنحبهم و نحترمهم و بيعز علينا نشوفهم في المهاترات دي
فيا تخلصونا ...
|
الحمد لله ولا مع هذا ولا ذاك مرتاحين من الافلام دى بعيد بعيد الاخ قبانى...
|
Post: #10
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 05:24 AM
Parent: #9
Quote: يا اخي ما تخرمج ساكت، الزول ما ممكن ياكل باسطة ويحضر فيلم
هندي، الِتنين ديل ما بيجن مع بعض، أنا عايز آكل باسطة بقرشيني
وأحضر كايبوي بقرشينين تانيات أكان قباني عزمني. |
خرمااااج يا معاوية ...
ياخ قلت ليك ( فِــــرِدْ فرينـــي )
الفريني التاني ده جبتو من وين ؟
|
Post: #11
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 05:25 AM
Parent: #10
| Quote: الحمد لله ولا مع هذا ولا ذاك مرتاحين من الافلام دى بعيد بعيد الاخ قبانى.. |
ما بتنلامي يا نجاة ...
هو كده ...
خليك في باسطتنا دي ...
|
Post: #12
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: تيسير عووضة
Date: 12-25-2012, 05:37 AM
Parent: #11
هي عان البرلوم دا كمان
مازال الليل طفلٌ يحبو
إنتا ما كلموك عن سودانيز ودورة حياة الموضوع ولا شنو ..
الحنك الواحد عندنا هنا زي فايرس النزلة
لو ما كمل إسبوع تمام "وقد تزيد" ما بروح
مش كان شميت قرض !
خلي ود البشرى يجي يحكي ليك عن نظرية أسابيع البورد ..
|
Post: #13
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 05:48 AM
Parent: #12
Quote: هي عان البرلوم دا كمان
مازال الليل طفلٌ يحبو. |
يا خاله كيفنك ...
ما قلنا ليكم فيهم ناس بنحبهم ... وما بشبهم الكلام ده ...
انتي الزعلك منو ؟؟
ولو تسمعي كلامي تعالي لي باسطة البرلوم دي اخير ليك ...
البرلوم ده ( بيحبو ) ليهو خمس عقود و دخل في السادس
ووحياتك ما مسك القلم هنا بس لكن الدنيا اصلها كده ...
وكمان باسطته مجيهة ... اسمعي الكلام ...
بعدين القاعد يحصل ده ما دوره لحياة موضوع ولا اي حاجه ...
ده اجهاض لكل القيم ولجميع اسس التعامل بين البشر ...
|
Post: #14
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 03:24 PM
Parent: #13
الدنيا اعياد ...
وبرضه لسه ساقيتنا مدورة ...
يلا ... اكل الباسطة كمان برضو طريقة جديدة ...
|
Post: #15
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: حمد عبد الغفار عمر
Date: 12-25-2012, 03:33 PM
Parent: #14
سلام يا يحيى
ياخي البورد دا فيهو ناس اولاد راحات الواحد بيكون شايل معاه شلن أو ريال
بياكلو باسطة وبخشوا الفلم
الأثنين
|
Post: #16
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 03:40 PM
Parent: #15
المشكله يا حمد ...
انحنا جينا المنبر ده قبال كم شهر بس ...
وكل ما القصة تهيص ... القدام يقولوا ليك يا حليل زمان ...
لما كان فلان بيكتب ...وفلانة بتسوي ...
و السجك كان بيبيعوهو بالمتر ... والناس بتطلع من المولد للسحور ...
كاننا انحنا سبب الهبوط الحاد ده ...
طيب نعمل شنو ؟؟؟
نسجل ...بعدين نغيب كم سنه عشان نكون ما انحنا السبب؟
|
Post: #17
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: Muna Khugali
Date: 12-25-2012, 03:51 PM
Parent: #16
الفريني التاني ده جبتو من وين ؟
_________________________
لقاه واقع..
معاوية المدير ده مرزق
كريسماسكم كيف يا ود قباني؟
|
Post: #18
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 04:04 PM
Parent: #17
| Quote: كريسماسكم كيف يا ود قباني؟ |
بت الشيوخ كيفنِّكْ ..
بالنسبة للكريسماس ...والله خلاص وصلنا لي مرحلة القعاد بي هدوء مع الوليدات
في البيت ... عشاء و موفي ... وونسة ...ونوم وحياتك ...
وكذلك راس السنة ...
اخدنا كوتتنا ايام النادي السوري و الايطالي و الكاتوليكي ...
ايام الدنيا كانت بخيرها ...
ايام البلو ستارز ...وصديقي الجميل عاصم زين ...
وعمر قيلي و ابرزقه رحمهم الله ... ومحمد السيد ...
ايام لما تخش سينما غرب تلقي نفسك بتعرف القاعدين في السينما كلهم
خصوصا الدور التاني ...
ايام سينما البلو نايل كان البوفيه بيعمل ساندويتشات مارتاديلا و جبنه رومي ...
ايام كنا بنفصِّل بناطلينا عند مامون ... و الشارلستون كان 46 سنتي ...
|
Post: #19
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: ombadda
Date: 12-25-2012, 04:51 PM
Parent: #18
سلام، يحى قبانى.
الفرينى يظهر فى الصورة أعلاه فى قبل آخر عملة فى الصف الأخير (اصغر عملة حجما).
الشلن= 5 قروش
الريال= 10 قروش
الطرادة= 25 قرش
المليم.. سمعنا بيه وشفناه بس ما كان عنده قيمة الوقت داااك.
أما عربة الباسطة، حاولت مرارا البحث فى قوقل عن صورة لتلك العربة بلا فائدة..
عربة الباسطة عربة متحركة تجر أو تدفع باليد، وتغطى جوانبها الأربعة زجاج..(فى وقت من الأوقات كتاب المطالعة كان بيحتوى صورتين لتلك العربة.. الأولى بلا زجاج وحولها جيش من الذباب، والثانية محاطة بزجاج).
غايتو زمن...
بخصوص موضوع البوست ما عندى تعليق يذكر.
وشكرا قبانى على الصورة التوثيقية التى رسمتها بكلماتك.
|
Post: #20
Title: Re: يا جماعة - الفِلِم هندي ولا ناكل ياسطة ؟؟؟؟ خلاص زهجناااااااا
Author: يحي قباني
Date: 12-25-2012, 06:39 PM
Parent: #19
| Quote: وشكرا قبانى على الصورة التوثيقية التى رسمتها بكلماتك. |
تسلم استاذى البديع ...
رجعتنا لي زمن جميل ...
كان القرش بيفطرنا و يشربنا شاي و ناكل باسطة في الكتاب ...
زمن ...الله يرجعوا لينا بس ...
|
|