Post: #1 Title: يا نافــع ما تهـرش الناس ديل ياخ !! Author: Abd Alla Elhabib Date: 12-19-2012, 08:44 PM
Post: #2 Title: Re: يا نافــع ما تهـرش الناس ديل ياخ !! Author: Abd Alla Elhabib Date: 12-19-2012, 08:51 PM Parent: #1
الصيادين المساكين ديل وأصحاب القوارب ما إتضرروا بلحـــيل ، الناس ديل ما راعياكم يا زول .. إتحركو شوية !
Post: #3 Title: Re: يا نافــع ما تهـرش الناس ديل ياخ !! Author: مها عبد الله Date: 12-19-2012, 09:12 PM Parent: #2
نافع ما بينفع فى حالة زي دي يا عبد الله ، نتوقع تصريحات ساطورية نارية من الحاج آدم أو بُعد نظر أكبر لليمبي !
لا وعندهم نفس يحتفلوا بالإستقلال والسيادة الوطنية واللعلعة لسه ما بدأت .
Post: #4 Title: Re: يا نافــع ما تهـرش الناس ديل ياخ !! Author: Abd Alla Elhabib Date: 12-19-2012, 11:02 PM Parent: #3
سامعـين ?! .... إستعراض عضلات شديد هنا كدا أركب الهوا أو الزلط ... أمشي أديها نظـــرة وإتكلـم مع الناس ديل .. مش هم رعاياك برضو? وبي المـرة شوف بني صهيون ديل عايزين شنو بالظبط ? ما تقعـــد تتفاصح وتتراجــل فينا هنا في الفاضـي !
Post: #5 Title: Re: يا نافــع ما تهـرش الناس ديل ياخ !! Author: عبد المنعم سيد احمد Date: 12-19-2012, 11:05 PM Parent: #3
Quote: الصيادين المساكين ديل وأصحاب القوارب ما إتضرروا بلحـــيل ، الناس ديل ما راعياكم يا زول .. إتحركو شوية !
لن يتحرك نافع الا لمزيد من القتل والسحل لشعب شبع ذلا وقتلا تحياتى ياصديق
Post: #6 Title: Re: يا نافــع ما تهـرش الناس ديل ياخ !! Author: Abd Alla Elhabib Date: 12-19-2012, 11:59 PM Parent: #5
Quote: نافع ما بينفع فى حالة زي دي يا عبد الله ،نتوقع تصريحات ساطورية نارية من الحاج آدم أو بُعد نظر أكبر لليمبي ! لا وعندهم نفس يحتفلوا بالإستقلال والسيادة الوطنية واللعلعة لسه ما بدأت .
أهـلاً بيك يامها .. معقولة ياخ .. نافع ما نافع في حسم المواقف الصعبة ? شايفو الأيام دي حريص علي لعب دور المطمناتي .. محاولة إنقلاب يطَـمّن .. تحركات الجبهة الثورية ومعاركها الشرسة يطَـمّن ... باقي لي هـو الفاعـل في تأمـين الإنقاذ !! إسـرائيل ما قطعت قلب البلد بالخـوف .. ما تَطَـمّــنا ياخ ! الحاج آدم ده زول مسكـين ساي .. لا يكاد يصدق الإستوزار بعـد الفـرار !!
Post: #7 Title: Re: يا نافــع ما تهـرش الناس ديل ياخ !! Author: Abd Alla Elhabib Date: 12-20-2012, 00:37 AM Parent: #6
Quote: لن يتحرك نافع الا لمزيد من القتل والسحل لشعب شبع ذلا وقتلا
يا للخــيبة والخيابة شخـصٌ بكـل هذا المستوي الرفيع من التعليم الجامعي وما فوقه ثم التدريس بجامعـة الخرطوم .. كل ذلك لم يوقف نافع عن ممارسة التعذيب بحق معارضي الإنقاذ ثم قتلهم ... كل ذلك مـن أجل كرسي السـلـطة ??!! قـْل لنا يا نافع .. بماذا نفعـت الناس طيلة جلوسك علي كرســي السـُلطة ?!! ------------------ تحياتي حبيبنا منعـم وربنا يحفظ السودان ويخلصه من الأشرار.