فييرا ينقذ مشجعا هلالياً هدد بالانتحار من برج الاضاءة احتجاجاً ( صور )

كان ذلك مساء امس الاثنين باستاد الهلال

يتواصل غضب جماهير الهلال بعد شطب الثنائي كابتن الفريق هيثم مصطفى وعلاء الدين يوسف، حيث ظلت الجماهير معتصمة ومرابطة بدار النادي والاستاد منذ امس الاول، منددين بسياسة البرير والجهاز الفني وطالبوا برحيل رئيس النادي وغارزيتو وامتد الاحتجاج الى هاشم ملاح الذي حمل خطاب الشطب للاتحاد العام.
وفي خطوة مفاجئة قام أحد المشجعين المهووسين بهيثم مصطفى وعلاء الدين يوسف مرتديا فنيلة تحمل الرقم (8 ) وهو الرقم الذي يحمله الكابتن هيثم مصطفى، وصعد برج الانارة ورفض النزول مهددا بالانتحار، وجرت محاولات كبيرة لاثنائه لينزل من البرج حتى انقذ الموقف اللاعب علاء الدين يوسف الذي جاء وخاطب الجماهير المحتشدة مؤكدا ولاءه للهلال وشاكرا للوقفة الجماهيرية وعرف ان هناك مشجعا صعد الى البرج ورفض النزول فقام علاء الدين بالصعود اليه واقنع المشجع الهلالي وحمله في كتفه حتى انزله الى الارض وبعد ذلك اصطحبه رجال الشرطة والأمن إلى المستشفى وأجريت له فحوصات والتحقق معه .
وكان هذا الموقف قد أثر على جماهير الهلال وسالت الدموع وهتفوا لعلاء الدين ولهيثم مصطفى رغم غيابه، ورد عليهم علاء الدين بالثناء على الجماهير ووقوفهم معهما وقال ان جماهير الهلال وفية، وهذه الوقفة تؤكد حب جماهير الهلال تجاه لاعبيه، ونحن لن ترك الهلال رغم ان رئيس النادي قام بشطبنا كتصفية حسابات ليس الا، ونشكر جماهير الهلال على هذه الوقفة الصلبة القوية، وهذا وحده يكفي.
وعلى صعيد متصل قام أربعة من اعضاء عمومية نادي الهلال هم الصادق المهدي ضرار وميسرة عبد الكريم، التجاني علي حسن، حاتم مكي بتقديم مذكرة طعن للمفوضية والتحكيمية في عدم شرعية مجلس ادارة الهلال، واشاروا في مذكرتهم بان المجلس يديره سبعة اعضاء فقط ولم يوفق اوضاعه، وقالوا ان الاجراءات التي تمت بشطب الثنائي غير صحيحة، وطالبوا المفوضية النظر في الطعن، واستندوا على قرار اللجنة التحكيمية وارفقوا صورة.
وفي ذات المنحى يعقد قدامى لاعبي الهلال اجتماعا مهماً ربما يصدروا بيانا اليوم.
فيما عبر عدد كبير من رواد النادي وبعض قدامى اللاعبين عن استيائهم للقرار الذي اصدره مجلس ادارة الهلال بشطب كابتن الفريق وعلاء الدين يوسف ضاربا بكل المبادرات لاحتواء الازمة عرض الحائط. وطالب ايضا عدد كبير من جماهير الهلال باستقالة احمد آدم وهاشم ملاح ممثل المناشط باعتبارهما من قدامى اللاعبين وكان يجب ان يدافعا عن اللاعبين.
من جهة أخرى اجتاز الثلاثي اساني واسنكارا البوركيني وتراوري الفحوصات الطبية امس توطئة لابداء الرغبة في كشوفات الازرق ويتوقع ان تتم اجراءات تسجيلهم اليوم باتحاد الكرة بعد اخلاء خانات لهم.

والله انا لو من علاء الدين افكو بطوبة اساعدو فى الانتحار بسرعة
عليك الله الناس فى شنو وديل فى شنو

Quote: عليك الله الناس فى شنو وديل فى شنو

ياخي صاحب الخيط ذاتو في شنو؟؟؟؟؟؟؟؟؟؟؟؟؟
أمبارح الناس مالية الشوارع والمياديين مالك ما جبت صورم؟؟؟؟؟؟
الكاميرا كانت محننة والله شنو؟؟؟؟؟؟؟؟؟؟؟؟؟؟
جايب ليك صورة زول من فوق برج الإضاءة؟؟؟؟؟؟؟؟؟؟؟؟؟؟؟؟؟

والله محن ياخ.

ياخي صاحب الخيط ذاتو في شنو؟؟؟؟؟؟؟؟؟؟؟؟؟
أمبارح الناس مالية الشوارع والمياديين مالك ما جبت صورم؟؟؟؟؟؟

الاخ مرتضى عبد الجليل
بحثت فى بروفايلك عن عنوان او تيلفون فوجدته ابيضاً من غير سوء !!!!
يا اخوى المعارضة من وراء كيبورد لا تجد احتراما ..
بعدين الناس البتهتف دى ( فى الصور ) جاية تبيع ترمس ؟؟؟
خروج مظاهرة لا يعنى توقف الحياة .. مافى زول ابى الاكل .. لعب الكورة ما وقف ..
مظاهرة الاحتجاج على شطب الثنائى سدت شارع البلدية ..
بعدين ...
بوست زى ده عندو ناسو اكتر من ناس ساس يسوس ..
كدى راجع عدد قراء البوست بعد ساعتين .

Quote: الاخ مرتضى عبد الجليل بحثت فى بروفايلك عن عنوان او تيلفون فوجدته ابيضاً من غير سوء !!!! يا اخوى المعارضة من وراء كيبورد لا تجد احتراما ..

انور التكينة سلام
يا انور كلامي واضح ,مش انت صحفي والصحفي بقولوا بمثل الضمير الحي لأي أمة؟؟؟
هل نفهم انو اغتيال طلبة في ريعان شبابهم بالطريقة البشعة دي لا يمثل أولوية لك؟ بينما انتحار شاب من اجل شطب لاعب هو الحدث الأكبر في رأيك؟
بعدين انت عايز شنو بي تلفوني وعنواني؟؟ طالما كلامي ليك مفهوم....
لو بتفتكر انو وجود التلفون مهم جداً لإبداء رأي في موضوع ما في المنبر العام انا ما عندي مشكلة ،برسولو ليك في الخاص الكافي شنو؟؟

هل نفهم انو اغتيال طلبة في ريعان شبابهم بالطريقة البشعة دي لا يمثل أولوية لك؟
بينما انتحار شاب من اجل شطب لاعب هو الحدث الأكبر في رأيك؟

و منو القال حدث اصغر او اكبر ؟
و الاولويات علاقتها شنو .. مظاهرة ..و لا حفلة .. و لا ام فتفت ؟

بعدين انت عايز شنو بي تلفوني وعنواني؟؟ طالما كلامي ليك مفهوم....

انت افتكرت عاوز اتصل بيك ؟؟؟ لا خلااااااس الولد مهم ..
انا رجعت بروفايلك عشان اشوف المناضل ده فى احتمال يكون طلع المظاهرة ؟؟

انا ما عندي مشكلة ،برسولو ليك في الخاص الكافي شنو؟؟

لا شكرن .. ما بنستغنى .. ختو فى البروفايل ..

Quote: انت افتكرت عاوز اتصل بيك ؟؟؟ لا خلااااااس الولد مهم .. انا رجعت بروفايلك عشان اشوف المناضل ده فى احتمال يكون طلع المظاهرة ؟؟

والله إنت الوهم ماسكك من راسك لي كرعيك

وعلاقة وجود التلفون شنو بي طلوعي في مظاهرة من عدمو يا ذكي إنت؟؟؟

بعدين إنت أصلا ما مؤهل عشان تقيم نضال اي زول .خليك إنت في جُبنك دا وخلي النضال للرجال.

وعلاقة وجود التلفون شنو بي طلوعي في مظاهرة من عدمو يا ذكي إنت؟؟؟

اعترف بغبائى الشديد لاصرارى على مناقشة نكرة ....

خليك إنت في جُبنك دا وخلي النضال للرجال.

اوعى تكون حاسب نفسك واحد منهم ؟؟؟على الاقل أرجل منك
و عنوانى و تيلفونى فى البروفايل ..
بس اتمنى دى توضح ليك يا غبى العلاقة بين وجود التيلفون و الشجاعة ..

[imghttp://www14.0zz0.com/2012/12/11/09/550679289.jpg[/img]

لا ... و بتكلم في الموبايل كمان!!

فعلا وللاسف الشديد الشعب قلبو مقطوع من الجري ورا معيشته
وناس عطالي وهمانين ...
حسبنا الله ونعم الوكيل

حسبى الله ونعم الوكيل ..هى وينا الكوره البنتحروا من اجلها ؟؟!!
فريق له كم وتمانين سنه ما حقق بطوله خارجيه
عدم الموضوعيه مرض

.

Quote: ا انور كلامي واضح ,مش انت صحفي والصحفي بقولوا بمثل الضمير الحي لأي أمة؟؟؟

طيب دي ما أمة الهلال !!!!! (وجه ضاحك)

والله يا جماعة ما دام هو صحفي فمعاه حق : فالنسبة له هناك الخبر و هناك المقال - فخروج الناس في الشوارع و ترك بيوتهم و أعمالهم للتظاهر - مهما كانت الدوافع تعتبر عنه خبر يستحق النقل

أما المقال فهو الذي مهمته التعليق و التحليل للخبر - فبدلا من الهجوم علي الصحفي الذي لم يصنع الخبر ينبغي كتابة المقالات و التعليقات لتوعية الناس بقضاياهم المصيرية و الرئيسية

و أن هناك من يسعي لصرفهم عنها بإفتعال قضايا إنصرافية مثل هذه

و صرف الجماهير فن تجيده الحكومات سواء كانت ديكتانورية أم ديمقراطية . والأمثلة لا تحصي:

يقال أن الرئيس (عبود أو نميري إختلفت الروايات) كان كلما هم بإصدار قرار يخشي من ردة فعل الشعب عليه نادي وزير الشباب و الرياضة و قال له أعمل لينا مباراة هلال مريخ في اليومين ديل

(وصل الرئيس السابق بوش إلي لندن و قوبل بالهتافات المضادة و المظاهرات في الشوارع مما إضطره للتنقل بالطائرة العمودية داخل المدينة - و عليه و في نفس الوقت قامت قوات من الـ إف بي آي بمداهمة منزل المغني الأشهر مايكل جاكسون و إقتيادة لتوجه له تهمة التحرش الجنسي ... و تتصدر أخباره كل وسائل الإعلام كـ Breaking News لتصرف الناس عن فضيحة بوش)

إنها ليست مسئولية ولا جريمة الصحفي يا شباب. إن شطب لاعبين لهم هذا الرصيد من حب الجماهير في هذا الوقت لهي مؤامرة متشعبة . المستفيدين منها كثرين منهم بعض لاعبين و بعض مدربين و بعض إداريين وبعض رأسمالية يستثمرون أموالهم في مدرجات كرة القدم .... وفوق هؤلاء كلهم يأتي النظام الحاكم كمستفيد أكبر.

الصحفي نقل لكم الخبر كما هو ..... فالغافل ســينفعل به و يشارك في مظاهرات هيثم و العاقل سينفعل به و ينتبه للمؤامرة
.