Post: #1 Title: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-13-2012, 10:22 AM
تلقت السفارة السودانية بالرياض خطاباً من قبل وزارة الخارجية السعودية يطالب بوقف أنشطة جميع الروابط والجمعيات والاتحادات التي تنشط في مختلف مدن المملكة العربية السعودية. ورفض القنصل العام بالسفارة السودانية رحمة الله عبد الرحمن التعليق على القرار، وموقف السفارة السودانية، في اطار معرفة دواعي القرار وتوقيته.. واكتفى بالقول: إن القرار وجه إلى جميع السفارات وليست للسفارة السودانية وحدها. ويشار إلى أن هناك اكثر من «400» رابطة وجمعية واتحاد مهني وجهوي ينشط بالمملكة العربية السعودية منذ عقود طويلة، حيث مكونات المجتمع المدني تمارس أنشطتها بحرية واسعة تحت مظلة السلطات السعودية والسفارة السودانية قبل أن تفاجأ بهذا القرار. الصحافة
التعليق علي الموضوع والسفارة في العمارة ...... غايتو يا اللمبي تلقط في البوارج الايرانيه تغطس بيها حجر الناس الحاجة الوحيدة البتلم الناس وترفه ليهم حكاية التجمعات يمين بالله الكيزان تكون معاهم هناك اعوقوك تطلع منهم اضربوك في الانكل ياخ لو جاك موت الله ودخلته المقابر ما تسلم من اذيتهم وخاصة لو جارك القريب في المقابر كوز احميك رقدت الواطه الابدية من الكوراك والبكي من عذاب القبر الله استر ما اعملو فينا عملية الكويت عاد نقبل وين .... اخونا ود البوش قال لي نكته مع التعديل نرشحها : قال لو في زول قال ماشي السودان نهائي وهو بعرفو بنصحو ما إتخذ قرار اهوج وكان ما بعرف الزول وسمعو بتونس بقول في سرو الزول ده كلجه (((.........) ممكن كمعني ننسبها للزول العوير)) عشان الموضوع ما انطبق عليهو ممنوع دخول اقل من 18 سنة ... واحد زميل في البورد هنا وانشاءالله ما إشوف المفترع الراجل قال نازل السودان نهائي قلنا ليهو :يا أخونا معقولة اتخذته قرار خطير بالسهوله دي اعقل وحسب الامور حلف طلاق الموضوع ما فيهو نقاش خلاس قفلت معاهو يعني شنو اقعد هنا عشان ياكل تفاح وعنب لالوب السودان احسن ليهو... قلنا ليهو يا راجل حكاية لالوب ودوم خليها طيب اعمل خروج وعودة تسعة شهور لو لقيت البلد نفعت اقعد لو الامور ما مشت كويس تعال راجع.... حلف تاني عمره ما جاي عمل الشعائر الدينيه زمان وخلاس الموضع انتهي إتوكل علي الله ومشي السودان. ع ليك امان الله ما قعد التسعه شهور القلناها ليهو تلفوناتو قعدت تتخابط شوفو لي فيزا بي اي طريقة بي اي مبلغ الحقونا يا جماعه. الزول عندو بيت بناهو في ابو ادم ول ود ادم ما عارف ((سؤال ابو ادم لو حي قديم معليش لو جديد جلت كيف من اسماء الانقاذ)) اها نكمل قعد فيهو الاولاد وقال عايز افتح بقالة ضلفتين زي بتاعات السعوديه تخش تتبضع براك وتجي تسدد في الكاشير ((ولد ده)) لمو ليك فيهو الجماعه الواحد بكون عايز مرقة دجاج الف البقالة كلها افتش فيها واحشي في جيبو من الحاجات التانية وقت اجي للمحاسبه احاسب حق المرقه .... ده كلو هين عمل ليهو كراسي بره تعال شوف الوناسة الواحد بعد الونسه تنتهي ادين ليهو رطلين سكر وشاي ابو غزالتين بعد شويه البقالة جرت واطي دخل دور السماسره عندو كورلا نزل بيها قالو ليهو تبيعا وتجيب نوبيرا بالفرق عشان تملاء البقالة عليك امان الله لحقو امات طه المهم باختصار البقالة والكورلا والمقايضات مرورا بالرقشه لقي عنو مكينة تصوير .... تصدقوا بالله مكينة تصوير السماسره قالو ليهو عشان تعمل بيها محل خدمات طالب ده كلام يا جماع يعني امشي للاسود في بيوتها قال خدمات طالب.... والوناسه المصاحبنو زولك من دقة الدلجه سلام الله ما بدوهو ليهو . ده كلو هين ول المرأة الفي عمان زوجها راجع نهائي وعمل الخروج وحجز التذاكر وقت الناس ماشين المطار فتشو ليها سقط لقط ما لقوها الي بعد كم يوم من البحث مدسيه مع زولة صاحبتا وخلت اولادا للراجل قالو ليها الكلام ده عيب يا مرأة قالت ((متنضرة وحالفه ما تشيل كراعا للمطار القريب هنا خلي السودان)) . حسي خلي واحد من المغتربين اقول للمرأة ماشي نهائي لو ما باليل سقوهو الصبغة عشان اطلع خروج نهائي من الدنيا. نسيت الموضوع الاساسي سفير الهناء ما يعمل لينا استرحام وفك الكتمة انشاءالله اقول ليهم بتاعت عادل امام .... الناس ديل غلابة... ما عندهم شغله بي بوارج و ل سفن وفيهم ناس السفن ما شافوها الي بعد جاتهم الفيزا وقطعو البحر الاحمر وبعدين الناس ديل ظروفهم في السودان زي الزفت بتلملموا عشان اجمعو قروش لي الاهل في شكل جمعيات اسريه وجمعيات تعاونية كده المسالة بتاثر علي اقتصاديات الاسر في السودان وممكن ناس تموت عديل طيب يا سعادة السفير لو كلامي ما اقتعنت بيهو انجد اخوانك ناس المؤتمر الوطني تاني اجتمعو وييييييييييييين وكييييييييييف ؟؟؟؟؟ ما حيرتك
ريحتونا من تخمخم الشفع وجرجرت النسوان للقاعات والاستراحات يلا حدائق البلديات قفلوها باقي لينا صالات الالعاب المغلقة وكده الواحد يوم الاربعاء والخميس اجلد النوم والنسوان اكلن نيم
Post: #2 Title: Re: هع السعودية ادتنا الوش الشين ... نسوان السعودية اكلو نيم Author: حمد عبد الغفار عمر Date: 12-13-2012, 10:30 AM Parent: #1
يا عباس سلام
يا خ خلعتنا
أنا قلت خلاس قالوا ما عايزين نسوان سودانيات في السعودية
كان على الكتمة هينة
ولادة بس
تملأ ليها البيت شفع تخلي ليها اليوم دا تشوفو 6 ساعات بس
Post: #3 Title: Re: هع السعودية ادتنا الوش الشين ... نسوان السعودية اكلو نيم Author: عبدالله ود البوش Date: 12-13-2012, 11:09 AM Parent: #2
عباس الدسيس يا صاحب سلامات ياخي شنو يا زول شيل الحال دا وكمان بالاسم بالكامل ولا بالحروف والزول التاني اشرت بانه بوردابي ..... دي حقارة منك بس . . عاين جاي قاليك واحد من الشباب اتصل على نسيبو وعمو في نفس الوقت وقاليهو داير فيزا نسيبو اشترى ليهو الفيزا وزولك وصلتو كدا الحيرة قابلتو وبقى اغني زاد وجدي ونوم عيني اصبح قليل شهرين تلاتة ورجع نهائي هناك العيشة قبلت عليهو والزنقة حصلت تااااااااااااني اتصل على عمو وقاليهو داير فيزا قام عمك قاليهو والله تاني كان خراك جا مارق بالتلفون دا كررررررررر في اضاني دي تاني ما ارسل ليك فيزا ههههههههههه
Post: #4 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-13-2012, 11:12 AM Parent: #2
Quote: يا عباس سلام
يا خ خلعتنا
أنا قلت خلاس قالوا ما عايزين نسوان سودانيات في السعودية
كان على الكتمة هينة
ولادة بس
تملأ ليها البيت شفع تخلي ليها اليوم دا تشوفو 6 ساعات بس
حمد يا وجيه سلام قلت لي تعدوها انتاج .... شغل نضيف يا حبه . صاحبنا وقت اسجل ليهو زيارة أو اكون عازمك غذاء بالله يدك كان ما ربطها بي حريره ما تعرفا من كثرة الشفع. ما دام قررت تشتغل انتاج ابعد من الكبسه مضرة جدا .... تعرف مرة واحد سعودي قال لي عايز في موضوع مهم لازم انا وانت بس المسألة اقلقت بي قعدته اتزاوغ منو قلته يا زول حسي اقول ليك ديني قروش مرة ذراني في غرفة التدخين انا وهو والنجم والمساء فقط طفيت السجارة في نصها وعايز اكب الزوقة طب قبض يدي يا زول انا ما مصدق لميت فيك قالو عندكم علاج جنسي اسمو الكوارع (( الموضوع تري بيني وبينك تكفي ما إطلع لي حد تاني ... جاني بعد نص ساعة وقال لي :عباس الناس تطالع فيني وتضحك ايش فيهم ... اخوك ما بقصر)) . قلته ليهو بالحيل عندنا والله وصفت ليهو المطابخ السودانيه بعد كم اسبوع رجع لي (( يا زول ولله انتو السودانيين خطيرين مرة)) أنا اتنفشته والموضوع عجبني الزول فكيت ليهو حيرتو وبعاداتنا اديتو اضافات ... شوف يا رجال والله عندنا حاجة اسمها كول تعالج التهاب الوباء الكبدي وبرضو زي حالتك دي اخطر من الكوارع . الراجل كل ما اقلبني (( عباس ابي الكوارع شوفا لينا انشاءالله ابعتوها بي DHL أنا اتحمل المصاريف)) ابي الكوارع .... ابي الكوارع ... ابي الكوارع قده بيها اضاني تلفونات ساكني وفي المكتب ساكني كرهني عيشتي عندنا ويكه في البيت خلطها بي كركم مع اضافة شوية شطه قلته اتفكا منو الراجل قال بشرب فيها علي الريق واحسن من الكوارع انا قربته اصدق. حمد سؤال بالله جد اتخلعته بسفر السودان و ل زهجته من القرار بعد تقليص ادوات الترفيه الجماعة كل خميس اسوقوك الاسواق ؟؟؟؟
Post: #5 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-13-2012, 11:45 AM Parent: #4
Quote: عاين جاي قاليك واحد من الشباب اتصل على نسيبو وعمو في نفس الوقت وقاليهو داير فيزا نسيبو اشترى ليهو الفيزا وزولك وصلتو كدا الحيرة قابلتو وبقى اغني زاد وجدي ونوم عيني اصبح قليل شهرين تلاتة ورجع نهائي هناك العيشة قبلت عليهو والزنقة حصلت تااااااااااااني اتصل على عمو وقاليهو داير فيزا قام عمك قاليهو والله تاني كان خراك جا مارق بالتلفون دا كررررررررر في اضاني دي تاني ما ارسل ليك فيزا ههههههههههه
ود البوش يا شيخ العرب سلام يا وجيه غ ايتو عندك حكاوي وطرائف من الضحك لما الواحد تجيهو فلايت. بي طريقتك دي يوم بتقتل لي زول . في واحده عا########ي بس حقتك طفتها عديل وهي: عروس جابوها طرد للعريس جديده كرت والراجل المسكين محمول في السودان اجازة ما بقدر انزل وشغال في مؤسسة دوامين . اول يوم اخذ اجازة للعروس تاني يوم نزل الشغل الصباح من 8 لي 12 المساء من 4 لي 10 باقي الزمن في النص رايح اشارات وزحمة طريق والزمن البعد عشرة حتي الساعة 12 ليلا اصل البيت مهدود وتعبان المسكين وهكذا دواليك اقوم الصباح بت الناس متعوده علي شاي الصباح وما دخلت في فورمة النوم لي الساعة واحده ظهرا بتاعت نسوان السعودية . الراجل كل مالبس هدومو وطالع تقول ليهو وين اقول ليها ماشي للدوام بالليل اجي تعبان اجلد النوم والزوجه خاته يدها في خدها متحيره بعد فترة قفلت معاها حلفت تاني ما تقعد في السعودية وعايزة الطلاق النهائي بالتلاتة دخلو الاجاويد ناس العمم عشان المشكله تتحل لازم اعرفو السبب شنو غايتو بعد دردقوها مع ايات قرانيه وحق الزوجه قالت ليهم خلاس انا بقعد بس الراجل افارق صاحبو الدوام الناطي ليهو كل دقيقه وخرب بيتنا
Post: #7 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-15-2012, 06:54 AM Parent: #6
Quote: الدسيس
خلوا نسوان السعودية يمشوا ال Gym
أحسن من المات والنوم
وضاحة سلام يا استاذة ناس السعودية شغالين حسب الابحاث الامريكيه: هذا ما أكدته باحثة أمريكية في دراسة جديدة نشرت مؤخراً. وقالت الدكتورة جاكلين سونا، أخصائية علاج المشكلات الزوجية الأمريكية، إن ما خلصت إليه الدراسة يبدو غريباً ولكنها الحقيقة،على حد قولها. وأكدت أن نسبة الطلاق ومشكلات الأسرة في المجتمعات ستقل إذا اختار الرجال زوجات سمينات أو دميمات وأوضحت في دراستها التي استمرت خمس سنوات أن النساء البدينات يعتبرن أفضل الزوجات لأن من السهل التعامل معهن. فهن لا يفسدن بالإطراء والتدليل مثل نظيراتهن الجميلات من النحيفات السريعات الغضب كلما ضايقهن شيء. كما أنهن أكثر قدرة على التفاهم وتحمل فظاظة الزوج بسبب مهارتهن في تصريف أمورهن التي تعلمنها منذ الطفولة وعدم اعتمادهن على الجمال فقط كالأخريات. وترى سونا أن السيدات من ذوات الوزن الثقيل يعرفن كيف يضفين السرور على حياة الرجل وذلك لتمتعهن بحس مرهف وشهية كبيرة للمسرات الحسية للحياة،مؤكدة أن أي رجل يوفق في اختيار عروس بدينة سيكون محظوظاً وسعيداً جداً. وأفادت في الدراسة التي نشرتها مجلة "عالم المرأة" أن البدينات أكثر ثقة بأنفسهن وأفضل صحة ويكرسن كل طاقتهن لزواجهن ويعملن على إنجاحه بعكس النحيفات اللاتي يكثرن من القلق على مظهرن ويلتزمن دائماً بنظام حمية معينة، مشيرة إلى أنهن أفضل الأمهات لأنهن تعودن على ألا يكن بؤرة اهتمام الأسرة وبالتالي فهن يكرسن أنفسهن وأوقاتهن في سبيل إسعاد الزوج والأطفال أكثر من غيرهن من النساء الأخريات اللاتي يهتممن بمظهرهن فقط ولا يفكرن إلا في أنفسهن.
اعملي حسابك يا وضاحة والدراسة الروسية اثبتت أن نسوان السعودية شرسات وبما انهم بتاوقو هنا احتمال تجيبي ليك حملة مسعورة ............. بالاحمر اضافة مني
Post: #8 Title: Re: هع السعودية ادتنا الوش الشين ... نسوان السعودية اكلو نيم Author: Asim Fageary Date: 12-15-2012, 07:19 AM Parent: #7
يا عباس إزيك
يعني يا عباس بكلامك دا نعتمد للبوست دا مثل نسميهو مثل البوست
(صاحب السمحة وعرس الشينة)
؟
التعديل في الإسم
Post: #9 Title: Re: هع السعودية ادتنا الوش الشين ... نسوان السعودية اكلو نيم Author: Deng Date: 12-15-2012, 07:30 AM Parent: #8
Quote: الدسيس
خلوا نسوان السعودية يمشوا ال Gym
أحسن من المات والنوم
وضاحة.
بطلي شتارة.
Post: #10 Title: Re: هع السعودية ادتنا الوش الشين ... نسوان السعودية اكلو نيم Author: ismeil abbas Date: 12-15-2012, 07:32 AM Parent: #7
عباس يا دسيس السلام عليكم.
Quote: حسي خلي واحد من المغتربين اقول للمرأة ماشي نهائي لو ما باليل سقوهو الصبغة عشان اطلع خروج نهائي من الدنيا.
طيب ما تفكونى من مرتى دى وأقنعوها..تقول ليك السودان مافى أحسن منو..قاعدة فى بيتى وبمرح فى حوشى وأهلى جنبى..بالرغم من إنها كانت قاعدة 18سنة هنا..
بقيت أفنع فيها بأنو عندنا لقمة هنا ما إنقطعت.وما تحكمك العاطفة وحكمى عقلك..
عموماً يا جماعة السودان كان كعب وللا سمح الواحد لو عملوا ليهو خروج نهائى ياهو البودوهو ليهو...بس أركزوا زى ماقال ودالباوقة.
تقديرى وإحترامى للجميع.
Post: #11 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-15-2012, 08:05 AM Parent: #10
Quote: يا عباس إزيك
يعني عبسا بكلامك نعتمد للبوست دا مثل نسميهو مثل البوست
(صاحب السمحة وعرس الشينة)
عاصم يا وجيه سلامات في الزمن العلينا البنات كلهم بقو سمحات مالم تكشف عن حالتها سليقة ((بدون مكياج)) والشنه بتتعرف بعد الزواج لما تغسل وجهها يعني صاحب السمحه وعرس الشينه لامكانية عدم التمييز المقوله سقطت ممكن تكون بالعكس للنساء قبل كده قابلنا في الصحف اعتقد تكون سمعت بالكويتيه مسئولة كبيرة تطالب الدولة بالسماح للكويتية أن تشتري زوج جميل ووسيم من اي دولة اوربية او آسيوية نرجع ونجي للقروش يا الحبيب السماحة قروش و ل رايك شنو
Post: #12 Title: Re: هع السعودية ادتنا الوش الشين ... نسوان السعودية اكلو نيم Author: Deng Date: 12-15-2012, 08:11 AM Parent: #11
الأخ الدسيس.
وين أخونا ود الباوقة. عاوزين نعرف أنو مع (علي) ولا مع( معاوية )؟
Post: #13 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-15-2012, 08:45 AM Parent: #12
Quote: وضاحة.
بطلي شتارة
Quote: الأخ الدسيس.
وين أخونا ود الباوقة. عاوزين نعرف أنو مع (علي) ولا مع( معاوية )؟
دينق يا وجيه سلامات وضاحة زولة لذيذة عندها شوتات كده لو حارس المرمي تابعا بتقص ضهرو
ود الباوقة ياااااه نسيناهو عديل احترنا فيهو الزول بالله تقول متهم بقتل طلاب جامعة الجزيرة غطس غطسه بي عكازو الشايلو الغريبه سيدو برضو مختفي احتمال ممارض البشير و ل خايف الجنائية اليومين مسخنه احتمال اصدار امر قبض علي نافع وعلي عثمان واخرين وود الباوقه شايل عكازو اعرض بقول احتمالات تجيني كفوة احتمال اخر كبير ود الباوقة اقلب من الجماعه ديل الموضوع خلاس وصل مرحلة ممكن اجيب مصيبة للزول ........... تحياتي
Post: #14 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-15-2012, 09:05 AM Parent: #13
Quote: عباس يا دسيس السلام عليكم.
طيب ما تفكونى من مرتى دى وأقنعوها..تقول ليك السودان مافى أحسن منو..قاعدة فى بيتى وبمرح فى حوشى وأهلى جنبى..بالرغم من إنها كانت قاعدة 18سنة هنا..
بقيت أفنع فيها بأنو عندنا لقمة هنا ما إنقطعت.وما تحكمك العاطفة وحكمى عقلك..
عموماً يا جماعة السودان كان كعب وللا سمح الواحد لو عملوا ليهو خروج نهائى ياهو البودوهو ليهو...بس أركزوا زى ماقال ودالباوقة.
تقديرى وإحترامى للجميع.
الزعيم سلام وتحايا حالتك بي حليفتا شاذة ولا يمكن القياس عليها كنت بناقش في زول مهندس معانا في الشركة وزوجتو قاعده عن تداعيات التحالف الايراني السوداني والقاعده التي سوف يتم انشاؤها ببورتسودان والكلام لو تاكد فعلا مصيبة ، يقال وطبعا الشايعات بتطلع السعودية ودول الخليج تدرس في اتخاذ قرار بطرد السودانيين .... تصدق بجد والله زوجتو قاعدة معانا قالت ليهو لو طردوكم وما مشيتو شيلتو السلاح طلقني. السودان ما مابينو الواحد اسال روحو قاعد هنا محلحل مليون مشكله لي الناس هناك وشايل كم اسرة ارجع اصبح عالة بعدين خاصة الزينا الودوهم الشارع وقلعو وظايفم اها لو رجعنا نشتغل شنو؟؟؟؟ سوق الله احتكرو !!!! من هنا نتجه غربا لي قدام اصلو تاني ما بنرمي وراء بس انشاءالله القطب الشمالي.
Post: #15 Title: Re: هع السعودية ادتنا الوش الشين ... نسوان السعودية اكلو نيم Author: Hisham Ibrahim Date: 12-15-2012, 11:59 AM Parent: #14
هو الرياض والا السعودية فرقها بقى من السودان شنو ..؟
هشام سلام يا الحبيب ياخ والله انت الذ زول في الناس الهنا وقت اعمل مفترع وما تزورني بالجد بفقدك ما سمعت بي حكاية الزول الجاي السعودية اول مرة بالبحر ومن ختا كراعو في ميناء جدة لقي ليهو ريال واقع قال : اهاااااااااااا من هنا بدينا نلقط هع جاك بلي يا السعودية كمان ما تقول ضهري محني تاني برفع عيني من الواطه ...... الفرق اول الريال يا برشلونة انت ثم ثانيا هيئة النهي عن المعروف ما بتسألك ساكت بدون مخالفة كمان حصل تطور السكاري بفكوهم بضامن اجنبي اسألني انا فكيت كم ....اما هناك لو عتر ليك حجر في الشارع بتاخذ 40 جلدة وممكن بتاع انضباط مكجنك اطين عيشتك وازيدك من البيت شعر انا هنا يوم واحد ما زرزرني عسكري وقال لي وين اقامتك مالم اكون داخل مؤسسة حكومية امنية أو فندق كبير هناك عندنا كل دفار كشة خدمة وطنيه تلقي روحك مجهجه مع الناس وفي وطنك اسألوك من البطاقة الكلام ده بعد تترفع وتمشي المعسكر وتأخذ ليك تمردقة في الواطة وكان علي ناس المرور عيييييييييييييك هنا كمرات والمخالفة العسكري ما بتكلم معاك تلقاها في حسابك وبتمشي جيب الحكومة هناك بعد تأخذ ليك كم كلمة شينة حق المخالفة بمشي جيب العسكري .... شوفتا الفرق يا فردة
Post: #17 Title: Re: هع السعودية ادتنا الوش الشين ... نسوان السعودية اكلو نيم Author: د.نجاة محمود Date: 12-15-2012, 03:51 PM Parent: #16
يا سلام عليك ياخي زمممممممممممممممممممممممممن من كتابة حلوة ذي دي
وضاحه خلى الشتارة اقل شى راعى لمشاعر اخواتك الفى المنبر ده تصدقى عاجباتننا جنس عجب والله صحى!!!
Post: #19 Title: Re: هع السعودية ادتنا الوش الشين ... نسوان السعودية اكلو نيم Author: الامين موسى البشاري Date: 12-15-2012, 11:45 PM Parent: #18
Quote: وضاحه خلى الشتارة اقل شى راعى لمشاعر اخواتك الفى المنبر ده تصدقى عاجباتننا جنس عجب والله صحى!!!
يا وضاحة في واحدة قالت ليكـ نحمد الله معرسات وراقدات فوق بيوتنا .. والله صحي
وضاحة بالجد والله في واحدة قالت لي البت الشليقة العلقت علينا دي منو؟ بلا GYM بلا قرف هي ماله ومالنا ياخ نحن شغل بيوتنا وتربية أولادنا دا براهو أكبر GYM
Post: #23 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-16-2012, 06:19 AM Parent: #22
Quote: يا سلام عليك ياخي زمممممممممممممممممممممممممن من كتابة حلوة ذي دي
حتكون كاتبي المفضل للفصل القادم
سلام يا دكتورة سعيد بمتابعتك ويا سلام علي حضورك انتي وتشريفنا نتمني ان نكون دائما عند حسن ظنكم باقي انتو يا ناس سودانيز زوقكم عالي والتكجنو كتاباتو إلملم كرامتو وامشي شهادة ما ساهلة عشان اطيب لينا المقام معاكم تقديري واحترامي
Post: #24 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-16-2012, 07:08 AM Parent: #23
Quote: وضاحه خلى الشتارة اقل شى راعى لمشاعر اخواتك الفى المنبر ده تصدقى عاجباتننا جنس عجب والله صحى!!!
ودالموج سلام يا حبيب أجي يا مدني ..... كنت بسمعا عند النسوان ما وقعت لي الي بعد فترة طويلة بعد اتكرم علي واحد وشرح المقولة زولة من المقاسات الكبيرة بتفتش لي بصات مدني في السوق الشعب سنار مع الدفسيبه والزحمة كلما تمشي لي بص اقولو ليها ما بتاع مدني كمسنجي ود حلال وصف ليها محل بصات مدني مشت عليها وحصلت ليها لخبته مع بتاعات سنجة ناس المقاسات الكبيرة وقت الحاجة تبقي في التفتيش المشي بكون متعب ليهم الزولة افتكرت وصلت الميس وبدت ترفع في رجلها في البص المقعد القدامي فيهو واحده من شافت الحجم الكبير شالت هم وهي طالعة البص كراع فوق التانية تحت بتسائل في الراكبه فوق ...ده بص مدني وفي لحظة السؤال كانت خروج الغازات الراكبه فوق قالت ليها .......((اجي يا مدني)) كانت امنيتي اتزوج لي واحده سمينة .... والامنيات لا تاتي بالتمني فترة الثانوي وحب المراهقة الله اكرمني بي زولة سمينة الله اقطع الكماسرة بتاعين موقف مدني مشوار توصيل الحبيبه للمواصلات البتستمتع بيهو في الونسة وشغل الود طابق كل ما اشوفوني بصوت واحد ((الدفار حار .. الدفار حار.... الدفارحار)).
Post: #25 Title: Re: هع السعودية ادتنا الوش الشين ... نسوان السعودية اكلو نيم Author: ياسر السر Date: 12-16-2012, 07:55 AM Parent: #24
الحبيب عباس الدسيس ياخ كتاباتك دائما جميلة وجديده ,, لكن بي موضوع منع الجاليات ده راس السوط هبشنا ولا شنو ؟؟ غايتو يا عبس لو طردونا من التعوسية دي اخوك بعد كده ما عندو حل غير الفي بالي بالك .. وذي ما قالو كان غلبك سدها وسع قدها .. والغربية المرة كل يوم الصباح تقول لي ياخ نرجع السودان اخير لينا من الغربة دي بس لمن اقول ليها مافي مشكلة لكن هناك بشتغل .......... طوالي ترفض وتقول لي خلاص اكان كده حا نقعد هنا باقي عمرنا كلو تصور .. غايتو ربك يعين ..
وضاحة انتي خلاص الشوق فكاك وقبلتي على نسوان السعودية ,,,
تحياتي : ياسر العيلفون
Post: #26 Title: Re: هع السعودية ادتنا الوش الشين ... نسوان السعودية اكلو نيم Author: شعبان شريف Date: 12-16-2012, 08:06 AM Parent: #25
اه طالما السعودية قطع بحر من السودان زول بيقعدفي السودان مافي وزول بيرجع ليه مافي تب
Post: #27 Title: Re: هع السعودية ادتنا الوش الشين ... نسوان السعودية اكلو نيم Author: أيمن الطيب Date: 12-16-2012, 08:42 AM Parent: #24
سلامات يا دسيس,,
Quote: ما سمعت بي حكاية الزول الجاي السعودية اول مرة بالبحر ومن ختا كراعو في ميناء جدة لقي ليهو ريال واقع قال : اهاااااااااااا من هنا بدينا نلقط هع جاك بلي يا السعودية كمان ما تقول ضهري محني تاني برفع عيني من الواطه
تقرأ مع
Quote: ((اجي يا مدني))
معقولة بس يا عباس!!!
ونكتفى بهذا القدر,,!!
Post: #28 Title: Re: هع السعودية ادتنا الوش الشين ... نسوان السعودية اكلو نيم Author: عمران حسن صالح Date: 12-16-2012, 10:24 AM Parent: #27
Quote: خلوا نسوان السعودية يمشوا ال Gym أحسن من المات والنوم
رغم الوجه الأخدر إلا أن التعليق سخيف .. تحتاجين إلى قليل من التفكير قبل الضغط على أضف رد
Post: #29 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-16-2012, 10:24 AM Parent: #27
Quote: يا وضاحة في واحدة قالت ليكـ نحمد الله معرسات وراقدات فوق بيوتنا .. والله صحي
Quote: مالهم المغاربة ديل حلوين وما عندهم شنكبة حتى الجنسية يدوك ليها تصلي العشاء في الجامع ووراء الجامع بي شارعين تلقى البار
اولا يا امين الواحده لميت فيها وين ثانيا المثل بعيد عنك ...
دكتور طارق جبريل سلامات يا الحبيب حكاية البار وضحكة امين المفقوعه .... مدينة الدويم بلد جوها جميل وناسا حلوين ناقصه البار كان لينا زميل في البنك معانا بضرب السجارة الخضراء زول لذيذ بتاع قفشات خفيفه مثلا اكون واقف بره البنك الراس فيهو سجارة الصباح والجو خريفي مع الغمام الجميل زي القاعد ليك جوه بيوت محميه فجأة الشمس تكشف ازهج بصورة مزعجة وعاين للسماء اناجي ربو ((يا ربنا ما كانت ملقمة كان تخليها شوية)) ... التلقيم للحناكيش هو ما يكون تحت سقف الزنكي لحجب الحراره عادة ما يكون بالقماش او الخشب...... نرجع لي حتة امين ....زميلنا بتاع السطله امو فتحت ليها محل فول كل مرة ارسل السواق اقول ليهو جيب لينا فول من ام فلان (( بتاع السطله زميلنا)) وقت الفطور اقول ليهو يا فلان الفول ده من امك وشغال معاهو طوالي كده يوميا والزملاء في البنك اضحكو الظاهر يوم زهج مني واحنا ماشين علي تربيزة الفطور قال لي عليك الله ما تفتح خشمك جننتني ياخ اتقول امي بتبيع بنقو............ حسي امين ما عندو علاقة بالطشه والبارات لو سمع بالتلفون زول قال بيرة انشاءالله خالي كحول كاااااااااااااك اضحك امين حيرتنا يا وجيه.
Post: #30 Title: Re: هع السعودية ادتنا الوش الشين ... نسوان السعودية اكلو نيم Author: أيمن دياب Date: 12-16-2012, 10:39 AM Parent: #29
الدسيس كيف حالك وعساك بخير يا صاحب.. عندنا واحدة قريبة لينا ومقيمة ليها ستة سبعة سنوات.. زوجها من النوع البحب السودان واللمات والقعاد تحت الشجر.. قال ليها ياخي زهجنا من البلد دي.. يلا نرجع السودان وان شاء الله نفتح لينا دكان.. قالت ليهو بصورة جادة: أمشي براك ياخوي.. أنا من هنا ما طالعة شبر.. ويقام المأتم بالرياض عدييييييييل كده..
Post: #31 Title: Re: هع السعودية ادتنا الوش الشين ... نسوان السعودية اكلو نيم Author: الامين موسى البشاري Date: 12-16-2012, 10:43 AM Parent: #24
سلامااات يا عبس ياخ شايفك رخيت الكرفته هههههههههههههه .. ..
المرفقات: ____ صورة مع التحية للمدام
Quote: كانت امنيتي اتزوج لي واحده سمينة .... والامنيات لا تاتي بالتمني فترة الثانوي وحب المراهقة الله اكرمني بي زولة سمينة الله اقطع الكماسرة بتاعين موقف مدني مشوار توصيل الحبيبه للمواصلات البتستمتع بيهو في الونسة وشغل الود طابق كل ما اشوفوني بصوت واحد ((الدفار حار .. الدفار حار.... الدفارحار)).
Post: #32 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-16-2012, 02:08 PM Parent: #31
Quote: غايتو يا عبس لو طردونا من التعوسية دي اخوك بعد كده ما عندو حل غير الفي بالي بالك
ياسر يا صديق اخبارك يا فنان ياخ الفي بالي قالو المسألة هناك بقت صعبة شديد سيد الساون سيستم والاورغن بكسب اكثر من الفنان عشرة فنانيين بي عشاء اغنو ليك للصباح غير الطلقم بابكر صديق بتاعين نجوم الغد نص الشعب السوداني امتهن الغني والنص التاني باقيهم عجائز وعازفين عن الزواج تصدق المديح قالو عدادو رامي اكثر من الغني ما شايف فيصل الصحافي والجيلي البقلد وردي لو نويت ترجع من حسي احفظ ((الهبرو ملو)). قول ليها ممكن ارجع لو امنتو لي مسقبلي بي نص عمارة خلاس بقيتو اهل وبينكم الجنا
Quote: اعملي حسابك يا وضاحة والدراسة الروسية اثبتت أن نسوان السعودية شرسات وبما انهم بتاوقو هنا احتمال تجيبي ليك حملة مسعورة ............. بالاحمر اضافة مني
الدسيس ياخى نسوان السعودية ديل صاحباتى بطل الفتن
Post: #35 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-17-2012, 06:01 AM Parent: #34
Quote: اه طالما السعودية قطع بحر من السودان زول بيقعدفي السودان مافي وزول بيرجع ليه مافي تب
شعبان سلام ديشششششششك خطير جبتها من الاخر تعرف في ناس هنا الواحد تسألو اها راجع متين اقول ليك انا حجزته في مقابر الناصرية قبر يعني اصرار شديد لاسترجاع الاموال التي سددها نظير الاقامة بان يمتلك شبر من ارض السعودية
Post: #36 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-17-2012, 06:16 AM Parent: #35
أيمن الطيب ... سلام يا وجيه سعيد بتواجدك مع خالص التقدير أيمن دياب .... سلام يا حبيبنا الظروف اصبحت طارده في السودان لا شغل لا معيشه كويسه علي الاقل هنا لو عاطل ماكل ولابس تحمد سيدك واحد كفيلو رفض اجدد ليهو الاقامة عشان ما دفع المعلوم وقال ليهو تاني خروج وعودة مافي ما لم تدفع الزول قال ليهو والقال عايز اسافر منو !!!! وديك يا غطسه من الكفيل خلي ليهو الاقامة ودقش في بلاد الله الواسعه عليك امان الله الكفيل قعد اوسط في السودانيين اجيبو الراجل عشان اجدد ليهو وانقل منو الكفالة ولي حسي بفتش فيهو.
Post: #37 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-17-2012, 06:24 AM Parent: #36
Quote: الدسيس ياخى نسوان السعودية ديل صاحباتى بطل الفتن
والله انتي عثل بالله كيف مجمع فيلاجو والستي سنتر والحياة بلازا واخبار سوق واقف بالكروه
Post: #38 Title: Re: هع السعودية ادتنا الوش الشين ... نسوان السعودية اكلو نيم Author: عباس الدسيس Date: 12-17-2012, 06:43 AM Parent: #37
Post: #39 Title: Re: هع السعودية ادتنا الوش الشين ... نسوان السعودية اكلو نيم Author: ياسر السر Date: 12-17-2012, 11:47 AM Parent: #38
يجازي محنك يا عباس ,, غايتو لو على المديح اخوك ما عندو مشكلة لانو اتربينا جوار مسيد الشيخ ادريس ود الارباب وكنا من رواد الحوليات والليليات وما زال حفظنا ما بطال لكن داير ليهو لزه اكيد .. بس مسالة نص العمارة دي ما عصرنا على الجماعة بيها ... ياخ الضحك داير يشقني يجازي محنك يا عبس ...
