أصوات ذخيرة حيه تطلق بكثافة في الخرطوم الآن

#جكسا لرصد الانتهاكات#
أكد لنا أحد مصادرنا انه يسمع أصوات ذخيرة حيه تطلق بكثافة في الخرطوم.
ولم يتسنى لنا التأكد من موقعها بالضبط.
توجهت مصادرنا لتتبع مصدر الصوت..
سنوافيكم بالتفاصيل بعد قليل.

نشرت صفحة جكسا لرصد الانتهاكات هذا الخبر في حوالي الرابعة صباحا
وأنباء غير مؤكدة عن اشتباكات في محيط القصر الجمهوري في ذلك الوقت
ـــــــــ
وربما كان للأمر علاقة باجتماع نافع بوفد من أنصار ود ابراهيم وبقية المعتقلين
والذي تمخض عن تعنت نافع - كما أوردت صحف اليوم - وتخييره لهم بين الالتزام المؤسسي اوترك الحركة والحزب


نتابع !

كلما يموت طوربيد يجينا طوربيد جديد
لا يوجد اي رصاص في اي مكان لا جنب القصر الجمهوري ولا اي مكان


ناس ود ابراهيم ديل حيجو القصر مسلحين

همس الخرطوم
ليلة البارحة حركه مكثفة لسيارات بلا أرقام وسماع أصوات ضرب نار قرب القصر الجمهوري
والازمه الاقتصاديه تفجر الخلافات داخل المكتب القيادي للمؤتمر الوطني
حتي متي يتابع الجميع صراعات اللصوص ؟؟؟؟؟؟؟


Luai Ahmed

Quote: لا يوجد اي رصاص في اي مكان لا جنب القصر الجمهوري ولا اي مكان

طيب ي(ا طوربيدة الإنقاذ )انتي ،مصدرك وين النفيتي بيهو الخبر؟؟ إلا تكوني انت آسي في محيط القصر الجمهوري أو علي اتصال بجهات (عليا عليمة) وفي الحالة دي حق علينا تسميتك بال (طوربيدة الإنقاذية)
سلام أستاذ فتحي

Quote: طيب ي(ا طوربيدة الإنقاذ )انتي ،مصدرك وين النفيتي بيهو الخبر؟؟ إلا تكوني انت آسي في محيط القصر الجمهوري أو علي اتصال بجهات (عليا عليمة) وفي الحالة دي حق علينا تسميتك بال (طوربيدة الإنقاذية)

د مرتضى يخاطب الباسط الطاير والشاهد الحصرى والدائم .والنافى الرسمى .لنظام القتلة والنهب والفساد والعنصرية

عليك الله يا مرتضى لو عندك وكت احكى لى قصة عجوبة الخربت سوبا ...



سلامات يا مرتضى

البوست نزل بعد النفي في نفس الموقع :-




.

يا شباب طمنونا

؟؟؟؟؟؟؟؟؟

شكرا الاخ محمد ايراهيم علي
نتفهم بعمق وتقدير الدوافع الانسانية التكتيكية للقائمين على صقحة جكسا .... التي دعتهم للتراجع عما نشروه على الصفحة وربنا سبحانه وتعالى كفيل بحفظ أمن وسلامة الجميع
.. .وما في زول بموت غير يومو

ونتفهم أن ثمة دوافع وطنية وانسانية استراتيجية تجعلنا نتمسك بما تراجعوا عنه

الخبر معلوم الان لكثير من المواطنين
ولا يجدي الفاسدين الانقاذيين انكاره
وحمل الناس على ذلك بأساليب تشبه ليلهم الذي أوشك أن ينجلي

time over

ضع القلم

محبة يا محمد

Quote: كلما يموت طوربيد يجينا طوربيد جديد لا يوجد اي رصاص في اي مكان لا جنب القصر الجمهوري ولا اي مكان ناس ود ابراهيم ديل حيجو القصر مسلحين

دكتورة بيان
تسلمي
والله يعافيك من كل سوء
طبعا اخونا معاوية الله يديهو العافية ويغطيهو محل ما يقبل
زول مهموم بكشف التضليل والتعتيم اللي بتمارسوا اسوا وافسد وارذل حيكومة وجدت من يوم ان خلق الله الارض
وهو في سعيو دا مرات كتيرة بينجح ومرات بيخطي
والخطا ما معناهو انو بيكضب لا سمح الله
الخطا معناهو انو بيكون ما في طريقة لاثبات الوقايع اللي حدثت فعلا
وانو قوى التعتيم بتجتهد اجتهاد زايد وتنجح مؤقتا في إخفاء الحقيقة الحا تتضخ وان طال الزمان
اها انا القدامك دا متأكد تمام التأكيد انو كان في ضرب في الصباح الباكر في الخرطوم
شنو ليك
وعندي مصادر غير ناس جكسا لرصد الانتهاكات اللي اضطروا يغيروا كلامم حماية لمصادرم من بطش نافع وارزقيتو وعملاءه الان !!!
الخبر حصل مية في المية
ومحاولات انصار ود ابراهيم ورفاقه لفك اسرهم ما توقفت ولن تتوقف الا بالانتقام الالهي منهم جميعا لبشير وسليم والتاية وطارق ومحمد عبدالسلام ومجمد موسى وعبدالحكيم وغيرم وغيرم وغيرم قربيبا
اها نحن واقفين في الضفة دي ما تزحزحنا ولا بنتزحزج مهما يحصل لينا
ولسا قااااااعدين
وقاعدين نخجل لي روحنا لما نقصر او نغلط
وقاعدين نخجل للما خجلوا ابدا انهم يبيعوا انفسهم رخيصة للقتلة والمجرمين الفاسدين الكذااااابين خلقة
تتخيلي يا استاذة كمية الناس القاعدين يستبدلوا آدميتم بنتروجين ذو رائحة الله يكرمنا ويكرمك ويكرم السامعين والقراء والشامين
عشان تتخيلي انو في ناس تانيين
زي ناس جكسا لرصد الانتهاكات
وزي ناس ود الصايم
ما شوية
وصادقين ...قدر شنو
ورجال ... قدر شنو
ومنتصرين ... قدر شنو
قريب جدا
ونشوفك !!

Quote: همس الخرطوم ليلة البارحة حركه مكثفة لسيارات بلا أرقام وسماع أصوات ضرب نار قرب القصر الجمهوري والازمه الاقتصاديه تفجر الخلافات داخل المكتب القيادي للمؤتمر الوطني حتي متي يتابع الجميع صراعات اللصوص ؟؟؟؟؟؟؟ Luai Ahmed

فيسل هليل
عساك طيب
الهمس صار جهرا
والشغلانة افلتت لدرجة تستطيع معها ان تقول
ان الإعلام الأمني المعني بالتعتيم والتضليل
هو الوحيد الان تحت السيطرة
ولن يستطيع تسويق الأكاذيب بعد الان
وان حشد الالاف من مستبدلي ادميتهم
بنتروجين نافع الزنخ!

Quote: اها انا القدامك دا متأكد تمام التأكيد انو كان في ضرب في الصباح الباكر في الخرطوم شنو ليك وعندي مصادر غير ناس جكسا لرصد الانتهاكات اللي اضطروا يغيروا كلامم حماية لمصادرم من بطش نافع وارزقيتو وعملاءه الان !!! الخبر حصل مية في المية

لم إنت متأكد تمام التأكيد ليه نقلت من ناس جكسا.....؟؟؟؟
و ليه نقلت منهم بعد ما هم نفو الخبر....؟؟؟

بالجد مثيرين للشفقة
نشر الاكاذيب وترويجها ما بقلب الحكومة
انعم بطول سلامة يا مربع من جنس ديل الحبة ما بتجيك
حليل الوطن المنتظر المسيلمات يكلونا عن المسلمات

لا يوجد اي اصوات رصاص الا في عرس كد ضربوا كم رصاصة في الهوا
زول مدردق

Quote: زي ناس جكسا لرصد الانتهاكات وزي ناس ود الصايم ما شوية وصادقين ...قدر شنو ورجال ... قدر شنو ومنتصرين ... قدر شنو

يا فتحي معاوية الصايم باعترافه وبكيبورده وبكامل ارادته ووعيه اعترف بكذبه هنا, من يكذب مرة ممكن يكذب كل مرة
فمسألة إلصاق صفة الصادق على اطلاقها كدا به لا تصح
قد تكون ما تابعت اعترافه بكذبه من قبل يمكن الرجوع لهذا الرابط Re: اعتذار

دكتور مرتضي
الصديق معاوية

يديكم العافية وتشكروا على المرور

الفرق واضح وكبير بين من يتداخل ويكتب هنا .. وهو يواجه السلطة الفاسدة ويتحمل تبعات حربه لها وحربها له ... كاملة غير منقوصة ... كأمثالكم
وبين من يتداخل ويكتب .....في جهة مصالح السلطة الفاسدة ... و(يتحمل !!) تبعات ذلك أيضا (كاملة !!!!) غير منقوصة ... كأمثالهم

دا كلو مفهوم!
الما مقبول على الإطلاق انو يتوقعوا انهم ممكن يكونوا أكفاء لكم ... ويتحدثوا ... عن البصح وما بصح

البختشوا ماتوا!!!

وبعدين نفس الغباوة بقعوا فيها كل مرة
مالم جوا للبوست دا يجاروو (زي الدافعين ليهم قروش )
لو لم يكن مطلوبا وبإلحاح شديد تكذيب ما (حدث) فعلا ؟؟؟


محبتي وودي وتقديري
شكرا لكما

Quote: شكرا الاخ محمد ايراهيم علي محبة يا محمد

ما بحلك يا بحيري
ود ابراهيم زول "دوغري" وما بعرف الكعوجة حقتكم دي

طااااخ لزقها ليك في وشك
تحبو، تشكرو
ما بحلك

Quote: لو لم يكن مطلوبا وبإلحاح شديد تكذيب ما (حدث) فعلا ؟؟؟

المشكلة انكم ما قادرين تفهمو انو في ناس بتبحث عن الصدق والمصداقية
الشغلة كانت بسيطة
من اورد الخبر، اعتذر واعترف بي انو الخبر خالي من المصداقية
كان بكل يسر وسهولة انك كمان تتراجع، بدل المعاندة والمكابرة

الأخ الفاضل بحيري

تحياتي واحتراماتي لك ولضيوفك الاكارم .

كتب الأخ الشفيع

Quote: من اورد الخبر، اعتذر واعترف بي انو الخبر خالي من المصداقية كان بكل يسر وسهولة انك كمان تتراجع، بدل المعاندة والمكابرة

يعني الغريب شنو في الموضوع ده لو سابو أو اعتذر ويعتذر ليه في شنو قدر ده ؟

حكومة منفلته وامن منفلت وكل المكتوب ده باعتبار ما سوف يكون بدون شك كمان نغالط القواعد .

الجهة الكتبت المقال ما كنت تحدد الوقت بالضبط لكن اتي لامحااااااااااااال . يعني اسه لو قال اسرائيل

ما كنت جيت رديت موش؟

ﺍﻟﻤﺎ ﻣﻘﺒﻮﻝ ﻋﻠﻰ ﺍﻹﻃﻼﻕ ﺍﻧﻮ ﻳﺘﻮﻗﻌﻮﺍ ﺍﻧﻬﻢ ﻣﻤﻜﻦ ﻳﻜﻮﻧﻮﺍ ﺃﻛﻔﺎﺀ
ﻟﻜﻢ ... ﻭﻳﺘﺤﺪﺛﻮﺍ ... ﻋﻦ ﺍﻟﺒﺼﺢ ﻭﻣﺎ ﺑﺼﺢ
__________________________
غايتو يا فتحي لو عنيتني في من عنيت بقولك اعلاه تكون بالغت عديل!
كون معاوية معارض للحكومة حاجة وكونه كذاب حاجة تانية لا تعارض بينهما
ولا يعني كونه معارض انها رخصة له للكذب او تجعله مغفور الذنوب
معارضة الظلم و الانتهاكات لا تكون بنفس ادواته - غايتو دا المنطق و حديث العقل البنعرفه بقول كدا

Quote: وكل المكتوب ده باعتبار ما سوف يكون بدون شك كمان نغالط القواعد .

غايتو ده أغرب تبرير يلاقيني من ما دخلت حوش بكري يا بت عمسيب
(باعتبار ما سوف يكون)
(باعتبار ما سوف يكون)
(باعتبار ما سوف يكون)

طيب (الآن) دي لزومها شنو؟
وبدون شك كمان
بقيتو تعلمو الغيب يا منى؟

Quote: غايتو يا فتحي لو عنيتني في من عنيت بقولك اعلاه تكون بالغت عديل! كون معاوية معارض للحكومة حاجة وكونه كذاب حاجة تانية لا تعارض بينهما ولا يعني كونه معارض انها رخصة له للكذب او تجعله مغفور الذنوب معارضة الظلم و الانتهاكات لا تكون بنفس ادواته - غايتو دا المنطق و حديث العقل البنعرفه بقول كدا

إطلاقا يا ود البشرى
انت ما معني بي كلامي دا
طالما انك تتداخل عن قناعة وأصالة واستقلالية
وطالما أنك لا تتماهى كل التماهي مع نظام يقتل شعبه
ويدمر مقدرات بلاده
واظن ان ذلك واضح هنا
ومشكلتك تكمن في الصنديد ود الصايم
وكون انه اعتذر انه كذب مرة أو مرتين
تحسب له لا عليه
وترفع درجات فوق درجات فوق درجات
على قادة النظام الذي لا عيشة له سوى الكذب
ناهيك عن أتباعهم
وأتباع أتباعهم
.......
وأتباع أتباع أتباع أتباع أتباعهم

Quote: نشر الاكاذيب وترويجها ما بقلب الحكومة انعم بطول سلامة يا مربع من جنس ديل الحبة ما بتجيك

الدكتورة نجاة ............فالنفترض ان الحكومة لن تنقلب كما اسلفتي ........السؤال ومالذي يقلقك في حال ظلت الحكومة هكذا ولم تنقلب؟ دعك من تصنيف المعارضة ......هل تعتبرك الحكومة خصمةُ لها ؟ وعلي المستوى المحلي "سودانيز" هل تعدين نفسك علي درجة من الخصومة مع منسوبي الانقاذ هنا؟ وهل يبادولنك الخصومة السياسية؟
أتمني ان اقراء رد علي هذه التساؤلات لعلي اتفهم موقفك من النظام وان كان موقفك من المعارضة واضح وجلي.............