عـطـاء لـتـوريّـد رئـيـس جـمـهـوريّـة ...

يسر إدارة القصر الجمهوري بالخرطوم أن تقوم بطرح عطاء لتوريد
عدد وآحد رئيس جمهورية.
علي الراغبين في التقديم للعطاء تقديم طلباتهم لإدارة القصر الجمهوري
في مُدة لا تقل عن شهرين من تاريخ إعلآن العطاء.
رقم العطاء 000034

مواصفات العطاء وشروطه:
أن لا يقل عُمر الرئيس عن 30 سنة، ولا يزيد علي 45 سنة.
الفيوزات بتاعتو لآزم تكون حارقة تش.
فيوز الهزاز لآزم يكون بحالة جيّدة تساعد علي الرقص لأكبر فترة ممكنة.
يكون خبير في أنواع جلود الكدايس.
يكون كذآب، يكذب ويتحرى الكذب.
يجيد الحلف بالطلآق، مثني وثلآث ورباع.
يكون ظالم، يعترف بالظُلم ولا يتركه.
يجيد الألفاظ الشوارعية، مثل تحت جزمتي وما شاكلها.
مِزواج. حريص علي تطبيق الكتاب والسُنّة في مسألة الزواج فقط.
دمو شربات.

تسليم البضاعة للقصر الجمهوري مباشرة.
تقدم العروض في مغلف مقفل حسب الأصول مسجلاً عليها اسم المورد، عنوانه، رقم العطاء وموضوعه .

العندنا دا مُدتو إنتهت.
يعني بِقى زي كوز الصلصة المدتو منتهية، الصلصة
جواهو مخمرة ومصوفنة، ولا يصح إستعماله. أصبح
مانه الكوشة.
لآزم نشوف وآحد من الرف صالح للإستعمال.

هنالك همس في أوساط الحكومة لإيجاد كوز بديل.
الحاصل شنو؟؟؟؟؟؟؟؟؟؟

الزول دا عمليهو كم مشوار للسعودية ورجع.
الجماعة فجخو التيران وتردوا النيران وقالوا
الزول رجع زي ما كان.
ردمونا بكمية صور من القيادة للسيد الرئيس،
ما عرفنا فيها حاجة غير إنو يقدِل في الكاكي
وما قادر يكاكي، بل كان فيما يبدو يكثر من
اللعب بالتلفون...

خُلو منصب رئيس الجمهورية بسبب المرض الذي جعله غير
قادر علي اداء مهامه خلق بلبلة في وسط الحزب الحاكم ادت
إلي زعزعة في داخل المجموعة تمخضت عنها محاولة
إنقلآب أحدثت فوضى في داخل البلد إنتهت بجريمة قتل
أدت إلي إنفلآت الشارع.

لماذا تكتم الحزب الحاكم علي مرض الرئيس الذي
فيما يبدو جعله فاقد للأهلية طوآل هذه المدة، ولم
يقم بإعلآن خلو منصب الرئيس، ويقوم بتطبيق
الدستور ؟؟؟

الرئيس كما عهدنا به، في الفارغة والمليانة ينتِر وينهر
مِتل اللسد، وينطط ويرقص مِتِل حمل الخريف، فأين
هو الآن ؟؟؟

الحكاية ما حكاية مناضلة بمرض الرئيس، بقدر ما هي
خُلو منصب الرئيس منذ فترة علي ما يبدو أدى للحاصل
في الساحة الآن.

إنشقاق في صفوف الحزب، ومحاولة إنقلآبية من الداخل.
إشتراك بعض عناصر موالية للحزب من داخل القوات المسلحة
في المحاولة.
الرئيس لم يحرّك ساكناً !!!
الزول دا منتهي. الناس ديل ليه ما دآيرين يعلنوا ذلك ؟؟؟!!!

يبدو من الواضح جداً أنّ الرئيس أصبح غير قادر
علي أداء مهامه، فلم التستر ؟؟؟

إقتيال طلبة في جامعة الجزيرة ادى إلي إندلآع مظاهرات في بعض
مُدن السودان، وفي العاصمة المثلثة.
إنفراط في الأمن.
بدآية إنحياز من السلطات الأمنية للشعب.

الرئيس وين ؟؟؟
ما معروف !!!


معقولة يا أهلنا ؟؟؟...

يامعاوية

كيفنك يا خي ؟؟

ما صعبتها شديد لكن..

اليومين ديل الكيزان معدومة نفاخ النار..

عندنا برطمانية دايرين ندخل بيها في العطا ده.. تنفع.. ولا نشرب شاي؟

تحياتي

Quote: أفادت مصادر مطلعة أن حالة الهلع بلغت ذروتها وسط المجموعة الحاكمة بعد رفض أعداد كبيرة من عناصر الشرطة والأجهزة الأمنية والشرطة فض التظاهرات الحاشدة التي جابت شوارع الخرطوم وعددا من مدن الولايات اليوم .. وقالت المصادر أن الفريق عبد الرحيم محمد حسين يقوم بتصفية مصالحه وبيع ممتلكاته بشكل مفاجيء وسريع وقالت المصادر أيضا أن تظاهرات اليوم وتداعياتها قد باغتت أهل النظام وهم في أوج التناحر مشيرة إلى مشاداة تحولت إلى اشتباك بالأيدي بين 2 من كبار القادة الإنقاذيين في اجتماع صاخب داخل مجلس الوزراء .. إلى ذلك نشر ناشطون على الانترنت أن وزير الداخلية أصدر قرارا بوقف قبول استقالات عناصر الشرطة إثر تصاعد وتيرتها خلال ساعات هذا اليوم .

أين سعادة رئيس الجمهورية ؟؟؟

البلد ماشة أُمفكو.
الزول دا وين ؟؟؟
منو الحاينط فيها ؟؟؟
الناس مشغولين بالمظاهرات. يا ربي منو الحايظهر
في وسط المعمعة دي ؟؟؟

الجماعة خلآس إتلحسو.
والله صحي...

Quote: يامعاوية كيفنك يا خي ؟؟ ما صعبتها شديد لكن.. اليومين ديل الكيزان معدومة نفاخ النار.. عندنا برطمانية دايرين ندخل بيها في العطا ده.. تنفع.. ولا نشرب شاي؟ تحياتي

سلآمات يا المنصوري.
أخبارك واهلنا ؟؟؟
الصعوبة في إنو تاني ما بيتلقي زول تُحفة زي دا.
دحين أشرب شاهيك بمزآج، واللآ أدخل ببرطمانيتك
دي ختة في الحِلة.
معدومين نفاخ النار كيفِن عاد ؟؟؟ من يومُن ما كانوايعملوا حسابهم.
أكانوا قايلنوا خالداً فيها ابدا يعني ؟؟؟!

لك الله يا بلد
الخوف من البديل يكون من الجماعه نفسهم
و. كأنك يا بو زيد ما غزيت

ود المدير تحياتي

Quote: لك الله يا بلد الخوف من البديل يكون من الجماعه نفسهم و. كأنك يا بو زيد ما غزيت ود المدير تحياتي

سلآمات يا عصام.
إستعجال البديل وآجب عليهم في هذا الظرف لسد الفجوة. المدارآة ودس مرض
الرئيس الذي حال بينه والقيام بمهامه سيزيد الطين بِلة، ولو إنو الحكاية يبدو
إنها مرقت من اليد ومن الصعب تاني تتلحق.


مودتي...