متهم جديد في حادثة مقتل طلاب جامعة الجزيرة

حتى الان قائمة المتهمين المقدمة من الحكومة وحزب المؤتمر الوطني تشمل :

القضاء والقدر

ترعة النشيشيبة

بعض المحللين الكيزان وعلى صفحاتهم في الفيس بوك اتهم الجبهة الثورية وحركة تحرير السودان (عبد الواحد محمد نور)

رئيس اتحاد طلاب جامعة الجزيرة نحت راسه ورمى بالاتهام في اتجاه سمكة تعرف بالبردة
اي والله البردة وهي لمن لا يعرفها سمكة تطلق صعقة كهربائية تشل حركة الانسان

الزول ده قايلنا ما عمنا في ترع ولا شنو
البردة اي ممكن تكتل ليها زول دي حقيقة وشفناها وكم فقدت القرى على النيل الازرق ابناءها بسبب البردة
لكن معروف انو البردة شحنتها واحدة بتفكها وترقد بعد داك سلطة ومحتاجة زمن واكل عشان تشحن بطاريتها تاني

الزول دا ذكي جداً بالمناسبة ......

تكون السمكة دي برضو تبع إتحاد الطلاب

Quote: تكون السمكة دي برضو تبع إتحاد الطلاب

يا ابو حسين بقول ليك صعقات من البردة ولا صعقة واحدة
كدي عاين ضهري خاتمين فيهو ختم السلخانة الاخدر داك
غايتو بردة الكيزان دي بتكون موصلنها طوالي من الرد بالسد

يا باشمهندس قال ليك لقوهم بي ملابسهم
يعني السمكة دي طلعت ليهم بره و ل رمت ليهم طـُعم علشان تغشهم و إدخلو بي ملابسهم...

ياخ الزول دا ذكي جداً..

انت عارف يا باشكهندس ؟؟؟

امكن برد "الاخوان" بيجي معاهو شاحن ......!!!

يا ابو حسين دي بالضبط روحان الدرب في الموية

Quote: لكن معروف انو البردة شحنتها واحدة بتفكها وترقد بعد داك سلطة ومحتاجة زمن واكل عشان تشحن بطاريتها تاني

دا كلام سليم مية في المية
نحنا ناس بحر ابيض أكتر أهل السودان تضررا من هذه السمكة
وكم قتلت من إخواننا وأهلنا وجيراننا

ومعلومة أخرى كما إننا ناس بحر ابيض برضو ناس جزيرة
وياما عمنا في الترع ولم يحدث أن رأينا سمكة البردة في يوم من الأيام

وهذه صورتها

قد يكون هذا مشروع يبــردون

سلآمات يا هندسة.

يا اخي نحن من نتعلم المشي بيفكونا في البحر، عُمُرنا ما سمعنا
بزول كتلتو بردة !!! الكلآم دا سمعناهو بيتقال زي الأساطير.
يكون في زول غِرِق يقولوا ليك ضربتو بردة. مع إنو ما في زول
كان مبحلق تحت الموية وشافا ضربتو. لكن حكاية نكون عايمين
والوآحد تضربو بردة دي بتحصل، وبتعمل ليك رعشة في الجسم
وتفوت في حالها، وكتير جداً بتقبض في جبابيدنا.

يا اخي دا قانوني واللآ سماكي ؟؟؟

فوق

انتو الزول دة ما عارف انو البرد ما بعيش في الترع ...
ولا قصدو كلمة البرد ..او الصقيع ..امكن برضو فهمنا قدر ما هو متخيل ...

منذ فترة طويلة جداً وأنا أتأمل في عبقرية انيشتاين السوداني صاحب نظرية (الدفاع بالنظر)
ولكنني الآن تلجمني الدهشة تماماً من هذا العبقري الفذ صاحب نظرية (البرده)!

الله المستعان ..

ابوحميد معليش والله من الذهول لمن نسيت القى عليك التحية فلك العتبى ، وأشكرك على هذا البوست الذي كشف لنا مدى انحطاط وقذارة هؤلاء ..
ومدى استخفافهم بعقول الناس ..


تحياتي

لو كانت البردة تعيش في الترع
اذن لمات 90% من أهل الجزيرة
والبقر والغنم والحمير

لأن الترعة هناك مكان شرب واستحمام غالبية سكان الجزيرة خصوصا الأطفال

Quote: وهذه صورتها

ناقصا دِقن بس

وتبقى بردة رسالية في مجموعة سائحون

الأخ محمد وضيوفه الكرام السلام عليكم،
والله قائمة اتهام،
العندو شك في الجريمة حيستيقن!

Quote: لكن معروف انو البردة شحنتها واحدة بتفكها وترقد بعد داك سلطة ومحتاجة زمن واكل عشان تشحن بطاريتها تاني

فات على فطنة الباشمهندس إنو ممكن يكونن أربع بردات بطاطيرن مشحونة فل
بعيدة على الله؟

جشيك ملك

صقر يتجسس ، وجدادة مشاركة فى محاولة إنقلابية وسمكة تقتل طلاب دارفور ! إلاَ يقولوها ليكم عديل يعني أفهموها أنتم شعب حمار !!

مع كامل الإعتذار للشعب

سلام يا باشمهندس

تعديل لإضافة حرف وسلام

هراء

ساعة إرتكاب الجريمة , كان برد الجزيرة يبيع ملابس داخلية في الخرطوم . إسالوا السيدح .

طارق ميرغني يا فنان

Quote: امكن برد "الاخوان" بيجي معاهو شاحن ......!!!

المافي شنو مش المراحيم طلعو مؤتمر وطني
شفت الاستهبال ومحاولة استحمار الشعب الشعب السوداني وصلت لياتو حد
لا احد سلوم اهل هؤلاء الفتية لو اخذوا بثارهم بنفسهم دما بدم

شكرا يا ظلامي
وريتنا بردة ليها شنبات 10 الف فولت

Quote: دا كلام سليم مية في المية نحنا ناس بحر ابيض أكتر أهل السودان تضررا من هذه السمكة وكم قتلت من إخواننا وأهلنا وجيراننا

لكن بردة بتقتل ليها اربعة فد مرة دي لا سمعنا بيها لا كانت

فقيري

Quote: قد يكون هذا مشروع يبــردون

ابدا ده مشروع يستحمرون
اي ان هذا الشعب حمار ولو فكيت عنقريب بخش في القون حقو
ده الفهم الشايفانا بيهو الحكومة

يا ود المدير

Quote: ا اخي نحن من نتعلم المشي بيفكونا في البحر، عُمُرنا ما سمعنا بزول كتلتو بردة !!! الكلآم دا سمعناهو بيتقال زي الأساطير.

الظاهر البرد ده لمان يصلكم بكون كمل كهربتو عندنا قبل المقرن
اعرف كم حادثة غرق بسبب البردة
وانا شخصيا لمست مرة بردة وجربتها (لكن برة الموية هههه)

Quote: الدخول الي مستشفي ود مدني في ظهيرة السبت 8/12/2012 م أمراً جد عسير يحتاج الي حواة ومع ذلك استطعت بمساعدة صديق أن اجتاز الحاجز الامني الرهيب امام باب المستشفي الشمالي (بوابة الانعاش ) دلفنا اثنتينا انا وصديقي الي الداخل وانعطفنا يساراً قبالة (العناية المكثفة ) ثم يميناً مروراً بعنبر الجراحة حريمات حتي وجدنا المشرحة علي بعد خطوات من شجرة جلسنا تحتها ننظر الي تجمع الطلاب الذين بالكاد تجاوز عددهم المائة بقليل معهم عشرات الطالبات وبضع سيدات ، المستشفي محاط بالكامل بقوات الشرطة تجاوز عدد افرادها ال700 ، ابواب المستشفي الخمس محروسة بالداخل بعشرات منهم يحملون الخوزات والعصي اما المشرحة فهي سكنة عسكرية تماماً ، ومع هذا الكم الهائل من قوات الرعب الا أنني عرفت من الطلاب انهم معتصمون من صباح الجمعة أمام المشرحة حراساً ، لم يناموا ولم يتحركوا الا لقضاء امر ما بالتناوب في ذلك مع اخوتهم المعتصمون ، استطيع من مكاني أن ارى الاتي ... سريرين (عنقريبين )أحضرا من السوق لحمل الجثامين الي مثواهما ، اللافتات المرفوعة كتب عليها ( رابطة ابناء دارفور _ شهداء الحق شهداء العلم ) (لا .... للعنصرية ) (موت طالب ... موت أمة ) ساعتها طفر الدمع مرة أخري من العيون الذي لم يتوقف اصلاً الا لاخذ إفادة من أحدهم ، ياللبسالة وياللجسارة تحرسون مشرحة محروسة بهذا الكم الهائل من العساكر المدججون بالاسلحة من صباح الجمعة الي ظهيرة السبت ، البرد والحر والحقارة وغربة الديار تناوبت عليكم تنتاشكم بسهام الموت ، استطعنا الاتصال بطالبة معتصمة فجاءتنا بملامح الحزن التي تبدو علي شخص لم يذق طعم النوم ولا الكل وقد نضب الدمع من المأقي للتو ، سالتها عن مالذي حصل ومالذي يحصل ، حكت فحكت وحكت وكنا صامتين نسمع ، ماهي الا لحظات حتي إقترب موعد تسليم الجثمانين اللذان تتلكاء الشرطة في تسليمهما الي ذويهما ، إلتف الطلاب في أحدهم يخطب أمام المشرحة ، عندما اقتربت عرفت أنه ممثل السلطة الانتقالية بدارفور (الحركة الموقعة إتفاق الدوحة مع الحكومة ) ، بعد أن حمد الله واستغفر قال أن ذلك كان سيحدث باي حال لانها ارادة الله ، آي والله قال هذا ثم مضى ليقول أن المشكلة في أحد بنود إتفاق الدوحة الذي جعل من جملة ( المتضررين والمثاثرين بالحرب ) جملة فضفاضة أوقعت إدارة الجامعة في لبس لم تستطيع معرفة من هم المتاثرين بالحرب بالضبط ... ولكن أن تتخيل كم الهراء الذي سيعقب هذا الحديث وهو في ظني حضر لامتصاص غضب الطلاب فقط لا اكثر ولا اقل ..... بعدها خرجنا من داخل المستشفي انا وصديقي لنري ماذا يحدث في محيط المستشفي ، ارتكبنا خطاء بعفلتنا هذه حيث منعنا من دخول الشارع الشرقي للمستشفي الذي يتجمهر فيه الطلاب والمواطنين بالمئات وقد اغلقت الشرطة الشارع من الشمال والجنوب ، أتجهنا غرب المستشفي عندما علمنا بتحرك موكب التشييع وإتجاهه غرباً ، الالاف مرددة مقتل طالب مقتل الامة .. القصاص .. الرصاص .. وهتافات مدوية وحناجر العبرات تسكنها ... الايادي ملوحة ترتطم ببعضها الشفاة طبشورية والدمع سيل ..... حكومة ولاية الجزيرة والسلطة الانتقالية بدارفور ....... أختطفت الجثامين وشيعتهم ومنعت أولياء الدم ،، الاولى بالقوة والثانية بالتواطؤ والسكوت .... !!! هنالك اثار ضرب عنيف ... بطون الجثمانين ليس بهما نقطة ماء دلالة علي الموت قبل أن تلقى الجثث في ترعة صغيرة ،، هذه إفادات من مصادر طبية لم تكشف عن هويتها لنا خوفاً علي مصيرها هي أيضاً وبالسؤال عن التقرير الطبي لحالة الوفاة جاءنا الرد بان الموت حدث غرقاً ..... الوطن مات أيضاً غرقاً

سلام اخي محمد

يعني افهم انه البرد متهم بالقتل ...

وشايف جايبين صورته فوق ..اها ده نتعرق عليهو كيف جو المويه!!!!

بالنظر برضو؟؟

عليهم لعنة الله

مع كتير تحياتي ودمت عافيه

يا هندسة عرفنا البردة صعقتهم لقت كيبل وين توصل بيه لاربعة اشخاص؟
و طيب مادام بردنا فيه كهرباء قدر ده السدود لزوما شنو واسامة عبد الله
فوق كم؟
وشوف شدة البردة المعارضة دى عرفتهم من دارفور، وعندهم مشكلة مع
ادارة الجماعة فى الرسوم الجامعية..
سبحان الله هسه الزول ده بدون ما يرمش وقف فى نص الصحفيين وكاميرات
القنوات التلفزيونية وقال كلامه ده؟ وبكون متذكر فى علماء وبروفات ودكاترة و
ناس بعقول بسمعوا الكلام ده؟ ان شاء الله قوة عينى، وشجاعتى الادبية...
وتلقى زولك قال ليهم.. وجدتها وجدتها..وجدتها بس ادونى فرصة وبكون الاخوان
قالو ليه الله اكبر ..جزاك الله خير خلصت الحكومة وادارة الجامعة من ورطتها،،،

Quote: لا احد سلوم اهل هؤلاء الفتية لو اخذوا بثارهم بنفسهم دما بدم

ومـن أكبر رأس في حيوانات الإنقاذ !
-----------
تحياتي يا هندسة

Quote: الوطن مات أيضاً غرقاً

مصطفى بشار

شكرا لرفع البوست

احمد عتيق

Quote: انتو الزول دة ما عارف انو البرد ما بعيش في الترع ... ولا قصدو كلمة البرد ..او الصقيع ..امكن برضو فهمنا قدر ما هو متخيل ...

هو عارف لكن قايلنا نحن الما عارفين
حسبنا الله ونعم الوكيل حسبنا الله ونعم الوكيل

محمد عبد الله

Quote: منذ فترة طويلة جداً وأنا أتأمل في عبقرية انيشتاين السوداني صاحب نظرية (الدفاع بالنظر) ولكنني الآن تلجمني الدهشة تماماً من هذا العبقري الفذ صاحب نظرية (البرده)!

الكيزان جهاز ######ان ولن يخرج الا خبثا
الا تكفيك عبقرية قياداتهم التي حاولت ان ترمي فعل قصف الطائرات الى غلطة عامل لحام في منتصف الليل
لا تكفيك لتعرف ان من كان هذا شأن قياديه ان يكون شان الاقل الا يخرج إلا (ظرات في بلاط)
وربنا يسلمك وتحايا لك

يا ظلامي

Quote: و كانت البردة تعيش في الترع اذن لمات 90% من أهل الجزيرة والبقر والغنم والحمير

هوي نحن بتكتلنا البلهارسيا بس

حمد

Quote: ناقصا دِقن بس وتبقى بردة رسالية في مجموعة سائحون

طبعا ما تستبعد ان ان تسمى البردة الرسالية التي قضت على اعداء الامة

استاذنا صلاح فقير
وعليكم السلام

Quote: العندو شك في الجريمة حيستيقن!

يكاد المريب يقول خذوني

Quote: ساعة إرتكاب الجريمة , كان برد الجزيرة يبيع ملابس داخلية في الخرطوم . إسالوا السيدح

لقد قابلت السيدح في بيت الفنون في فطور رمضان ..وبما أنني من أهل العوض - ناس الجزيرة - الذي وصفهم السيدح بأنهم هم من هجروا الزراعة وذهبوا لمضايقته في الخرطوم ببيع الملابس النسائية - ولكن يبدو عليه رجل طيب المعشر ولربما حالة إنطباعية سادت ثم بادت ..او لتواجده في الاغتراب قد كون لديه فكرة مغايرة ...ولكن النفرة الزراعية وغيرها لم تفلح في زراعة المشروع وقد أعلن هذا العام أنه لا زراعة بسبب قلة الماء!!