عندما أعاد إبننا (بشرى أبوبكر بشرى فنله هيثم رقم 8 فى برمنجهام لوالده

شاهدته أكثر من 10 مرات من العام 2009م عندما كنت أحضر لمنزل جارى فى حى (الوم رووك برمنجهام ) أبوبكر بشرى السيد لمتابعة مباريات الهلال إنه بشرى أبوبكر بشرى السيد إبن ال10 أعوام شاهدته بمنزلهم يلبس فنله الهلال وهيثم رقم 8 ويبدو أنه والده الهلالابى بكرى قد أشتراها له من أمدرمان معقل نادى الهلال خاصه أنهم ليسو بعدين من العرضة شمال حيث إستاد الهلال ، كان بشرى يشجع الهلال وهيثم بقوه وكثيراً ما تجده يتحدث عن هيثم وعن الهلال بحب ظاهر .
اليوم خرجنا أنا مع إبنى أيمن (11عام ) والذى لا ناقه له ولا جمل فى الكورة واللاعبين لا سودانيين ولا غيرهم والحمد لله!!! وبكرى مع إبنه بشرى من المدرسة السودانية فى طريقنا الى منازلنا وفى الطريق حكى لى بكرى متأثراً هذه القصة والتى أتمنى أن تصل هيثم مصطفى بأى طريق قبل أن تصله (نصيحتى لبشرى ) فقال لى تصدق يا بشرى البارح ولدى بشرى طلع لى من شنطتو فنله هيثم رقم 8 وقال لى أنا كنت بشجع هيثم لما كان بلعب فى الهلال وتانى ما بشجعوا وهاك الفنله بتاعتو !! فقال لى أبوبكر والله يا بشرى خنقتنى العبرة وما قدرت أرد عليهو!! فما هو ردك ليهو ؟؟ قربت منه وداعبته قليلاً وقلت له ما بتشجع هيثم تانى ؟؟ فقال لى إلا يرجع الهلال !! فقلت له لما تنزلو إجازة شيل الفنيله بتاعتو وأمشى ليهو فى التمرين أو فى النادى فى إستاد المريخ وأديها هيثم فى إيدو (صُره وخيييت ) فهل تكرم الكابتن هيثم ليستلم من إبننا بشرى فنلته الزرقاء رقم 8 وبدون تعوبض من أى لون ورقم أخر ومن بيرمنجهام سلام .

علي قول حركة ... والصور العندي شيلها شيلها .. ما أقسي أن تفقد حب الصغار قبل الكبار